|
دعواتكم لزميلنا المفكر د.الباقر العفيف بالشفاء العاجل
|
|
 Re: غلط كبير يا فاطمة و غلط اكبر يا الحزب الشيوعى .... محاولة استعدال المشهد والاسئلة (Re: esam gabralla)
|
عافي منك يا ود جبر الله
هم قايلنو ما حق الجبهة الاسلامية !!!؟
كلهم مُش قصدي السيدة / فاطمة كلهم
قايلين شنو ؟؟ قايلين بيخشوا وبيلقي
الكيزان ما كيزان !!!
والا قايلين انو هم ممكن يقبلو شي
ويرفضوا شي تاني !!!
واهو الحاصل انو قدر البيرفضوهو
بي هنا الكيزان بيمرروهو بالتكتل
بي هناك والضايعين منو!!! ؟ مُش
الجماهير القالوا خشوا عشانها
ناسنا وجماعتنا ديل ؟!!!
ثم تانياً مافي زول بقدر يقول فاطمة
مامظلومة لكن كمان طالما الناس رضت
وادت مسمي البرلمان الكرتوني ده اسم
برلمان يبقي خلاص في ضوابط وقوانين
لازم الناس تتبعه كاسأس واخلاق متعارف
عليها .
الدغري والعديل هو انو كل البيحصل ده
بربقندا وضياع تخطيط وضياع خارطة طريق
واقعه فيها قوانا السياسية الكسيحة و
عاجزة دى .
| |
 
|
|
|
|
|
|
|
|
Re: غلط كبير يا فاطمة و غلط اكبر يا الحزب الشيوعى .... محاولة استعدال المشهد والاسئلة (Re: esam gabralla)
|
سلام يا سفيان
ايوه ده المقصود
المقصود كلهم ... الوافقو على كده .. موش الممثلين/ات بس ..
الناس الاصلا قدمو الفكرة وبررو ليها و دافعو عنها و صوتو ليها ...
وحتى الناس الوقفو ضدها و صوتو ضدها لكن ما فازو لان "الاغلبية" مع الفكرة ...
ياتو اغلبية دى في حزب "كل" قاعدته او 99% منها ضد القرار ده؟
تانى يجى زول يقول الديمقراطية المركزية "ديمقراطية" ...
انا القرار ده ما بمثلنى و لا اتشاورت فيهو و لا ملتزم بيهو ... و لانو قرار يعنى الكثير جدا و قمة لاخطاء و تنازلات و سقطات سابقة ما لم ياتى معبر حقيقة عن راى الغالبية .. لا الزام ....
لاحقا
| |
|
|
|
|
|
|
|
|
|
Re: غلط كبير يا فاطمة و غلط اكبر يا الحزب الشيوعى .... محاولة استعدال المشهد والاسئلة (Re: esam gabralla)
|
عصام سلامات..
معاك مية مية في غلطتهم في المشاركة وفي الإستمرار والنفخ في القربة المقطوعة..
لكن مع فاطمة تشيل حقها من قاتل راجلها حتى ولو كان مين.. وما مع الحزب بتاعها الإعتذر بس عشان شكله قدام العالم..
بوستك ده ذكرني بنكتة حلوة طوالي في بالي: وهي عن زول معرفة كان ضابط في الجيش، وكان بيشتغل في مكان مطرًف من بلدنا (لا جنوب لا غرب لا شرق لا شمال يا جماعة ).. كان عنده طباخ ما بيعرف يطبخ.. يوم زولنا ده مشى السوق وجاب مكرونة. وأداها للطباخ عشان يعملها ليه.. قووم يا الطباخ أعمل دمعة مكرونة.. وطبخها زيها زي اي خضار.. لما الراجل جا يتغدى.. فوجئ بطبيخ المكرونة.. قام رفع المعقلة وقال ليها: تستاهلي يا المكرونة.. إنتي زاتك الجابك هنا شنو.. إن شا الله بكرة يلايقوكي ويفركوكي
دمت
| |
|
|
|
|
|
|
|
|
|
Re: غلط كبير يا فاطمة و غلط اكبر يا الحزب الشيوعى .... محاولة استعدال المشهد والاسئلة (Re: esam gabralla)
|
سلام يا جمع
نرجع لى تفاصيل دخول ح.ش. للمجلس الوطنى ده بعدين, شايف موقف فاطمة الاخير ماخد تركيز .. و عامل "لخبطة"
- انا مع حق كل انسان/ة في السعى لاخد حقوقه والاقتصاص ممن اجرم في حقه امام قضاء عادل و مستقل في ظل دولة المؤسسات والقانون.
