انصاف مدني يغتيك الله (اعملي فينا خير) تسلمي

Quote: لك التحية أستاذ موصلي من المعلوم أن إيقاع الدلوكة حسب فهمي المتواضع 3 مقامات مثلاً عند قيقم يبدأ بالتقيل، ثم الوسط وأخيراًً يختم بالخفيف مثلاً: "أنصار الإمام"، وبعدين ينزل لي "فرسان الكمين الفي القتال باينين.. سودانية أسود" ده قبال قيقم مايبقى إنقاذي!!!!!! كان فارس الدلوكة في ما قبل الإنقاذ!!!! والله أنا غلطان!!!! نسيت التحية لعافية حسن..... لها صوت جميل ورشيق ..... ربما تستطيع إعادة مجد الفلاتية!!!

Quote: واسجله من اهل زوجتي في القدواب /ونقزوا.. غصبا عن صديقي مجذوب اونسه

Quote: والله قيقم ده فنان من الطراز القديم!!! نفس نكهة ود السافل الرائعة عند قيقم مع الصوت الجميل والتطريبي يجيد أغاني الحقيبة والأغاني الشعبية بصورة رائعة وجميلة!!! لكن عيبه زي ما قلت راح يطبل للجماعة ديل..... والزمن ده اختفى....\ "نحن أهل الكرم.. شبعنا الجعان في يوم القرم.. مين الزينا" ما عندي فيديو لكن بحاول أجيب رابط صوتي ليهو عافية حسن دي "ترد الروح إن بقت مافيشة" بالمناسبة أعجبني أداء سيف الجامعة لأداء أغنية: "آمنة الفي الضمير مازيانا" لود السافل

(عدل بواسطة Elmosley on 09-20-2010, 11:13 AM)

Quote: (نسيبنا) كيفنك..؟ أوعي تقول دي سلبطه حرررم جيتنا عديييل وكان غلبت حيله في الدلوكه أنا بسجله ليك برااااي إنت نسيت نحن ناس دلوكة؟؟ لكن بيني وبينك خلف الله حمد ملك الملوك في هذا الشأن وحررم دلوكتو بتدق في قلب الواحد أكتر من نحاسنا في تلك الأصقاع المهم مجذوب أونسه كان معنا في هذا العيد و تحدثنا في الكثير بخصوص الموسيقي والغناء. ويغريك تحياته الأنيقة. كل الود ------------------------ بيني وبينك خلوني اتسلبطكم في أغنيه لعافيه الغنايه دي إنت والقصاص وعافيه دا مولد ما بتفوت بي أخوي وأخوك.

Quote: فالتوافق بين صوتها وايقاع الدلوكه والشتم والدنقر والصفقة عجيب عجيب لم ار مثله الا عند هذا الثلاثي القديم ود السافل/خلف الله حمد / سيد الجعلي الله يرحمهم جميعا

Quote: انصاف مدني يغتيك الله (اعملي فينا خير) تسلمي انا وصديقي الفنان الموزع اسامه علي ومعنا الموزع عمر القصاص شغالين تحضير لشغل ابنتنا عافيه حسن الفنانه الراقيه وايقاع (الدلوكه/ العرضه / السيره)\ واقف لينا في حلقنا (انا واسامه) وكل مانسجله ما قادرين نقتنع ودوما اسامه يقول لي ياخي تسجيلكم بتاع وامطرت لؤلؤآ بتاع الكابلي فيهو صوت الة الدلوكة جميل ورائع وقعدت افتش واسمع في اليو تيوب سمعت انصاف مدني فاذا بي ارفع عصاتي وانقز. فالتوافق بين صوتها وايقاع الدلوكه والشتم والدنقر والصفقة عجيب عجيب لم ار مثله الا عند هذا الثلاثي القديم ود السافل/خلف الله حمد / سيد الجعلي الله يرحمهم جميعا خلف الله حمد يتميز بهذا الايقاع سريعا جدا بينما ود السافل وسيد يتميزان به بطيئا لكن النساء كبيرات السن يرقصن فيه ببراعة غيرمآلوفة وغير معروفة الان في اعراسنا وافراحنا. بنجي بعدين نشرح ليكم تعقيدات هذا الايقاع هسع استمتعوا بس ويازملائنا الموسيقيون خشوا معانا وما تقعدو تتزاوغو زي ما عملتو في موضوع المؤتمر الا قله منكم مؤتمر لتطوير الفن الموسيقي السوداني بمساعدة الناشئة من الفنانين/ الفنانات كل الود

