دعواتكم لزميلنا المفكر د.الباقر العفيف بالشفاء العاجل
|
|
 نحمد للمريخ انه اختار اكثر الميتات شرفا
|
هزيمة المريخ اليوم ومع انها ثقيله وفوق توقع اكثر المتشائمين والشامتين
الا انها تظل هزيمة عاديه وبالرغم من سوء ارضية الملعب والظروف الغير طبيعيه
التى لعب فيها المريخ الا ان اللاعبين قدموا ما لديهم تحت هذه الظروف الاستثنائيه
ويحسب للمريخ انه قبل التحدى ولعب وخسر وهذه هى كرة القدم فائز ومهزوم نتمنى ان يلملم المريخ جراحاته ويعالج الاخطاء الفنية ويسد مواقع الخلل وغدا تشرق الشمس من جديد وتعود للمريخ
امجاده,فان كان حزننا كبيرا اليوم يجب ان لا ننسى كم افرحنا هذا المريخ وسوف نفرح
ونجدد ثقتنا فى اللاعبين حتى اكرم والذى كان فى برج نحسه لاننسى انه نفسه اكرم الذى
صد اربعه ضربات ترجيح من منطقة الجزاء نال بموجبها كاس السودان..
هاردلكم المريخاب التفوا حول مريخكم يا عشاق الوهاج...
تخريمة:
هلالابى ارسل لى رسالة فحواها كالاتى:
ياود الموج الشى كورة والا رمى جمرات
عموما فليشمت من يشمت ونحن يانا رجال الحارة ومغاوير الميادين،،،
|
|
 
|
|
|
|
|
|
|
|
Re: نحمد للمريخ انه اختار اكثر الميتات شرفا (Re: صديق الموج)
|
Quote: عموما فليشمت من يشمت ونحن يانا رجال الحارة ومغاوير الميادين،،،
|
كلام ياخال
الشمات ديل قوليهم لما الرجال يعلبوا البسو (طــرح) وأقعدوا أتفرجوا وبالمره (زغرودة) منكم تكفي
لا كوره ولا مقصوره ولا كاسات خارجية
وفوق دا كلوا (هـرووووووووووب) من المعارك
ورغم الكان المريخ هو زعيم السودان الأوحد
أبومصطفى
| |
|
|
|
|
|
|
|
|
|
Re: نحمد للمريخ انه اختار اكثر الميتات شرفا (Re: صديق الموج)
|
| Quote: نحمد للمريخ انه اختار اكثر الميتات شرفا |
هو بالله المريخ مات يا صديق؟!
الفاتحة ياخي (والله تاني الأردن دي المريخ علاج ما يمشيها)
______________________________________
مافي قصيدة حقيبة بالمناسبة دي؟ إن شا الله رثاء 
هاك ديل:
أندب حظي أم آمالي؟ الوحدات ده مالو ومالي؟
...
ببكي وبنوح وبصيح؛ السبعة ما بتريح
| |
|
|
|
|
|
|
|
|
|
Re: نحمد للمريخ انه اختار اكثر الميتات شرفا (Re: صديق الموج)
|
تمــام يا ود الموج ياغـــالي ..
حـــبابكم ..
Quote: هاردلك درس قاسي
هاردلك درس قاسيـ
ونتيجه ومباراه صعبه وغريبه ,
مبروك للفريق الاردني رغم سخف ما قبل المباراه ..
الذي هزم المــريخ الاستعداد النفسي للاعب السوداني !!..
صدمه هدف من اول كره اخرجت اكرم من المباراه,
وسوء ارضيه اخرجت اغلبيــه اللاعبين بالعــذر الملعب !..
رده الفعــل ضعيفه , روح قتاليه قامه ومثال مصحــوبه باندفاع ذاب
وســط بركه ..
وحل هدف في الخــرطــوم فارق اخرج لسانه لنا في اخر دقيقه في عمــان ..
هزيمه قاسيه وتاريخيه , ويبقى اجمالي المعركه فارق هــدف ..
برغم كل شئ شكــرا نجوم المريخ قدمتم ما استطعتم ,
وقاتلتم حتى اخر لحظـــه , وكذلك يفعل المقاتل النبيل ..
حزتم النبل وفقدتم النصــر شكرا لكــم ..
عودوا الي قواعدكم فنحن في مرحله اعداد تجديد وتحديث لملعب وفريق ..
وامامنا مستقبل يمكن ان نجعله اجمل ..