- موقف فاطمة الاخير لا يمكن النظر اليه بمعزل عن مجمل مواقفها الدرامية السابقة, رغم محاولات البعض ايجاد تبريرات لها بظروفها او انها كبرت او او، تظل فاطمة في نظرى انسان عاقل و بكامل رشده و تعرف جيدا ماذا تفعل. و بوضوح كلما اقامت دراما ما اجدنى اتساءل عن دوافعها الشخصية لهذا الفعل. تكفي دراما تنحيها او استقالتها من كافة المناصب والمواقع والتى احتفي بها الناس و نهزرنى البعض لتشكيكي في ذلك لكن اثبتت الايام انها لم تتنحى او تستقيل من اى موقع و لن تفعل ابدا.
- في الحزب الشيوعى: اذا استخدمنا مصطلحات يمين ويسار لتوصيف التيارات داخله سنجد فاطمة "صارت" دوما في اقصي يمينه في كل القضايا.
- موضوع ابوالقاسم: حاجتين مهمات , هل ننظر لها كقضية مقتل الشهيد القائد النقابي العمالى والشيوعى الشفيع احمد الشيخ في ظل صراع سياسي ولمواقف كل الاطراف في هذا الصراع، او كقضية مقتل "المرحوم" الشفيع احمد الشيخ , سافهم لو اتى هذا الانفعال لو اتى من شخص مر بتجربة شبيهة سواء يوليو 71 او شهداء رمضان او غيرهم و "واجه او فوجئ" باحد القتلة امامه .. حتى لو قتل هذا المعنى ساتفهم ذلك ...قد ارفضه لكن ساتفهمه.... لكن:
- تقبل الجلوس في مجلس كل اعضاءه من تنظيم الجبهة الاسلامية متهمين بدماء عشرات الاشخاص واعنى مسئولية مباشرة ربما بقتلهم او تعذيبهم او الاشراف عليه او تنفيذه , او مسئولية سياسية بدءا بالتخطيط للانقلاب وتنفيذه و كل تبعاته.
- اذا كنا نتحدث عن موقف مبدئي من مثل هذه الانتهاكات لا فرق اذا بين دماء الشفيع و التاية و ضباط رمضان ... لا فرق, ما هو التبرير السياسي او الاخلاقي الذى يجعل رفض ابوالقاسم "مقبول" و "قلدة" البشير في الصورة الشهيرة مبلوع؟ البشير شخصيا مسئول مباشرة عن كل نقطة دم سالت بعد يونيو 89 ...... لا فرق بين الرايتين ...
- لماذا الان؟ لو ان فاطمة طيلة هذه السنوات ظلت تلاحق بكل الاشكال قتلة الشهيد الشفيع لقلنا "مواصلة في المشوار"..
- من لا يعلم ان ابوالقاسم يجلس داخل مجلس الخديعة و الذل ده؟
للفرحانين بالموقف:
هل وصل بنا حال عدم وجود ما يفرح في سياسة السجم السودانية و حالة الهزائم الدائمة ان نبتهج حتى لانتصارات وهمية هى في الحقيقة تاكيد للهزيمة نفسها؟
كنت سانضم لكم لو انها اخرجت سلاحها و قصفت ابوالقاشم و بعض اشباهه..... او ربما انضممت لها... لانه فعل حقيقي ...
ربما لو فعلنا ذلك منذ زمن طويل .... لما اتانا المجلس الوطنى و لا ابوالقاسم و لما تضرع نميري عااااادى كده في الشارع ....
و لما ........
ربما ....
انا افضل هذه الاوهام العادلة على الاوهام الخائبة ... لو اصبحت الخيارات بين وهم و وهم....