Quote: انا جابتنى الدلوكه وتانيا جابتنى صاحبة اجمل صوت نسائى استمع له بعد وانا اضيف الاستاذه ساميه محمد احمد(باروكة)

Quote: بما اني لست متخصصا وليس لي باعا في مجال الموسيقى والغناء وعلم الاصوات الا اني هاويا للفنون بشكل عام,, استوقفني صوت واداء انصاف مدني ورقصت وعرضت في حينها,, وحين زرت السودان مؤخرا اغتنيت كل تسجيلاتها,, شكرا استاذنا الموصلي فهذه شهاده في حق انصاف

Quote: شفت يا رقيق كلامك الكبيته فوق ده انا ما بخبر فيه التكتح لكن عندى يقين راسخ ان كله صحيح.... طيب قول لى وكتين يخرب الجابك هنا شنو؟؟ والله سالتونى؟؟ انا جابتنى الدلوكه وتانيا جابتنى صاحبة اجمل صوت نسائى استمع له بعد التومه بت على من سيال الفكى سعد اوسيال ام برعه(على فكرة ام برعه بت الفحل هى صاحبة اغنية الشيخ سيرو) وعليك الله يااستاذ يوسف انت قريب من كابلى كان ما طلبت منه ان يصلح بعقد الدم بالعصا البقولها دى، فهو قامة بلا شك .

Quote: عزيزنا المبدع الموصلي عيد سعيد ياخ وكل سنة وبلدنا بي خير وصحة وعافية حسن في زيارتي هذا العيد في السودان تشرفت بزيارة القصاص في الاستوديو وجلست معه وحدثني عن ما تبذله معه من جهد في رفعة شأن موسيقانا الجميلة فرحت كثيرا لانك حسب علمي انك تعتقد ان لهذا الشاب الجميل الكثير من المهام التي يجب ان يقوم بها دفعا للامام وربنا يحفظك لينا يا موصلي ويرجعك للوطن سالما غانماً تسلل : عندي حاجة صغيرونة عند القصاص يا ريت تخليهو يرسلها ليك واسمعها ووريني رايك ÑÇíß

Quote: الأستاذ الموصلي.. حيّاك الله وأبقاك. المرة الفاتت قلت ليك: نحن ما بنفهم كتير في الموسيقى والفن لكن بنساعدكم بالصفقة. واليوم بعد كتابة بوستك عن الفنانة إنصاف مدني أتقدّم بطلبي هذا راجياً إعتباري فناناً تحت التمرين Trainee Fannan هههههه وذلك لأن رأيي في الفنانة إنصاف تطابق مع رأي سيادتكم الخبير، فعندما سمعتها في اليوتيوب براي قلت البنية دي غنّاية خلاص لو كانت راجل كان بقت زي خلف الله حمد. ودا معناه يعني عندي أذن موسيقية وبفهم شوية في الموسيقى والفن ولاّ يا ربي تكون حالة خاصة جات بالغلط؟ تحياتي. كبـــّـاشي الصـــّافي

Quote: أسمع البححححححة دي دي البحة الآخرا أحححححح الغريبة لما كنت بباري حفلات زهرة الناس كانوا بقولوا علي صايع مش عارف لي شنو؟

Quote: لكن معقولة يا موصلي ؟ يادوبك عرفت خامة الصوت دة !

Quote: أستاذ الموصلى سلامات وكل عام وأنت بخير يا عزيز طبعن يا موصلى الفنان ود السافل ده عندنا هناك زى ري شارلس فى أمريكا . زول كان يغنى الدلوكة بفهم . كان بيعلم جماعتو كيف يكون هبك الدلاليك . وكيف نقر الشتم . ود السافل أول فنان دلوكة كان بيعمل بروفات مع الشيالين . .. بعدين يا أستاذ فى رمضان ده سمعت انصاف مدنى . حولا يا أخى صوت وسيم وقوى صوت انصاف ده صوت مليان طرب يا أستاذ ولا نحنا مليانين شوق للبلد والدلاليك ؟ يا أخى والله عجبنى لا حدد ما كنت عايز أدقش الشباك . تحياتى

(عدل بواسطة Elmosley on 09-21-2010, 03:07 AM)

