دعواتكم لزميلنا المفكر د.الباقر العفيف بالشفاء العاجل
|
|
 حوار لعيبة المريخ فى غرفة الملابس قبل بداية مباراة الواحدات بالاردن
|
لعيبة المريخ فى غرفة الملابس قبل بداية المبارة
o مازدا للعيبة :
الليلة يا معلمين لازم نطقطق الجماعة ديل عشان الشرتيت جمال الوالي قال راح يرقعنا تمام الليلة.
راح نلعب بخطة تكها والحقها.
o مجاهد : ياكوتش دي خطة جديدة ولا شنوا.
o قلق لمجاهد: يا درفة دي خطة كان بلعبوها ناس مازدا زمان.
o السعودي لمازدا: يا كوتش الخطة دي ما ادربنا عليها.
o مازدا يرد: انت شان فصاحتك دي انا ما قاعد بلعبك وكان عاوز تقع برا افتح خشمك ده تاني .
o ايداهور لمازدا: ولله الخطة دا بنلعبو بة طوالي فى نيجييييييييريا ووصلنا به كاس العالم كم مرة مع الكوتش شعيبو .
o اكرم : انا راح اقنمبر ليكم الكورة فى السماء لحدي ما تنزل اكون اخدت لي سفه.
o موسي الزومة لاكرم: يا وهم راح تتفها وين ما تفضحنا مع اولاد الحنانات ديل.
o
o العجب لمازدا : ولا يهمك يا مان خليهم على بس انت كلم الكونتي "جمال الوالي" بعد الكورة لازم الضحاكات ولا من ما راح سافر معاكم.
o بله جابر: ايوه حار حار لازم يا مان فى حفلات كتيرة فى راس السنة.
o اكرم لسفاري:الوهم شلبايا ده دردقه لي وانا بديهو ليك فى حنانو بطلع ....
o ابراهومة: ايوه ياشباب لازم عشان انا عندي شيكات مطلعها فى السوق وما عندي رصيد البنك.
o مازدا : دي خطتنا العاجبه عاجبه وما عاجبه يقلع الفلنه ويمشي الفندق .
o العجب برفع اصبعة فى وش مازدا: قصدك شنوا يا وهم!
o الدقير: يا عجب الراجل ما قاصد حاجة.
o مازدا: انا ماقاصدك انته انا بتكلم مع الوهم الباقين ديل.
o الدقير: يلا شباب خلونا نتفك من البرد ده.
|
|
 
|
|
|
|
|
|
|
|
Re: حوار لعيبة المريخ فى غرفة الملابس قبل بداية مباراة الواحدات بالاردن (Re: moaz elsir)
|
حوار لعيبة المريخ اثناء المباراة
o العجب :الوهم مازدا ده انسوا كلامة كان مشينا بكلامه راح نطقطق كان بفهم كورة من ما كان كان ختاني احتياطي فى البطول الافريقية فى غانا من ديك انا خاتيها ليهو.
o مجاهد : يا عجب احسن حاجة نلعب بخططة كروجر فى مبارة هلال كادقلي .
o العجب : ما متذكرة.
o سفاري: احسن حاجة كل واحد يلعب الحاجة بالعرفها لانو خلاص البرد دخل فى العضام.
o قلق: يلا يا فرد الحكم راح يصفر.
كل لاعب وقف فى مكانه :
o اكرم لدامر: يا مان انا لابس عشرين حاجة برضو بردان.
o سفاري : يا معلم انا اقول مالك ماشي زي ناس الفضاء.
o دامر: شكلوا يا درفة راح تملصه.
o اكرم : يا معلم اللبس ده راح يخليني اطير معاه فى اي حته.
o العجب من بعيد رافع يده : يا وهم انتو خلوا بالكم المان راح يصفر.
الحكم صفر :
من اول هجمة كرم ملصها واحد.
o سفاري: ما قلت ليك راح تملصها.
o بالله خلينا كده بريمة كان جابوه ما راح يقبضه.
o مازدا لابراهومة: انا ما قلت ليك حافظ احسن من الدب ده.
واحد ياساعدني شوية
| |
|
|
|
|
|
|
|
|
|
Re: حوار لعيبة المريخ فى غرفة الملابس قبل بداية مباراة الواحدات بالاردن (Re: moaz elsir)
|
تحياتي واحترامي للجميع
بهذه المشاركة لم اقصد شئ سواء توضيح حقيقة ان مستوي فهم اللاعب السوداني اواسلوبه لا يرقي لمستوي الذي يوهله لحمل شعار السودان .
انا حضرت واقعة حقيقية تعكس مدي مستوي وركاكة اسلوب اللعيبة السودانية حصل هذا فى ديسمبر2007 فى مطار الخرطوم كنت قادم الي الدوحة وصادف فى ذلك الوقت سفر بعثة الفريق القومي الي الامارات علاما اذكر لاقامة معسكر هنالك ،استعداداً لنهائيات بطولة الامم الافريقية بغانا ، كنت اتوقع ان يحضر جميع افراد البعثة ببص واحد حسب ما هو متعارف عالميا ، لكن المفاجات كانت حضور كل لاعب بعربته الخاصة او مع صديقه ، وصل جميع اللعيبة فى وقت واحد تقريباً فيما عدا اللاعب واحد هو (....) حضر متاخراً وكان يبدل ملابسه داخل سيارة كامري 2005 جاء احد الاشخاص واخبره بان السيد مجدي شمس الدين يطلب منه ان يسرع قليلاً فما كان من (....) الا ان تلفظ وقال لذلك الشخص قول ليه " ك.... ما جاي ".
ماذا نتوقع من فريق قومي يتم تجميعه بهذه بطريقه العشوائية وهذا مستوي الفاظ نجومة.
مع خالص ودي
معاذ
| |
|
|
|
|
|
|
|
|
|
Re: حوار لعيبة المريخ فى غرفة الملابس قبل بداية مباراة الواحدات بالاردن (Re: محمد الامين احمد)
|
معاذ السر
اقبلني صديغاوقادي عربي برضو
تحياتي ,,يا زول كلامك سمح تب واصل..
,,,,,,,,,,,,,,,
يا ود الامين خلو روحكم رياضية
| |
|
|
|
|
|
|
| |
moaz elsir
محمد الامين احمد
ابراهيم محمد موسي
معاذ حسن
هيثم عبد الله القاسم
فيس بوك
تويتر
انستقرام
يوتيوب
بنتيريست