|
|
|
 Re: الـرجـــــــالـة (Re: هشام آدم)
|
أخي هشام
تحياتي
لماذا لا يكون موضوعك الانوثة كنت محتاج أسمع رأيك في أنوثة بنات بلدنا والانوثة كبعد أخر المبدع دوما في حوجة اليها ؟ والله دا موضوع مهم لماذا لا نطرحه للنقاش أمكن يكون فيه شيء من الترف الفكري ليكن شيء جديد يعيد لنا أيامنا الجميلة اللي كانا فيها بنفكر في الانثي من نطرة محددة جدا
المهم أستمر مع الرجولة أيها البعل
| |
 
|
|
|
|
|
|
|
|
Re: الـرجـــــــالـة (Re: زهير عثمان حمد)
|
| Quote: لماذا لا يكون موضوعك الانوثة كنت محتاج أسمع رأيك في أنوثة بنات بلدنا والانوثة كبعد أخر المبدع دوما في حوجة اليها ؟ والله دا موضوع مهم لماذا لا نطرحه للنقاش أمكن يكون فيه شيء من الترف الفكري ليكن شيء جديد يعيد لنا أيامنا الجميلة اللي كانا فيها بنفكر في الانثي من نطرة محددة جدا |
أخوي زهير عثمان حامد
الأنوثة كقيمة؟ الفهم الذي عمل على الارتقاء بالرجولة إلى مصاف القيمية الموجبة، هو نفسه الذي هبط بالأنوثة إلى قاع القيمية السالبة. فعندما نُمجّد الكرم، فإن هذا ضمنياً وتلقائياً يعني تبخيس البخل والشُح. لأن صراع النقائض يعني تنافر النتائج على الدوام. تظل كل هذه القيم في تصارع مستمر لأن معايير الأخلاق متغيّرة باستمرار كذلك. ولكن؛ ولماذا لا نطرح موضوع الأنوثة للنقاش فعلاً؟ أعتقد أنها ستكون فرصة مناسبة لتغطية هذا الموضوع بكل مفيد.
أشكرك يا عزيزي
| |
|
|
|
|
|
|
|
|
|
Re: الـرجـــــــالـة (Re: هشام آدم)
|
تذهب العديد من النظريات في علم الإنثربيولوجيا الاجتماعية إلى حدوث ثورة تم عن طريقها انتقال السُلطة من المرأة إلى الرجل، واستشهدوا في ذلك بالعديد من الشواهد الأسطورية والقصائد الفلكلورية وغيرها، ومنها أسطورة النساء الأمازونيات المقاتلات كما في الميثيولوجيا الإغريقية، ومن تشعّبت النظريات حول صراع الحضارات وصراع الأجيال وغيره، وهي كلها بلا استثناء تذهب إلى القول بأن الانتقال من جيل إلى جيل، أو من حضارة إلى أخرى، أو من عصر إلى آخر لا يتم إلا عبر صراع ثوري دموي، والأرجح أن هذا الانتقال لا يكون في الغالب دموياً وإنما يتم بشكل تسويات تدريجية بمعنى أن مفهوم الثورة ليس بالضرورة أن يكون دموياً. شاهدنا في هذا الكلام أنّ السُلطة انتقلت من المرأة إلى الرجل، وأن الرجل حاول بالتالي أن ينسب كل المُنجزات الإنسانية إلى نفسه، ومنها اللغة نفسها. ولنُركز على "الرجالة" وكيف ولماذا تمت إعادة قولبتها لتشمل معانٍ ومدلولات قيمية.
