بعض من ملامح العرس الوئيد "يوميات العصيان الأول...
إلى شباب ثورة العصيان المدني: الحرية لا تقبل المساومة!
منبر التجانى الطيب للحوار بواشنطن يقيم ندوة بعنوان الازمة السودانية و افاق التغيير يتحدث فيها على الكنين
العصيان المدني...... تجميع فيديوهات للتوثيق ومزيد من النشر
19 ديسمبر .. إني أرى شعباً يثور !!
صدور... الهلوسة
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-08-2016, 09:57 AM الصفحة الرئيسية

مكتبة نور الدين منان(Mannan)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

ماهذا يا بكرى .. ده شعر شنو؟؟ دة رص طوب..

02-21-2006, 09:34 PM

Mannan
<aMannan
تاريخ التسجيل: 05-29-2002
مجموع المشاركات: 6231

للتواصل معنا

FaceBook
تويتر Twitter
YouTube

كيف احذف مداخلة من بوستى

ماهذا يا بكرى .. ده شعر شنو؟؟ دة رص طوب..

    مدة بقاء المقال فى هذه الصفحة 10 اعوام
    السودان عربى رغم أنف العرب والعجم.. بقلم.. محمد عثمان محجوب نمر أمريكا – كولورادو.
    سودانيزاونلاين.كوم
    sudaneseonline.com
    21/2/2006 4:52 م


    بعد أن صمت دهرا تحدث كفرا
    فى العروبة والأصاله
    ليت عمرى كان معروف السلالة
    لكنه كان من باقى الحثاله
    نحن بنو نوبة النيل
    أهل الحضارة و الشجاعة و البساله
    ونحن بنو يعرب
    فى الإسلام أصحاب الرساله
    أجدادنا العدنان وترهاقا معا
    لهما المجد والعز منزل من ذى الجلاله
    فكم خبيث و حاقد و غبى برياله
    لا يعرفون حتى الآن تكوين الشمالا
    فشمالنا ليس فقط بدنقلا و البركل التاريخ
    أو شندى مقدسة الجروف و السهول والتلآلآ
    فعزنا وعزيزنا يبدأ من جنوب شمالنا
    *من صناديد المسيرية النشامى *
    بهم الفخار أماجد البقارة و الأبالة
    ********
    هلآ سألت النبيل عماره دنقس و جماع العروبة
    كيف ( رواق سنار ) بنور العلم فى الأزهر تلألأ ؟
    و المك نمر الجسور لم قتل الطغاة و باع ملكا
    و لم يبع من كرامة نفسه مثقالآ ؟
    و مهيرة الشيماء كيف فدت أرضها بحماسها
    فى حرب وقود سعيرها الآباء و الأعمام و الأخوالا ؟
    ********
    و الميرغنى الصوفى منه صار عفيف سلوكنا وخصالنا
    شهدت بها كل الأنام فى حل وفى ترحالا
    يا إمامنا المهدى.. عذرا.. سنتبع نهجك الناجع
    مع الأشرار مهما الزمن طالآ
    و شيخنا أبو سن الحكيم فى أرض البطانة
    بشهامة العرب كم صالآ و جالا
    و من كردفان الغره جاء الشريف الأزهرى
    رافعا رآية التحرير فحقق للسودان إستقلآله
    و جاء البشير فأنعم به.. خيار من خيار من خيار
    فهل العز محضا.. وهل للدين الهلآلا
    ********
    فبين السود نحن سوادنا قد بذهم
    مجدا و نبلا ..كرما و أصآله
    وبين العرب نحن ميزان الفصاحة
    و الحصافة و الرجولة والرجاله
    فعروبتى لا و لن تفت فيها
    ( قبائل قحطان الأولى ) بشهادة و مقاله
    فرغم أنف العرب و العجم معا نحن .. سود العرب .. نحن أسودهم
    نحن الأعزة لا محاله
    فمن نحن .. ومن هذا .. و من ذاك .. نحن نحددها ونعرفها
    و من يعرف عزه يسترح باله
    فهيهات يحكمنا أجانب او لصوص أو عراة أو عطاله
    بئس كبارهم ينهبون صغارهم * و قد تطاولوا
    إيما إطاله فى التهريب و تنظيم طابور العماله
    إن أردنا سودانا جديدا فنحن نصنعه
    من القديم من الحبيب إن شاء تعالا
    فأصنعوا من حقدكم ما شئتم مسخا بعيدا عننا
    فمصيركم لآبد فى كوم الذباله
    الفور حماة الدين أنتم أهلنا لا توالوا الأجنبى
    يسقكم العذاب و الذل حتى الثماله
    زرع الأشرار من بيض و سود بيننا فتنا
    هدموا بنياننا المرصوص و أورثونا الوبالا
    فتعالوا الى كلمة سواء بيننا لنحبط شرهم
    فقد حرم الله بين المسلمين القتالا
                   |Articles |News |مقالات |بيانات

