|
Re: ليه اهلنا بيقولوا القحة ولا صمة الخشم ... (Re: ناهد بشير الطيب)
|
Quote: لنقة عندها موقع زى موقع بكرى ده ....
اسمه (ملتقى النقيين الاكترونى ) ماتفتشوا فى قوقل وتتعبوا روحكم لانه حتجيكم كتابتى دى ناطة زى كورة التنس .... الهدف منه هو لم النقيين والمنقنقين والمنقنقات والمتلقين للنقة داخل السودان وخارجه فى حيز واحد بهدف تبادل الخبرات والافكار الجديدة زى (كيفيية ذيادة العكننة على خلق الله) (والطريق الاسرع لتعلم النقه) و(النقه اساس المجتمع المعافى) وكثير من الاهداف التى تسعى لتطوير مسيرة الحركة النقية السودانية وهو نتاج لعمل مشترك بين اتحاد النقيين السودانيين وملتقى النقيين بالخارج الذى دشن امس الاول ببلاد الناق ناق ........وبلاد العم نق .....وجمهورية النقة الديمقراطية ...(وتحيا النقة السودانية) .......
وفيه ايضا قسم للاغانى زى اغنية (كلمنى حاول نق لى ) و(النقنيق البقى لى سبب) (مع الاعتذار للفنانين والشعراءاصحاب الالحان الرائعة....)
تسلموا ناهد
______________________________________________
وكلمنى حاول نق لى |
| |
|
|
|
|
|
|
Re: ليه اهلنا بيقولوا القحة ولا صمة الخشم ... (Re: بشير حسـن بشـير)
|
ناهد بشير
ازيك وكيف حالك وحمدلله على السلامة
القحة الزمن ده بقت ليها معني تاني
قح لينا (بضم القاف وتسكين الحاء ( يعني طلع الضحاكات) ( الضحاكات هي الشرتيت ) (الشرتيت هو المال) الزمن ده لو بتقح كويس
كل امورك بتتسهل
بس انت كيف تقح
لو عايز تجرب
مرة قح
ومرة ما تقح
وشوف امورك بتتسهل كيف
فلنجعل شعارنا القحة واجب وطني
| |
|
|
|
|
|
|
Re: ليه اهلنا بيقولوا القحة ولا صمة الخشم ... (Re: جمال السنوسي)
|
ياجمال تسلم والله يسلمك
قلت للناس هنا لما جيت من السودان بالله جايه رااااااااااااااااااااايقة ماادايرة نقة مغتربين وطرح مشاكل وكفيل وشغل مافى وكدة خلونى بالله وبمناسبة الضحاكات دى...... فى السودان ضحكنا جنس ضحيك من تصبح وانا بقح . اقصد بضحك .....لسه ماتكون فتحت عينك تكون مرقت 10 الف بعد تفتح عيونك بتكون مرقت 7 الف ....وبعد تشرب الشاى بتكون طلعت تانى 5 الف....وده كله ولسه والواحد مافطر الضحاكات مشت وين علمه عند الكريم غايتو ضحكنا هناك لما قلنا بس هناك الله يكون فى عون العالمين
| |
|
|
|
|
|
|
Re: ليه اهلنا بيقولوا القحة ولا صمة الخشم ... (Re: ناهد بشير الطيب)
|
Quote: اهاااااااااااااااااااااااااااااا قمنااااااا... انا نوع نقتك دى زاتها البتخلينى اخلى المايكرفون زاتو..... واحم احم احم ..... سلام .......
_____________________
بس ماوريتنا دواء صمة الخشم ده نلقاه وين ؟ |
تلقيهو عند نسوان الشيخ .......... واحده إسمها الصبر والثانيه إسمها السكات
| |
|
|
|
|
|
|
Re: ليه اهلنا بيقولوا القحة ولا صمة الخشم ... (Re: بشير حسـن بشـير)
|
Quote: لقيهو عند نسوان الشيخ .......... واحده إسمها الصبر والثانيه إسمها السكات |
ماتعرفنى عليهم يابشير ... ولا ا اقول ليك حسن تعرفهم على البينقوا لى فى راسى ده من تصبح كان يلازموا حوار الشيخ ونسوانه ديل ...
___________________________
...يعنى نقفل البوست ياهو ده دواك
| |
|
|
|
|
|
|
Re: ليه اهلنا بيقولوا القحة ولا صمة الخشم ... (Re: انعام عبد الحفيظ)
|
يا انعام
طبعا لما اتلاقينا انا وانتى ....جنب النجيلة ......انتى عملتى (كلمنى حاول نق لى ) كتير جدا جدا ....وانا كمان قمت جاريتك ونقيت ليك ماخليت ليك فرقة واخدنا بعضنا ومشينا لانعام حيمورة فى مكتبها ولو ماكانت مشغولة كان برضو عملت لينا كلمنى حاول نقى لي فى راسنا المنقنق اصلو براه منه وفيه ده ....ومنها اتحركنا لمنال خوجلى وبرضو عملنا حركتنا البايخة بتاعة كلمنى حاول نق لى دى معاها ...لكن هى فالحة اخدتنا واكلتنا فول عشان تسد الخانة دى ...بتاعة نق لى .....
____________________ وبركة حقيقى بالشوفة .....
وكلمنى حاول نق لى
| |
|
|
|
|
|
|
Re: ليه اهلنا بيقولوا القحة ولا صمة الخشم ... (Re: khaleel)
|
ناهد
سلاك كبير و تحياتي للأسرة الكريمة
Quote: هل لانه القحة عندها دواء والصمة ياكافى البلا ماعندها ... |
ما تنسي إن في أنواع من الكحة .. أخير منها الصمة .. مثلا زي ( الكدكود ) .. دة ما عندو علاج إلا لبن الحمير الله يكرم السامعين .. عندي صاحبي في عطبرة شربوه اللبن دة لغاية ما إضنينة كبرن و صوتو بقى ( أجش ) ...
تصدقي يا ناهد .. بعض ( الصمة ) أبلغ من كلام كتير ... و دة موضوع تاني و كبير و عاوز ليهو بوست منفصل ..
Quote: غايتوا محتاجين بشدة لدواء صمة الخشم .........
اتهريت من النقة الكتيرة دى ........ |
داوني بالتي كانت هي الداء .. فأحسن دواء للنقة هي النقة المضادة ... لا يفِل النقة إلا النقة.