إنّ الناظر لاستخدامات كلمة "رجالة" ومشتقاتها في الدراجية السودانية يجد أنها متناقضة بشكل بيّن، ولكنها متفقة من حيث استحواذها على قيمية المدلول والنهايات. فهي تأتي للدلالة على قيمية أخلاقية إيجابية كالصدق فنجد البعض يقولون: "عيب دا كلام رُجال" محتوياً على معانٍ أخلاقية كريمة منها الصدق والوفاء وقطعية الإخبار والتقرير، وفي المقابل فإننا نجد تعبير "كلام نسوان" محتوياً على معانٍ أخلاقية غير كريمة منها اللغط، والنميمة، وعدم المصداقية، فكلام النسوان لا يُمكن الاعتماد عليه، أو الوثوق به. ومن الغريب أن تستخدم بعض الإناث هذا التعبير فيما بينهن ليظهر لنا كيف أنّ ثقافة العصر الذكوري طغت حتى أصبحت متعدية من الرجال على النساء كذلك.
كما أننا نجد أنّ هنالك العديد من المعاني الأخلاقية التي تم إدراجها أو إقحامها عنوة داخل لفظة "رجالة" وأصبحت مرتبطة به بالضرورة، فعندما نقول أنّ فلان "راجل" فهذا يعني أنه شخص تتوافر فيه مجموعة من الصفات الأخلاقية والقيمية بالضرورة، ورغم ذلك فإننا نُضطر إلى إضافة قيمة أخلاقية على كلمة "راجل" لتجعلنا نُقر من جديد بأن كلمة "راجل" لم تزل معلّبة في معناها اللغوي بعد، فنقول: "فلان راجل ضكران" فضكران هنا هي المعادل القيمي للراجل والرجالة، ووردها هنا أعاد المعاني اللغوي للفظة "راجل" ونزعت عنه معانيه القيمية.
ومن التناقضات أنّ لفظة "رجالة" قد تأتي في سياقات أخلاقية سالبة، فهي قد تأتي للدلالة على الظلم والجور والاستبداد:
• ليه ما داير تعمل كده؟
• راجلة
فهي مقابل طبيعي للظلم والاستبداد والهيمنة، وهذه الصفات السالبة في الحقيقة هي صفات موجبة في الثقافة السودانية، إذ أنّ الاستبداد والهيمنة تنطوي على "القوة" والقوة صفة موجبة، ومن هنا يحدث التناقض البيّن في دلالات مفردة "رجالة"
| |
|
|
|
|
|
|
|
|
|
Re: الـرجـــــــالـة (Re: هشام آدم)
|
كما أنّ لفظ "راجل" لا تأتي للدلالة على فعل قيمي كذلك، فنجدنا نقول "ده راجل باطل" في مقابل "الراجل الضكران" و "الباطل" هنا ينسف الصفات القيمية للراجل ولكن دون أنّ ينتزع عنه صفاته الجسدية والفسيولوجية والبيولوجية الأصيلة، فهو راجل، ولكنه باطل. هذا يدفعنا إلى السؤال (كأصحاب ثقافة) عن فهمنا للرجال إذا كانت تتحرك وتنتقل من معانٍ لغوية إلى قيمية صعوداً وهبوطاً
من الواضح أنّ لفظة "رجالة" لا تعتمد على أيّ بُعد فسيولوجي أو بيولوجي، وإنما هو طغيان البُعد الثقافي. وهو ذات الأمر الذي تمّ تحميل على مضان "الأنوثة" في تعبيرها عن الرقة والضعف، ولذا فإننا نميل إلى وصف الإناث اللواتي لا يندرج تحت هذه المضان بأنهن "رُجال" أو "مسترجلات" وهو اسم مفعول من "رُجال" على وزن "مستفعل" ومنها كذلك:
أسد = مستأسد
شرقي = مستشرق
والمعنى واضح في كل ما سبق، فالمستفعل من الشيء هو المتشبّه به دون أن تكون صفة المشبهة به أصيلة فيه. فالمستأسد ليس أسداً، ولكنه متشبه به، والمستشرق ليس شرقياً، ولكنه متشبه بهم، وهكذا. ولكن تظل قيمة التعلّق بهذه الصفة هي مثار سؤال حقيقي.
