|
|
|
 Re: أغنية جديدة بنية بتحدق فى الزمن القاوى وأدونا رايكم (Re: هشام كمال)
|
هشام كمال تحية خاصة وكل سنة وانت طيب
ساعتبر هذه الاغنية هديتك لي في العيد
ارجوك اهدني سماع هذه الاغنية
* حركة لحن في غاية الجمال في غاية الرشاقة
* تشكيلة الايقاع وعلاقتها مع البيز جيتار في غاية الانسجام
* تنفيذ الموسيقا الاساسية بألات تشبه المضمون تماما
* علاقة الصوت البشري الممدود في اللوبو (المقدمة) موفق وكانه الة ضمن النسيج وخصوصا بوجود (البان فلوت)
*العلامة العرضية في (بنية بتحدق ) خلقت حركة في اللحن جريئة ومنسجمة وجميلة ومنطقية
وكذلك عندما تقول (بيني وبينك شوق )
* صولو البيانو جميل وفكرة اختيار البيانو في حد ذاتها جميلة رغم غرابة (المود ) علي البيانو
* توظيف الترامبت في الموسيقا الفاصلة بين الكوبليه الاول الثاني توظيف موفق للغاية وأدى دوره التعبيري تماما
* مصاحبة الترامبت الهارمونية للغناء في المقطع (عشان نتخاوي يا )غاية في الجمال
ياهشام
اريد ان اشدد علي جمال تشكيلة الايقاع وحركة البيز جيتار ، واشدد ايضا علي جمال اللحن في طبيعته الاولية (فكرة اللحن نفسه ، الموتيف) ، انا الان احاول ان اتخيل النص الشعري قبل تلحينه ، هل كان من الممكن ان تكون طريقة هندسته اللحنية افضل من هذا ؟ لا اظن ، اتعرف ان جمال هذا اللحن هو خروجه عن الطريقة التقلدية في تقسيم غرف الشعر الداخلية ، هندسة اللحن في هذه الاغنية مختلفة وجديدة وتنم عن خيال جامح لصائغ اللحن .
ياهشام
احييك ايضا علي (المكس داون) و(البانينق) (والمؤثرات) الممتازة للصوت في العمل ككل، نسبة الاصوات الي بعضها البعض غاية في التوازن ماعدا صوت المغني (هشام كمال) يحتاج الي قليل مراجعة .
سعدت جدا بالاغنية ياهشام
وكن هكذا دوما
تحياتي
| |
 
|
|
|
|
|
|
|
|
Re: أغنية جديدة بنية بتحدق فى الزمن القاوى وأدونا رايكم (Re: عثمان عجبين)
|
Quote: نسبة الاصوات الي بعضها البعض غاية في التوازن ماعدا صوت المغني (هشام كمال) يحتاج الي قليل مراجعة .
|
كل سنه وانت طيب ياعثمان
اطربني تحليلك بقدر ما اطربني صوت هشام
في هذه الاغنية
فاستخدامه للدومنانت الثانوي في بعض القفلات
لهو درس لي ناس (القوقاي)
يعني التعلم مع الموهبة ضرورة عالية
ولكن والله تحليلك عجبني لامن طربت وحب الناس مذاهب
ولكن قولك اعلاه فيما يختص بالمراجعة
اشبه باستخدام سادسة النابولتاني في خماسية صرفة
محبتي
ونقول فلينعم النقد الموسيقي بموسيقي نقدك البديع
كل الحب لكما
| |
|
|
|
|
|
|
|
|
|
Re: أغنية جديدة بنية بتحدق فى الزمن القاوى وأدونا رايكم (Re: عثمان عجبين)
|
عثمان عجبين
كل سنة وانت طيب يا راجل
تشكر يا سيدى على التحليل المفصل
الاغنية من الحان قرشى محمد منصور وكلمات الطيب نور الدايم
والتوزيع لجعفر عبد القادر
وأأسف لإنشغالى بإنو اعمل ابلود للأغنية اغفلت اسمء الذين ساهموا فى الخروج بهذا العمل
| Quote: احييك ايضا علي (المكس داون) و(البانينق) (والمؤثرات) الممتازة للصوت في العمل ككل، نسبة الاصوات الي بعضها البعض غاية في التوازن ماعدا صوت المغني (هشام كمال) يحتاج الي قليل مراجعة . |
يازول متفق معاك تماماًً كل اتلشغل دا هو عبارة عن ميكس ابتدائى لحين التمكن من ايجاد انتاج لهذه الأغنية ولا انت نسيت بنشتغل كيف يا صديق.
