الشباب السوداني بالتنسيق مع القوى السياسية السودانية بولاية كولارادو يدعون لوقفة يوم الأحد ٤ ديسمبر
أرقام قياسية سودانية: مرشحة لموسوعة جينيس العالمية Guinness World Records!
التفكير الاستراتيجي و التفكير الآني - بين العصيان المدني و المقاطعة الجزئية آراء و مقارنات
الوقفة الاحتجاجية الكبرى بفلادلفيا لدعم العصيان المدنى فى السودان
سقف العصيان ، زوال النظام ..هكذا يقول فقه الثورات !
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-03-2016, 01:37 PM الصفحة الرئيسية

مدخل أرشيف الربع الثالث للعام 2008م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

أغتيال دكتورة/ احلام حسب الرسول .

02-18-2008, 12:00 PM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4172

للتواصل معنا

FaceBook
تويتر Twitter
YouTube

كيف احذف مداخلة من بوستى
أغتيال دكتورة/ احلام حسب الرسول .





    يا سندباد العصر .. ارجع
    لم يعد فى الحب شىء
    غير هذا الانتحار
    ارجع
    فان الارض شاخت
    والسنين الخضر يأكلها البوار
    ارجع
    فان شواطىء الاحلام
    اضناها صراخ الموج من عفن البحار
    (فارق جويدة)
    ...........................................
    ...........................................
    شخصيات رئيسية فى الحدتوة :
    1 احلام حسب الرسول (احلام الصول) .. 41 عاما .. معيدة جامعية .
    2 احلام الجاك (احلام جلكنة) .. 47 عاما .. استاذة تاريخ فى ثانويات الدلنج .
    3 احلام تادرس (احلام القبطية) .. 39 عاما .. طبيبة , اخصائية نساء وتوليد .
    4 احلام الحاج (احلام البعثية) .. 41 عاما .. صحفية .
    5 احلام الطيب (احلام الشيطانة) .. 43 عاما .. سيدة اعمال .
    6 احلام مختار (احلام السمحة) .. 41 عاما .. ربة منزل .
    خريجات جامعة القاهرة فرع الخرطوم قسم تاريخ دفعة 1987 _ 1988 .
    شخصيات اخرى فى الحدتوة :
    1 الطاهر شقلا .. سياسى اسلامى .. مسؤول تنظيم القاعدة فى السودان .
    2 لبنى الطاهر .. طالبة جامعية .. ابنة الطاهر شقلا .
    3 طارق مهدى .. اسم وهمى .. عميل جهاز ال CIA .
    4 بدرالدين العجب .. محامى .
    5 مرقص سمعان .. رجل اعمال .. زوج (احلام القبطية) .
    6 عزت طريفى .. مخرج تلفزيونى .. زوج (احلام السمحة) .
    7 ميرفت حسب الرسول .. موظفة بنك .. شقيقة احلام حسب الرسول .
    8 شاهندة .. طالبة فى الجامعة الامريكية بالقاهرة .. ابنة (احلام الشيطانة) .
    ........................................................................
    ........................................................................
    لم لا اسافر ؟
    بعد ان ضاقت بى الشطان .. وابتعد المزار
    يا ايها الوجه الذى ادمى فؤادى
    اى شىء فيك ؟
    يغرينى بهذا الانتظار
    ما زال يسكرنى شعاعك
    رغم ان الضوء فى عينى نار
    اجرى فألمح الف ظل فى خطاى
    فكيف انجو الان من هذا الحصار ؟
    لم لا اسافر ؟
    الف ارض تحتوينى
    الف متكا .. ودار
    انا لا ارى شيئا امامى
    غير اشلاء
    تطاردها العواصف .. والغبار
    (فاروق جويدة)

    (عدل بواسطة shaheen shaheen on 03-06-2008, 01:25 PM)
    (عدل بواسطة shaheen shaheen on 03-24-2008, 08:46 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-18-2008, 12:15 PM

Mahir Mohammed Salih

تاريخ التسجيل: 02-08-2008
مجموع المشاركات: 1344

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)


    وين الحدوتة يا شاهين مع هذه الإحلامات ،، فنحن فى شوق لها .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-17-2008, 10:49 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4172

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: Mahir Mohammed Salih)





    هذه الرواية لكم وعنكم يا عيال الله .. الى ابناء جيلى .. جيل الهزائم والهجرة والمقابر .

    (عدل بواسطة shaheen shaheen on 07-06-2008, 07:08 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-18-2008, 12:28 PM

كمال سالم
<aكمال سالم
تاريخ التسجيل: 02-13-2008
مجموع المشاركات: 4782

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)


    رأيك شنو أنا أخدت ليك اجازه عديل ,,,

    فى انتظارك على احر من نار الستلين ,,
    ومن هسه أنا زولتى ( احلام مختار ) ,,,
    تحياتى ياشاهين ,,,

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-18-2008, 12:32 PM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4172

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    (ورقة من اوراق دكتورة/ احلام حسب الرسول كتبتها فى مصحة للامراض النفسية والعصبية قبل مقتلها فى ظروف غامضة)
    اريد ان اقول وانا بكامل قواى العقلية .. ان اكبر خطاء يرقى الى مستوى الخطيئة هو نيلنا الاستقلال السياسى من الانجليز .. لقد اثبت التاريخ (وانا احمل فيه اجازة دكتوراة)ان الشعب السودانى , شعب لا يستطيع حكم نفسه بنفسه .. قولوا لى من فضلكم كم نهب الانجليز طيلة فترة حكمهم - 60 عاما- .. وكم نهب الوطنيين (هؤلاء الشرفاء) منذ الاستقلال حتى الان - 50 عاما- .. كم قتل الانجليز من جماهير الشعب السودانى .. وكم قتل ابناء البلد من افراد شعبهم .. الى اى مدى دمر الاستعمار البيئة, ولوثوا النيل والمياه الجوفية .. والى اى مدى فعلت الحكومات الوطنية ذلك .
    انا لا اتهم الاحزاب والحكومات العسكرية فقط , بل اتهم كل الشعب .. نعم كل الشعب , هو ببساطة شديدة لا يستطيع , عاجز , خانع , مستسلم .. ضربت الطفيلية فى كافة احزابه وفعاليات مجتمعه المدنى .
    اننى اطالب باعلى صوتى بعودة الاستعمار الى السودان ووضعه تحت الانتداب الدولى بواسطة الامم المتحدة مدى الحياة .
    ولذلك اعلنت عن تشكيل تنظيم جديد تحت اسم/ حركة المطالبة بانتداب دولى (حمد) .. اذا كان بتر الساق عملية مؤلمة , وكان الموت عملية بشعة , وعليك الاختيار فانك دون شك ستختار احلى المرارات .
    ربما تخصصى الاكاديمى هو الذى دفعنى لاعتناق مثل هذه الافكار .. لو فهم الشخص تاريخ بلده بشكل جيد واعى , سيعرف اين الخطاء واين الصواب .. وعموما انا لا احب حكاية ان الشعب السودانى شعب معلم وبطل وذكى .. هذا غباء وضحك على الذقون .. نحن فعلا شعب فشل .. وفعلا شعب فاشل .. وهذه ليست شتيمة , هذا توصيف اكاديمى صارم .. مثلا لو كان هناك انسان متخلف ذهنيا وكتبت انه شخص متخلف عقليا هل اصبح انسانة تشتم وتهين ؟ .. لا ويجب وضع الحقائق كما هى .
    مافيا الاحزاب السياسية هم اصحاب المصلحة الحقيقية فى ترديد عبارة ان الشعب السودانى شعب عظيم .. وطبعا طالما كانوا هم وابائهم واجدادهم قد استفادوا ماديا بعد خروج الاستعمار (واحيانا قبله) ولم نقول لهم (بغم) ومن اين لكم هذا ؟؟ فنحن فى نظرهم شعب عظيم .. هؤلاء يطلبون منا الان التضحية من اجل خلق واقع على الارض يسمح لهم (1) اما باسقاط الذين يحكمون الان من اجل ان ينفردوا هم بالثروة والسلطة (2) او السماح لهم تحت ضغط الغليان الشعبى بالمشاركة فى نهب خيرات الوطن مع الذين يحكمون .
    وكل ذلك تحت شعار الوطن الغالى ومستقبل الوطن المزهر ورفاهية طبعا جماهير الوطن الغالية على قلوبهم .
    هم كلهم واحد .. صدقونى .. هم كلهم واحد .. لا فرق بين حكومة ومعارضة .. هناك (بيزنس) مشترك بينهم .. وهناك علاقات مصاهرة وصداقة مدروسة ومحسوبة .
    هناك من قال لى
    - والله يا دكتورة ننتظر الديمقراطية والشعب بعد ما يجرب كل الاحزاب ح يقتنع انو يدى صوتو لحزب يصلح لينا السودان .
    ok .. تجريب المجرب سلفا!!! .. بعد كم سنة ؟ .. يعنى الناس تجرب حزب (الامة) ثمانى سنوات وبعده (الاتحادى) اربع سنوات الخ الخ الخ .. هذا طريق طويل وسبق ان سرنا فيه والنتيجة عموما معروفة - ذاكروا التاريخ جيدا - حتى تعرفوا ! .
    بالمناسبة ولعشاق انتظار الديمقراطية .. مافيا الاحزاب السياسية السودانية تجيد اللعب فى بركة مياه الديمقراطية وتعرف الوسائل التى تمنع وصول من يشكل عليها خطورة - تسليم وتسلم عبدالله خليل وابراهيم عبود فى 17 نوفمبر - .. هم من يضع قوانيين الانتخاب وتوزيع الدوائر الجغرافية وتسجيل اسماء المقترعين بطريقة تحفظ لهم الاغلبية الميكانيكية .. شراء الاصوات , اللعب بورقة الدين (امة, اتحادى, جبهة اسلامية) ..التزوير .. الاحتماء بالعائلات الكبيرة ذات السطوة والسوط .. حتى لو , اقول حتى لو جاء حزب يستطيع الاصلاح (وانا غير مؤمنة بذلك كما هو واضح) واستطاع الفوز فى الانتخابات فان البيان العسكرى الاول سيكون فى انتظاره من اذاعة امدرمان او اى واحدة من اذاعات ال fm .
    لان الاصلاح الحقيقى يعنى ضرب مصالح مافيا الاحزاب السياسية فى الصميم وتقديمهم الى محاكم الثراء الحرام .
    اتحدث عن بشر تعانى الان - فى هذه اللحظة بالذات - .. عن جوع فى البطون .. عن دعارة من اجل دفع ثمن ايجار المنزل .. عن هجرة ونزوح وتجريف عقول .. عن مهانة (كفيل) فى بلاد بترولية .. عن تدنى فى التعليم .. عن تهميش فى ارياف الهامش .. هؤلاء ليس لديهم ترف الانتظار خمسين عاما فى مظلة ديمقراطية وهمية - هناك ثلاث فترات ديمقراطية فاشلة فلماذا يعنى ستصبح الرابعة ناجحة , لماذا ؟ - .. ليس هناك داعى لانتظار مخلص من السماء تحت شعار (يمكن فى زول يصلح) .. فكرتى انه ليس هناك (زول يصلح من اساسو) .. لانهم ببساطة شديدة كلهم (بايظين) ديكتاتوريين داخل احزابهم , يرفضون التنحى عن رئاسة الحزب الا بالموت , يعشقون الظهور فى قناة (الجزيرة) كانهم اساتذة ومفكرين عظماء .
    لا أمل فى النخبة السودانية .
    لا أمل فى النخبة السودانية .
    لا أمل فى النخبة السودانية .
    اتحدث عن حل واقعى وفعال وسريع .. وضع السودان تحت الانتداب الدولى مدى الحياة .
    هذا هو هدفى .. وهذه هى برامج حركتى السياسية الجديدة .
    ولهذا وضعتنى مافيا الحكومة والمعارضة فى مصحة للامراض العقلية وقالوا اننى مجنونة .. وانا اقول لهم انتم المجانين لو اعتقدتم ان نهبكم المنظم لخيرات هذه الارض الذى بداء منذ يناير 1956 سوف يستمر الى الابد .. قدموا لنا مصادر دخلكم وثروتكم واعداد عقاراتكم فى القاهرة ولندن وارقام حسابات البنوك فى دول العالم .
    من اين لكم كل هذا يا عقلاء .. من اين ؟ .
    دكتورة/ احلام حسب لرسول عابدين .
    ....................
    ....................
    وأكد الاستاذ/ بدرالدين العجب المحامى لمراسل صحيفة (الحياة) ان موكلته التى اثارت مقالاتها ضجة فى الخرطوم فى الاونة الاخيرة تتمتع بصحة ذهنية ممتازة وان قرار تحويلها الى مصحة نفسية هو قرار سياسى فى المقام الاول وليس قرارا طبيا , وناشد جمعيات حقوق الانسان فى العالم بالوقوف خلف موكلته .. محذرا من امكانية تصفيتها جسديا بوسائل طبية غامضة .. واواضح ان د/ احلام قد انتابتها نوبات اغماء غريبة منذ دخولها الى المصحة .
    (اواصل)
    ......
    شاهين.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-18-2008, 07:26 PM

عماد شمت
<aعماد شمت
تاريخ التسجيل: 12-02-2004
مجموع المشاركات: 3857

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    جيت ماري لقيتك مغبون ,,اه انا مثني انتداب بريطاني ..

    كيفنك شاهيين اخوي انشاء الله عافيه؟؟

    ما ياهو حالنا مما قمنا...بلد ما عندها سيد ,,زمان الناس كانت بتختشي هسع وشهم بقي عضم..

    مافيا الاحزاب السياسية هم اصحاب المصلحة الحقيقية فى ترديد عبارة ان الشعب السودانى شعب عظيم .. وطبعا طالما كانوا هم وابائهم واجدادهم قد استفادوا ماديا بعد خروج الاستعمار (واحيانا قبله) ولم نقول لهم (بغم) ومن اين لكم هذا ؟؟ فنحن فى نظرهم شعب عظيم .. هؤلاء يطلبون منا الان التضحية من اجل خلق واقع على الارض يسمح لهم (1) اما باسقاط الذين يحكمون الان من اجل ان ينفردوا هم بالثروة والسلطة (2) او السماح لهم تحت ضغط الغليان الشعبى بالمشاركة فى نهب خيرات الوطن مع الذين يحكمون .
    وكل ذلك تحت شعار الوطن الغالى ومستقبل الوطن المزهر ورفاهية طبعا جماهير الوطن الغالية على قلوبهم .

    سلمت من كل سوء... واصل
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-19-2008, 00:30 AM

بكري الصايغ

تاريخ التسجيل: 11-16-2005
مجموع المشاركات: 19331

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    الاخ الـحبيب الـحبوب،
    shaheen shaheen

    تـحـية طـيبة،
    ارجـو الافادة بتاريـخ وعـام واقـعةالاغـتيال، وايـضآ اسـم ومـكان الـمسـتشـفي ... لزوم التوثيـق!

    لك مـودتـي.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-19-2008, 07:13 AM

المسافر
<aالمسافر
تاريخ التسجيل: 06-10-2002
مجموع المشاركات: 4928

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: بكري الصايغ)

    شايين شايين
    باللبنين المقننين تقنيين
    الرسول تقول قول بت حسب الرسول
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-19-2008, 12:40 PM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4172

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    حوار صحيفة الشرق الاوسط مع دكتورة/ احلام حسب الرسول 1/2
    مراسل الصحيفة استطاع اجتياز اسوار مصحة للامراض النفسية فى الخرطوم واجراء حوار طويل مع وجه سودانى اثار ضجة كبيرة فى الاونة الاخيرة .. اللقاء مع الدكتورة/ احلام حسب الرسول وهى استاذة تاريخ فى واحدة من الجامعات السودانية , وهى نفسها التى اعلنت عن تشكيل تنظيم سياسى جديد يطالب بعودة الاستعمار الى بلدها السودان , السلطات السودانية اودعتها فى مصحة للامراض النفسية والعصبية بعد اسابيع قليلة من اعلنها عن حركتها السياسية التى اطلقت عليها اسم حركة (حمد) وهى اختصار ل حركة المطالبة بانتداب دولى
    الى مضابط هذا الحوار الجرىء .

    * تطالبين يا دكتورة بعودة الاستعمار الى بلادك هل هذا حديث انسان عاقل ؟ .
    - وهل ما حدث فى هذا البلد منذ الاستقلال حتى الان هو من فعل انسان عاقل ؟ .. عندما اطالب بوضع بلدى تحت الانتداب الدولى فهذا يعنى خبرات اجنبية تفيد وتستفيد وتصبح تحت اشراف ورقابة محاسبية دولية .. تضع هى الدستور والقوانيين وتشرف على توفير فرص العمل والصحة والتعليم والبنيات التحتية .. اقول لك لا فرق بين حزب الامة والمؤتمر الوطنى والشعبى والاتحادى و17 نوفمبر و25 مايو و30 يونيو .. كلهم واحد وكلهم استفادوا من خيرات هذا الوطن .. يسكنون فى ارقى مناطق الخرطوم وابنائهم تعلموا فى ارقى جامعات الخارج .. لديهم مزارع واراضى وحسابات فى بنوك الخارج .. من اين ؟ .. وبعضهم عاطل تماما عن العمل !!! من اين يصرف فلان وعلان , ما هو مصدر دخلهم .. تجد عندنا الزعيم السياسى يركب عربة ثمنها ربع مليون دولار وهو لم يعمل فى حياته عمل معروف للجميع .. يسافر الزعماء عندنا الى لندن وباريس وواشنطن كل شهر وشهرين من اين ؟ .. انا استاذة جامعية منذ عشر سنوات وانا اعمل واجد صعوبة فى توفير ثمن رحلة علاجية الى القاهرة .. والدى عمل اكثر من اربعين عاما ولم يستطع شراء بيت الا فى حى شعبى .
    هذه العصابة يجب ان ترحل فورا .. كلهم , كلهم دون استثناء .. وضع السودان تحت الادارة الاجنبية هو الحل الوحيد لوقف هذا النهب .. لهذا قالوا ان هذه الدكتورة مجنونة .
    * عفوا دكتورة هناك اتهام اخر بالعمالة , وسؤال لماذا ظهرت هذه الدكتورة هكذا فجأة ولم تتحدث غير الان .. يعنى انتى لم يكن لديك اى نشاط سياسى معروف وظهرتى دون اى مقدمات وبشكل مثير للجدل .
    - صحيح .. لكننى اتابع بدقة ما يدور ومنذ زمن بعيد بحكم اهتمامى بالتوثيق لما حدث ويحدث .. وقد حان اوان الكلام .. اما حكاية العمالة والجنون , فهى تدل على رعب هؤلاء من الفكرة .. صدقنى حركة (حمد) امتدت فى الجامعات والمعاهد العليا بصورة ادهشتنى انا شخصيا .. شعرت العصابة بخطورة ما اطرح ولذلك كان هذا الهجوم ووضعى فى مصحة للامراض النفسية واشعر انهم يريدون تصفيتى جسديا .. ما هو مفهوم العمالة ؟ .. هم من باع البلد سرا ودفنوا فيها نفايات ذرية .. انا خرجت للعلن .. يا دول العالم المتقدم ويا اصحاب الاستثمارات ويا شركات العولمة الضخمة نحن نريد ان نأكل ونشرب ونعيش فى سلام وان يتم احترام ادميتنا , اذا كنتم تستطيعون ذلك تعالوا واحكمونا فى ظل عدم فساد وعدم تلويث للبيئة .. نريد للراسمالية الحقيقية النظيفة ان تاتى وليس تلك الفاسدة .
    * والسيادة الوطنية يا دكتورة ؟ .
    - ماذا فعلت لنا هذه السيادة يا محترم ؟ هناك كلمات فى القواميس اخذت قدسية وبريق وطهارة ليست فيها مثل استقلال و سيادة وطنية وقطعة قماش يطلقون عليها اسم (علم) .. كل هذا استهبال فاضح وواضح .
    درسنا تاريخ مزور وزائف .. شخصيات فاشلة اصبحت فى التاريخ شخصيات عظيمة وصناع استقلال
    احكى لك حكاية طريفة , ذات مرة وانا استعد لتحضير رسالة الماجستير حاولت الكتابة عن واقعة اغتيال الامام (محمد احمد المهدى) على يد خليفته (عبدالله التعايشى) .. هناك اقوال حول هذا الموضوع وحول تسميم (المهدى) بعد ستة اشهر من سقوط الخرطوم .. لن تتخيل حجم المضايقات والتهديد بعدم اجازة الرسالة , عرفت عندها انهم يريدون الاحتفاظ بهذا التاريخ المزور من اجل حاضر هو ايضا زائف وغير حقيقى .
    نحن فى السودان نريد حياة رفاهية ورخاء .. نريد مثل مخاليق الله مترو انفاق وسكك حديدية على طراز رفيع وتصنيع غير ملوث للبيئة ومواصلات عامة شبه مجانية ومستشفيات انسانية حديثة فى متناول الجميع .. اما حكاية السيادة الوطنية والقرار الوطنى فهى من اجل ان يظل من كان ينهب اجداده هذه البلد منذ 1956 ان يواصل هو وابنائه واحفاده نهبها الى قيام الساعة .
    * عودة الاستعمار يا دكتورة التاريخ هو الحل ؟ .
    - لو كان لديك اقتراح او حل اخر انا على استعداد لسماعه .. قلت لك هناك كلمات اخذت عكس معناها واحدة منها كلمة استعمار .. ماذا قدم لنا الانجليز ؟ هم نقلونا الى مشارف القرن العشرين .. قدموا لنا سكك حديد .. قدموا لنا تعليم مدنى راقى .. قدموا لنا افضل جهاز خدمة مدنية فى افريقيا .. ازدهرت فى ظلهم المشاريع الزراعية وفنون الغناء والشعر والصحافة الورقية .. عرفت الاسواق معنى النظام والتسعيرة .. عرف السودانى معنى احترام حقوق الحيوان .. الاستعمار هو الذى خلق السودان الحديث .
    (اواصل)
    ......
    شاهين.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-19-2008, 01:01 PM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4172

