|
|
|
 Re: الامانى السندسية بتوزيع جديد للموصلي (Re: Elmosley)
|
Quote: الحبيب عبد العزيز عيسى
و
الاحبة هنا
انوه بان هذا اعدة توزيع وترتيب وتنفيذ للعمل قام به الموسيقيان الشابان
اسامه على
واحمد الشفيع
وهما من تلامذتي الذين افتخر بهم ايما افتخار
خصوصا اسامه الذي بيني وبينه كثير من الاعمال
لذا فاقول للذين قنعوا من خيرا في موسيقانا
بان السودان الولود بخير
كل الود |
الموسيقار العزيز الموصلي
كل الشكر والتقدير بقدر ما أطربتنابصوتك الجميل وتوزيعاتك الرئعة والتي اضافت الكثير للموسيقي السودانية.
وكل التحاياوالشكر للفنانين أسامة علي وأحمد الشفيع على هذا العمل الجميل
| |
 
|
|
|
|
|
|
|
|
Re: الامانى السندسية بتوزيع جديد للموصلي (Re: Elmosley)
|
الفنان المبدع الجميل يوسف الموصلى ، تحياتى ، شكرا للابداع الذى تطل به علينا من وقت لآخر فتزويدنا طربا ونشوة بفنك الراقى المتميز، ولقد أعجبنى ماذكرته من التوزيع الجديد للأمانى السندسية من عمل تلاميذك ، وهذا يعطينا الأمل فى أستمرارية التألق والفن الرفيع، متعك الله بالصحة والعافية، مع خالص الود .
| |
|
|
|
|
|
|
|
|
|
Re: الامانى السندسية بتوزيع جديد للموصلي (Re: طارق ميرغني)
|
روعة شكرا طارق اخوي
يوسف الموصلي النغم الخالد
فنان بطعم النيل العذب
شامخ الكبرياء ملهم لي جيل كامل من الموسيقيين
احد الذين غيروا في الموسيقى السودانية وجعل الناس تفهم معنى التوزيع وتحترم العلم
بتجربته التي وثقها له التاريخ مع حصاد
تجارب اعاد فيها اكتشاف اصوات جديدة ومساحات وابعاد تثري من طريقة الاداء
الملاحظ في هذا التوزيع طريقة الاداء المشحونه بالشجن والمتوافقة مع الاداء الهامس للأوركسترا
والبساطة في تاكيد كل الة لشخصيتها في التعبير عن اللحن الأساسي.
في لحظة تتخيل انو في الة واحدة متابعة يعني في اللحظة التي يسطير فيها العود عليك وعلى السمع تجد بقية الاوركسترا في الخلفية تتسلل بهدوء لتسيطر على المسرح ليعود العود من جديد بداية الكوبليه ،، العود احد رموز السلطنة سيد جلسات الطرب الاصيل جزء من وجداننا وذكرياتنا وجوده في هذا التوزيع اضافة كبيرة لفهم الموصلي لفلسفة الآله وبعدها في احساسنا . ثم هناك الايقاع المستعمل فيهو روح العمل متناغم مع التوزيع الجديد. سلمت يا موصلي وتحياتي لمنفذين العمل من الموسيقيين المشاركين في العمل
عمل جميل جميل ورائع باقة ورد لكل من ساهم فيه
| |
|
|
|
|
|
|
|
|
|
Re: الامانى السندسية بتوزيع جديد للموصلي (Re: محمد سنى دفع الله)
|
أنا من محبى الموصلى فنابلا حدود ومن معجبيه إنحيازا بلا تردد
ولذلك من نافلة القول أن أعلق أو أضيف ولكن لأننى زول رومانسى رهيف ( مش خيالى)
رجعتنى الأمانى السندسيه لأيام العنفوان العاطفى فى ثمانينات زمان
وكيف خرجت علينا الأغنيةلحنا بفهم جديد وأسلوب جديد وتفكير جديد
وكان الموصلى قد بدا يشق طريقه ويثبت وجوده بهذه الأغنية الرائعة التى ستظل متجددة الإبداع والروعة ....
