سلام جميعا هذه مجموعة من الصور عن زيارتي قبل الاخيرة للسودان، كنت قد فقدتها و لحسن الحظ وجدت داخل احد السيديهات
صور من الطائرة على الخرطوم من الجو و يبدو النيل من على البعد صورة اخرى و يبدو جفاف الخرطوم واضحا مدينة صحراوية مع ان النيل يحيطها من كل جانب
محطة ابو حراز الفضائية على ما اعتقد منازل الخرطوم و يبدو تقسيمها غريبا النيل من نشوة الصهباء سلسله و ساكنو النيل سمّار و ندمان (جمّاع) الجامعة الاهلية و يبدو احد الاصدقاء جامعة الخرطوم و قد غيرت ملامح بعض الاصدقاء لزوم الخسوسية ميدان ابو جنزير مواصلات الرياض و امتداد ناصر بجانب من كافتيريا ابو جنزير خواجة في نفس المكان طاقاهو حراية تجنن
احدى حدائق القصر يكلف دخولها 1000 جنيه من داخل احد حافلات الخرطوم مقابر احمد شرفي
شارع مستشفى الخرطوم متجها الى شارع بيويو كوان
05-26-2005, 07:29 PM
خضر حسين خليل خضر حسين خليل
تاريخ التسجيل: 12-18-2003
مجموع المشاركات: 15087
بس سؤال ياخي الصورة بتاعت الاهلية يتخيل لي الزول الفي الصورة أحد أصدقائي في حركة حق وتحديدا الصورة وهو جاي من ملتقي الفه أو عطبرة ورا مكاتب علوم ادارية صاح ولا أنا غلطان ياريت تسمي الاخ الفي الصورة لانو ( الكبر حصل ) والعتب علي النظر . تسلم للصور الجميلة دي
05-27-2005, 02:26 AM
Amjad ibrahim Amjad ibrahim
تاريخ التسجيل: 12-24-2002
مجموع المشاركات: 2933
خالص التحايا العزيز والاخ دكتور امجد كفينك والحاله عموم..صحتك واخبارك.. لعلك بخير وكل من بحاضرتكم بوست ده ماشفتو الا الان ولا كان غشيتو من بدرى نحن اى ريحة نسمه جاية من البلد بتزيد نار الشوق زياده... نشكرك كتير على الصور وكلها نزلتها عندى بعد اذنك طبعا... وكمان لو فى طريقه هل من مزيد؟.. اما بخصوص الصوره اعلاه .. صورة الاهليه خضر اوفى تعريفها والتحايا للاصدقاء فى حق... اما صورة جامعة الخرطوم ده الباب البقع يمين الباب الرئيسى بالقرب من الكبرى الكان مختوت فيهو يافطةالاحتفال المئوى لجامعة الخرطوم المدخل العلى يدك اليمين ده مدخل الاولاد والذى على اليسار مدخل البنات ..)(فقد شائت الاقدار ان ادرس بهما الاثنان وان لم اكملها ايضا)..
*صورة ابو جنيز وموقف ناصراتذكره بحذافيره لاننى كنت من سكان برى وحى الطابيه (94-97)..وتقع البلديه قرب المجمع الاستهلاكى ...
صورة حدائق القصر تذكرنى معرض الكتاب المصرى الذى يُقام هنا والسودان الدوله الوحيده التى يُقام فيها هذا العرض مرتين فى السنه من الدول العربيه فى شهرى (اكتوبر –ومارس ).. ايضا اتذكر اخر جلسه لى فيهو مع كميه اصدقاء اذكر منهم –بيتر –ساميه- اسامه سعيد- ميرى وو اخرون..كان فى فبراير 2002.
• من داخل احد حافلات الخرطوم اعتقد فى امدرمان هذه الصوره اعتقد ذلك.(كدى صححنا نشوف ذاكرتنا بعد 3 سنه غربه كيف) • مقابر احمد شرفي هذه الصوره اعتقد ايضا انك فى شارع الوادى متجه نحو الثورات • صورة شارع مستشفى الخرطوم متجها الى شارع بيويو كوان ..هذا الشارع من اكثر الشوراع مرورا به حتى طلوعى من السودان نسبة لاننى كنت اقطن (حى المطار)..ولكن الاسره الان رحلت من هذا الحيه هذه السنه.. وعلى يمينك كوبرى المسلميه بس شارع بيو كوان شويه جبده مع الصينه القادمه امامك.. ياااااااااااااااااااااااااااااه خليت قلوبنا تطير تسلم كتير وادفق فينا انا ايضا عندى مشروع رجعه فى خلال الشهور القادمه ...