تحيه خاصه لمن وقف مع السودان قبل وبعد المباراه وترفع عن الصغائر,
الفارس المقدام النبيل يمشي مرفوع الراس حتى عند الهــزائم ,
ولا يابه بالشامتين ففي كل زمـــان هناك دوما صغار ..!.
وكل ناجح بظــله حاسد ..
هاردلك للامام يا نجـــوم.
|
ليتهم يعلمون ان عمر اللحظـه في بعـدك يا خـرطـوم سنين طـوال.
د شهـاب الفاتح ـ كوالالمبـور
| |
|
|
|
|
|
|
|
|
|
Re: نحمد للمريخ انه اختار اكثر الميتات شرفا (Re: صديق الموج)
|
سبعه وجوه ضاحكه
باص بينى :
القصيده فى الfinshing
باكر غبشه حا تلقاها فى البورد
وحا تكون انشاءالله مجاراه لاغنية التراث الخالده (السبعه السكنوا بارا)
لكن النصيحه لعبتوا كوره سمحه
أو على الاقل لعبتوا ..
بس كلامى ده ما يسمعه ود البشرى يقول على بعت القضيه
| |
|
|
|
|
|
|
|
|
|
Re: نحمد للمريخ انه اختار اكثر الميتات شرفا (Re: مزاحم الضوي)
|
أخي العزيز / ود الموج (أبوحيدر)
تحياتي ،
اللهم لا شماتة ، لكن بصراحة
هزيمةقاسية ،ولن تنفع تلك التبريرات
الثابتة والمعهودة(الملعب ،الطقس ، التحكيم ..الخ)
فهذه صارت اسطوانة (حقيبة) مشروخة ،
لا يجدي معهاالنواح أو العويل ..
يجب عليكم الوقوف بصدق مع النفس
ورفع السؤال الحائر بكل شجاعة
وبدون مواراة أو مجاملة:
مــن المســــؤول وكيف ؟؟!!
وفي النهاية لا يصح إلا الصحيح .
تخريمة :
Quote: مافي قصيدة حقيبة بالمناسبة دي؟ إن شا الله رثاء
هاك ديل:
أندب حظي أم آمالي؟ الوحدات ده مالو ومالي؟
...
ببكي وبنوح وبصيح؛ السبعة ما بتريح |
ولأن ود الموج متبحر في الحقيبة لدرجة التخصص
ولأنه يعشق شعر الحقيبة ويحفظ منه الكثير ،
لذا نحول له سؤال الحقيبة ونرجو منه أن
يتحفنا بقصيدة مجاراة من شاكلة ما ذكر أعلاه .
وله الثواب من سبعة إلى سبعين ضعفاً !؟
مودتي ،
( ليمو )
هلالابي يائس من اصلاح حال
الرياضة في السودان !
| |
|
|
|
|
|
|
|
|
|
Re: نحمد للمريخ انه اختار اكثر الميتات شرفا (Re: مزاحم الضوي)
|
صديق الموج
معليش ياخال صاخبك صلاح امس منتشى تقول بقى اردنى
الانسحاب لا يحسب فى تاريخ الفريق
لكن السبعة ستحسب مثلما حسب كاس مانديلا وكاس الخليج
ياخى شوفو مواطن العلل وذكروا بها اولى الامر
القروش لا تصنع فريقا كرة كما قال تجتوج من قبل
| |
|
|
|
|
|
|
|
|
|
Re: نحمد للمريخ انه اختار اكثر الميتات شرفا (Re: صديق الموج)
|
هاردلك ياصديق،،
أجمل تعليق قريتو في القنوات الفضائية بالأس:
(( إيه يامريخ السبعات دي؟ عجزت ولا إيه؟))
==
هسي انت كمان من عنوانك دا نبارك ليك أشرف ميتة دي
ولا نعزيك في موت الشرف ولا نكون شجعان أنا وأنت
ولا نتشرف بهذه الأفراح التي ننثرها في سوح منافسينا
بسبب مازدا وأكرم الطائي؟؟؟
| |
|
|
|
|
|
|
|
|
|
Re: نحمد للمريخ انه اختار اكثر الميتات شرفا (Re: صديق الموج)
|
Quote: الموت هو الموت
(ما الفرق بين أن تحتسي السم المذاب في الشيكولاتة أو أن يضاجع عنقك المقصلة)
معتصم الفاضل الجلابي |
الفرق يا معتصم اخوى كلام خالد بن الوليد
لم يبقى جزء من جسدى والا به شكة رمح او طعنة سيف وهانذا اموت فى الفراش
كما تموت العير...