وياخى كل سنة وأنت طيب
هشام
| |
|
|
|
|
|
|
|
|
|
Re: أغنية جديدة بنية بتحدق فى الزمن القاوى وأدونا رايكم (Re: هشام كمال)
|
استاذي يوسف الموصلي
كل سنة وانت طيب وعيدك سعيد
وانا كذلك طربان جراء اطرائك جدا
اما بخصوص (ناس القوقاي) وانت تعرف ان (القوقاي) للقُمري ولك قُمرية (نبلة)
اما بخصوص سادسة النابولتاني في الخماسية الصرفة ن او سادسة اسماعيل عبد المعين الزنجرانية ، هذه او تلك ستجعل القراء (غير الموسيقيين) يظنون اننا (نتفلهم) عليهم .
ولتنعم الموسيقا بامثالك يوسف الموصلي
جانبا :
سمعت انك بدأت مغنيا (شعبيا ) ثم فارقت هذا المسار ، هل هذا الكلام صحيحا ؟ جاوبني رجاءا وساقول لك لما سالتك .
تحياتي
--------------
هشام تحية طيبة
لاتشكرني لان هذا واجبي والدور الذي يجب ان نلعبه ان كان فينا ذرة من ضمير فني ، لاتشكرني لان ماقلته يريحني قبل ان يريحك ،اذاننا مثقلة بالسخف عزيزي هشام ، لابد من مواجهة ولابد من اعطاء كل ذي حق حقه، انتهي زمن المجاملات .
تحياتي موصولة لقرشي و للطيب ولجعفر عبد القادر .
وكل سنة وانت اطيب
وفي انتظار المزيد
تحياتي
| |
|
|
|
|
|
|
|
|
|
Re: أغنية جديدة بنية بتحدق فى الزمن القاوى وأدونا رايكم (Re: عثمان عجبين)
|
Quote: انا كذلك طربان جراء اطرائك جدا
اما بخصوص (ناس القوقاي) وانت تعرف ان (القوقاي) للقُمري ولك قُمرية (نبلة)
اما بخصوص سادسة النابولتاني في الخماسية الصرفة ن او سادسة اسماعيل عبد المعين الزنجرانية ، هذه او تلك ستجعل القراء (غير الموسيقيين) يظنون اننا (نتفلهم) عليهم .
ولتنعم الموسيقا بامثالك يوسف الموصلي
جانبا :
سمعت انك بدأت مغنيا (شعبيا ) ثم فارقت هذا المسار ، هل هذا الكلام صحيحا ؟ جاوبني رجاءا وساقول لك لما سالتك .