ساعود لباقي القضايا لاحقا ...........
| |
|
|
|
|
|
|
|
|
|
Re: غلط كبير يا فاطمة و غلط اكبر يا الحزب الشيوعى .... محاولة استعدال المشهد والاسئلة (Re: esam gabralla)
|
مودتي الخالصة ياصديقى عصام،،،،
أسفي عميق لأن الحزب وضع الأستاذة فاطمة وهي من هي في هذا الموقف المحزن بموافقته على المشاركة في هذه المؤسسة المسخ أولا وبإختياره لها لتمثله وتجلس في مؤسسة خربة كهذه مع قاتل زوجها الشهيد الشفيع ثانيا، دون مراعاة لمشاعر إنسانية وطبيعية للغاية قد تنتابها وهي فيها محقة.
أسفي أكبر على دخول المشاركة في البرلمان المزعوم السيرة الذاتية لهذه المرأة المناضلة والرائدة وهي خسارة لايمكن أن تعوض لأنها ترتبط بسمعة صاحب الدعوة وشعبنا لايفرق بين أي دعوة ومن يدعو إليها.
قد لاأتفق مع سلوك الأستاذة الذي سمح لأعدائها بالنيل منها حينما تصرفت برد فعل مباشر وعفوي مفهوم الدوافع، لأنني كنت أفضل أن تكون إستجابتها إستقالة مسببة من برلمان القتلة وتجار الدين، الذي كرس الدولة الدينية في شمال الوطن، مقرونة بإعتذار واضح لشعبناعن مشاركتها فيه إبتداءٌٌ.
أتفق معك في أن الخطأ الرئيس هو مشاركة الحزب في هذا البرلمان المزعوم ومكابرته بالإستمرار في الخطأ برغم أن غالبية أعضاء الحزب الذين نعرفهم ضده!!! منذ زمن وأنا أقول أن تقديم المركزية علي الديمقراطية أو تأخيرها لايغير من طبيعة الأمر في شئ ألبتة لأن العلاقة بينهما ليست حاصل جمع أو طرح أو تقديم وتأخير بل تكمن في قانون وحدة وصراع الأضداد وهو قانون الحركة في الماركسية. هذه الوحدة والصراع آلية عملها أساسه عضوية التنظيم التي تدير هذا الصراع بين المركزية والديمقراطية وهنا مربط الفرس. إذ أن الإصلاح يعتمد على البناء التنظيمي وتأهيل الكادر القادر على إبتداع قواعد تؤسس للديمقراطية وتدير الصراع مع المركزية وبدون ذلك لن يفيد التقديم والتأخير وتحبير الأوراق ولا حتى قرارات من المؤتمر الخامس المنتظر (على وزن المهدي المنتظر) حتى وإن أحالت الحزب لحزب ليبرالي أو لغت المركز.
أكرر حزني وأسفي وأدعو الإستاذة فاطمة لأن تتقدم بإستقالة مسببة من هذا المسخ المشوه المسمى زورا وبهتانا برلمان تشتمل على نقد ذاتي واضح لمشاركتها في المقام الأول.
| |
|
|
|
|
|
|
|
|
|
Re: غلط كبير يا فاطمة و غلط اكبر يا الحزب الشيوعى .... محاولة استعدال المشهد والاسئلة (Re: أحمد عثمان عمر)
|
مرضة السياسة -بطبيعتها- منافية للمنطق..
وأبعد ما يكون لمصلحة الدولة وشعبها..
لا يوجد هناك من قدّم للبلد شئ.. غير الكلام.. ومزيد من الكلام..
يمينيا كان أم يساري.. طائفي أو غيره..
الآيديولوجية -بطبيعتها- تسعى لتخليد إتجاه ما..
وهذا غالبا منفصل عن مصلحة الدولة..
الشعارات.. شعارات..
مهما علا الصوت.. أو كبر بنط الكتابة..
لا فائدة ترجى من ديناصوراتنا بغض النظر عن ألوانهم..
السودان تور وقع..
وكترت سكاكينه.. لمختلف الأسباب والمصالح..
__
سلام عصام وضيوفك..
تساؤلاتك في محلها..
أديني خبر بالله .. إن كانت الإجابة غير ما كتبت..
| |
|
|
|
|
|
|
|
|
|
Re: غلط كبير يا فاطمة و غلط اكبر يا الحزب الشيوعى .... محاولة استعدال المشهد والاسئلة (Re: نجوان)
|
سلام للجميع
عبدالكريم
| Quote: ووين المكاسب الاتحققت للجماهير الباسمهم قاعدين يقوموا ويقعدوا |
ده السؤال المهم، الرفض لدخول المجلس الوطنى مش رفض مطلق, عارفين انو لازم تكون في تنازلات تتقدم هنا و هناك، لكن في مقابل شنو ده الموضوع، ما هو العائد حتى اللحظة من هذه المشاركة؟ مش صفر بل بالسالب لانها اعطت شرعية ولو جزئية لاشياء لا شرعية لها،
سلام
نجوان
سلام
Quote: تساؤلاتك في محلها..