Quote: فى نقة بلون الياقوت |
يعني ممكن تتخت في الخاتم ؟
Quote: وفى نقة بنار الزغاريد |
دي نقة مطلوبة .. بس نادرة ..
Quote: فى نقة فيها سيرة الوجع |
دة سهل ممتنع .. مرغوب و مرفوض في آنٍ واحد ..
Quote: فى نقة حلوة من بهارات الاسطورة وملح الواقع |
دي أنا برخي ليها أضاني تماما
Quote: وفى نقة كدة بس زى (زحف النمل) داك بطرف الحيطة ...تلقاها مبارياك |
أها دي بتحتاج لعجين زلابية في الإضنين
Quote: اما نقة (عواء المهاجر المغترب ) دى بتالمنى شديد |
تماما .. فقد إنقلب بعض المغتربين إلى ذئاب تعوي ليلاً و تلهث نهاراً ...
دمت
| |
|
|
|
|
|
|
Re: ليه اهلنا بيقولوا القحة ولا صمة الخشم ... (Re: ابو جهينة)
|
استاذة ناهد .. تحايا طيبات .. المثل في اصله مقصود به الموت .. صمة الخشم المعنية هنا هي الموت .. فالمعاناة بالسعال ( القحه ) خير من الموت .. و يضرب في القبول بالمعاناة الاقل خوفا من البلاء الاعظم .. هو ان شئتي شقيق : ما رماني على المر الا الامر منه او ابن لـ " حنانيك بعض الشر اهون من بعض "
ثم اصبح يقال بمعنى الحركة خير من السكون .. و الفعل خير من اللافعل .. و اصبح تقريبا صنوا للاخر : " التسوي تندم و لا تخلي تندم " ..
ــــــــــــــــــــ
Quote: فى نقة بلون الياقوت وفى نقة بنار الزغاريد فى نقة فيها سيرة الوجع اما نقة (عواء المهاجر المغترب ) دى بتالمنى شديد |
اعجبني تضمينك لروايات امير تاج السر الرائع
| |
|
|
|
|
|
|
Re: ليه اهلنا بيقولوا القحة ولا صمة الخشم ... (Re: حمور زيادة)
|
الاخ حمور .....
شكرا على الشرح المستفيض .....للمعنى ...... الدكتور امير تاج السر تعجبنى رواياته ....لا بل يعجبنى اكثر اسم الرواية ...الغارق فى التكوين له رواية جميلة باسم (سما بلون اليااقوت) تغنى له حمد الريح وحيدر بورتسودان اعجبتنى رواية (عواء المهاجر) ......... هو كاتب يحتفى بالواقع والاسطورة فى ان ______________ على العموم اتابع كتبه عبر معارض الكتب التى تقام ....
______________________________________
لقيتك متابع .......خالص الشكر والتقدير والاهتمام ..... وشكرا مرة اخرى لاهتمامك بكتابات الدكتور امير تاج السر ....
________________________
| |
|
|
|
|
|
|
Re: ليه اهلنا بيقولوا القحة ولا صمة الخشم ... (Re: ابو جهينة)
|
استاذنا الراقى صاحب الاماندا .......والابنوس .....الكاتب ابو جهينة كل التحايا
شكرا على المداخلة الثرة ......والتى لم تترك حرفا الا وعقبت عليه .....وكأنك قمت بزراعة كلى جديدة للبوست ......
فى موجة الهجرة العكسية للنقة .....وبعد الظروف و(نقنقة ) الكلام (نقنقة على وزن سعودة ) اضطر كثير من الاخوة المنقنقيين الى ان يعودوا عودة طوعية لصمة الخشم .....غانمين سالمين (بدون مايكون اتمسك فى قوالة ولا شىء تانى )
المهم فى موجة الهجرة التانية للمنقنقين فى دول المهجر وعواءهم وشكيتهم المرة مرارة الحنظل من الغربة وسنينها برز اخوة منقنقين جدد ذوو اصوات نقناقية جميلة ....وذووو قمصان ترقش .....يتصلون عليك ليشكون قلة الرواتب والبعض تأخيرها ... برايك استاذنا الفاضل ابو جهينه هل تمثل مثل هذه النقنقات الجديدة والتى برزت على الساحة الان هل تمثل تيارات جديدة فى النقة السودانية المتطورة مع تطور الاحداث ....
مع تطور شبكة الاتصالات والتى قامت بها الان شركة سوا مشكورة (شركة سوا شركة اتصالات سعودية ) فى فتح الخط بعد ال5 دقائق الاولى وتستمر قرابة الساعة وان كانوا (ناس سوا) اتبايخوا شوية وبقوا يقفلوا ليك الخط بعد نص ساعة من المكالمة ... ماعارفة ليه ......(بايخين)
استاذنا
الاتكفى النقة الموجودة اصلا والتى اكتفينا منها حتى الثمالة ...كى تأتى هذه الشركات وتفتح المجال اقصد ( النفوس ) (من فتحان النفس النفوس دى ) لليتصل بك احدهم دون موضوع فقط لان المكالمة مجان ... _________________________________
سأزور طبيب الانف والاذن والحنجرة بعد انتهاء عرض سوا من الجوال ........
سؤال
ليه رابطين تخصص الانف والاذن والحنجرة مع بعض وفى تخصص واحد .....غريبة __________________________
وكلمنى حاول نق لى ......
| |
|
|
|
|
|
|
Re: ليه اهلنا بيقولوا القحة ولا صمة الخشم ... (Re: khaleel)
|
Quote: لكن الصعبة (اربعاء وعقاب شهر) دي ما عارف معناها |
اخونا خليل
غايتوا العارفاه وكمان بالمرة نقرب ليك المعنى ...... انه فى رجال خاتين اسم زوجاتهم كده (اربعاء وعقاب شهر ) فى الموبايل لما يرن
يلا اتفولح وجيب لينا المعنى . بالتحديد كدة ... واوع تقول والله انا مادخلت عش الزوجية وماعارف ....وشنو مابعرفوا داك .....
