لمسلمي السودان خاصّة ... ولمسلمي المعمورة عامّة .. كل عام وأنتم بخير
لإخواننا وأخواتنا الحاجين نتمنا لهم حجاً مقبولاً وسعياً مشكوراً وذنباً مغفوراً وتجارة لن تبور أعادهم الله لأهليهم سالمين غانمين وبمناسبة عيد الأضحى المبارك نتمنى لكم ولهم قبول صيام يوم عرفة والأضحية وكل عام وأنتم بخير تقول لِى شنو وتقولى لِى منو ، -2- أنحنَا السَّاسْ ونَحنا الرَّاسْ ونحن الدّنيا جبناهَا وبَنيناها.. بِويت ..فى بِويتْ وأسْعل جدى ترهاقَا وخلى الفَاقة .. والقَاقا -3- تقول لِى شنو وتقول لِى منو ، -4- تَالا أبوى .. بعنخى لَزَمْ وتَالا اللُمْ..أَبوىْ أوْلبَابْ وأمى مهيرة بتْ عبودْ وأخويا المهدى ..سيد السيفْ والخلى النصارى تقيفْ هناك ..فى القيفْ ، -5- تقول لِى شنو وتقول لِى منو ، -6- ونحن الشينْ ونحن الزينْ ونحن العقبه والعتمور ونحن القِبله .. والقرعانْ ونحن الشانْ ونحن النانْ أتينا عشانْ نسوى الدّنيا للإنسانْ تقول لِى شنو وتقول لِى منو ، -8- ونحن الصّافى والوَافى ، ونحن الشّافى والكافِى ، ونحن الزادْ ونحن العِينه والزِيّنه ، ونحن – يمين – أهالينا أهلى سرورْ ووكَتين ينزل المستورْ تَرَانَه النور -9- تقول لِى شنو وتقول لِى منو ، -10- ونحن الجبنه واللبريقْ ونحن قداحنا سَاوات ضيقْ ونحن بيوتنا مفتوحاتْ مَسَاىْ .. وَصباحْ ونحن وشُوشنا مطروحاتْ مَسَاىْ وصباحْ ونحن السَمحه والقَمحه ونحن الطله .. واللمحه ، ونحن الصِيدْ ونحن العيدْ ، -11- تقولى لِى شنو وتقولى لِى منو ، -12- ونحن عُزَازْ ونحن حَرَازْ ونحن هَشَابْ ونحن قُمُوحْ ونحن تُمُورْ ونحن عُيُوشْ ونحن النيلْ وَكضَاب – يا زويل – منْ قالْ إنّك .. تانى لينا متيلْ ، تقولى لِى شنو وتقولى لِى منو ، -13- ونحن الحَجه والتوبه ، ونحن الهِجره .. والأوبه ، ونحن كُتَارْ ونحن كُبَارْ ، ونحن – يمين – جُمَال الشيلْ ونحن – يمين –نَضِمنا قليلْ ، -14- تقول لِى شنو وتقول لِى منو ، -15- ونحن مِحايه نحن طِرايه نحن فِدايه نحن سِمايه نحن حجاب ونحن اللوحْ ونحن شَرَافه فى الدنيا ونحن كِتاب عِلمْ مفتوحْ على كل البُلودات ..نُورْ ، ونحن – يمين – مَداين نورْ ، ووشنا نورْ ، -16- تقول لِى شنو وتقول لِى منو ، -17- ونحن الحِنه والجرتقْ ونحن الزفه والسيره ، ونحن ..أبشرى والشبال ، ونحن السَىْ ونحن الوَىْ ونحن الرقبه .. والتُمْ تُمْ ونحن اللَمْ .. يكون فى الدنيا ..متلنا ..لمْ -18- تقولى لِى شنو وتقول لِى منو ، -19- ونحن العَاجْ ونحن الصَاجْ ونحن البوشْ ونحن الحوشْ ونحن الناسْ وكتين الديارا ..