دعواتكم لزميلنا المفكر د.الباقر العفيف بالشفاء العاجل
|
|
 ياسر بيناوى حيا أو ميتا!
|
المعتوه الذى هز المجتمع الليبرالى وغير الليبرالى فى حالة من الاسترخاء والسعادة الان وذلك لاعتقادة بأنه قد نجح فى مقصده.
وايا كان هذا الشخص فهو أفراز غاية فى السوء للامراض الاجتماعية والسياسة التى تعشعش فى سماء السودان وأرضه.
وكنت حتى قبل وصول هذا الخبر أؤكد لنفسى أننى ربما افهم بعض اليسير والقليل عن التحول الكامل الذى حدث فى السودان.
ولكننى الان أجزم بأننى لم أوفق فى الوصول الى درجة المصيبة السودانية.
الذى تمنى الموت لياسر بيناوى من وراء ستار ولغرض ما فى نفس يعقوب شخص فى الحاجة الماسة الى كونسلت طبى.
ولو أنه ظهر على الملآ لعالجناه بالتأكيد.
أما ياسر بيناوى والقليلين مثله فى هذا الزمن الآغبر فهم الذين يعيدون الينا ثقتنا فى الحاضر وفى الغد.
وهم (البرغى) الذى يحفظ توازن الماكينةالسودانية التى تدير حركة التاريخ الحالى فى السودان.
لآن ياسر بيناوى من أندر الشباب الذين قابلتهم فى فترة وجودى فى السودان ممن يؤكدون أن لهذا البلد مستقبل رغم قتامة وهلامية الصورة.
وهؤلاء النفر القليل مثل ياسر بيناوى هم رمز القيم السودانية التى أندثرت بفعل عوامل التعرية السياسية والآقتصادية.
فهم أحياء بيننا ولكننا لا نحس بذلك ألا حينما يتهددنا خطر فقدانهم.
...
ويا ياسر يا شقى الحال أنت محظوظ لآنه مش بالساهل الواحد يقابل المعّزين ويشوف قيمته وسط الناس.
نشف دمنا البعيد من ذكر الله.
الله لا يكسبه...
|
|
 
|
|
|
|
|
|
|
 Re: ياسر بيناوى حيا أو ميتا! (Re: nour tawir)
|
Quote: المعتوه الذى هز المجتمع الليبرالى وغير الليبرالى فى حالة من الاسترخاء والسعادة الان وذلك لاعتقادة بأنه قد نجح فى مقصده.
وايا كان هذا الشخص فهو أفراز غاية فى السوء للامراض الاجتماعية والسياسة التى تعشعش فى سماء السودان وأرضه.
وكنت حتى قبل وصول هذا الخبر أؤكد لنفسى أننى ربما افهم بعض اليسير والقليل عن التحول الكامل الذى حدث فى السودان.
ولكننى الان أجزم بأننى لم أوفق فى الوصول الى درجة المصيبة السودانية.
الذى تمنى الموت لياسر بيناوى من وراء ستار ولغرض ما فى نفس يعقوب شخص فى الحاجة الماسة الى كونسلت طبى.
ولو أنه ظهر على الملآ لعالجناه بالتأكيد.
أما ياسر بيناوى والقليلين مثله فى هذا الزمن الآغبر فهم الذين يعيدون الينا ثقتنا فى الحاضر وفى الغد.
وهم (البرغى) الذى يحفظ توازن الماكينةالسودانية التى تدير حركة التاريخ الحالى فى السودان.
لآن ياسر بيناوى من أندر الشباب الذين قابلتهم فى فترة وجودى فى السودان ممن يؤكدون أن لهذا البلد مستقبل رغم قتامة وهلامية الصورة.
وهؤلاء النفر القليل مثل ياسر بيناوى هم رمز القيم السودانية التى أندثرت بفعل عوامل التعرية السياسية والآقتصادية.
فهم أحياء بيننا ولكننا لا نحس بذلك ألا حينما يتهددنا خطر فقدانهم.
...
ويا ياسر يا شقى الحال أنت محظوظ لآنه مش بالساهل الواحد يقابل المعّزين ويشوف قيمته وسط الناس.
نشف دمنا البعيد من ذكر الله.
الله لا يكسبه... |
كنت حاضر فى المنبر ... وكنت ما بين مصدق ومكذب إلا ان إتصلت بى أختى هبة الماحى من أمريكا وقالت: اكدوا لينا الخبر.
ومنو مشيت المشرحة وقابلت الأخوان حاتم شناب وصحبو مصعب والدكتور الكنزى وفتشنا وفتشنا وفتشنا وما لقينا إسمو والحمدلله ما لقينا إسمو وطولة عمر يا بيناوى الكان تلفونو قافل عشان ما فيهو كهربا والكهربا قاطعة عشان اختى نادية عثمان جات الخرطوم الما ممكن يتلما فيهو نورين على قول المرحوم سابقاً اخونا بيناوى!
إتصلت بعبدالإله ونفى الخبر وقال لى إنو مهكور وفاقد باسويردو ... وضربت للمرحوم سابقاً وقال لى جاى اونلاين هسع وجا بالفعل ... وفى الإتصال وعدتو بى دقة لما نقابلو.
