دعواتكم لزميلنا المفكر د.الباقر العفيف بالشفاء العاجل
|
|
 رباطابيات .. عيدية
|
هذا البوست هو (مجرد محاولة) لوضع بسمة فى بعض الشفاه الحزينة .
هو .. عيدية لأهلنا المهاجرين والمهجرين والمشردين فى أصقاع الدنيا ومنافيها المختلفة , حيث العيد (مسلمه ومسيحيه) مصحوب بوحدة .. ومرارة .. وغصة فى الحلق .
لهم , حيث لا نفاجات تربط بيوت الأهل والجيران ببعضها البعض ..
من أجلهم , حيث لا أهل يزورهم , ولا أصحاب يودونهم .
لإطفالهم وأبنائهم , حيث لا أعمام ولا أخوال .. ولا عيديات , نقودا ترن داخل جيوبهم كانت .. أو حلوى وكعكا تظهر علاماته فى أطراف أفواههم.
لهم جميعا , فى هذه الأيام المباركات , لعل الله يزيل همهم المتراكم .. ويعيد بعض البسمة لتلك الشفاه والسحنات المقطبة المكتئبة.
|
|
 
|
|
|
|
|
|
|
|
Re: رباطابيات .. عيدية (Re: Dr Mahdi Mohammed Kheir)
|
رباطابى شاويش فى البوليس , أيام المظاهرات الطلابية ضد نميرى , قاعد فى طرف الكومر , وجوة الكومر خمسة من بنات الثانوى المعتقلات .
شايقى شرامى مارى بيه جنب الكومر .. شاف البنات السمحات . الشايقى قرًب جنب الشاويش وقعد ينطط ويهتف " يسقط الطاغية .. يسقط الإتحاد الإشتراكى .. الى الجحيم يا نميرى" .
الرباطابى حدر للشايقى شديد .. وقبًل منو غادى .
الشايقى جاهو تانى قدامو وقرب من وش الرباطابى , ورجع ينطط ويهتف : " عاش نضال الشعب السودانى .. عاش كفاح الطبقة العاملة .. عاش الحزب الشيوعى السودانى ".
الرباطابى نزل من الكومر ودفر الشايقى بعيد " يا زول قتلك أمشى .. والله إن بقيت لينين ما بتركب".
| |
|
|
|
|
|
|
|
|
|
Re: رباطابيات .. عيدية (Re: Dr Mahdi Mohammed Kheir)
|
شاب رباطابى "تمتام" مغترب سنين طويلة , ساكن مع عزابة شوايقة فى الرياض .. وقرر يعرس .
بدأ يشاور فى أصحابو العزابة فى طريقة إختيار العروس السمممحة ومقعدة ..
كلما يسأل واحد فيهم يقولوا "يا زول .. بس غطى قدحك !" .. "يا زول .. بس غطى قدحك !"
الرباطابى ضرب لى أبوهوه فى البلد , وقالو " يابا .. أنا د .. د .. داير أعرس !"
أبوه رد " بسسس .. يا ولدى , بت عمك ألرضية راجياااااك !".
الرباطابى " أى لكن يابوى .. الرضية دى د .. د .. دحين ماها شينة؟"
أبوه .. " والله يا ولدى , من ناحية شينة.. هى قطع شك شينة , لكن يا ولدى .. ما ياهو قدحك .. داير منو غيرك يغطيهو ليك ؟؟".
الرباطابى عقدو ليهو على الرضية , وبعد فترة مشى المطار مع أصحابوا عشان يستقبل العروس .
واقف مع أصحابو فى صالة الإنتظار , تظهر العروس الما بيغباها ووراها .. أبوها.
اصحابو سألو " يا خوى العروس وعرفناها , القصييير الماشى وراها دا منو ؟؟".
الرباطابى زعلالالان , " دا !! , دا !! , دادادا .. دا !!! .. دا ماااا ... ابو القدح ".
(عدل بواسطة Dr Mahdi Mohammed Kheir on 12-17-2007, 11:02 PM)
| |
|
|
|
|
|
|
|
|
|
Re: رباطابيات .. عيدية (Re: Dr Mahdi Mohammed Kheir)
|
رباطابى شقال خفير فى جامع تحت الإنشاء فى أبو حمد جنب السكة حديد .
شايقى منتظر القطر , والقطر متأخر ليي نص الليل ما جا . الشايقى إتلفت حوالينو شاف الجامع الببنو فيهو ومشى عليهو .. قال يلقى محل ينوم فيهو لغاية القطر ما يجى.
الرباطابى راقد فى خشم باب الجامع , رفع راسو " يا زول ماشى وين ؟."
الشايقى " ياخى ماشى الجامع دا .. أمد ضهرى شوية لغاية القطر ما يجى ."
الرباطابى " يا زول أمش .. دا ما محل نوم !".
الشايقى " لكن ياخوى دا ما .. بيت الله !".