____________________________
شكرا اخ خليل
| |
|
|
|
|
|
|
Re: ليه اهلنا بيقولوا القحة ولا صمة الخشم ... (Re: ismeil abbas)
|
Quote: لكحة زى ماقال أخونا جمال السنوسى دلالة للمده..أى دفع المال أو الغمته ..أو العصرة..ويحكى أن مريض متأزم وعندو أزمة ألأثنين عليهو ياكافى البلاء...الدكتور عايز يكشف عليهو..قال ليهو كح...قال ليهو والله ماعندى ولا مليم.. |
الاخ العزيز اسماعيل
مرة واحدة ولدها الصغير عيان والكلام ده زمان ايام دواء الكحة كان معدوم ......اها ساقته الدكتور فى مركز صحى عادى الدكتور شاف الولد بيكح ....بدون مايكشف عليه وهو لسه الشافع شايلاه امه ....بس الشاف يكح والدكتور يقول ليه ( كر ....كر ......كر ....)
______________________________
ولسه زعلانه انى ما لاقيتك فى السودان الجريه كتير لمن مسيخ ده .....
وتسلم
_____________________
وكلمنى حاول نق لى .......
| |
|
|
|
|
|
|
Re: ليه اهلنا بيقولوا القحة ولا صمة الخشم ... (Re: ناهد بشير الطيب)
|
سلامات يا ناهد وحمداً لله على السلامة جيتك تاني .. أصلي ما بتوب من ( الفط )
كنا - ولا نزال - رفقة زمن جميل ، بل إن شئت دقة عشرة عمر بحاله . إختلفنا في مدارس السياسة ومذاهب التدين ومجالات العمل ، لكننا إجتمعنا في عميق المحبة وتمام الإحترام . واجتمعنا أيضاً في تلك الهواية الغريبة أن " كل شئ خاضع للنقاش والتحليل " أو هي النقة في أجلى معانيها . قبل عقد أو نحوه من الزمان سافرت في إجازة سنوية ، تفقدت من ظل موجوداً لا يزال بالسودان ، زاروني ( حبايبي الحلوين ) فرادى أو مع أسرهم . لكن شئ ما كان ينقصنا ، تلك الأمسيات والكراسي في حوش الديوان أو خارج الحوش - وخارج الحوش هذا كان محطة ( فطتنا ) الأولى - كنت أمني النفس بمثل نقاشات ذلك الزمان التي قد تستمر حتى مطلع فجر اليوم التالي . لم تكن هذه الرغبة متاحة ، تغير الحالة الإجتماعية كان سبباً ، تغير الحالة الوظيفية كان آخر ، والظروف الإقتصادية التي يعاني منها الجميع ربما كانت سبباً في تغير الأولويات عندهم ، وسبب آخر ( نتهيبه ) وهو العمر ومايتبعه من إنخفاض لحماس ( الشباب ) . فاجأني أحدهم صباح أحد أيام الأربعاء ( وما عقاب شهر ) أن الشلة قد قررت أن تحضر بكاملها عندي غداَ الخميس لسهرة - على طريقة - ( أيامنا الخوالي ) . فرحت فرح الأطفال . نعم جاءوا كلهم وتسامرنا وتناقشنا واتفقنا واختلفنا وضحكنا وتذكرنا من فارق دروب حياتنا فبكينا .
قال لي صاحب الإتصال وهم يودعونني فجر اليوم التالي ما معناه
" يا أبو الشباب حاسين بي ( خرمتك ) لى ( نقة ) زمان ، لكين الزمان بقى ما زى زمان ، ونحن كمان بقت ظروفنا ما زى زمان ، لكين ما هان علينا نرجعك لى غربتك بى خرمتك . عشان كدا عملنا السهرة دي وما تتوقع زيها تاني ، تعال لينا وحنجيك لكنها حتكون زى زيارات ناس الزمن دا "
أها شفتي النقة جابت النقة
_________________________
وعلى ذكر الإجازات عليك الله يا بت أمي جهة الشغل البتدي إجازة أربعة أشهر دي ما تشوفي لينا فيها شاغر إن شاء الله رئيس مجلس إدارة أو حتى ( حتة ) مدير عام
| |
|
|
|
|
|
|
Re: ليه اهلنا بيقولوا القحة ولا صمة الخشم ... (Re: طارق جبريل)
|
ازيك يادكتور الحنية .......كيف الاعمام ....
سمعت بى كتاب اسمه (المنقنق الذى مات واقفا) ؟ ده حيكون من تأليفى ان مد الله فى الاجال لانه مواده جاهزة .....الشخوص بتاعين النقة فى ...(الحبكة النقية) فى ....(السيناريو النقناقى )موجود باقى بس الحبر ......وابدأ فى كتابته ....وبعدها حاأعتزل ....الكلام .......وسأصنع من هذا الاعتزال عالما متكاملا .... فهمت حاجة ...... ولا انا .... فتك بعافية ... وسلامى لست بيتك واولادها ....
| |
|
|
|
|
|
|
Re: ليه اهلنا بيقولوا القحة ولا صمة الخشم ... (Re: محمد عثمان)
|
ياحليلك يامحمد عثمان .......والله ياسلاااااااام ........
كان نفسى الاقيك ...لكن الانعام بت حيمورة دى (اشوف فيها يوم) (غير يوم عرسها ) ...قلت ليها الجاى منو للرحلة ....قالت لى كتار ... قلت ليها النبى ادينى اللستة ....عشان اكون عارفاهم لمن اجى اسلم عليهم مايتلخبت على الاختساس وكده ...لانه بصراحة يانعومة عندى مشكلة ذاكرة غريبة.......... انعام قالت لى بورداب الخرطوم كلهم (ماشاءالله حافظاههم كلهم ) يكون من اكل السمك بتاع الجبل ده .... وانا راسى لفة لفة ...من كترة الاسامى .....(وهنا اتلخبط على الجدود) جد ده ختيته فى ده ...عندك مثلا ....
عمران سلمت عليه على اساس رغيم ورغيم محل تبلدينا ومعتصم مكان منو ماعارفة .... والراس جاط .... قلت كدى اضرب السمك ...بعدين اكيد الذاكرة منها وليها كده براها وترجع وكان فعلا ماحدث ورجعت الشبكة واكتشفت انك مامن ضمن الموجودين .... والصندوق الاسود مااتلقى ....وذاد عدد المفقودين ......
وزعلت زعلة زول ذاكرتهها فى محلها .....
________________________________________
الا تعال انت كنت وين ....
_______________________________
وكلمنى حاول نق لى ...
| |
|
|
|
|
|
|
Re: ليه اهلنا بيقولوا القحة ولا صمة الخشم ... (Re: سامى عتبانى)
|
اهلااااااااااااااا بيك يااخ سامى
بحرى كويسة جدا جدا جداا .......والاهل كويسين ....وميتين فى بحرى .....مروق مابمرقوا منها .....
