الجسورة المبدئية المصادمة المناضلة تراجى مصطفي اطلب دعمك في وجه اغتيال بشاشا لشخصيتى

Quote: ولا يكون ابو شوك كان بيلاقيك من غير مريسه ومع المريسه وريتنا وجهك الحقيقي.

(عدل بواسطة Siham Elmugammar on 09-16-2007, 07:29 AM)

Quote: ما بتقصري يا تراجي إلا بس قصرتي في عصام جبر الله عصام ده أهم صفة فيه الصدق مستحيل ما يكون صادق ده متربي على الصدق وعلى الأدب وراضع الشجاعة من امه المناضلة

Quote: اما تطبيعك، فهذا راي، فماعارف كيف الراي يكون اغتيال للشخصية؟

Quote: يا دينق يا حبيب انا اليوم اديتك كم دبوره كده وترقيه عارف يا دينق مافي زول بيشم الكيزان ديل اول مايعتبوا البورد زيك والعجيبه بتفرزهم على الفرزاه. بدأت صباحي بقرأة بوست للمهوس محمد فرح فوجئت بوجود مهوسه جديده اسمها مياده كمال ضحكت لتعليقاتك ,وعرفتك نقشتها تماما. عملت زيك قلت الفيلم دي دخلت البورد متين؟؟لقيتها ليل جديده لنج ليها كم واربعين بوست كده,والادهى انها مفتخره انها صحفيه بالوان؟؟اليست الوان هذه الصحيفه التي اجرت لقاء بنورتاور؟؟؟واليست هي صحيفة الكوز العامل بقى مؤتمر شعبي حسين خوجلي؟؟؟ عارف يا دينق على ذكر الوان اتصلوا بي ايام انشائي لجمعية الصداقه السودانيه الاسرائيليه الشعبيه وطلبوا اجراء حوار معي وقلت كدي النشوف الكيزان ديل عايزين يسألوا في شنو؟؟؟ قلت ليهم موافقه رسلوا لي الاسئله ....وتعال شوف الفيلم وحياتك بس اسئلة امنجيه,انت من اي قريه في السودان ومن وين وقبيلتك شنو؟؟؟امك من يون وابوك من وين وكلام فارغ كثير يحيرك؟؟؟؟؟ تحس ان هدف الاسئله عايزين يقولوا انه الزوله دي ما سودانيه مع انه لو ذكرت لكبيرهم الذي علمهم السحر اسم اختي الكبيره ساكت الكانت جبهه ديمقراطيه وكادر خطابي عظيم بالجامعة القاهره الفرع ودفعت حسين خوجلي كان اندهش بالله دي اخت فلانه؟؟؟؟ايام كان عامل شاعر وجنه جكيس وبعرفها زي جوع بطنه. الخلاصه يا دينق انك الذ زول هنا وواعي ومركز. عارف الفيلم في العنصريه مياده دي شنو؟؟انها جايه تلصق كل حاجه في نيفاشا وما خجلانه انها تذكر انه الشاب الحرامي الخطف شنطة البت من قبائل الجنوب؟؟ وتعمدت كما ذكرت ان لا تذكر لنا قبيلة او جهة المرأه القالت كتلت راجلها ورمته في الادبخانه عشان راجل ثاني؟؟؟ولا الشابين الخطفوا شنطة البت وكبوا عليها موية نار؟؟؟ عايزين هم يكتبوا كده ويلصقوها في نيفاشا ونحن نتفرج عليهم,ولما نقول انه القاضي شايقي و الامنجيه شوايقه والضبح و السلخ و التعذيب كله لاجل القتلى الشوايقه محمد طه محمد احمد و الطالب المعز نبقى نحن عنصرين عنصريه مضاده!! الناس دس يا دينق استمرأو المواضيع دي, والشيوعين اللابدين ويجوك سانين سكاكاينهم بس لما تجيب اسم حزبهم بدل ما يردوا على زوله زي دي ويورها يعني ايه احتداد الصراع الطبقي وتفاقم التقسيمات الطبقيه نتيجة لفساد الجبهه وظهور اثرياء البترول و الفساد السياسي وانتهاء الطبقه الوسطى واننا نعيش فتره تشبه فترة الانفتاح في عهد السادات وكثر خير مثقفي اليسار المصري الذين اثروا المكتبه المصريه في كل النواحي نقد لتجربة الانفتاح وبدل يعلموا كده ..قاعدين للفارغه..... منصور خالد عمل ومنصور خالد سوه وعبد الله على ابراهيم قال وبولا ونجاة قالوا.... مشكلتنا يا غالين..