|
|
 يـومـيـات سـائـق ركـشـة
|
مدخل
الركشة وسيلة من وسائل المواصلات الوافدة مثلها مثل باقي المركبات العامة والتي تجول شوارع السودان طولاً وعرضاً
شرقاً وغرباً شمالاً وجنوباً, ورغم كثرة المركبات لم يطراء إي تنظيم في خطوط السير , لذلك تجد الإختناقات في كل ناصية
صينية وحتي في وجود بوليس المرور وقد شاهدت كل هذه المناظر بأم عيني خلال إجازتي السابقة واخص منها محطة (7)
الصحافات وكده  بحكم إقامتي .
منذ دخول الركشة للسودان غيرت كثيراً جداً في سلوك السودانيين وأصبحت مثل حبة البندول في متناول الجميع ( مع انو صاحبي
عادل جبارة جاء قريب من السودان وقال لي والله البندول بقي ما متوفر ) وذلك لصغر حجمها وتستطيع التوغل في الشوارع
الضيقة بكل يسر وسهولة , وقد أدمنت امهاتنا ركوبة الركشة لأنها تتماشي مع ظروفهن المعيشية ويستطعن ان يحملن فيها أكياسهن
البلاستيكية البسيطة من متطلبات المعيشة ( خضار ولحمة وخلافه ) , كما إتخذ منها الشباب وسيلة لكسب لقمة العيش وذلك بعد
تضاءل فرص العمل في القطاعين العام والخاص .
أصبحنا وأصبح الملك لله هكذا أبداء يومي وأنا ذاهب لقيادة سيارتي الفاخرة ( عقواً ركشتي الفاخرة ) وحتي تكون ركشتي أكثر
جاذبية أقوم بتنظيفها وتلميعها حتى تسر الناظرين قصدي الراكبين , عندي طالبة صغيرة في الصف الرابع الابتدائي عكفت علي
توصيلها لمدرستها بأجر متفق عليه مع والدها وبعد ذلك أجوب الشوارع بحثاً عن الرزق , لا التزم كثيراً بخط السير المهم الحصول
علي ركاب .
وفي صباح يوم غائم جزئياً ذهبت لترحيل طالبتي الوحيدة وبعد أن اطمئنيت على دخولها المدرسة حصلت معي طرفة كانت هي
السبب لسرد هذه القصة وفي شوارع امبدة تحديداً إستوقفتني إمراة في العقد الرابع من عمرها وقالت لي يا ولدي ماشة لي مشوار
لأمبدة السبيل , اها يا وليدي بكم بتوصلني قلت ليها البقسمو الله يا حاجة ما بنختلف .
ذهبنا مباشرة إلي أمبدة السبيل طلبت مني اوقف الركشة وبالفعل اوقفت الركشة وقالت لي اصبر شوية يا وليدي بدخل البيت ده وبجيك
صادة , طبعاً إنتظرت وده معناهو مشوار ( ثمين ) والإيراد خلاص تمه تمه , مرق شافع من البيت صغير قلت ليهو يا ولد عليك الله
اديني مويه اشرب ما قصر جاب لي الموية شربت , شويتين كده جات الحاجة وشايلة ليها كيس في يدها وقالت لي عليك الله وديني
الفتيحاب , طبعاً أنا ما صدقت علي طول إتحركت وأقرب محطة بنزين كبيت فيها ( نص بنزين وزيت ) بـ 500 جنيه وعلي طول
للفيتحاب , طبعاً بسوق داخل الشوارع خوفاً من القطع ( جماعة شرطة المرور وكده ) ونحنا داخل الفتيحاب طلبت مني ان اتوقف
وبالفعل اوقفت الركشة كالمرة السابقة وقالت لي اصبر شوية يا وليدي بدخل البيت ده وبجيك صادة , وانا في داخلي بقول يا رب
تكثر المشاوير المهم ما أتاخرت كتير وجاتني صادة اها يا وليدي عايزاك توديني العرضة الزرائب , برضو شاققت بـ المهندسين
ومقابر حمد النيل خوفاً من القطع , وصلنا الزرائب نزلت ووقفت تجادل صاحب الزريبة حتى إشترت منو شاف وطلح ومقاشيش
المهم مرقنا من الزريبة وطلبت مني اوديها سوق ام درمان ابو مرين وديتا السوق إشترت ليها ( حنه وبخور تيمان ) وبعد داك
قالت لي وديني الثورة وأثناء ذهابنا للثورة أنقطع ( سلك جربوكس ) وما في طريقة إلا امشي ( المسالمة ) ورش النقادة في شارع
الشنقيطي قرب مقابر اخوانا المسيحين , إشتريت السلك واخدت من بتاع الورشة زردية ومفتاح ( 6-7 ) صلحت السلك ومشينا
للثورة وتاني طلبت مني اقيف ليها وبالفعل وقفت دخلت ليها بيت وطلعت منو بعد نصف ساعة تقريباً بتوقيتي انا , بس المرة
دي غيرت الكيس بـ شنطة , قلت ليها اها علي وين العزم يا حاجة قالت لي وديني ( ابو روف ) مشينا ابو روف قلبي وجعني
سألتها وين في ابوروف يا حاجة قالت لي البحر قلت خلاص اكيد عايزة تشتري ليها فخار , وصلنا البحر ( النيل ) طلبت مني
انزلا وبالفعل اوقفت الركشة ونزلتها قالت لي هاك دخل لي الشنطة دي في الباخرة عشان الحق العمرة .