بقول للوالدة ( اثناء اجازتنا (حاليا نحن من سكان الخرطوم) حينما نزور بحرى .(الزيارة طبعا بامر الحاجة يوميا لبحرى ) ...ياحاجة امرقى ارح الواطة ليلت علينا ارح نلحق بسرعة نشترى كهرباء ...تقول ليك ....ا شتريها من بحرى دى..... مالها كهربتها كمان .... ياامى كهربتنا براها وديل كهربتهم براهم .... ارح يلا ...
وناس بحرى .....كان جاهم مغترب داير واطه فى اركويت بيشروها ليه فى بحرى ..... ويقولوا ليك الخدار يابتى ياناهد اخبر تشتريه من بحرى دى رخييييييييييييييييييص هنا ...وامانة ماخدار مفرهد وصاحى ولا الفلفلية شىء تانى ..... كله كوم وحكاية يودوك بيتك الكنت ساكن فيه زمان ويلفلفوك فيه رغم انف الساكن الجديد ......ويقولوا ليك عليك الله ده بيت تبيعوه...(طبعا هنا الساكن الجديد بتنتفخ اوداجه على البيت اللقطة ده) هسى شفتوا لو مارحلتوا الخرطوم السجم دى ....كنتوا فتحتوا دكان ...الزلط جاء بى شارعكم ....وكان البيلزكم مايرميكم
والحظتها انت غير ماتلم توبك فى خشمك وتتحسر مافى شىء تانى ....
_____________________
اللهم ادينا حسن ختامها وبيت الاخرة .....
عاطر التحايا وشكرا على الطرافة اليوتيوبية دى ....دى وجات فى محلها بالظبط تشكر يازعيم .... سلامى لاهلك العتبانية كلهم ....
| |
|
|
|
|
|
|
Re: ليه اهلنا بيقولوا القحة ولا صمة الخشم ... (Re: طلحة عبدالله)
|
استاذ طلحة .......كيف اخبارك واحوالك ......
خلاص نستضيفهم فى منتدى السرد النقى ليحدثونا عن تجربتهم الابداعية .... وتكون الندوة بعنوان (اقوان تحت الذاكرة ) ......
فى برنامج صدى الملاعب قبل كم يوم قالت الفنانة البحرينية احلام للمذيع مصطفى الاغا ...(انتوا على طول بتجيبوا اخبار الفرق الكبيرة ومتناسين الفرق الصغيرة .......) اها على ذكر كلام احلام .... اخبار نادى الكوكب شنو ونادى الزهرة ونادى الزيتون ونادى النقة
________________________
انا هلاريخيية.....مايجى زول ينط لى فى حلقى .....وبالذات اساسى ده ....
| |
|
|
|
|
|
|
Re: ليه اهلنا بيقولوا القحة ولا صمة الخشم ... (Re: طلحة عبدالله)
|
سلامات ياناهد قولنا نجى نقح شوية طبعا ياناهد فى شباب بقولوا القحة للشيرنج يعنى القروش او الفكة والكهربا والشرتيت او الضحاكات والكنجالات اتارى القروش دى مجهجهة الناس عشان كده قطعوا ليها مليون اسم ولقب اها قحيناوبنخلى باقيها لقحة تانية وبرضو القحة ولا صمة الخشم
| |
|
|
|
|
|
|
Re: ليه اهلنا بيقولوا القحة ولا صمة الخشم ... (Re: عامر تيتاوى)
|
الاخ عامر تيتاوى سلامات ياخى ....
عارف القروش دى سمحة خلاص ...الليسموها اى اسم بس الترقد جنبنا كده .....ونزيل كل الحواجز البينا وبيها عشان مانلقى روحنا فى الاوقات الحرجة بنتوسل ليها تجينا ....او نشتغل فوق طاقتنا عشان نوفرها .... وياريت لو نحن والضحاكات دى ازلنا الحواجز وبقينا كلنا فى بوتقة واحدة ...نحن نغرف منها (القروش) وهى تغرف مننا ... بس ياربى هى حتغرف مننا شنو . تفتكر اخ عامر ........
الاخ عامر
والله البوست بقى بتاع كنجالات ساااااااااااااااااااكت .......(التقول اتكبت فيه قهوة) والخير على قدوم الواردين ...........
____________________________
وشكرا اخ عامر ......
| |
|
|
|
|
|
|
Re: ليه اهلنا بيقولوا القحة ولا صمة الخشم ... (Re: ناهد بشير الطيب)
|
النقة عندها موقع زى موقع بكرى ده ....
اسمه (ملتقى النقيين الاكترونى ) ماتفتشوا فى قوقل وتتعبوا روحكم لانه حتجيكم كتابتى دى ناطة زى كورة التنس .... الهدف منه هو لم النقيين والمنقنقين والمنقنقات والمتلقين للنقة داخل السودان وخارجه فى حيز واحد بهدف تبادل الخبرات والافكار الجديدة زى (كيفيية ذيادة العكننة على خلق الله) (والطريق الاسرع لتعلم النقه) و(النقه اساس المجتمع المعافى) وكثير من الاهداف التى تسعى لتطوير مسيرة الحركة النقية السودانية وهو نتاج لعمل مشترك بين اتحاد النقيين السودانيين وملتقى النقيين بالخارج الذى دشن امس الاول ببلاد الناق ناق ........وبلاد العم نق .....وجمهورية النقة الديمقراطية ...(وتحيا النقة السودانية) .......
وفيه ايضا قسم للاغانى زى اغنية (كلمنى حاول نق لى ) و(النقنيق البقى لى سبب) (مع الاعتذار للفنانين والشعراءاصحاب الالحان الرائعة....)
______________________________________________
وكلمنى حاول نق لى
| |
|
|
|
|
|
|
Re: ليه اهلنا بيقولوا القحة ولا صمة الخشم ... (Re: ناهد بشير الطيب)
|
حضارة النقة عندنا فى السودان بتمتد ل 7 الف سنة .....حيث ارسيت ثقافة (النقة) .....وقد استطعنا خلال تلك السنوات ان نخلق تواصل (نقاوى) بين الناقى والمتلقى للنقة (ابعضهم يتلقى هذه النقة كلاعب مبتدىء يواجه بطل العالم فى الملاكمة) عبر تنوير كثير من المتلقين للتعامل مع هذه النقة باستخدام كل الخامات اقصد كل الوسائل .....