والتحايا النواضر..
05-27-2005, 03:41 AM
Amjad ibrahim Amjad ibrahim
تاريخ التسجيل: 12-24-2002
مجموع المشاركات: 2933
منظر من داخل حافلة في شارع المستشفى و تبدو بوابة شارع بيويو كوان على يسار الصورة بائع صور قرب مستشفى الخرطوم و لسخرية القدر كتب احدهم ميكانيكي سيارات على الحائط و وضع البائع الصورة تحت الكتابة لا شعوريا الصورة اخذتها ايضا من داخل الحافلة. الواضح انو صاحب التكسي قبل مضطرا ترحيل عفش الراكب، الايام دي سواق التكاسي ما عندهم زباين نسبة لمنافسة الرقشات و بيعملوا للراكب اية حاجة عايزها شارع بيويو كوان و يبدو فندق آراك، او لعلي علىخطاء ساعدونا يا خرطوميين ايضا على يسار الصورة كلية الطب لكنها لم تظهر نادي الاسرة الخرطوم و يبدو بعض العمال بصدد تمديد كيبل و السخانة تلحم، رزق حلال مية المية الاخطاء الاملائية طال حتى اللافتات الحكومية كلمة ذوق كتبت بالـ (الزاي زوق)، تقاطع شارع القصر مع شارع الجامعة مرحاض الرجال جامعة الخرطوم بجانب الميدان الشرقي محاولة اقحام الدين في اي مكان حتى بجانب المرحاض و قد تناسى القائمون على هذا العمل انه ليس من المستحب تعليق المقدسات بجانب المراحيض فطبظوا اعينهم باصابعهم انتخابات جامعة الخرطوم 2004 و تبدو حملة تحالف القوى الوطنية السيد محمد اسماعيل الازهري ندوة في الميدان الشرقي لدعم قائمة التحالف السوق العربي منظر من عمارة الذهب الساعة الثانيةظهرا صورة ارسلتها العام الماضي من ان كديستنا كانت تتابع اخبار الانتخابات ما يفوتكم الكدايس بتقراء الجرايد بالقلبة
05-27-2005, 04:32 AM
معتز تروتسكى معتز تروتسكى
تاريخ التسجيل: 01-14-2004
مجموع المشاركات: 9839
جيناك تانى وجابنا الشوق وريحة الجروف بوستك ده اختبار للذاكره
صورة- منظر من داخل حافلة في شارع المستشفى و تبدو بوابة شارع بيويو كوان- الساحه الفيها الحافلات دى على اليسار يبدو موقف المواصلات انا خليتهم بطرحوها فيها لكن ما اتخيلت تكون موقف مواصلات.
صورة- بائع صور قرب مستشفى الخرطوم و لسخرية القدر كتب احدهم ميكانيكي سيارات على الحائط و وضع البائع الصورة تحت الكتابة لا شعوريا الصورة اخذتها- هذه فى الخرطوم 2 بالقرب منتزه اشراقة التجانى يوسف بشير سابقا (اعتقد هُدمت الان) نعم يوجد هنا شخص يرسم كمية لوحات للمشاهير والرؤساء وو الخ فاتح قبالة المستشفى التخصصى..بالقرب منه بتاعين الفواكه ومكاتب طيران الغرب وو الخ .
صورة- شارع بيويو كوان و يبدو فندق آراك، او لعلي علىخطاء ساعدونا يا خرطوميين ايضا على يسار الصورة كلية الطب لكنها لم تظهر – وايضا كلية الصيدليه ماتظلم ناس صيدله كمان يادكتور ولاشنو. . بعدين ده فندق مريديان
صورة- الواضح انو صاحب التكسي – اعتقد المكان بالقرب من السكه حديد اعتقد ذلك لم استطيع التحديد (بس موقف المواصلات ده شوش لى)..