طبعاً في اللحظة دي شوفت الدنيا دارت بي وإنصدمت صدمة عربية مجروس وقلت ليها يا حاجة عمرة شنو ؟؟ دي ابو روف
قالت لي يا ولدي ده ما البحر خلاص ارح الباخرة !!! باخرة شنو يا امي وقدر ما حاولت معاها انو نحنا في ابوروف حلفت
ستين يمين ما تنزل إلا في الباخرة وفي هذه اللحظات بقيت افكر في الإيراد وصاحب الركشة والمسألة جاطت في راسي
جوطة شديد خلاص وفي النهاية فكرت انزلا عند ناس ( بسط الأمن الشامل ) وأديتهم الفيها النصيب وبقيت في الطريقة
البتوصلني البيت عشان امشي انوم وأصحي يمكن أكون بحلم
هسع عليكم الله اضحك ولا ابكي ( إهي إهي إهي )
ا
|
|
 
|
|
|
|
|
|
|
 Re: يـومـيـات سـائـق ركـشـة (Re: محمد عثمان)
|
Quote: الشفيف هااشم...
الف حمد لله بالسلاااامة
و شكرا للحكااية...
يديك العاافية... |
الوجيه محمد عثمان يأخي والله الشوق بحر
مشتاق ليك كتير جداً بس ظروف العمل هي السبب
بنتقابل كان بقينا حيين
| |
|
|
|
|
|
|
|
|
 Re: يـومـيـات سـائـق ركـشـة (Re: هاشم أحمد خلف الله)
|
هاشم يا عمك...
لمن بديت اقرا في القصة كدا و لما وصلت نصها قلت هاشم دا جن ولا شنو
ولا يكون غير القناة معقول بوست طويل عريض في مرة واحدة كبيرة و شافعة في رابعة ابتدائي
معقول مافي بكى
قلت يكون منقول ولا حاجة
لغاية ما وصلت النهاية | Quote: هسع عليكم الله اضحك ولا ابكي |
عرفتك كاتبه انت
أبكي ابوي ... ابكي
اصلك متسبل
كاااااااااكـ
| |
|
|
|
|
|
|
|
|
|
Re: يـومـيـات سـائـق ركـشـة (Re: محمد البشرى الخضر)
|
Quote: هاشم يا عمك...
لمن بديت اقرا في القصة كدا و لما وصلت نصها قلت هاشم دا جن ولا شنو
ولا يكون غير القناة معقول بوست طويل عريض في مرة واحدة كبيرة و شافعة في رابعة ابتدائي
معقول مافي بكى
قلت يكون منقول ولا حاجة
لغاية ما وصلت النهاية
Quote: هسع عليكم الله اضحك ولا ابكي
عرفتك كاتبه انت
أبكي ابوي ... ابكي
اصلك متسبل |
والله لكن يا ود البشرى لقيتك صاحي
يعني البكاء بقي علامة مسجلة
لكن القصة دي حقيقية وحكاها لي ود خالتي قمت انا
ختيتا في القالب ده
| |
|
|
|
|
|
|
|
|
|
Re: يـومـيـات سـائـق ركـشـة (Re: هاشم أحمد خلف الله)
|
هاشم ازيك..
مشتاقين ..
طبعا الركشه على ايامنا في السودان كانت يا داب ظاهره ..
قالوا في حجه جايه من الشماليه ..
شايله شنطة حديد تقيله ..
اظن تكون مزروده تمر ..
اها واقفه في الشارع قدر ما تاشر للتكاسي ما دايره تقيف ليها ..
بالاخر جاء بتاع رقشه ..
قالت ليه ياولدي ماشه الصحافة ..
اها توديني بى كم ؟
بتاع الرقشه عاين للشنطه وعاين ليها وقدر انه ممكن يشيلم ..
بعدين قال ليها بوصلك يا حجه بى كده ..
قالت ليه و الشنطه ؟
قال ليها مجان ..
قالت ليه خلاس يا ولدي ودى لي الشنطه ..
انا بجي وراك بي كرعي ..
عاطر تحياتي للاسرة الكريمة
| |
|
|
|
|
|
|
|
|
|
Re: يـومـيـات سـائـق ركـشـة (Re: محمد على طه الملك)
|
Quote: هاشم ازيك..
مشتاقين ..
طبعا الركشه على ايامنا في السودان كانت يا داب ظاهره ..
قالوا في حجه جايه من الشماليه ..
شايله شنطة حديد تقيله ..
اظن تكون مزروده تمر ..
اها واقفه في الشارع قدر ما تاشر للتكاسي ما دايره تقيف ليها ..
بالاخر جاء بتاع رقشه ..
قالت ليه ياولدي ماشه الصحافة ..
اها توديني بى كم ؟
بتاع الرقشه عاين للشنطه وعاين ليها وقدر انه ممكن يشيلم ..