وانا راجع من المشرحة مع الاخوين حاتم ومصعب بعد ما رفضنا نشرب البارد فى مكتب دكتور الكنزى "لانو مافى حاجة بيتبلع الوكت داك" خسرت بينا العربية ودفرناهو مسافة 200 متر "على الاقل" وما دور ... تخيلى؟!
العملو الازمة بتاع موت بيناوى ما إنو ما قابلتو من قبل حاجة عجيبة .. ياخ على الأقل طليتى علينا وظهرتى اونلاين.
خليك معانا على طول من الليلة اختى نور تاور.
وبث 
شول اشوانق دينق
_______________
الله لا يكسب صاحب الخبر بالجد ... وتصدقى إنو ياسر ده ما حصل قابلتو ولا إتكلمت معاهو!!!
| |
|
|
|
|
|
|
|
|
|
Re: ياسر بيناوى حيا أو ميتا! (Re: شول اشوانق دينق)
|
سلام شول وmerry Christmas
ّضحكتنى الله يجازيك أنا من أمبارح أشرب فى القهوة وأضرب أخماس فى اسداس مع أنى العادة متماسكة جدا.
لكين الخلا مصيبتى مصيبتين أنى شربت قهوة مع البعاتى ياسر بيناوى فى السوق العربى اليوم القبله هو والجمصى وضحكنا ودردشنا ومشوا لحالهم ومشيت لحالى.
تذكرت حبوبتى الله يرحمها كان عندها صديق وآآحد فضل من الرعيل بتاعهم.
تمشى تشرب معاه القهوة كل يوم.
مشت يوم وشربت القهوة ورجعت. قبل ما تخت توبها ّشّفع الحلة نادوها بالشباك قالوا ليها فلان مات.
كانت ردة الفعل الوحيدة أنها صرخت وقالت:يموت كيف أنا هسه شاربه معاه القهوة؟!
أها ياسر بيناوى يموت كيف وأنا أمبارح شاربه معاه القهوة؟!
| |
|
|
|
|
|
|
|
|
|
Re: ياسر بيناوى حيا أو ميتا! (Re: nour tawir)
|
الاستاذة نور تاور
تحياتي واحترامي الأكيد
ياسر طبعاً بالنسبة لي موش فقد للحزب الليبرالي لكنه بكل تأكيد فقد لحلم جيل بكامله
العزيز بلة موسي وأنا في قمة فرحي بعودة (المرحوم) نبهني لنقطة مهمة للغاية أعادني
بعدها لنقاش فتحته وشاركني فيه بلة واخرون عن سودانيز أونلاين وحاصل ما يحدث فيها الان
هي ليست دعوة للتشكيك بل دعوة لفتح قراءة هذا الحدث من أكثر من زاوية سأشرع شخصياً قادم
الأيام في الاسهام فيه بشكل أكبر !!
القراءة كالتالي هل يمكننا النظر لما حدث كتشكيك في مصداقية سودانيز أم إن الموضوع لا يخرج
من كونه مزحة ثقيلة من الهكر أو أي من لأي أحد إستخدم باس ويرد صديقنا عبد الاله محمد الريح؟
لك الشكر والتقدير
ولياسر العمر المديد
| |
|
|
|
|
|
|
|
|
|
Re: ياسر بيناوى حيا أو ميتا! (Re: Hisham Amin)
|
هشام أمييييين...
حا أراسلك طبعا. أول ما شفت أسمك دايرة أدخل اسجل ليك صوت لوم شديد لآنه من أمريكا لكندا كل الود والاتصال.
أما فى الخرطو تهميش تام.
الناس ما بتسأل عن الناس فى الخرطوم ليه يا ربى؟
| |
|
|
|
|
|
|
|
|
|
Re: ياسر بيناوى حيا أو ميتا! (Re: nour tawir)
|
نور ياملكة الجبال ياغالية
Quote: بالعكس جمعنى بيك بعد طول غياب وأنتى فى الخرطوم وما سائلة فينى..
تهميش التهميش ولا شنو؟ |
يابت امي وين لقيتك لامن أباك يا القمر بوبا 
بالغتي فوكا جد عديل 
انا لي إسبوع في هذه البلد ( الميت) ياسرها ود بناويها دون أن يدري
وماعارفة إنك هنا ومافي زول كلمني ثم انو تصدقي مابعرف الاماكن براي غلا يسوقوني ويودوني حتى اسالي نعومة حيمورة وناجي الملك
لكن أكيد اكيد حانتقااااااااابل سمح؟
| |
|
|
|
|
|
|
|
|
|
Re: ياسر بيناوى حيا أو ميتا! (Re: خضر حسين خليل)
|
سلام خضر
الميزة الآساسية فى المنبر دا هو أنه بيجمعك مع من تحب وتحترم من غير أى لكلكة ولا دوران ,ودا البخلينا نمشى ونرجع.
أفتح البوست وحاأبنى ليه فوقه راكوبة.