تحياتي
|
حبيبنا عثمان
انت تستحق ذلك الطرب لاننا فترنا من الكلام غير المعرفي
اها مهمتنا هنا ان نشرح للناس المصطلحات ونخليهم يستعملوها صاح
مش ناس الادب قاعدين بقولو لينا التناص وما الي ذلك
=============
غنيت بالرق لمن فترت
============
بالله واصل جهودك هذه
محبتي
| |
|
|
|
|
|
|
|
|
|
Re: أغنية جديدة بنية بتحدق فى الزمن القاوى وأدونا رايكم (Re: هشام كمال)
|
هشام
دايما بنتعلم انو الفن مافيهو غير انتاج ماهو جديد ولا خيار غير ذلك .اللحن جميل جدا كما انو كلام عثمان جميل جدا تحليل بتاع زول متمكن من الموسيقي والنقد الموسيقي وده دافع للمسير لانو التحليل من فوايدو الكشف علي عيوب الاشياء اما بالنسبه لى كمتذوق للموسيقي فاللحن جميل والاداء اجمل ويبدو انو هشام كمال بداء في فرض الاسطايل بتاعو من اغنيه(بحبك بحر)بتذكر هشام لما كان بيقفل الباب بتاع البيانو في المعهد كنا نتجمع انا وحمد النيل وربيع الشايقي وكابو ونسمع هشام ونطرب علي احساس الكبابي في ايدينا(قاصد كبابي الشاي من خالتي خميسه ياعثمان عجبين تمام؟)
الموصلي وين ما باين كل عام وانت بخير وعندي معاك حديث كتير لما القاك برواقه
عثمان كويس؟؟
هشام تحيه ليك وكل عام وانت بخير يا صديق (سوزان كيفنها؟سحر ؟)سلام ليهم جميع
عليش
| |
|
|
|
|
|
|
|
|
|
Re: أغنية جديدة بنية بتحدق فى الزمن القاوى وأدونا رايكم (Re: هشام كمال)
|
Quote: (حبيبنا عثمان
انت تستحق ذلك الطرب لاننا فترنا من الكلام غير المعرفي
اها مهمتنا هنا ان نشرح للناس المصطلحات ونخليهم يستعملوها صاح
مش ناس الادب قاعدين بقولو لينا التناص وما الي ذلك
=============
غنيت بالرق لمن فترت
============
بالله واصل جهودك هذه
محبتي) |
استاذي يوسف الموصلي تحية عطرة
بالحق اضحكتني مقارنة التناص هذه حتى رأت أمي اضراسي وظنتني قد جننت ، وبالحق مرة اخري هذا مايجب ان نقوم به تجاه اهلنا السودانين جميعا فيما يخص شرح المصطلحات الموسيقية وسينتهي بنا الامر بقاموس مصغر لاهم المصلحات الموسيقية ننشره تباعا في ثنايا هذا المنبر .... ومباشرة ابدأ استاذي موصلي في شرح النابولتاني .
كفي علي كتفك استاذي موصلي نترافق في تغيير واقعنا الموسيقي المتهافت ولا خير فينا ان لم نفعل ، كما يقول الامريكان (ان لم نستطع ان نغير العالم يمكننا ان نحدث فرقا) . جهدي وجهدك هو قدرنا .
اما بخصوص سؤالي عن غنائك بالرق ، كنت ارمي من ورائه الي لفت نظر الاخوة في المنبر الي حجم الخطوة التي خطاها يوسف الموصلي من خانة الغناء العفوي (الشعبي) الي خانة الغنائي المُشتغل عليه (الفني) ، وكنت اريد ان اسوقك كنموذج يتيممك الشباب ، بالنظر الي مشروعك الموسيقي انت تقول لهم (اجتهدوا) واشتغلوا علي ذواتكم ، مااقوله هنا ليس من باب تبادل الاطراء استاذي يوسف الموصلي ، لكنه بالحق مشروع جدير بالاحتذاء .
سياتي يوما واتجرأ علي تحليل بعض اعمالك هنا في هذا المنبر
ولك من الحب صاعين
وتحياتي
-------------------------------
| Quote: دايما بنتعلم انو الفن مافيهو غير انتاج ماهو جديد ولا خيار غير ذلك .اللحن جميل جدا كما انو كلام عثمان جميل جدا تحليل بتاع زول متمكن من الموسيقي والنقد الموسيقي وده دافع للمسير لانو التحليل من فوايدو الكشف علي عيوب الاشياء اما بالنسبه لى كمتذوق للموسيقي فاللحن جميل والاداء اجمل ويبدو انو هشام كمال بداء في فرض الاسطايل بتاعو من اغنيه(بحبك بحر)بتذكر هشام لما كان بيقفل الباب بتاع البيانو في المعهد كنا نتجمع انا وحمد النيل وربيع الشايقي وكابو ونسمع هشام ونطرب علي احساس الكبابي في ايدينا(قاصد كبابي الشاي من خالتي خميسه ياعثمان عجبين تمام؟) |
عليش
كل سنة وانت طيب وبالف خير وعافية
اولا : سعدت جدا بمداخلتك ولفهمك الجوهري لماهية الفن ولاستدراكك تصحيح ماهية الكبابي(كبابي خالتي خميسة) ، لي ذكريات جميلة معك ياعليش اتذكرها ؟ انا اذكرها كانها كانت بالامس .