بعدين قال ليها بوصلك يا حجه بى كده ..
قالت ليه و الشنطه ؟
قال ليها مجان ..
قالت ليه خلاس يا ولدي ودى لي الشنطه ..
انا بجي وراك بي كرعي ..
عاطر تحياتي للاسرة الكريمة |
ود الملك بركة في الشوفة والله لو كنتا عارف الركشة بتجيبك
كان رسلت ليك أمجاد عديل كده
طمني بالله علي اوجاع الضهر والذي منو
تحياتي للاهل وربنا يديك الصحة والعافية
| |
|
|
|
|
|
|
|
|
|
Re: يـومـيـات سـائـق ركـشـة (Re: هاشم أحمد خلف الله)
|
هاشم
ألسلام عليكم....
Quote: لكن القصة دي حقيقية وحكاها لي ود خالتي قمت انا
ختيتا في القالب ده |
ألقالب ده ما كبير شوية...لكن حلوة برضو..حكاها ليك إنت كمان.....
تحياتى..ومودتى...
إسماعيل محمد احمد عباس.....
| |
|
|
|
|
|
|
|
|
|
Re: يـومـيـات سـائـق ركـشـة (Re: محمد على طه الملك)
|
Quote: شكرا هاشم..
من تسمع طقطقة الكي بورد
معناته السيخه استعدلت ..
ان شاء الله يكون سيخك مسلح |
لحدي هسع دي سيخي مسلح والحمد لله
لكن بيني وبينك الوزن زاد حبتين
والمنبر ده بقي لينا زي الافيون ما بنقدر نبعد منو
كل الناس الحلوين موجودين فيهو ولا كيف ؟؟
| |
|
|
|
|
|
|
|
|
|
Re: يـومـيـات سـائـق ركـشـة (Re: ismeil abbas)
|
Quote: هاشم
ألسلام عليكم....
Quote: لكن القصة دي حقيقية وحكاها لي ود خالتي قمت انا
ختيتا في القالب ده
ألقالب ده ما كبير شوية...لكن حلوة برضو..حكاها ليك إنت كمان.....
تحياتى..ومودتى... |
سمعة الوجيه القالب ما كبير ولا حاجة لكن القصة بتحتاج لقالب اكبر من ده
والأجمل نهاينا ( سيك عديل كده وفي القبول كمان )
| |
|
|
|
|
|
|
|
|
|
Re: يـومـيـات سـائـق ركـشـة (Re: هاشم أحمد خلف الله)
|
ــــــــ
Quote: مشينا ابو روف قلبي وجعني سألتها وين في ابوروف يا
حاجة قالت لي البحر قلت خلاص اكيد عايزة تشتري ليها فخار , |
دي حلوه شديد,,,,,,,,,,
Quote: هسع عليكم الله اضحك ولا ابكي ( إهي إهي إهي )
|
تعرف أستاذنا هاشم ,,,
أنا لوكنت في مكانك أدي الركشة كم شلوت محترمات
تحياتي
(عدل بواسطة emad altaib on 07-04-2008, 07:43 PM)
| |
|
|
|
|
|
|
|
|
|
Re: يـومـيـات سـائـق ركـشـة (Re: Saifeldin Gibreel)
|
| Quote: سلام يا هشام نحن من زمن الدفار واصل الحكي الجميل عن الحياة اليومية... |
الحبيب سيف الدين جبريل يا حليلك ياالنائم علي حيلك
بالله من زمن الدفار كان الله في عونك يا وجيه
بالنسبة للحكي بنحكي بس نلاقي لينا زمن .
| |
|
|
|
|
|
|
|
|
|
Re: يـومـيـات سـائـق ركـشـة (Re: emad altaib)
|
Quote: دي حلوه شديد,,,,,,,,,,
Quote: هسع عليكم الله اضحك ولا ابكي ( إهي إهي إهي )
تعرف أستاذنا هاشم ,,,
أنا لوكنت في مكانك أدي الركشة كم شلوت محترمات
تحياتي |
عمدة يا حبيب ولا تزعل اديها بالشلوت علي طول
بايظة بايظة
| |
|
|
|
|
|
|
|
|
|
Re: يـومـيـات سـائـق ركـشـة (Re: الطيب شيقوق)
|
Quote: هشومي الظريف كيفك مع الرقشات والخفشات الظريفة
لؤلؤ
Quote: تودّينا البحر ؟
لا ده بودى المقابر طوالي |
شيقا الحبيب سلامات كيف حالك وازيك
ياخوي الرقشات حلوات وظريفات لكن الما فهمتا
لؤلؤ ؟؟؟
قصدك تودبنا البحر عديل كده ؟؟؟
| |
|
|
|
|
|
|
|
|
|
Re: يـومـيـات سـائـق ركـشـة (Re: هاشم أحمد خلف الله)
|
Quote: انزلا وبالفعل اوقفت الركشة ونزلتها
قالت لي هاك دخل لي الشنطة دي في الباخرة
عشان الحق العمرة . |
أبو أحمد
كيفك يا رجل
شكلة دي ما شة عمرة وزوقة
الرقشات في السودان بقى ليه أحلام وهموم
ولو شفت الكتابة فيها ساي بالظهر وبالجنبات سبورة بس
تعكس حالات إجتماعية (مرهقة وممتعة )
تسلم يا الحبيب
مع خالص ودي
| |
|
|
|
|
|
|
|
|
|
Re: يـومـيـات سـائـق ركـشـة (Re: سيف بخيت موسي)
|
Quote: أبو أحمد
كيفك يا رجل
شكلة دي ما شة عمرة وزوقة
الرقشات في السودان بقى ليه أحلام وهموم
ولو شفت الكتابة فيها ساي بالظهر وبالجنبات سبورة بس
تعكس حالات إجتماعية (مرهقة وممتعة )
تسلم يا الحبيب
مع خالص ودي |
الحبيب الغالي سيف الدين بخيت
مشكور كتير علي المرور وفعلاً
الركشة اصبحت حلم كل إنسان بسيط
بيحلم بلقمة عيش ليهو ولعيالو
وفي السودان بيقولوا عليها النقاطة
اما بالنسبة للكتابة في الركاشات
فحدث ولا حرج .
