|
معقول !! الملياردير عصام الخواض فى المنبر معانا ؟؟
|
01-07-2008, 00:31 ص
Esam El-Khawad
.
تاريخ التسجيل: 27-06-2008 مجموع المشاركات: 4
مرحبا بك عصام الخواض ... وياريت تحكى لينا تجربتك فى الحياة عشان نستفيد منها
باقى انا نفسى ابقى مليونير ...
حليل عصام باسطا ... وحليل نادى المكتبه القبطيه .. وحليل ايام اليدامه المفتوحه
والله كان زمنا جميل ...
ديكو
|
|
|
|
|
|
|
|
Re: معقول !! الملياردير عصام الخواض فى المنبر معانا ؟؟ (Re: DEEK_ALJIN)
|
الحبيب ديك الجن
لك التحية والتقدير
دعنى ارحب اولا بعودتك للمنبر فانا منذ سنين لم ارى اسمك وما عارف كنت مختفى وين الحمد لله على السلامة
وجميل ان يكون فى معيتك ملياردير
فالف اهلا وسهلا به بيننا
ولاول مرة ارى ملياردير صغير فى السن مثل اخونا الخواض
عموما الخواويض لدينا فى مدنى ناس قروش من يومهم فان كان منهم فلن استغرب فالديك من يومو عوعاى ..
اما ان كان عصاميا فقطعا لن يبخل علينا بالمشورة لا سيما ونحن ننادى بذلك منذ أمد...
على الاقل لن يبخل علينا بالتمويل ( وجه ضاحك جدا ) ..
الف مرحب بالاخ عصام الخواض ونورت الديار يا سيدى
| |
|
|
|
|
|
|
Re: معقول !! الملياردير عصام الخواض فى المنبر معانا ؟؟ (Re: SANAA SABIR)
|
Quote: يا اخوانا ما تخلوا الراجل فى حالوا ....(( البعرفونا ما يحضرونا))... ده بدل نرحب بيهو ونقول الاداك بالملعقة يدينا
بالكوريك.....نقوم نشن عليهو حملة ونذكروا بايام الفقر وايام المكتبة القبطية يا ديك الجن و الباسطة وكدة .... وبعدين يا ديك بيع
الباسطة ما عيب ..... انا خالى طيفور مشهور بعربية الباسطة يلفلف شوارع قريتنا حجر الطين دى لمن باستطوا سكرها يبقى ملح .... الذول
مسكين ياخ شكلوا مهذب شديد .... ود نضيف ووجيه ...من قميصه الابسه دة ود عذ عذ اكيد brand name
ما تطفشوا الود ساى عشان نقول لاصحابنا .... والله ياهو كنا بنتونس امبارح فى البورد مع صاحبناالملياردير عصام الخواض وكدة
....اصحابنا ذاتهم بعد كدة بحترمونا...اصلوا(( كل يا كومى قبل فومى )) ودة السبب البيكون خلا
الذول دة يبقى غنيان ويجتهد لانوا السودان (( ادينى قرش اطبل ليك )) وبيكون عرف معادن الناس واكيد بيستهذا بيهم لمن يكون قاعد فى
لحظة تامل بينه وبين الماضي ...عرف ليك الناس دى جزم
وبعدين الغنى بعد الفقر ما عيب وماف ذول مولود فى السودان ده وفى خشموا ملعقة دهب ...الهم الا من رحم ربى الابائهم
كانوا مرمطونات مع الانجلي زيعنى انا لو الله فتحها على فى يوم من الايام ما اجيكم هنا تانى ولا شنو....!!! اكيد حتذكروا لى حجر الطين
بلدي وغنم حلتنا وطاحونة ابوى وحمارة عمى كنتباى وراكوبة امى العازة....يعنى حشيلو حالى....
قالوا زمان فى واحد سمين كل ما يمشى ينادوا يا سمين يا جخس قام من الحرقة بقى شاعر وكتب يقول:
انتو ملكم ومالى ****
يا الشايلين حالى*****
ياالخاشين كدة طوالى****
ان شاء الله امشي الفرن الالى****
واكل باسطة بالصوانى ****
وابقي سمين زى مرة خالى****
يا البتطقعوا الناس بالبلالى****
ملحوظة لود الخواض :
شايف الناس كلها مدت قرعتها تشحد الولد مساعدات على غرار(( ذوى
القلوب الرحيمة )) ..... انا زاتى كان لقيت لى كدى شغلانية بسيطة فى
مجموعتك (( عصام الخواض )) اكون شاكرا ....اصلوا انا اليمن دى عمرى ما
حاركب فيها عربية زى الناس...(( ليبيا واليمن مضيعة زمن ))
صابر ____ من صنعاء اليمن |
تيبكال سودانيز...100% سوداني ما نقص واحد في المية..