أديني خبر بالله .. إن كانت الإجابة غير ما كتبت.. |
كلامك الفوق اتفق مع بعض منه واختلف مع اخر....
غض النظر عن الاتفاق والاختلاف، الحل شنو؟ اعنى الحل للناس العاوزة تعمل حاجة، اصلا الزول القنع من خيرا فيها و زحا بعيد ـ وده حق مشروع حتى لو اختلفت معاهو ـ ده حسم زول امرو. اها دى الاحزاب الموجودة و ده وضع البلد هل في حل غير اننا نعافر كل حسب قدرته و كل حسب ما هو شايف لو من داخل حزبو او يكون حزب او منظمة جديدة او كافراد و مجموعات... انا ما شايف حل غير واحد من الاتنين ديل: تعافر او تخلى القصة كلها ...
سلام
| |
|
|
|
|
|
|
|
|
|
Re: غلط كبير يا فاطمة و غلط اكبر يا الحزب الشيوعى .... محاولة استعدال المشهد والاسئلة (Re: Abdel Aati)
|
| Quote: ربما لو فعلنا ذلك منذ زمن طويل .... لما اتانا المجلس الوطنى و لا ابوالقاسم و لما تضرع نميري عااااادى كده في الشارع .... |
Dear Isam
Greetings to you and your guests. I sincerely identify with your above quote: mistakes in strategy took place ages ago. without justice no readdress and normality can ever take place.If a criminal walks the street day in and day out the victims either give up or sell out to buy peace of mind and have a "normal" life. It is clear that the scene is now divided betwen those who gave up and those who sold out by joining the INGAZ institutions. To me the strongest opposition to the INGAZ (version 2) in Sudan now is lead by Hassan Elturabi-imagine X
In this context I see what Fatima did as a side show in a country without justice, within organizations that failed to protect its own memebers, and victims that no one cares about. Naturally some people will try to take the low in their own hands but I wish , as you said, weapons of mass destruction were used in the parliament instead of the shouting match that took place
Best wishes to you and family
Adil
| |
|
|
|
|
|
|
|
|
|
Re: غلط كبير يا فاطمة و غلط اكبر يا الحزب الشيوعى .... محاولة استعدال المشهد والاسئلة (Re: Adil Isaac)
|
سلام
العوض , خالد
كلام صحيح
عادل
اهو ممكن بالمفاكرة و "الرواقة" نلقي درب جديد،
طلال
هات ما عندك من اسئلة و كلام مهم ...
عادل اسحق
كلامك صاح، والفكرة ليست انتقام بل محاسبة. في جنوب افريقيا اثناء وبعد تفكيك الابارتايد قادة التغيير في ال ANC وحلفاءهم تجاوزوا فكرة الانتقام البائسة و جلسوا مع خصومهم رغم كل المرارت والبشاعة التمت ضد الغالبية من شعبهم و ضدهم لانهم اولا كانو همهم الهدف الاسمى وهو انهاء الابارتايد . وبرضو لم يتخلو عن مبدا المحاسبة وان اوجدوا ليها صيغ مختلفة زى لجنة القس توتو للمصالحة والمكاشفة. عندنا بالعكس كل المكاسب تحصلت عليها الجبهة في مقابل هامش ضئيل للكلام لمعارضيها او الاخرين، و كل ما اسسته و بنته الجبهة من قوانين قمعية واجهزة و فساد ...الخ قائم و مستمر.... شنو المكسب من المشاركة؟
| |
|
|
|
|
|
|
|
|
|
Re: غلط كبير يا فاطمة و غلط اكبر يا الحزب الشيوعى .... محاولة استعدال المشهد والاسئلة (Re: أحمد عثمان عمر)
|
سلام احمد
ياخى شنو الانقطاعة دى؟ معقول كل الحاصل ده وتكتفي بالسطيرات البخيلة القصيرة مرة مرة؟
اسمح لى اختلف معاك في كم حاجة واردة في مكتوبك:
Quote: أسفي عميق لأن الحزب وضع الأستاذة فاطمة وهي من هي في هذا الموقف المحزن بموافقته على المشاركة في هذه المؤسسة المسخ أولا وبإختياره لها لتمثله وتجلس في مؤسسة خربة كهذه مع قاتل زوجها الشهيد الشفيع ثانيا، دون مراعاة لمشاعر إنسانية وطبيعية للغاية قد تنتابها وهي فيها محقة.