كيف ياعير؟؟؟
| |
|
|
|
|
|
|
|
|
|
Re: نحمد للمريخ انه اختار اكثر الميتات شرفا (Re: صديق الموج)
|
ود المووووج سلام ومعليش
| Quote: الا انها تظل هزيمة عاديه |
يا شيخ !!
Quote: وبالرغم من سوء ارضية الملعب والظروف الغير طبيعيه
التى لعب فيها المريخ الا ان اللاعبين قدموا ما لديهم تحت هذه الظروف الاستثنائي |
نفس الظروف كانت علي الوحدات .. ويبدو ان اللاعبين حنو علي لاعبي الوحدات . وتنازلو
عن المباراة بكرم حاتمي وخاصة اكرم ( كسارة اللحمه )
| Quote: ونحن يانا رجال الحارة ومغاوير الميادين،، |
بي 7
| Quote: نحمد للمريخ انه اختار اكثر الميتات شرفا |
!!!!!!!!!!!!!!!!!111
| |
|
|
|
|
|
|
|
|
|
Re: نحمد للمريخ انه اختار اكثر الميتات شرفا (Re: صديق الموج)
|
يا حليلك يا موج .. ليك وحشة ..
شوفوا .. المريخ جاب 3 في السودان
و 4 في الأردن ... المجموع 7.
الوحدات جاب 1 في السودان و 7 في بلده
المجموع 8. يعني المريخ مغلوب بهدف
واحد فقط !!!
لكن بيني و بينك يا موج الجماعة الفنيين
فرطوا في المحافظة على نتيجة النصر بعد أن
دنت لهم قطافها عدة مرات ..
حرم لو كلهم اتمترسوا أمام الشبكة ما كان
حصل الحصل .. مش يا موج ؟؟؟؟؟
| |
|
|
|
|
|
|
|
|
|
Re: نحمد للمريخ انه اختار اكثر الميتات شرفا (Re: محمد ابراهيم قرض)
|
يا ودالموج،
سباع الخير..
قلت لي: إختار أكثر الميتات شرفاً..
إما النصر وإما الشهادة.. ه هه ههه هههه
__
ناسك مشو ضامنين "الصعود" بفتح الصاد..
لكن يا حاج صديق، المشكلة قالوا الطيارة الكانت متوجه للأردن تحمل كماً كبيراً من المرضى، وبعثة المريخ ظنت، أنها في رحلة شفاء للأردن، ودخلوا الملعب بإحساس المرضى، وقالوا أكرم الهادي اكان قاعد جمبو في الطيارة واحد مريض محتاج لـ"كلوة" وأكرم اداه "كلوتيه"
عشان كده ما كان قادر يقع على أي من جنباته..
| |
|
|
|
|
|
|
|
|
|
Re: نحمد للمريخ انه اختار اكثر الميتات شرفا (Re: صديق الموج)
|
Quote: ود المووووج سلام ومعليش
Quote: الا انها تظل هزيمة عاديه
يا شيخ !! |
شنو يا عبد الله كع ؟؟
الخال في الحتة دي ما كذب ..
الجماعة ديل السبعات دي بالنسبة ليهم عادية جداً ..
قبل كده ماخدين تسعة من الحبش يعني سبعة من الأردنين معناها الفريق ماشي في تطور ..
ما تحبطو الناس ساكت يا رشاشات يا حاقدين ..
| |
|
|
|
|
|
|
|
|
|
Re: نحمد للمريخ انه اختار اكثر الميتات شرفا (Re: محمد عبد الماجد الصايم)
|
الاخ العزيز صديق الموج كل عام وانت بخيروتحياتي
المهم موت شنو المريخ الخلود دا للمريخ يا وهم لكين شوف حصل شنو في المريخ
تواصلت ردود الافعال المريخية نتيجة لخسارة فريق كرة القدم امام مضيفه الوحدات الاردني امس الاول في اياب الدور الثاني لدوري ابطال العرب ٤ /٧..
حيث دعا رئيس النادي السيد جمال الوالي اعضاء مجلسه لعقد جلسة اجتماع طارئ مساء امس لمناقشة الاسباب التي ادت للخسارة الثقيلة وكيفية تصحيح الاخطاء ومعالجة السلبيات في اطار التحضيرات للموسم الجديد والمشاركة في دوري ابطال افريقيا.
