|
|
|
 Re: برنامج لتحميل الصور ..وبيان بالعمل( تحية خاصة الي آمنة و كل الصغار الذين ناصروا قضية دارفور (Re: فرحات عباس)
|
أخوي فرحات عباس ..ليك التحية ..
| Quote: يا أخوانا .. قصة الصورة معاي قصة غريبة .. بعد ما أنسخ الرابط .. وأروح على موقع سودانيز أون لان أحطو في المستعرض .. ولا أعمل دخول في حسابي حتى ألصقو على المستعرض ولا شنو .. عايز تفصيل في الحتة دي ، لانو الصورة بتظهر لي في ربع الصفحة الأعلى .. لكن لما أدخل ما بلقاها .. |
و لا يهمك ..انت ماشي كويس ..
طيب نرجع مكان ما انت نسخت الرابط و دي انت ما عندك فيها مشكلة ..تمام ..
نمرة اتنين ادخل في حسابك من مكان الرد ..مكان ما بتعمل مداخلات ..
وانت ماسك الرابط كويس ..طوالي حط الرابط في مكان الاميج Image فوق
المساحة المخصصة للردود مباشرة ..
بتلقي الصورة جات مكان صندوق الردود ..
لحدي كدا كيف ..اذا ما وضحت ارجع لينا تاني ..
و دايرين صورة منك بيان بالعمل ...
| |
 
|
|
|
|
|
|
|
|
Re: برنامج لتحميل الصور ..وبيان بالعمل( تحية خاصة الي آمنة و كل الصغار الذين ناصروا قضية دارفور (Re: Sobajo)
|
اعجبتنى هذه الصور للاطفال ..الدارفوريين المتفائلين ..برغم العجاجة وجور الزمان
وتحياتى لبنتنا ..بت صلاح الزين ونجوى
ارجو ان تعلمى اننى قضيت يا عزيزتى وقتا طيبا مع خالاتك مريم وصفاء ووفاء ..وبت مريم بت خالتك مشاعر وخالك (الرهيب) صلاح ابو حجل.. وقابلت حبوبتن ليكم جاية من بربر وبتها ..عرسها قرب..وضحكنا كثيرا وتناولنا طعام (الويكة) ام رقيقة بالكسرة الرهيفة التى لا تنسى..
واعطونى لك بعض الهدايا انت واخواتك الاتنين.. كنت آمل ان تصلك فى نفس هذا اليوم الذى اخذت لك فيه هذه الصورة ..ولم اتمكن من ذلك
ولكننى سافعل ..وشيكا وشيكا سافعل
ما تكلميهم تقول ليهم هديتى لسه ما وصلت لانهم بيفضحونى
| |
|
|
|
|
|
|
|
|
|
Re: برنامج لتحميل الصور ..وبيان بالعمل( تحية خاصة الي آمنة و كل الصغار الذين ناصروا قضية دارفور (Re: فرحات عباس)
|
اخي معاوية الطيب ..ليك تحية
وشكر كتير علي الاضافة التوثيقية الرائعة ..
بكدا البوست دا ما حيمشي الارشيف ..
الاخ العزيز بناديها ..
اكيد بنعدل الحال ..و للأحسن و بايدين الصغار ديل ذاتوهم ..
حسام يوسف ..ما قصرت تب ..
جاهز للنجدة ..ما نعدمك ..
و ما عاش اللي يزعل حنظلة ؟؟
أخوي صبري الشريف ..
بعد الدرر والروائع اللي ختيتا هنا
أدوك عين ولا شنو ..
الاخ سوباجو ..شكر ليك كتير علي المساهمة
| Quote: انظرو الى أي مدى وصل التمادي ...!!! |
الي درجة اللا مدي ....
وبعدين وين الفردة التانية ؟؟
العزيزة تماضر ..كنت عارف انت ما حتقصري
اها وصلتي ومعك الهدايا ..و الكلمات الجميلة ..
سلامي لآمنة و اخواتها و لاسرتها ..
الحبيب عمر ادريس ..
الله ..كنا كويسين ..ترا طلعت مريخابي ...
لكن ما في مشكلة طالما بتجيب نجوم عصرنا الذهبي معاك..
أخوي فرحات ..اول شئ اشكرك علي الرباط الجديد
لتحميل الصور وهو كمان جيد و مميزاتو الكويسة انو زمنو غير محدد ..
لكن مشكلتك لسع ..
كدي نحاول مرة تانية ..
[IMG]
[/IMG]
أعمل كوبي للصندوقين ديل و خليهم يجوا علي خط مستقيم
بالشكل [ ] [/] طبعأ انا حذفت الكلمتين IMG من الصندوقين
لاسباب فنية ..
