|
|
 عاجل وحصري....مفاجأه الارباب للهلالاب...ادخل بسرعه...!
|
علمت وللتو ومن مصادري الخاصه
ان اللاعب المفاجأه الذي وعد الارباب بتسجيله
هو محترف السد القطري العقرب أميرسون
علي سبيل العاره لمده عام بمليون دولار
وتم ارسال التذاكر لللاعب علي ان يكون في الخرطوم مطلع الاسبوع القادم
سبق صحفي حيكون لسودانيز اون لاين
لان الخبر دا حتي الجرائد السودانيه ما عندها خبر بيه
المعروف ان اللاعب كان ضمن منتخب البرازيل في حقبه من الزمن
عايز تعليقاتكم علي اللاعب
|
|
 
|
|
|
|
|
|
|
 Re: عاجل وحصري....مفاجأه الارباب للهلالاب...ادخل بسرعه...! (Re: زهير الزناتي)
|
زهير
شكرا علي المرور
انا زيك اتمني انو يكون الخبرصحيح
لاني اتفرجت عليه هنا في قطر
وممكن تسأل هلالاب الدوحه عنه
اتمناه بالجد في الموج الازرق
وعلي فكره اللاعب دا خاض تجربه احترافيه
في اليابان وكانت ناجحه بكل المقاييس
لدرجه انه اتعرض عليه انه يتجنس ويلعب
في المنتخب الا انه رفض
والملاحظ انه طوال سنينه اللي قضاها
في اليابان كان بيطلع هداف الدوري
يسع
| |
|
|
|
|
|
|
|
|
|
Re: عاجل وحصري....مفاجأه الارباب للهلالاب...ادخل بسرعه...! (Re: Alyasa Nourain)
|
سلامات يا Alyasa Nourain
شكراً للخبر، لكن أعتقد أن ضوابط الاتحاد العام تمنع قيد محترف عمره أكثر
من 30 عاما (ما عندي النص، لكن قريت الكلام ده في الجرايد).
إيميرسون مهاجم السد مولود -حسب موقع كوورة- يوم 6 ديسمبر 1978،
أي أنه تجاوز الثلاثين بأيام قلائل، ويجب -إن كان الهلال راغباً فعلاً في
التعاقد معه- استفتاء الاتحاد العام (دكتور شداد تحديداً) قبل المضي قدماً
في التفاوض مع اللاعب وناديه.
كما وجدت في عدة مواقع قطرية حديث عن احتمال تجنيس إيميرسون لتمثيل
منتخب قطر، مما يعني أنه لم يلعب لمنتخب البرازيل (دي ما معناها إنو ما
كويس، لكن من باب تصويب خبر أعتقد أنه غير صحيح).
ده بالإضافة لإنو مليون دولار في الموسم الواحد كثيرة، ومن الأفضل الإسراع
في البحث عن لاعب إفريقي صغير السن -نسبياً-، زي مابوتو بتاع مازيمبي
-مثلاً-، لو كان في ليهو طريقة.
__________________
من ناحية تانية، ضوابط دوري أبطال إفريقيا تحدد 15 ديسمبر كموعد لتسليم
كل فريق لقائمته المشاركة، وتحدد يوم 15 يناير كآخر يوم لتعديلها.
في يناير من عام 2006، تعاقد الهلال مع النيجيريين يوسف محمد وكلتشي،
لكنه تأخر في إكمال تعاقده معهما وفشل في إلحاقهما بقائمته المشاركة في
دوري أبطال إفريقيا لذلك العام. وفي سنة 2007، تم تسجيل النيجيري
إيفياني قبل يوم واحد -فيما أذكر- من آخر يوم لتعديل القائمة الإفريقية!
ولا بأس من التنبيه باكرا لهذا الأمر قبل أن نطالع في الصحف تصريحات
لمسؤولين في الهلال بعد شهر من الآن تتحدث عن أن "الاتحاد الفلاني تأخر
في إرسال شهادات الانتقال الدولية" أو أن "اتحاد شداد يستهدف الهلال"!