صورة- نادي الاسرة الخرطوم و يبدو بعض العمال بصدد تمديد كيبل- هذه اكتر صوره راسخه لانى درست فى الخرطوم الجديده – والصوره ماخوذه بالقرب من كلية البيان للحاسوب ...
صورة- السوق العربي منظر من عمارة الذهب الساعة الثانيةظهرا- وعتقد ده الموقف الجديد وبرج الخرطوم الجديد او (الحفرة تاريهو قام مابطال).. واها القبه الخضرا شالوها ولا قاعدها لانى انا خليت شلعو اسوارها لكن المبنى موجود اصبح محلات نت وتصوير ومعهد حاسوب –زمان كان مكتبة للقرايه وهكذا
بقيت الصور لاتحتاج للتعليق مشكورا جدا وهل من مزيد طماع مش ؟ ؟
الاخ معتز تروتسكي التحايا النواضر كما تقول دائما و الله عندي مجموعة كبيرة جدا من الصور حوالي 1200 تقريبا، لكن بها العديد من الصور الخاصة ولذلك يصعب تنزيلها، لكنني بصدد ارسال العديد منها، افضل ما عملت انك طبعت الصور لان تحميلها سيمكث فترة شهر واحد فقط، و لو مشيت السودان عليك بكاميرا ديجيتال و تسجيل كل م تلتقطه عيناك من اشياء عادية، و ما اجمل و ابلغ العادي في بلادنا.. بالنسبة لما ذكرته من اوصاف فهو تمام مية المية، و حتى الصورة من داخل الحافلة هي فعلا من امدرمان و ليس الخرطوم..
بالنسبة لباب جامعة الخرطوم فهو من علامات العبث الانساني المضحك المبكي حيث يجب على البنات الدخول من باب معين و الشباب من باب آخر و بعد ذلك يمشي هؤلاء مع بعضهم البعض مباشرة بعض عبور الباب على مرأى من حراس الباب، و اذكر موقف لاحد الاصدقاء حيث منعت زوجته من دخول الجامعة لانها ترتدي بنطلونا، و قامت الشكلة و قالت زوجة صديقي للحارسة اذا كان البنطلون ده حرام انتي لابساهو مالك.. و غايتو ده السودان تنقاضات لا تنتهي... الجامعة الاهلية تدهورت نوعا ما على حد تعبير الاخوة و ساءت احوال عض الجمعيات الثقافية في الجامعة و ان كان الطلبة يحاولون احياءها من جديد
حدائق القصر كما هي بل صارت اجمل بعد تولي امرها من قبل مهندسة متخصصة في النباتات و بها ديكور رائع للغاية... و ترى ايضا قطية لبيع القهوة و الشاي في لمسة تراثية رائعة و خلط بين القديم و الجديد و تقدم هذه الحديقة افضل كبتشينو شربته في الخرطوم....
كامدرماني قح عندي العديد من الصعوبات فيما يختص بوصف معالم الخرطوم فلك العذر على قلة التفاصيل تحياتي لك و ربنا يرد غربتك سالم غانم يا عزيزي اخوك امجد
05-27-2005, 05:09 AM
معتز تروتسكى معتز تروتسكى
تاريخ التسجيل: 01-14-2004
مجموع المشاركات: 9839
مافى مشكله عزيزنا امجد انت نزل الفيها المعالم والفيها الشخصيات خليها لانو دخلت فى نطاق الخاص وماحلو زاتو.. بخصوص رجوعى والتصوير انا من الان ماعارف اصور شنو اخلى شنو بعدين انا بموت فى التوثيق..
تعرف جامعاتنا فيها مهازل ماعاديه يعنى اتخيل يقولوا كل زول يخش بى باب فى حين اول ما نخت رجلنا فى اول عتبه نتلاقى وامام اعين الحرس (جنس غباء).. والحكاوى كثر عن اصحاب المشروع الاسلاموى ديل ماديرن نخرب بيهم البوست لكن محل ما تمشى تلقى نفسك متضر تتدخلهم فى سياق الحديث (شى مقزز ومقرف).. وزى ماقلته الجامعات زاتها بقيت خلا وخواء من اى شى كان جمعيات ولا تنظيمات او اى شى جميل بالتاكيد الطالب زاتو مساهم فى الاشكاليه دى بقدر مافى جانب الاخر (الكيزان).. المهم ربك يدى العافية بس...