02-21-2006, 09:42 PM

HOPEFUL
<aHOPEFUL
تاريخ التسجيل: 09-07-2003
مجموع المشاركات: 3542

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: ماهذا يا بكرى .. ده شعر شنو؟؟ دة رص طوب.. (Re: Mannan)

    طوب ني
    وهش

    يا بكري زول رسل ليك (مدماك) زي دا
    كب ليهو قدحو في رأسو
    وقول ليهو شوف ربك وين
                   |Articles |News |مقالات |بيانات

02-22-2006, 03:13 AM

قرشـــو
<aقرشـــو
تاريخ التسجيل: 02-05-2002
مجموع المشاركات: 11371

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: ماهذا يا بكرى .. ده شعر شنو؟؟ دة رص طوب.. (Re: Mannan)


    إحدي أطول وأجمل ماورد في العامية السودانية في الفخر والاعزاز بالوطن والاصل السوداني قدمها سيدأحمد الحاردلو لذلك الذي استوقفه يسأل عن جنسه وادعي عدم معرفته للسودان فحز في نفس الحاردلو فخرجت القصيدة الشهيرة

    نحـــــــــن

    -1-

    تقول لِى شنو

    وتقولى لِى منو ،

    -2-

    أنحنَا السَّاسْ

    ونَحنا الرَّاسْ

    ونحن الدّنيا جبناهَا

    وبَنيناها..

    بِويت ..فى بِويتْ

    وأسْعل جدى ترهاقَا

    وخلى الفَاقة .. والقَاقا

    -3-

    تقول لِى شنو

    وتقول لِى منو ،

    -4-

    تَالا أبوى .. بعنخى لَزَمْ

    وتَالا اللُمْ..أَبوىْ أوْلبَابْ

    وأمى مهيرة بتْ عبودْ

    وأخويا المهدى ..سيد السيفْ

    والخلى النصارى تقيفْ

    هناك ..فى القيفْ ،

    -5-

    تقول لِى شنو

    وتقول لِى منو ،

    -6-

    ونحن الشينْ

    ونحن الزينْ

    ونحن العقبه والعتمور

    ونحن القِبله .. والقرعانْ

    ونحن الشانْ

    ونحن النانْ

    أتينا عشانْ

    نسوى الدّنيا للإنسانْ

    تقول لِى شنو

    وتقول لِى منو ،

    -8-

    ونحن الصّافى

    والوَافى ،

    ونحن الشّافى

    والكافِى ،

    ونحن الزادْ

    ونحن العِينه

    والزِيّنه ،

    ونحن – يمين – أهالينا

    أهلى سرورْ

    ووكَتين ينزل المستورْ

    تَرَانَه النور

    -9-

    تقول لِى شنو

    وتقول لِى منو ،

    -10-

    ونحن الجبنه واللبريقْ

    ونحن قداحنا سَاوات ضيقْ

    ونحن بيوتنا مفتوحاتْ

    مَسَاىْ .. وَصباحْ

    ونحن وشُوشنا

    مطروحاتْ

    مَسَاىْ وصباحْ

    ونحن السَمحه

    والقَمحه

    ونحن الطله .. واللمحه ،

    ونحن الصِيدْ

    ونحن العيدْ ،

    -11-

    تقولى لِى شنو

    وتقولى لِى منو ،

    -12-

    ونحن عُزَازْ

    ونحن حَرَازْ

    ونحن هَشَابْ

    ونحن قُمُوحْ

    ونحن تُمُورْ

    ونحن عُيُوشْ

    ونحن النيلْ

    وَكضَاب – يا زويل – منْ قالْ

    إنّك .. تانى لينا متيلْ ،

    تقولى لِى شنو

    وتقولى لِى منو ،

    -13-

    ونحن الحَجه والتوبه ،

    ونحن الهِجره .. والأوبه ،

    ونحن كُتَارْ

    ونحن كُبَارْ ،

    ونحن – يمين – جُمَال الشيلْ

    ونحن – يمين –نَضِمنا قليلْ ،

    -14-

    تقول لِى شنو

    وتقول لِى منو ،

    -15-

    ونحن مِحايه

    نحن طِرايه

    نحن فِدايه

    نحن سِمايه

    نحن حجاب

    ونحن اللوحْ

    ونحن شَرَافه فى الدنيا

    ونحن كِتاب عِلمْ مفتوحْ

    على كل البُلودات ..نُورْ ،

    ونحن – يمين – مَداين نورْ ،

    ووشنا نورْ ،

    -16-

    تقول لِى شنو

    وتقول لِى منو ،

    -17-

    ونحن الحِنه والجرتقْ

    ونحن الزفه والسيره ،

    ونحن ..أبشرى والشبال ،

    ونحن السَىْ

    ونحن الوَىْ

    ونحن الرقبه .. والتُمْ تُمْ

    ونحن اللَمْ ..