الوقت كاف لمن رغب جادا في إكمال قائمته الإفريقية قبل الوقت المحدد،
ولا عذر لمن بلغه إنذار مبكر!
| |
|
|
|
|
|
|
|
|
|
Re: عاجل وحصري....مفاجأه الارباب للهلالاب...ادخل بسرعه...! (Re: Ahmed Alrayah)
|
أحمد الريح
زميل الدرب في الهلال
انت زكرت انو اللاعب اتخطي الثلاثين( بعده ايام)
ودي مقدور عليها، بس نحن بنحكي في الخبر وتداعياته
وهل انو هو اللاعب اللي ممكن يحل ازمه الهجوم في الهلال
خصوصا وانو لاعب مهاري وملائم لطريقه لعب القاطره قودوين
اما بخصوص المنتخب القطري والبرازيليفدي قصه طويله ويطول شرحها
انشاء الله يارب يكون من نصيبنا
يسع
| |
|
|
|
|
|
|
|
|
|
Re: عاجل وحصري....مفاجأه الارباب للهلالاب...ادخل بسرعه...! (Re: ضحيه ابراهيم)
|
ضحيه ياخوي وين انت
والله ليك وحشه
لكن ليه عكست الخبر
صلاح ادريس بيفاوض في المريخ
بعد ضياع صفقه وارغو
ويقول ليهم بس ادوني فرصه لسه التسجيلات
باقي فيها 13 يوم
المريخاب قالو الارباب بيحب التلحين ، وهو بياخد وقت
طويل عشان ما يخلص من تلحين اغنيه، فكيف في 13 يوم
يجيب ليه محترفين خلاهم في كلامهم داك وخلص علي اللحن
والمحترف ابو مليون دورررررررررار
يسع
| |
|
|
|
|
|
|
|
|
|
Re: عاجل وحصري....مفاجأه الارباب للهلالاب...ادخل بسرعه...! (Re: Alyasa Nourain)
|
العزيز اليسع نورين
صباحك سعيد يا جميل
تصدق ناس جريدة قوون جايبين الخبر فى جريدة اليوم السبت
الزول ده فعلا فنان بجد
لكن هل تتوقع إكمال الصفقه أو حتى نجاح اللاعب من الأساس
وهاك نص الخبر كما ورد فى الجريده ،،،
• الدوحة :خاص قوون
تفيد متابعات قوون ومعلوماتها الخاصة ان مفاجأة الارباب صلاح ادريس رئيس نادي الهلال التي ظل يبشر بها جماهير الفريق خلال الفترة الماضية تتمثل في التعاقد مع البرازيلي ايمرسون لاعب السد القطري الذي يعتبر من اللاعبين المميزين وحصل ايمرسون على الجنسية القطرية بغية الاستفادة منه في صفوف العنابي لكن مشاركته مع منتخب البرازيل للشباب حالت دون ذلك··
وهاك ده الرابط
http://goansport.net/article/id/14110
مع عظيم التقدير والإمتنان.
| |
|
|
|
|
|
|
|
|
|
Re: عاجل وحصري....مفاجأه الارباب للهلالاب...ادخل بسرعه...! (Re: Alyasa Nourain)
|
Quote:
أحمد الريح
زميل الدرب في الهلال
انت زكرت انو اللاعب اتخطي الثلاثين( بعده ايام)
ودي مقدور عليها، بس نحن بنحكي في الخبر وتداعياته
وهل انو هو اللاعب اللي ممكن يحل ازمه الهجوم في الهلال |
أنعم بها وأكرم من زمالة يا اليسع!
أنا ما عندي مشكلة مع أي قرار صادر من الاتحاد العام، طالما كان القرار ده بينطبق على كل
الأندية (يعني ما الهلال والمريخ براهم)، لكن كمان عاوزين الاتحاد -لو وافق على تسجيل
محترف عمرو أكتر من 30 سنة- يورينا أسباب الموافقة دي، عشان تكون واضحة ويمكن
نستشهد بيها في حالات قادمة مماثلة.
