|
|
|
 Re: كانت في مطرة صابة واللا ساكت ؟؟؟ (Re: Maawya Hussein)
|
يا شبـاب كدي بلاي براحـة .. الناس دي لسه موجوعين ..
 أول بالتبادي جيبو ليهم تلـج .. عشان يبردو بيهو ...
أما بالنسبة لي هـارون زمان كنته قاعد احتمل الشماته دي علشانو وعلشان دكتور شهـاب .. والواحد ما قاعد يدور الناس شديد .. بدورم تلاتة مرات بس
لذلك يا هارون (تلاتـة زوطـــات) ..
والله انا ما بقدر اخلي اليوم دا .. يمر كدا ..
| |
 
|
|
|
|
|
|
|
 Re: كانت في مطرة صابة واللا ساكت ؟؟؟ (Re: tmbis)
|
اهداف الهلال وانيمبا النيجيرى !!
قلنا ليكم ياعلي لسانكم طويل .. وعاملني محللين وعاملين خبرا بتاعين كورة .. ومنظراتيه ..
قال ايه .. ؟ المعز شنو كدا ما عارف ..
اها
اكــرم دا لاعب نص ..؟ والله لاعب واحد يجيب فوقي قونين بي نفس الطريقة تاني ما اللعبة ..
رايك شنو تجيب لينا من منتداكم الاهداف ..
بس اوعـه تقول لي الليلة ضابحين ما بتقدر تجيب لي الاهداف ..
| |
|
|
|
|
|
|
|
|
 Re: كانت في مطرة صابة واللا ساكت ؟؟؟ (Re: tmbis)
|
Quote: الغريبة المطرة كانت في الخرطوم اليوم تقيلة
يكون الفكي ما بيعرف جغرافيا
وما فرز المليون ميل من المليون شهيد |
فين نوبى وفين عمر الفاروق ..والله فاقدهم شديد فى البوست ...وكااااااااااااااااااااااك..
| |
|
|
|
|
|
|
|
|
|
Re: كانت في مطرة صابة واللا ساكت ؟؟؟ (Re: Adam Mousa)
|
يا آدم ..
ياخ انا قطعت اجازتي بالمناسبة السعيدة دي .. وقلت اجي اشاركم الفرحـة ..
لكن ابشرك ..
ود الصايم بكرة ح يجيب الشيشة ويجيب فحمو ويجي يعسكر في البوست دا ..
عمر الفاروووغ يحلهم منو الحل بله ..
فيصل نوبي دا بلاي شوفو لي وينو ..؟ الليلة يوم حوبتو
| |
|
|
|
|
|
|
|
|
|
Re: كانت في مطرة صابة واللا ساكت ؟؟؟ (Re: Adam Mousa)
|
كلنا فى الهوى سوا..اب تلاته سنون بضحك على اب سنينتين
Quote: النيل دا منو يا حسين ؟
اوعى يكون النيل الخرطوم ؟
هم الجماعه ديل نزلوا دورى الاولى والا شنو ؟
بعدين وين الاهلى والزمالك وانيمبا ومازيمبى ؟
هو الهلال دا طار من ابطال افريقيا وبقى بتاع حمام محلى بس ؟
ياخ نورنا .. اصلنا ما متابعين ياخ .. |
عليك الله يا تمبس كما نورت (على محمد على بشير)..نورو وريهو
انو المريخ حيرجع وين وحيلعب وين؟؟؟النبى فوقك نورو يا تمبس..
قال نورنا قال..
| |
|
|
|
|
|
|
|
|
|
Re: كانت في مطرة صابة واللا ساكت ؟؟؟ (Re: محمد عبد الماجد الصايم)
|
ياتمبس بركة هزيمة المريخ الجابتك الزمن دا كلوا كنت مختفي من المرمطة بتاعت الاربعة وحتى علي جوالك ما بترد البركة الشفناك يا حبيبنا
تخريمة
قالواالفرق الزايرة للمقبرة بتعلب وبتعاني من نقص في الاكسجين لأنو ريحة الكسبرة والشمار الجاية من سوق البهارات بتأثر على أداء الفرق الزائرة والروائح المنبعثة من زريبة العيش والبصل أيضاً لها الأثر الأكبر
| |
|
|
|
|
|
|
|
|
|
Re: كانت في مطرة صابة واللا ساكت ؟؟؟ (Re: abuguta)
|
| Quote: كانت في مطرة صابة واللا ساكت ؟؟؟ |
رشة خفيييييييييييييييييييييييييفة مع الرأفة!!