| |
|
|
|
|
|
|
|
|
|
Re: يـومـيـات سـائـق ركـشـة (Re: سيف بخيت موسي)
|
يا سواق الكشة
او هكذا تناديها بنت المغيرة شقيقى
ما بتعرف تقول الركشة نهائى
المهم يا صحبى
الركشة دى اول مرة اشوفا كان عندنا زول زميلنا فى جريدة الايام
وكان مصور الكلام دا فى (التمانينات )
عندو الركشة دى
لكن ما كان اسمها الركشة
بنقول موتر قيلى
لمن مشيت السودان مؤخرا
لقيت ليك الزولة دى مترترة ماليه الواطة
يوم بتفرج فى فيلم هندى
قعدت اكورك لناس البيت
ـ اجروا تعالو شوفوالركشة
قاموا قالو لى
ـ اول مرة تعرفى كده ؟ هى مااصلا هندية
بالله شوف ؟
لكنها اغلى من التكسى مرات
واكتر حاجة كنت بتونس م السواقين بتاعينها لانه مشوارى بعيد
من المسرح لامبدة
واتصاحبت ليك مع بتاعين الركشات
لقيت ليك معظمهم خريجين او ضباط شرطة فى المعاش
اطرف قصة كانت مع شاب عنده ركشة
يوم اخدت الركشة من باب المسرح
طبعا لازم نمر ببوابة عبد القيوم وقبالها بالطابية
وكلماسالته من واحدة فيهم
يقول لى
ـ مابعرفا
زهجت ليك منه زهجة
لانه كبير وخريج كمان مش حاجةبتزهج ؟
مع انه بعرف بوب مارلى وارنستوتشى جيفارا ؟؟؟؟؟؟
| |
|
|
|
|
|
|
|
|
|
Re: يـومـيـات سـائـق ركـشـة (Re: سلمى الشيخ سلامة)
|
Quote: يا سواق الكشة
او هكذا تناديها بنت المغيرة شقيقى
ما بتعرف تقول الركشة نهائى
المهم يا صحبى
الركشة دى اول مرة اشوفا كان عندنا زول زميلنا فى جريدة الايام
وكان مصور الكلام دا فى (التمانينات )
عندو الركشة دى
لكن ما كان اسمها الركشة
بنقول موتر قيلى
لمن مشيت السودان مؤخرا
لقيت ليك الزولة دى مترترة ماليه الواطة
يوم بتفرج فى فيلم هندى
قعدت اكورك لناس البيت
ـ اجروا تعالو شوفوالركشة
قاموا قالو لى
ـ اول مرة تعرفى كده ؟ هى مااصلا هندية
بالله شوف ؟
لكنها اغلى من التكسى مرات
واكتر حاجة كنت بتونس م السواقين بتاعينها لانه مشوارى بعيد
من المسرح لامبدة
واتصاحبت ليك مع بتاعين الركشات
لقيت ليك معظمهم خريجين او ضباط شرطة فى المعاش
اطرف قصة كانت مع شاب عنده ركشة
يوم اخدت الركشة من باب المسرح
طبعا لازم نمر ببوابة عبد القيوم وقبالها بالطابية
وكلماسالته من واحدة فيهم
يقول لى
ـ مابعرفا
زهجت ليك منه زهجة
لانه كبير وخريج كمان مش حاجةبتزهج ؟
مع انه بعرف بوب مارلى وارنستوتشى جيفارا ؟؟؟؟؟؟ |
بت الشيخ الحبيبة مرورك بنكهة المنقة والفروالة
انا برضو سواق الكشة
انتي عارفة يا سلمي الزمن ده في السودان بقي زمن كيف توفر قروش
حليل زمن المعرفة والإطلاع وبالمناسبة دي احكي ليك قصة حصلت
معاي , كنت بدرس في مصر في معهد لندن للعلوم الإدارية تخصص
إدارة فنادق المهم بعد الإنتهاء من الأمتحانات كان هناك كورس تطبيقي
في فندق النيل , في الإستقبال والكاشير ووقتها اذكر المدير الليلي كان
بتونس معاي وكل ما يسأل عن إي موضوع أدبي او سياسي يلاقي
عندي الإجابة بعد شوية صفق بيده الإثنين وقال لي تعرف يا هاشم
انا اولادي جامعيين لكن عندهم جهل ثقافي وسياسي والله الأسئلة
اللي سالتك ليها دي واحد فيهم جاوب عليها مافي ( اللهم أحفظنا من كلمة أنا )
| |
|
|
|
|
|
|
|
|
|
Re: يـومـيـات سـائـق ركـشـة (Re: هاشم أحمد خلف الله)
|
هاشم
أسمع القصة دي .. وحصلت والله بالجد جد في إجازتي الهسة دي !!
