|
عصفور الريد
|
مدخل : دعي الغياب وأشرقي إني لا أحب الاٌفلين طلي علي دنياي باسمة كي تسعدي قلبي الحزين فأنا الذي ملت الأحزان حزني وسوء حظي علي مر السنين ولكني علي ثقة بأني سوف أسبح في الفرح وأرتاد السعادة حين اراك باسمة لي تضحكين .: نص :. عليك عصفور الريد البيني وبينك غرد سوي هديلك مافي متيلك قبلك أو في جيلك كل الناس تمني تجيلك وقالوا الروعة دي أصلا منك وهيلك وأنا داير أحكيلك مرة حلمته بأني محلق وطاير دون جنحين وإنك وافق وأنا ركيت في رمش العين وكادت عينك ترمش بس لكن ود العين في نفس اللحظة جبدني عليهو أصلو وحيد عند أمو لكنو هميم وأكتر واحد تسعد وإنت ترافقو في درب طويل ساقني وطرنا ومرة سبحنا في بحر العين وانا صاري معاي منديل شايل في جواهو بذور الدهشة ولما عبرنا النيل في العين اليسري قريب الضفة فقدته الصرة وإتحسرته إتحسرته إتحسرته وفجأة صحيت من أجمل حلمه لقيتك واقف وجوة عيونك سدت غابة غابة غزيرة وكل أنواع الشجر الفيها نبات الدهشة وبلبل يغرد وقلت لك غرد غردغرد غرد ياخ ماتغرد عليك عصفور الريد البيني وبينك غرد
|
|
|
|
|
|
|
|
|