يباس وإن درت العديل والزين تعال يا زول ، وإن كست الكعب والشين أرح .. يا زول -20- تقولى لى شنو وتقول لى منو ، -21- ونحن السورْ ونحن الحُورْ ، ونحن بناتنا محروساتْ ونحن وِلادنا ضُلالاتْ ونحن أُماتنا ياهِنْ ..ديلْ ، وجِيب ورينى زيىِّ منو ، وتقول لِى شنو وتقول لِى منو ، -22- ونحن فَزَعْ ونحن وجَعْ ونحن اليُمه ..واليَابَا ونحن أريتو بالتَابَه ، ونحن – يمين – إذا حَرّتْ ، نخلى الواطه ..رُقَابه ، -23- تقولى لِى شنو وتقولى لِى منو ، -24- ونحن زَغَاوه والعطرونْ ونحن الدُونَا ..مافيشُ دونُ ونحن وِلاد مَلك خِرتيتْ وسَابَ الجرْ وحجَر السِكه ، والتاكا ، وسيّدنا الفى الجبل ..دَاكَا ونحن – يمين – نضِمنا كُتُرْ وشيَتنا كُتُرْ وأسعَل ناس كَرن والطُورْ ، وأسعَل كَررى .. والعَتْمُورْ وأسعل – يا جنَاَ – الخرتُومْ ، وشوف كيفن زعلنا كُتُرْ ، وشوف كيفن فرحنا كُتُرْ ، أنحنا الـ للرجال خُوسَه ، ونحن –يمين – جِنَات موسى ، -25- تقولى لِى شنو وتقول لِى منو ، -26- ونحن الدوكه والضُلاله ، والدونكه ، ونحن الدانقه ، والراكوبه ، والواطه ، ونحن الفَكَه والشِبكَه ونحن الحجزه .. والعكَه ، ونحن الجُودْ ، ونحن أسودْ ، ونحن النَانْ ، حديثنا إذا أرِدتو رُطَانْ وحين دايرين ..نسوى بَيَانْ ، -27- تقول لِى شنو وتقول لِى منو ، -28- ونحن الخَلوهَ والدايره ، ونحن تَكيه العايره ، ونحن الضُّلْ ، ونحن الكُلْ ، ونحن سبيل غريب الليلْ ، ونحن صباح مسافر الليلْ ، ونحن فَنَاجرةَ الدّنيا ، ونحن حَبَابْ حديثنا حَبَابْ تعال شَرِف .. وشوفنى منو ، وتقولِى شنو ، وتقولِى منو ، -29- أقيف لِسَعْ وأقيف وأسمعْ ، ونحن صديرى منضوم ويلْ ونحن القَرمصيص ..بلحيلْ ، ونحن التوبْ ونحن الووبْ وناس حبوبْ وناس حَرّمْ ونحن إذا رأينا كبيرْ نقيف طولنا ..ونقولْ لُه ..حَبَابْ ونديه البُكَان ..ترحابْ ونحن. اليَانَا ديل .. يا زولْ وتسعلنى .. وتقول لِى منو وتقولِى شنو ، -30- أقيف لسعْ وأقيف .. وأسمعْ ونحن التَايَهْ والاندايَهْ والزِريعهْ والعيزومهْ واتفضلْ ، ونحن الرايَه مرفُوعه ونحن الكُلفَه مرفُوعه ونحن حلفتَ ... مدفوعه -31- تقول لِى شنو وتقول لِى منو ، -32- وأما عجيبْ وأما غريبْ ، وأقيف لسعْ وأقيف .. وأسمعْ ، -33- أنا الكَعَب البسوى الويلْ وأنا الزول السَمِحْ ..بلحيل ، وداير ..منَِّهُمْ .. يَاتُو ..، تقولى لِى شنو وتقول لِى منو ، (عدل بواسطة Frankly on 12-07-2008, 06:33 PM)