كنت جاي راجع من بيتكم حوالي الساعة سبعة مساء برجليني طبعا .. وفي نص شارع جبرة لقيت بتاع ركشة واقف وجنبه اتنين حبشيات وشكله وكوارييك لي رب السماء .. وقفت اتفرج .. بعد شوية (موبايلي) رن .. فتحت الخط لقيتها زوجتي : ألو كيفك إنت وين ؟ قلت ليها راجع خلاص في شارع جبرة .. قالت لي : أقيف أقيف !!! الصوت ده شنو ؟ ديل حبشيات ؟ قلت ليها أيوه .. قالت لي : واحدة لابسة بنطلون جنز والثانية إسكيرت بمبي ؟ قلت ليها أأأي !! في شنو شفتيهم ويين ؟ قالت لي : أمسكهم أوعه تخليهم ديل قبل شوية دخلوا بيتنا لقوا الباب فاتح وانقشطوا جوه الحمام وشافتهم آلاء وصرخت وصرخنا كلنا وجونا الجيران جارين ومسكوهم طلهوهم برة وكان في بتاع ركشة منتظرهم قال البنات ديل لافين بيهو من العصر ما خلوا الديم والأمتداد والصحافة شرق وغرب وجابوه هنا قالوا ليهو ده بيت أختنا نجيب ليك القروش ونجي !! المهم أخذوا النصيب من الشتم والتهديد وبتاع الركشة قال لازم تمشوا معاي القسم الجيران قالوا ليهو يازول أمشي براك حل موضوعك بعيد من هنا وتاني ما نشوفك لا إنت ولا هم في الشارع ده ..
يا زول بعد سمعت القصة من زوجتي .. قربت منهم وسألت بتاع الركشة .. المشكلة شنو يا زول ؟ قالي نفس القصة وزاد عليها إنو موديهم القسم وهم ما راضين وعايزين يتلبوا من الركشة .. يا بنات إنتو ليه ما عاوزين تدوا الزول ده قروشوا .. قالوا ما عندنا قروش وما لاقين بيت خالنا !! طيب إنتوا قبل شوية دخلتوا بيت في الشارع داك وإدسيتوا في الحمام ؟ بتاع الركشة نط وقالي أيوه أيوه وقالوا لي ده بيت خالنا .. وفي اللحظة دي جو جماعة من الحلة طوالي استلموا الموضوع ركبوهم في عربية وبتاع الركشة وراهم وتوشك على القسم ..
وهناك تصدق مافي أي حل ؟؟ البنات قالوا للشرطة ماعندنا قروش والعايزين تعملوهوا أعملوه .. الولد بتاع الركشة قعد يبكي وطلب الأتصال على مالك الركشة لأنو ما حيصدقوا .. ولغاية هنا لقيت الساعة عملت عشرة بالليل خليتهم ومشيت !!!
| |
|
|
|
|
|
|
|
|
|
Re: يـومـيـات سـائـق ركـشـة (Re: عادل جبارة)
|
Quote: بعد شوية (موبايلي) رن .. فتحت الخط لقيتها
زوجتي : ألو كيفك إنت وين ؟ قلت ليها راجع خلاص
في شارع جبرة .. قالت لي : أقيف أقيف !!! الصوت ده شنو ؟
ديل حبشيات ؟ قلت ليها أيوه .. قالت لي : |
حبينا عادل جبارة ،، سلام
والله انا خفت مرتك توديك في خبر كان لكن طلعت بسيطة
وخاب ظني " ظن السوء"
تسلم
وفي امان الله
| |
|
|
|
|
|
|
|
|
|
Re: يـومـيـات سـائـق ركـشـة (Re: عادل جبارة)
|
Quote: هاشم
أسمع القصة دي .. وحصلت والله بالجد جد في إجازتي الهسة دي !!