الفرق بينا وبينك يا اخ صابر انك مديت قرعتك لحاجة تخصك ونحنا مدينا قرعتنا لحاجة تخص ناس تانين لا يمتون لنا الا بصلة الانسانية وكلامك الهنا دا كلام مخجل لا يهمنا من عصام لا اسع و لا قبل ذلك مادم يشارك بالكتابة المفيدة.. يا ناس اسمو بارواحكم بطلو حقد وحسد بالله... بيان في حملتها ضد التبخيس
| |
|
|
|
|
|
|
Re: معقول !! الملياردير عصام الخواض فى المنبر معانا ؟؟ (Re: د.نجاة محمود)
|
Quote: تيبكال سودانيز...100% سوداني ما نقص واحد في المية..
الفرق بينا وبينك يا اخ صابر انك مديت قرعتك لحاجة تخصك ونحنا مدينا قرعتنا لحاجة تخص ناس تانين لا يمتون لنا الا بصلة الانسانية وكلامك الهنا دا كلام مخجل لا يهمنا من عصام لا اسع و لا قبل ذلك مادم يشارك بالكتابة المفيدة.. يا ناس اسمو بارواحكم بطلو حقد وحسد بالله... بيان في حملتها ضد التبخيس |
يا دكتورة انا بلطف الجو وبهازر مع ديك ساكت والله....على طريقة البالتوك وما قصدتك انت فى مد القرعة يعلم الله بس فى بوست عصام التانى
المفتوح بهناك ضحكنى النعيم بطريقة مدو للقرعة عملها بطريقة ظريفة ..... وانا ما انتبهت الا حسي انك طلبت مساعدة ....اكيد دى مى
حاجة بتاعت هزار .....اسف مرة اخرى .... ولك العتبى حتى ترضى يا دكتورة...
صابر_______صنعاء
| |
|
|
|
|
|
|
Re: معقول !! الملياردير عصام الخواض فى المنبر معانا ؟؟ (Re: د.نجاة محمود)
|
Quote: د.نجاة محمود سوري يا صابر متاسفين جدا على سوء الفهم ابولوجي اكسبتد يلا اتوسط للناس ديل بالله بالجد محتاجين.. |
تسلمى يا دكتورة والله ما تخيلى انا اتحسست كيف وشعرت بالخجل.... لانوا انت من اول الناس الانا بضع ليهم وزن هنا كبير واحترام من دخولى
المنبر... وكونى ازعلك دى كان اخر شئ اتوقعوا او حتى امسك بكلمة....اشكرك على رحابة صدرك ...اما بالنسبة للوساطة انا ما بعرف ذول
من المقتدرين ماليا ديل بسمع بيهم سايفى الجرايد وال TV لكن دة ما يمنع نطلب منهم يد العون هنا وكان فى مقدورهم وعاوزين ثواب يلبوا
الطلب... نجرب ....الارضة جربت الحجر....
صابر ______صنعاء
| |
|
|
|
|
|
|
Re: معقول !! الملياردير عصام الخواض فى المنبر معانا ؟؟ (Re: SANAA SABIR)
|
حبيبنا صابر .. ياخى ماتصلح اسم الدخول بتاعك .. شنو صنعاء صابر
لانو فى ناس كتار بيسلمو عليك سناء ازيك ... هسى تلقاهو فى واحد بيحبك اسفيريا وقايلك
جكسويه نضيفه اسمها سناء
ياخى ماتلعب بمشاعر الناس كده ...
انا ماببخس والله ياصابر ... ولا حاقد ..بس لما تبقى غنيان فى سنه ... الا تكون جاتك ليلة القدر
وحليل ايام البالتوك
| |
|
|
|
|
|
|
Re: معقول !! الملياردير عصام الخواض فى المنبر معانا ؟؟ (Re: DEEK_ALJIN)
|
Quote: حبيبنا صابر .. ياخى ماتصلح اسم الدخول بتاعك .. شنو صنعاء صابر
لانو فى ناس كتار بيسلمو عليك سناء ازيك ... هسى تلقاهو فى واحد بيحبك اسفيريا وقايلك
جكسويه نضيفه اسمها سناء
ياخى ماتلعب بمشاعر الناس كده ...
انا ماببخس والله ياصابر ... ولا حاقد ..بس لما تبقى غنيان فى سنه ... الا تكون جاتك ليلة القدر
وحليل ايام البالتوك |
LOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOL
ya deek wlahi d7ktani shadeed zay ma inta 3aref huna maf mic w keda w alshbab bitkaser min ylga esm chixoia....
| |
|
|
|
|
|
|
|