12-07-2008, 06:36 PM

najma

تاريخ التسجيل: 10-02-2002
مجموع المشاركات: 2062

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: لمسلمي السودان خاصّة ... ولمسلمي المعمورة عامّة .. كل عام وأنتم بخير (Re: Frankly)
الاخ الكريم كمال فرانكلى كل عام وانت ومن تحب بالف الف خير اعاده الله على المسلمين بالخير والبركات وفك حصار اخواننا المسلمين فى فلسطين وكل بقاع الارض

12-07-2008, 07:19 PM

Faisal Habiballa

Faisal Habiballa
تاريخ التسجيل: 06-06-2008
مجموع المشاركات: 1415

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: لمسلمي السودان خاصّة ... ولمسلمي المعمورة عامّة .. كل عام وأنتم بخير (Re: najma)

Quote: الاخ الكريم كمال فرانكلى كل عام وانت ومن تحب بالف الف خير
اعاده الله على المسلمين بالخير والبركات وفك حصار اخواننا المسلمين فى فلسطين وكل بقاع الارض

امين, امين ,امين

center>

12-07-2008, 10:12 PM

عمر صديق

عمر صديق
تاريخ التسجيل: 06-06-2008
مجموع المشاركات: 14776

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: لمسلمي السودان خاصّة ... ولمسلمي المعمورة عامّة .. كل عام وأنتم بخير (Re: Faisal Habiballa)
الاخ كمال كل سنة وانت طيب وجميع المسلمين بخير (عدل بواسطة عمر صديق on 12-07-2008, 10:28 PM)

12-13-2008, 09:17 PM

Frankly

Frankly
تاريخ التسجيل: 02-05-2002
مجموع المشاركات: 35211

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: لمسلمي السودان خاصّة ... ولمسلمي المعمورة عامّة .. كل عام وأنتم بخير (Re: عمر صديق)
الحبيب عمر صديق (اسم جميل) كل عام وأنت وجميع أهلك ومن تحب في اتم صحة وعافية أعاده الله علينا بالخير واليمن والبركات تحياتي كمال

12-13-2008, 01:07 PM

Frankly

Frankly
تاريخ التسجيل: 02-05-2002
مجموع المشاركات: 35211

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: لمسلمي السودان خاصّة ... ولمسلمي المعمورة عامّة .. كل عام وأنتم بخير (Re: Faisal Habiballa)
الأخ الحبيب فيصل حبيب الله تقبّل الله الطاعات وكل عام وأنت والأسرة الكريمة بخير تحياتي كمال

12-08-2008, 08:54 PM

Frankly

Frankly
تاريخ التسجيل: 02-05-2002
مجموع المشاركات: 35211

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: لمسلمي السودان خاصّة ... ولمسلمي المعمورة عامّة .. كل عام وأنتم بخير (Re: najma)
أختي الفاضلة نجمة كل عام وأنت واسرتك في كل الخير والرصا والهنا فك الله اسر أخوتنا في فلسطين وفي سجون الغاصبين وأعاد الله النازحين إلى ديارهم آمنين سالمين بفضلك وكرمك ومنك يا الله يا أكرم الأكرمين تحياتي كمال

12-13-2008, 03:57 PM

Waeil Elsayid Awad

Waeil Elsayid Awad
تاريخ التسجيل: 12-12-2004
مجموع المشاركات: 2843

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: لمسلمي السودان خاصّة ... ولمسلمي المعمورة عامّة .. كل عام وأنتم بخير (Re: Frankly)
كل عام و انت بخير اخونا كمال

12-14-2008, 03:08 PM

Frankly

Frankly
تاريخ التسجيل: 02-05-2002
مجموع المشاركات: 35211

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: لمسلمي السودان خاصّة ... ولمسلمي المعمورة عامّة .. كل عام وأنتم بخير (Re: Waeil Elsayid Awad)
أخي الحبيب وائل السلام عليكم ورحمة الله وبركاته وكل عام والأسرة الكبيرة والصغيرة بخير تحياتي كمال

12-14-2008, 03:51 PM

عبد الرحمن الطقي

عبد الرحمن الطقي
تاريخ التسجيل: 11-27-2007
مجموع المشاركات: 3925

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: لمسلمي السودان خاصّة ... ولمسلمي المعمورة عامّة .. كل عام وأنتم بخير (Re: Frankly)
أخي كمال السلام عليك و تقبل الله منا و منك و كل عام و أنت و الأمة الإسلامية بخير و شكرا على القصيدة الجميلة التي ذكرتني بزمان جميل خال و كم تمنيت أن أجدها كاملة.

[رد على الموضوع]

صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]