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    حوار صحيفة الشرق الاوسط مع دكتورة/ احلام حسب الرسول 2/2
    تواصل الامين العام لحركة (حمد) تقديم المرافعة عن مطلب عودة الاستعمار الى بلادها من جديد .
    - اقول لك ان الانجليز قد خلقوا السودان الحديث .. كان هناك استقرار حقيقى للمواطن السودانى .. اهتموا حتى بتدريس (الدايات) حتى لا تعانى المرأة السودانية عند الولادة او تموت .. الاستعمار هو الذى حارب عادة الخفاض الفرعونى بقوة وشدة .. الانجليز يا سيدى قدموا خدمات جليلة لهذا البلد وحاربوا مفهوم عدم تعليم الفتاة السودانية .. تعرف انا شخصيا كانثى سودانية انحنى احتراما للمستعمر الانجليزى .
    انظر للجانب الاخر من الصورة .. ماذا قدمت (المهدية) للسودان .. اهانوا المواطن اهانة يومية ومتعمدة وتعاملوا بعنصرية وعنجهية ضد ابناء الشمال .. حاولوا خلق توازن عرقى فى المركز قصرا بنقل اناس من غرب السودان الى امدرمان بالقوة والعنف (رغم رفضهم!!!)
    ادخلوا البلد فى حقبة من الدروشة والغيبيات الدينية والدماء والفقر والجوع واحتقار بدوى ارعن للمرأة السودانية واعتبارها مجرد اداة للمتعة الجنسية .. تخيل انهم ارادوا هزيمة مصر بواسطة جيش جائع مما يدل على غباء عسكرى شنيع وكانت مجزرة يتحملون هم تبعاتها .. لم تقدم (المهدية) اى انجاز على الارض سوى خرافة (السيادة الوطنية) .. لم تقدم غير الصلوات الاجبارية ومن كان يتخلف عن ذلك كان يتم جلده جهارا امام الناس - اى مذلة واى عار هذا - .. هذه هى انجازات الوطنيين فى بلدى .. ومع ذلك مطلوب منى وانا اشاهد كلية غردون التذكارية والسكة حديد ومشروع الجزيرة وشارع النيل والقصر الجمهورى ومبانى كل الوزارات والبنوك ومشاريع الرى المختلفة وتخطيط الخرطوم والخرطوم بحرى وامدرمان - قبل تدميره بواسطة عصابة الاحزاب فيما بعد - والكبارى المختلفة ومجموع القوانيين العلمانية الرائعة التى شرعها المستعمر والتى تحترم حق الانسان والحيوان .. مطلوب منى بعد كل هذا ان اقول للطلبة عندى فى الجامعة ان الانجليز هم مجموعة من اللصوص والاوباش .
    افزع لو تخيلت فرضية ان دراويش (المهدية) قد انتصروا فى (كررى) وهزموا الانجليز .. تخيل كيف سيكون الوضع ؟ ونحن نلبس جلابيب مرقعة وسبحة ضخمة تتدلى من اعناقنا ويتم (طهور) اى اجنبى متواجد فى الوطن مثل ما فعلوا مع (سلاطين باشا) ومن يتعاطى التمباك (تبغ شعبى) يتم جلده وسجنه .
    الانجليز هم اصحاب الفضل فى التنوير والتثقيف العقلانى والحداثة للعقل السودانى ويجب الاعتراف بذلك .. معهم وبهم عرفنا معنى احبار المطبعة .
    لك ان تتخيل ان فترة السيادة الوطنية فى (المهدية) كان الرجل الاول فيها يتحدث عن ان الله وملائكته لم يكن لهم هم غير الوقوف بجواره فى حروبه الغبية شرقا وشمالا !!! فى الوقت الذى كان العالم يستيقظ فيه نحو النهضة والعقلانية كان غارقا فى خزعبلات ما وراء الطبيعة وهو يغرق البلد فى حمامات دم ويرسل القادة ابناء الشمال للموت حتى يتخلص منهم .. (عبدالله التعايشى) هذا هو اعظم ديكتاتور سودانى وهو الذى وضع اساس التفرقة العنصرية فى السودان .
    بعد الاستقلال انعكست الاية واصبح الاقصاء من السلطة يتم بواسطة ابناء الشمال ضد ابناء الغرب والجنوب والشرق .
    الشخصيات الوطنية - وهو تعبير مهذب لعدم وطنيتهم الظاهرة - كانت شخصيات عقيمة همها الاول ممارسة لعبة تحالفات الكراسى .. فتحوا الطريق للراسمالية الطفيلية لامتصاص دم الشعب .. كانوا مهرجى سيرك اكثر من كونهم ساسة ناضجين .. اجهضوا مع سبق الاصرار والترصد كل انجازات الاستعمار الوطنى اكثر منهم .. حافظوا بكل همة على امتيازاتهم ولمعانهم السياسى والشخصى .. وسخوا ثوب الخدمة المدنية التى كانت فى انضباط ساعة (بيج بن) الشهيرة فى لندن .. كانت بداية وطنيتهم القذرة بمذبحة عنبر (جودة) .. كان لدينا ايام الاستعمار الانجليزى الراقى والرائع معا قطار ياتى بالدقيقة والثانية والان وبعد كل هذه السنوات من السيادة الوطنية الجوفاء والخرقاء والحمقاء - هذه ثلاثية هجائية - من الممكن ان تنتظر القطار السودانى عشرين ساعة وفى النهاية لا ياتى لك .
    نحن شعب فاشل .. هذه حقيقة .. شعب لا يعرف كيفية ادراة دولة عصرية حديثة .. وهذه حقيقة اخرى .
    النخبة السودانية فى الحكومة والمعارضة نخبة فاسدة ومفسدة تعفنت ولا احد يريد دفنها حتى نمنع انتشار الجراثيم والبكتريا .. هؤلاء يا سيدى فى الحكومة والمعارضة على استعداد لبيع (لباسات) امهاتهم الداخلية من اجل منصب وزارى وحفنة من الدولارات الخضراء
    هم ساقطون فكريا ووطنيا .. لو نظرت لهم ولتاريخهم ووضعهم المادى ستعرف كم هم فاسدون
    هناك واقسم بالله على ذلك من تأكل خيولهم (الزبيب) وهو بلا عمل او مصدر دخل معروف .. من
    اين ؟؟؟؟ .. توزيع ادوار سخيف نحن معارضة وانتم حكومة وغدا العكس .. وفى الحالتين تأكل خيولهم (الزبيب) بينما يموت نصف الشعب جوعا فى الغابات والصحارى وارصفة المدن الاسمنتية .
    ليس هناك عيب على ما اعتقد ان نذهب للمجتمع العالمى ونقول له نحن فشلنا تعالوا ساعدونا.
    انظر الى (اليابان) هى نهضت من ركام الرماد الذرى .. (المانيا) نهضت من وسط انقاض الحرب الكونية الثانية .. (الصين) نهضت وهى صاحبة اعلى معدل كثافة سكانية .. عندنا هنا مياه وانهار واراضى خصبة وهناك جوع قاتل وعطش فى غرب السودان وشرقه واطراف العاصمة .. اى مهزلة واى وطنية وسخة هذه!!!!!!!!!!!!! هل بعد هذا مطلوب منى ان احب واقدس (اسماعيل الازهرى) مثلا او (محمد احمد المحجوب) !!!!! .
    عندما اطالب بوضع السودان تحت الاشراف الدولى فهذا يعنى نقل السودان الى مشارف القرن الحادى والعشرين .. ومن اجل مصلحة اجيال المستقبل .
    معا من اجل الغاء التوكيل الباطل وغير الشرعى والمزور لوكلاء المافيا الوطنية الذى انتزعوه عنوة واقتدارا منذ 1956 .
    * وهل يعنى ذلك يا دكتورة ان الانجليز كانوا يعملون من اجل خاطر عيون السودان فقط ؟.. وانهم قطعوا كل تلك المسافة الطويلة فقط من اجل صناعة سودان رائع ؟ انتى تعرفين معلومات لا احد فى العالم يعرفها ! .
    - سوف اتغاضى عن روح السخرية والاستهزاء .. ارجو ان تعاملنى باحترام .. انا اطرح افكار قابلة للنقاش .. ارفض قلة الادب فى الحديث معى .. انا استاذة جامعية تذكر هذا.
    * اعتذر بشدة دكتورة .. اعتذر لم اقصد التهكم .. اسف جدا .
    - ok لو تابعت حديثى جيدا لما كنت قد طرحت هذا السؤال .. اعلم ان فن السياسة وغابة المصالح الاقتصادية مجال لا علاقة له بالحب والكراهية هذا تفكير شرقى ساذج .. انا مدركة تماما ان الانجليز وصلوا السودان من اجل مصلحتهم هم فى المقام الاول - تذكر ان رسالتى للدكتوراة هى فى تاريخ السودان الحديث - وانا ضد تزوير التاريخ .. ولكن هم فى المقابل قدموا لنا بمعنى ان المنفعة كانت متبادلة tit for tat .. لم يستفيدوا وتركونا فى العراء كما فعلت الحكومات الوطنية عسكرية كانت ام مدنية .. الانجليز حافظوا على البقرة التى تحلب لهم .. الاحزاب والعسكر قالوا انا ومن بعدى الطوفان .
    اتحدى اى مؤرخ ان يذكر اسم ادارى انجليزى تربح من منصبه اثناء خدمته فى السودان .
    اقول وضع السودان تحت الاشراف والادارة الكاملة الاجنبية وفى المقابل عليهم خلق دولة عصرية وخطوط جوية منضبطة ومستشفى على النمط الغربى الحديث وتعليم حقيقى جاد يرتبط بخطط تنموية وغذاء صحى وفرص عمل وحرية تعبير وتصنيع غير ملوث للبيئة وفى المقابل عليهم الاستفادة ايضا من خيرات وثروات البلد الظاهرة والمخفية .. يعنى باختصار خد وهات
    اعتبرنا يا سيدى فريق كرة قدم كبير والسودان هو دار هذا النادى ونحن جلبنا مدير فنى اجنبى ليصنع لنا بطولة بين شعوب الارض وفى المقابل ياخذ هو راتب مجزى - هذا مثل لتوضيح الفكرة - .
    * يعنى الصراع بين حزب الامة مثلا والاتحادى الديمقراطى والمؤتمر الوطنى والشعبى والحركة الشعبية هو فقط تمثيلية كبيرة .
    - لا .. لا .. هو صراع حقيقى فى لحظات تاريخية معينة .. لكن ليس من اجلنا طبعا بل من اجلهم هم ومن اجل مصالحهم الاقتصادية .
    يا جماعة نريد الاكل معكم والانقلابات العسكرية تقول ( ح أكل براى) بمعنى سوف التهم الثروة والقرار الاقتصادى وحدى .. هذا هو جوهر الصراع .. حول مائدة نهب خيرات الوطن
    عندنا مثل فى السودان يقول (يا فيها يا افسيها) هذا هو شعار الاحزاب والمؤسسة العسكرية منذ ايام (مؤتمر الخريجين) .
    طبعا يضيع فى هذا الصراع صغار اعضاء احزاب هذه المافيا وهم من يدفع ثمن الاعتقال والتعذيب والتشريد من الخدمة المدنية .
    الكبار لا يلمسهم احد على الاطلاق بصورة قد تودى الى ان يفقد حياته .
    ستجد فى كل فترة شعار مضحك للغاية هو شعار توحيد الجبهة الداخلية والمقصود به المشاركة فى الغنيمة بعد اليأس من الاسقاط .. وكذلك شعار توسيع مواعين السلطة .. كلها (فنجطة) استهبال واشتهاء لصنع قرار اقتصادى يصب مباشرة فى جيوبهم .. فعلوا ذلك مع (نميرى) وقبله مع (عبود) والان مع (30 يونيو) .. وحتى ايام جمعياتهم التأسيسية كان جوهر الصراع حول القرار الاقتصادى وحول الية اتخاذ هذا القرار .
    هذه مافيا ارتبطت مع بعضها البعض بالمصاهرة والصفقات المشبوهة و (بيزنس) تحت (التربيزة) .
    احيانا اضحك عندما اجد من يكتب ان ناس زمان كانوا يضحكون مع بعضهم خارج البرلمان ويشتمون بعضهم داخله .. طبعا المسكين يظن ان هذا قمة الوعى .. هو طبعا وعى ولكنه وعى انهم مافيا فى نفس القارب ومهما كان الاختلاف فان المصالح الاستراتيجية هى فى النهاية واحدة .
    بعد سقوط اى حكومة عسكرية لا احد فى الاحزاب يفتح ملف الفساد .. لماذا ؟؟ لانهم هم ايضا فاسدون .. هناك اتفاق غير مكتوب بينهم ولكنه اصبح عرف سائد واصبح ملزم لهم اكثر من الدستور نفسه .. يا عسكر لا تفتحوا ملفات فسادنا عند استلامك السلطة بعد انقلاب عسكرى ونحن لن نفتح ملفات فسادكم بعد سقوطكم بعد عمرا طويل على يد انتفاضة شعبية .
    حتى بين صفوف الاحزاب الوطنية لا احد يتكلم عن فساد احد فى الحزب الاخر !!! .
    هم لا يريدون سيادة روح وذهنية محاربة الفساد .. مافيا تعرف كيف تحمى نفسها جيدا يا عزيزى .
    * سؤال خاص اعتذر عنه مسبقا .. شقيقتك الوحيدة (ميرفت حسب الرسول) ذكرت فى صحف الامس انك مريضة نفسيا منذ فترة طويلة .. وانتى تقولين ان قرار ايداعك المصحة هو قرار سياسى ؟
    - هذا جانب من هلع المافيا من افكارى السياسية .. هم ارادوا محاكمتى بتهمة الخيانة العظمى ولكنهم ادركوا حجم ضغوط منظمات حقوق الانسان .. اخترعوا حكاية مرضى النفسى حتى افقد اى تعاطف داخلى معى .
    عن شقيقتى (ميرفت) هى شقيقتى الوحيدة كما ذكرت وانا احبها جدا .. هى فى النهاية موظفة بنك حكومى وعندها التزامات مادية تجاه ابنائها , ربما هددوها بالفصل .
    اعيش فى حى شعبى هو حى (ابوروف) والجميع يعرف الجميع هناك من الممكن ان تسألهم انا لم اعانى من اى مرض نفسى طيلة حياتى .. افترض معك اننى مريضة نفسيا , اليس من حق المريض النفسى ابداء وجهات نظر فى السياسة والتصويت فى الانتخابات ؟ وتاسيس حركة سياسية ؟ .. اعتقد ان وضعى هنا هو تمهيد لتصفيتى جسديا بعد فترة .
    * هناك يا دكتورة احزاب وحركات بدات تظهر على حياء هل هناك أمل ؟ .
    - لا .. لا .. لا .. لا اعتقد ذلك .. تاريخ السودان الحديث فيه عشرات المحاولات لانشاء فعاليات سياسية .. انتهت للاسف اما بالارتماء فى احضان احزاب المافيا الكبيرة .. او بمغادرة البلد واعتزال السياسة .. او الذوبان فى بحور المعيشة وتربية الابناء .. او حتى الجنون , ولا اقصد نفسى طبعا (تضحك بعمق) .

    نظرتى سليمة النخبة السودانية فاشلة بالثلاثة والسوس ينخر فيها .. وضع السودان تحت الانتداب الدولى هو الحل الناجع لوقف نزيف الدم والجوع .
    يجب امتلاك شجاعة طرد كل الممثلين من على خشبة المسرح (كفاية لحدى كده) وتسليم المفاتيح لخبرات اجنبية مشهود لها بالكفاءة فى علوم الادارة .
    * جميع الاحزاب تخلت عنك وعن قضية احتجازك فى مصحة نفسية .
    - المافيا لا تدافع الا عن اعضائها فقط .. هذا قانون معروف .
    * انتى تشتمين الشعب السودانى .. هل هناك عاقل يشتم شعبه ؟ .
    - انت كررت كلمة عاقل كثيرا .. وانا اكرر لك انا عاقلة تماما .. انا لا اشتم انا اشخص الحالة .. نخبة فاشلة وشعب لم يستطع خلق نخبة بديلة طيلة خمسون عاما ولن يستطيع اذا هو شعب فاشل وغير قادر وعاجز .. اين الشتيمة هنا ؟ .
    * هناك ساسة ماتوا فقراء ؟ .
    - صحيح .. هم لم يفهموا قواعد اللعبة التى تدور فى الخفاء والعلن .. وفى النهاية ماذا فعلوا ؟ اين هى انجازاتهم ؟ .
    * فى الختام كلمة اخيرة لمن ؟ .
    - للذين فعلت هذا من اجلهم .. صلوا من اجلى .. انثروا زهور الريحان على قبرى .. احب الريحان وكتب التاريخ .. واحبكم .. صلوا من اجلى .
    (اواصل)
    ......
    شاهين.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-25-2008, 06:34 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4172

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)



                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-19-2008, 01:25 PM

قرشـــو
<aقرشـــو
تاريخ التسجيل: 02-05-2002
مجموع المشاركات: 11371

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    واصل وكلنا اذان صاغية

    سمعت كثيرا من الذين سبقونا عبارة " حليل الاستعمار"
    لعلها ليست وحدها ..

    ولكن للقصة شجون اخرى ..


