|
|
 غفلت قدرى وجيت لاقينى بالاحضان
|
نستطيع الادعاء بأن هذه القصيدة من أجمل القصائد فى تاريخ الغناوى السودانية بصفة عامة
ومن أروعها على صعيد أغانى الشمال السودانى
سأحاول نقاشها . والتحدث عن الكيفية التى تتسامى فيها المحبوبة فتصل الى مكانة روحية سامية
آمل ان يسعفى الوقت على فعل ذلك وعبر هذا البوست أدعو كل مهتم
القصيدة من غناء الفنان المرحوم يس عبد العظيم(1)
وكلمات الشاعر ابراهيم ابنعوف
ضميني ضميني
يا فرحة المحـــــزون
لا الصبر قادر أطيق
لا الضن معاهو سكـــــون
يا عايشه في جواي
بيكى الفؤاد مليان
انا من بعيد جاييك
شارد من الاحزان
غفلتا قدرى وجيت
لاقينى بالاحضان
لفينى فى جيدك
طوق والبسينى كمان
ورينى كيف بيكون
دفء الحنان فى حنان
ما انتى لى وانا ليك
رغم اليكون والكان
انا شاعرا غنـــــاك
فى اروع الالحـــان
وانا بين يديك فنـــــان
والفن فنونو جنــــــــون
شن داير اقولك عـــــــاد
ما القول على تقيــــــــل
انا والنجوم سهــــاد
من ديل اتابع ديــــل
تــــــنـــــهش كلاب الشوق
فى جوفى طول الليل
لامن لحقتا الموت
الموت ابانى عديل
يوما يلمنى فيــــــك
يوما صعب بالحيل
كترتلو التحنيــــــس
كملتو الوسيــــل
حلفتو بالقـــــران
خصمتو بالانجيل
وناديتو من سجيل
خيب رجا الممكون
ولهان عليكى قليـــــــب
يهواك يحبك مـــــــــوت
صبرتو بالآمـــــــــال
صبرا غزلتو خيوط
شان ما يميل للغيـــــــر
كرهتو فى البنــــوت
وسدتو بالاحـــــــلام
ختيتو فى تابـــــــوت
رهبنتو ليك رهبيــــن
فوّتو فوت الفـــــــــوت
حفظتو زكر الريـــــد
يزكر مغيب يــــوت
لامن بقالو كـــــــلام
لامن بقالو سكـــــوت
ونزرا على مـثـبوت
والله يكون فى العــون
سامحينى كان ذليــت
وكلامى ما ارضــــاك
الناس تسامح النـــاس
وانتى السماحة بــــراك
يا رقة الحلويــــن
يا قسوة القســــاك
بى زاتك اتوسل
طالب عفوك ورضاك
مديلى حبل الريــــــــد
قويهو من تـــالاك
خلينى اكون عــــــــــــايش
على انى يوم القـــــــــاك
يبقى السعد يصدق
وتمسك يديا يــــــــداك
واا شوقى لليوم داك
يوم يقعد المــاذون
----------------------------------------------------------------------
(1) يس عبد العظيم:من مواليد قرية العفاض فى شمال السودان ، وله اضافات واضحة فى اغانى الطنبور توفى فى ريعان الشباب
من الشعراء الذين تغنى لهم ابراهيم ابنعوف ومحمد الحسن سالم حميد
|
|
 
|
|
|
|
ود العجمى
فتحي الصديق
فيس بوك
تويتر
انستقرام
يوتيوب
بنتيريست