اما بخصوص امدرمانيتك القحه فاكد اننا نشاركك فيها لانى نشاءت امدرمانى الى الصف السادس (زول الثورات) وبعدها بقيت خرطومى يعنى تسالنى عن اي مكان امدرمان او الخرطوم ماعندى مشكله بس علاقتى بى بحرى ضعيفه حتى اهنا فيها قلال... والصحاب كمان ..
وانت كمان يدك العافيه وشكر للصوره الحلوه زيك..
والتحايا النواضر
05-27-2005, 05:36 AM
محمد أبوجودة محمد أبوجودة
تاريخ التسجيل: 08-10-2004
مجموع المشاركات: 5265
شكراً على الصور المعبِّرة ، والتى تعكس وجه التعاسة لما وصل إليه الحال ! ولكنّها أيضاً لاتخلو من جمال !..
في رأيِّ أنَّه ببعض الجُهد المنتظم ، سوف تستحيل هذه الأماكن الى مواقع جميلة المنظر والجوهر ، يتخلّلها التنسيق وحُسن المرآى . فبلادنا جميلة بما تحتويه ، ولكنّها في حوجة ماسـِّة لجهود ابنائها وبناتها ..
لفتنى ما جاء في حديثك :
Quote: سلام جميعا هذه مجموعة من الصور عن زيارتي قبل الاخيرة للسودان، كنت قد فقدتها و لحسن الحظ وجدت داخل احد السيديهات
فإن كانت هذه زيارتك (قبل الأخيرة) ، فمتى كانت الأخيرة ؟؟
أعتقد ان كلمة " قبل " قد دخلت بطريقة تلقائية ..
ودمت بكل الخير ،،/
05-27-2005, 05:46 AM
معتز تروتسكى معتز تروتسكى
تاريخ التسجيل: 01-14-2004
مجموع المشاركات: 9839
خالص التحايا عزيزنا امجد اسمح لى ان اترك هذه القصيده فاعتقادى ان مافيها من حس ورح افضل ما تكون خليفة ومكمله للصورك...
باب السنط كلمات:محجوب شريف الحان:حمزة سليمان غناء:فرقة عقد الجلاد **************** ود باب السنط والدكة والنفاج والحوش الوسيع للساكنين افواج واللمة التى ربت جنا المحتاج والنار الدغش والريكة جنب الصاج والسكسك المنضوم حول الجبينة نجوم والفنجرية تقوم تقهوج الحجاج طق طرق يا بن القهوه كيف ومزاج طق طرق يا بن خلي النعدل الراس ونحصل الترماى
05-27-2005, 07:03 AM
jini jini
تاريخ التسجيل: 02-04-2002
مجموع المشاركات: 30720
Quote: مرحاض الرجال جامعة الخرطوم بجانب الميدان الشرقي محاولة اقحام الدين في اي مكان حتى بجانب المرحاض و قد تناسى القائمون على هذا العمل انه ليس من المستحب تعليق المقدسات بجانب المراحيض فطبظوا اعينهم باصابعهم
موش اخير من أل فرانكلى بسموه حتى الان دعاء الخروج ال الخلاء!!
05-27-2005, 09:13 AM
yumna guta yumna guta
تاريخ التسجيل: 04-07-2003
مجموع المشاركات: 938
شكراً على الصور المعبِّرة ، والتى تعكس وجه التعاسة لما وصل إليه الحال ! ولكنّها أيضاً لاتخلو من جمال !..
مكرر ما كتبه الأخ العزيز محمد أبوجودة، ومعاه شكر زيادة! لك العزيز الأخ أمجد... وقبل أن ترد على الأخ محمد حاولت أنا الحصول على صور زيارتك (الأخيرة) لأنها زي ما عارف تهمني جداً جداً جداً جداً!!! (زي ما كانوا الشيوعيين زمان بقولوا أن نميري برجوازي صغير جدا جدا جدا جدا!)، بحثت عنها في البوست المعني: Re: صور من زيارتي الاخيرة للسودان دار حامد الأبيض مدني
ولكنها كانت قد اختفت من السيرفر، عليه انتهز الفرصة لأطلب تحميل بعضها من جديد، حتى يتمكن الصديق محمد ابو جودة (وآخرون) من مشاهدتها، ولك المزيد من الشكر ايضا، وتحياتي...