المهم في الموضوع إنو الهلال لازم يتأكد أول حاجة من إمكانية تسجيل اللاعب، عشان ما
يتفاوضو معاهو ويجيبوهو وبعد ده كلو الاتحاد العام يقول ليهو (لأ).
مافي حاجة أحسن من تطبيق القوانين بحذافيره... على الجميع، مع أطيب الامنيات لهلال
الملايين بالتوفيق، له، وللقائمين على أمره ولاعبيه "قدامى وجدد".
_____________________________
بالمناسبة: الموسم الفات كان مناسب جداً لاستقدام مهاجم إفريقي مغمور، ذلك لوجود كلتشي
صاحب الخبرة الإفريقية الجيدة، لكن ظهور كلتشي بمستوى أقل من مستواه المعروف عنه
وتراجع مستوى أحمد عادل -بعد بداية مبشرة- وغياب البدلاء الجاهزين في هجوم الهلال
جعل إيفياني مطالباًبالتألق في موسمه الأول مع الهلال، وهو ما لم يحدث رغم اجتهاده
الواضح.
المرّة دي ما عندنا كلتشي، يبقى لازم -لو الظروف المالية سمحت- الهلال يجيب مهاجم
مجرّب وعندو خبرة، عشان احتمال نجاحو يكون أكبر، وإن شا الله نسمع أخبار كويسة في
الأيام الجاية.
| |
|
|
|
|
|
|
|
|
|
Re: عاجل وحصري....مفاجأه الارباب للهلالاب...ادخل بسرعه...! (Re: Ahmed Alrayah)
|
أبوحميد
صباح الورد
الاتحادات دي في كل الدنيا بتساعد انديتها
علي الاستعداد لتمثيل بلدانها في المسابقات
الدوليه وما اظن فيها حاجه لو اتجاوز اتحادنا
النقطه دي
وهنالك سابقه في تسجيل اللاعب نجاد للمريخ العام قبل الماضي
خارج مكاتب الاتحاد في ( القاهره)
دا كله غلط لكن هي سياسه توازنات بين القطبين
وما بعيد الاتحاد يفتح صفحه جديده مع الهلال عن
طريق هذا الموضوع
يسع
| |
|
|
|
|
|
|
|
|
|
Re: عاجل وحصري....مفاجأه الارباب للهلالاب...ادخل بسرعه...! (Re: Alyasa Nourain)
|
الأخ/ اليسع نورين
أميرسون لاعب فنان فنان ويعرف طريقه للشباك جيدا وأتمنى أن يوفق الهلال
في ضمه لصفوفه أما الإخوة الذين يقولون بأنه كبير في السن شوية مقارنة
بين اللاعب السوداني والأجنبي أمسكوا العجب وهيثم مصطفى الإثنين تخطوا عمر
30 سنة العجب خلاص كمل وكذلك هيثم رغم أن هيثم عطاؤه قل شوية لكن برضو أحسن من العجب أما أميرسون
والله لو تشوفوه في الملعب تقولوا ده عمرو 18 سنة وأنا متأكد إنو أميرسون سوف يفيد الهلال كثيرا حتى وإن تخطى حاجز ال 30 سنة واليوم السبت طالعتنا صحيفة قوون بخبر سار بعودة قودوين للهلال ورغبته في ذلك يعني أميرسون وقودوين قوة ضاربة ويوم يومين وتشوفوا يا مريخاب هذين اللاعبين يرتديان الأزرق الدفاق وأمسكوا الخشب ..
مع تحياتي وتقديري لليسع والهلالاب جميعا
| |
|
|
|
|
|
|
|
|
|
Re: عاجل وحصري....مفاجأه الارباب للهلالاب...ادخل بسرعه...! (Re: Alyasa Nourain)
|
يسع
ازيك
اتمني ان ارئ العقرب في صفوف الهلال
ايمرسون من افضل المهاجمين وسيكون
اكبر مكسب للاحتراف في السودان علي
مر التاريخ ....