الشغلانة فيها رواكيب وما بتحمل السيول والأمطار
أو كما قال الشاعر الفحل:
(الممطورة ما بتبالى من الرش )
تانى تمشو الجزاير يا رواكيب,,,,,,,,,,,
| |
|
|
|
|
|
|
|
|
|
Re: كانت في مطرة صابة واللا ساكت ؟؟؟ (Re: tmbis)
|
والله يا تمبس دي سمعتها الليلة الصباح في الاذاعة وانا جاية على الشغل
والمتحدث مريخابي محموق وزعلان زعل السنين ويشيل ويقدم في المبررات ودورس الوطنية وانه اللعبة هي لعبة السودان وليه الهلالاب يكونوا شامتين واهمية العودة للتربيةالوطنية مع انه دروس التربية الوطنية دي ما عارفة ليه بتختفي لما الهلال يتغلب ، فقال بزعل شديد (ما معقول الشماتة في المريخ يعني مثلا واحدة من الرسايل المتبادلة بمناسبة هزيمة المريخ
قال واحد هلالابي رسل رسالة ( ذهب الظمأ وابتلت العروق وطار المريخ )
غايتو حسيت بيهو شوية كدا وحيبكي من الزعل
| |
|
|
|
|
|
|
|
|
|
Re: كانت في مطرة صابة واللا ساكت ؟؟؟ (Re: tmbis)
|
كااااااااااااااااااك و تاني كااك
يا تامبا
قيل ان من انواع المطره
الرشاش وهي تمطر ببطء ( بتنقط زي المره اللابسه كعب عالي) طق طق طق
..
الشكشاكه و هي اسرع قليلا(زي اللابسه تموت تخلي) وتصدر صوتا هكذاكشكش كشكش.....
السيل وهي قويه ويكون من نتائجها السيول الجارفه....
لكن نوع مطرة امبارح دي ما لاقانا ...بالله قوقله لينا يمكن نلقى ليها اسم..
كااااااااااااااااااااااااااك
====================
حكمه,,,
لاتكاكي في اخيك فانه لاحقا سيكاكيك
| |
|
|
|
|
|
|
|
|
|
Re: كانت في مطرة صابة واللا ساكت ؟؟؟ (Re: tmbis)
|
يا شماتت ابله ظاظا فيا
تامبا
ما قالو فريقهم فريق بطوله السنه دي
رجعت ريما لي عادتها القديمه خلاص
وكمان دافعين رشوه رئيس النادي الجزائري اتكلم عنها وحددها باربعين الف دولار حار من دم الشعب السوداني
مبروك عليهم الهزيمه بثلاثيه فقط مع انها زعلتني شديد عاوزها اكتر شويه بعد البيض البلكعب والعديل ده
وتانيا انتو الجماعه ديل سافين ولا شنو التقول كلو واحد خاتي ليه سفه من سعوط كارب يتوقعو كده
درديقة موسي الزومه والله عجبتني عجب
الولد باله جابر التقول عاوز يدق الحكم
ولا علي سيرة الحكم اكون اتزكر ابالو عشان كده ما استخدم الكروت ولا شنو
يكون قابض يا معلم برضو يكونو ودوه توتي هناك
| |
|
|
|
|
|
|
|
|
|
Re: كانت في مطرة صابة واللا ساكت ؟؟؟ (Re: tmbis)
|
لعناية ود الصايم
هارون دا شابكنا كاااااااااااااكـ لما اتغلبنا
وقلت ليهو ياود دياب ياخي براحة شوية
وما تقعد تكاكي كدا لانو نحن دايما البنلم البيض
ما سمع كلامي واتعامل معاي كبرلوم وهم
اهاااااااااا ياسيد ابوك امبارح مشيت