المقام الآن مقام إستماع وتجلى
ولكن مع جمال التوزيع العميق البسيط لفت سمعى ونظرى عذوبة صوت الموصلى
وكأنه بهذا الإحساس الملتاث يؤديها لأول مرة وهذا هوسر الإبداع المتفرد الأصيل
ولو لا المهاجر والمنافى وشظف الحياة لكان الحراك الموسيقى قد ثبتت أقدامه من زمان
وسمح لنا الموصلى بالجلوس معه على دكة التجديد
وليت الموصلى يعيد توزيع أغانيه والكثير من أغانى الحقيبة والفن الشعبى والفولكلور ويجرب تأليف المقطوعات
المويقية ويكمل سيمفونية النيل ...
بارك الله فيك يا يوسف وللمساهمين معكوشكرا طارق
| |
|
|
|
|
|
|
|
|
|
Re: الامانى السندسية بتوزيع جديد للموصلي (Re: محمد زكريا)
|
الحبيب
ابو هديل
يوسف بلال
يوسف الموصلي
لك الود والحب بقامة شخصكم الرائع
يا أخي
كلما الزول يقول إنو الحتة الجاية راح تكون كده
تخزل توقعنا
كل مرة تخت يدك على أي اغنية
وتوزعها
تلخمنا
وتلخبط توقعاتنا
وتفاجئنا بقدراتنا الشخصية على التوقع
الضعيفة امام إبداعكم
إنعل ابو المزيكا زاتها
إبدااااااااااااااااااااااااااااع يا موصلي
| |
|
|
|
|
|
|
|
|
|
Re: الامانى السندسية بتوزيع جديد للموصلي (Re: كمال الشادي)
|
موصلي
مرة في الزقازيق
عملت كورال
لي ناس كليتنا
لى اغنية اخدتها منك في مصر
ومن يومها ما لميت فيها تاني
وكان للحقيقة كورال حدث
والاغنية للرائع عبد القادر الكتيابي
وهي من اغانيك
الغير معروفة تماما
ومطلعها بيقول
اشوفك طالعة من الشوف
.................. اب روف
عليك الله نزلها لينا هنا
وأكتب لينا كلماتها كلها
وذكر الناس بي مناسبتها
فضلا لا امرا
حبي
| |
|
|
|
|
|
|
|
|
|
Re: الامانى السندسية بتوزيع جديد للموصلي (Re: كمال الشادي)
|
Quote: وتوزعها
تلخمنا
وتلخبط توقعاتنا
وتفاجئنا بقدراتنا الشخصية على التوقع
الضعيفة امام إبداعكم
إنعل ابو المزيكا زاتها
إبدااااااااااااااااااااااااااااع يا موصلي |
اخي العزيز وصديقي كمال
بل انت الذي ادهشتني بادائك لاغنيات
صديقي الراحل
مصطفى سيد آحمد
وسوف اقوم بانزالها هنا
وبموقع سودانيس سونغس باذن الله
كل الود
| |
|
|
|
|
|
|
|
|
|
Re: الامانى السندسية بتوزيع جديد للموصلي (Re: عبد الدائم سيد أحمد)
|
Quote: اول ما تفتحت مداركنا لسمع الموسيقى
تفتحت على صوت الموصلى فى ربوع صحافتنا الحبيبة
يا ابو النسب عاوز اسأل عن اغنية قديمة اسمها تقريبا"
مهما سألوا الناس علينا ...
زمن يا خى
تحياتى للعيال وامهم |
ود حلتنا كيفنك
تسلم
الاغنيه هي مهما قالو الناس علينا
وهي اغنيه غناها اصلا الفنان عبد الله الكردفاني
وكان وقتها طالبا بالسنة الخامسة بالمعهد
وكنت بالاولى حينها
مودتي
| |
|
|
|
|
|
|
|
|
|
Re: الامانى السندسية بتوزيع جديد للموصلي (Re: انس العاقب)
|
Quote: وليت الموصلى يعيد توزيع أغانيه والكثير من أغانى الحقيبة والفن الشعبى والفولكلور ويجرب تأليف المقطوعات
الموسيقية ويكمل سيمفونية النيل ...