كما تعلم بحكم علاقتي بنادي السد القطري
اعرف اللاعب ايمرسون حق المعرفة ولدي معه مواقف كثيرة
لكني حتي الان لاعلم لي بعملية الانتقال التي اتمناها
لكن يبقي سؤال.....
هل لاعب الثلاثين مليون دولار يقبل بمليون فقط
اتمني ذلك واتمني ان اراه بشعار الهلال لانه سيكون
اضافة لتجربة الاحتراف في السودان وسيحل
مشكلة الهلال من الناحية الهجومية
| |
|
|
|
|
|
|
|
|
|
Re: عاجل وحصري....مفاجأه الارباب للهلالاب...ادخل بسرعه...! (Re: haroon diyab)
|
Quote: يسع
ازيك
اتمني ان ارئ العقرب في صفوف الهلال
ايمرسون من افضل المهاجمين وسيكون
اكبر مكسب للاحتراف في السودان علي
مر التاريخ ....
كما تعلم بحكم علاقتي بنادي السد القطري
اعرف اللاعب ايمرسون حق المعرفة ولدي معه مواقف كثيرة
لكني حتي الان لاعلم لي بعملية الانتقال التي اتمناها
لكن يبقي سؤال.....
|
عايز تجهجه المربوطة يا هارون
والله اتلقي تكتب في الكلام دا...وعندك مغص..
وعينك في السفن اب كعلاج ومابيه دت.
تاني بتمشي السبق؟
| |
|
|
|
|
|
|
|
|
|
Re: عاجل وحصري....مفاجأه الارباب للهلالاب...ادخل بسرعه...! (Re: Alyasa Nourain)
|
الاخ اليسع
شكرا لايراد الخبر الذي اتمني ان يكون حقيقيا لانو اذا تمت الصفقة في السر تكون ادارة الهلال وعت الدرس تماما
الاخ احمد الريح
Quote: شكراً للخبر، لكن أعتقد أن ضوابط الاتحاد العام تمنع قيد محترف عمره أكثر
من 30 عاما (ما عندي النص، لكن قريت الكلام ده في الجرايد). |
وضوابط الاتحاد دي كانت وين مع نجاد , ابالو والسنغالي القبلهم
تحياتي
| |
|
|
|
|
|
|
|
|
|
Re: عاجل وحصري....مفاجأه الارباب للهلالاب...ادخل بسرعه...! (Re: Alyasa Nourain)
|
اليسع ‘‘‘
كيفنك ...
الاجتهاد مطلوب لكل هلالى حقيقى فى هذة الفترة العصيبة فى تاريخ الهلال ‘‘‘
لكن اكبر اشكالية من قبل رؤساء الاندية الكبرى فى الازمات التلاعب بمشاعر
جماهيرة بالتعاون مع الصحفيين المآجورين لتهدئة ثورتهم (اشكالية الاعلام الرياضى بالسودان)‘‘
ايمرسون (العقرب) كما تطلق علية الجماهير القطرية‘‘‘‘
لاعب كبير جدا ومن اميز واغلى المحترفين فى الدورى القطرى ولاعب لفريق السد من اكبر
الاندية القطرية واكثرها احترافية واقرب نادى عربى للاندية العالمية من حيث جلب المحترفين‘‘‘
والاستفادة منهم وتسويقهم بداية من عبيدى بيلية وعبدالقادر كيتا (العاجى) ليون الفرنسى الان
وماوروزارتى الارجنتينى معار للاتسيو الايطالى ومطلوب لريال مدريد . واخر الاعبين الان بسكال
فيندينو كابتن منتخب غينيا ‘‘‘ والاعب ابوكو الغانى من الصفاقصى التونسى (تعرفة جماهير المريخ)
من المقدمة اعلاة واحتراما لاراء الجميع للسن دة ما اشكالية وهنا محترف من اصل تونسى اسمة صبرى
اللموشى 38سنة قدم من مرسيليا الفرنسى يؤدى حتى الان فى اقوى الدوريات العربية هنا اذا نجح الهلال
فعلا فى تسجيلة ودى بعيدة على ضوء ماذكر اعلاة وما اضافة الاخ هارون دياب ..