في تراثنا المحكي نسمع عن "المرة أخت الرُجال" و "المرة الضكرانة" و "المرة المسترجلة" و "المرة ولا دستة رُجال"(1) الأمر الذي يُحيلنا إلى سؤال: من الذي جعل "الرجالة" مقياس قيمي: المرأة أم الرجل؟
__________
(1) من قصائد محجوب شريف:
وطن فيه إنسانة أبسط ما يقال
لو صاح أعزّ من النساوين الرُجال
أنثى ولا دستة رُجال
تمشي وما بتطاطي
ما بين بير وشاطي
تطلع عالي واطي
نهارا مع السواقي
وليلا مع الطواقي
وعمرها للجُهال
| |
|
|
|
|
|
|
|
|
|
Re: الـرجـــــــالـة (Re: هشام آدم)
|
حبيبنا هشام
قالوا الرجال مواقف والمواقف تصنع الرجال لكن يامنقة شايف ال Parking بتاعك تعبان عشان كده كل يوم بتلاقي العربية بتاعتك مصدومة لوووووووووووووووووول يكه
تحياتي
زاتووووو
| |
|
|
|
|
|
|
|
|
|
Re: الـرجـــــــالـة (Re: ALZOLZATOO)
|
Quote: قالوا الرجال مواقف والمواقف تصنع الرجال لكن يامنقة شايف ال Parking بتاعك تعبان عشان كده كل يوم بتلاقي العربية بتاعتك مصدومة لوووووووووووووووووول يكه
|
ههههههههههههههههههههههههههههههههههه
الزول زاااااتو يا حبة
بديت اشك فيك وحا اراجع السطوح كل نص ساعة شكلك بتركب الفيل من السطوح وتجي نازل سودانيز
| |
|
|
|
|
|
|
|
|
|
Re: الـرجـــــــالـة (Re: HAIDER ALZAIN)
|
حبيبنا حيدر
ياخ زول وصل السطوح تاني يركب فيل لي شنو مش الفيل ده الناس بيركبوهوا عشان يحسوا نفسهم اعلى ناس
بعدين الفيل زاتووو طلعوهو السطوح كيف ماشايف المصعد مكتوب فيهو 80 كيلو جرام اقصى حمولة
لكن ممكن سبعة رجال من بتاعين هشام ادم ده يشيلوا الفيل ويطلعوا بيهو بالسلم
مش الرجالة خشم بيوت .
مهداة لك اغنية رحلة بين طيات السحاب وحدنا انت وانا
تحياتي
زاتوووو
| |
|
|
|
|
|
|
|
|
|
Re: الـرجـــــــالـة (Re: ALZOLZATOO)
|
ALZOLZATOO
&
HAIDER ALZAIN
إنتو اتلمّيتو الاتنين؟ معناتو أقنع من البوست ده
بي أساميكم الكابيتل البتضرّس دي
التقول في زول مغالطكم
الزول زاتو، والله أنا من زمان شاكي فيك
| |
|
|
|
|
|
|
|
|
|
Re: الـرجـــــــالـة (Re: ALZOLZATOO)
|
| Quote: ماشايف المصعد مكتوب فيهو 80 كيلو جرام اقصى حمولة |
والله يازاااتو دا براهو فيل 80 كيلو بس ..!! دا مصعد والا مصيدة فئران
ياخي كان الزول الفي الطابق التاني ( اااي اب بدلة كنكولية ) لي هسع يناهد في السلم ههههههه
** ولو كره هشام ادم وقال البوست وما ادراك .. هسع رمية الزول الفي المواقف دي بتجي بالساهل دي عاوزة تعب .. لف .. وتفتيت .. وتلقيط .. بعدين صعود ونزول
هنيئاً لك يا زااتو والله
| |
|
|
|
|
|
|
|
|
|
Re: الـرجـــــــالـة (Re: هشام آدم)
|
| Quote: أصلو وكت البوست طرشق |
الطرشقوا شنو ؟
او بالاصح هو موضوعو شنو ؟!
هسع يا هشام ادم مقوم نفسك عشان الرجالة هي شنو وليه او مقابلها وما ادراك نقة كتييييرة وكمان جابت ليها عبدو وزان ..!