وبعد ما تختهم بالصورة الاخيرة مع وجود الكلمتين داخل الاقواس
جيب الرابط وختو وسط الصندوقين بالشكل دا :
[ ]رابط الصورة لازم يكون هنا في الحتة دي بين الصندقين [/]
يعني بصورة تانية رابطك اللي جبتو فوق يكون بالشكل دا:
[ ] http://www.moq3.com/pics/up/b_01_05_06/bcf8b35c9f.gif[/]
و لازم كلمة IMG اللي انا حذفتها تكون موجودة داخل الصندوقين
عشان تظهر الصورة ..و يمكن لاحظت انو الصورة ما ظهرت لأنو كلمة IMG
مش موجودة بين داخل المربعات ..
و في طريقة تانية هي كالأتي :
الخطوة الاولي :انسخ الصندوقين ديل :
[ ] [/]
الخطوة الثانية : أكتب IMG داخل الصندوق الأول بالشكل دا [IMG]
واكتب بعد داك نفس الكلمة في الصندوق التاني [/IMG] لاحظ انو الصندوق التاني
فيهو شرطة مائلة/ زي كدا برج بيزا ..
و بعد داك لازم يكونو في خط واحد متل ما موضح في الخطوة الأولي ..
الخطوة الاخيرة هي خت رابط الصورة بين الاتنين ..بالصورة اللي شرحتها
من اول : [ ] رابط الصورة هنا [/]..
واها دي صورة الامورة بالطريقة الأخيرة :
و قبل ما اضافة رد اضغط علي بريفيوPreview و اللي هي جنب الرد
عشان تتأكد انو صورتك ظهرت ..في البريفيو بتتضح اذا طبقت الخطوات صح ..
و اذا ظهرت الصورة في البريفيو معناتا حتظهر في البوست ..طوالي اعمل
ارسال (أضف رد) في نفس الصفحة بتاعت البريفيو ..
كدي كيف ..
| |
|
|
|
|
|
|
|
|
|
Re: برنامج لتحميل الصور ..وبيان بالعمل( تحية خاصة الي آمنة و كل الصغار الذين ناصروا قضية دارفور (Re: Mozdalefa Osman)
|
الأخ فرحات ..لك التحية
Quote: وأخيراً بعد ما انسلت روحي إنسلالاًِ تم تحميل أمورتي دُنا .. عزيزي محمدين لك حبي
|
الله يحفظك الامورة الجميلة دنا ..
دعواتنا ان يعيد الله السلام و الأمن الي جميع ربوع السودان من اجل غد افضل و مشرق
لدنا و لكل اطفال بلادنا..
| Quote: طيب لو عاوز الصورة تنزل بشكل دائماً في محل الأسم على اليمين كيف العمل ؟ |
ودي حأجيك ليها برواقة ..وهي اسهل من الأولي ..
أختي مني خوجلي ..لك التحية
Quote: عـدسـة جميلة
أطـفال دارفـور?
باغات للمـوية وقـرية مهجـورة ...
وأقـدام حـافية وطـفـولة تعاني..
وتعـالوا نـوربكـم شـوية جمباز..
والحياة ذاتها ماجبـاز...
وطفل فـوق ضـهر طـفلة..ورغم شـهـور عمـره...فهمها...
وسـكنت في عيـونه نظـرة حـزن زي الفي عيـون أخـته..
وحـياة قاسية ويتيمة! |
نعم ما ذكرتيه اختي مني ..هومن اقسي جوانب الحرب
وارثها القادم ..من أصعب مهام المرحلة القادمة هوازالة
ذلك الحزن العميق الساكن في أعمق أعماق عيون و أفئدة هؤلاء الصغار ..
أخي عصام علي ..لك التحية
و لك الشكر ايضأ علي هذه الصورة المعبرة ...
أخوي صبري الشريف ..
ادوك عين ..لكن كدي تابع الشرح اللي قالو فرحات
بشيش بشيش ..
الأخت مزدلفة عثمان ..
لك التحية و الشكر علي البيان بالعمل ..
| |
|
|
|
|
|
|
| |
محمدين محمد اسحق
bakri abdalla
عمر ادريس محمد
حسام يوسف
ابوالقاسم ابراهيم الحاج
عمر عبد الخالق سعيد
فرحات عباس
-1.jpg)
معاوية الطيب
banadieha
Sobajo
Tumadir
Tragie Mustafa
Muna Khugali
فيس بوك
تويتر
انستقرام
يوتيوب
بنتيريست