Quote: هل لاعب الثلاثين مليون دولار يقبل بمليون فقط
اتمني ذلك واتمني ان اراه بشعار الهلال لانه سيكون
اضافة لتجربة الاحتراف في السودان وسيحل
مشكلة الهلال من الناحية الهجومية |
بغض النظر عن مريخيتة فهو ادرى ببواطن امور كثر . نادى السد استثمارى فى البدء اذا اراد
تسويقة فى قطر ومااكثر الاندية التى ترغب بضمة وباضعاف سعرة المزكور الذى حددتة ومن اندية
خليجية كثر تفاوضة ومن قبل عودتة من رحلتة الاحترافية بعد اعارتة لرين الفرنسى العام الفائت
ووصل سعرة من نادى قطرى كبير منافس للسد 10 مليون يورو لاربع سنوات وهو الان الان لدية مشاكل
ادارية وليس فنية برغم الفريق فى امس الحوجة لية وبسببة تراجع مستواة وفقد هيبتة‘‘‘‘
مما زكر اعلاة اللبيب بالاشارة يفهم ‘‘‘
وكل الامنيات لهلالنا التوفيق
| |
|
|
|
|
|
|
|
|
|
Re: عاجل وحصري....مفاجأه الارباب للهلالاب...ادخل بسرعه...! (Re: بابكر التوم)
|
لو الارباب قال انو مفاجاتو ايمرسون
فهذا يضاف لمشاريع الزيف التى وعد بها الجماهر
أذاعة الهلال ،مدينة الصالحة ،الطائرة الخاصة ،المحترف ابو مليون دولار ، شركة الهلال القابضة والنتيجة قبض الهلالاب للريح
أنا مقيم فى قطر ومتابع للرياضة القطرية واعرف ان ايمرسون كان مطلوب فى اكبر الاندية الاماراتية ولم يذهب ،ولازال مطلوب من العربي القطري والفرافة القطري على سبيل الاعارة وبمبلغ ملايين الدولارات
فما الذي يجعله يذهب ويلعب فى السودان بمليون دولار ليلعب فى ملاعب غي صالحة باستثناء ملعب او ملعبين .
هذا من ناحية أما من ناحية فنية فان ايمرسون مهاجم ممتاز ولايشق لع غبار مماجعل القطريين يمنحونه الجنسية القطرية ولعب معهم فى المنتخب ولكن مؤخرا تم سحب الجنسية منه .
اما سلبياته فانه لاعب حاد الطبع وعصبي ودائم الطرد.
ممكن تكون المفاجاة عودة قودوين اما ايمرسون فلا اعتقد
| |
|
|
|
|
|
|
|
|
|
Re: عاجل وحصري....مفاجأه الارباب للهلالاب...ادخل بسرعه...! (Re: بابكر التوم)
|
الهلال ايضا لايقل عن السد
كنادي كبير وجاذب لعده لاعبين
وامثالهم كثر ابتدأوا مغمورين
عملوا اسم لدرجه انو بقوا مطلوبين
في انديه كتيره ودونك يوسف محمد(سيون)وقودوين(الاهلي)
وداريو كان(الاسماعيلي) وحتي كلاتشي بعد المستوي الكبير اللي
قدمو مع الهلال كان عندو عرض من بولندا حتي زولو لما كان في الهلال احترف في بلجيكا
وبرضو ياخبر النهار دا بفلوس
بكره يبقي ببلاش
يسع
| |
|
|
|
|
|
|
|
|
|
Re: عاجل وحصري....مفاجأه الارباب للهلالاب...ادخل بسرعه...! (Re: Alyasa Nourain)
|
Quote:
قودوين رجعتو ما مفاجأه
لان الهلال بيعمل لكدا من بدري
|
أنتو الهلال ده ماعندو كرامة
لاعب يقوا العطالة ولا الهلال
وبرضو الهلال يعمل لاعادته
كان الارباب ده ماجعلى كان حيحصل شنو
وبعدين هل تم زيادة عدد المحترفين ولاشنو