كنت جاي راجع من بيتكم حوالي الساعة سبعة مساء برجليني طبعا .. وفي نص شارع جبرة لقيت بتاع ركشة واقف وجنبه اتنين حبشيات وشكله وكوارييك لي رب السماء .. وقفت اتفرج .. بعد شوية (موبايلي) رن .. فتحت الخط لقيتها زوجتي : ألو كيفك إنت وين ؟ قلت ليها راجع خلاص في شارع جبرة .. قالت لي : أقيف أقيف !!! الصوت ده شنو ؟ ديل حبشيات ؟ قلت ليها أيوه .. قالت لي : واحدة لابسة بنطلون جنز والثانية إسكيرت بمبي ؟ قلت ليها أأأي !! في شنو شفتيهم ويين ؟ قالت لي : أمسكهم أوعه تخليهم ديل قبل شوية دخلوا بيتنا لقوا الباب فاتح وانقشطوا جوه الحمام وشافتهم آلاء وصرخت وصرخنا كلنا وجونا الجيران جارين ومسكوهم طلهوهم برة وكان في بتاع ركشة منتظرهم قال البنات ديل لافين بيهو من العصر ما خلوا الديم والأمتداد والصحافة شرق وغرب وجابوه هنا قالوا ليهو ده بيت أختنا نجيب ليك القروش ونجي !! المهم أخذوا النصيب من الشتم والتهديد وبتاع الركشة قال لازم تمشوا معاي القسم الجيران قالوا ليهو يازول أمشي براك حل موضوعك بعيد من هنا وتاني ما نشوفك لا إنت ولا هم في الشارع ده ..
يا زول بعد سمعت القصة من زوجتي .. قربت منهم وسألت بتاع الركشة .. المشكلة شنو يا زول ؟ قالي نفس القصة وزاد عليها إنو موديهم القسم وهم ما راضين وعايزين يتلبوا من الركشة .. يا بنات إنتو ليه ما عاوزين تدوا الزول ده قروشوا .. قالوا ما عندنا قروش وما لاقين بيت خالنا !! طيب إنتوا قبل شوية دخلتوا بيت في الشارع داك وإدسيتوا في الحمام ؟ بتاع الركشة نط وقالي أيوه أيوه وقالوا لي ده بيت خالنا .. وفي اللحظة دي جو جماعة من الحلة طوالي استلموا الموضوع ركبوهم في عربية وبتاع الركشة وراهم وتوشك على القسم ..
وهناك تصدق مافي أي حل ؟؟ البنات قالوا للشرطة ماعندنا قروش والعايزين تعملوهوا أعملوه .. الولد بتاع الركشة قعد يبكي وطلب الأتصال على مالك الركشة لأنو ما حيصدقوا .. ولغاية هنا لقيت الساعة عملت عشرة بالليل خليتهم ومشيت !!! |
عادل
ياخي هسع لو كان حكيت لي القصة دي براي مالو ؟؟ كان عملنا بيها الجزء الثاني لليوميات
لكن بيني وبينك كده القصص كتيرة ولو رخينا اضانا شوية يا ما نسمع حكاوي والله المرة الجاية
صديقتي عواطف ادريس إلا تستلف مننا .
عموماً مشكور للاضافة وربنا يوفقك والف مبروك نجاح إبنتك أمنية للجامعة .
| |
|
|
|
|
|
|
|
|
|
Re: يـومـيـات سـائـق ركـشـة (Re: هاشم أحمد خلف الله)
|
Quote: يا سواق الكشة
او هكذا تناديها بنت المغيرة شقيقى
ما بتعرف تقول الركشة نهائى
|
انت عارف يا هاشم سعدية بتي بتقوليها الكشة
وفي الإجازة الفاتت قالت يا نشتري واحدة،
أو عم أحمد صاحب الكشة يخليها تنوم معانا
شفت الجعاصة حقت سعدية لحدي وين
وفي أمان الله
| |
|
|
|
|
|
|
|
|
|
Re: يـومـيـات سـائـق ركـشـة (Re: سيف بخيت موسي)
|
Quote: انت عارف يا هاشم سعدية بتي بتقوليها الكشة
وفي الإجازة الفاتت قالت يا نشتري واحدة،
أو عم أحمد صاحب الكشة يخليها تنوم معانا
شفت الجعاصة حقت سعدية لحدي وين
وفي أمان الله |
يا سلام يا سيف بالله سعدية بقت تتكلم والله اتلومنا معاك بالحيل
بس ما في مشكلة هسع الدنيا إجازة وباذن الله نصلكم في البيت
ونجيب ليكم معانا ركشة عشان خاطر سعدية القليصة
| |
|
|
|
|
|
|
|
|
 Re: يـومـيـات سـائـق ركـشـة (Re: سيف بخيت موسي)
|
أخي وصديقي العزيز سيف بخيت
تحياتي واشتياقي عزيزي ...
ياخي مشتاقييين عديل كده وبنسأل عنك منذ زمن بعييييد .... وماعارفين ليك خبر ، الحمد لله وجدناك في هذا العالم الاسفيري .
طبعاً ح تكون نسيتني لأن المدة طااااالت شديد ، بس عاين للاسم تحت يمكن يذكر بشيء ما :
مودتي
عماد محمود علي صالح ......
أها إتذكرته ولا لسع ........
| |
|
|
|
|
|
|
|
|
|
Re: يـومـيـات سـائـق ركـشـة (Re: هاشم أحمد خلف الله)
|
Quote: قالت لي وديني ( ابو روف ) مشينا ابو روف قلبي وجعني
سألتها وين في ابوروف يا حاجة قالت لي البحر قلت خلاص اكيد عايزة تشتري ليها فخار , وصلنا البحر ( النيل ) طلبت مني
انزلا وبالفعل اوقفت الركشة ونزلتها قالت لي هاك دخل لي الشنطة دي في الباخرة عشان الحق العمرة .
|
موقف لاتحسد عليه شاعرنا هاشم ..