كيف انت ؟ وكيف اخبارك
طمني عليك
وتحياتي
| |
|
|
|
|
|
|
|
|
 Re: أغنية جديدة بنية بتحدق فى الزمن القاوى وأدونا رايكم (Re: عبدالله داش)
|
خالص التحايا
عزيزى الصديق
الاستاذ هشام كمال
انا في البداية افتكرتها الاغنية القبال 5 سنين واتعرضت في هارموني ..
لكن هذا عمل جميل وجديد ، يبدو انو جري رمضان جاب حقو . .
ياخ انا فرحان كتير عزيز انو الواحد يسمع عمل غير نمطي
والاساتذة والاصدقاء هنا ماقصرو في التقيم ..وخصوصا صديقي السنير عجبين ..
بالجد زى ماذكرت ليك يعجبنى نقد هذا الشخص ..
عموما ماعندي الاضيفو اقلاها كما تعلم باننى على سفر في مهمة طبية..
تحياتي اليكم جميعا فردا فردا..
كل عام وصف النمل ذاك يتسكع براحتي قدميك مع رعشته المعروفه [هو الحب]..
التحايا النواضر…
| |
|
|
|
|
|
|
|
|
|
Re: أغنية جديدة بنية بتحدق فى الزمن القاوى وأدونا رايكم (Re: هشام كمال)
|
خالص التحايا
احبتي
انا جا
اولا نبدا بي استاذنا رب الفن
Quote: معتز كل سنه وانت طيب
عندنا طبيب عيون في السودان
فنان خطر اسمو محمد عبد الله
كان لقيتو سلم عليهو وبعدين نكلمك عنو |
ياسيدى ده كلام زي الورد بديك رسالة على طول نحن ديك الساعة...
+
| Quote: ياخي معتز ده غياظ خلاص |
بس قرض على كلام ابو الشوش ده وبوريك السبب
| Quote: غياظ لكن جميل يا استاذ |
حصل الحاصل يا استاذ الموصلي انى زي ماقال ليك ابو الشوش خليها ساي
شفت دي الا اجيك بالدرب عديل حتى اوريك الخلا كيف وعشان عمك الموصلي مايقول عليى غياظ انا مقطوع في اخر الدنيا وانت بى جاي مزازيك ساى وتقولوا لي غياظ ياحليلى انا..
Quote: The most common disease
1 Malaria
2 Respiratory
3 Diarrhea
4 Ophthalmology
5 Wounds and Injuries |
فاهمين شى اهو دى المهمة الكنت فيها واييييييييييييك
عموما عودنا والعود احمد
التحايا النواضر..
| |
|
|
|
|
|
|
|
|
 Re: أغنية جديدة بنية بتحدق فى الزمن القاوى وأدونا رايكم (Re: هشام كمال)
|
خالص التحايا
الاساتذة
الموصلي
رب الفن بالمناسبة انت وين ، نحن زاتنا غياب لكن غايبك انت ظاهر يارب الفن...
بعدين شكلى فهمت غلط ، وبنيت على حسب طبيب عيون دي ، يبقى يا انا كبرت ولا انت..
Quote: معتز كل سنه وانت طيب
عندنا طبيب عيون في السودان
فنان خطر اسمو محمد عبد الله
كان لقيتو سلم عليهو وبعدين نكلمك عنو |
المشكلة بكرى شال الماسنجر عشان كده ماقدرت ارد عليك ..
هشام كمال
انت خلاص هرمت على قول وليد زاكي الدين ،اها قسمت الحبة على اتنين ولا لسه مسطول..
التحايا النواضر..
| |
|
|
|
|
|
|
| |
هشام كمال
Elmosley
sumah
Mohamed Ahmaed Olyesh
willeim andrea
معتز تروتسكى
Saber Abdelhadi
عمر سعد
فيس بوك
تويتر
انستقرام
يوتيوب
بنتيريست