    يكون فى الدنيا ..متلنا ..لمْ

    -18-

    تقولى لِى شنو

    وتقول لِى منو ،

    -19-

    ونحن العَاجْ

    ونحن الصَاجْ

    ونحن البوشْ

    ونحن الحوشْ

    ونحن الناسْ

    وكتين الديارا ..يباس

    وإن درت العديل والزين

    تعال يا زول ،

    وإن كست الكعب والشين

    أرح .. يا زول

    -20-

    تقولى لى شنو

    وتقول لى منو ،

    -21-

    ونحن السورْ

    ونحن الحُورْ ،

    ونحن بناتنا محروساتْ

    ونحن وِلادنا ضُلالاتْ

    ونحن أُماتنا ياهِنْ ..ديلْ ،

    وجِيب ورينى زيىِّ منو ،

    وتقول لِى شنو

    وتقول لِى منو ،

    -22-

    ونحن فَزَعْ

    ونحن وجَعْ

    ونحن اليُمه ..واليَابَا

    ونحن أريتو بالتَابَه ،

    ونحن – يمين – إذا حَرّتْ ،

    نخلى الواطه ..رُقَابه ،

    -23-

    تقولى لِى شنو

    وتقولى لِى منو ،

    -24-

    ونحن زَغَاوه والعطرونْ

    ونحن الدُونَا ..مافيشُ دونُ

    ونحن وِلاد مَلك خِرتيتْ

    وسَابَ الجرْ

    وحجَر السِكه ،

    والتاكا ،

    وسيّدنا الفى الجبل ..دَاكَا

    ونحن – يمين – نضِمنا كُتُرْ

    وشيَتنا كُتُرْ

    وأسعَل ناس كَرن والطُورْ ،

    وأسعَل كَررى .. والعَتْمُورْ

    وأسعل – يا جنَاَ – الخرتُومْ ،

    وشوف كيفن زعلنا كُتُرْ ،

    وشوف كيفن فرحنا كُتُرْ ،

    أنحنا الـ للرجال خُوسَه ،

    ونحن –يمين – جِنَات موسى ،

    -25-

    تقولى لِى شنو

    وتقول لِى منو ،

    -26-

    ونحن الدوكه

    والضُلاله ، والدونكه ،

    ونحن الدانقه ،

    والراكوبه ، والواطه ،

    ونحن الفَكَه

    والشِبكَه

    ونحن الحجزه .. والعكَه ،

    ونحن الجُودْ ،

    ونحن أسودْ ،

    ونحن النَانْ ،

    حديثنا إذا أرِدتو رُطَانْ

    وحين دايرين ..نسوى بَيَانْ ،

    -27-

    تقول لِى شنو

    وتقول لِى منو ،

    -28-

    ونحن الخَلوهَ والدايره ،

    ونحن تَكيه العايره ،

    ونحن الضُّلْ ،

    ونحن الكُلْ ،

    ونحن سبيل غريب الليلْ ،

    ونحن صباح مسافر الليلْ ،

    ونحن فَنَاجرةَ الدّنيا ،

    ونحن حَبَابْ

    حديثنا حَبَابْ

    تعال شَرِف .. وشوفنى منو ،

    وتقولِى شنو ،

    وتقولِى منو ،

    -29-

    أقيف لِسَعْ

    وأقيف وأسمعْ ،

    ونحن صديرى منضوم ويلْ

    ونحن القَرمصيص ..بلحيلْ ،

    ونحن التوبْ

    ونحن الووبْ

    وناس حبوبْ

    وناس حَرّمْ

    ونحن إذا رأينا كبيرْ

    نقيف طولنا ..ونقولْ لُه ..حَبَابْ

    ونديه البُكَان ..ترحابْ

    ونحن. اليَانَا ديل .. يا زولْ

    وتسعلنى .. وتقول لِى منو

    وتقولِى شنو ،

    -30-

    أقيف لسعْ

    وأقيف .. وأسمعْ

    ونحن التَايَهْ

    والاندايَهْ

    والزِريعهْ

    والعيزومهْ

    واتفضلْ ،

    ونحن الرايَه مرفُوعه

    ونحن الكُلفَه مرفُوعه

    ونحن حلفتَ ... مدفوعه

    -31-

    تقول لِى شنو

    وتقول لِى منو ،

    -32-

    وأما عجيبْ

    وأما غريبْ ،

    وأقيف لسعْ

    وأقيف .. وأسمعْ ،

    -33-

    أنا الكَعَب البسوى الويلْ

    وأنا الزول السَمِحْ ..بلحيل ،

    وداير ..منَِّهُمْ .. يَاتُو ..،

    تقولى لِى شنو
    وتقول لِى منو

                   |Articles |News |مقالات |بيانات

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de