|
|
 بيان حول تعامل( القطيع) مع بيان حول التعامل الهمجى مع بيان المجموعة !
|
فى اى زول عاقل ،، رشيد ،، راجل ،، او راجلة
يقدر ينكر ابداع هذا الهكر ؟؟؟؟
ياخى دا يملك ذكاء غير محدود .. مخ عجييييييب
قدرات كبيرة وخارقه ... غايتو ( كاتب ) دى ما بعرفها
لكن اكييييييييد مثقف على الاقل فى مجاله ...
عندو فرقة تعاونو فى هذا الابداع ( عليمو كريمو ) !!
قاص ؟ دى غايتو ما عندو صبر ليها ,, بلخبت بس ,,
تشكيلى ؟ دى مية المية ....
هذا الهكر لا تنتطح  عنزتان فى ابدااااااااعو
وهذه الموهبه العالية التى حباها به الله ...
والحق يقال مبدع ... اتحدى من يقول غير ذلك !
ــــــــــــــــــــــــ
لكن عشان كلكم تعرفوا انو الابداع خشم بيووووت !!
وذى ما قيل عن الارهاق الخلاق ...
ح نطلع بى مصطلح ( الابداع الهدااام ) !!
|
|
 
|
|
|
|
|
|
|
|
Re: بيان حول تعامل( القطيع) مع بيان حول التعامل الهمجى مع بيان المجموعة ! (Re: برير اسماعيل يوسف)
|
خليل
هو الراوتر شل براهو الانت ما عارفو ؟؟؟؟
اجتهد اجتهد ,,, شرفتنا يا راس القطيع ,, 
دى اسمها النقر جااااا ,,
كسر الله ؟؟
,,, وينك بالاكتر ياخ ..
الجهاز الهضمى .. والجهاز العصبى ,, والراس
والجهاز التناسلى كلها اجهزة فوائدها واااااااحده
اذا اشتكى منها جهاز تتداعى الباقييين بالسهر والحمى ..
اى وعى تطلع بى منهم مكسب ... ولا المثقفين ليهم راى تانى ؟؟
| |
|
|
|
|
|
|
|
|
|
Re: بيان حول تعامل( القطيع) مع بيان حول التعامل الهمجى مع بيان المجموعة ! (Re: دينا خالد)
|
برير اسماعيل
والله دا كلامى ذاتو ... انوعصارة الفكر لما تكون مضرة
حقو نسميها بى اسمها ,,, لانو القصه مش عصارة الافكار
الجامحة والمتمرده .. القصه اثرها الذى تتركه وفعلها الذى تفعله
عشان كدا لو كان هذا البيان هو عصارة فكر
لادباء ومثقفين وكتاب وكدا ,,, نحن ما ح نتعامل مع
البيان ونصبغه عليه صفة من اطلقوهو .. مش كدا ؟؟
من حقنا نوصفو مستصحبين اثارو ... ومن ثم ندى اسمو
صاح ؟؟
| |
|
|
|
|
|
|
|
|
|
Re: بيان حول تعامل( القطيع) مع بيان حول التعامل الهمجى مع بيان المجموعة ! (Re: دينا خالد)
|
بهاء
لقيتك لمااااااااااح ... لكن كدا اتلفت شوية
وقول لينا
عبد الكريم الامين احمد ايه الله مفتتنى !
تصدق الليلة معاكم ؟؟؟ فى ى ى ى معسكركم
وفى رواية ( حظيرتكم ) ..
شايفاك بتمهد لاصدار بيان شجب وادانة باسم الخبراء الاستراتيجين ؟
لكن لو داير تنزل اسمى احسن تشاورنى
بدل التهوييش دا !
ــــــــــــــــــ
غايتو ياكيكى انا معاكم حتى اذا حمى الوطيس
وناس اللسته جو عملو وطيس شدييييييد ...
فى فرماله جديده اسمها الهكر
فمن اراد ان ينجو يا عنتر فليلحقنى وراء
ذلك الفروكسى ... ويترك القطيييع فى ى ى ى الصقيعه !
| |
|
|
|
|
|
|
|
|
|
Re: بيان حول تعامل( القطيع) مع بيان حول التعامل الهمجى مع بيان المجموعة ! (Re: دينا خالد)
|
افهم انو الزول ممكن يوصف نفسو
بى كاتب لانه عكف على الكتابة او امتهنها ما فرقت ***
يقدر يقول انا كاتب ××××
ممكن الواحد يقول انا صحفى لنفس الاسباب اعلاه
فالطيب مصطفى صحفى ,,, ومحجوب محمد صالح صحفى ,,,
لكن الزول كيف بقدر يقول انا مثقف ؟؟؟
او انا مبدع ؟؟؟ او مفكر ؟؟؟؟
دى زمان كانت صفات بيطلقها ( العامة ،، والرجرجه ،، والهمج )
اللى هى دا اصبحت صفات ما عدا الكتاب يعنى البقية
الباقية ... بيطلقها هؤلاء اللى هم مفروض يكونو المستهدفين
من تلك القله ,, على القله اللى فوق ...
الا يعلم اهل اللسته انهم ككتاب يكتبون لهؤلاء العامة ؟؟؟
الا يدرى المثقفين انهم يخاطبون هؤلاء القطيع ؟؟؟
الا يفهم الصحفيين انهم مستهدفين هؤلاء الهمج ؟؟؟
الا يفقه المبدعين انهم يلهثون لنيل هذا اللقب من كل تلك الفئات ؟؟؟
ـــــــــــــــــ
طيب ما دام دى اراءكم ال ظهرت بجلاء من نقاشاتكم هنا
التعبانين ليها شنو؟؟ بتكتبو لى منى ؟؟ متثقفين فوق كم ؟؟ تببدعوا
فى منو ؟؟؟؟؟
جيبوها من قاصرها واشتغلوا عواسات لتطعمونا الكسرة المرة
فذلك اجدى وانفع ...........