بارك الله فيك يا يوسف وللمساهمين معكوشكرا طارق |
استاذي وصديقي
د انس
باذن الله ان كان بالعمر بقيه
يتم ماتفضلت به
هذا العمل تم بالتعاون مع تلامذتي النجباء اسامه علي وآحمد الشفيع
واستآذنك في انني اعطيتهم الضوء الاخضر
لليل الشجن
من بنات افكارك البديعات وتوزيعي لاعادة ترتيبها
تحت اشرافي
وتقبل محبتي
| |
|
|
|
|
|
|
|
|
|
Re: الامانى السندسية بتوزيع جديد للموصلي (Re: محمد سنى دفع الله)
|
Quote: [في لحظة تتخيل انو في الة واحدة متابعة يعني في اللحظة التي يسطير فيها العود عليك وعلى السمع تجد بقية الاوركسترا في الخلفية تتسلل بهدوء لتسيطر
على المسرح ليعود العود من جديد بداية الكوبليه ،، العود احد رموز السلطنة سيد جلسات الطرب الاصيل جزء من وجداننا وذكرياتنا وجوده في هذا التوزيع اضافة كبيرة لفهم الموصلي لفلسفة الآله وبعدها
في احساسنا . ثم هناك الايقاع المستعمل فيهو روح العمل متناغم مع التوزيع الجديد. سلمت يا موصلي وتحياتي لمنفذين العمل من الموسيقيين المشاركين في العمل] |
سلمت ياتوآم الروح
| |
|
|
|
|
|
|
|
|
|
Re: الامانى السندسية بتوزيع جديد للموصلي (Re: محمد ادم الحسن)
|
Quote: غنية بمزااااااااااااااج
بالله عليك ياموصلي واصل وغني بالاماني السندسية |
شكرا ليك محمد ادم الحسن ولكل عشاق الجمال والفن الراقي
الموسيقار الموصلي يمتلك خامة صوتية نادرة وعلى درجة عالية من التطريب ,انا ماعارف مابغنى كتير لية ومعظم اعمالة يتغني بها الاخرون.
| |
|
|
|
|
|
|
|
|
|
Re: الامانى السندسية بتوزيع جديد للموصلي (Re: Emad Ahmed)
|
عزيزي الفنان الموصلي
وصاحب البوست
وكل المتداخلين
تحياتي وجمعة مباركة
عراف يا موصلي
انا لمن اسمع الاغنية دي
بشوف فيها السودان
وانا في الغربة التي طالت سنينها إلى مالا نهاية
وبحلم تاني ترجع الاماني السندسية
للارض الحبيبة
وعن التوزيع الذي قام به الشباب لهذه الاغنية
بالتاكيد اكسبها مساحة راسية وافقية
راسية لتعتلي كاننتها المرموقة بين اخواتها من الاغنيات الخالدة
وافقية بانتشارها عبر الفضاء لتصل للالوف من الشباب من الجيل الجديد
الذي نشاء في ظل غياب الفن كرسالة سامية
تساهم في تقدم الامم ونموها
وفقك الله استاذي الجليل
وتحياتي للاسرة
تسلل :
ايميلك ضروري للاهمية
| |
|
|
|
|
|
|
|
|
|
Re: الامانى السندسية بتوزيع جديد للموصلي (Re: Emad Ahmed)
|
Quote: نرجوا أن تكون الأماني السندسية نقطة الإنطلاق لإخراج تلك الدرر
ربنا يحفظه ويخليه لينا |
عماد أحمد
شكرا ليك كتير واتفق معاك تماما فى ان للموسيقار الكثير من الدرر الفنية ومنها تسجيلات فى قمة الروعة وتعتبر افضل عمل فى تاريخ الفن السودانى تمت فى نهاية التسعينات وشارك فيها العملاق محمد وردى ومجموعة من العازفين الامركيين وتوزيع موسيقي قمه فى الروعه من الموسيقار الموصلي,لكن هذة التسجيلات لم تخرج الى الجمهور حتى الان انا ماعارف السبب يكون شنو
| |
|
|
|
|
|
|
|
|
|
Re: الامانى السندسية بتوزيع جديد للموصلي (Re: عبدالرحيم أبراهيم العبيد)
|
الفنان الجميل يوسف الموصلي
في الحقيقية في اغنية وطنية رائعة
لم تأخذ حقها في الانتشار
ومظلومة معاك ظلم الحسن والحسين والامام على زاتو
هي اغنية وطنية
ونحن نحتاجها هذه الايام
اشوفك طالعة من الشوف على حدقات عروق ابروف
الاغنية عملناها مرة كورال في الزقازيق
وكانت حدث
وهي من روائع الفنان الشاعر عبد القادر الكتيابي
| |
|
|
|
|
|
|
|
|
|
Re: الامانى السندسية بتوزيع جديد للموصلي (Re: إبراهيم عبد الحليم)
|
شغل جا في الوقت المهم وفي الزمن الصعب ودائما أضع السماعة علي أذني مستمعا لهذا الجمال كثرة السمع سألني صديقي دكتور مكسيكي ان ارسل له الأماني السندسية بلتوث ومن يوم أرسلتها له وهو يدندن باخر الاحرف من بعض الكلمات بعد ان وضعها كرنة موسيقية لاستقبال مكالمات زوجته شكرًا دكتور موصللي وشكرا اخ طارق.