    واصل يا سيدى
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-19-2008, 02:36 PM

saif basheer
<asaif basheer
تاريخ التسجيل: 11-29-2004
مجموع المشاركات: 1425

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: قرشـــو)

    صديقي شاهين:

    سعدت بعودتك السريعة بعد حماده...

    نفس الاسلوب السلس... يحمل القاريء على "التسمر" في السطور حتى كلمة... "اواصل"


    Quote: .. ماذا قدم لنا الانجليز ؟ هم نقلونا الى مشارف القرن العشرين .. قدموا لنا سكك حديد .. قدموا لنا تعليم مدنى راقى .. قدموا لنا افضل جهاز خدمة مدنية فى افريقيا .. ازدهرت فى ظلهم المشاريع الزراعية وفنون الغناء والشعر والصحافة الورقية ..


    زمان، لما كنت مساعد تدريس في العلوم السياسية في جامعة الخرطوم، كنت اردد كلامك، اقصد كلام د. احلام المقتبس أعلاه، على طلاب السنة الثانية ضمن تناولنا لنظرية "التبعية" (Dependancy)، بأن الانجليز فعلوا ما فعلوا ليس من أجل سواد عيون السودانيين، بل ليسهل لهم امتصاص مقدرات البلاد وهكذا...

    هسع لا الحليب ولا البقرة زاتها مافي!!



    واصل..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-20-2008, 08:54 AM

Shazaly Magzoub
<aShazaly Magzoub
تاريخ التسجيل: 02-08-2008
مجموع المشاركات: 257

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    شاهين شاهين

    ياعزيزي التحيات والمن والسلوى لك ولضيوفك

    مستمتعا بسردك ..لكن لنمارس شيئ من حتى

    الشعب السوداني شعب معلم وعظيم وذكي ولماح

    لولا هذا" كان بالصح ولا الكضب" زمان كان اتلحسنا

    لأنو الشافوهو السودانيين انشاءالله مايشوفوا صليح
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-20-2008, 11:54 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4172

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    (1)
    (1) حكايات دكتورة/ احلام حسب الرسول (احلام الصول)
    - دكتورة احلام .. لو سمحتى المقرر السنة دى طويل مافى حذف ؟ .
    - لا .. عاينو انا ما بحب قصة الحذف من المقرر دى .. اى حاجة درسنها خلال العام الدراسى ممكن تجى فى الامتحان .
    - لكن دكتورة ..
    - مافى لكن .. انا من الاول قلتا قسم التاريخ فى الكلية هنا عشان الناس البتحب التاريخ مش عشان العايزين شهادة جامعية وخلاص .
    نظرت لى شذرا , مضت وهى (تبرطم) بكلمات مبهمة.. اسمع انها ابنة سياسى اسلامى كبير .. يظنون ان الجميع عبيد فى مزرعة اهلهم .
    كلية الاداب جامعة النيلين , قسم تاريخ .. تاريخى الشخصى الخاص هنا بين طرقات هذه الجامعة منذ ان كانت فرع الخرطوم .. اعرفها طوبة, طوبة .. اعشق ذكرياتى فيها .. دكتوراة فى تاريخ السودان الحديث .. رسالة الدكتوراة العبيطة تنام فى رفوف مكتبة الكلية .. لا احد يقراء ولا احد يسمع بها او يهتم , مثل الاف الرسائل .. عندما ادخل مكتبة الكلية انفض عنها الغبار , سنوات من المعاناة المرهقة اقبلها فى حنية هى التى جعلتنى احمل لقبى السخيف هذا - دكتورة-
    ذات مرة حضرت واحدة من الجيران وهى تحمل (حقنة) ملاريا ظنت اننى طبيبة .. شرحت لها مدة ربع ساعة الفرق بين الطب والتاريخ (رغم ان تاريخ السودان صنعته الملاريا) , قلت لامى فى غيظ
    - والله الواحد كان مفروض يقراء تمريض عالى مع الناس الوهم ديل .
    غدا الجمعة , يوم لقاء عصابة (الاحلامات) بعد غيبة طويلة لم نجتمع سويا منذ التخرج .. كم سنة يا ربى .. اكره الحساب .. اخاف من عد السنوات .. عادتى الشهرية اصبحت غير منتظمة
    - خايفة العادة تنقطع منى يمة .
    - تنقطع شنو يا بت .. انتى لسه صغيرة .
    يا امى حركاتك وبركاتك .. القلق من ولد حلال لا يطرق الباب .. القلق من عادتى الشهرية
    الخجل من عادتى السرية .
    طلبة نصفهم مسطول بمخدرات رخيصة .. جامعات اصبحت بدون طعم ومغزى حقيقى .
    رن هاتفى المحمول وانا فى طريقى نحو البوابة الخارجية
    - احلام الصول يا فقرية .
    صوت (احلام السمحة) بعد سنوات كثيرة فى (الدوحة) .. نجحت بت الكلب , زوج وخمسة ابناء وفيلا فاخرة فى (اركويت)
    - بكرة ح نكون معاك .. ايوه مفروض جلكنة تجى من الدلنج الليلة .
    كتابى الوحيد الذى نشرته من حر مالى لم يوزع سوى مئة نسخة فقط (محمد احمد المحجوب سياسى ومثقف فاشل) .. ابحاثى التى لا ينشرها احد .
    انحنيت على سيارتى (الاتوس) الصغيرة .. عادت الطالبة المشاغبة للظهور من جديد
    - عليك الله يا دكتورة احذفى لينا اى حاجة من المقرر .
    - انتى اسمك منو ؟ .
    - اسمى لبنى الطاهر .
    طيب يا لبنى احسن تمشى تقرى بدل ما تتكلمى معاى .
    عندما صعدت الى السيارة وجدتها تنظر لى بطريقة غريبة واكتشفت كم هى جميلة وذات جسد مثير .
    41 عاما
    هل ما زال جسدى مثير جنسيا ؟
    فى اى لحظة قد تصل (احلام جلكنة) الى بيتنا فى (ابوروف) هى الوحيدة فى عصابة (الاحلامات) التى احبها كثيرا .. وهى الوحيدة التى تحب التاريخ مثلى .
    (اواصل)
    ......
    شاهين.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-20-2008, 03:32 PM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4172

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    (2)
    (1) حكايات احلام الجاك (احلام جلكنة)
    الرحلة الى الخرطوم هذه المرة لها طعم مختلف .. سنوات كثيرة من البعد والابتعاد .. ذكريات الحنينة السكرة .. الحب الاول والاخير .. الحمل سفاحا والاجهاض فى بيت (داية) منحرفة فى (الموردة) .. اشجار الجوافة الكبيرة والكثيرة فى بيت (احلام الصول) فى (ابوروف) وامها الحاجة (زينب) صاحبة اجمل كباية شاى باللبن فى العالم .. الخرطوم اتنين , اول تجربة جنس حقيقى ومكان فض الغشاء .. (منعم) ابن القاضى الشهير الذى زرع حيوانه المنوى فى رحمى وصرخ فى وجهى
    - امشى اطلعى بره يا خادم .
    الخرطوم اتنين .. معنى الاهانة العرقية والطبقية والانسانية .
    ايام وشهور وسنين .
    الصورة التى احملها معى ستكون مفاجأة للجميع .. بعد اخر امتحان , ذهبنا الى ستديو مصوراتى اريترى عجوز , كلنا نحن الستة (احلامات) .. جلسنا لالتقاط الصورة .. كنت انا فى الوسط وعلى يمينى جلست (احلام حسب الرسول) وعلى يسارى (احلام الطيب) وهى تحمل زهورا بلاستيكية صفراء غبية .. خلفنا وقفت اجملنا واجمل من درست فى جامعة القاهرة فرع الخرطوم طيلة تاريخها الطويل , الدلوعة (احلام مختار) او (احلام السمحة) التى كان الطلبة ياتون اليها من جامعة الخرطوم والكليات التكنولوجية للفرجة على الجمال الالهى .. بجوارها وقفت (احلام الحاج) الكادر الخطابى لتنظيم (جبهة كفاح الطلبة) هى اخطر انسانة عرفتها تتحدث فى السياسة وهى التى وقفت الى جوارى فى عملية الاجهاض وحمتنى من الفضيحة .. على يسار الواقفين كانت (احلام تادروس) القبطية ذات الوجه الحزين , اكثرنا ثراء وتهذيبا وثقافة , كان الصليب الذهبى يتدلى من العنق ناصع البياض فى تحدى مثير .
    فى لحظة التقاط الصورة مرت قطة ضخمة من بين ساقى (احلام السمحة) , صرخت وتعلقت بكتف (احلام البعثية) .. دخلنا مع الاريترى العجوز فى نقاش صاخب وطلبنا باعادة التصوير , وافق وجاء الينا بحجة ترتيب الوقفة من جديد , وقام بالضغط على مؤخرة (احلام السمحة) بشكل ظاهر ومقصود .. ضربته بعنف على خده الايمن وحدث هرج ومرج .. خرجنا ونحن نسب ونسخط , وانا اضحك من الموقف
    - غايتو اريترى ما عندو ادب .. واعصابو بايظة .
    رجعت اليه بعد يومين , طلبت الصور , اعطانى ستة نسخ دون ان ينظر لى ورفض ان يتسلم منى اى نقود وهو يعتذر بشكل اوجعنى , عرفت عندها معنى ان تكون غريب فى بلد الغير .
    وبعد كل هذه السنوات اعود وانا احمل لكل واحدة منهن نسختها , كتبت على ظهر كل صورة بخط رقيق :
    (1988 .. ستديو انوار المدينة .. عصابة الاحلامات) .
    عندما اقتربت (الركشة) من بيت (احلام الصول) قلت لنفسى بصوتا عالى
    - يا ربى بتكون رجعت من الجامعة ؟ .
    رد الطفل سائق (الركشة) فى استغراب
    - نعم يا حاجة ؟ .
    - لا ما معاك يا ولدى .
    عندما طرقت الباب .. كانت اشجار (الجوافة) الكبيرة والكثيرة تنظر لى فى حب ومعرفة .
    (اواصل)
    ......
    شاهين.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-21-2008, 01:40 PM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4172

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    (ورقة من اوراق دكتورة/ احلام حسب الرسول كتبتها فى مصحة للامراض النفسية والعصبية قبل مقتلها فى ظروف غامضة)
    يصرخون فى اعمدة صحفهم اليومية - التى تلعب باقتدار دور التنفيس عن الغضب - نحن صنعنا ثورتين , 21 اكتوبر و 6 ابريل .. نحن شعب عظيم يا دكتورة يا مغفلة .
    هى حجة عليهم وليست لهم .. ماذا فعلنا بهاتان الهبتان الشعبيتان ؟ .. ماذا فعلنا ؟
    هل الهبة الشعبية موضة ؟ .. ام انها اهداف وتقاس عظمتها بمدى تحقيق وتحقق هذه الاهداف
    الشعب الفرنسى صنع ثورته الانسانية العظيمة ومازال ينعم بثمراتها حتى الان .. المهم عندى هو الانجاز على الارض وليس الاناشيد الوطنية والملاحم الموسيقية .
    المافيا تسرق كل انجاز والشعب يضع يديه على خده وهو يشاهد السرقة جهارا نهارا .
    لماذا لم يتحرك الشعب وهو يشاهد 21 اكتوبر تتحول الى كومة رماد ؟
    لماذا ما تحرك الشعب و6 ابريل تحتضر ؟
    حجة الهبات الشعبية عليكم وليست لكم يا انصار احزاب المافيا الوطنية .
    د/ احلام حسب الرسول عابدين .
    (اواصل)
    ......
    شاهين.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-21-2008, 01:51 PM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4172

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    (3)
    - الو .
    - اهلا وسهلا .
    - دكتورة احلام ؟ .
    صوت انثوى مخنوق وباكى
    - ايوه معاى منو ؟ .
    - انا لبنى الطاهر .
    - لبنى الطاهر منو ؟ .
    - تلميذتك فى الجامعة .
    - انتى الزولة بتاعت حذف حاجات فى المقرر ؟ .
    - انا ذاتى .
    - يا بت انتى مجنونة ولا شنو ؟ .. لقيتى نمرتى دى اساسا وين ؟ .
    - لا .. انا بس عندى مشكلة , عشان كده اتصلت بسيادتك .
    - عندك مشكلة تمشى طبيب نفسى .. او تشوفى اخصائية اجتماعية .. اوعك تتصلى بى تانى مفهوم ؟ .
    اغلقت هاتفى المحمول وقذفت به الى مقعد قريب .
    خرجت (احلام جلكنة) وهى تضع (بشكير) اصفر ضخم على شعرها الخشن المبلول
    - فى شنو عاملة شكلة فى التلفون ؟ .
    - طلبة اخر زمن .. عايزين هم يحددوا المقرر .. دى طالبة قالوا ابوها سياسى كبير فى البلد , ما عارفة الجدعا شنو على جامعتنا دى وهى ممكن تقراء فى احسن جامعة خاصة.. غايتو التعليم ده بقى كلو محن .
    - بقيتى عصبية يا بت الصول .
    - اعمل شنو يا جلكنة لى فترة اعصابى تعبانة وكمان مرض امى عامل لى توتر شديد .
    - ما فى زول ظهر ؟ .
    - عليك الله يا بت .. خلاص كبرنا .
    - مالك ؟ زى قمر اربعتاشر عينى باردة عليك .. الجامعة ما فيها رجال ؟ .
    - يعنى يا احلام الجاك عايزانى اتظارف واخفف دمى عشان القى عريس .. معلون ابوهم واحد وراء التانى .
    - والله يا بت الصول .. مرات القعدة ساكت بتكون اخير من العرس بتاعى .. متزوجة من انسان وسخ وما محترم .. تخيلى مرة بت فلاتية صغيرة جات تغسل لى الهدوم , بس مرقتى للسوق وجيت راجعة لقيت السجمان طالع فوق البت .. اتفو عليهو وعلى الرجال الزيو .
    - لسه مرزوع فى ليبيا ؟ .
    - بركة سيدى الامام ما يرجع تانى منها .. بعد ما انكشح يا داب انا والبنات ارتحنا من الفضايح ووجع الراس .
    - يخصى عليك يا فقرية ما جبتيهم معاك ليه ؟ .
    - حليمة ما بتحب الخرطوم .. وسعدية من ما نهداتا قامن وهى عاملة فيها مجكسة ود عمها وما دايرة تفارقو .
    - ربنا يخليهم ليك .. المرة دى ح تقعدى معاى اسبوع كامل .
    - اسبوع شنو يا بت ؟ .. عندى مليون الف التزام فى الدلنج ببيت معاك الليلة وبكرة ويوم السبت بتحرك على الحاج يوسف وبسافر من هناك .
    - دايرة اشبع منك يا فقرية .
    - الايام جاية كتير .. المرة الجاية يا رب تكون عشان عرسك .. انتى احلام تادرس بتكون بكرة موجودة معنا ؟ .
    - كيف , دى اكتر واحدة خططت عشان اللمة دى .. وبالمناسبة قالت اتصل بيها اول ما توصلى .
    - كويس عشان عايز استشيرها عندى مشاكل فى الرحم .. هسع عليك الله لو كنا عملنا زيها وامتحنا تانى وخشينا طب مش كان اخير من التاريخ السجم ده ؟ .
    - خلى الكلام الكتير وتعالى معاى المطبخ .. عاملة ليك سمك بلطى وسلطة اسود وكستر للتحلية .. مشروع تسمين يا جلكنة احتمال ترجعى شباب تانى .
    - حليل الحاجة زينب واكل الحاجة زينب .. مشتاقة ليها شديد .
    - بس ترتاحى وناكل وبعد ده تمشى تسلمى عليها عند ميرفت .
    - بالمناسبة عندى ليكم مفاجاة ب مليون جنية .. صورة ما اظن فى واحدة بتتذكرها فيكم .
    (اواصل)
    ......
    شاهين .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-25-2008, 12:29 PM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4172

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)



                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-21-2008, 03:05 PM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4172

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    شكرا جزيلا لكل المداخلات .. الاستاذة الاجلاء
    ماهر محمود: تحية وتقدير واحترام .
    كمال سالم : الشكر على الاجازة .. يبدو انها ستكون طويلة .
    عماد شمت : لك كل الحب , كلنا فى الهم شرق يا عمدة .
    بكرى الصايغ : يا قريبى العزيز .. ولك ايضا مودتى وتقديرى .
    المسافر : حبابك عشرة .. والسفر من اين ؟ والى اين ؟ .
    قرشو : شكرا على المداخلة .
    سيف بشير : كل حبى على التشجيع الدائم .
    شاذلى مجذوب : صديق الشباب البائد .. لك التحية انت وذكرى الايام القديمة .
    شكرا لكم وخالص تقديرى ومودتى .. مداخلاتكم شرف لى ووشاح افخر به وانا ارتديه .

    (عدل بواسطة shaheen shaheen on 06-17-2008, 11:28 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-21-2008, 11:32 PM

Sabri Elshareef

تاريخ التسجيل: 12-30-2004
مجموع المشاركات: 21026

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    سلام شاهين وحلاوة الحكي انا منتظر ومتابع جيد سلاسة وابداع سهل ممتنع لغة جولة تطاوع في البنان
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-24-2008, 07:26 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4172

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    (4)
    (1) حكايات لبنى الطاهر
    - الو .
    - اهلا وسهلا .
    - دكتورة احلام ؟ .
    اغلقت الهاتف فى وجهى .. الدكتورة الغبية , اريدها هى .. اشتهيها .. اضحك فى سرى وانا اراها تحمل اطنانا من الكتب والصحف اليومية بين يديها .. كتب , كتب , كتب , على مقاعد سيارتها الصغيرة , على سطح مكتبها فى الجامعة .
    اريدها هى .. جسدها .
    (اربابة) الحبشية التى عادت للحياة من جديد .
    نفس (اربابة) الخالق الناطق .. القامة القصيرة , الانف الصغير الشهى مثل حبة (عنب) ناضجة , العيون المستديرة شديدة السواد , الشعر الخشن وهو يلسعنى فى الفخذ العارى .
    اقاوم رغبة فى النهوض من مقاعدى اثناء المحاضرة وانا اشاهد نقطة العرق البلورية وهى تنحدر فى غموض ونداء من خلف الاذن حتى العنق الرقيق , تنادينى نقطة العرق تلك , اغمض عيونى اريد ان انهض و (الحسها) بواسطة لسانى .
    ماذا سيحدث لو اوقفتها فجأة فى فناء الجامعة امام الجميع واعتصرتها بين ذراعى حتى تبكى طلبا للرحمة ؟ .. ماذا سيحدث ؟ .. انا اطول منها كثيرا , وبالتاكيد اقوى منها كثيرا .. فقط لو تبكى من النشوة فى احضانى .. اريد ان ارفع لها ملابسها السخيفة واشاهد الوان ملابسها الداخلية , حمراء ؟ صفراء ؟ سوداء ؟ قطن طبيعى ؟ حرير صناعى ؟ .
    عذبت (اربابة) فى ليل (ابوظبى) الممتد بلا نهاية .. الشقة الخالية وامى وزوج امى السخيف فى واحدة من حفلات الجالية السودانية العبيطة .. اطاردها فى ارجاء الشقة .. اشعلها بالرغبة والنار .. اقرصها فى فخذها البنى المستدير بالشحم
    - أى .. أى .. يا بت اقعد ساكت , ما عندى مزاج الليلة .
    اقفز عليها بجسدى الضخم وارميها على الارض
    - لكن انا عندى مزاج الليلة .
    - أأأأخ يدى انكسر يا لبنى .
    - بقولوا يدى اتكسرت مش يدى انكسر .
    اعريها بعنف .. اضع فمى على (حلمة) النهد الصلب .. تستسلم مثل حمامة مرعوبة .. تصبح ملكى افعل فيها وبها ما اشاء .
    انتهى كل شىء فى لحظات .. خرجت لشراء اغراض البيت من (السوبر ماركت) القريب وسقطت كتلة حمراء من اللحم والدماء تحت اطارات عربة (مرسيدس) بيضاء .
    حزنت عليها كما لم احزن على انسان .
    امى وزوجها (العرص) كانا فى اندهاش بالغ
    - فى زول يبكى على خدامة عشان ماتت .
    - والله انتى مراهقة بالجد .
    فى اليوم الذى ماتت فيه , عذبتها حتى الثمالة , حتى بكت
    - عندى مزاج يا لبنى .
    - وانا ما عندى .. طيرى من وشى .
    ضربتها على بطنها بقسوة .
    - امشى اشترى حاجات الغداء يلا طيرى .
    كانت تبكى وهى خارجة .. لو كنت اعلم انها لن تعود ؟ .
    بكيت عليها كما لم ابكى على احد .
    - أأأأى .. يدى انكسر حرام عليك .. بالراحة عليك الله .. بالراحة .
    (اواصل)
    ......
    شاهين.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-24-2008, 11:22 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4172