النقة زى المهرجانات دائما لها برنامج مصاحب ...بتخلله فقرات من (العواسة الكلامية )الماعندها طعم .....والحكى الفاضى والشكية للناس بدل (الشكية لى الله) ....والكلام فى خلق الله ..... ده كله كوم اللوم كوم تانى ....انتوا مالكم مابتجونا...... ومالكم ..... وان كنت عايز تخارج روحك وتقول ا كدى ضرب ليهم اللوامين ديل .....وتقول ليهم (والله نحن جايينكم بكرة ) الرد يجيك بسرعة ...نحن طالعين والله بكرة ...... (بقيت بقول لاى زول بجيكم بكرة عشان اتخلص من اللوم الاجوف ده )
هناك ايضا منسقين للنقة ومشرفين للنقة وقسم للاخبار ....وده طبعا قسم خطير ...لانه بيبتث ليك كل راس ساعة (زى رحلة الرياض جدة المجدولة يوميا )....... وفى كمان قسم لتواصل اجيال الناقيين (اشبال الناقين) ديل بقى تدريباتهم يومية على النقة ... خاصة مع تخفيضات الاتصالات بتاعة اليومين دى فى قسم معارض للنقة وانواعها .....ده قسم كبير جدا ...(مول) على مستوى الشرق الاوسط وافريقيا ...
| |
|
|
|
|
|
|
Re: ليه اهلنا بيقولوا القحة ولا صمة الخشم ... (Re: ناهد بشير الطيب)
|
اتصل على فرد من افراد ا(لملتقى النقى ) واطلعنى على مجهودات النقييين الخريجين الجدد (دفعة تخفيضات ناس الاتصالات بتاعة اليومين دى ) ثانيا اطلعنى على اضخم مكالمة دولية فى السودان ....مليلنة شمارات ونقة فرز اول ......(ودى انا بعتبرها انجاز حقيقى للسودان)
المشكلة تكمن فى ان لهم مشاريع مستقبلية اللى هى :
انهم عايزين يشاركوا باسم السودان ويمثلونا ...(متأكدة من فوزهم كتأكدى من فوز اوباما) ....
ملتقى النقيين السودانيين حقق نجاحات كبيرة لاسيما فى الاسئلة المميته والمفاجئة ....مثل
ماهيتك كم عمرك كم راتبك بيتاخر ماقاعد تمشى السودان مالك بيتكم وين بتاكلوا شنو بيتكم ايجار ولا ملك مالكم مابتردوا على التلفون اولادكم مدارس حكومية ولاخاصة ناس امك ماجايين عمرة السنة دى و و و و ة اللذين يسالونك اسئلة نكير دى كتااااااااااااار .....اكتر من 27 (ناق وناقة ) فى الاسبوع بمعدل 3 ناقيين فى راسك ده يومى........(لمن جانا زهايمر) قدموا اكثر من الف الف سؤال تراوحت مابين وين وكيف وليه وبتين ......وعشان شنو (وعشان شنو ده السؤال الوحيد البيجننى ويخلينى اخت توبى فى خشمى واجرى)
والنجاح الاعظم الذى يحققونه هؤلاء الناقون ....هو تشبيك علاقتهم مع مؤسسات المجتمع المختلفة..... من جيران قدام واهل انت زاتك ماعارفهم فى ياتو بلد هسة (الواحد يقول ماشى هولندا تسمع بيه انه فى امريكا ) تجيك اخبارهم بالحته .......ده غير راى (الناقى) زاااتو فى اهلك واصحابك وناسك وناس شغلك ....مثلا يقول ليك انت حيدر شغال فى امريكا شنو والله حيدر ده ياخى مافى امريكا فى هولندا هولندة شنو يابقر انت ...حيدر ود خالتك ما اتسلل لامريكا قبال سنة ..وشغال فى مؤسسة كدة بجيب ليك تلفونه ..... بالله ...غريبة ...وانت عرفت كيف ؟ (ده طبعا مثال لى زول قريبك ...(الناقى) اداك خبرو ووين شغال ........... وكمان شتمك .....ببقر هولندا ....)
السؤال اللى حتسالونى ليه .... هل الناقى دة زول فاضى ولا شغال ومشغول ؟؟؟؟؟ الاجابة عندكم ...مع العلم ...انه انا (نقايينى ) كلهم شغالين ومشغوليين 48 ساعة فى اليوم بيجيبوا اخبارنا كيف مابعرف ....
_________________________________
اقعدوا عافية
| |
|
|
|
|
|
|
Re: ليه اهلنا بيقولوا القحة ولا صمة الخشم ... (Re: ناهد بشير الطيب)
|
ده سيناريو بكتبه هسه ليكم حيجيكم كيف ماعارفة المهم
نوع من التلفونات الممكن تجيك وانت بالك ممكن يكون مارايق وممكن تكونى شايلة ليك كمشة فى يدك وبتسوطى فى الحلة ويقوم زاتو الموبايل يقع جوة الحلة البتغلى ولا فى الحوض ....... يلا معاى ونشوف ....تلفون من السودان من برعى قرابة بعيدة لميسون المغتربة مع راجلها .......
