|
Re: محجوب شريف وليلى الأبنوسة و عبدالجليل نادوس يطلقون عصافير "العين" (Re: lana mahdi)
|
يابختكن يالنا
يابختهم بيكم ويابختكم بيهم
تراهو ده ابو شيهيق المحبة الكان مدور فينى امس منكن
ليلى صلاح... مازالت ضحكتها ترن فى اركان بيتنا وشوارع فيينا ومازالت استجداءتها ترن فى اذنى { حرام عليك الساعة اربعة ونص صباحا خلينى انوم.. انتى بكرة ماشغالة؟}
الشغل ملحوق لكن الونسة الطاعمة دى والحوارات المفيدة وعميقة والنكات الحلوة اللى بتخجك من جووووووه
والدموع... الدموع كانت حاضرة وسيدة كل ونسة دموع فرح ولا حزن المهم تنزل وتريحنا ياخ بيناتنا مشاريع ورهينة وشدو بعيد- ليلى ماتت عشان تعرف لكن دى على منو؟ آخر عمرى بقيت غتيتة!!
كنت بغير من عبد الجليل او كما يحلو لليلى مناداته {عبدو}, أى والله غييييييييييييرة عديل كدى يعنى ماممكن ونسة لينا برااانا من غير مايكون فيها اى آدم؟ لكن آدمها آدم السرور
فى الدوحة ولغتنا المشتركة كوستى- ينفتح نادوس يحكى ويضحك بهدوء ولكن ينفشك فرح وتتذكرى لون الكعك اللى اسمو البتى فور الملون داك بتاع ناس الراحات فى حى الصرايات فى كوستى ليلى تمشى تنوم ونحنا نرص ونقص ونحكى ونضحك وعييييييييييييييييييييييك ياعبدالجليل..
قضيت عندهم فى آخر زيارة خاطفة تلاتة يوم وذدت مقابل كل يوم اتنين كيلو
اما امانى عبدالجليل ما حا اقول يوم شكرها مايجى
لازم نشكرها فى حياتها المديدة انشاءالله قضت معانا يومين بعد مؤتمر فيينا ولقيتها فى اعمق اغنيات الدمع تسندكى وتسندك ثم تسندك وتحسى بالتوازن وبعض امل ياسلاااام على امانى.. سمحة من كلو يالنا الزولة دى غايتو يوم بفك الجواى واللى يحصل يحصل
يعنى ريدة الله والرسول بتاعة الاخوات ديلك- هذا للمعلومية والاطمئنان
-------------- سرحت فى الونسة والنقة ونسيت اسألك عن العروس ماممكن يالنا تفكينا عكس الهواء والشمار داير فول والفول زرعته وحدى واكلته دجاجات الخريف
| |
|
|
|
|
|
|
Re: محجوب شريف وليلى الأبنوسة و عبدالجليل نادوس يطلقون عصافير "العين" (Re: lana mahdi)
|
الأخت لنا كانت امسية جميله
في العين دار الزين ونشكر الأخوه في النادي ومنظمة الزمن الجميل على الأستظافه والمشاركه مع نادوس في اخراج هذا العمل من اجل
منظمة رد الجميل
لجنة النادي السوداني بالعين ومنظمة الزمن الجميل بالعين
جانب من الخلفيات والبنرات عليها صور وشعار محجوب شريف ومنظمة رد الجميل
وبانر لأسرة نادوس الثقافيه السودانيه بالأمارات
جانب من البازار الخيري والذي سيعود ريعه لصالح منظمة رد الجميل
| |
|
|
|
|
|
|
|