غايتو انا العلي سويتو وصححت نسياني الفوق .. اما قصة الرجالة وما ادراك انا بعتقد وجازماً حازماً انه الدنيا بسيطة وماشة بمنتهي البساطة والاريحية والصواب والخطا والحق والباطل والراجل والمرأة والانثي والذكر والحي والجماد والبحر والشجر دا كلووو معروف بالفطرة والسليقة كدة داخل الانسان وفي فطرته بيعرف الصاح من الخطأ ( الاثم ما حاك في النفس .... )
اها شفت الفلاسفة والمثقفين بيجو يعقدوا الدنيا بجنس حديثك دا ونضميهم السمح وانا بتعامل معاهم من مبدأ ( ان من البيان لسحرا ) وحتي سحر البيان بخت تحته خط ( ويتعلمون ما يفرقون بيه بين المرء وزوجه ) ههههه
شفت كيف ؟
| |
|
|
|
|
|
|
|
|
|
Re: الـرجـــــــالـة (Re: HAIDER ALZAIN)
|
حبيبنا هشام
معليش فتلنا ليك البوست بتاعك لكن مشكلتك انت بتجي مدردق ونحن مرضانين كورة مابنفوتك ساكت
حبيبنا حيدر يبدو اني غلطت في الحمولة فهي ثمانية اشخاص وليس 80 كيلو
واصل ياحبيبنا هشام
تحياتي
زاتووووو
| |
|
|
|
|
|
|
|
|
|
Re: الـرجـــــــالـة (Re: ALZOLZATOO)
|
ايوة يا ززاتو يا حبيبنا 8 اشخاص و600 كيلو يعني النفر 75 وسبعين وبالطريقة دي مفروض العمارة كلها تجك معانا من بكرة لووووول
| Quote: معليش فتلنا ليك البوست بتاعك لكن مشكلتك انت بتجي مدردق ونحن مرضانين كورة مابنفوتك ساكت |
يازول يادوب نحن بنقعد ليهو في البوست خاصة بعد الباركنج الانت وقفتو ليهو قدام دا ههههههه
ووالله باركنك دا فيهو جنس شغل لهشام لانه حمال اوجه في المواقف زاااتها يعني مواقف الرجال دي ممكن توقف ترلا وممكن توقف ( آفيو ) اها الآفيو دي وقت تتدقش وصدامها ينكسر مش مفروض نشوف العيب في المواقف والا في العربية والا في السواق زاااتو .. ؟
| |
|
|
|
|
|
|
|
|
|
Re: الـرجـــــــالـة (Re: هشام آدم)
|
انت بالله غير الاستلاب الثقافي دا بخليك مختلف معاي شنو :
هسع لو سمعت كلام حميّد ما كان اخير ليك من باب حجارة السد العالي :)
أسمع كليمة يا عشاي وأغلى الحكم عند الضجر ..
انا قلبي كلو عليك جناي وقلب جناي على حجر ..
والله مُش لو كان نهر لو كالني بسيطان بقر ..
مادام عقيل الجن سدر ما اظنو من عندك حضر ..
بذاتو أبوي تلقاهو قام فاتح كتابو مع الفجر ..
يقرأ يرتل في كلام ما بفهمو الناس الكفر ..
امانة ماهو راجل واقعي .. !!
| |
|
|
|
|
|
|
|
|
|
Re: الـرجـــــــالـة (Re: HAIDER ALZAIN)
|
| Quote: انت بالله غير الاستلاب الثقافي دا بخليك مختلف معاي شنو |
هو يا حيدر الزين بعد (الشهادة العربية) في استلاب ثقافي كمان ولا شنو؟
أمانة ما عوجة!