أسفي أكبر على دخول المشاركة في البرلمان المزعوم السيرة الذاتية لهذه المرأة المناضلة والرائدة وهي خسارة لايمكن أن تعوض لأنها ترتبط بسمعة صاحب الدعوة وشعبنا لايفرق بين أي دعوة ومن يدعو إليها. |
- الحزب وضع نفسه في هذا الوضع المحزن، لكنه لم يضع الاستاذة فاطمة او غيرها فيه ،بمامكانها ان ترفض لو كان هذا موقفها, انا اعلم انها سعت و اصرت انها تشارك و هى الشخص الوحيد في من تم اختيارهم اعترض عليه عدد كبير من اعضاء الحزب و لعلك تذكر الرسالة تلك بخصوصها.
- القول بانها اكتشفت فجاة وجود ابوالقاسم غير صحيح، كل متابع عارف الامر ده. حتى لو قبلنا بهذا الاكتشاف و هو غير مفاجئ هناك اساليب و وسائل اكثر فعالية و نبلا لاعلان موقفها مثل ما ذكرت انت.التبرير المتواصل ليس فقط في هذه القضية بل في اخرى ايضا اضر بنا كثيرا، وسيضر اكثر لو واصلنا فيه
- السؤال التالى: ماذا ستفعل الان؟ هل ستواصل في المجلس بوجود ابوالقاسم و بقية القتلة ام ستعود "عاااادى" بعد انتهاء الايقاف؟؟؟
| Quote: أتفق معك في أن الخطأ الرئيس هو مشاركة الحزب في هذا البرلمان المزعوم ومكابرته بالإستمرار في الخطأ برغم أن غالبية أعضاء الحزب الذين نعرفهم ضده!!! |
يا احمد انا ما سمعت و لا قريت عن زول واحد موافق على القرار ده، حتى الناس الحاولو يلقو ليهو تبريرات عجزو عن ذلك و توقفو, طيب عمن تعبر القيادة؟ واين "تحسس و تلمس" مزاج الجماهير والاعضاء؟ وين راحت قرون استشعار الحزب الكانت بتلقط مثل هذه الاشياء زى السحر؟. والرفض ليس رفض مطلق لانو بشروط تانية و تحولات حقيقية ممكن الناس تشارك هنا او هناك.
| Quote: منذ زمن وأنا أقول أن تقديم المركزية علي الديمقراطية أو تأخيرها لايغير من طبيعة الأمر في شئ ألبتة لأن العلاقة بينهما ليست حاصل جمع أو طرح أو تقديم وتأخير بل تكمن في قانون وحدة وصراع الأضداد وهو قانون الحركة في الماركسية. هذه الوحدة والصراع آلية عملها أساسه عضوية التنظيم التي تدير هذا الصراع بين المركزية والديمقراطية وهنا مربط الفرس. إذ أن الإصلاح يعتمد على البناء التنظيمي وتأهيل الكادر القادر على إبتداع قواعد تؤسس للديمقراطية وتدير الصراع مع المركزية وبدون ذلك لن يفيد التقديم والتأخير وتحبير الأوراق ولا حتى قرارات من المؤتمر الخامس المنتظر (على وزن المهدي المنتظر) حتى وإن أحالت الحزب لحزب ليبرالي أو لغت المركز. |
- ده نقاش يحتاج لبراح اكبر. انا لا اعنى تقديم او تاخير مركزية و ديمقراطية، انما اعنى النصوص الصريحة التى تتعارض حسب اعتقادى مع الديمقراطية تماما، مثال النص : خضوع الهيئات الدنيا للهيئات العليا، في ظل وجود نص كهذا لايمكن الحديث عن ديمقراطية داخل تنظيم ما. نص يصلح لجيش او لتنظيم عسكرى لا لتنظيم سياسي ديمقراطى. و هو ما اتاح لفرد/افراد ان يتحكموا في دول و مصائر شعوب. معظم مؤسسات الدنيا دى عندها مركز واحد فريق كورة،جمعية تعاونية احزاب شركات الخ، الاستثناء هو اللامركزية او تعدد المراكز. الدعوة ليست لتعدد المراكز في الحزب او تحويله لنادى فوضوى، بل لتنظيم ديمقراطى حقيقي و دى نتحاور فيها في مكان تانى. اكتب الايام دى في حاجة ذات صلة ساخطرك حال فراغى منها او نشر جزء .