تررن تررررن ترررن
الو ميسون ايوة منو معاى معاك برعى من السودان اهلا ازيك والاهل والوالدة كويسين قلت اضرب اسلم على الناس لانه عاملين لينا ناس شركة الاتصالات خدمات مجانية وكدة طيب اهلا الكركبة الجنبك دى شنو ياميسون بطبخ انت ماعندك خدامة لا والشغل وين خليتيه ولا شنو لا هو الخلانى منو الخلاك ؟ ياسين لا الشغل انتى بتعرفى ناس عبيد الكانوا فى مدنى ديلاك اى مالهم ولدهم جاى عمرة طيب المطلوب ولا حاجة قلت اكلمك بس عشان تمشوا ليه الميناء بكلم ياسين بعدين شفتى ناس الاتصالات ادونا تخفيض فى الاتصال الدولى و و وانا ذنبى شنو قلتى شنو ياميسون ابدا قلت كويس والله الناس احسن تتواصل انتى ياميسون الواحد كان داير يشترى اقامة بتتلقى بى كم كدة عندكم مابعرف اضرب لراجلى هو يوريك انتى عارفة قالوا فى الرياض ارخص طيب اتصل على ناس الرياض اها واعملها فيزة شنو يعنى...... البقدر اشتغل بيها بعدين .....وظيفتها تكون شنو ماعارفة والله...دى حاجات بيعرفوها الرجال هنا ..... ميسون عاينى لحلتك ماتحرق......طابخة شنو لياسين الليلة ممكن اقفل السماعة يابرعى لا اوعك كدى بتخسرينى لانه التلاته دقايق الاولى بتاعة العرض فاتت وكدة هسة المكالمة المجانية شغالة طيب وانا ذنبى شنو قلتى شنو ياميسون ماسمعتك لا ابدا قلت خدمات ممتازة ميسون ...ماجايين السنة دى السودان ان الله سهل بنجى جايين تنزلوا فى بيتكم ولا بيت نسابتك حسب الظروف ماتأجرى بيتك انشاءالله
صمت
ميسون اى ياابن الحلال شنو تانى ؟ متابعة مسلسل لحظة وداع لا ليه رهيييييييييييييييييب شفتى ليلى خلت اولادها وفاتت .... لا مافاضية للمسلسلات بالعكس انتوا المغتربات ديل فاضيات .... انت الفاضى قلتى شنو قلت ليك الله يفضى البال وبالك مالو مشغول ياسين ماشغال كويس ولا شنو لا شغال الحمدلله طيب مالك زهجانة براى لا مابراك انت عارفة انا حااكلم خالتى سعدية اقول ليها ميسون بتك دى مابراها شكلها زعلانة من راجلها ولا حاجة كدة ... يابرعى اوعى ...انا كويسة مالى هسة .... مالك كيف كلامك مسييييييخ مسيخ لانك انت ماعنك موضوع كيف ده عرض مقدم افوته ساااااااااى كده واصلك فوت طيارة ماتفوته كان فوته انتى عارفة الدقيقة زمان ليكم بى كم كانت ...هو زاتو كنا بنقدر نضرب ليكم يالله يابرعى .......حااقفل الخط دى ماحالة دى مع السلامة بتخسرينى ياميسون تمن المكالمة دى... تيت تيت تيت .......
___________________
بلا ياخدك وياخد تخفيضك معاك (تتطنطن ميسون) قال زعلانة من راجلى قال
| |
|
|
|
|
|
|
Re: ليه اهلنا بيقولوا القحة ولا صمة الخشم ... (Re: ناهد بشير الطيب)
|
سيناريو مرتجل لحظوى اخر
الو مين فى الخط معاك امجد ااهلا يااخ امجد كويس نحمدالله نعم ممكن اخدمك بى شنو الحقيقة لقيت اسمك مسيف عندى وماعارفك.... انا الكاتب ود الزين........ اى ما مسجل عندى ود الزين وكدة ...... طيب اها المطلوب منى شنو ......عشان انا سايق فى الشارع وكدة طيب ماتركن و وشنو ؟ اركن ليه ...انت منو وداير شنو ولا حاجة بس قلت مع التخفيض العاملنوا لينا ده اضرب للناس الفى الموبايل العندى ديل كلهم لكن انت مابتعرفنى ؟ مالو نتعرف انا امجد ولقيت رقمك فى تلفونى انا الكاتب ود الزين نعم اى خدمة انت سايق بى سرعة كم هسة بى 80 مرخص عربيتك لا قلت بدل ارخص احسن القروش اعرس بيها .... وسايق سااااااااى كدة وانت دخلك شنو لا ابدا مالازم ترخص حكاية ال30 الف دى وقفوها بيودوك الساحة الخضراء انت وعربيتك انت مالك كيف مالى مش رقم تلفونك فى موبايلى ويعنى تقوم تقدنى بالكلام من صباحة الله لابنيى لابينك عرفة قبال كدة كدى قول لى انت اديب فى شنو شعر ولا نثر ولا نضمى سااااااااااااااى كدة لا انا راوى بتروى من بتين........... بتروى شنو....... ياتروى انت .......انا قاص...قاص قاص بتقص شنو ......شدر؟ اى بقص شدر عندكم شدر اجى اقصه ليكم وبالمرة اقص ليك راسك ده من بتين يااستاذ بديت الجز ...... اقصد القص القص شنو يا ابو قص انت مش انت قصاص انا كاااااااااااااااااااااااااتب اديب راوى بتكتب شنو ووين وبتين وليه بكتب فى الجرايد ونحن ربنا ابتلانا نقرا ليكم مش؟ هو فى بلوى اكتر منك بالله ....هسة دى .......عالم وهم اسمع ماتنبذ انا ضارب بس لانه لقيت رقمك فى موبايلى ثم انه زاتو الجاب رقمك شنو عندى هنا مابعرف شوف انت سيفته كيف وبتين ... الموبايل ده جديد اشتريته امبارح من واحد فى السوق العربى خلاص يكون ده تلفون واحد انا بعرفه انت بتعرف منو ومنو ومنو ياخى انت دخلك شنو مالك ياخى ماتخلينى فى حالى مع السلامة لا بالله دقيقة بس عندك كلمات اتغنت لا طيب اترقصت شنو؟ اقصد ا كلمات اترقصت قبل كده ..... لا حول ولا قوة الا بالله العلى العظيم بالله اصلوا ماسمعت بيك قبال كده ...ود الزين ...ود الزين ولا انا زاتو سمعت بى روحى دى .......بالله زح كدة ولا كده انت بتتكلم مع ناس المرور؟
ويقفل ود الزين الخط.....
تيت تيت تيت .........
___________________________
بقيت سيناريتست .....ياربى بنافس ناس استاذ الفاتح جبرا ديل ......
| |
|
|
|
|
|
|
Re: ليه اهلنا بيقولوا القحة ولا صمة الخشم ... (Re: ناهد بشير الطيب)
|
شركات الجوال مازالت تقدم عروضها ...وهاهى امونة المغتربة مع زوجها فتاح ....