| |
|
|
|
|
|
|
|
|
|
Re: الـرجـــــــالـة (Re: هشام آدم)
|
انتو الثلاثة
وبالاخص هشام وحيدر سمعت تحت تحت كدة انو ابو سامى حيرفع قضية تجاهل ويمكن يدعمها بحاجات تانية
اموت وتانى احيا واموت اعرف ابو سامى دة ( وش بعد الموت يبدوا عليه تعاطف مع ابو سامى)
| |
|
|
|
|
|
|
|
|
|
Re: الـرجـــــــالـة (Re: حامد محمد حامد)
|
نرجع للرجالة والرجولة
فى كتابه عن ازمة رجالة يقول الكاتب المصرى ايهاب عبد السلام
الرجولة ...الا تستغل قوتك وضعف الاخرين , وغناك وفقر الاخرين, ولا ذكاءك وبساطة الاخرين, بل الرجولة ان تعامل كل هؤلاء وكانك مسئول عنهم
الرجولة....ان تعمل فى صمت وادب والا تشتغل بالامور التافهة والا تقبل ان تكون ذليلا لاحدوالا تتنازل عن القمة والمقدمة فى شى
ونحن اناس لا توسط عندنا.....لنا الصدر دون العالمين او القبر
تهون علينا فى المعالى نفوسنا.....ومن يخطب الحسناء لم يغلها المهر
الرجولة...ان تعفو وتسامح وتحب وانت قادر على الانتقام والكراهية
الرجولة.....ان يحبك اهلك ويسعد بك جارك ويطمئن اليك صديقك
الرجولة...الا تفعل كل ماتحب والا تهجر كل ما تكره
| |
|
|
|
|
|
|
|
|
|
Re: الـرجـــــــالـة (Re: حامد محمد حامد)
|
Quote: الرجولة ...الا تستغل قوتك وضعف الاخرين , وغناك وفقر الاخرين, ولا ذكاءك وبساطة الاخرين, بل الرجولة ان تعامل كل هؤلاء وكانك مسئول عنهم
الرجولة....ان تعمل فى صمت وادب والا تشتغل بالامور التافهة والا تقبل ان تكون ذليلا لاحدوالا تتنازل عن القمة والمقدمة فى شى
ونحن اناس لا توسط عندنا.....لنا الصدر دون العالمين او القبر
تهون علينا فى المعالى نفوسنا.....ومن يخطب الحسناء لم يغلها المهر
الرجولة...ان تعفو وتسامح وتحب وانت قادر على الانتقام والكراهية
الرجولة.....ان يحبك اهلك ويسعد بك جارك ويطمئن اليك صديقك
الرجولة...الا تفعل كل ماتحب والا تهجر كل ما تكره |
أخوي حامد محمد حامد
أها الكلام الفوق دهي اهو البنتكلّم فيهو من قبيل. يعني كيف وليه "الرجولة" دي ممكن تُعتبر "قيمة أخلاقية إيجابية"؟ وهل هذا يعني أنّ معكوس الرجولة "الأنوثة" يعني معكوس القيمة الأخلاقية الإيجابية دي؟
وبالمناسبة، أبو سامي ده ما شخص إنسان، وإنما قيمة أخلاقية برضو :)
| |
|
|
|
|
|
|
|
|
 Re: الـرجـــــــالـة (Re: هشام آدم)
|
| Quote: معليش فتلنا ليك البوست بتاعك لكن مشكلتك انت بتجي مدردق ونحن مرضانين كورة مابنفوتك ساكت |
ما تفتلو كيف إذا بتركبوا الأفيال فى الهواء الطلق!!!
تفتلو وتفتلنا نحن زاتنا معاهو!!!
الفيلة ركوب الجن,,,
ياخ ما تخلونا نقرأ ياخ,,,
| |
|
|
|
|
|
|
|
|
|
Re: الـرجـــــــالـة (Re: هشام آدم)
|
| Quote: وبالمناسبة، أبو سامي ده ما شخص إنسان، وإنما قيمة أخلاقية برضو :) |
صباحك زى الفل
عرفته خلاص وانا غبى ...!!
