دعواتكم لزميلنا المفكر د.الباقر العفيف بالشفاء العاجل
|
|
 الموصلى .. تمبس .. الفنان محمد عبدو سرق ولا ..!!!!
|
معرفة أذنى المتواضعة
تقول إن أغنية ( صباح الخير والاحساس والطيبة ..)
الريثم الآساسى و اللزمة الرئيسية فيها
مسروقة من الجابرى ..
و كثر من الأغانى السودانية ..
لا أقصد الغث فقط .. . فهناك ابو بكر سالم
وميامى ( ديل عملوها واضحة) ..
|
|
 
|
|
|
|
|
|
|
|
Re: الموصلى .. تمبس .. الفنان محمد عبدو سرق ولا ..!!!! (Re: haider osman)
|
تم استدعاء هيئة المحلفين بقيادة المايسترو الموصلي ..
واعتذروا ..
تمبس عنده غدا ( عوائل ) .. ودي حاجة ما بتتفوت لاي ( عزابي ) في ( نجد ) ..
والموصلي .. عنده ( بوست ) رايح .. وداقي ( جرس ) لبكري .. واحتمال يحظروهو في اي لحظة ..
وتم استبعاد السيد ( نادر ) .. لعدم الاختصاص ..
واستبداله بالسيد ( نازر ) .. وكدا ..
ودا برضو اعتذر .. قال عنده ( سخانة بول ) .. بمشي حفيان كتير ..!!!
| |
|
|
|
|
|
|
|
|
|
Re: الموصلى .. تمبس .. الفنان محمد عبدو سرق ولا ..!!!! (Re: محمد عبدالرحمن)
|
الأستاذ نوصلى
شكرا على مواصلتك ..
و حتى نقنع ( أخونا الكاشف - محمد عبده الأنصارى -السوداني )
نرجو ان تشرح لنا هذا الاقتباس بطريقة علمية مبسطة ..
بعدين الحمد لله طلعت أضانى نظيفة ... ولسه فيها باقى ذوق ..
الأخ محمد عبد الرحمن ( محمد عبدو) ..
محمد عبده فنان أحترمه
واستمع له كثيرا و جيدا ..
خاصة .. مساء الخير .. ليلة خميس .. الأماكن ..
و أعرف أن الفن السودانى يتقدم ببط سلحفائى ..
لكن هذا لا يمنع أن الجابرى
صاحب الترنيمة ..
| |
|
|
|
|
|
|
|
|
 Re: الموصلى .. تمبس .. الفنان محمد عبدو سرق ولا ..!!!! (Re: محمد أبوالعزائم أبوالريش)
|
يا باشمهندس .. كما تفضل حـاجب المحكمة الوكيل عريف حميده بمدكم بتفاصيل تحركاتنا يوم الجمعة .. وكل الجمعات .. فمن هنا اعلن عن شديد اسفى لعدم رؤيتي للبوست إلا الآن
لذلك:
لا تنظير ومالك في المدينة يا باشمهندس .. طالما في الاستاذ الموصلي مالك يا باشمهندس عايز تجيب لي الهواء .. .. وبما انو وللاسف الشديد احساسي لا يتلاقى مع الفنان محمد عبدو اطلاقا عكس أخونا محمد عبد الرحمن .. فكل الأعمال القعدت ليها في حياتي كلها وسمعتها لي محمد عبده ما بتتجاوز ليها اغنيتين .. يعني من طقطق للسلام عليكم ..
عليه يا باشمهندس ... والله الأغنية البتتكلم عنها دي ما سمعتها زاتو  لكن ح اتابع اللنكات دي يا كمان اتصل علي أخونــا حميده بن عبد القادر آل محمد الثاني حفظه الله حتى يمدني بنسخة للعمل ..
بعدين في حاجة مهمة يا محمد عبد الرحمن:
انا عارف المسالة حارة لما الواحد يتهبش في فنانو .. إلا لكن كمان من ناحية نحن بنعرف نغني دي والله غنايين لمن منقطناه عديل كدا .. وللاسف الشديد جدا لو لا الظروف والقوقعة العايشين فيها دي والله ووحيات الخــوه .. لا سالين في محمد عبده والا سألين في أي زول ولحدي الآن انا براهن بي انو ح نكتسح الدنيا دي كلها بس نديها شوية صبر ..