بس برضو بيفضل جواك ذكرى مميزة
ألف شكر على المساحة الجميلة
| |
|
|
|
|
|
|
|
|
|
Re: يـومـيـات سـائـق ركـشـة (Re: salma subhi)
|
Quote: والله من القريناهو شكلو كلياً يا أخ هاشم!
شكراً على القصة الطريفة |
سلمى الأنيقة مشكورة علي المرور
وطالما انتي شايفاهو كلياً يلا انا زاتي معاك
كلياً كلياً والقصة تحلى بمداخلاتكم وتعليقاتكم الذكية
| |
|
|
|
|
|
|
|
|
|
Re: يـومـيـات سـائـق ركـشـة (Re: هند محمد)
|
Quote: موقف لاتحسد عليه شاعرنا هاشم ..
بس برضو بيفضل جواك ذكرى مميزة
ألف شكر على المساحة الجميلة |
هند الجميلة
المواقف التي لا أحسد عليها كتيرة ومسيخة
بس نلاقي لينا زمن ونحكي
مشكورة علي المرور الأنيق
| |
|
|
|
|
|
|
|
|
|
Re: يـومـيـات سـائـق ركـشـة (Re: هاشم أحمد خلف الله)
|
الجميل ابو الشوش
صباح الخير
انت عارف انو في السودان حاليا اصبح مصطلح رقشة يطلق علي البنات ذوات القامة الفرنسية
عكس دفار وهي التريانة ورويانة ..
وبما اني عارفك ما عندك في سواقة الرقشات قلت صاحبي ده اكيد قاصد الرقشة التانية
لكن انت هدمت املي
| |
|
|
|
|
|
|
|
|
|
Re: يـومـيـات سـائـق ركـشـة (Re: الطيب شيقوق)
|
Quote: هشومي
صباحك نوووووووور
Quote: ياخوي الرقشات حلوات وظريفات لكن الما فهمتا
لؤلؤ ؟؟؟
لؤلؤ دى دلع استاذ النغم لؤي - انا عملت كوتنج لمداخلتو وعلقت عليها
عميق حبي |
شيقا الوجيه صباحك معتق بندي الأزهار ومجرتق بالعديل والزين
هيع الكع يا شيخ العرب اها قصرت معاك
| |
|
|
|
|
|
|
|
|
|
Re: يـومـيـات سـائـق ركـشـة (Re: mohmed khalail)
|
Quote: الجميل ابو الشوش
صباح الخير
انت عارف انو في السودان حاليا اصبح مصطلح رقشة يطلق علي البنات ذوات القامة الفرنسية
عكس دفار وهي التريانة ورويانة ..
وبما اني عارفك ما عندك في سواقة الرقشات قلت صاحبي ده اكيد قاصد الرقشة التانية
لكن انت هدمت املي |
ولا يهمك يا حمادة وما عاش اللي يهدم أملك
يأخي انت لسع عريس مالك ومال هدم الأمال
وبعدين يأخ انا كنت في السودان والله إتمنيت
اشوف لي واحدة بس قوامة فرنسي اللهم إلا واحدة
وما مقيمة في السودان
ما بقول ليك علي إسمها بتجيب لي الهواء
| |
|
|
|
|
|
|
|
|
|
Re: يـومـيـات سـائـق ركـشـة (Re: عماد محمود علي)
|
Quote: هاشم ....
أولاً إنت البوديك تسوق الرقشة شنو في الاجازة ؟!!!
ثانياً : صاحبك ود جبارة ده البحومه شنو بالليل في الشوارع ؟!!
ثالثاً : مشتاقين يا أخ .
ســـلام |
عمدة الحبيب والله الشوق ماليهو حد
المعيشة صعبة يا عماد اخوي تسوق ركشة تسوق أمجاد
ود جبارة ده كان سارح وما عارف نفسو ماشي وين ؟؟؟
| |
|
|
|
|
|
|
|
|
|
Re: يـومـيـات سـائـق ركـشـة (Re: هاشم أحمد خلف الله)
|
Quote: انت عارف انو في السودان حاليا اصبح مصطلح رقشة
يطلق علي البنات ذوات القامة الفرنسيةعكس دفار وهي
التريانة ورويانة .. |
هاشم أخوي
صباح الخير
ما يكون الرقشة القاصدة في قصتك دي ، ذي رقشة أخونا محمد خليل
البقول عليها
والله يأبواحمد تكون ركبتنا التونسية
وضح يا ابواحمد وفك الرموز
سلاااااااااااام
| |
|
|
|
|
|
|
|
|
 Re: يـومـيـات سـائـق ركـشـة (Re: سيف بخيت موسي)
|
أخي وصديقي العزيز سيف بخيت
تحياتي واشتياقي عزيزي ...
ياخي مشتاقييين عديل كده وبنسأل عنك منذ زمن بعييييد .... وماعارفين ليك خبر ، الحمد لله وجدناك في هذا العالم الاسفيري .