نشوف السيناريو برضو الارتجالى ده حيجيكم كيف (على الله ) غايتو بسم الله
فتاح انت مارق اى ماشى الشغل ليه فى حاجة كنت عايزاك قبل ماتمشى تتناول لى كرت تلفون بى 10 ريال من البقالة لى شنو .....ماقبال ساعتين جبت ليك واحد لما مشيت اجيب العيش دايرة تانى واحد دايرة اكلم فوقية صاحبتى لى شنو ....ومن بتين قاعدة تضربى ليها يخسى عليك يافتاح ماعشان التخفيضات دى وكدة وعشان التخفيضات دايرة تقد لى جيبى ده يعنى هسى نفوت التخفيض ده ساااااااااااكت كدة مانستفيد منو ما ..شنو ....نستفيد؟ نستفيد شنو كيف ........عارف بالعشرة دى اتكلم نص ساعة بى 7 ريال وتلاتين هلله بس وال 7 ريال ديل انت دافعاهم من بيت ابوك مامن جيبى الدايب ده طيب اها يعنى نفهم شنو هسة تفهمى انو الشركات دى بتخفض بمقابل مش سااااااااااااكت كدة طالقة ليكم الخط مفتوح كيف يعنى ....هسى معقول مع كترة الناس البتتصل دى بتكون استفادت شنو غير خدمة لينا وقدمتها كتر خيرها ياولية انتى جاهلة ديل بيدوك ليها ياليمين ويشيلوها بالشمال كيف ياابو العريف ورينا عاد التنظير ده يخلوه ليك هسى انتى كانت عندك الشريحة بتاعة الشركة دى من اصلوا لا مش جبتها ليك لما اعلنت الشركة دى عن تخفيضات اى ده اول مكسب استفادوا بعميل جديد وكمان حيعبى كارته مرة ومرتين وتلاته لانه العرض ماعاملين لية مدة محددة اى والله يلوى راسك المقودس ده ...هسى كم 10 شلتيهم من الصباح وشابكانى مامجانى يافتاح مامجانى يافتاح .... الجن اليزوزى بيك هسى حتجيب لى الكرت لا مالازم لانى ختيت صاحبتى مع ارقام العائلة وكدة يعلك رب العالمين زى ماعليتينى اى عليتك هو انت كنت كدة ...من ماعرستك زادو ليك ماهيتك ورقوك .....كمان انكر دى نكير اليشيلك ويريحنى
طاااااااااااااااااااااخ .......
امونة تطنطن ....الباب وراك . بالله .....
| |
|
|
|
|
|
|
Re: ليه اهلنا بيقولوا القحة ولا صمة الخشم ... (Re: ناهد بشير الطيب)
|
شركات الجوال مازالت تقدم عروضها ...وهاهى امونة المغتربة مع زوجها فتاح ....
نشوف السيناريو برضو الارتجالى ده حيجيكم كيف (على الله ) غايتو بسم الله
فتاح انت مارق اى ماشى الشغل ليه فى حاجة كنت عايزاك قبل ماتمشى تتناول لى كرت تلفون بى 10 ريال من البقالة لى شنو .....ماقبال ساعتين جبت ليك واحد لما مشيت اجيب العيش دايرة تانى واحد دايرة اكلم فوقية صاحبتى لى شنو ....ومن بتين قاعدة تضربى ليها يخسى عليك يافتاح ماعشان التخفيضات دى وكدة وعشان التخفيضات دايرة تقد لى جيبى ده يعنى هسى نفوت التخفيض ده ساااااااااااكت كدة مانستفيد منو ما ..شنو ....نستفيد؟ نستفيد شنو كيف ........عارف بالعشرة دى اتكلم نص ساعة بى 7 ريال وتلاتين هلله بس وال 7 ريال ديل انت دافعاهم من بيت ابوك مامن جيبى الدايب ده طيب اها يعنى نفهم شنو هسة تفهمى انو الشركات دى بتخفض بمقابل مش سااااااااااااكت كدة طالقة ليكم الخط مفتوح كيف يعنى ....هسى معقول مع كترة الناس البتتصل دى بتكون استفادت شنو غير خدمة لينا وقدمتها كتر خيرها ياولية انتى جاهلة ديل بيدوك ليها ياليمين ويشيلوها بالشمال كيف ياابو العريف ورينا عاد التنظير ده يخلوه ليك هسى انتى كانت عندك الشريحة بتاعة الشركة دى من اصلوا لا مش جبتها ليك لما اعلنت الشركة دى عن تخفيضات اى ده اول مكسب استفادوا بعميل جديد وكمان حيعبى كارته مرة ومرتين وتلاته لانه العرض ماعاملين لية مدة محددة اى والله يلوى راسك المقودس ده ...هسى كم 10 شلتيهم من الصباح وشابكانى مامجانى يافتاح مامجانى يافتاح .... الجن اليزوزى بيك هسى حتجيب لى الكرت لا مالازم لانى ختيت صاحبتى مع ارقام العائلة وكدة يعلك رب العالمين زى ماعليتينى اى عليتك هو انت كنت كدة ...من ماعرستك زادو ليك ماهيتك ورقوك .....كمان انكر دى نكير اليشيلك ويريحنى
طاااااااااااااااااااااخ .......
امونة تطنطن ....الباب وراك . بالله .....
| |
|
|
|
|
|
|
Re: ليه اهلنا بيقولوا القحة ولا صمة الخشم ... (Re: ناهد بشير الطيب)
|
وسيناريو اخر .....من منال الجاب ليها راجلها معتصم كرت التخفيضات...
ازيكم ياناس السودان اهلا بالحلوين ازيك ياامى اهلا يابتى ازيك انتى واولادك كويسين وانتى كيف مشيتى الدكتور امبارح اى وقال لى لازم تتمشى وتنقصى وزنك لانه ماثر كده على الركب طيب ماتمشى ياامى امشى مع منو الاولاد وفى الكورة وابوك وكرسيه خشم الباب وقاعد الله معاك اها يابتى انتى الضاربة مانطول عليك بمرضنا ومشاكلنا لا ياامى احكى الليلة نتكلم للصباح عبيتوا ليكم كرت ماااااااااكن ولا شنو الليلة اى وكله عشان خاطرك كرت بى 100 ريال انتى هينة ولا هينة ياامى وانتى كيف وحاجة سكينة ومحاسن مرة على اسكتى يابتى شفتى محاسم ما .... وفلانه ما ....... بعدما تخلص البنت من والدتها تطلب الوالد والاخوان الواحد تلو الاخر
ويستمر هذا الحال على مدى نص ساعة ...... وفى الختام
اها ياامى بتصل عليكم مرة تانية لانه الباب دق ومعتصم شكله جا خلاص يابتى بضرب ليك انا من تلفون (بكانى) بعدين المساء .....عاملين تخفيض رهيب ال5 دقائق الاولى على والباقى مجان .....كلمت بيه مدحت اخوك فى مصر كر على قال جعان ومشتهى الويكة وصفتها ليه حته بالحته وهو متابعنى بالموبايل .....واشرى يايمة الليلة دوبو اكل وليدى
وهنا يسقط فى يد الابنة .......ا
| |
|
|
|
|
|
|
Re: ليه اهلنا بيقولوا القحة ولا صمة الخشم ... (Re: الطيب شيقوق)
|
Quote: حين هسع الكلام الفوق ده تاني في احسن منو مالك حتك بتنقي كتير ؟ |
شيقة
اى صدقت فى نقات ياقوت بس وفى نقات تتمنى تطرش ويجيك صمم .....