امولادي ومدافع شبيبة القبائل وقودوين العائد والمفاجاة وايفياني
كدى ابقوا على اثنين من ديل وبعدين شوفوا المفاجاة ليكمل الثلاثة لانو تاني مافى تجنيس
| |
|
|
|
|
|
|
|
|
|
Re: عاجل وحصري....مفاجأه الارباب للهلالاب...ادخل بسرعه...! (Re: Alyasa Nourain)
|
Quote: معاوية يا اخوي
انت شكلك ما متابع اخبار الكوره كويس |
الاخ اليسع
واللة انا متابع اخبار الكورة أكثر من كمال شداد
انا قصدي انو تاني مافى تجنيس جديد وقالها البشير بنفسو
يعنى ماحيجنسوا ليكم زول بدل داريو كان
وحيكون عندكم بس سولى شريف
ولو مشى اللة معاكم
جنسية جديدة تاني مافــــــــــــــى
بقرار رئيس الجمهورية فى مهرجان الناشئين
| |
|
|
|
|
|
|
|
|
|
Re: عاجل وحصري....مفاجأه الارباب للهلالاب...ادخل بسرعه...! (Re: Ahmed Alrayah)
|
باشمهندس احمد سلامات:
نستأذن صاحب البوست في الخروج عن الموضوع شوية:
قرار عدم اللعب الا بمجنس واحد صدر الموسم الماضي
وقرار تقليص الاجانب صدر الموسم الماضي
وقرار عدم استقدام محترفين بعمر اكتر من تلاتين صدر الموسم الماضي
وكان من نتائج هذه القرارات:
انهزم منتخبنا القومي من تنزانيا في الخرطوم
خروج الهلال والمريخ من البطولات الافريقية صفر اليدين
خروج الهلال والمريخ من البطولة العربية بفضائح
وبرضو:
| Quote: أنت عارف يادكتور انو كمال شداد دا ما بهظر |
بعدين ريال مدريد تعاقد مع فان نستلروي وهو فوق الثلاثين
مانشستر تعاقد مع فان در سار وهو فوق التلاتين
وكل الاندية في العالم بتعمل كدا
| |
|
|
|
|
|
|
|
|
|
Re: عاجل وحصري....مفاجأه الارباب للهلالاب...ادخل بسرعه...! (Re: yasir Abdelgadir)
|
العزيز اليسع نورين
شايف جنس الكلام ده
الزول ده لا عندو إيمرسون ولا غيرو
كل يوم خيار جديد ومفاجأه جديده
يعني ما عارفين نركز على منو
وهاك خبر جريدة قوون اليوم الأحد
• اقترب المهاجم البرازيلي كوازيزما دي سوزا من كشف الهلال ضمن خيارات الارباب المطروحة لتدعيم صفوف الفريق في الموسم الجديد··
>قوون< تحصلت على السيرة الذاتية للاعب تنشرها عبر هذه المساحة:-
* الاسم: ريقيز الداير كواريزما·
* اسم الشهرة: دي سوزا
* تاريخ الميلاد: 25 يناير 1982
* الوظيفة: مهاجم
* الرقم المفضل: 11
* الفريق: لاباز البوليفي
* القدم المفضلة: اليسري ويسدد بالقدمين ويجيد تنفيذ الركلات الحرة·
* زامل البرازيلي رونالدينو في فريق غريميو قبل انتقال الاخير لباريس سان جيرمان ومنه لبرشلونه ثم ميلان·
* اندية: لعب بها عام 2007 مع فريق اوربيت بتروليرو البوليفي واحرز معه 7 أهداف·
* موسم 2008 تعاقد مع لاباز في يناير واحرز معه لقب كوبا لبرتاردس امام اتلاس في 30 يناير في المكسيك·
* سجل في اول 6 مباريات 6 أهداف لفريقه·
* تصدر قائمة هدافي الدوري البوليفي.
