|
طرق مفتعلة لجعل البوست في الصفحة الأولي!!!!!!!!!!!!!!
|
منتدي سودانيزاونلاين بما يحمله من مكانة في خارطة التبادل الفكري المعاصر بدأ يصاب بداء تناول المواضيع الهامشية....فالكل يصارع ليبقي في الصفحة الأولي ماذا يفعل بعضهم
-تقسيم الموضوع الي سطور...وإنزالها كردور في فترات متباعدة -رد كاتب الموضوع اكثر من مرة بكتابة up
-كتابة يوجد صور....علي الاقل بضمن زول ارد واقول وين الصور -تحول المنتدي الي نهجية جريدة الحوادث (حسب ما اتزكر)عناوين لا تمت للموضوع بصلة -الكتابة عن المرأة أو كتابة اسم احدي "العوين" من المنتدي - الي اين يا سوادنيزاونلاين اخاف عليك من الوصول الي درجة "التعليق في موقع المشاهير" وربنا اعينك يا بكري
|
|
|
|
|
|
|
|
Re: طرق مفتعلة لجعل البوست في الصفحة الأولي!!!!!!!!!!!!!! (Re: almaskoon)
|
شكرا يا المسكون وصلني القالبين وماشاء الله عليك في موقع الكورة رهيب والله ...
بالنسبة لموضوع البوست اهم طريقة هي صاحب البوست نفسه في ناس هنا لو كتبو (.) بيجي ناس يناقشوهم في النقطة دي هدفه وطريقته والطريقة التي كتبت بها ولو فتشته بتلقه حاجات زي دي كتيرة
اللهم لا حسد طبعا - حظهم كده
| |
|
|
|
|
|
|
Re: طرق مفتعلة لجعل البوست في الصفحة الأولي!!!!!!!!!!!!!! (Re: الطاهر عثمان)
|
شكرا لك كلك زوق
Quote: في ناس هنا لو كتبو (.) بيجي ناس يناقشوهم في النقطة دي |
دي المشكله زاتها...يعني الاهم الكاتب منو مش كتب شنو...والشلليات ليها دور
انت عارف الجنن إتوو في برشلونا شنو...قال ""اجيب قون اقولو الباص طلع من رونالدوينو حلو العب انا الباص رونالدينو ايجيب قون.. ...إقولو قون حلو..""
......دي مشكلة شكلها اصابت بعض البوستات هنا...
وكلو لي خير انشالله
| |
|
|
|
|
|
|
Re: طرق مفتعلة لجعل البوست في الصفحة الأولي!!!!!!!!!!!!!! (Re: almaskoon)
|
Quote: ....فالكل يصارع ليبقي في الصفحة الأولي
|
طالما أن الكل بيعمل كده ..
المشكلة شنو يا almaskoon
دي ميزة ودليل على النشاط ..
ممكن موضوع يكون بالنسبة لواحد فينا موضوع فارغ ..
لكن عندو أكثر من معنى للباقيين ..
سودانيز أون لاين .. مجتمع .. دولة ..
و الداير يظهر يلبس (أحمر) أو (أصفر)
عاطر الود
| |
|
|
|
|
|
|
|