05-27-2005, 11:37 AM
Amjad ibrahim Amjad ibrahim
تاريخ التسجيل: 12-24-2002
مجموع المشاركات: 2933
سلام جميعا شكرا جزيلا على المرور و الترحاب، شكرا جني طبعا التوليتات افضل من الخروج الى الخلاء، الاخت يمنى طبعا عرفتي الجماعة و لم يكن لدي شك في ذلك، ايضاتحياتي للاخ ابو جودة و هي فعلا زيارتي قبل الاخيرة، حيث تمت هذه الزيارة في مارس ابريل 2004 و زيارتي الاخيرة كانت في يناير2005 لذا فانني لم اخطيء، وقد انزلت صور الزيارة الاخيرة في بوست سابق لكن سيرفر التحميل محدود القدرة و ساحاول ان ارسلها مرة اخرى للجميع مودتي و عندي مجموعة اخرى سانزلها لاحقا و اتمنى ان تنال اعجابكم اخوكم امجد
05-27-2005, 01:21 PM
ALGARADABI ALGARADABI
تاريخ التسجيل: 12-30-2004
مجموع المشاركات: 5236
سلام جميعا معذرة للاجابات المقتضبة فقد كنت على عجل، و الرجاء ان تنزلوا الصور التي تعجبكم لان السيرفر يتحملها لمدة شهر واحد فقط. بالنسبةلقصة الشباب اللي غيرت ملامحهم اتضح لي لاحقا انو ما في كان داعي لكني كسلت من مسألة تعديل الصورة اصلوا الواحد الايام دي حيلو ما شايلو.. فلكم العذر على هذا التقصير
كل التحايا لمتابعي هذا البوست الكثر اخوكم امجد
هذا الطفل يعمل كمساريا للحافلة التي يقف امامها عمره لم يتجاوز العاشرة و هو من ابناء شمال السودان ينبغي ان يكون غنيا حسب معادلات اليوم الغير منطقية... شفع العرب الفتارة يجروا ساكين القطارة (يا وطن عز الشدايد)!!! سألت عن الخرطوم (باي نايت) احد امسيات الخرطوم تخريج كلية الاداب بنادي الشرطة و قام باحيائه الفنان الانسان ابو عركي (و بخاف اسأل عليك الناس) نفس الحفل و تبدو هيئة التدريس مستعدة لتسليم الشهادات مسيرة الخريج من مقاعد الخريجين الى المسرح، تقليد جميل، الاضاءة الخافتة و بعدي عن المسرح أثرا سلبيا على نوعية الصور، و الخرطوم بالليل مظلمة كما ترون صورة اخرى للرائع ابو عركي البخيت
مبنى الحج و العمرة في الخرطوم، حقيقة اسراف لا معني له في بلد يعاني اطفالها الكثير و تنعدم حتى خيوط الجراحة و الضمادات، الم يكن يكفي هؤلاء مكاتب او جملونات حقيقة و من دون تحامل هذا المبنى يذكرني بفظاعة الكنيسة في القرون الوسطي حيث تأخذ من المواطنين القليل الذي لديهم لتبني اغلى الكاتدرائيات
مركز عفراء التجاري الشهير، و فيه طابق تحت الارض و مواقف سيارات و كافتيريا رائعة و نافورات جميلة مركز عفراء التجاري من زاوية اخرى السلاح الطبي امدرمان مصورا من قصر الشباب و الاطفال هكذا كان برج الفاتح العظيم في ابريل الماضي كتلة الاسمنت فقط دون العوارض الحديدية التي اعطت البرح شكله اليوم هل استطيع ان اعلق على هذه الصورة التي تقشعر لجمالها الابدان اغشي ضفايف الالفة بشوشة تلقي النيل بشوق ضميه (سيف الجامعة)