____________________
انت تعال
ليه بيقولوا علينا نحن النسولن نقناقات فى حين انه الرجال هسى بقوا ينقوا بصورة مقلقة جدا جدا جدا
| |
|
|
|
|
|
|
Re: ليه اهلنا بيقولوا القحة ولا صمة الخشم ... (Re: عمران حسن صالح)
|
Quote: ا كدي ورينا (قحيتي ولا جيتي صاماهن بي صَرتِن ) .... منتظرنـــــــــــــــــــــكـ |
قحيت لمن جيت صارة وشى .............. قحيت فى بحرى الاملاك والشعبية والحلفايا والصافية وشمباات لغاية الكدرو ... وقحيت فى الخرطوم فى ال.....ولا اقول ليك امسكها من الكبرى ....وانت ماشى دى كلها (قحح) جمع قحة وكدة وفى ام درمان يطيب الجلوس اقصد .....تطيب القحة ......
____________________________________
وجاياكم بس خلى الشتاء يروح .........سلامى لست بيتك واولادها ......
| |
|
|
|
|
|
|
Re: ليه اهلنا بيقولوا القحة ولا صمة الخشم ... (Re: ناهد بشير الطيب)
|
اختنا ناهد
اصل كلمة نقه في سالف العصر والاوان تكونت من ثلاث حروف اصلها
الاول لمسي وهو حرف النون تمثلا بقول الشاعر: نالت علي يدها ما لم تنله يدي
الثاني ذوقي وهو حرف القاف تمثلا بقول الشاعر: قالوا قطعة سكر قلنا احلي وانضر
والثالث حسي وهو حرف الهاء تمثلا بقول الشاعر هديه فيها حرفي وحرفك
بعد اندماج تلك الحروف الثلاث لتكوين ذلك الصخر الجوراسي تأثر بعوامل التعرية والزمن فانصهر فسمي حجر النقه وهو بالطبع لا حس لا ذوق ولا شعور
كان اكثر من يستعمل ذلك الحجر هن النساء وكن يستخدمنه كمحراكه للحبوب ثم بعد تطور التقنيه صار يستخدم لحك الكرعين ومن بعد لضرب الرجال فصارت كل امراة
تستخدم ذلك الحجر تسمي نقناقه وتختلف نقة كل امرأة عن الاخري حسب حجم الحجر وقوة الدفع لذلك الحجر.
عندي صديقي من بحري وبعد وفاة والده ووالدته ربي اخوته الصغار وصار يغسلهم ويوديهم المدارس ويعمل لهم الاكل وبعد ما فتر قرر ان يتزوج فنصحه احد الاصدقاء
بان مشاكله حتزيد فرفض النصيحه وقال له يعني الحيتغير شنو انا باطبخ واغسل وانضف واودي المدارس !!
فقال له صاحبنا : في نقه ؟؟؟؟؟
| |
|
|
|
|
|
|
Re: ليه اهلنا بيقولوا القحة ولا صمة الخشم ... (Re: ابو جهينة)
|
Quote: ن المزكوم ينخنخ في حديثه ( فيقول لا فض فو نقته ) : بشيت البستشبى أشوب باتنة بت البكي ) *
أتحداكي تعرفي قال شنو المزكوم النقاق دة
[/QUOTE
استاذنا ابو جهينة
اتخيل لى قال مشيت المستشفى اشوف فاطمة بت الفكى ..................
على العموم شكرا على الشرح ......لكن زولكم بتاع الجمعية ده مابالغ عدييييييل كدة .....مامدى روحه زاتا نفس .......الله يكون فى عونكم انا لو منك بعتزل الجمعية .....والرابطة ...والملتقى ...واى حتة هو بمشيها ..................(سؤال ...ده بيكون عامل شنو مع تخفيضات سوا من الجوال)
نخناخ لاقانى فى السودان راجل كبير دايرة اشترى منه حاجة ...من مايقعد لغاية مايمرق مابكون عرفت اصل البيعة شنو والمبيوع شنو ...والشارى اللى هو انا منو.... وبى كم وليه وبتين ....ده كله هين. لما الاقيه وش لوش .... لكن للمشكلة لما اضرب ليه .....لحظتها زى كأنى بكلم سريلانكى .مع هندى مع بنغالى ....الله يكون فى العون ....بس
______________________________
تحياتى للاسرة
| |
|
|
|
|
|
|
Re: ليه اهلنا بيقولوا القحة ولا صمة الخشم ... (Re: ناهد بشير الطيب)
|
الاستاذة ناهد
سلام
انا غايتو حسب تحليلي انو
صمة الخشم لفترة طويلة ممكن تؤدي الي روائح كريهة فيهو
عشان كدا الناس بفضلوا القحة بي رزازا دا و صوتها المزعج
علي الاقل الخشم بكون فاتح علي طول و بتحصل تهوية
لذلك جاء تعريف صرف القروش بالقحة عشان لو الواحد صماهن كتير ممكن يعفنن في الجيب
اصرفي ياخ عائزة تكوني مغتربة ساي كدة علي حساب الناس ديل
| |
|
|
|
|
|
|
Re: ليه اهلنا بيقولوا القحة ولا صمة الخشم ... (Re: حمد عبد الغفار عمر)
|
Quote: خلى الجماعه يشيلوا نقاط نيل الحصاحيصا وبرضو محسومه محسومه |
Quote: طبعا يااخوانا انا لا هلالابيه ولا مريخابيه ولا ياخالد موردابيه.... ولكن مرارات المنافى زاددتنى تعلقا بكل ماهو اتى من السودان وبكل مافى ثدى الارض التى ارضعته صفاء النفوس والقلوب ...فهنيئا لكم بقوون وهنيئا لقون بكم ...... |
Quote: انا هلاريخيية.....مايجى زول ينط لى فى حلقى ..... |
حددي يا ناهد ياخ ...
| |
|
|
|
|
|
|
| |