عماد عبدالله ... اسمك ما سقط من اللسته لكن قالو تلفونك بالنهار
مقفول ... فلم يعتمدوا لك كلام الليل ... مما اثلج صدورنا
| |
|
|
|
|
|
|
|
|
|
Re: بيان حول تعامل( القطيع) مع بيان حول التعامل الهمجى مع بيان المجموعة ! (Re: دينا خالد)
|
| Quote: من تلك القله ,, على القله اللى فوق . |
قُلل فوق بعض ..
أقعدي رصي لي القُلل كده لما يصنفوك ناس أب صنيفة طيانية ساكت .
ناس البيان ديل كلامهم ما كعب .. لكن أشتر ..
هسه الزول الأشتر في الحفلات الفنان أصلو ما بيعاين ليهو و هو بيرقص .. بيلخبط زمن الفنان ..
يكون عمك الغناي في أمانة الله بيغني ( عازة في هواك ) تقوم بشتارة الرقاص الشغال قدامو داك تقلب ( تشكا تشكا تشكا ) ..!!!
أهو قلبت هسه : يا بنيتي حسابك كلام راجلك أسمعااا ..
حليل أبوي .
Quote: الا يعلم اهل اللسته انهم ككتاب يكتبون لهؤلاء العامة ؟؟؟
الا يدرى المثقفين انهم يخاطبون هؤلاء القطيع ؟؟؟
الا يفهم الصحفيين انهم مستهدفين هؤلاء الهمج ؟؟؟
الا يفقه المبدعين انهم يلهثون لنيل هذا اللقب من كل تلك الفئات ؟؟؟ |
ألا لا فُض فوك يا بت يا خترية إنتي ..
الصفويون يعلمون و يفهمون و يدرون و يفقهون ..
لكنهم أشترون .
و تلفوني ما أقفلون ..
بطلي شيل الحال يا دندون .
| |
|
|
|
|
|
|
|
|
|
Re: بيان حول تعامل( القطيع) مع بيان حول التعامل الهمجى مع بيان المجموعة ! (Re: rosemen osman)
|
Quote: الا يعلم اهل اللسته انهم ككتاب يكتبون لهؤلاء العامة ؟؟؟
الا يدرى المثقفين انهم يخاطبون هؤلاء القطيع ؟؟؟
الا يفهم الصحفيين انهم مستهدفين هؤلاء الهمج ؟؟؟
الا يفقه المبدعين انهم يلهثون لنيل هذا اللقب من كل تلك الفئات ؟؟؟
|
دينا خالد
تحياتي
والله الصحافيين مساكين، لا يدهم ولا كراعهم ..
الجماعة ديل ساكت دخلوهم في الموضوع ..
واسمعي مني الاكيدة، المنبر ده فيهو عشرات
الصحافيين .. لكن جماعة العشرين ما فيهم
واحد مارس الصحافة كمهنة .. قد يكون
بعضهم نشر شيئا من ابداعه في الصحف ..
لكنهم قطعا لا يمثلون الصحافة ولا الصحافيين
ولم ينتموا يوما للمهنة.
غايتو يا دينا الله غالب
| |
|
|
|
|
|
|
|
|
|
Re: بيان حول تعامل( القطيع) مع بيان حول التعامل الهمجى مع بيان المجموعة ! (Re: rosemen osman)
|
عماد؟؟؟؟؟؟؟؟؟؟؟
شفت الجماعه كيف دايرين يرفعوا بيان المجموعة بلا عمد ؟؟؟
لكن اتكسر ليهم فى راسهم ,, رب رب رب ،،، يستاهوا !
يا سيدى الشترا بتداوى كعبه الاندراوة ...
خالد محمود ! ياقول عادل امام هم ما بضربوش ليه ؟؟؟
مش يبااو يضربوا ؟؟؟
ـــــــــــــــ
خليل
Quote: غايتو انا بضيف للصفوة والنخبة عماد عبدالله وود رملية وفيصل عباس
|
لكن كدا ما تقلت عليهم شديد ياخ !!
شوية شوية .. بالطريقة دى ح تقول لى محمد السنى ذاااتو !!
| |
|
|
|
|
|
|
|
|
|
Re: بيان حول تعامل( القطيع) مع بيان حول التعامل الهمجى مع بيان المجموعة ! (Re: دينا خالد)
|
حسن البشارى ...
ياخ لا فض فووك ..
العنوان كان فيهو مجموعة من كتاب وصحفيين .... صاح ؟؟
يعنى اذا افترضنا انو كاتب ومثقف ومببدع دى
القاب مجانية .. تطلق بلا ضابط او رابط ..
الواحد ما بقدر يقول انا صحفى مش كدا ؟؟؟؟
لانو صحفى دى مهنة .. عندها مش قراية وتخصص بس
عندها لايسنس عدييييييييل كدا ... يعنى حتى القرو صحافه
واعلام مافى زول يقدر يطلق على نفسو صحفى لو ما جلس
لامتحان القيد الصحفى ونال اللايسنس ...
ـــــــــــــــ
عندكم يا حسن كل زول بيرعى بى قيدو
ولا انا غلطانه ؟؟؟؟
| |
|
|
|
|
|
|
| |
دينا خالد
محمد عبد الماجد الصايم
khaleel
برير اسماعيل يوسف
عبدالكريم الامين احمد
baha eassa
Kostawi
Emad Abdulla
خالد عبد الله محمود
محمد البشرى الخضر
rosemen osman
حسن البشاري
فيصل نوبي
Rawia
فيس بوك
تويتر
انستقرام
يوتيوب
بنتيريست