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    (ورقة من اوراق دكتورة/ احلام حسب الرسول كتبتها فى مصحة للامراض النفسية والعصبية قبل مقتلها فى ظروف غامضة)
    ليل المصحة هنا كئيب .. الاشجار التى تتحول الى مخلوقات شبحية فى الظلام .. السخرية منى ومن افكارى .. العاملة البسيطة التى تسرب اوراقى التى اكتبها الى الخارج .. ميرفت شقيقتى الوحيدة تخلت عنى .. لا زيارة واحدة منذ احتجازى , المسكينة تخاف على وظيفتها فى البنك .. جرحتنى تصريحاتها الاخيرة فى الصحف اليومية , نصل حاد من سكين لم تتخيل فى يوم من الايام ان يطعنك فى الظهر .
    اشجار المصحة عجوز وكئيبة اوراقها اصبحت بنية بدل ان تكون خضراء بفعل تراكم ذرات الغبار على مدى السنوات الطويلة .. قلت لواحد من الاطباء المعتوهين
    - الاشجار دى عيانة نفسيا .
    نظر لى وكانه اكتشف دليل مرضى
    - بالله ؟ .. ما عندك مشكلة نعالجها ليك طوالى .
    اشتاق الى اشجار الجوافة فى بيت ابى صول البوليس المتقاعد , كان يحب الجوافة ويعشقها , كان يتكلم مع اشجاره , يشتكى لها ويداعب اوراقها الخضراء الصحية .
    كم اشتاق ان اقف على عتبة بيتنا فى (ابوروف) انظر الى الناس واقول لهم فى سرى
    - مساكين .. انتو مسروقين وما جايبين خبر .
    مساكين .. كل من يحمل جواز سفر جمهورية السودان الديمقراطية هو مسكين بدرجة او باخرى .
    د/ احلام حسب الرسول عابدين .
    (اواصل)
    ......
    شاهين.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-26-2008, 01:33 PM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4172

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    شكرا على المداخلة استاذ/ صبرى .
    شكرا جزيلا .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-26-2008, 01:43 PM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4172

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    (5)
    (1) حكايات احلام تادرس (احلام القبطية)
    عيناك على ولا ترانى
    (من الانجيل)
    ..................
    عندما اغتصبنى شقيقى (حنا) ترك فى شبابى وانوثتى شرخا اتحسسه حتى الان وانا على عتابات الاربعين .
    - الو , الو .. ايوه يا جلكنة معليش الشبكة تعبانة شوية .. مشتاقة ليك شديد يا بت .. لا , عاينى خلى بت الصول تجيبك لى الليلة فى العيادة .. كدى ادينى بت الصول .
    جاء صوتها كالعادة رزينا واثقا من نفسه , فيه الكثير من رنة الاسى
    - وين يا قبطية ؟ .
    - والله حقو الواحد ما يتكلم معاك .. يعنى يا بت الصول ما قادرة تركبى عربيتك السجمانة زيك دى وتجى تزورينى .
    - والله مشغوليات يا احلام .. الحياة تلاهى .
    - عاينى يا مستهبلة , عشان جلكنة قالت تعبانة .. زى الساعة عشرة تعالوا لى العيادة اكشف عليها واشوف لو كانت محتاجة تحاليل قبل ما ترجع الدلنج .
    - ما عندك مشكلة جلكنة دى ثروة قومية لازم نحافظ عليها .. برنامج بكرة قايم فى مواعيدو ؟ .
    - تمام التمام .. يلا عشان عارفاك خايفة على الرصيد , يحفظك الرب , ح اكون منتظراكم .
    كثيرا ما افكر فيهن .. هل هن سعيدات ؟ .. وايهن اكثر سعادة من الاخرى ؟ .. بل وما هى مقايس السعادة اساسا ؟
    كنا دفعة تاريخية فى قسم تاريخ .. ستة طالبات كلهن (احلام) .. القريبة من القلب لنا جميعا كانت (احلام جلكنة) هى شعلة الشلة والدينمو المحرك .. لم تكن تملك اى جمال فى وجهها هى اقرب فى الشبه للرجال .. جسدها كان جميلا
    - انا ما عندى وش .. لكن فى الجسم , مية فى المية .
    احببت فيها الاصرار ومعاندة حياة صعبة .. جلست فى البيت تربى اخوتها بعد وفاة امها وعادت للدراسة بعد ذلك , لذلك كانت تفوقنا بسنوات .. كانت تدرس وتعمل فى مصنع (طحنية) ليلا .. حاولت ذات مرة ان اضع بعض النقود فى حقيبتها , ضربت يدى بعنف وغيظ
    - اوعى تعملى كده تانى .. انا ما شحاتة .
    عندما اغتصبنى شقيقى (حنا) ترك فى روحى دمامل واوجاع فظية .
    (اوصل)
    ......
    شاهين.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-26-2008, 02:52 PM

محمد عثمان محمود
<aمحمد عثمان محمود
تاريخ التسجيل: 02-21-2008
مجموع المشاركات: 464

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    شاهين

    أنت رائع ... كلامك السلس الجميل.. يكوي في الفكك .... يسافر بالعقول.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-26-2008, 03:09 PM

صباح حسين طه

تاريخ التسجيل: 08-04-2007
مجموع المشاركات: 510

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)


    هذا يا أخي أقصي ما يتمناه الإستعمار خلق نخبة مغشوشة مدهوشة تتحدث عن عالم أول وتقول نفس كلام دكتورة إحلام وتفهم إنه في عالم متقدم هو إميركا وكندا وأوروبا وفي عالم متخلف هو السودان وما شابهه والتقدم هو أن يمشي العالم المتخلف في درب العالم المتقدم ليصل
    وبينسي هؤلاء أننا فعلاً ماشين في درب العالم المتقدم بس بكرعين محلوجات لأنه مستحيل كرعين ودعشاري تصبح زي كرعين رامبو
    لو كانت إحلام قالت العكس وهو إننا ما حنتقدم إلا بالإستغناء عبر أي صيغة من هذا العالم الأول الذي رابطنا رغماً عنا بعجلة تنميته وأخلاقه وإحتكاراته ومصالحه لكان في ذلك المستقبل الحقيقي والتنمية الحقيقي
    لكن هل سنستطيع عمل ذلك وعنده ما عنده من مؤسسات وقرارات مقاطعة إقتصادية وعزل وإختراق من الداخل والخارج
    إن مستقبلنا الحقيقي هو في تطور طبيعي وعلاقات تكامل وتبادل عادلة مع الدول المحيطةبعد إنعتاق بنياننا الإجتماعي من ربقة تطوره المشوه في إطار علاقات تابعة للنظام الكولنيالي العالمي والمستهدف لتطوير الدول القايدة فيه مقابل إستمرار الدوران حول النفس وحول النقطة نفسها ولعل هنالك أمثلة أهمها الصين التي إختطت درب تطور خاص بها ونجحت بعد محاولات عديدة وثورات ثقافية علي الثورة الأم وتحقق الآن أعلي معدلات التنمية في العالم بعد إنفتاقها من لحمة الإعتماد علي الخارج
    يقول بيت الشعر ما حك جلدك مثل ظفرك وعمره مافي دولة بتجي من عندياتها وأخلاقياتها عشان تطور ليها دولة أخري عشان خاطر عيونها إنها المصالح المصالح المصالح.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-06-2008, 07:15 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4172

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)



                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-27-2008, 07:55 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4172

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    (6)
    (2) حكايات احلام حسب الرسول (احلام الصول)
    اجلس فى عيادة (احلام تادرس) اتصفح عددا قديما من مجلة (حواء) المصرية .. كالعادة العيادة بسيطة وانيقة مثل صاحبتها .
    اول ما لفت نظرى فيها هو انها مسيحية .. لم اعرف قبطية قبلها .. اعجبنى الصليب الذهبى الصغير .. والتهذيب العالى , الانسانية التى تشع من العيون .. عرفنا بعد فترة من صداقتنا انها تنتمى الى اسرة غنية لديهم مصنع زجاج كبير .. ذات مرة شاهدتها تركب سيارة مرسيدس فارهة , نادتنى فى تهليل
    - ده بابا .. دكتور تادرس ميخائيل .. دى صحبتى يا بابا فى الجامعة واحدة من الاحلامات الحكيت ليك عنهم .
    اخبرتنى بعدها
    - ما بحب زول يعرف انى من اسرة غنية .. عايزة اكون زيكم بدون فرق .
    - ابوك دكتور ؟ .
    - لا .. ما طبيب .. عندو دكتوراة فى الجولوجيا .. خلى التدريس فى جامعة الخرطوم واتفرغ للعمل الخاص .
    - عندك اخوان ؟ .
    - عندى اخت واحدة , طبيبة امراض نساء واخ اتوفى قبل ما ادخل الجامعة كان اسمو حنا .
    - وامك ؟ .
    - طبيبة اسنان .
    - ماشاء الله عليكم .. انتو اسرة راقية شديد .
    - لا .. عادى خالص , نحنا اسرة عادية جدا .
    متواضعة بشكل لا يصدق .. مثقفة
    - دى رواية فرنسية ؟ .
    - البؤساء بتاعت فيكتور هيجو .
    - بتعرفى فرنسى ؟ .
    - يعنى , شوية , شوية .
    اتذكر الايام التى ماتت فيها شقيقتها (ماريا) , انقلبت بها السيارة وماتت بنزيف داخلى حاد فى المخ .. كان عندى شغف ان اراها , وعدتنى اكثر من مرة ان نذهب لها فى العيادة
    - اقول ليك سر يا بت الصول ؟ .
    - سرك فى بير يا بت يا عسل .
    - ماما ما بتحب مسلم يخش عندنا فى البيت .
    - ليه كده ؟ .
    - ما عارفة , هى ما بتحب السودان , وما بتحب نصاحب المسلمين .
    عندما ماتت (ماريا) تغيرت هى كثيرا
    - انا يا بنات نويت امتحان شهادة سودانية علمى .. واخش طب وامسك عيادة ماريا .
    (احلام السمحة) لا تحب الشخص الطموح
    - بالله عاينى الاقباط ديل جبارين كيف , ما عايزة تفك عيادة اختها .
    - ده اسمو وفاء وطموح .
    قبل سنة جاءت تزورنى فى الجامعة
    - عارفة , انتى الزولة الوحيدة الشجعتينى امتحن واخش طب .. ومتذكرة يوم زغردتى لى عشان نجحتا .
    - يا بت ده كان زمان .
    - فى حاجات ما بتتنسى لو مرت مليون سنة .
    لمحت نظرة الامتنان واطياف دموع قادمة فى العيون المسيحية الطيبة .. عرفت كم هى وحيدة وفى حوجة الى قلب قريب منها .. قررت ان ازورها بشكل منتظم كل اسبوع .. وها انا بعد سنة كاملة اجلس فى عيادتها .
    خرجت (احلام جلكنة) بجسدها الذى ترهل وخلفها كانت (احلام القبطية) وهما تضجان بالضحك
    - يا بت الصول شفتا قلة الادب بتاعت جلكنة .
    - حظك .
    - يا بنات ما تعملوا لى عقدة نفسية بلاش مسخرة فارغة معاكم .
    عنما ذهبت الى الحمام , تنهدت (احلام تادرس)
    - عندها ورم فى الرحم لازم نعمل عملية ازالة للورم وتحليل .
    - اتكلمتى معاها ؟ .
    - بعد برنامج بكرة عشان ما تدبرس .
    ونحن فى طريق العودة الى البيت , قالت (جلكنة)
    - احتمال يكون عندى المرض الكعب ؟ .
    - المرض الكعب ده كمان شنو ؟ .
    - السرطان .
    - لا حول ولا قوة .. انتى بقيتى دكتورة واحنا ما عارفين ؟ .
    - لا بالجد شايفة وش بت تادرس اتغير وهى قاعدة تكشف على .
    - يا بت مافى سرطان بيتعرف بالكشف كده ساكت .. لازم الزول يعمل تحاليل وهيصة طويلة .
    - انا الحاسة السادسة عندى ما بتغلط .
    - عليك الله بطلى هبالة وجرسة .
    وضعت شريط (زيدان ابراهيم) على الة تسجيل العربة .. اندلع الصوت السكران يترنح مع نغمات العود .. اغمضت (جلكنة) عيناها واراحت راسها على حافة المقعد
    - حليلك يا زيدان وحليل ايامنا .
    كنت اقود سيارتى وانظر لها بطرف عينى .. وجهها الرجولى الاسود كان يلمع مع اضواء السيارات القادمة فى الاتجاه المعاكس .. قلت فى سرى
    - ربنا معاك يا احلام .. ربنا معاك .
    (اواصل)
    ......
    شاهين.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-07-2008, 06:53 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4172

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)



                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-27-2008, 11:47 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4172

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    (ورقة من اوراق دكتورة/ احلام حسب الرسول كتبتها فى مصحة للامراض النفسية والعصبية قبل مقتلها فى ظروف غامضة)
    هل نستحق هذا البلد ؟ .. اعنى نحن , هل نستحق فعلا هذا البلد ؟ .. كثيرا ما راودنى هذا السؤال وانا اقود عربتى الخاصة , وانا استعد للنوم , وانا اقضى حاجتى فى الحمام .. يظل السؤال يلسع فى الحلق والقلب والعقل .
    لو كانت المليون ميل مربع هذه ومعها الاراضى الخصبة والثروة الحيوانية والمائية الضخمة .. والمعادن وغيرها من خيرات باطن الارض .. هل لو كانت فى يد شعب اخر غيرنا نحن , هل حال السودان كان سيكون كما هو عليه اليوم ؟ .
    انظر للبلاهة التى ترقد فى عيون الناس .. البصق على ارضية الحافلات العامة والمطاعم والطرق العامة .. اتحسر من اكياس (النايلون) التى تدمر البيئة وهى تتطاير مع الهواء الملوث بذرات الغبار الكثيفة .
    لو كانت امكانية السودان فى يد الشعب اليابانى ؟ .. لو كانت فى يد الشعب الصينى ؟.. لو كانت فى يد واحد من شعوب النمور الاسيوية ؟ .. هل كان السودان سيكون كما هو اليوم ؟ .
    قلت لعاملة النظافة وهى تنحنى لغسل ارضية لا تنظف
    - نحنا ما بنستحق السودان .
    قالت وهى منحنية
    - انا ما بتكلم فى السياسة .
    - طيب بتتكلمى فى شنو ؟ .
    ادارت ظهرها بكل احتقار , وخرجت .
    دكتور/ احلام حسب الرسول عابدين .
    (اواصل)
    ......
    شاهين.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-27-2008, 12:16 PM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4172

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    (7)
    حوش (ابوروف) .. اشجار الجوافة الكبيرة العجوز .. النوم والنظر الى النجوم فى سماء (امدرمان) .. كأن الزمن لم يجرى .. كأن السنوات لم تمضى .. اصبحنا فى حقبة الكهولة الحقيرة , نقاوم بالصبغة اثار شعر ابيض عنيد .. تجاعيد الوجه .. البسمة التى ما عادت مثل ايام زمان , ولا حتى الحزن .. زمان كان الحزن له معنى , الان اصبح ثقيلا جافا يترك فى القلب احساسا بالوجع .
    - نومتى ؟ .
    - صاحية .. الخميس ده بحب اسهر وافكر .
    - تفكرى فى شنو ؟ .
    - فى الدنيا .
    - زعلانة انك ما اتزوجتى ؟ .
    - خلاص نسيت الموضوع ده , فتحتا ليهو .. عارفة انا مش هسع عمرى واحد واربعين سنة , لكن لسه بمارس العادة السرية .
    - ها ها ها .. يجازى محنك يا بت الصول .
    - بالجد والله , يعنى اعمل شنو .. مرات بخجل من نفسى واقول الطالبات عندى ما بيعملوا كده .. دايرة اسأل احلام تادوس لو العادة السرية دى مضرة بالصحة .
    - يا زولة ما تشتغلى ب زول , اعملى البريحك , غايتو اخير ليك من مسخرة بنات الخرطوم ,
    - عارفة يا بت الصول انا ايام الجامعة حملتا بالحرام وعملتا عملية اجهاض .. عارفة كده ولا ما عارفة ؟ .
    - يا بت انتى مسطولة ولا شنو ؟ .
    - خجلتا اكلمك فى الوقت داك .. انتى زولة جنك قرأية وكتب وما عندك شغلة مع الشربكة والقذارة البتحصل بين الناس .
    - جلكنة عليك الله عندى صداع وما دايرة اعرف اى حاجة .
    - تانى يوم من زواجنا زوجى كان سكران , قال لى انتى شينة ومافيك ريحة الانوثة .. قلتا ليهو الشنا دى عارفها, لكن ريحة الانوثة دى جديدة لنج .
    - جلكنة اسكتى ما تطلعى دينى .
    - معقول يكون عندى سرطان رحم ؟ .. ده يكون عقاب من ربنا .. مش كده .
    - اسمعى يا جلكنة الساعة واحدة ونص صباحا .. نومى الله يرضى عليك .
    - تصبحى على خير .. لكن لو عندى سرطان بناتى ديل يمشوا وين .
    صمت يسود, والنجوم تنظر فى استغراب من علياء شاهقة .
    (اواصل)
    ......
    شاهين.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-27-2008, 12:40 PM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4172

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    استاذ/ محمد عثمان :- شكرا ليك كتير جدا .
    استاذة/ صباح حسين :- تحية وشكر على التعليق الجيد .. ما أكتب هنا هو مجرد رواية وليس بالضرورة رأى شخصى .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-28-2008, 09:23 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4172

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    (ورقة من اوراق دكتورة/ احلام حسب الرسول كتبتها فى مصحة للامراض النفسية والعصبية قبل مقتلها فى ظروف غامضة)
    المثقف السودانى .. هو من ارسله اهله وناسه لشراء الرخاء والرفاهية والامن والاستقرار لهم من السوق المجاور .. فخرج ولم يعد .. هكذا بكل بساطة , (ضرب القروش فى جيبه) .. هذا هو المثقف السودانى , خائن وجبان وابن كلب , يحب ان يحشر كلمات انجليزية وفرنسية بين اضراسه اثناء الحديث لكى نقتنع انه ابن كلب خطير واننا يجب ان نعطيه النقود ليذهب لشراء الرخاء ومعاقبة الذين (شردوا) بقروش الشعب .. نصدقه , ويذهب هو وينضم لنخبة (الشاردين) بقروشنا فى كروشهم .
    دائرة لعينة لا تنتهى .
    فساد ضرب فى النخبة حتى الجذور .
    المثقف السودانى مثل قرد (داروين) يناطح حتى يمشى على قدمين وينفرد بالنشؤ والارتقاء بعيدا عن الدهماء .. طفيلى يعيش على الكلام المعسول الذى يبعه للناس .
    فاسد وحقير .
    صاحب توكيل منزوع الصلاحية .
    حقير .. حقير .. حقير .
    د/ احلام حسب الرسول عابدين .
    (اواصل)
    ......
    شاهين.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-28-2008, 10:22 AM

أبوبكر حسن خليفة حسن

تاريخ التسجيل: 09-30-2005
مجموع المشاركات: 198

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    أخي شاهين ما أجملك وأجمل أحلامك !!
    أحلام تلك الفتاة الناشز الخارجة عن تقاليد التلقين والرافضة للسير في سكة القطيع المؤدية إلى دوامة الحظيرة الدائرية المحكمة الأبواب الشاهقة الجدر , والتي مآلها إلى المسلخ ولا شيء غير المسلخ ! وإذ هي ترفض أن تكون أداة من أدوات التزييف كما يريد لها دهاقنة القديم . تعلم مصيرها المحتوم سلفاً .. ـ ولكنها تريد أن تصنع ذلك المصير بنفسها وعلى طريقتها الخاصة , لا على طريقة المسخ المتكرر الخالي من الابتكار والموهبة الفطرية التي حرم منها هؤلاء الدهاقنة ـ ولذلك نراها قد أعدت له شعلة الوعي التي لا تنطفئ ولا تموت . والحُلمْ لا يموت ولا ينتهى .., وإن حاولت قتله ( عصابات المافيا ) بمكايدهم الإنسان رخيصة ووجههم الأرقط المبرقع بنقط الدم .
    والأقصوصة قد حكت عن الواقع بمعيارية مختلفة عن السائد والمألوف , وضيق أفق المجتمع والقائمين عليه قد دفع بهم إلى الهاوية والمجهول , فلم يجدوّا بد من رمي أحلامنا في أحد رفوف " المصحة النفسية " القائمة خارج دائرة المشهد والحضور .
    والرسالة كما يقول صديقنا أبو النييز قد وصلت كاملة غير منقوصة !!
    وعلى الرغم من ذلك واصل وزيدنا متعة وألم . فالظاهر جحيمنا أيضا لا يمتلئ !!