وترأس سيادته الاجتماع الذي خرج بالقرارات الاتية:
١/ استمع المجلس لتقرير من بعثة الفريق الى الاردن وعليه يؤكد المجلس تحمله كافة مسئولياته في المشاركة في البطولة العربية وثقته الكاملة في فريق المريخ لكرة القدم رغم الخسارة الثقيلة امام الوحدات الاردني.. الا ان المحصلة النهائية كانت ٨ /٧ بفارق هدف لصالح الوحدات وثلاث نقاط لكل فريق وان كرة القدم نصر وهزيمة ولكن ما زاد من حدة الهزيمة انها اتت في موسم استثنائي فاز فيه المريخ بالدوري والكأس وتفوق في تسجيلات اللاعبين على مستوى عالمي وشرع في بناء الطابق الثاني والاضاءة الجديدة.. لذا فاننا قوم لا يبطرنا نصر ولا تثنينا هزيمة وسوف نصحح المسار بكل هدوء وعقلانية لرفعة شأن الكيان المريخي.
٢/ قرر المجلس حل كل الاجهزة الفنية والادارية وقد بدأنا بالفعل الاتصال لايجاد جهاز فني اجنبي جديد سيصل خلال الايام القليلة الماضية.
٣/ جدد المجلس العهد لقيام الجمعية العمومية للنادي بداية العام المقبل حسب قرار السلطات المختصة في هذا الاطار ويناشد المجلس كل الاعضاء بتسديد اشتراكاتهم في او قبل 30 ديسمبر الحالي لممارسة حقهم الديمقراطي في انتخاب مجلس ادارة جديد كما سيكمل المجلس خارطة التسجيلات في مقبل الايام.
٤/ قرر المجلس قيام الاجتماع التفاكري مع رموز واقطاب المريخ في يوم السبت ٣ /١/ 2009 الساعة الحادية عشرة صباحاً بقاعة الصداقة بالخرطوم.
٥/ مواصلة لمبدأ المشاركة في بناء الكيان يقيم مجلس الادارة نفرة كبرى يوم الخميس ١/١/ 2009 الساعة الحادية عشرة صباحاً دعما لمسيرة بناء الطابق الثاني للاستاد ويهيب المجلس بكل ابناء ا لمريخ الاوفياء التبرع المادي والعيني بالطوب والرمال والاسمنت وذلك لبناء فراغات الكشافات القديمة والتي تمت ازالتها وتكملة الاسوار..
لم تجد احدا في استقبالها بعثة المريخ عادت الى الخرطوم صباح امس
وصلت الى الخرطوم في الخامسة والنصف من صباح امس بعثة نادي المريخ القادمة من العاصمة الاردنية عمان عبر الخطوط الاردنية الملكية وبعد خسارة الفريق في جولة الاياب في دوري ابطال العرب امام الوحدات الاردني بـ 7 اهداف مقابل 4 مخيبة آمال قاعدته العريضة التي
تجرعت مرارة الهزيمة والخروج المهين للفريق·
وهذا لم تجد البعثة اي مسئول في استقبالها باستثناء الاستاذ تاج السر عباس امين خزينة اتحاد الخرطوم والمدير الاداري للمنتخب الوطني الرديف والذي قام بتجميع جوازات خماسي المريخ بالمنتخب الذي يتأهب للسفر الى يوغندا للمشاركة في بطولة سيكافا··
| |
|
|
|
|
|
|
|
|
|
Re: نحمد للمريخ انه اختار اكثر الميتات شرفا (Re: nazar hussien)
|
الاستاذ / صديق الموج
لك التحية والتقديرات
نعم أخى العزيز نحمد للمريخ أنه اختار اكثر الميتات شرفا
ولم يهرول كما هرول (...) بل صمد صمود الرجال فى دائرة
المعركة .. ولولا تلك الظروف القاسية والتى واجهت الاحمر
الوهاج لكان الوضع مختلفا .. أليس كذلك .. وأنتظرونا
فالمريخ قادم قادم اليكم ...
تاج
| |
|
|
|
|
|
|
| |
صديق الموج
محمد الامين احمد
ALGARADABI
Mohamed Doudi
keiga2000
خالد عبد الله محمود
عبد العظيم احمد
شهاب الفاتح عثمان
مزاحم الضوي
abdulhalim altilib
abuguta
عبدالوهاب همت
أشرف البنا
عمران حسن صالح
شول اشوانق دينق
إيمان صالح
عبدالله كع
nazar hussien
Yassir Tayfour
الصادق خليفة
محمد عبد الماجد الصايم
زهير عثمان حمد
ابراهيم محمد موسي
تاج السر محمد حامد
فيس بوك
تويتر
انستقرام
يوتيوب
بنتيريست