يا باشمهندس .. الليلة بسمع الأغنية دي .. وبرجع ليك تاني علشان نواصل مع استاذ يوسف الموصلي
| |
|
|
|
|
|
|
|
|
|
Re: الموصلى .. تمبس .. الفنان محمد عبدو سرق ولا ..!!!! (Re: tmbis)
|
| Quote: لكن كمان من ناحية نحن بنعرف نغني دي والله غنايين لمن منقطناه عديل كدا .. وللاسف الشديد جدا لو لا الظروف والقوقعة العايشين فيها دي والله ووحيات الخــوه .. لا سالين في محمد عبده والا سألين في أي زول ولحدي الآن انا براهن بي انو ح نكتسح الدنيا دي كلها بس نديها شوية صبر .. |
ياتمبس ..تحياتى ..
ياصاحبى انا ماقلت انو نحن مابنعرف نغنى ..الاغنية السودانية جمالا
بالنسبة لى مابتغالطوا فيهو اتنين ..والجابرو دا (فى روحو) غناى
ومكمل الغناء ..وليوم الليلة لما يغنى (الجريف واللوبيا) ياتقيف
العربية يايقيف الشريط ..الاتنين مابشتغلو سوا ..عشان الاغنية دى
بتخلينى (ادلى ) على جهة جنائن اربجى ..لكن دا كلو مابعنى انو اغانى
غيرنا ماجميلة ..وبرضو مابعنى انو نحن حايزين على الريادة فى الاغنية..
ولااعتقد ان محمد عبده يعرف شئا عن الجابرى حتى يقوم بالسطو على انتاجه ..
هذا ليس تقليلا من الجابرى ولا من اغنيتنا ..ولكن دا شيء طبيعى لمحلية
الاغنية السودانية وعدم قدرتها على الانتشار خارجيا ..
على كل ..بنظر للفن ..(عموم الفن ) ..انو ابداع انسانى ويمكن ان
يشكل لغة مشتركة تخاطب الجميع ويفهمها الجميع ..فالفن لاوطن له ..
زى مايطربنا الجابرى ..بطربنا محمد عبده ومحمد منير وفيروز وغيرهم ..
(داير اقول شنو ) ..ايوا اكرر انو ا لتشابه زى ماقلت فى الاول جا بالصدفه..
النفس البشرية تذوقها للجمال مرات بتشابه .. وتعبيرها عن الجمال برضو مرات
بتشابه ..فشىء طبيعى جدا التشابه ..وممكن نطلع مقاطع كتيرة من الغناء
العربى دا ليها شبيه فى اغنيتنا السودانية ..
مع الود
| |
|
|
|
|
|
|
|
|
يامعتصم ياهندسة ..
طيب نحن متفقين ..بس تخلى لو تخلى قصة انو محمد عبده
اخدها من الجابرى دى بنكون متفقين (جدا) ..