| |
|
|
|
|
|
|
|
|
|
Re: الامانى السندسية بتوزيع جديد للموصلي (Re: عثمان دغيس)
|
Quote: آآآآآآآآآآآآآآآه
زمن الواحد ما أخد شهقة عميقة زي دي ..
شغل يخلي الزول يكون كاتم نفسو ومفارق الوعي والدوشة اللي حوله .
وعند ال (فيد ) يأخد شهقة عميييييقة و و و و يرتاح
تسلم يا فنان يا راقي يا حالم |
عثمان
تسلم ايها الزميل العزيز
وتسلم اناملك
وسلام كتييييييييييييير
| |
|
|
|
|
|
|
|
|
|
Re: الامانى السندسية بتوزيع جديد للموصلي (Re: محمود الدقم)
|
| Quote: شغل جا في الوقت المهم وفي الزمن الصعب ودائما أضع السماعة علي أذني مستمعا لهذا الجمال كثرة السمع سألني صديقي دكتور مكسيكي ان ارسل له الأماني السندسية بلتوث ومن يوم أرسلتها له وهو يدندن باخر الاحرف من بعض الكلمات بعد ان وضعها كرنة موسيقية لاستقبال مكالمات زوجته شكرًا دكتور موصللي وشكرا اخ طارق. |
محمود شكرا ليك لاسماعها للمكسيكاني
وكل الود لكما
| |
|
|
|
|
|
|
|
|
|
Re: الامانى السندسية بتوزيع جديد للموصلي (Re: كمال الشادي)
|
العزيز كمال الشادي
بالفعل هى أغنية جميلة جدا
بشوفك طالعة من الشوف على طبقات عروق الجوف وبيت المال ومن ابروف وشارع النيل ونازلة عديل
وهى من الحان الموسيقار الموصلى,
لو فى اى زول عندو الاغنية دي بصوت الموصلى الرجاء انزالها هنا
| |
|
|
|
|
|
|
|
|
|
Re: الامانى السندسية بتوزيع جديد للموصلي (Re: Elmosley)
|
It is a real turning point of Sudanese modern Music and Songs
ويمكن ان تغني لألاف السنين القادمة بذات الشجي والشجن والطرب..
هذي من الأغنيات الراسخة...التي لن يمل الانسان سماعها...
أكاد اسمعها يوميا...في الصباح..وأعود اليها ليلا...
شكرا جزيلا يا موصلي...يا انطون...
وشكرا اسامة...ساحر الكيبورد...(بالرغم من انني لا اعرف من نفذ
هذا العمل موسقيا...ولا اظنه غير اسامة) انا بس بجي اسمع..
الناس كتبت شنو هنا ما عارف...
ولولا انني انجبرت علي قطع السمع..لما كتبت تعليقي هذا...
هنا سمع وبس...وبي أدب شديد
| |
|
|
|
|
|
|
|
|
|
Re: الامانى السندسية بتوزيع جديد للموصلي (Re: Elmosley)
|
سلام سيد البيت والضيوف الكرام
والضيف الكبير ايضا له تحية خاصة
ما قدرت اسمع الاغنية
اظنها مشكلة صوت عندي
لكن استرجعتها من مخزون الذاكرة
وامتعتني
ما لفت انتباهي ان الموسيقى كلغة تخاطب عالمية
ها هي في هذا البوست اجمع عليها الكل بمختلف اذواقهم الفكرية مستطربين ومادحين
فيا حبذا في ظل هذه الظروف لو تم تسخير الموسيقى لتلعب دورا هاما في لملمة بعض من جراح الوطن
يا استاذ الموصلي ياخي انت ضنين
عليك الله املانا فرحا
اكثر من انتاجك او
اعد صياغة اعمالك السابقة
والاهم انشرها
بدل ما نكون عرضة لتشويه اذاننا من انتاج هذه الايام
بالتاكيد ما كله
ا
لكن بجد نسجل ليك صوت لوم شدييد
عليك الله اكثر من انتاجك
وربنا يضعه ليك الله في ميزان حسانتك مش بيدخل بهجة لنفوص اخرين/ات
اي بفرج كربهم/ن
ما سمعت من فرج كربة ... فرج الله له كربة من كرب يوم القيامة
ما حافظاه كويس ممكن زول يصحح
صفية
خارج النص:
ناس الزقازيق سلام
الريس والنضيف
يا النضيف اتاري الموصلي ود حلتكم
من شان هيك وانا اقول منين لناس علوم الفنون
مع تحياتي
| |
|
|
|
|
|
|
|
|
|
Re: الامانى السندسية بتوزيع جديد للموصلي (Re: هند محمد)
|
د / صفية مساعد
Quote: خارج النص:
ناس الزقازيق سلام
الريس والنضيف
يا النضيف اتاري الموصلي ود حلتكم
من شان هيك وانا اقول منين لناس علوم الفنون
مع تحياتي |
الصحافة قيافة و فايتة الناس مسافة .....