سلام لك ومنال والعيال والاصدقاء طرفك
| |
|
|
|
|
|
|
|
|
|
Re: غلط كبير يا فاطمة و غلط اكبر يا الحزب الشيوعى .... محاولة استعدال المشهد والاسئلة (Re: esam gabralla)
|
انا القرار ده ما بمثلنى و لا اتشاورت فيهو و لا ملتزم بيهو| Quote: Çæ ÇáÊÓæì ßÑíÊ Ýí ÇáÞÑÖ ÊáÞÇ Ýí ÌáÏÇ |
عصام جبرالله
دخول الحزب للبرلمان ده كلنا مع معاهو . خطأ يشبه لحد كبير دخوله
المجلس المركزي بتاع عبود وجماعته . قبل كل حاجة يجب النظر في المبررات
التي ساقها الحزب لدخوله هذا البرلمان الكاذب المليان بالقتلة والحرامية
وهلم جرا زي ما بقول الصادق المهدي ..
يقول الحزب ما معناهو إنو داير رأيو يصل للجماهير .. وفي هذا لن يقاطع
مؤسسات السلطة ولا حاجة . بناء علي هذا فإنه يعتبر أي رأي يدعو للإنسحاب
والمقاطعة رأيا عدمي لا بودي ولا بجيب شئ لتطور الحركة الجماهيرية في وجهة
الإمساك بالعشرة علي قضاياها الأساسية !!!!!!
لكن ده تبرير لا يصمد قدام حقائق كتيرة :
1- هل للبرلمان ده تغطية إعلامية واسعة وأمينة من الأجهزة الإعلامية
بتاعت الدولة عشان يسمع المواطن ويشوف الحزب ده بقول في شنو ورأيو
شنو . ? ولا أري مبرر للمذكور أعلاه إذا كان الحزب يقصد بالجماهير أعضاء
المجلس الوطني الموقرين !
2- إذا كان رأي الحزب يمكن إيصاله بالبيان والجريدة وركن النقاش والندوات
المقفولة والمفتوحة والونسة اليومية في بيوت الأفراح والأتراح .. فالداعي
شنو البخلي إمشي يبحث عن درب مقفول لا يسمعه فيه أحدا سوي قتلة وحرامية
يضحكون مليء أشداقهم علي حزب واقع في فخ نصب ليعطي الخارجين عن كل شرعية
شرعية واللاديمقراطيين مسحة ديمقراطية تقيهم حر مطالبات ( الغرب ) الكاذب
بديمقراطية تشبه بتاعتو شبه الخالق الناطق بلا أي حقوق إقتصادية ول
إجتماعية للجماهير .
3- ياخي تاني إذا كان الحزب ده زاتو في نقده لتجربة دخوله المجلس المركزي
قال وفي أكتر من مناسبة إنو ما راع المزاج بتاع الجماهير وقتها . السؤال
أسع البسو فيهو ده ما فيهو مراعاة لمزاج الناس برضو الزهجو من تخريب
الإسلاميين الكذبة للبلد والحياة .. الناس ديل يا عصام لو لمو في عينة
ناس أبو القاسم والكيزان بياكلوهم بي عضمهم ..
....
أما الكلام أعلاه الذي كتبته علي طريقة أخونا علي لا يعجبني
كأن علي الحزب أن يكون أثينيا فيأخذ رأي عضويته واحد ورا التاني
فيكون ديمقراطيا . أو كأن أراء الحزب يجب أن يكون عليها إجماع مطلق !
وتفسيري لأخطاء الحزب الكبيرة .. اليومية هي محاولته للتخلي عن كل
ما يمت للماركسية بصلة .