صورة من قصر الشباب و الاطفال ناحية شمال امدرمان و تبدو جبال كرري من على البعد، امدرمـــــــــــــــــــــــــــــان يا ناس امدر... ووووووووب كبري الخرطوم انجاز انجليزي اثير على كل سوداني مهما اهتزت عواميده على يمين الصورة تحت ابراج الكهرباء مبنى شركات متعددة من اهمها سوداتل و بترودار البترولية الماليزية ايضا و بجانب الهيلتون يبدو مبنى بنك السودان الجديد الالمونيومي.. و معالم هذه المنطقة بدأت بالتغير الشديد
لكم تحياتي و انشاء الله ما اكون قلبت عليكم المواجع... كما قلبتها على نفسي
05-27-2005, 10:37 PM
Yasir Elsharif Yasir Elsharif
تاريخ التسجيل: 12-09-2002
مجموع المشاركات: 50069
وشكراً على توضيح الأمر يا دكتور ، ولك التهنئة بهذه المواكبة في زيارة السودان مرّتين خلال عامين ، بل أقلّ من عام .. الصور فعلاً ، كما أسلفتَ ، تقـلِّب المواجع ! وتعكس أحوالاً شتّى ، وتترك شيئاً من المرارة في الحلوق ، ولكنّها ، مع ذلك، تعطي شيئاً من الأمل بانصلاح الحال وتعديل الإعوجاج الحاصل .. كما أنّ نشرك لهذه الصُّور ، يفيد في تشجيع الآخرين على المواصلة في نفس الدّرب .. ممّا يخلق مواكبة مطلوبة لحال هذا البلد ..
عزيزي عيسى ،، كيف الحال يا رجل ؟ وينك وووين أراضيك ؟ أتمنّى ان تكون بخير ، ونازل على السودان قريب ..
05-28-2005, 01:06 AM
إسماعيل التاج إسماعيل التاج
تاريخ التسجيل: 11-26-2004
مجموع المشاركات: 2514
الخرطوم من علٍ. تبدو حزينة و(مغبشة) ولا تشبه عواصم الدول. بل لا تشبه المدن إطلاقـاً. عند الهبوط في العواصم الأخرى يلفت انتباهك جمال تلك العواصم أو حتى المدن الأخرى (المدن المغربية مثلاً مراكش وطنجة). مدينة غزة تبدو أجمل وأكثر تنظيماً وألـقـاً من الخرطوم وأنتَ تشاهدها من (فوق).
دا تخفي وخصوصية ولاَّ حالة اعتقال يا دكتور أمجد؟؟ يا أخي عاملتهم زي الجماعة اللي بتعتقلهم إسرائيل. ولاَّ أقول ليك، عملتهم زي (Batmen)، أو أفلام (Zoro) الكنا بنشاهدها ونحن صغار، مع الاعتذار طبعاً.
التـقطت في فبراير من هذا العام صور لمنطقة المقرن، جامع أمدرمان والسلاح الطبي وبعض ملامح أمدرمان ممكن أضيفها لهذا البوست لو ما عندك مانع، خاصة وأنَّ الأخ ياسر الشريف يريد لهذا البوست أنْ يكون توثيقي.
تحياتي
05-28-2005, 02:07 AM
Amjad ibrahim Amjad ibrahim
تاريخ التسجيل: 12-24-2002
مجموع المشاركات: 2933
سلام جميعا الخال العزيز ياسر الشريف، ساحاول ان انشر صور كردفان كما طلبت و طلب بقية الاخوة رغم انومساحة التحميل عندي محدوة لكن بلقى لي حل.. الزيارة الموعودة تأخرت نسبة لضرورة تجديد الاقامة وسنفيدك اول بأول
العزيز محمد ابو جودة هي فعلا زيارتين سريعات في اقل من عام واحد، لكن قبلهما كانت غيبة طويلة دامت 15 عاما متواصلة، لذلك لم يكفني شهري مارس و ابريل 2004 و الحقتهما أخران 25-12-2004 الى 28- فبراير 2005، و الحنة لو ما طبقتها ما بتسّود..
