دعواتكم لزميلنا المفكر د.الباقر العفيف بالشفاء العاجل
|
|
 راس سنة السجم والرماد
|
غايتو اتمنى ده يكون قعر الفاتت,اصلها كانت شوم ونحس ,لكن لو الجديده باديه كده..بس نتحزم ونتلزم
الحاصل:من بداية الاسبوع نسقنا مجموعه من الاصدقاء واسرهم لقضاء امسيه لطيفه,وتم تجهيز كل شئ,انا شغال عادى زى الحصان لحدى يوم 31,فى نص نص اليوم بديت احس بصداع,كضبت الشينه وبديت اطمن فى روحى,بعد شويه بدت الام فى الضهر,يا جماعه ده هزار ولا جد,سريع سريع اديتا حبوب وشايات...زى الساعه اربعه بقيت بتلولح براي,يا ود يا ذكى اديها نومه خفيفه كده تصحى مفرفش و تشوف الحاصل شنو...فعلا دخلت السرير زى اربعه والرقده الياها....حمى وعرق ....
عارف الشمات كتار بمختلف دوافعهم..الجايات اكتر
المهم كل سنه و انتو طيبين,اعتذر لكل من اتصل او اتامأل او تمسمج
شكرآ لحاتم و روكينا على الامسيه الضائعه
للاهل....عام اقل احزان
للاصدقاء...حقول محبه و ورده
ولكم جميعا العافيه والتوفيق
انا راجع السرير
مكى: يا اخوى البشوف مصايب الناس تهون عليهو مصيبتو ,بعد ما قريت بوستك قلت بركه الوقفت على النزله ,كفاره والجاتك فى حبيبتك سامحتك
|
|
 
|
|
|
|
|
|
|
|
Re: راس سنة السجم والرماد (Re: esam gabralla)
|
راويه كل سنه وانتى طيبه,انا كنت فى قصه تانيه
نتكلم فى الايام الجايه,رسلى لى رقمك
ابا يزيد ليك الامنيات طن,واضح انكم استمتعتوا ابا كشف حالكم..تنفعكم
حنينه والله لوزك مأدبه و مربيه البتعرف تجى متين و تمشى متين,ما قلتى لى زى دى بشتروها من وين؟؟ امنيات بالاجمل
رجاء البهجه...شكرآ ليك..ولكل الناس افراح اكثر واحزان اقل,انا ما مزعلانى قعدة البيت,مزعلينى الخواجات المسميين المرض ده flu يا زوله دى الملاريا ذاتا الا الناس ديل خجلانين يقولوها,زيدي عليها القحه و المخاخيت (مع الاعتذار) والمغالط يسأل دكتور سجيمان
 الاخ اسعد كتر خيرك على السؤال وان شاء الله الجايات اعوام اجمل لك و للجميع,الشقى بقي يا اخوى,او زى ما بقولو "الشفوت" فى السودان..الدبايب لا تموت سريعآ دى اسأل منها ملاسي صاحبك
محب الله يسلمك و لو ما اخاف الكضب انا كان طاير لى صحن فول زى ده...يا راجل عاوز ترجعنا السرير تانى المره دى ارتفاع نبض الحنين وانفجار شرايين الاشتياق 
تسلم
للكل اجتهدوا ان تدوم فرحتكم,الفرح داير جكه برضو
| |
|
|
|
|
|
|
|
|
|
Re: راس سنة السجم والرماد (Re: Nada Amin)
|
العزيز عصام..
كفارة والله كتير..وليه ما عارف لكن نفسي (أكاويكم) إنت والعزيزات رجاء وإيمان..
أنا قضيت رأس السنة رقيص و (عيين) من عاين بمعني نظر
وربنا يحقق أمانيكم جميعا وتكون بقية السنة أحلي من أولها..
وشخصيا السنة لو مشت معاي زي ما بدت مافي أحلي من كده..
والباقي بتمو ليك بي غادي
كفارة يا حبايب كفارة
| |
|
|
|
|
|
|
|
|
|
Re: راس سنة السجم والرماد (Re: maia)
|
ما قلنا ليك عرس و جيب ليك بنية .. تحت فوقها الشيب
في مرضك الكتر دة
لكن نسوي شنو في راسك القوي دة
ســــــــــــــــــــــــــــلامتك يا صديقي
و كل سنة وانت طيب
انا قضيت راس السنة في العربية باريس امستردام و بالعكس
لانو ابوي و امي وصلو صباح 31
رجعت المساء عيااااااااااااان لكن لمن خدرة قالت لي كل سنة وانت طيب
بقيت كويس طوالي
سلامتك ولو كنت معاي هنا والله كان ضبحت ليك عثمان حامد ولا منعمشوف كرامة
| |
|
|
|
|
|
|
|
|
|
Re: راس سنة السجم والرماد (Re: esam gabralla)
|
اما في السودان فقد احتفل عدد من البلطجية والصعاليك بالعيد بطريقة تفتقد الي اللباقة والادب حيث اغلقوا عدد من الشوارع وخاصة شارع العمارات ورشقوا المواطنين بالبيض ورشوهم بالمياه مما خلق نوع من الفوضي والادهي من ذلك ان بعض هؤلاء الاوغاد قام برش المواطنين بمشروب الكرستال ·
From Al Dar newspaper
| |
|
|
|
|
|
|
| |
Rawia
abdelrahim abayazid
haneena
Raja
ASAAD IBRAHIM
Muhib
Adil Isaac
أحمد أمين
khider
Mahadi
Abdel Aati
Hussein Mallasi
إيمان أحمد
Adil Osman
فيس بوك
تويتر
انستقرام
يوتيوب
بنتيريست