فنانين الزقازيق كانو كلهم من الصحافة
الشادى ، احمد عوض ، قاسم تجارة ، النضيف زاتووو
| |
|
|
|
|
|
|
|
|
|
Re: الامانى السندسية بتوزيع جديد للموصلي (Re: Safia Mohamed)
|
Quote: يا استاذ الموصلي ياخي انت ضنين
عليك الله املانا فرحا
اكثر من انتاجك او
اعد صياغة اعمالك السابقة
والاهم انشرها |
شكرا صفية محمد واتفق معك تماما فى هذة النقطة,وياريت الموصلى يزيد من انتاجه لان عشاق فنة كثيرون وهذا البوست اكبر دليل على ذلك
| |
|
|
|
|
|
|
|
|
|
Re: الامانى السندسية بتوزيع جديد للموصلي (Re: Safia Mohamed)
|
العزيزه صفيه تحياتي لعلك بخير
بالنسبه للاغنيه حارسلها ليك بالايميل ان شاء الله
نعم الوطن يحتاج الى جراحة نفسية موسيقية
ترفع منهمة شبابه وتشجع تطلعهم الى الاحسن
وبجيك للجزء الثاني
الف شكر
Quote: سلام سيد البيت والضيوف الكرام
والضيف الكبير ايضا له تحية خاصة
ما قدرت اسمع الاغنية
اظنها مشكلة صوت عندي
لكن استرجعتها من مخزون الذاكرة
وامتعتني
ما لفت انتباهي ان الموسيقى كلغة تخاطب عالمية
ها هي في هذا البوست اجمع عليها الكل بمختلف اذواقهم الفكرية مستطربين ومادحين
فيا حبذا في ظل هذه الظروف لو تم تسخير الموسيقى لتلعب دورا هاما في لملمة بعض من جراح الوطن |
| |
|
|
|
|
|
|
|
|
|
Re: الامانى السندسية بتوزيع جديد للموصلي (Re: Safia Mohamed)
|
Quote: يا استاذ الموصلي ياخي انت ضنين
عليك الله املانا فرحا
اكثر من انتاجك او
اعد صياغة اعمالك السابقة
والاهم انشرها
بدل ما نكون عرضة لتشويه اذاننا من انتاج هذه الايام
بالتاكيد ما كله
ا
لكن بجد نسجل ليك صوت لوم شدييد
عليك الله اكثر من انتاجك
وربنا يضعه ليك الله في ميزان حسانتك مش بيدخل بهجة لنفوص اخرين/ات
اي بفرج كربهم/ن
ما سمعت من فرج كربة ... فرج الله له كربة من كرب يوم القيامة
ما حافظاه كويس ممكن زول يصحح
|
صفيه فعلا والله خصوصا من زاوية التسجيلات بصوتي
فمنذ التسعينات وان أكثر اهتماما بالاخرين من نفسي
أوعدك وابشرك بان هنالك أغنيات جديده جاهزه نصا ولحنا وتوزيعا
تحتاج فقط الى التوثيق
وعد حر
| |
|
|
|
|
|
|
|
|
|
Re: الامانى السندسية بتوزيع جديد للموصلي (Re: Elmosley)
|
يا سلام يا موصلي يا سلام طارق زروق ..
اقسم بالله وكأني أسمعها لأول مرة .. والأغنية بمجملها أنا أعتبرها رسالة لمن يشيعون أن صوت الموصلي ومعين إبداعه قد نضبا عن التجديد والإبداع ..