الاخ اسماعيل التاج الحقيقة لم تكن عندي صور اخرى عن بوابة جامعة الخرطوم و اعترف ان تلوين وجوه الشباب لم يكن موفقا، سأحاول طرق اخرى في المستقبل... فعلا رأيت عواصم و مدن كتيرة من الجو في السفر، لكني لم مدينةاقل تخطيطا و اقل جمالا من الخرطوم و هي تشبه قرية عملاقة مسطحة شديدة الجفاف..و الله يدي العافية لكم مودتي امجد
05-28-2005, 03:21 AM
Amjad ibrahim Amjad ibrahim
تاريخ التسجيل: 12-24-2002
مجموع المشاركات: 2933
نقلة سريعة الى منطقة اخرى، محطة قنب شارع مدني قبل الحصاحيصا لاحظ الاخطاء الاملائية امتدت الى كل الولايات، كلمة أبناؤك كتبت من غير همزة على الواو. الجمعية التأسيسية امدرمان
كبري امدرمان الخرطوم الجديدو يبدو ادني الصورة الشارع المؤدي الى كبري الخرطوم القديم
صورة اخرى في اتجاه امدرمان و يبدو على البعد كبري شمبات و في ركن الصورة جامع النيلين
صورة من خلف قصر الشباب في اتجاه الفتيحاب و و المهندسين و يبدو صهريج الفتيحاب...و الشارع ادن الصورة هو الشارع المؤدي لشارع الاربعين..
بعض مظاهر التخلف مراحيض قصر الشباب و الاطفال بحالة يرسم لها(يرثى لها) كما يتندر احدالاصدقاء، قد تصاب بحبس بول لعدم وجود مكان مناسب لقضاء الحاجة فندق قصر الصداقة في بحري
فندق قصر الصداقة الحديقة الخلفية و تبدو نجيلة الفندق رويانة
صورة من فندق قصر الصداقة للخرطوم ويبدو برج الفاتح شاخصا على ارض حديقة الحيوان سابقا و على يمينه قاعة الصداقة... قصر الجمهورية الابيض تحتويه اشجار اللبخ الرائعة، هذا الجمال صنعه الاستعمار لم نستطع ان نواصل هذا النهج، و اصبحت مخلفات الاستعمار اجمل ما بني في هذا الوطن
حدائق فندق قصر الصداقة، كان السودان يمكن ان يكون بهذا الجمال و الخضرة اذا استثمر جيدا، و لا خلى الصغير يكبر .. و لا خلى القليل يكتر (محجوب شريف) كبري الفتيحاب الجديد و يبدو كبري الخرطوم امدرمان القديم واضحا
الفناء الخلفي للجمعية التأسيسية،
قبة في شارع مدني الخرطوم، القباب الدينية في السودان متميزة بنهاياتها المدببة و هي قد تكون (حسب فهمي) خليط بين التاريخ السوداني القديم و الاسلامي، و هي اقرب الى الاهرامات منها الى القباب الاسلامية التقليدية التي تميل الى ان تكون نصف كرة منها الى الشكل الهرمي المميز لحضارة الفراعنة. ( بمالمناسبة هذا اجتهاد مني فقط). يعني تنظير ساكت.. ما تشتغلوا بيه كتيـــــــــر.
خالص التحايا العزيز دكتور امجد *صوره الجمعية التأسيسية امدرمان دى طبعا انت اتعمدته تقولها اعتقد لانها الان المجلس الوطنى المنبى هو المبنى والنقيه ياها النقه لااكثر ان اختلف الاشخاص فحين حتى الاشخاص لم يتغيروا ماعلينا
*صورة كبري امدرمان الخرطوم الجديدو يبدو ادني الصورة الشارع المؤدي الى كبري الخرطوم القديم يذكرنى مشاوير الجامعه الاهليه حين تاتى الحافله مكتظه بالطالب فقط ويصبح الجو كاننا فى الشلتر او فى رابطه
*صورة صورة اخرى في اتجاه امدرمان و يبدو على البعد كبري شمبات و في ركن الصورة جامع النيلين هذا الشارع يذكرنى ايام الطفوله فى المورده الابتيداية عندما تاخر العربيه كنا (ندكها كدارى) شله عبر التروتوار الذى فى النص حيث كنا نقطن الى فى منازل التى بالرغم من كلية القادة وحيث يعمل الوالد.
• صورة من خلف قصر الشباب في اتجاه الفتيحاب و و المهندسين و يبدو صهريج الفتيحاب...و الشارع ادن الصورة هو الشارع المؤدي لشارع الاربعين.. الموقع الذى اُخذت منه الصوره اعلاه هو الطابق الاعلى من السرح الذى كان شبه مملوكا لابو عركى البخيت الفنان ولى فيو ذكريات لهذا الرائع وحتى القصر مع بعض الاصدقاء ودراساتهم الموسيقيه..