| |
|
|
|
|
|
|
|
|
|
Re: الموصلى .. تمبس .. الفنان محمد عبدو سرق ولا ..!!!! (Re: معتصم الطاهر)
|
شكرا معتصم
تعرف انو الجابري ده عبقري في
في السياحة من القرار للجواب
واعتقد انه من اميز الفنانين في الدول العربية
بجانب علي الحجار في هذا الامر
وحتي محمد عبدو لايتميز بها
وشكرا لانك احضرت الاغنية الثانية في نفس مكان الاقتباس
(المشروع) عشان محمد عبد الرحمن مايزعل
تعرف يامحمد
لو الجابري الذي رحل
عندو قروش الملوك دي
الخليج كلو مابيلحقو
==========
مثال
كان معي نبيل شعيل بيسجل شريط
في استديو عمار
معاهو ٢٥ عازف في الاستديو للبروفات
كان وقتها بديهم للبروفه ٥٠٠ جنيه مصري للعازف اضرب في ٣ بروفات
وبعدين علي التسجيل شوف يكون اداهم كم؟؟؟
الجابري عمرو كلو مابكون دخل قدر كده
الفن صناعه ياعزيزي والصناعة مال
الفن السوداني بخير ومتفوق
ولكن عينه بصيرة ويده قصيرة للاسف
في بلد تنظر اليه بانه ترف حضاري
وربما كفر
| |
|
|
|
|
|
|
|
|
|
Re: الموصلى .. تمبس .. الفنان محمد عبدو سرق ولا ..!!!! (Re: معتصم الطاهر)
|
باشمهندس ليك التحية والله .. لم أكن منتبهاً فعلاً لأني لم أسمع أغنية محمد عبده جيداً
وده بيخليني أقترح على أستاذنا الموصلي إفراد بوست تثقيفي وإيراد أمثلة للسرقات الموسيقية .. المشروعة منها (الإقتباس) وغير المشروعة. ويا موصلي يا حليل أيام صفحة "النقد الموسيقي" في مجلة الإذاعة والتلفزيون والمسرح الكنت بتكتبها بالتناوب مع الراحل المقيم "أميقو".
ودي
| |
|
|
|
|
|
|
|
|
|
Re: الموصلى .. تمبس .. الفنان محمد عبدو سرق ولا ..!!!! (Re: معتصم الطاهر)
|
حيث ورد للمحكمة العليا من المحكمة الاستئنافية التى ورد اليها منالمحكمة الابتدائية(حتى يصير الحكم نهائى)بان المدعو معتصم قد تقدم للنيابة العامة بوجود سرقة من المدعى عليه الفنان السعودى الجنسية محمد عبده للجزء الموسيقى الاساسى (اللزمة) فى اغنيته ( صباح الخير والاحساس والطيبة ..)من اغنية الفنان السودانى احمد الجابرى .
الحيثيات
بعد عرض المسروقات ومقارنتها مع الاصل وقرار هئية المحلفين بانه لايمكن لا يمكن ان تكون جمله موسيقية كاملة مجرد مصادفة ومن فنان لايستخدم الخماسي في موسيقاه
الحكم:
وعليه قضت الحكمة العليا بالاتى:
1- التشهير بالمدعى عليه بعد ان ثبتت التهمة عليه وذلك فى 5 منتديات لها علاقة بالمدعو محمد عبده بما فيهاا لمنتدى الخاص به وتكليف السيد تمبس لخبرته القوقلية بالقيام بالامر فى اسرع فرصة ممكنة.
| |
|
|
|
|
|
|
|
|
|
Re: الموصلى .. تمبس .. الفنان محمد عبدو سرق ولا ..!!!! (Re: معتصم الطاهر)
|
استاذنا الموصلى
وعزيزى اللدود تمبس وبقية الناس الحلوين
اسمحوا لى على استحياء أن أذكركم وأسألكم عن تواريخ الأغنيتين . ايهما تغنت أولا ؟ حتى نستند على اساس سليم فى حوارنا الجميل هذا
استاذى الموصلى . هل صحيح أن الفنا المصرى محمد عبد الوهاب قام بسرقة حوالى 60 عمل من موسيقى تركية وهندية وغيرها ؟ وأن هذا مثبت بإعترافه هو شخصيا ؟
أفيدونا فعندكم الخبر اليقين
تمبس يا (زفت ) ازيك
| |
|
|
|
|
|
|
|
|
|
Re: الموصلى .. تمبس .. الفنان محمد عبدو سرق ولا ..!!!! (Re: ود العجمى)
|
يااستاذنا الموصلى ..
تحياتى ...
لايفتى ومالك فى المدينة ..اسفين انو افتينا فى وجودك..
نحن ناس سمع ساكت ..وخلونا نجى نجابد معكم ونستفيد منكم ..
وتعرف اسهل حاجه فى المنبر دا انو الزول يطرح نفسو ناقد فنى
يعنى شوف زى عمر الفاروق المقطع دا فكاها فى روحو لما صدق ..