    مع الود والمحبة
    ابوبكر
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-28-2008, 10:42 AM

أبوبكر حسن خليفة حسن

تاريخ التسجيل: 09-30-2005
مجموع المشاركات: 198

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    Quote: بمكايدهم الإنسان رخيصة ووجههم الأرقط المبرقع بنقط الدم

    والله منبر ابوبكر دا عجيب خلاص تكتب كلام أبدلوا ليك ذي الما حصل شيء ؟!
    الجملة المقتبسة فوق دي أنا كتبتها هكذا ..
    وإن حاولت قتله ( عصابات المافيا ) بمكايدهم الخس يـ سة ووجههم الأرقط المبرقع بنقط الدم .
    فما عارف الجاب الإنسان ورخيصة دا شنو ؟!

    مع الشكر والمحبة
    أبوبكر
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-28-2008, 03:31 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22514

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)


    علي سبيل التحية
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-28-2008, 05:08 PM

فضيلي جماع
<aفضيلي جماع
تاريخ التسجيل: 01-02-2004
مجموع المشاركات: 6093

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: طارق جبريل)

    شاهين شاهين..شكرا لهذه الصحيفةالإليكترونية التي أهدتك إلينا. عشت واحدة من أروع أويقات المتعة الذهنية وأنا أنتقل من مشهد إلى آخر في سرد متقن. هذا مشروع رواية يمكن - بقليل من الصبر والمثابرة والتنقيح والمراجعة- أن تجعل منها عملا روائيا يحتل موقعا متقدما في نصوصنا السردية السودانية الناجحة على ندرتها. أقول هذا على مسئوليتي. يقولون عندنا في جنوب كردفانالخريف الليّن من شواقيرو بين)، أي إنك تستدل على جودة الخريف من كثافة خضرة الأرض. وأنت - بعرضك هذه المشاهد من الحكي وتقمص النفس البشرية، وخصوصاعالم الأنثى - قد أعطيت الدليل على أنك قاص نأمل كثيرا أن تحتل مكانك المرموق بإذن الله في كراسة أدب بلادنا قريبا جدا.

    إشارة هامة: أرجو منك مراجعة النص لغويا قبل أن تطلقه للقارئ. في لوحات روايتك هذه عدد لا بأس به من الأخطاء النحوية التي لا شك عندي أنها نتيجة استعجال وإهمال. اللغة ماعون الكلام يا شاهين فاجعل ماعونك أنيقا.

    لك محبتي.

    (عدل بواسطة فضيلي جماع on 02-28-2008, 09:08 PM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-28-2008, 09:14 PM

فضيلي جماع
<aفضيلي جماع
تاريخ التسجيل: 01-02-2004
مجموع المشاركات: 6093

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: فضيلي جماع)

    up
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-28-2008, 10:48 PM

محمد عثمان محمود
<aمحمد عثمان محمود
تاريخ التسجيل: 02-21-2008
مجموع المشاركات: 464

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: فضيلي جماع)

    شكراً يا شاهين على هذا الإمتاع الساحر الجميل .. واصل
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-01-2008, 11:59 AM

abcde
<aabcde
تاريخ التسجيل: 07-04-2002
مجموع المشاركات: 975

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    +
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-03-2008, 08:01 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4172

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    (8)
    (2) حكايات احلام تادرس (احلام القبطية)
    الوحيد الذى يتصل فى هذا الوقت المزعج هو الزوج العزيز (مرقص) , من امريكا , قبل ان ارد اعرف الحوار بالنص .. الطلب بالذهاب اليه .. سمعت من (هيلين) ابنة خالتى انه يواجه صعوبات مالية خطيرة هناك .. يريد تغيير الخطط .. الذهاب الى القاهرة وانشاء شركة مع اقباط مصريين .. لو كان هدفه القديم من بيع بيت بابا فى الخرطوم تلاتة وعيادتى فى شارع الاربعين وارض مصنع الزجاج فى الخرطوم بحرى , هو قطع الجذور بالسودان لاسباب دينية .. فان الهدف هذه المرة من اجل النقود فقط بعد التعثر المالى فى امريكا .
    - الو , اهلا مرقص .
    - نايمة ؟ .
    - الساعة عندنا واحدة ونص صباحا .
    - عارف .. لكن زمن طويل كنتى قافلة الموبايل .
    - اتأخرت فى العيادة شوية .. وبعد كده مشيت النادى القبطى جبتا سارة ونادين من عرس واحدة صاحبتهم .
    - نويتى على شنو احلام ؟ .
    - فى شنو ؟ .
    - انك تبيعى وتجى معاى .
    - القاهرة ولا امريكا ؟ .
    - ح نكون بين هنا وهناك .
    - وسارة ونادين ؟ .
    - ديل ما بناتك .. ديل بنات اختك ماريا .. وابوهم عايش فى الدنيا , يعنى ممكن يمشوا ليهو فى استراليا .
    - ابوهم اتزوج استرالية .. وانا عايزاهم يحبوا البلد دى .
    - انتى انسانة ما طبيعية .. اصحاب البلد المسلمين بيبيعوا وبهاجروا امريكا وانتى ما عايزة !! .
    - نحن اسياد البلد دى يا مرقص اقراء التاريخ وموجودين فيها قبل المسلمين .. وانت عارف وضعى هنا كويس جدا .. ايجار ارض المصنع وارباح الوديعة السنوية بتعيشنا كويس .
    - الفرص هنا احسن .
    - تعال وشغل مصنع القزاز من جديد .. افتكر دى فرصة كويسة .
    - قزاز شنو ؟ وزفت شنو يا احلام ؟ انا ما بحب بلد المسلمين الخراء دى .
    - والقاهرة ما فيها مسلمين ؟ .
    - يا احلام انا ح اكون شريك فى شركة سياحية ضخمة .. المقر ح يكون فى القاهرة وبعد كده ممكن نعيش فى اى بلد انتى عايزاها .
    - والمطلوب ؟ .
    - تمن ارض المصنع وبيت الخرطوم تلاتة والعيادة والوديعة فى بنك اسكندرية , ممكن نكون انا وانتى شركاء بحصة اكبر فى الشركة .
    - مرقص اسمعنى كويس .. احنا ما ح يكون عندنا اطفال .. لزوم المشاريع والشحططة فى امريكا والقاهرة شنو ؟ .. مرقص ارجوك انا هسع عمرى 39 وانت 45 .. احنا ما صغار عشان نبداء تانى من جديد .. حرام عليك انا محتاجة ليك شديد .. ما معقول خمسة سنين ما اشوفك فيهم غير كم شهر .. انا انسانة من لحم ودم يا مرقص .
    - انتى عمرك ما فهمتينى يا احلام .
    الساعة الواحدة والنصف صباحا .. نفس الحديث .. دون اى اضافة , يا (مسيح)
    - احلام انا جاى السودان بعد شهرين .. ممكن نتفاهم احسن من التلفون .. ok حبيبة ؟ .
    الارض هى رمز المقاومة يا (مرقص) .. رمز رفض فكرة طرد الاقباط من السودان .
    (اواصل)
    ......
    شاهين.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-03-2008, 09:16 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4172

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    (9)
    (1) حكايات احلام الحاج (احلام البعثية)
    كسرنى منظر دخول القوات الامريكية قلب العاصمة العراقية (بغداد) .. تبددت سنوات .. تبولت على نفسى , شاشة التلفاز تراقصت امام عيونى .. سقوط تمثال (صدام حسين) البرونزى الضخم وكانه سقط مباشرة على قدمى .. تبولت على نفسى .
    انكسرت شظايا .. شظايا مبعثرة .
    1993 فى واحدة من الاعتقالات السخيفة والمهينة , وضعوا امامى صور زوجى (النذير) وهو عارى تماما ويمارس الجنس مع شاب فى العشرينيات يعمل عنده فى المحل التجارى
    - افتحى خشمك تانى واعملى فيها مناضلة .. بدل النضال والكلام الفارغ اتكلمى مع راجلك العيالتى ده يمكن ربنا يهديهو .
    اغلقت فمى , انكسرت شظايا .. شظايا مبعثرة .. حملت ابنى (رامى) فى كتفى وذهبت الى بيت ابى
    - طلقنى يا (النذير) .. ناس جهاز الامن صوروك انتا والولد الشغال معاك وفرجونى على الصور .
    لم يتكلم .. ارسل الورقة بعد يومين .
    منذ 1993 وانا لم اعد (احلام) القديمة .. نفس الاكل والشرب , نفس الملابس , والنوم والاستيقاظ .. لكننى تغيرت .. اصبحت اخاف .
    منظر اقتحام القوات الامريكية قلب (بغداد) اضاف الى الاعباء عبء التبول الا ارادى .
    البس (البمبرز) مثل الاطفال الصغار وابكى على نفسى ليلا
    - دى نهاية الزول المهتم بالشأن العام فى بلد متخلف .
    الحزب الذى تبعثر .. والحلم الذى تقلص .. حلم الامة العربية الواحدة من الخليج الهادر الى المحيط الثائر .. تبخر الى حدود منزل ابى فى (الجريف) .. حلم ان ينشاء (رامى) فى جو صحى نظيف , ان يتعلم تعليم محترم ويغادر هذه (الخرابة) الى بلد اكثر انسانية واحترام .
    - شعب عربى واحد .. جيش عربى واحد .
    المؤمنة بالامة ذات الرسالة الخالدة .. انتهت وهى فى الواحدة والاربعين من العمر الى مجرد حطام وبقايا بشرية .. (رامى) هو الذى يجعلنى ارفض الانتحار .
    عمود غبى فى صحيفة يومية اكثر غباء .. كتابة بلا روح ولا حلم حقيقى .
    غدا الجمعة عصرا لقاء عصابة (الاحلامات) .. نبش فى تاريخ صداقات ماتت .. ما الفائدة ؟
    تغيرنا كثيرا .
    ابكى مع صوت (عبدالكريم الكابلى)
    - تلقى الزمن غير ملامحنا
    واحنا بقينا ما احنا
    وانا الصابر على المحنة .
    انظر الى نفسى فى المرأة واردد بصوت تغطيه طبقات كثيفة من المرارة والاكتئاب
    - واحنا بقينا ما احنا .
    (اواصل)
    ......
    شاهين.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-03-2008, 09:18 AM

sama7
<asama7
تاريخ التسجيل: 02-05-2002
مجموع المشاركات: 1342

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    أمتعتنا يا شاهين

    أفكار أحلام الصول دى بتشبهنى ياربى حادخل مصح برضو؟؟؟؟؟؟؟ j/k

    واصل ومواصلين معاك

    لا تحرمنا
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-03-2008, 01:46 PM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4172

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    استاذ/ ابوبكر حسن :- شكرا جزيلا على التحليل النقدى , الادبى /السياسى لما كتبت , شكرا حبيب .
    استاذ/ طارق جبريل :- تحيات طيبات .. لك خالص الود .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-03-2008, 02:06 PM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4172

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    استاذ/ فضيلى جماع :- انا عاجز عن الشكر للكلام الطيب واتمنى ان استحقه .. اعتذر للجميع عن الاخطاء الاملائية والنحوية الواردة فى النص , اعتذر بشدة ,اراجع هذه الايام كتب فى النحو والبلاغة حتى اقوم بتجويد اللغة .. طبعا تعلم استاذى ان دور النشر تقوم بمراجعة النصوص لغويا بواسطة مصححين محترفين .. وعد منى ان اراجع النص لغويا فى المرات القادمة بشكل جيد .. مداخلتك شرف كبير .
    شكرا جزيلا .
    استاذ/ محمد عثمان :- على التشجيع المستمر , لك الاحترام .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-04-2008, 07:03 AM

فضيلي جماع
<aفضيلي جماع
تاريخ التسجيل: 01-02-2004
مجموع المشاركات: 6093

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    القاص الموهوب/ شاهين
    شكرا على الفهم الواعي لملاحظاتي في الشق السالب للنص (الشق اللغوي). بمثل سعة الصدر هذه نسمو على آفة الغرور في داخلنا ونرى الأشياء بوضوح أكثر. ثم إنك تقول في تعقيبك:
    Quote: طبعا تعلم استاذى ان دور النشر تقوم بمراجعة النصوص لغويا بواسطة مصححين محترفين ..

    لا..أيها المبدع. المصحح الأول لأي نص هو كاتبه. لذا فإن استيعاب الكاتب -اي كاتب وفي أي اللغات كانت نصوصه - للغة التي بكتب بها أمر يأتي في المرتبة الأولى من أولويات الكتابة. لذا أعجبني قولك في ذيل هذا التعليق:
    Quote: وعد منى ان اراجع النص لغويا فى المرات القادمة بشكل جيد .

    هنا مربط الفرس وهنا شجاعة النفس يا شاهين.
    واصل ما تكتب ، وأقولها على مسئوليتي كقارئ لا بأس به في الرواية؛ مع هطولك الميمون هذا ، أجزم أننا موعودون فيك بقلم روائي ضخم إذا واصل جهده دون كلل وإذا حفظه الله من مرض الغرور.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-04-2008, 10:58 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4172

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    (10)
    (1) حكايات طارق مهدى
    لن افشل هذه المرة .. واتمنى ان تصبح مثل المثل الشهير (هذه بسهولة اكل قطعة من الكيك) .
    المهمة الجديدة اختراق شركة (فالكون للاستثمار المحدودة) .. صاحبها محامى متقاعد وكادر اسلامى لا يظهر فى الاجهزة الاعلامية السودانية (الطاهر حسين شقلا) .. ثعلب حقيقى فى منتصف الستينيات من عمره .. حريص بشكل مريب .. حتى فى فترة تواجد (اسامة بن لادن) بشكل علنى فى (الخرطوم) لم يتم رصد اى لقاء بين الرجلين .
    ما اثار الريبة فى واشنطن هو ابتعاد هذا الثعلب عن السياسة تماما بعد 1989 , رغم انه كان قبل ذلك نجم من نجوم الجبهة الاسلامية , لماذا ؟ .. كان هذا السؤال مصدرا للقلق .
    فى 1988 صدرت تعليمات بتجنيده فى جهاز ال CIA باعتباره شخصية مرشحة للصعود فى الساحة السياسية السودانية .. قبل ان نبداء التحرك تم الغاء الامر
    - تم تجنيد شخصية اكثر اهمية هنا فى الخارج , اوقفوا محاولات ضمه .. هم يستعدون لتنفيذ انقلاب عسكرى فى منتصف 1989 , احتمال نجاح الانقلاب كبير , ازرعوا عميل لمتابعة خطواته ,النسر الذهبى شخصية خطيرة ولا نثق فيه مطلقا هو يكره الامريكان جدا , اكرر تابعوا خطواته جيدا.. (انتهى) .
    بعد جهود مضنية استطعنا زرع المحامية (جواهر) فى مكتب المحاماة الضخم الذى يمتلكه فى وسط (الخرطوم) .. استطاعت الاقتراب الى حد مدهش اصبحت زوجته الثانية .. التقارير التى كتبتها اكدت ان الانقلاب فى منتصف 1989 واكدت انه شخصية محورية فى الحركة الاسلامية السودانية .
    بعد شهور قليلة ماتت (جواهر) فى حادث سير مريب
    - فقدت قناة الاتصال مع النسر الذهبى .
    - مستر طارق مهدى يتفرغ للنسر فقط .. هم حتى الان اصدقاء اوفياء لنا , ربما تحولوا الى اعداء .. استعدوا لكافة الاحتمالات عندكم فى الخرطوم .
    بعد نجاح انقلابهم العسكرى , اصبحت حركته غريبة .. روتينية .. صعبة الاختراق .
    ترك المحاماة وتفرغ لانشاء شركة تجارية .. من العمل الى البيت , من البيت للمسجد .. تزوج للمرة الثالثة , شركته الخاصة تمت احاطتها بشباب متدين مهووس .
    - غريب الهدف ابتعد عن السياسة !!! .
    - لماذا ؟؟ .. كانت هناك احتمالية لمعان نجمه بعد الانقلاب ؟؟ .
    - الوضع عندى سلبى .
    - لا تبتعد عيونكم عنه .. ربما تفرغ للجناح المسلح فى الحركة .
    الطامة الكبرى كانت فى سفره الى (اديس ابابا) قبل محاولة اغتيال (حسنى مبارك) بثلاثة اسابيع , هذه لم تظهر عندى فى التقرير الدورى , ولم ارصدها .. كيف سافر هذا الثعلب العجوز دون ان اعرف ؟ .
    قضى ايام فى العاصمة الاثيوبية ولم ارصدها .. اخر معلومة انه مريض فى منزله فى (الرياض) ولا يخرج منه !!!
    - مستر طارق مهدى انت فى اجازة مفتوحة .
    - ارجوكم .. اريد فرصة اخرى .. ملف النسر عندى من سنوات .. ارجوكم .
    - التعليمات واضحة .. نفذ .
    والان اعود الى العمل من جديد .. لو فشلت هذه المرة سوف اجد نفسى فى رصيف المحطة الوسطى .
    - طارق مهدى .. سوف نمنحك فرصة اخيرة .. واحدة من تحقيقات (غوانتانامو) اثبتت ان هناك اربعة اسيويين قد دخلوا السودان عن طريق شركة (فالكون) بحجة انهم عمالة اسيوية ومكثوا فى السودان فترة قصيرة .. نعتقد ان هذه الشركة هى ذراع (القاعدة) فى منطقة القرن الافريقى .. امامك فرصة اخرى .. اخترق فورا الشركة مهما كان الثمن .. وفورا يعنى فورا .. انت المسؤول امامى عن هذا الملف .. غامرت بمستقبلى فى الوكالة حتى اقنعهم ان تعود لهذه المهمة .. لا اريد فشل هذه المرة , مفهوم ؟ .. انا الذى جندتك للوكالة واعتبرك مثل ابنى .. لا تخذلنى , نجاحك يعنى نجاحى , مفهوم ؟ .
    - ثق بى هذه المرة مستر ايكس .. امهلنى فترة معقولة .
    - لا فترة معقولة مستر طارق فى واشنطن يريدون نتائج ايجابية على الارض وفورا .
    من ؟ من الشخصيات التى تعمل فى (شركة فالكون) ليس لها ماضى سياسى مع التيار الاسلامى .
    - احلام الطيب بانقا .
    جيد سوف ابداء الاختراق بدارسة التاريخ هذه .
    (اواصل)
    ......
    شاهين.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-04-2008, 03:31 PM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4172