طبعاً ح تكون نسيتني لأن المدة طااااالت شديد ، بس عاين للاسم تحت يمكن يذكر بشيء ما :
مودتي
عماد محمود علي صالح ......
أها إتذكرته ولا لسع ........
| |
|
|
|
|
|
|
|
|
|
Re: يـومـيـات سـائـق ركـشـة (Re: سيف بخيت موسي)
|
أخي وصديقي العزيز سيف بخيت
تحياتي واشتياقي عزيزي ...
ياخي مشتاقييين عديل كده وبنسأل عنك منذ زمن بعييييد .... وماعارفين ليك خبر ، الحمد لله وجدناك في هذا العالم الاسفيري .
طبعاً ح تكون نسيتني لأن المدة طااااالت شديد ، بس عاين للاسم تحت يمكن يذكر بشيء ما :
مودتي
عماد محمود علي صالح ......
أها إتذكرته ولا لسع ........
| |
|
|
|
|
|
|
|
|
|
Re: يـومـيـات سـائـق ركـشـة (Re: عماد محمود علي)
|
| Quote: أها إتذكرته ولا لسع ........ |
لاحولااااااااااااااااا
العمدة
ننساك وأنت أنت بتتنسي
كيف يا اخوي وكيف العيال
شوووووووووق بحر
وأخبار العزيز/ علي
دي نوسة طويلة يا عمدة
إيمليلي : [email protected]
ضروري التلفون
------------------
معليش أبو أحمد سواقة رقشات جوة الحارات
عندك مانع
| |
|
|
|
|
|
|
|
|
|
Re: يـومـيـات سـائـق ركـشـة (Re: حبيب نورة)
|
أبوأحمد شكلك كده بتفكر في مشروع رقشة 
وبوست جاب حبيب نورة ده ما ساهل واصلـــــــ قفشات رق شات
بس الحاجه دي أشرت ولا لسع لو الكلام ده قبل ماتستلم الجواز مؤشر تكون بالغت عددددددددددديل
ياخي بلدنا دي فوقه جنس بساطه تطير مع الريح ويتلقاها بتاع رقشة قلبان ذي صحبك ده
وقصة عادل جبارة وقفت قلبي بس طلعت سليمه
بالحالة دي الواحد ما يعمل درداقه هناك منهم جفله،،،
،،،،أبوقصي،،،،
| |
|
|
|
|
|
|
|
|
|
Re: يـومـيـات سـائـق ركـشـة (Re: مجدي عبدالرحيم فضل)
|
الركشا
اجمل وسيلة مواصلات
فيها بقدر اركب الزول العجوز او العجوزة
لانها عتبته منخفضة
وفيها الهوا اهبك من كل ناحية
وفيها تتونس مع سايق الركشا لمن تصل
في يوم من الأيام دخل علي حسان اخوي وكان ليهو ركشا مكشبة تكشيب جميل لعيان
ومريحةفي المشاوير قال لي الليلة حصلت لي حاجة عجيبة!! وطبعا نحن بنقول لي النهارده الليلة؟ ليه
ما عارف امكن عشان الليل ابرد ؟؟امكن ..قلت ليهو احكي .قال : شلت مشوار راجل باين عليهو القلق
شبكنب لف بي جاي ولف بي جاي لمن وصلنا لي مرة واقفة براها ..بس هنا يا اسطى
قلت في نفسي : الزول ده فهمني غلط انا مش بتاع كده اتكلم معاه ولا لا..
لكن قبل افلت واقول كلام ما في محلوا اسمعوا قال ليها :اركبي كده كويس معاك
كل واحد ساكن في حتة زي القاعدين في داخلية ليه يعني
أسال اخوانك هم الدايرين كده ..أجابت بي صوت محايد لازعلانه شديد وولا حزنانه ولا جاده حتى
رد عليها اركبي والشكلة دورت جوة الركشا الصغيرة دي والكلام بقى خاص جدا وقفت الركشا ونزلت
كملوا الهرجه لمن اتذكروني .زطلع راسوا وفال لي مالك مرقت قلت ليهو الكلام بفى خاص جدا وانا سواق ركشا ما دكتورنفساني ولا مصلح اجتماعي واخوي ده حسان لسانو لازع وساخر درجة اولى
المهم كترت المرقات وفي النهاية بقيت احنس فيهم ولمن تعبوني وبقينا لافين ساكت
وديتهم جنينة وقلت ليهم حلوا مشاكلكم
وهنا استعدلت وطوالي فكرت في كتابتها للتلفزيون
وفعلا ظهرت سلسلة
خليل ركشا
محبتي ومودتي
ال
| |
|
|
|
|
|
|
| |
هاشم أحمد خلف الله
محمد البشرى الخضر
محمد على طه الملك
لؤى
ismeil abbas
emad altaib
Saifeldin Gibreel
الطيب شيقوق
سيف بخيت موسي
سلمى الشيخ سلامة
هند محمد
salma subhi
mohmed khalail
عواطف ادريس اسماعيل
حبيب نورة
مجدي عبدالرحيم فضل
محمد سنى دفع الله
عبد الدائم سيد أحمد
فيس بوك
تويتر
انستقرام
يوتيوب
بنتيريست