ان شاء الله مايشوف البوست دا ..
يمكن اجيكم راجع ..
محبتى ليكم ..
| |
|
|
|
|
|
|
|
|
|
Re: الموصلى .. تمبس .. الفنان محمد عبدو سرق ولا ..!!!! (Re: ود العجمى)
|
الصديق ود العجمي
لك التحية
تعرف لما الجابري لحن حكمه
انا كان عمري ١٠ سنوات يعني هسع ليها
٤٢ سنه
الاغنيه دي غالبا تكون اكبر منك في العمر
(عليك الله ماتكلم زول بالموضوع ده)
=======
نعم محمد عبد الوهاب كان يقتبس من الموسيقي في العالم
خصوصا الاتراك ولكنه اقتباس في حدود المشروعية
ولكن الرحبانية شاو لحن موتسارت بالكامل ودخلو عليه كلمات عربيه وغنته فيروز
| |
|
|
|
|
|
|
|
|
|
Re: الموصلى .. تمبس .. الفنان محمد عبدو سرق ولا ..!!!! (Re: Elmosley)
|
استاذنا الجميل الموصلى تشكر على المعلومة
أظنك تقصد ( يا أنا يا أنا أنا وياك ) فعلا هم وضعوا كلام بالعربى على اللحن
ولكنهم على ما أعتقد لم يسرقوها بنية السرقة . فهؤلاء الرحابنة مبدعين لدرجة تكسبهم هذه الجرأة.
طبعا كلامى هذا ليس منطقى لكن الجماعة ديل أنا بأموت فيهم وتاريخ الجميل الطويل بيشفع ليهم . وأنت طبعا سيد العارفين
استاذى
لك الاحترام
لكن تحت تحت أغنية الجابرى أكبر منى . وما تكلم زول
| |
|
|
|
|
|
|
|
|
|
Re: الموصلى .. تمبس .. الفنان محمد عبدو سرق ولا ..!!!! (Re: معتصم الطاهر)
|
محمد عبده فنان لا يشق له غبار أرى أن السعودييون بالغوا قليلاً عندما أطلقوا عليه فنان العرب وهي إشاعة فكوها وصدقوها وأصبغوها على مسامعنا ..
محمد عبده فنان مجتهد وغير مستعجل لا يقدم إلا فناً متكاملاً لحنا وتوزيعا وكلمة ..
اعماله معظمها عبارة عن ملاحم لحنية رائعة ..
استمتع جداً وانا أسمعه يغني شبيه الريح ..
لديه فرقة موسيقية ماسية واعتقد ان معظم عازفيها عراقيين ومصريين لا ادري ولكن مثل هذا العزف لا يستطيع ان يقوم بها إلا هؤلاء العباقرة خصوصاً في الوتريات ..
بيضرب وتريات زي الترتيب ..
| |
|
|
|
|
|
|
|
|
|
Re: الموصلى .. تمبس .. الفنان محمد عبدو سرق ولا ..!!!! (Re: عمر الفاروق)
|
تعرف يااستاذ موصلى الواحد ياريت لو كان اتذكر ليهو (قروش)
بالله جا ناطى طوالى ..لكن الغريبة اتفقنا فى محمد عبده ..بس
ماقال رايو فى موضوع البوست ..هل هو مع الراى البقول انو
محمد عبده سرق ولا ضدو؟ ..طبعا يااستاذ انا مازلت عند راى انو
القصه جات صدفه ..والحثيثيات بتاعتكم ضعيفه ومامقنعه ..عايزين
اثبات اكثر دلالة ..وياريت لو فى باقى (سوابق ) تدعمو بيها الموقف
لانو المهندس معتصم فى كلامو الفوق بقول انو فى حاجات تانيه ..
مع الود
| |
|
|
|
|
|
|
|
معتصم الطاهر
humida
Elmosley
معتز القريش
محمد عبدالرحمن
محمد أبوالعزائم أبوالريش
tmbis
Alsa7afa_30
ود العجمى
عمر الفاروق
فيس بوك
تويتر
انستقرام
يوتيوب
بنتيريست