مرة فى واحد مصرى كان زعلان من واحد وبيحكى عنه بكل حرقة وقال ( دة ما بيسواش فلس فى سوق الرجالة)
كن بخير
| |
|
|
|
|
|
|
|
|
|
Re: الـرجـــــــالـة (Re: حامد محمد حامد)
|
يا حامد ياخوي ....
عليك الله وريني سيم "الفيل" ده شنو؟
ياخ أنا بليد بلادة في الحاجات دي
أيمن الطيّب
القراية طارت ليك، والكتابة طارت لينا :)
use close-up for better smile
ههههههههه
| |
|
|
|
|
|
|
|
|
|
Re: الـرجـــــــالـة (Re: هشام آدم)
|
هشام
ياخى ما قلت بطلت المتاوقة ,اللى بيوديك هناك شنو تانى
ياخى لقيت ليك حيدر الزين منزل عرضحال قوم نفسى ولهذا قفلت راجعا ( معبرة قفلت دى )
سؤالك ما فهمته بس انا بعرف سن الفيل بيصنعوا منه العاج ( ابو عاج اخوى.....ما عارف شنو كدة)
وتقبل تحيات ابو سامى
| |
|
|
|
|
|
|
|
|
|
Re: الـرجـــــــالـة (Re: هشام آدم)
|
هشام
ياخى ما قلت بطلت المتاوقة ,اللى بيوديك هناك شنو تانى
ياخى لقيت ليك حيدر الزين منزل عرضحال قوم نفسى ولهذا قفلت راجعا ( معبرة قفلت دى )
سؤالك ما فهمته بس انا بعرف سن الفيل بيصنعوا منه العاج ( ابو عاج اخوى.....ما عارف شنو كدة)
وتقبل تحيات ابو سامى
| |
|
|
|
|
|
|
|
|
|
Re: الـرجـــــــالـة (Re: حامد محمد حامد)
|
حامد ياخوي
كيف البيوديني أتاوق شنو؟ إنتا ما سمعتَ بحب الاستشمار ولا كيف يعني؟
وبعدين عن الفيل وما أدراك ما الفيل، شايف ليك الجماعة ناس حيدر الزين
والزول زاتو شابكننا الفيل الفيل، قلتا الشغلة دي أكيد فيها إنّ وقلت
احتمال عندك فكرة الناس ديل بيتكلّموا عن شنو بالضبط
| |
|
|
|
|
|
|
|
|
|
Re: الـرجـــــــالـة (Re: هشام آدم)
|
العزيز هشام
عبده وازن زميل في جمعية حماية التراث العربي وكذلك صديق لأصدقاء مشتركين المهم هو لا يعرف شخصك الا من خلال روايتك الاخير وأنت أحد المشريحين في مشروع 39 وأمكن كان الحديث في قهوة الصحفيين هنا في بيروت لكين أنا متابع ولو أي جديد ح أخطرك فور ا
رائع بوستك أستمر ياصديق
| |
|
|
|
|
|
|
|
|
|
Re: الـرجـــــــالـة (Re: زهير عثمان حمد)
|
العزيز: زهير عثمان حامد
أنا أيضاً لا أعرف الرجل معرفة شخصية، غير أنني أقرأ بعض المقالات هنا وهناك عبر بعض المواقع الأدبية الإلكترونية. على العموم الكلام عن نتائج مسابقة بيروت39 سابق لأوانه الآن، ومن الجيّد أنهم قاموا بتمديد مهلة استلام الإصدارات للكُتّاب حتى أواخر شهر تموز/يوليو القادم (حسب إفادة الأستاذ: صموئيل شمعون) متيحين بذلك الفرصة لمشاركة أكبر عدد ممكن من الكُتّاب، فإعلام المسابقة لم يكن جيداً كفاية على ما يبدو
وأنسى موضوع البوست، لأنو رايح في حق الله :)
| |
|
|
|
|
|
|
| |
هشام آدم
زهير عثمان حمد
ALZOLZATOO
HAIDER ALZAIN
حامد محمد حامد
أيمن الطيب
فيس بوك
تويتر
انستقرام
يوتيوب
بنتيريست