|
في طريقة اخش بيها كلية الشرطة؟؟؟؟؟؟؟؟.........
|
بالله شوفوا المحن دي انا لمن دخلت كلية العلوم السياسية كانت عن رغبة ولمن جينا التخصص برضو اخترت تخصص في الدراسات الاستراتيجية والبت عملت فيها فااااااالحة واصريت اني اتخرج بي درجة شرف(خمس سنوات) وبعديها طوااااااااالي دست بنزين وحضرت الماجستير برضو في الدراسات الاستراتيجية عشان اعمل فييييييد بااااااااك قوي ادخل بيه الشرطة على طولي وبدون ..... يعني بي ورقي لكين خساااااااااااارة لا نفعتني الرغبة ولا نفعني الامتياز الي جبته في الماجستير ليييييييييه بقول كدا عشاااااااان قفلوها في وشي ناس .............. يلا اسع وروني طريقة أخش بيها كلية الشرطة
ميادة
|
|
|
|
|
|
|
|
Re: في طريقة اخش بيها كلية الشرطة؟؟؟؟؟؟؟؟......... (Re: خالد العطا)
|
الاخ خالد مساء الخير
Quote: اغطي ع البنزيييييييين شديد لما تظهر ليك واســـــــــطة |
حكاية الواسطة دي ما شايلاها لانو لو واحد شغلك بي واسطة معناه في نظري اهانك المفروض يعتمدوا على قدرات الزول وامكاناته مش واسطته للاسف دى حال البلد
تخريمة لو على الواسطة ياني الما اشتغلت
اقعدوا عاااااااافية شكرا على المرور
| |
|
|
|
|
|
|
Re: في طريقة اخش بيها كلية الشرطة؟؟؟؟؟؟؟؟......... (Re: mayada kamal)
|
الاخت ميادة تحياتي المثل بقول الجري والطيران النعامة ما لقتن
يااختي مبروك الماستر في الدراسات الاستراتيجية ودفعتك المشو كلية الشرطة يادوبهم يكونو نالو ليسانس القانون والدراسات الشرطية
اقصر طريق ليكي في اعتقادي تقومي تحصلي علي الدكتوراة في الدراسات الاستراتيجية وربنا يوفقك في العمل كاستاذة بكلية الشرطة
وبالتوفيق
| |
|
|
|
|
|
|
Re: في طريقة اخش بيها كلية الشرطة؟؟؟؟؟؟؟؟......... (Re: عمر صديق)
|
الاخ عمر سلاماااااااااااااات
Quote: الاخت ميادة تحياتي المثل بقول الجري والطيران النعامة ما لقتن
يااختي مبروك الماستر في الدراسات الاستراتيجية ودفعتك المشو كلية الشرطة يادوبهم يكونو نالو ليسانس القانون والدراسات الشرطية
اقصر طريق ليكي في اعتقادي تقومي تحصلي علي الدكتوراة في الدراسات الاستراتيجية وربنا يوفقك في العمل كاستاذة بكلية الشرطة
وبالتوفيق |
شكرا على النصيحة الجميلة بس ذكرتني بي كلام حبوتي لمن سمعت قالوا ليها ميادة بت ...... (اسم امي يعني) عملت ماجستير قالت ليهم دي بمشوا بيها وين دي كمان البت دي ما نصيحة ونادتني وادتني مؤؤنة عام (على قول اخونا محمد فرح )من الاحباط اها انا كمان بقول ليك الدكتوراة حاعمل بيها شنو طالما الماجستير ما عمل لي شئ وبعدين كمان الكيزان الله يديهم العافية عندهم فهم غريب كدا بيقولوا ليك ما بيعينوا بنات طيب مخاليق ربنا الكتار ديل من البنات والفايتين عدد الاولاد حتى في الجامعات يمشوا وين اها كفاك ولا نزيدك ههههههههههههههههههه شكرا على مداخلتك
| |
|
|
|
|
|
|
Re: في طريقة اخش بيها كلية الشرطة؟؟؟؟؟؟؟؟......... (Re: mayada kamal)
|
الاستاذه مياده تحياتي
Quote: حكاية الواسطة دي ما شايلاها لانو لو واحد شغلك بي واسطة معناه في نظري اهانك المفروض يعتمدوا على قدرات الزول وامكاناته مش واسطته للاسف دى حال البلد |
عندنا ابن عمنا كان عاشق للشرطه قدم الكلية اجتاز كل المعاينات و لسبب ما تأجل فبوله للعام التالي لم ينتظر قدم اتعين شرطي نفر لحدي ما فات سنة و رجع جخل الكلية وتقاعد قبل عدة سنوات برتبة اللواء
لو مصره اقرب بسط امن شامل
| |
|
|
|
|
|
|
|