كل الجمال والرفاهية فى العام القادم..
| |
|
|
|
|
|
|
|
|
 Re: ياسر بيناوى حيا أو ميتا! (Re: عبدالعظيم محمد أحمد)
|
مرحب بيك حبابك أستاذة نور ...
حمداً لله بسلامة رجوعك ... وسلامة إبننا الأستاذ ياسر بيناوي ..
حاولت أرجع ليك بعد أن تأكدت من كذب الخبر ولكن تلفونك رفض يجمع معاي ...
سلامتك وسلامة ياسر وكل الأصدقاء الليبراليين ...
وكل عام والجميع بخير
تحياتي ومعزتي
"أبوفواز"
| |
|
|
|
|
|
|
|
|
|
Re: ياسر بيناوى حيا أو ميتا! (Re: صديق عبد الجبار)
|
اهلين نور
مرحب بعودتك ..
الحاصل شنو
الزول يغيب من البورد يوم يلقى الدنيا مقلوبة
حمداً لله على السلامة ..
الهظار بقا بالموت كمان؟ والله حكاية ..
ما تخلو الموضوع دا يا ناس الليبرالي ...
نقول شنوللأخ ياسر .. طويل عمر
تحياتي نور
انابالسودان سأعود في بداية يناير
| |
|
|
|
|
|
|
|
|
|
Re: ياسر بيناوى حيا أو ميتا! (Re: صديق عبد الجبار)
|
سلام كابتن..
أولا أعتذر بشدة لانه ما قدرت أرجع ليك عشان أكذب الخبر لآنى كنت فى الشارع باتجاه المشرحة ونسيت تلفونى زاتو...
ياسر بيناوى مفروض يضبح لينا خروف يعد ّسمة البدن الحصلت لينا دى..
| |
|
|
|
|
|
|
|
|
 Re: ياسر بيناوى حيا أو ميتا! (Re: nour tawir)
|
| Quote: وايا كان هذا الشخص فهو أفراز غاية فى السوء للامراض الاجتماعية والسياسة التى تعشعش فى سماء السودان وأرضه. |
والله كلامك صاح.
حمد الله علي سلامتك اخت نور وعمر مديد للاخ ياسر.
| |
|
|
|
|
|
|
|
|
|
Re: ياسر بيناوى حيا أو ميتا! (Re: طارق ميرغني)
|
طارق أزيك..
مصيبة السودان والسودانيين بقت كبيرة..
صباح اليوم بس قررت أشترى لى مسدس دفاعا عن النفس لآنه مجرد المشى فى الشوارع بقى مغامرة..
خيك من الباقى..
وبحس بالاشفاق على الناس دى لآنه دا نوع الدمار الماحيتعالج بى أخوى وأخوك..
والله غالب..
| |
|
|
|
|
|
|
|
|
|
Re: ياسر بيناوى حيا أو ميتا! (Re: nour tawir)
|
سلامات للأستاذة الفاضلة / نور تاور
و مرحب مجدداً بإطلالتك التي تنزلت برداً و سلاما على قرائك و أنا واحد منهم ..
و نمني أنفسنا بوجودك دوماً الذي يضفي على هذا المنبر روعة ..
و كما نتابع كتاباتك عبر الخرطوم ..
نمتنى أن تكوني حاضرة هنا دوماً و ما تطولي الغيبة ..
ـ
حمد لله على سلامة الأخ / ياسر من هذه الإشاعة المغرضة و أطال الله في عمره و حفظه ذخراً لسودان نحلم أن يستوعب أحلامنا جميعاً ..
| |
|
|
|
|
|
|
|
|
|
Re: ياسر بيناوى حيا أو ميتا! (Re: عصام دهب)
|
العزيزة نور
تحيايا و كل سنة و أنت بالف خير يا رب
كنت معاكم و الله أمبارح و تعرفي العمل العملة دي
ربنا يستر عليه من الدعاء عليه
صدقي كنت بقرأ مع ياسر و خضر و نادية و بضحك من جوةا قلبي
الساعة كانت عندي تقريبا 5 صباحا قمت أعمل لي كباية قهوة و إتوضي لصلاة
الصبح لما رجعت لقيت البوست العجيب سبحان الله و الواحد خرج من طوره و الله
لكن كان في إحساس مبهم وتضرع لرب العالمين أن يكذب الخبر
وبعد تكذيب الخبر الحصل علي حاجة غريبة
حسيت بالاعياء وعدم المقدرة علي فتح سودانيزاونلاين تاني
زي ما قالت نادية الواحدة قربت تحصل ليه جلطة
علي العموم الخمد لله رب العالمين علي رحمته و علي روح ياسر الحلوة و الصافية
تحياتي يا نور و يا شيحة ما تغيبي كدي عليك الله
و إن شاء الله نتقابل لما أجي الخرطوم
مها بشير
| |
|
|
|
|
|
|
| |
nour tawir
ALGARADABI
ثروت سوار الدهب
شول اشوانق دينق
خضر حسين خليل
Hisham Amin
عبدالكريم الامين احمد
صديق عبد الجبار
القلب النابض
فيس بوك
تويتر
انستقرام
يوتيوب
بنتيريست