Quote: ستاذ الموصلي سلام وكل الضيوف خاصة الناس الزيي بتاعين السمع ساي كل سنة وانتو طيبين انا زي وزي الكاشفين اخواني( كانتونا وود الموج) ما لياش في الطيب نصيب اقصد الفن واصوله اللهم الا نسمع يعجبنا الا بس الزولة دي لما سمعتها في النيل الازرق في سهرة عيد الفطر السنة الفاتت ديك ما السنة دي صوتها عجبني شدييد وكانت الافضل على الاطلاق من بين من كن معها مبالغة يعني اها بقيت متابعاها وراصدة حاجاتها وبما انه ثاقفتي الفنية متواضعة جدا قامو لما جابوها في تلفزيون السودان في رمضان كلو كلو ما عجبتني هو تراهنه القصو انه صوتها دي مع ايقاع الدلوكة ماشي ما مع الاوركسترا لانه ناس تلفزيون السودان في برنامج بنات حواء في رمضان قدموها مع اوركسترا ما كانت قادرة تبدع زي لما بالدلوكة تحياتي لها ونتمنى ليها التوفيق ممكن اساهم واجيب ليك رقمها لو لحدي حسع ما اتحصلت عليه سلام صفي

Quote: انصاف مدني استمعت اليها كثيرا وسجلت لها العديد من الاعمال وهي بحق متميزه وفاتت الكبار والقدرا كما يقولون اما بخصوص عافيه حسن فاوصيك بها خيرا فهي فلتة هذا الزمان وربما توقفت لظروف لا نعلمها لكن ربنا يجازي الكان السبب اتمني عودتها سريعا وعلي يديك لانها بحق كنز واجمل صوت نسائي استمع اليه في السنين الماضية لا ادري لماذا لكن اداءها يذكرني دائما بطريقة هاديه طلسم ولا انا غلطان]

Quote: د السافل/خلف الله حمد / سيد الجعلي الله يرحمهم جميعا خلف الله حمد يتميز بهذا الايقاع سريعا جدا بينما ود السافل وسيد يتميزان به بطيئا لكن النساء كبيرات السن يرقصن فيه ببراعة غيرمآلوفة وغير معروفة الان في اعراسنا وافراحنا. بنجي بعدين نشرح ليكم تعقيدات هذا الايقاع هسع استمتعوا بس ويازملائنا الموسيقيون خشوا معانا وما تقعدو تتزاوغو زي ما عملتو في موضوع المؤتمر الا قله منكم مؤتمر لتطوير الفن الموسيقي السوداني بمساعدة الناشئة من الفنانين/ الفنانات كل الود

Quote: ات عارف يا موصلى انا كنت متابع برنامج بنات حواء فى الهارمونى ومعاهو برنامج اغانى واغانى ولكن كنت معجب جدا بى صوت انصاف كصوت متجانس مع الدلوكه وغير الدلوكه وطوالى لفت انتباهى موضوع غناها بى الدلوكه نعم فيه تفرد بى امتياز يعنى هى عارفه اختارت الشى لى شنو حتى نكون نحن من المعجبين و غيرنا بهذا العنا بتاع الدلوكه الذى ابدعت فيه ورجعتنا سنين عددا

(عدل بواسطة Elmosley on 09-22-2010, 01:19 PM)

Quote: انا طول عمري قايلة الموسيقى ياها الموسيقى اوركسترا وايقاعات بلدية وكدة اها قوم طلع انه الاوركسترا دايرة ترتيبات محددة عشان تتوائم مع طبقات صوت زول محدد شفت جنس العلم دة كيف وما خفي اعظم

(عدل بواسطة Elmosley on 09-21-2010, 09:47 PM)

Quote: فعلا والله معاك حق طابغ صوتها شعبي عاصمي

Quote: Quote: فعلا والله معاك حق طابغ صوتها شعبي عاصمي يازول؟ والله يا موصلى شايف طريقة مختلفة فى تناول التصنيف وكدا ... إنشالله يكون فى Framework كامل لطريقة جديدة لى تصنيف الغنا السودانى ... عشان راسنا يبرد من الفوضى دى شوية ... ويعلم كل قومٍ مشربهم ...