الملم البيض لقيتو كسروا كلو وشتت
ولانك انت شايفك خبير بيض ودواجن ( صورة الافطار )
جيت اوريك نتيجة عمايلو
اها شوف جنس البشتنة دي
| |
|
|
|
|
|
|
|
|
|
Re: كانت في مطرة صابة واللا ساكت ؟؟؟ (Re: محمد عبد الماجد الصايم)
|
يا مساكين
المريخ لم يطير نتيجة انو اتغلب بره او درن فى ارضه
المريخ خرج لانو الاشانتى فرط وادى النجم الساحلى نقطه
فى ارضه
والشبيبه انتصرنا عليها تلاته واحد وانتصرت علينا تلاته لواحد
يعنى نحنا وهى درون .. والا نسيتوا
وبعدين لحدى اسع فى امكانية انو نكون تانى المجموعه دى
ولو كان بيتاهلوا فريقين كان اتاهلنا
يعنى انتوا فى مجموعتكم بتاهلوا فريقين وبرضو جيتوا الطيش
وبرضو ليكم نفس تتكلموا
وشتان بين خروج وخروج
لكن طولة لسانكم بتخليكم ما تخجلوا
و كاااااااااااااااك
| |
|
|
|
|
|
|
|
|
|
Re: كانت في مطرة صابة واللا ساكت ؟؟؟ (Re: على محمد على بشير)
|
Quote: المريخ لم يطير نتيجة انو اتغلب بره او درن فى ارضه
المريخ خرج لانو الاشانتى فرط وادى النجم الساحلى نقطه
فى ارضه |
فى النهايه... شنو!!.. طار..طار..طار
| Quote: ولو كان بيتاهلوا فريقين كان اتاهلنا |
لو كان التمنى... لو ..لو ..لو كان التمنى..
بينفع كل (حمام)..
ما كان الشبيبه.. الشبيبه..ما.. ما .. كان الشبيبه
زعمطت الحمام......
مع خالص الاعتذار للاغنيه
| |
|
|
|
|
|
|
|
|
|
Re: كانت في مطرة صابة واللا ساكت ؟؟؟ (Re: tmbis)
|
العزيز تمبس ...
طبعا قفلة غريبة جدا للبوست ... عملت تحميل للاغنية من كود بكرى الجديد وحينما تم انزاله حرن .. ياخى دخلنى فى مازق ضيق جدا وما خلانى اتم الفرحة .. يعنى الواحد كان بقول انه الجماعة ديل ناموا كيف ..
لكن الكود خذلنى ياخ ...
العذر كل العذر علاء .. وش زعلان جدا
| |
|
|
|
|
|
|
|
|
|
Re: كانت في مطرة صابة واللا ساكت ؟؟؟ (Re: alfatih)
|
| Quote: العذر كل العذر علاء .. وش زعلان جدا |
ولا يهمك يا الفاتح .. عملنا اورنيك تمنية للبوست .. وبكري ما قصر فكاهو ..
مرحب بالمرشوشين .. شايفم عاملين ناسيين القصة دي .. وبقو يردو مع الناس في البوستات عاادي جدا زي الكانو ما غلبوهم تلاتة واحد ..
| |
|
|
|
|
|
|
| |
tmbis
haroon diyab
humida
Maawya Hussein
محمد خليل ساني
عبدالوهاب علي الحاج
د.محمد حسن
Adam Mousa
Mohamed Foto7li
محمد عبد الماجد الصايم
abuguta
أيمن الطيب
Safia Mohamed
زول ساكت
خالد عبد الله محمود
omer osman
waleed dawash
فيصل نوبي
abas
عبدالكريم الامين احمد
على محمد على بشير
عمر سعد
kamalabas
alfatih
علوبه
فيس بوك
تويتر
انستقرام
يوتيوب
بنتيريست