| |
|
|
|
|
|
|
|
|
|
Re: عاجل وحصري....مفاجأه الارباب للهلالاب...ادخل بسرعه...! (Re: محمد خليل ساني)
|
الاخ اليسع
كيف الحال
أها رايك شنو فى خبر جريدة قون الذكروا الاخ محمد خليل ده
لسع مصر انو ايمرسون جاءى الهلال وهو مفاجاة الارباب
قلنا ليك ايمرسون رفض الامارات
تقول جاءي الهلال
ياخي ايمرسون ماسمع ببلد اسمو السودان
يجي يمشى يلعب فى كادوقلى
خليكم واقعيين
والارباب ده حيلعب بيكم كدة لحتى ما التسجيلات تنتهي
لانو لاعندو مفاجاة ولا عارف يسجل منو حتى من السودان
| |
|
|
|
|
|
|
|
|
|
Re: عاجل وحصري....مفاجأه الارباب للهلالاب...ادخل بسرعه...! (Re: معاوية محمد الحسن)
|
(ومن حق قوون وبصرف النظر عن حقيقة الخبر وتحقيقه من عدمها الا انها تحتفظ بمصدرها ولاحقا اشار لنا احد القراء بما تناوله احد المواقع الشهيرة من خلال احد منتدياته حول اللاعب واكتمال صفقته مع الهلال وفي النهاية نقول كله وارد وربما يكون من ضمن العملية السرية في التسجيلات لرئيس نادي الهلال !!)
شباب
هذا ما ورد في عمود رمضان في قوون عدد اليوم وذكر ايضا ان كوريزما خيار ثاني
وكلها يومين وحنشوف
بس عاوز اقول حاجه انو الخبر دا نزلناه في المنتدي قبل جريده قوون
يجيك واحد زي رمضان ويقول ليك اشار لنا احد القراء
بس كان علي الاقل يدينا حقنا الادبي
يسع
| |
|
|
|
|
|
|
|
|
|
Re: عاجل وحصري....مفاجأه الارباب للهلالاب...ادخل بسرعه...! (Re: Alyasa Nourain)
|
غايتو اللاعب ده شبه إنتهوا منو
ديمبا مدافع شبيبة القبائل
والدليل الخبر العاجل لجريدة قوون على موقعها بالإنترنت قبل قليل
• استقبل الهلال الجزائري فريد حشاد وكيل اللاعب المالي ديمبا فجر اليوم قادما من فرنسا عن طريق القاهرة عبر الخطوط المصرية وكانت قوون في استقباله بمطار الخرطوم برفقة الوكيل محمد جمال .
وقال حشاد بان اللاعب ديارا ديمبا قد تأخر عن الوصول من اليوم الي الغد بسبب تواجده مع بعثة شبيبة القبائل الجزائري في المغرب ومن المتوقع ان يكون قد وصل امس الي الجزائر بعد اداء مباراة فريقه امام الجيش الملكي في دورة شمال افريقيا مؤكداً ان وصوله جاء لاكمال اجراءات الصفقة رسمياً مع نادي الهلال الذي تعاقد مع اللاعب لمدة ثلاث سنوات قابلة للتجديد مشيراً الي ان رئيس النادي حناشي قد بارك انتقال ديمبا الي الهلال خلال الاتصال الهاتفي معه امس كاشفاً بان الهلال قد كسب لاعباً كبيرا بعد صراع صعب مع اندية عربية واوربية ابرزها فريق لوهافر الفرنسي وفي ختام حديثه طمأن الوكيل الجزائري حشاد جماهير الهلال علي انتقال اللاعب ديبما الي صفوف الازرق بعد ان تسلم اللاعب مقدم عقد انتقاله للهلال .
| |
|
|
|
|
|
|
| |
Alyasa Nourain
منتصر الامين
زهير الزناتي
ضحيه ابراهيم
osman righeem
محمد خليل ساني
Faisal Elrasheed
Adam Mousa
haroon diyab
nazar hussien
بابكر التوم
معاوية محمد الحسن
mohmed khalail
فيس بوك
تويتر
انستقرام
يوتيوب
بنتيريست