ويا استاذنا موصلي ارجو أن تنظر بعين الإعتبار لحديث أستاذنا أنس العاقب :
Quote: ولكن مع جمال التوزيع العميق البسيط لفت سمعى ونظرى عذوبة صوت الموصلى
وكأنه بهذا الإحساس الملتاث يؤديها لأول مرة وهذا هوسر الإبداع المتفرد الأصيل
ولو لا المهاجر والمنافى وشظف الحياة لكان الحراك الموسيقى قد ثبتت أقدامه من زمان
وسمح لنا الموصلى بالجلوس معه على دكة التجديد
وليت الموصلى يعيد توزيع أغانيه والكثير من أغانى الحقيبة والفن الشعبى والفولكلور ويجرب تأليف المقطوعات
المويقية ويكمل سيمفونية النيل ...
|
والتحية موصولة للشباب الذين قاما بتوزيع هذا العمل وبعثه للجيل الجديد لمن لم يستمع اليها سابقاً ..
| |
|
|
|
|
|
|
|
|
|
Re: الامانى السندسية بتوزيع جديد للموصلي (Re: ناذر محمد الخليفة)
|
Quote: يا سلام يا موصلي يا سلام طارق زروق ..
اقسم بالله وكأني أسمعها لأول مرة .. والأغنية بمجملها أنا أعتبرها
رسالة لمن يشيعون أن صوت الموصلي ومعين إبداعه قد نضبا عن التجديد والإبداع ..
ويا استاذنا موصلي ارجو أن تنظر بعين الإعتبار لحديث أستاذنا أنس العاقب : |
نعم ياناذر فكلام د انس موضع الاهتمام والاعتبار
فهو من درسني قواعد الموسيقي بالمعهد وكان استاذا بحق فيها
وهو صديق عزيز
ومبدع
اها ما جائزتك لي؟
اعتقد اني انتظر وصولك الى المطار فور وصولي ان شاء الله
في اكتوبر او نوفمبر
ومن المطار على محطة سبعه وديك يالكوارع
تحياتي ومشتاقين والله
بالمناسبه داير امتحانكم الصحافي ده اها كيف
رسل لي المعلومات في
[email protected]
| |
|
|
|
|
|
|
|
|
|
Re: الامانى السندسية بتوزيع جديد للموصلي (Re: Elmosley)
|
موصلي يا مجججججججرم ..
برااااااااااافو على طريقة تعاملك مع نفسك والمساحات الممكن يلعب ليك فيها ..
والله يا موصلي الحتة دي عجبتني أكتر من قصة التوزيع ..
ح نتفق إنو موصلي السبعينات والتمنينات وإمكاناته الصوتية وطولة النفس غير موصلي الألفية الجديدة ..
لكن فنانين كتااار مصرين لسة يغنوا بي نفس إحساس زمان عايزين يطلعوا نفس الطلعات بي نفس النفس ..
موصلي يبدو إنو قعد كتييييير و أعاد ترتيب وسماع الأغنية دي مليووون مرة سمعها زمااان وبي موصلي زمااان ..
انت زول بيحترم فنو وأعمالو عشان كده قررت ما تشوه أي عمل راسخ في مسامع الناس ..
إعادة غناء الأماني السندسية (وليس توزيعها) هو التحدي الأكبر انا في رأيي..
كانت مجازفة كبيرة منك يا موصلي وكبييييرة جداً بس نجحت فيها في رأيي المتواضع ..
الموضوع مفروض يكون الموصلي يغني الاماني السندسية من جديد فهنا تكمن العبقرية والتحدي..
إمكن العنوان خلى الناس تتناسى أو ما تنتبه للحاجة الأصلية في رأيي ..هو غناء الموصلي..
تركيز عاااالي ولاااا غلطة يمين شمال الواحد عايز يترصدك ويصطادك وما لقى طريقة ..
ودي الحاجة الانا بفتش ليها من زمااان يا موصلي ..
جاني إحساس وإنت بتسجل في العمل ده إنو في بالك ناس عمر الفاروق اللسانهم طويييل..
وده الانا عاااايزو من زماااان يا موصلي..
أي فنان يخوتنا في بالو نحن ناس قريعتي راحت ديييل..
وهو بيسجل يحترمنا نحن المستمعين العاديين ديل أننا بنفرز ..