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    (ورقة من اوراق دكتورة/ احلام حسب الرسول كتبتها فى مصحة للامراض النفسية والعصبية قبل مقتلهافى ظروف غامضة)
    اسهال من الاغانى الوطنية .. اسهال لزج كريه الرائحة .. اسهال يخرج من مؤخرة اجهزة المذياع والتلفاز .. اسهال عن الوطن الذى هو (قطع شك) افضل وطن فى الدنيا .. عن الشعب الافضل ويا سبحان الله من بقية مخلوقات الله التى تمشى على قدمين .
    اكره الاغانى الوطنية .. بضاعة مغشوشة .. اقول لاصدقائى
    - الاغانى دى تعبير عن العجز .. تعويض لمركب نقص حاد .
    فى دول العالم المتحضر لا توجد مثل هذه السخافات .. لا يوجد سوى النشيد الوطنى .
    نحن نمارس الافضلية عبر الاشعار والموسيقى .. نضحك على انفسنا او يضحكون علينا لا فرق .. الافضلية هى فى معيار فرص العمل , فى مستوى دخل الفرد , والصحة واحترام حقوق الانسان, وحق الاعتقاد والعبادة , والمساهمة فى الثورة العلمية والتقنية العالمية .
    اما تقديم وجبة الاغانى الوطنية بهذا الشكل السمج وبهذا الالحاح العبيط فهو يعنى الافلاس التام والكامل .
    اسهال الاغانى الوطنية هذا يسبب القرف .. فقط لا غير .
    ارحمونا قليلا .
    دكتورة/ احلام حسب الرسول عابدين .
    (اواصل)
    ......
    شاهين.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-04-2008, 03:47 PM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4172

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    استاذ/ محمد عثمان محمود :- لك خالص الشكر مرة ثانية .
    استاذ/ abcde :- تحياتى حبيب .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-04-2008, 05:38 PM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4172

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    (11)
    (1) حكايات مرقص سمعان
    كيس القطن .. هكذا اناديها بينى وبين نفسى .. كيس من القطن .. كل ما فيها منفوخ .. اجفان عيونها , اردافها , نهودها , اعضائها الحميمة .. كل ما فيها منفوخ .. وحيدة , عاشقة غبية لاغبياء , السودان وخدمة السودانيين .. خراء .. عندما انام معها اريد ان اضحك من اختياراتها الحمقاء .. متدينة , عبيطة .. من اجل ارض الخرطوم بحرى الكبيرة يا كيس قطنى تزوجتك , من اجل منزل الخرطوم تلاتة وعيادتك فى امدرمان والوديعة التى ترقد بالدولار فى بنك الاسكندرية .. الاب مات بالفشل الكلوى , والام كارهة اصيلة مثلى للمسلمين , حملت نصيبها من ميراث المقبور وهربت الى فتى فى عمر بنتها فى (كندا) .. وبقيت مع هذه الكارثة .
    عندى الجواز الامريكى .. ماذا تريد اكثر من هذا ؟ .
    ضربتها مرة .. نهضت من فوقها مرات وهى على حافة الوصول للذروة الجنسية .. لا فائدة .. حديد لا يلين
    - عايزك تبيعى ونهاجر من البلد دى .
    - دى بلدنا يا مرقص .
    كل الوسائل غير مجدية .
    والان الفرصة الذهبية تلوح فى الافق .. مشاركة فى شركة رقيق ابيض تحت ستار السياحة .. الارباح مضمونة .. وتلك العاهرة المنفوخة تملك ما يزيد عن احتياجى
    - مش ح نقدر نستنى كتير يا مرقص .. فى اكتر من مصرى مستنى الفرصة دى .
    شركة كبيرة , تفويج روسيات الى القاهرة بحجة السياحة فى نفس توقيت تفويج خليجيين .. توفيق راسين فى الحلال لمدة شهر بين الاقصر وشرم الشيخ وشارع الهرم .. ارباح مضمونة وشركاء لهم علاقات رائعة مع شخصيات نافذة فى الحكومة المصرية .. ابداع يا كيس قطنى .. نقود وعلاقات عامة وسفر ورؤية دنيا .. وانتى قابعة فى عيادتك فى شارع الاربعين ترددين مقاطع من الانجيل والكشف بسعر رمزى .. تريدين الجنة ؟ .. سوف اقدم لك الجنة على طبق من ذهب .. ايتها المنفوخة .. يا قديسة خرجت من صفحات الكتاب المقدس .
    (اواصل)
    ......
    شاهين.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-04-2008, 05:51 PM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4172

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    استاذة/ سماح .. كل التحايا والامنيات الطيبة .
    استاذى/ فضيلى جماع .. عاجز عن شكرك للاهتمام .. كما قلت لك اعدك جازما ان اراجع وادقق وانقح نصوص ما اكتب .. احتاج الى النقد كثيرا لتطوير ملكة الكتابة .. اعدك ان تجد نصوصى القادمة اكثر تماسكا من النواحى الفنية واللغوية .. خالص الاحترام .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-06-2008, 01:40 PM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4172

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    (12)
    (2) حكايات احلام الجاك (احلام جلكنة)
    (الحاجة زينب) تحولت الى مخلوق غريب .. مثل القرود الثلاثة الشهيرة , لا تسمع , ولا تبصر , ولا تتكلم الا فى شكل فحيح غير مترابط .. تتحدث الى لا احد تحكى فى صوت غير مسموع الا بصعوبة شديدة عن حقبة الاربعينيات وعن حى (ابوروف) عندما كان عبارة عن (خلاء) مخيف .. تتحدث عن اشخاص ماتوا قبل عشرات السنين وتطلب الذهاب لزيارتهم .. غريب ان تتخيل انك ستجد الشخص الذى تركته قبل سنوات هو نفسه .. فى اخر زيارة لى قبل سنتين ونصف كانت (الحاجة زينب) فى كامل اللياقة الذهنية عرفتنى على الفور وقضينا ساعات نحكى عن ايام زمان ..هذه المرة عرفت معنى ان يموت الانسان وهو حى يتنفس .
    اخاف من التقدم فى السن .. عندما انعمت على عصابة (الاحلامات) بلقب (جلكنة) شعرت بغصة ثقيلة .
    اشاهد تلميذاتى وهن يتحولن الى نساء كبيرات .. جاءت واحدة تسحب فى يدها تلميذة جديدة
    - ازيك يا استاذة احلام .. انا تلميذة قديمة انتى درستينى .. ودى بتى طالبة جديدة معاكم .
    - بالله الزمن بيجرى بالسرعة دى ؟ .
    اقلق من حالتى الصحية .. هناك شىء غامض .. اخاف ان اموت قبل ان اطمئن على بناتى .. واكره ان اعيش حتى اصبح مثل والدة (احلام الصول) .
    كل زيارة لى للخرطوم .. اذهب الى الاماكن التى كنا نذهب انا و (منعم) اليها.. يدهشنى التغيير الذى يحدث للعاصمة
    - الناس دى بتجيب القروش من وين ؟ .
    عمارات تنهض .. وعمارات تختفى .. ذات مرة كتب (منعم) على حائط (دكان) مغلق فى قلب الخرطوم
    - احى انا من جسمك يا بت الجاك .
    - يا ود دى شنو قلة الادب بتاعتك دى هسع لو زول شافك بتكتب الكلام ده يقول علينا شنو ؟
    - ده عشان لما نجى بعد عشر سنين مارين من المكان ده نقراء الكلام العوير ده ونضحك على عوارتنا .
    وبعد سنوات طويلة مررت على المكان كانت عمارة ضخمة تنظر لى فى سخرية وهى تشير باصبعها الاوسط فى وجهى
    - طظ فيك .
    فقط ان تتزوج بناتى .. وبعد ذلك فليذهب كل شىء الى الجحيم .
    كل زيارة لى (للخرطوم) اتخيل اننى سوف اقابل (منعم) صدفة ,انظر الى وجهه الابيض الوسيم وينظر هو لى فى خجل ثم ينظر الى الارض فى شعور بالذنب .. كل زيارة (للخرطوم) اتخيل هذا السيناريو ومثل كل مرة لا يحدث ابدا , اضع طرف (توبى) على فمى وانا اضحك
    - والله الظاهر على سحلبتا رسمى وشعبى .
    (اواصل)
    ......
    شاهين.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-06-2008, 03:47 PM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4172

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    (13)
    (2) حكايات احلام الحاج (احلام البعثية)
    كسرتنى لحظة دخول جحافل القوات الامريكية الى (بغداد) .
    وانت يا (رامى) مركز الوجود .
    انت يا ابنى الارض .. وانا الكوكب التابع لك .
    انت مشروعى الوحدوى الجديد .. انت الهدف والمراد .
    احميك ما استطعت من الاوهام الساذجة .. ازرع فيك بذرة الفردية لانها الاصح , لانها اثبتت مصداقيتها على مر الايام .
    ايامى يا حبيبى (رامى) كانت وردية .. وطن ضخم يتشكل من فسيفساء اقطار متعددة ومتنوعة , رمال الصحارى ومياه الانهار العذبة .. البترول والاراضى الزراعية الخصبة .. الكفاح المشترك والمصير الواحد .. القمح المزروع محليا .. نزع فتيل التبعية .. كسر الانظمة الملكية والجمهورية المتعفنة .. قتل الفقر والتخلف .
    وطن عربى ضخم وكبير .
    قوة اقتصادية هائلة .. مشروع وحدة قديم , قبل الاتحاد الاوروبى .
    سفر بالبطاقة الشخصية .
    احلام .. احلام .. احلام .
    اوهام .. اوهام .. اوهام .
    عش حياتك يا (رامى) بعيدا عن الشعارات الجوفاء .. الشعارات يا حبيبى تذوب مثل البسكويت فى كوب شاى ساخن !! .
    الشعارات محطمة القلوب بامتياز !! .
    تزوج من فتاة احلامك .. عش حلمك وطموحك الخاص .
    لا تنكسر مثلى فى جهاز امن .. او امام شاشة تلفاز .
    مواطنون عراقيون يضربون صورة كبيرة للقائد (صدام حسين) بالاحذية بينما الدبابات الامريكية تقتحم قلب العاصمة الحبيبة على نفسى .
    انكسرت شظايا .. شظايا مبعثرة .
    انت يا (رامى) شمسى .. شمسى التى تسطع كل يوم على ليل تعاستى الخاصة .
    كم احبك يا حبيب .
    (اواصل)
    ......
    شاهين.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-09-2008, 10:26 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4172

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    (14)
    (1) حكايات عزت الطريفى
    - يا نسيم ارجوك .. روح لها وحييها
    بالغرام البى .. والشجون احكيها
    بى ادب يا نسيم .. واحترام ناجيها
    لعل بالتذكار .. عطفها يعود ليها
    تزلزلنى الاغنية , اغرق فى بحور من الذكريات .. (الهام) وهى تنطلق فى شارع النيل , حنجرتها الذهبية تحرك المياه .. اقبض على يدها
    - كده عيب يا عزت .. لا .
    - غنى لى عليك الله .
    ينداح الصوت الماسى .. ينداح بطول وعرض شارع النيل , يصل الصوت الى (الشماسة) والعاشقين والمنحرفين والاسر الهاربة من صيف (الخرطوم) الملعون , تهتز اركان القصر الجمهورى
    - ان ابت او صدت .. دعها تتبع تيها
    فهى جاهلة وديعة .. رقيقة راقية نبيهة
    لا تحاول حاذر .. يا نسيم تأذيها
    فهى لسه ندية .. الحرير يدميها
    حورية نايمة وعايمة .. فى وداد والديها
    روحى بينك وبينها .. وانتا ماك داريها
    ووجدى خلفك حارس .. قلبى بين كفيها .
    اين (الهام) يا (عزت) ؟ .. اين السينما ؟ ومسرح الاراجوز المدرسى ؟ .. اين (خرطوم) الثمانينات ؟ الطالب الهارب من كلية الاقتصاد الى معهد السينما العالى فى (القاهرة)
    وطالبة مهد الموسيقى والمسرح .. اين الاستاذ ؟ .
    - غنى .. غنى يا الهام .
    يمتد الصوت الى جزيرة (توتى) .. يرسم قوس قزح على (محس) لا يتكلمون النوبية
    - وهى نايمة وحالمة .. وروحى ساهرة عليها
    وعينى باكية وصاحية .. والمنام جافيها
    كيف يكون لو حست ؟ .. وشافت الحاميها
    والمحبة فى لوعة .. وبخشوع راجيها
    فانسحبت وقلبى .. تركته خاضع ليها .
    والان ماذا يا (عزت) ؟ مجرد مخرج نشرات اخبار وبرامج حوارية ثقلية الظل !! .
    كان الاستاذ يتكلم , سحره لا يقاوم .. كلام ينساب الى العقل .. الاستاذ , الاستاذ .
    عندما اعدموه .. تحولت (الهام) الى كتلة من العيون الحمراء
    - وااااى .. وااااى يا عزت .
    امسكها من يدها وابكى .. لا نعرف الى اين نسير والى من نذهب .. هى تبكى وانا ابكى فى قلب السوق العربى والناس ينظرون الينا فى بلادة .. فجأة جرت منى واخذت تصرخ باعلى ما فى صوتها الماسى
    - يا ناس يا ناس .. محمود محمد طه مات يا اولاد الكلب .. محمود محمد طه قتلوه يا اولاد الحرام .. اتحركوا معلون ابو امكم واحد وراء التانى .
    جريت خلفها فى هلع
    - الهام لا .. لا .. لا .
    انظر الى ساعتى صديقات سخيفات لزوجتى السخيفة سيهبطون علينا .. اصبحت لا احب المناسبات الاجتماعية .. افضل العزلة والذكريات والصمت .
    - وعينى باكية وصاحية .. والمنام جافيها
    كيف يكون لو حست ؟ .. وشافت الحاميها
    والمحبة فى لوعة .. وبخشوع راجيها
    فانسحبت وقلبى .. تركته خاضع ليها .
    (اواصل)
    ......
    شاهين.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-09-2008, 01:38 PM

khalid abuahmed
<akhalid abuahmed
تاريخ التسجيل: 10-25-2005
مجموع المشاركات: 3122

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    الاخت
    صباح حسين طه

    عليك الله خلينا نستمتع بالرواية وخليك مع الزمن..!!
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-09-2008, 01:53 PM

malik_aljack
<amalik_aljack
تاريخ التسجيل: 02-04-2002
مجموع المشاركات: 1281

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: khalid abuahmed)

    شاهين

    أتابع باستمتاع و أعيد القراءة مرات كثيره مع العلم أنني نادرا ما أجد وقتا للقرآءة ناهيك عن كتابة البوستات و الردود
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-10-2008, 08:38 AM

محمد عثمان محمود
<aمحمد عثمان محمود
تاريخ التسجيل: 02-21-2008
مجموع المشاركات: 464

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: malik_aljack)

    جميل وعظيم .. نقرأ باهتمام يا شاهين
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-10-2008, 02:36 PM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4172

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    (ورقة من اوراق دكتورة/ احلام حسب الرسول كتبتها فى مصحة للامراض النفسية والعصبية قبل مقتلها فى ظروف غامضة)
    (كررى) هى مشكلتى الشخصية .. احدق جيدا فيما قيل حولها , انقب فى دار الوثائق وفى المكتبات القديمة .
    اى قيادة عسكرية رشيدة تعرف متى يجب ان تستسلم ومتى يجب ان تتراجع وتستسلم .. لا يمكن ان تدخل معركة تعرف جيدا انها ستسحق عظامك .. هذه ليست بطولة , هذا غباء متناهى .
    اليابان خلال الحرب الكونية الثانية , اختارت الاستسلام , كانت خطوة ذكية للغاية , (ركوب الراس) كان سيعنى مواصلة القاء القنابل الذرية عليها .
    قرار الحرب ليس قرارا شخصيا حتى يتم اعلانه بشعارات الاسد الذى يأكل النار والفارس (الضكر) (اخو البنات) .. لا يمكن ان يتم وصف ما حدث فى (كررى) الا على ان (التعايشى) قد قدم ارواح برئية دون اى داعى للمحرقة .
    المساكين , حتى الية عمل (المدفع) لم يكن لديهم ادنى فكرة عنها , كانوا يعتقدون ان (حشر) الراس فى الفوهة المعدنية المستديرة كافى لايقاف (الدانة) من الانطلاق .
    لو كان الدراويش قد انتصروا فى تلك المعركة ؟ اى دولة ظلامية كانت ستعشعش فينا .
    (يونس ود الدكيم) مات وهو لم يتذوق (اللحم الابيض) للملكة البريطانية .
    - ان اسلمتى امنتى شرنا وزوجناك الامير يونس ود الدكيم .
    اتخيل الملكة البريطانية وهى تخضع لعملية (طهور) اجبارية .. وهى (تعوس الكسرة) وتثرثر مع الجارات (الامدرمانيات) فى انتظار عودة زوجها الغالى (ود الدكيم) المشغول بنشر تعاليم الاسلام فى ارجاء المعمورة .
    (كررى) هى مشكلتى الشخصية والاكاديمية .
    دكتورة/ احلام حسب الرسول عابدين .
    (اواصل)
    ......
    شاهين.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-11-2008, 07:07 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4172

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    استاذ/ خالد عبدالله :- خالص الود والتحايا .
    استاذ/ مالك الجاك :- سعيد جدا ان ما اكتبه قد اعادك الى قواعد القراءة سالما .. شكرا , شكرا .
    استاذ/ محمد عثمان :- عاجز عن الشكر لمداخلتك وتشجيعك المستمر .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-13-2008, 08:04 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4172