*صور فندق قصر الصداقة في بحري.. عموما اعتقد ذهبت اليه مره واحده لكن بالجد يعجبنى جدا لهدؤه...بالرغم من اننى امر به احيانا عندما اذهب الى حى الوابورات لزيارة بعض الاصدقاء..
الصور الاسفل اعتقد فيها صور لامدرمان واعتقد ايضا انه حى الركابيه او فى هذه المنطقه اعتقد ذلك ..او قل الاحياء القريبه من الشهداء
*صورة هؤلاء المصبيه (الفاقد التربوى).. لدي معهم ايام فى بعض الدراسات الميدانيه..
سلام جميعا الاخ احمد المرضي شكرا على الطلة الاخ معتز اصبت في كل الشوارع الزقاق في حي مكي و د عروسة و على يمين الزقاق حائط زاوية الاسماعيلية و توجد المنطقة في منتصف خط وتر مستقيم بين بيت ازهري و صينية مكي يعني جخانين امدرمانية عريقة لو تتذكر كلمة جخانين دي... صورة الاطفال من مدينة سنار و هم ابناء ابناء عمومتي و هم كثر في تلك المدينة
اما صورة البص المفتوح الضهرية فقد ارسلتها لان البصات الكورية لا تتحمل سخانة السودان، و يجب فتح غطاء المحرك كي تبرد
صورة تخفيضات عفراء اوردتها لورود خطاء املائي فيها كلمة ذبيح (كتبت بالزاي زبيح ايضا) و هذه من كوارث السودان الانقاذي لا لمينا في عربي و لا انجليزي...
صورة الاطفال هم سكان القماير الاصليين الذين رحلوا من منازلهم بعد توسع الامدرمانيين المرتاحين في الحي المجاور لكلية التربية و قد نسيت اسم ذلك الحي الان مع انني اخدت فيه شاكوش ناعم، و لعل ذلك هو السبب في النسيان
لك مودتي و ستكون هذه آخر مجموعة من الصور فالبقية غير صالحة للنشر
سلامي امجد
05-31-2005, 10:33 PM
معتز تروتسكى معتز تروتسكى
تاريخ التسجيل: 01-14-2004
مجموع المشاركات: 9839
خالص التحايا عزيزنا امجد تشكر كتير ياراجل ماقصرت تب.. ومايجى يوم شكرك الصوره حلوه تشبهك فيها بعض ماسى الوطن الذى يئن وفيها ريحة الصحاب والدروب التى مشيناها..
Quote: صورة الاطفال هم سكان القماير الاصليين الذين رحلوا من منازلهم بعد توسع الامدرمانيين المرتاحين في الحي المجاور لكلية التربية و قد نسيت اسم ذلك الحي الان مع انني اخدت فيه شاكوش ناعم، و لعل ذلك هو السبب في النسيان
الشى البعرفو القماير والخور .. الايكونو جابو اسم جديد من ورانا اور بما اعترانا النسيان..
Quote: صورة تخفيضات عفراء اوردتها لورود خطاء املائي فيها كلمة ذبيح (كتبت بالزاي زبيح ايضا)
لكن مادخلتنا فى اضفارينا يازول نحن نص كتابتنا دى اخطاء املائيه بس انت باركها ساى.. كل مره تجيف يافطه وتعلق على الخطا الذى فيها بقوم ازوغ منها لمن ختمت بيها البوست عديل قلت الدكتور ده الا قاصدنا لوووووووووووووووووووول
Quote: لك مودتي و ستكون هذه آخر مجموعة من الصور فالبقية غير صالحة للنشر
بالتاكيد لن نطالبك بها لانها دخلت فى الخاص فهذا كان كافيا منك ولم تقصر نهائيا عزيزى تشكر كتير جدا جدا... الى بوست اخر ابقى بعافية..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
خضر حسين خليل
Adrob wad Elkhatib
معتز تروتسكى
.
؟
محمد أبوجودة
jini
yumna guta
ALGARADABI
Yasir Elsharif
إسماعيل التاج
Ahmed Elmardi
فيس بوك
تويتر
انستقرام
يوتيوب
بنتيريست