Quote: يعني مهما كانت درجة اطلاعك عالية واذنك موسيقية برضو خلى العيش لخبازنه ولا مو هيك اقول قولي هذا ولا اشكك في مقدراتك حول اذنك الموسيقية او احساساك العالي بالصوت الطروب حسب ما اوردت

Quote: الموصلى أخوى سلامات والحمد لله على السلامة شفتك فى قناة النيل الأزرق ومعاك عقد الجلاد وبعدين حكوا عن كل شىء : طيبتك وتدريسك لعلمك الراقى وعدم المجاملة فى المحاضرات حتى وإنه المتأخر تقول له : برّا غايته ياموصلى بحق وحقيق تمنيت أن تبقى بالسودان حتى يرقى السودان أكثر فكل من هو بهذا القدر أصبح يطارد للنزوح خارج البلد . دا موضوع

Quote: [Bذكرتني " إنصاف مدني " قصة كتبتها مستوحاة من حياة حقيقية في الستينات ، واسمها " الخرز نغم يُطرب الذاكرة " نرى كأن هنالك خيط شبه : نقطف جزء من النص : من يتقن العزف على أوتار الحبال الصوتية غير الموهوب المبدع ؟ . *

(عدل بواسطة Elmosley on 09-22-2010, 05:18 PM)

Quote: موصلي وضويوفو نعلكم طيبين؟

Quote: غايتو ما عارف ... لكنها بتقعد الغنا وكفى ....زي ما بقولو .. مع تحياتي ..

Quote: هيييك ونص وخمسة يا صفصف .. أبداً ما عندي شك في القصة دي والله وكلامك القلتيهو كللو صاح .. لكن تعرفي مرات كده مش بتلقي مقاول اشطر من المهندس ؟ ده طبعا ما قصدت بيهو إني اشطر من ناس الموسيقى انا قصدت في مداخلتي إنو نبض الشارع ده الناس ما تجهلوا ..مرات العلمية الكتيرة بتفقد الحاجة رونقا وجمالا.. اسة مش في كتب حقت طبخ ؟

Quote: الحبيب يوسف أفندي طبعاً أنا بعتبر نفسي إنسان سِمّيع وبقدر بميّز الغُنا السمح و كمان المسألة بتخضع لأشياء أخري من ضمنها إختلاف الأذواق بتلقي واحد يقول ليك أفضل فنانين في السودان أبو الأمين ووردي وعركي و كابلي ومصطفي ( من غير ترتيب) ولكن بسمع عركي وما بشتري كاسيت لي وردي يعني هو في النهاية معترف بإمكانيات وردي لكن ما بلقي نفسو معاه

Quote: لعناية استاذ عمر الفاروق امكن دي غيرة مني ساي من الشهادة الادوك ليها.... عقبالنا ناخد شهادة انشاء الله في السمع بس تحياتي للجميع صفية

Quote: انصاف مدني يغتيك الله (اعملي فينا خير) تسلمي

Quote: وقعدت افتش واسمع في اليو تيوب سمعت انصاف مدني فاذا بي ارفع عصاتي وانقز. فالتوافق بين صوتها وايقاع الدلوكه والشتم والدنقر والصفقة عجيب عجيب لم ار مثله الا عند هذا الثلاثي القديم

Quote: انا يوسف عثمان محمد بلال النور الشهير ب (يوسف الموصلي) أشهد بان المحاور عمر الفاروق من أكثر الذين فجروا المعلومات الموسيقية في ذاكرتي سواء أن كانت تلك المعلومات أكادمية أو تاريخية في هذا الفضاء الاسفيري وهذا اقرار مني لمن يهمه الامر ========================================= يوسف عثمان محمد بلال النور (الموصلي)

Quote: الموصلى وحاة حبوبتى اتهكككككر يا قدعان ههه لك ولعمر ولزوار البوست عميق المودة

Quote: الموصلى كيفك ياصديقى تعرف طوال شهر رمضان المضى كنت والصديق عبدالمنعم الفكى عازف الايقاع المتمكن متابعين برنامج بنات حواء ومنبهرين بعزف انصاف مدنى على الدلوكة وصوتها الجميل لكن ياموصلى هل آلة الدلوكة سودانية ام جاتنا من برة وعبدالمنعم مستغرب ليش ما حصل توظيف واستخدام الدلوكة في اي اروكسترا موسيقية سودانية

Quote: اثناء دراستى بالاكاديميه النرويجيه للموسيقى كنت استعرض على الاساتذه والزملاء نماذج مختلفه من الغناء والموسيقى السودانيه انتقدوا الاصوات النسائيه بانها غير حقيقيه وفيها طبيعه اطفاليه فى طريقه اداء الصوت حيث يخرج من الحلق وليس من البطن المهم انطبعت عندى انموذج كيفيه اداء الصوت النسائى مقارنه بالاصوات النسائيه من حول العالم امصاف مدنى استمعت لها قبل عامين تقريباً واتشهدت ........معقول فى السودان فى صوت نسائى حقيقى للدرجه دى