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    (15)
    (3) حكايات احلام تادرس (احلام القبطية)
    عندما اغتصبنى شقيقى (حنا) ترك فى انوثتى شرخا مازالت اتحسسه حتى الان وانا على عتبات الاربعين .
    اليوم هو الجمعة .. عصرا سوف تلتقى عصابة (الاحلامات) .. سوف نجتمع وننظر فى اعين بعضنا البعض , نتكلم ونضحك .. كانت ايام جميلة , لماذا يكون الماضى دائما اجمل من الحاضر ؟ .
    كنت اتمنى ان اعيش فى حقبة
    الاربعينيات من القرن الماضى .. (الخرطوم) كانت اجمل واكثر تسامحا من الان .. خليط عجيب من البشر , امم متحدة مصغرة .. سودانيين - مسلمين واقباط - , وانجليز وهنود , يونانيين وشوام , حانات مفتوحة الابواب وندوات شعرية وادبية , افندية يعملون على انشاء حركة وطنية نابضة بالاخلاص وحب الوطن , طلاب يهربون الى (مصر) , وطلاب يعودون منها حاملين بذور الماركسية , اصوات الوحدة تحت التاج الملكى المصرى ترتفع .
    حلمى القديم والمتجدد على الدوام ان اكتب روايات . ان ارسم مسيرة هذا الوطن منذ عهد الممالك النوبية حتى الان , اتحمس وابداء فى الكتابة ولكننى اتراجع مهزومة
    - من سيقراء ؟ .. وما فائدة الكتابة اساسا ؟ .
    انظر الى مخطوطات روايتى المهجورة .. (زقاق صليب) كتبت فيها اكثر من خمسين صفحة عن الدعارة الرسمية .. كتبتها قبل سنتين ولم استطع اضافة اى حرف فيها حتى هذه اللحظة
    - انتى مهجورة ومكبوتة مثلى يا زقاق صليب .
    اضع (المخدة) على وجهى , اريد للصوت ان يتوقف , ياتى عاليا قويا متشنجا من المسجد المجوار .. صلاة الجمعة .. مكبرات صوت تقتحم الهدواء , تشعل النار فى معتقدات الاخرين .
    - يا احباب رسول الله يقول التنزيل الكريم ان اشد الناس عداوة للذين امنوا هم اليهود والنصارى .. اليهود احفاد قردة وخنازير .. والنصارى يقولون ان المسيح هو ابن الله .. اعوذ بالله من هذا الكفر الصريح .. الله لم يلد ولم يولد .. يقولون الاب والابن والروح القدس .. ولان الاسلام يفضحهم لذلك فهم اشد الناس عداوة لنا .
    يا حليل شيخ (عطا) الامام السابق للمسجد .. كان يملك صوتا شجيا فى تلاوة القرأن , يجعلنى اطير من النشوة وهو يرتل ايات من سورة (مريم)
    ( فحملته فانتبذت به مكانا قصيا* فأجاءها المخاض الى جذع النخلة قالت يا ليتنى مت قبل هذا وكنت نسيا منسيا* فنادئها من تحتها الا تحزنى قد جعل ربك تحتك سريا) .
    استيقظ على صوت ترتيله فجرا فيجعل من بقية يومى يوما منعشا .. الشيخ (عطا) واحد من رواد الطائفة (الختمية) .
    - سلامتك يا شيخ عطا .. انا احلام بت المرحوم تادرس .
    نظر الى وجرت دموعه .. انحنيت وقبلت اللحية البيضاء الوقورة
    جلطة فى الدماغ حولته الى حطام .
    - عايزاك تشد حيلك عشان اصحى على صوتك فى صلاة الصبح .
    ذهبوا به الى (القاهرة) ومات ودفن هناك .. وجاء هذا الامام الجديد صاحب الصوت العصبى الجهورى .
    وباء الرحيل بالموت والهجرة .
    من سيبقى اذا ؟ .
    جميع الوجوه الطيبة تختفى .. شباب (الحلة) الرائعين اختفوا وحل محلهم شباب صعلوك متسكع على الاعمدة وظل الحائط .
    انهض متثاقلة الى (الحمام) بخطوات بطيئة .. صوت (مرقص) يلاحقنى فى الخيال مثل فحيح (الكوبرا)
    - دى بلد المسلمين المتخلفين .
    يجب ان اتفرغ لكتابة (زقاق صليب) , يجب ان اضع فى هذه الرواية كل احباطاتى الشخصية والعامة , وقهرى الدينى .. يجب ان اكتب عن تجربة اغتصابى على يد شقيقى .. عن زواج امى من شاب اصغر منى .. يجب ان احكى عن كل ما اعرف .
    وقفت عارية فى (الحمام) وحده التجرد من الثياب يجعلنى اشعر اننى حرة .
    نمت على ظهرى فى ارضية (البانيو) الرخامية الناعمة وتركت الماء الساخن يتدفق على اللحم الابيض العارى .. اغمضت عيونى ورددت اسمى ثلاثيا
    - احلام تادرس ميخائيل .
    (اواصل)
    ......
    شاهين.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-17-2008, 07:44 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4172

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    (16)
    (3) حكايات احلام الحاج (احلام البعثية)
    - السلام عليكم ورحمة الله .. السلام عليكم ورحمة الله .
    اجلس طويلا على سجادة الصلاة .. عندى مشكلة فى الانتظام فيها , انقطع عنها بالشهور ثم اعود للصلاة من جديد .. اصلى وحيدة , اشعل البخور واغلق على نفسى الباب واصلى .
    خططت ان اذهب للحج عندما ابلغ الخمسين من عمرى .. وبعد ان انطلقت الطائرات الامريكية لضرب (العراق) من داخل الاراضى السعودية غيرت رأيى
    - لن تلمس قدمى ارض تلك البلد حتى اموت .
    صورة الجندى الامريكى وهو يصعد من على ظهر المدرعة ويضع العلم الامريكى فى وجه التمثال البرونزى الكبير , قتلتنى
    - يارب .. يارب .. يارب , احفظ رامى يارب .
    لا اطلب الكثير من ربى , فقط (رامى) .
    ارفض ان البس الحجاب ..ابحث عن تدين عصرى نظيف يدخل فى القلب ابتهاج وطمئنينة هادئة.
    صوت (محمد عبدالوهاب) يطرد عنى الضجر , يغنى فى رصانة ابن الباشا المثقف
    - انا من ضيع فى الاوهام عمره .
    فتحت (دولاب) ملابسى ..صورة كبيرة للزعيم (جمال عبدالناصر) , صورة بالابيض والاسود , الوجه الصعيدى الرجولى , الرجل الذى وقف العالم ضده يوم تأميم القناة .. الرفاق فى الحزب كانوا لا يحبون اعجابى به
    -انتى ناصرية ولا بعثية ؟ .
    - ناصر ده ما حق زول .. ده ملكية عامة .
    ابحث عن ملابس ذات الوان بهيجة .. يجب ان تبدو ناجحا وسعيدا فى حياتك امام الاصدقاء القدامى .. مكياج غير صارخ , (زبدة كاكاو) خفيفة على الشفتين .. مازلت حلوة والحمد لله
    فقط تقطيبة حادة فوق العينين تجعلنى مثل (قطة) مستعدة للعراك فى اى لحظة .. زمان كنت
    اشبه الفنانة العربية (سميرة توفيق) هى بيضاء وانا سمراء , اعتقدت ان الشبه قد ضاع مع التقدم فى العمر حتى صاح ابنى (رامى)
    - ماما تعالى شوفى الزولة دى بتشبهك كيف .
    كانت (سميرة توفيق) فى تسجيل قديم على قناة (روتانا طرب) تغنى اغانيها البدوية الشجية
    - بالجد يا رامى انا حلوة زى الزولة دى ؟ .
    ايام الحب الكبير مع (النذير) كان يرفع من روحى المعنوية كثيرا
    - انتى وسميرة توفيق عندكم جمال بدوى .
    - خلاص انتا فارس وانا نجود .
    المواصلات يوم الجمعة خالية من الازدحام .. احتاج شراء سيارة , كبرت على سخف المواصلات العامة , والاحتكاك المقصود فى المناطق الحساسة من جسدى .. وقفت وحيدة فى شارع (زلط) شبه خالى وانا ادندن
    - انا من ضيع فى الاوهام عمره .
    (اواصل)
    ......
    شاهين.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-20-2008, 12:55 PM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4172

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    المبدع الكبير استاذى / فضيلى جماع
    شكرا على المكالمة الهاتفية
    شكرا على التشجيع والملاحظات
    انا فخور بمكالمتك
    وارجو ان استمع دائما لتوجيهاتك
    ولا ترحمنى فى النقد .. اعتقد اننى استحقه بشدة حتى اتقدم خطوات فى طريق الكتابة الروائية
    شكرا جزيلا .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-20-2008, 11:13 PM

محمد الطيب يوسف
<aمحمد الطيب يوسف
تاريخ التسجيل: 02-22-2008
مجموع المشاركات: 3084

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    حسنآ

    قارئ متابع لك منذ وقت طويل

    يقترب من العام

    مشطت مكتبتك من والي

    لاأدري


    هل هو الكسل أم الخوف أم أنعدام الأدوات

    ولكن ماتكتب لابد أن يحتويه غلاف


    يجب أن تنتقل الي مرحلة الكتاب



    صدقني

    هذا أجمل من أن تتحكم فيه ماوس




    ومتابع
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-23-2008, 07:04 PM

abcde
<aabcde
تاريخ التسجيل: 07-04-2002
مجموع المشاركات: 975

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    Quote: لماذا يكون الماضى دائما اجمل من الحاضر ؟
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-09-2008, 01:34 PM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4172

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    (ورقة من اوراق دكتورة / احلام حسب الرسول كتبتها فى مصحة للامراض النفسية والعصبية قبل مقتلها فى ظروف غامضة)
    وفاة امى بعد شهر من دخولى للمصحة .
    اصبحت يتيمة , اتجرع الفقد ومرارة الخسارة .
    السند المعنوى الذى انهار .
    السد الذى تصدع وترك مياه اللوعة تتدفق فى المساحات الخالية .
    - امك ماتت .
    قالها ابن خالتى فى زيارته الاخيرة
    - حاجة زينب ماتت .
    امسكنى بقوة من ذراعى
    - ماما ماتت ؟ .
    الام والرمز .. الحديد الذى لا يصداء فى وجه صعوبات الحياة المادية .
    - بقيتى بت كبيرة .
    عندما لاحظت قطرات عادتى الشهيرة الاولى , نظرة الحنان ونجاح الحصاد .
    خوفها الابدى من عنوستى الابدية .
    ابتهالت الى الله .. والسماء لا تستجيب .
    - يا رب يا ليمة ازغرد فى عرسك لحدى ما صوتى يروح .
    انظر الى فراغ عريض , والى ابن خالتى , حالة غريبة من (التوهان) العقلى , هل انا احلم ؟ .. ام انها الحقيقة ؟ .. نفس الحالة التى اصابتنى وانا اشاهد جثمان ابى يخرج محمولا على الاكتاف .
    - ماما ماتت ؟ .
    سؤال غبى .. والاجابة قاسية على النفس .
    د/ احلام حسب الرسول عابدين .

    (اواصل)
    ......
    شاهين.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-13-2008, 12:26 PM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4172

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    (17)
    (1) حكايات احلام الطيب (احلام الشيطانة)
    سخافات .. سخافات .
    سخافات و (قلة شغلة) .. ما معنى هذا العبط ؟ .. لقاء الاوجه القديمة , الصداقات فى وجهة نظرى ليست صمدية .. كل مرحلة من حياتى لا احب ربطها بالتى سبقتها .. كل مرحلة لها اصدقاء ومعارف , بل حتى الاهل جعلت بينى وبينهم مسافة , لا احب انتهاك خصوصيتى , واعتقد ان نظام (النفاج) هو من بقايا تخلف المرحلة الزراعية من عمر الانسان , كيف يقبل انسان وهو فى القرن الحادى والعشرين , ان يجد جاره فوق راسه قادما اليه عن طريق (النفاج) ؟ .
    انتهى عصر الاسرة الممتدة .. الفردية , الفردية , هى الشعار .. كل البشرية ستتجه نحو الفردية , وانا نجحت والحمد لله , صنعت فى الجبل الاصم طريقا بواسطة اظافرى , اعتقد اننى ذكية , صحيح انا لست مثل تلك العانس الغبية (احلام الصول) التى تحشر انفها ونهودها بين صفحات الكتب ليل نهار , ولكن لدى ثقافة شفاهية ممتازة واصرار , لا احب اوراق الكتب .. من قال ان الثقافة هى القراءة ؟ .. مرحبا نحن فى القرن الحادى والعشرين , استمع جيدا للاذاعات الجادة , واتابع قنوات تلفزيونية جيدة , هكذا استطيع ان اتحدث فى اى موضوع كأننى مثقفة خطيرة .. كيف تصل الى ما تريد عن طريق اكثر الطرق راحة وسهولة .. غباء متسلقى جبال (الهملايا) , لماذا لا يصلوا الى القمة عن طريق طائرة ؟ .
    شريكة ومديرة شركة (فالكون للاستثمار) .. استمتع بحياتى جيدا سرا .. تعويض سنوات الفقر الملعونة .. ايام كنت اذهب للمدرسة دون ملابس داخلية , وعندما سقطت ذات مرة وانا اجرى , انكشف المستور .
    - احلام الطيب ما لبسة لباس .. ما لبسة لباس .
    طالبات سخيفات , انا الان ارتدى ملابس داخلية من (القاهرة) و (لندن) .
    - عايزة حاجة باردة وبسكويت
    يمسك يدى الصغيرة ويضعها على عضوه الذكرى , ابعدها منه
    - لا , الاول ادينى حاجة باردة وبسكويت
    كيف تصل الى ما تريد عن طريق اقصر الطرق راحة وسهولة . هل كنت السبب فى انهيار (دكانه) البائس .. ها ها ها ها , يبدو انه يوم الذكريات القديمة .
    يلمس نهودى المتكورة الصغيرة , يد عجوز , عرفت ابنة الحادية عشر كيف تجعلها خادمة لها .
    - زح يدك من شطورى .. لو داير تهبشم ادينى قروش عشان اشترى لباسات .
    كان (لباس) اسود عليه رسم (عصفورة) سعيدة لا تدرى الثمن الحقيقى الذى دفع فيه .
    هذه هى المرة الاخيرة التى اتورط فيه مع هذه (الشلة) السخيفة .. كم رصيد تلك المغرورة (احلام السمحة) الان فى البنك يا ترى ؟ .
    عندما ارتجت السيارة صرخت باعلى صوتى
    - ده شنو يا خول ؟ .
    واحدة من دروس الحياة , تعلم كيف تدافع عن نفسك
    نزلت من سيارتى
    - يعنى تصدمنى وانا واقفة فى الاشارة ؟ .. انتا سكران ولا مسطول .
    يجلس بكل هدواء وينظر لى
    - انا اسف , انا اسف , حصل خير يا استاذة , الصدمة بسيطة .
    - بلا بسيطة بلا زفت
    نزل من سيارته , اله اغريقى , مفتول العضلات , جسم رياضى محترف , وسيم , فى عيونه خجل عذراء
    - انا أسف للمرة التانية .. وبعدين انا ما خول .. انا طارق مهدى رجل اعمال .
    ادهشنى هذا الهدواء القاتل وتلك الثقة الكبيرة .. انحنى يتفصح مكان الاصطدام , يرتدى (بنطال) ابيض انيق وضيق , عضوه التناسلى كان كانه كرة صغيرة ملتهبة عندما ينحنى
    - بسيطة استاذة لو عايزة نجيب بوليس حركة .. او امشى معاك اى ورشة قريبة وادفع تكاليف الرفرف والنور الخلفى .
    رددت بنرفزة
    - مافى ورشة بتكون فاتحة هسع , الليلة الجمعة .. وبعدين انا مستعجلة عندى مواعيد .
    - خلاص ده الكرت بتاعى فيهو تلفوناتى , اتصلى بى الليلة او بكرة وورينى تكاليف الصيانة , اذا ما كان عندك مانع .
    ترددت برهة , اخذت منه الكرت
    - طيب لو سمحتى ممكن نمرة تلفونك استاذة ؟ , عشان اتابع معاك الموضوع , واعتذر ليك للمرة التالتة .
    (اواصل)
    ......
    شاهين.

    (عدل بواسطة shaheen shaheen on 04-14-2008, 01:14 PM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-13-2008, 01:36 PM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4172

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    استاذ/ محمد الطيب شكرا جزيلا على متابعة ما اكتب هذا شرف لى .. سوف اسعى للنشر الورقى رغم ان النت يتيح حرية اكبر فى التعبير لك مودتى .
    استاذ/ abcde تحية للمداخلات المستمرة والتشجيع , خالص الشكر .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-13-2008, 01:49 PM

كمال سالم
<aكمال سالم
تاريخ التسجيل: 02-13-2008
مجموع المشاركات: 4782

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)




    مدهش ياشاهين ,, قيدتنا بسلاسل ,, متابعين ,






    ألف مبروك لانصافك واعادتك للخدمه بعد فصل الصالح العام التعسفى .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-15-2008, 10:00 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4172

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    (18)
    (2) حكايات عزت طريفى
    - يا قائد الاسطول .. تخضعلك الفرسان
    يا ذو الفخار والطول
    ارحم بنى الانسان
    مين ل سمائك يطول ؟
    ما بطولك اللمسان
    معناك شرحو بطول .
    اخرج من حالة الاكتئاب المزمن .. (الهام) , ونحن نسير فى الشوارع نلتحم مع الكتل البشرية , الانتفاضة .. مارس 1985 .. الناس تهتف بالشعارات السياسية , صراخ يشرخ الحلقوم
    - للثكنات يا عسكر مايو .
    وانا امسك الهام من كتفها وهى تغنى
    - انا عقلى بيك مشغول
    والناس عقول ولسان
    ما بنكر المعقول
    امئنت بالايمان .
    صرخ فينا سياسى متشنج
    - غنوا اغانى وطنية .
    صرخت (الهام)
    - كل الاغانى الحلوة طعنة فى خاصرة الديكتاتورية القذرة .. نحن حزب الجمال والروعة .
    حملتها على كتفى .. مشهد من مدرسة العبث الفنية , مدهش للغاية , اغانى الحقيبة فى مظاهرة سياسية !! .
    - تتشاف عاين وباين
    ما عرفنا ليك وصول .
    والان ماذا ؟ .. الاشياء التى ماتت , الانتفاضة و(الهام) وحلم اخراج افلام سينما سودانية .. الفوضى والقذارة التى تراكمت فى نفوس الناس وعلى الطرقات .
    جرس الباب يرن .. زوجتى الفاضلة فى الكوافير , اعرف انها تريد التأخر من اجل الدخول فى مسيرة استعراضية بعد حضور الجميع , مراسم (الفشخرة) التعيسة , خزعبلات البرجوازية السودانية فى ازمنة معايشتها لفئات راس المال الطفيلى الكاسح , التقييم للشخص بمقدار امتلاك ادوات الاستهلاك غالية الثمن .
    التعليمات واضحة
    - خلى الشغالة تفتح الباب .
    ولكن انا من غنيت فى خضم الانتفاضة يا (قائد الاسطول) , كيف اسير على عجين التعليمات ؟
    فتحت الباب .
    كانت تقف فى تردد
    - السلام عليكم .. ده مش بيت استاذ عزت طريفى ؟ .
    - انا ذاتى عزت بدون استاذ .. اتفضلى .. اهلا وسهلا .
    جمال راقى , بدوى , حزين , تذكرنى بشخص ما
    - انا الظاهر جيت بدرى .
    - لا ابدا .. مرحب بيك , البيت بيتك .
    - حمد الله على السلامة .. احلام ما موجودة ولا شنو ؟
    - الله يسلمك .. دقيقتين واحلام ح تكون موجودة .. انتى منو فى الاحلامات ؟ .
    - انا احلام الحاج .
    - البعثية ؟ .
    نظرت عيون مستديرة شديدة السواد فى دهشة
    - الظاهر عليك يا استاذ سمعتا عننا كتير .
    - مش قلت ليك انا ما استاذ .. انا عزت وبس .
    صمتنا برهة
    - لسه بعثية ولا الزمن غيرك ؟ .
    عرفت انها شعرت بالضيق
    - يعنى , احتمال .
    لا تعرف الى اين توجه نظرها .. اخذت تنظر لحذائها فى تفكير .
    - زمان , انا وزولة اسمها الهام كان عندنا حزب اسمو , حزب الروعة والجمال .
    - حزب حقيقى ؟ .
    - مافى حقيقة فى الدنيا.. مش كده ؟ .
    رن جرس الباب من جديد , وبقى السؤال معلقا فى هواء الغرفة .
    (اواصل)
    ......
    شاهين.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-01-2008, 10:02 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4172

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    (19)
    (3) حكايات احلام حسب الرسول (احلام الصول)