الرباطابى " آآآآى بيت الله , لكن لسه ما أستلمو ... أمش !".
| |
|
|
|
|
|
|
|
|
|
Re: رباطابيات .. عيدية (Re: Dr Mahdi Mohammed Kheir)
|
شافع من شفع الرباطاب قاعد يدخن , شاف أبوه جاى جدع السيجارة وشفط باقى الدخان فى صدرو .
أبوه بتكلم معاهو , الدخان بدا يطلع من صدرو .
الرباطابى "يا ولد دا شنو الفى خشمك دا ؟؟".
الولد " يابا دا تسالى !".
أبوه " معاهو دخان !! ... ليييه بتقلى فيهو ؟".
| |
|
|
|
|
|
|
|
|
|
Re: رباطابيات .. عيدية (Re: Dr Mahdi Mohammed Kheir)
|
شايقى جلدة رسل ولدو لدكان الرباطابى يجيب ليهو جبنة بجنيه .
الرباطابى , ماسك الجنيه فى أيدو .. يسأل فى الولد " قلتا لى أبوك قال عايز بالخرابة دا شنو !!" .
الولد " عايز جبنة ... جبنااااه !".
الرباطابى " أقولك قول , أمشى نادى أبوك , قولو حاج حمد قالك .. تعال ألحس السكينة !".
| |
|
|
|
|
|
|
|
|
|
Re: رباطابيات .. عيدية (Re: Dr Mahdi Mohammed Kheir)
|
رباطابى مرتو نقاقة نقة .. مكرهاهو العيشة .
يوم جا داخل , المرة قابلتو جنب الباب ..
" يا حاج حمد .. والله سمع أضانى دى .. جارنا دا , البحيطة دا , قدر ما يجى خاشى على مرتو من الشقل .. هاك يا سلام .. وهاك يا أشواق .. وهاك يا حضنى , يا أخى أنت لييه ما بتعمل كدا ؟؟.
الرباطابى بقتاتة شديدة " ومالو !!! , هلا هلا ... بس نان هى بتقبل ؟؟.
| |
|
|
|
|
|
|
|
|
|
Re: رباطابيات .. عيدية (Re: Dr Mahdi Mohammed Kheir)
|
رباطابى وشايقى ساكنين فى بيت عزابة .
يوم جمعة , وكشتينة الحريق مدورة , الشايقى حب يضحك من الرباطابى , الغائب فى مشوار , قدام الجماعة , فمشى الحمام ورسم راس حمار فى قميص الرباطابى .. وعلقو ليهو فى محلو تانى .
الرباطابى جا من الحمام شايل القميص , ولقى الشايقى يقرقر ويضحك , فعرف القصة .
وقف فى راس تربيزة الحريق وقال ليهو " شنو الحكاية يا محمد عثمان , ما مية مرة قلتا ليك يا أخى .. ما تنشف وشك بقميصى دا !!".
| |
|
|
|
|
|
|
|
|
|
Re: رباطابيات .. عيدية (Re: Dr Mahdi Mohammed Kheir)
|
رباطابى خلا الزراعة وفكر يربى دواجن ..
بالقروش العندو كلها أشترى ليهو ديك وجداتين , وقعد مصاقرن ليل نهار .. حارس الجداتين ديل متين يبدن يبيضن .
الجداد باض .. والبيض فقس , والرباطابى متكيف يتابع فى السواسيو جوة الحوش يعلف فيهم , شئ برسيم , وشئ سمسم , وشئ فيتريتة ... ما خلاص المشروع نجح وبشايرو هلت !.
صقر من صقور جبال المناصير الناشفة ديك جا مارى لقى السواسيو رويانات وحايمات فى حوش الرباطابى , الصقر أنعكف وخطفلو سوسيوة .. والرباطابى قلبو أنقطع من الخلعة .
الرباطابى حاول بكل الطرق يحمى سواسبو من صقر السجم دا .. مافى طريقة . الصقر خلا الحًلال كلها وقعد مصاقر سواسيو الرباطابى .. كف .. كف , واحدة وراء التانية .. والرباطابى مصارينو أتهرن من المغصة .
فضلت آآخر سوسيوة ... الرباطابى ماسكة فى أيدو وقاعد فى ضل الحيطة متمحن يعاين للصقر والصقر راكى فى راس البيت منتظر الرباطابى يفك السوسيوة عشان يخطفا .
الرباطابى عندو شوال قديم جابو نتفو , فرش الشوال فى نص الحوش , دقا فيهو وتد وربط السوسيوة فى نص الشوال ... ومشى قعد فى ضل الحيطة منتظر .
الصقر جا يخطف السوسيوة مخالبو مسًكن فى الشوال , الرباطابى جا جارى ومسك الصقر من رقبتو وفكا مخالبة من الشوال .
الرباطابى عندو مقص جابو وبدأ يقص للصقر مخالبو واحد ورا التانى , وبعدا مسك منقار الصقر وقصا من آخرو وجدع الصقر لا فوق .. وقالو " أها دحين أمش .. شوف لك زولا يسويلك نشا "
| |
|
|
|
|
|
|
| |
Dr Mahdi Mohammed Kheir
Mustafa Mahmoud
فيس بوك
تويتر
انستقرام
يوتيوب
بنتيريست