لك ودي
أبوعبيدة
| |
|
|
|
|
|
|
|
|
|
Re: غلط كبير يا فاطمة و غلط اكبر يا الحزب الشيوعى .... محاولة استعدال المشهد والاسئلة (Re: esam gabralla)
|
Quote: ياتو اغلبية دى في حزب "كل" قاعدته او 99% منها ضد القرار ده؟
تانى يجى زول يقول الديمقراطية المركزية "ديمقراطية" ...
انا القرار ده ما بمثلنى و لا اتشاورت فيهو و لا ملتزم بيهو ... و لانو قرار يعنى الكثير جدا و قمة لاخطاء و تنازلات و سقطات سابقة ما لم ياتى معبر حقيقة عن راى الغالبية .. لا الزام ....
|
موقف شجاع و أصيل منك يا عصام جبرالله..
و يا ريت يتبناه بقية (الزملاء) معاك هنا، بالأخص الذين عندما يحتد خلافهم مع أخرين في هذا المنبر يجدون أنفسهم (شعوريا أو لا شعوريا) في موقف المدافع عن هذا الوجود في البرلمان و السعي للتبرير له.
عندما يقول كل منا لحزبه عندما يخطئ هذا خطاء بدون مكابرة و بصوت مسموع و يسعي لمناهضة هذا الخطاء سيكون العائد إيجابي في طريق الممارسة التنظيمية والتجربة الديموقراطية.
أما فاطمة أحمد ابراهيم فقد أخطاءت في تصرفها ليس لانه خطاء في أصله، بل لانه لا يستقيم الظل و العود اعوج، فمن كانت تتوقع أن تجد في مثل هذا الشكل الهلامي المسمي البرلمان؟؟ فإن لم يكن ابوالقاسم فهناك الكثيرين غيره ممن تلطخت اياديهم بدماء الابرياء و موجودين معها تحت هذه القبة!!
| |
|
|
|
|
|
|
|
|
|
Re: غلط كبير يا فاطمة و غلط اكبر يا الحزب الشيوعى .... محاولة استعدال المشهد والاسئلة (Re: Basheer abusalif)
|
عصام جبر الله سلام
| Quote: بعدين, شايف موقف فاطمة الاخير ماخد تركيز .. و عامل "لخبطة" |
بصراحة يا عصام دخول فاطمة أحمد إبرهيم للبرلمان سبب لخبطة وألم تقريبآ بإجماع لكل أفراد المجتمع السودانى بما فيهم الكيزان .
فاطمة أحمد إبرهيم تاريخ منفصل من الحزب الشيوعى منذ الاستقلال . وإرتباط إسمها بالشفيع زادها لمعانآ وبريق فلايوجد عليها مأخذ شخصى أو نضالى مهما إختلفنا معهم فى الأيدلوجيات .
موقف فاطمة جدد الأمل ونكش الغضب فى كل الإتجاهات
وأصبح مخرجآ بكرامة لكل الذين دفنوا .
إنها فرصة تاريخية لهم إن لم يستغلوها لدفنوا لى الأبد
التحية للمناضلة فاطمة أحمد إبراهيم
إذا توالى تصرفها على نفس المنوال والموقف ستصير أنديراالسودان
ولكن أجد العقوبة المعلنة (التوقيف عدة جلسات) دفن لها ولتاريخها
أتمنى أن تفطن لذلك
تحياتى
| |
|
|
|
|
|
|
|
|
|
Re: غلط كبير يا فاطمة و غلط اكبر يا الحزب الشيوعى .... محاولة استعدال المشهد والاسئلة (Re: esam gabralla)
|
Quote: للفرحانين بالموقف:
هل وصل بنا حال عدم وجود ما يفرح في سياسة السجم السودانية و حالة الهزائم الدائمة ان نبتهج حتى لانتصارات وهمية هى في الحقيقة تاكيد للهزيمة نفسها؟
كنت سانضم لكم لو انها اخرجت سلاحها و قصفت ابوالقاشم و بعض اشباهه..... او ربما انضممت لها... لانه فعل حقيقي ...
ربما لو فعلنا ذلك منذ زمن طويل .... لما اتانا المجلس الوطنى و لا ابوالقاسم و لما تضرع نميري عااااادى كده في الشارع ....
و لما ........
ربما ....
انا افضل هذه الاوهام العادلة على الاوهام الخائبة ... لو اصبحت الخيارات بين وهم و وهم.... |
هذا أغرب تعليق يمر على..!!