الموصلي لما اعاد غناء الاماني السندسية عمل الحركة دي وقااال انا الليلة ح أحددها مع ناس عمر الفاروق ديل ..
أقول ليك حاجة غريبة جداً يا موصلي؟
التوزيع ما أدهشني !!! وإن كان مرتب وينم عن علمية .. حنيت للقديم ..
الجديد والمثير في رأيي في التوزيع الجديد هو إستخدام الة العود ( ما عارفو عود جدجد ولا الأورغن لاعب القصة دي) بس فكرة العود فكرة بتدي الاغنية نكهة قديمة وبتعمل موازنة مع حداثة استخدام الكمنجات الجديد ..
طبعا بالنسبة ليكم كموسيقيين بيكون اعادة عملية التوزيع تركيزها الأساسي في طريقة شغل الكمنجات البي تحت وملئ الفراغات بس كان ممكن يكون في إدهاش أكتر من كده وتوقع لي حاجة جديدة ..
عارف يا موصلي الشغل ده ناقص شنو ؟؟؟
فلوووووت ..
أو كلارنيت حقت الراحل العظيييم أميقو ديك ..
بتملا فراغات حلووووة وبتعمل شجن مبااااااالغ فيهو ..انا عارفك زول فنان وح تعرف انا قاصد مفروض تتخت وين وتتسمع وين لأنو انا ما قادر أوصف ليك محلاتها بالضبط لكن وانا بسمع في الاغنية دي بحس في لحظة إنو ح أسمع فلوت لكن ما بلقاهو ..فهمتني مش؟
حاجة تاني كمقترح .. شوفو ليكم طريقة في حتة كده تعملوا كسرة بي الة الساكس فون وتخلوها تعمل صولا كده من النوع حق كيني جي داك بتزيد ألق للأغنية دي..
أوووعا تقول عمر المنظراتي ده لااازم ينظر ويعولق لينا شغلنا ده ما عولاق يا موصلي ... :)
برافو موصلي ...وقرض على كده ..وتعبت معاي تاني ترصد ألف وأي شغل أقل من ده بشوووتك طوااالي :)
| |
|
|
|
|
|
|
|
|
|
Re: الامانى السندسية بتوزيع جديد للموصلي (Re: عمر الفاروق)
|
وما أفعل وهذا الظلم يحيق بي
فلا أسمع ما أعرف بحق
بأنه سيكون الغناء الغناء
اضطررت إلى ترديدها معكم (لعدم وجود سماعات)
على النسق الذي كانت عليه
أتمنى أن يتح لي لاحقاً
سماع الإضافات الجديدة
إليها
سلمت أيها الفنان الفنان
محبتي واحترامي
| |
|
|
|
|
|
|
|
|
|
Re: الامانى السندسية بتوزيع جديد للموصلي (Re: بله محمد الفاضل)
|
Quote:
وما أفعل وهذا الظلم يحيق بي
فلا أسمع ما أعرف بحق
بأنه سيكون الغناء الغناء
اضطررت إلى ترديدها معكم (لعدم وجود سماعات)
على النسق الذي كانت عليه
أتمنى أن يتح لي لاحقاً
سماع الإضافات الجديدة
إليها
سلمت أيها الفنان الفنان
محبتي واحترامي
|
المقدر جدا بله
شكر لجميل الشعور
يمكنني آن ارسل الاغنية بالايميل
هذا حقك علينا على الاقل
فارجو مراسلتل على الايميل اسفله
وتقبل محبتي
[email protected]
| |
|
|
|
|
|
|
| |
طارق زروق
Abdlaziz Eisa
Elmosley
هاشم محمد الحسن عبدالله
محمد ادم الحسن
أيمن التوم حسن
عمران حسن صالح
محمد سنى دفع الله
انس العاقب
عبد الدائم سيد أحمد
Abdel Aati
محمد زكريا
كمال الشادي
Hussein Mallasi
الرفاعي عبدالعاطي حجر
محمد الامين محمد
Osman Musa
ترهاقا
Emad Ahmed
جمال السنوسي
عزيز عيسى
محمد عوض السيد
ايمن مستور
عبدالرحيم أبراهيم العبيد
عزيز
الصادق خليفة
صلاح شعيب
إبراهيم عبد الحليم
ايمن التاج
nazar hussien
bob
هند محمد
ناذر محمد الخليفة
عمر الفاروق
بله محمد الفاضل
فيس بوك
تويتر
انستقرام
يوتيوب
بنتيريست