انه اليسار السوداني اتفرغ لتمزيق بعضه,ما بين حق و الحزب الشيوعي والوليد غير الشرعي له الحزب الليبرالي فبدلا عن ان يواصلوا التنوير بحقيقة معاني الصراع اتفرغوا لمشاحنات شخصيه فارغه وتركوا الجبهه الاسلاميه تنفرد بالحكم. وساهموا بشكل مباشر وغير مباشر في بلبة خطاب اهل الهامش بمواقفهم المجوبكه و الغير مبدئيه. فالشيوعين لم يكن لهم وجود يذكر في جبهة الشرق. واصروا على التعامل بريبه بل وبخطاب مدمر مع حركات دارفور والحجه انه خليل ابراهيم دباب؟؟وماذا عن د.شريف حرير وهم يعرفونه من التجمع وماذا عن كثيرين من شباب دارفور العلمانين عرفوهم في جامعات ومجالات عديده... لا ابد يا تبقوا اعضاء حزب شيوعي يا انتو مجال شك وريبه في مدى رفضكم للدوله الدينيه وفي مدى التزامكم بالعلمانيه!! واخيرا يدخلوا صراع دارفور من بوابة صالح محمود للوصول لعبد الواحد!! وينسوا انه لو الشيوعين لهم قبول سياسي في دارفور لفاز صالح محود نفسه في دائرته. وينسوا انهم يجهلون الكثير عن طبيعة التركيبه السكانيه لاهل دارفور. وان في دارفور الآن لن يقبل احد بالتهميش مرة آخرى,وان التعامل جدا حساس ولن اقول معقد وهو اللفظ المحتكر لمثقفي اليسار (شابكننا الصراع معقد..الموضوع معقد...الخ لما عقدوا الدنيا بوجوههم) وهم في ذلك كمن يدعي بانه فلان العربي شيوعي يبقى القبايل العربيه في جيبنا الصراع في دارفور اعقد من ذلك يا بتوع العقد. ومثلا من يعتبر ان فلان زعيم العرب بالبورد فهو ظالم لنفسه,لانه من يهمل محمد حلا...او زول واحد.....او آدم الهلباوي.... على سبيل المثال لا الحصر فقد ظلم التحليل الدقيق لمواقف عرب دارفور بالبورد ناهيك عن موقفهم في الواقع . . نرجع للسؤال ماهو الملطوب من الحزب الشيوعي وعشان ما نضيعهم في متهات الهامش؟؟؟ على الحزب الشيوعي المعرفه الحقيقه و الدقيقيه لقبائل الهامش ومشاكلها التاريخيه وطبيعة تكوينها الانثربولجي و النفسي والتقسيمات القياديه داخل القبليه,وان يتم هذا بحساسيه وتفهم وعلميه حقيقه وان يتركوا مصادرهم المضروبه وهي عضويتهم الحاليه من ابناء دارفور لانهم لن يصلوا لحقائق منهم مهما ادعوا الموضوعيه فالقبليه مسيطره على الجميع. وحقوا يعرفوا حقيقة وضع المرأه عشان يعرفوا تحديات الجندر هناك شنو.وعلاقتها بتفاقم ظاهرة الاغتصاب الجنسي و العقلي كما يحدث بحضورهم ومشاركتهم ومباركتهم بهذا البورد. ولوقتها...والي ان يفيق الحزب الشيوعي من غيبوته واحزاب اليسار عامه فالترتع مثل مياده كمال بهذا البورد ولتروج لافكارها العنصريه. وليآتي للتقفها الجهوين ويراسلونها بالماسنجر ويشدون من عضها ويقولن لها انت صاح مادام تراجي هاجمتك ودينق شبك فيك يبقى انت صاح. وليظل مفكر الحزب الشيوعي وناطقهم الرسمي بالبورد يورد في امثلته الغبيه من ثقافته العربيه التي تدل على مدى استلابه الفكري فلم يفتح عليه الله ان يستند لمثل نيجري او كاتب كيني او حكيم كنقولي كل مايعرفه قال الجاحظ وقال البطيخ الاموي و الشمام العباسي !! وهنيئا لنا بصفوه مثقفه تضرب في الاتجاه الخطأ ولا تجيد حتى الآذن في مالطه.

(عدل بواسطة خالد الطيب أحمد on 09-16-2007, 10:40 PM)

Quote: يا قننينط؟؟؟؟