ربما على عصام جبر الله أن يصحو من ماأسماه باوهامه العادله والخائبه,
فأم أحمد إمرأة مجالده,
ولكنها ليست بقبيل من المافيا..
تريث ياود جبر الله
| |
|
|
|
|
|
|
|
|
|
Re: غلط كبير يا فاطمة و غلط اكبر يا الحزب الشيوعى .... محاولة استعدال المشهد والاسئلة (Re: esam gabralla)
|
عزيزي عصام لك كل الود،،،،
دعني أراجع معك بعض مارددت به علي وأختلف معك مجددا فيمايلي:
1. مازلت أرى أن المسئولية في المقام الأول يتحملها الحزب ، فلولا أن الحزب قرر الدخول لهذا البرلمان المسخ لما كان من الممكن أن تدخله الأستاذة/ فاطمة.
2. ليس لدي معلومات إذا كانت هي من طلب تمثيل الحزب أم أن الحزب هو من إختارها ولكن في كل الأحوال هي أمام الجميع ممثل للحزب ولاأظن أنها لوت زراع الحزب أو قسرته على ترشيحها.
3. وفقا لما أعلمه أن أعضاء الجنة المركزية ملزمون بتنفيذ قرارات الحزب مالم يكن هنالك عائق يمنعهم ولا يعتبر تبني وجهة نظر مغايرة سببامقبولا للإمتناع عن التنفيذ، وحسبما يرشح من أقوال لاأعول عليها أن بعض ممثلي الحزب بالمجلس نفسه يرغبون في الإنسحاب.
4.إذا كانت الأستاذة/ فاطمة قد قبلت الترشيح دون مناقشة ناهيك عن أن تكون قد سعت إليه فهي مخطئة ولابد أن يشتمل إعتذارها لشعبها نقدا لهذا الموقف.
5.سبق أن إنتقدت مشاركة الحزب علنا في البوست الذي نقلت عبره رأي العزيزة أمال وأوضحت أن الخطأ الرئيس هو مشاركة الحزب والخطأ الرديف والتابع هو إختيار غير موفق لممثليه، لذلك أصر على تحميل الحزب المسئولية حتى ولو أن الأستاذة سعت للمشاركة بإعتبار أن الحزب أعطاها الغطاء للمشاركة ولاضير في أن ترى بأنها أنسب من غيرها رغم إختلافي معها ومع من رشحها في ذلك.
6.على عكسك أنا قابلت أعضاء بالحزب يدافعون بإستماتة عن المشاركة في البرلمان المسخ وعن وهم التحول الديمقراطي بكم هائل من الرطانة النظرية التي لاتصمد لثانية واحدة أمام نقاش منطقي وعلمي ووقائعي، ولا أظنهم هم أنفسهم مقتنعون بمايقولون.
7.في كل الأحوال الخطأ يظل مشتركا بين الأستاذة والحزب طالما أنها تعلم طبيعة تركيبة هذه المؤسسة المسخ التي شوهت تاريخها وتاريخ الحزب، ولكن مسئولية الحزب أكبر بإعتبار أنه من المفترض أن يكون تحليله وقراراته أفضل من قرارات الأفراد هذا بالطبع في حال وجود قيادة جماعية!أرجو ألا يفهم من كلامي هذا أن مسئولية الأستاذة بسيطة لأنها جسيمة بمستوى جعلني أطالبها بالإستقالة وكتابة نقد جماهيري والإعتذار لشعبنا.
أنتظر بلهفة مساهمتك قيد الإعداد وأوقف السجال والنقاش حول المركزية الديمقراطية لحين إستلامها وحتى لاينحرف البوست عن مساره.
سلام للأسرة الصغيرة والكبيرة فردا فردا.
| |
|
|
|
|
|
|
| |
سفيان بشير نابرى
Raja
lana mahdi
هشام آدم
Abdel Aati
Adam Omer
Mohamed E. Seliaman
عبدالكريم الامين احمد
أحمد عثمان عمر
نجوان
Elawad Eltayeb
طلال عفيفي
Abuobaida Elmahi
ابنوس
رأفت ميلاد
Atif Makkawi
الجيلى أحمد
فيس بوك
تويتر
انستقرام
يوتيوب
بنتيريست