    النفخ فى كومة الرماد .. النستولجيا , مرض الحنين للماضى .. العقلية الشرقية الساذجة التى تبكى على حبيب سنوات غابرة , والعقلية الغربية الحديثة الحداثوية التى تمسح ب (استيكة) هذه السخافات , فى الشارع مليون شخص من الممكن ان يصبح حبيبك , فلماذا اذا تبكى على ذلك المعتوه الذى سقط منك فى زحام الحياة ؟ .
    الجمعة عصرا .. بداية العرض المسرحى
    - مشتاقين , مشتاقين
    قبلات على الخدين واحضان .. روائح عطور وكريمات للوجه غالية الثمن تتسلل قوية للانف , روائح صابون (حمام) فرنسى , ومعطر جو امريكى .. اجساد ترهلت , واجساد تقاوم فى حسرة .. هرمونات انثوية فتحت الباب لمرحلة الكهولة الكئيبة .
    اثار عملية شد الوجه كانت ظاهرة على (احلام السمحة) , ملكة جمال تريد – مثل كل ملوك العالم – ان تتربع على العرش حتى الوفاة .
    - الاخبار شنو ؟ يخسى عليكم يا بايخين .
    - الاولاد كيف ؟ .
    - فى ياتو مرحلة دراسية ؟ .
    - معقول يا بت الصول مافى ود حرام ظهر ؟ الرجال ديل بقوا لوايطة ولا شنو ؟ .
    - لسه انتى فى قلة ادبك دى يا شيطانة ؟ .
    - هاها ها ها ها .
    - العن ابوكم واحدة وراء التانية .. انا دايرة اكون سحاقية واجكس احلام السمحة .
    - ها ها ها ها .
    اكاذيب الحياة اليومية الصغيرة .. اكاذيب تبادل ارقام الهواتف التى لن تستعمل , فقدان التواصل الانسانى الحميم هو ضريبة الموجة الثالثة , هكذا قال (الفين توفلر) .. الانسان سيصبح صديق شخصى للشاشات ( كمبيوتر , تلفاز , سينما) .. لا لحم , ولا دم .. ولا لمسة ادمية من يد بشرية تمنحك العون بدون غرض او هدف مادى اوجنسى .
    كيف يمكن نشر مظلة من قيم الخير والانسانية والاخلاق على هذه الفوضى ؟
    هل الدين هو الحل ؟ .. كيف , وكل تاريخ الدول الدينية هو تاريخ قمع وقتل وتعذيب واستبداد ؟ .
    هل الموت والجنون هما الخلاص النهائى لهذا (القرد ) الذى نزل من الاشجار وتكلم ؟ .
    - كيف بالله يا شباب ؟ .
    - جلكنة كيف ؟ البنات انشاء الله كبروا ؟ .
    مثل خبراء لجنة وضع الامتحانات فى وزارة التربية والتعليم تتدفق الاسئلة السخيفة .
    - عاينو هنا يا بنات الكلب عندى ليكم هدية متواضعة , صورة سنة 88 , مافى زولة بتتذكرها فيكم .
    - ده شنو ؟ اوعى تقولى اليوم بتاع المصوراتى الارتيرى ؟ .
    - الزول القرص احلام السمحة فى جعبتها ؟
    - ها ها ها ها .. يا بنات , الراجل لو سمع هسع يقول شنو , ده طوالى طلاق بالتلاتة .
    - ستة نسخ من الصورة , كل احلام عندها واحدة وفيها اهداء منى وتاريخ يوم التصوير واسم الاستديو .
    احدثت الصورة زوبعة .. احدثت صرخات مكتومة , نشرت بهجة لطيفة .
    - سجمى اوعا دى تكون انا ؟ .
    - الكديسة تحت رجلك يا احلام السمحة .
    - ها ها ها ها .. سجمنا , بالله عوارة زهور البلاستيك دى كمان كانت قصة زمان .
    - شوفوا بت الصول , بتعاين للكاميرا فى كبرياء مشوب بالحذر تقول فيها خريجة تاريخ من اكسفورد ما الفرع بتاعت الناس السكند هاند الزينا .
    - ها ها ها ها .
    - احلام البعثية لبسة فستان امها .
    - الفستان ده يكون السبب فى احتلال العراق .
    - بالله يا جلكنة الزمن داك برضو كنتى عجوزة ؟ .
    - ايام شباب جلكنة كانوا لسه ما اخترعوا كاميرات التصوير .
    - ها ها ها ها ها .
    - يا قبطية متذكرة الزول بتاع كلية تجارة الكان داير يغير دينو عشان يتزوجك ؟ .
    - عاينو الصليب ظريف كيف فى الصورة مع رقبة القبطية .
    قلبت ظهر الصورة كان خط (احلام جلكنة) الرقيق
    1988 .. استديو انوار المدنية .. حبيبتى بت الصول تعلمين حبى واحترامى منذ الايام البعيدة .. وما لا تعلمين اننا سنموت فى نفس العام , انا فى البداية , وانتى من بعدى .

    رفعت بصرى وجدتها تنظر لى فى حنان وحب .. نظرة أم لابنتها .. صاحت فى صوت مرتفع وهى تغمز لى بعينها
    - اوعا تكون اتعقدتا يا عمو .
    - يا بنات .. يا بنات رأيكم شنو نجيب كاميرا ونتصور فى نفس نظام الصورة دى , عشان تكون نيولوك للماضى .. يلا استعدوا وننادى عزت يصورنا
    - التاريخ يكرر نفسه رغم انف التاريخ .
    ردت (احلام البعثية) فى مرح
    - واحنا بقينا ما احنا .
    عندما سطع (فلاش) الكاميرا فى وجهى ونحن نقف فى نفس الوضع القديم , ادركت ان (احلام البعثية) قد ذكرت حكمة بشرية خالدة وليس مجرد مقطع فى اغنية
    - واحنا بقينا ما احنا .
    (اواصل)
    ......
    شاهين.

    (عدل بواسطة shaheen shaheen on 05-07-2008, 06:38 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-01-2008, 12:27 PM

nasma


للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    ياسلام با شاهين شديتني بكتابتك لحدي مانسيت اقوم لحلة الغداء والله صحيت فينا احلامات كتيرة جدا واصل وانا معاك حتى العشاء
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-07-2008, 06:12 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4172

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    (20)
    (2) حكايات طارق مهدى
    - جيد مستر طارق انك بدأت فى خلق الصلة .. تحرك بحذر وسرعة , ما مدى اهمية الهدف ؟ .
    - هى غطاء على ما اعتقد , وقريبا سوف اعرف كيف بدأت علاقتها مع الشركة المذكورة .
    - ماذا تقصد بكلمة غطاء ؟ .
    - لو صحت تحقيقات غوانتنامو فان هذه الشركة تلعب دور تدريب وتحريك الخلايا النائمة من الاسيويين من أسيا الى السودان بحجة انهم عمالة منزلية وعمال نظافة ويتم اعدادهم جيدا ومن ثم ارسالهم لتنفيذ اعمال ارهابية فى المناطق التى يريدون ضربها فى العالم , نقطة ارتكاز رئيسية لهم بهذه الاهمية فى منطقة القرن الافريقى كيف يصبح المدير العام فيها شخصية لا علاقة لها بالتيار الاسلامى المتطرف ؟ واشك ان لها علاقة بالتدين من الاساس .. اذا الصورة فى ذهنى انهم وضعوها فى نقطة الارتكاز هذه لكى تمارس ال 5% من العمل الشرعى النظيف لابعاد اى شبهة او حتى ملاحظة ان هذه الشركة لواحد من الاسلاميين , بينما بقية الطاقم فى الشركة يقوم بتنفيذ الغرض الاصلى ال 95% دون ان تعرف او تشعر , انهم اذكياء حتى فى اختيار اسم اجنبى للشركة بعيدا عن الاسماء الاسلامية التى يحبونها .
    - هل تعتقد ان الحكومة السودانية متورطة بشكل مباشر مع شركة فالكون ؟ .
    - هم اصبحوا حكومات داخل حكومة , مراكز قوى متعددة وارتباطات اقليمية وعالمية مختلفة ومذهلة , لذلك هناك حوادث الموت الغريبة التى تحدث للشخصيات الاكثر تشددا , هى تصفيات جسدية متبادلة تدور بينهم فى صمت وهدواء , اعتقد ان حربا ستدور بينهم فى الشوارع يوما من الايام , لذلك اعتقد ان هناك شخصيات فى الحكومة متورطة مع نقطة ارتكاز القاعدة فى الخرطوم دون علم الشخصيات الاخرى .. الساحة السودانية اصبحت لغزا كبيرا مستر ايكس .
    - وكيف سيكون هدفك مفيدا لنا اذا كانت هى نفسها لا تدرى ما يدور حولها ؟ .
    - هى العين مستر ايكس , وهى الشخصية الوحيدة التى تستطيع ان تتواجد فى مقر الشركة لفترة متأخرة من الليل لتزرع اجهزة التصنت , وهى الشخصية التى تقابل النسر الذهبى والتى يمكن لها ان تقترب من سيارته وتضع فيها عبوة ناسفة عندما يأتى وقت التخلص منه دون ان يشك اى انسان على الاطلاق .
    - جيد .. جيد , يا تلميذى النجيب .. هذا يعنى انها ستحتاج الى فترة زمنية للتدريب فى حالة نجاح تجنيدها ؟ .
    - لا تقلق مستر ايكس , المهم الان هو تجنيدها .. كنت قد طلبت تقرير عن ابنتها الوحيدة التى تدرس فى القاهرة .
    - نعم , نعم .. التقرير يصلك غدا فى المساء , ما هو المدخل للهدف ؟ .
    - مدخل الوكالة الكلاسيكى الشهير الجنس والمال من خلال المراقبة اللصيقة للهدف عرفنا انها تحب الجنس بشكل جنونى مع الشباب صغار السن , لديها مكتب تجارى خاص بها بعيدا عن (فالكون) فى منطقة (امدرمان) , اعتقد ان هدف المكتب ان يكون غرفة نوم نزوتها الجنسية بعيدا عن المنازل وتساؤلات الجيران وحرصا على مظهرها الاجتماعى , واعتقد ان تصوير فيلم لها مع شاب صغير السن سيكون وسيلة ضغط ناجحة فى مجتمع محافظ ظاهريا مثل السودان .. هذا طبعا اذا لم اقوم انا شخصيا باشباع هذا الشبق .
    - ها ها ها .. تذكرنى بشبابى .. عموما تحرك بحذر لا نريد ان يعرفوا ان هناك ادنى شك حولهم .. نحن استطعنا تغطية انباء اعتقال العنصر الذى تدرب فى السودان وتم اعتقاله فى غوانتنامو , تم تصويره فى الاعلام على انه قد مات فى حادث التفجير وبذلك هم لا يعلمون انه يغرد بين ايدينا مثل الكنار .. تذكر دائما مستر طارق نجاحك فى هذه المهمة يعنى نجاحى انا شخصيا فى صفوف الوكالة .. لا تخذلنى ارجوك .
    (اواصل)
    ......
    شاهين.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-07-2008, 06:18 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4172

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    (21)
    (3) حكايات احلام الجاك (احلام جلكنة)
    لو يعود (منعم) .. كان فى طرف اللسان .. لو يعود من جديد مثل (مهدى) الشيعة المنتظر
    - كيف اليوم كان ؟ .
    - تمام التمام , انتى وش احلام السمحة ده ما شاء الله عليهو ما فيهو كرمشة واحدة بالغلط .
    - عاملة عملية شد .
    - اصلو ما معقول .. يا ربى غالية قصة الشد دى ؟ .. عشان نشد نحنا كمان .
    - احنا يا جلكنة نشد شنو ونخلى شنو ؟ .
    (الخرطوم) حلوة فى بدايات الليل .. حثالة الطبقات المسحوقة تهرب الى احيائها الطرفية وتترك الساحة للسادة الجدد , لو رأيت (الخرطوم) ليلا لحسبت ان الرخاء الاقتصادى يتدفق بين الاقدام .
    - جلكنة .. احلام القبطية عايزك تغيرى البرنامج بتاع سفرك , وتقعدى شوية معنا فى الخرطوم .
    - مش قلتا ليك انا عندى المرض الكعب .
    لديها طريقة لطيفة فى قيادة السيارة الصغيرة , تتحرك بتهذيب بين مواكب سيارات السادة الجدد الفارهة
    - الناس دى بتجيب القروش من وين ؟ .
    اريد ان اهرب بالحديث بعيدا
    - ديل يا ستى حرامية السياسة والاقتصاد والمجتمع المدنى فى المعارضة والحكومة ولوردات تنظميات المهمشين بعد توقيع اتفاقيات السلام .. مافيا مرتبطة مع بعض , ناس دعونى اعيش .. اى حاجة بقت بيزنس فى البلد دى , حتى حقوق الانسان .
    - شغلى لى زيدان ابراهيم لو سمحتى .
    اغمضت عيونى .. اسندت راسى على حافة المقعد
    - انا خايفة يا بت الصول .
    وضعت يدى على فخذها المستدير الساخن .. انزلت يدها فوق يدى .
    - جلكنة لو بتحبى بناتك بالجد اقعدى شوية معنا .. القصة كلها ورم فى الرحم , عملية بسيطة خالص وعادية جدا ومليون زولة عملتها قبل كده , وما لازم انو الورم يكون خبيث .. كده , كده , انتى لازم تعملى العملية والخرطوم هنا احسن ليك من الدلنج , القبطية ح تعملها ليك فى احسن مستشفى خاص ومجانا على حسابها , واحنا هنا اكتر من اهلك .. لو عشان البنات , نرسل ليهم وبيتى هو بيتك يا بت يا عويرة .
    شجية نغمات العود .. (زيدان) يغنى للازمنة التى ذهبت ادراج الرياح .. ايام (منعم) , وايام (الخرطوم) الجملية .. ايام كان للحب طعم العسل , للثقة والوفاء .. ايام كانت الخيانة طعنة قاسية , الان اصبحت الخيانة هى القاعدة فى الحب والزواج وتفاصيل الحياة العادية .. كل سنة يعود (السودان) خطوة للوراء من ناحية القيم الاخلاقية والعلاقات الانسانية النبيلة الصافية
    - اخونك
    ما اظن تصدق اخونك
    لو شافتا عيونك
    ايه حاصل بدونك .
    - انا حكيت ليك حكاية انى حملتا فى الجامعة بالحرام ؟ .
    - جلكنة عليك الله .
    - ما عارفة .. وانا جاية الخرطوم قلتا بت الصول لازم تعرف الحكاية دى .
    - اسمعى زيدان .. وبعدين تعالى هنا شنو قصة نموت سويا فى نفس العام ؟ .
    - الحاسة السادسة يا بت الصول .. وانا حلمتا كده .
    - انتى الحواس الخمسة كلها مضروبة عندك , اشمعنى السادسة تكون شغالة ؟ .
    - حلمتا اكتر من مرة انا قاعدة فى القبر ببكى وانتى جيتى بتضحكى وقلتى لى انا جيت بعدك طوالى عشان نتونس .
    - ها ها ها ها .. الله لا مرقك , يعنى ما لقيتى زولة غيرى ؟ .. وبعدين عمك الثعبان الاقرع ما اظن يخلينا نتونس براحتنا .
    - احلامى بتتحقق يا بت الصول .. كنتى بتضحكى وبتقولى فى زول قتلنى عشان ما اتكلم .
    - يا سلام على جرعة الاكتئاب بعد اليوم الظريف .. عاينى عربية احلام القبطية ورانا طوالى ح تصل معنا ابوروف وح تتكلم معاك يا جلكنة , هى الدكتورة والفاهمة ولازم نسمع كلامها, مش كده ؟ .
    - عاملين لى كمين يا بنات ؟ .
    ......
    شاهين.

    (عدل بواسطة shaheen shaheen on 05-07-2008, 01:11 PM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-07-2008, 06:41 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4172

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    استاذ/ كمال سالم
    تحيات زاكيات , شكرا على المداخلات , الشخص الذى عاد للخدمة انسان غيرى , هو تشابه اسماء , حبى لك
    استاذة/ نسمة
    شكرا .. شكرا .. شكرا .. سعيد ان ما اكتب يسعد انسان اخر , كل المودة .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-08-2008, 08:16 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4172

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    (ورقة من اوراق دكتورة / احلام حسب الرسول كتبتها فى مصحة للامراض النفسية والعصبية قبل مقتلها فى ظروف غامضة)
    حتى فى مجال التعليم رسم الاستعمار خطوط ابداعه .. حتى فى التعليم يا انصار السيادة الوطنية الجوفاء .
    منذ ان جاء الانجليزى على ظهر الجواد الحديدى , مقتحما الصحراء الشاسعة والجهل المنتشر , على القضبان المعدنية .. وحقبة الاستعمار هى ازهى مرحلة فى تاريخ السودان الحديث على الاطلاق .. ازهى ملايين المرات من دراويش المهدية المستهبلين .. وازهى من خراء ما بعد الاستقلال القابع وحوله الذباب حتى الان .
    يا حسرتى على (وادى سيدنا) و (خور طقت) و (حنتوب) يا حسرتى عليهم الان .
    يا حسرتى على كلية غردون التذكارية .
    يا حسرتى على مستوى الداخليات ونظام الاكل ونوعيته .
    يا حسرتى .
    الاستعمار هو الذى جعل ابناء الطبقات المسحوقة يتعلمون .
    مستوى الملاعب الرياضية فى تلك المدارس , صالات الجمباز , حمامات السباحة , مستوى المناهج , مستوى اللغة الانجليزية , التذاكر المجانية لطلاب الاقاليم فى الاجازات , المسابقات الادبية .
    الان تنحرف الطالبات من اجل شراء كتاب او كراس او سندوتش فول .. الان يبتعد ابناء الطبقات المسحوقة عن التعليم الجيد غالى الثمن , بينما هم قد اقتربوا منه فى عهد الاستعمار وانتفعوا .
    يجب ان نجعل من يوم 1 يناير كل عام , يوما للحداد الوطنى .
    اتحداكم جمعيا .. الاستعمار هو اجمل حقبة مرت فى تاريخ السودان .. اتحداكم بالارقام , وبالمشاريع الزراعية والصناعية , ومستوى الثقافة والابداع , ونوعية التعليم ومجانيته الحقيقية .
    يا لصوص السيادة الوطنية , يا من تسربلتم بقطعة قماش اسمها (العلم) .
    وانا احمل شهادة (الدكتوراة) فى تاريخ السودان الحديث , انحنى احتراما للمستعمر الانجليزى واقبل يديه , واقول لكم ان اكبر كارثة , كانت هى الاستقلال السياسى .. نحن شعب فاشل .. نحن شعب لا يستطيع حكم نفسه بنفسه ولنفسه .. نحن شعب عاجز .. نحن شعب خانع .
    ومرحبا بالمصحة , ومرحبا بالامراض النفسية .
    دكتور/ احلام حسب الرسول عابدين .
    (اواصل)
    ......
    شاهين.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-08-2008, 09:23 AM

azhary awad elkareem

تاريخ التسجيل: 09-26-2007
مجموع المشاركات: 1328

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    Quote: لو رأيت (الخرطوم) ليلا لحسبت ان الرخاء الاقتصادى يتدفق بين الاقدام .



    متابعين..
    لك التحية..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-03-2008, 02:59 PM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4172

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    (22)
    (2) حكايات لبنى الطاهر
    ارصدك بالعيون .. حركاتك وسكناتك .. طريقة السير , الاستدارة السريعة .. التحديق بقوة وغضب فى وجهى .
    لن اخاف منك يا (اربابة) الجديدة .
    انا ابنة (الطاهر شقلا) اعرف ما اريد , واعرف كيفية الحصول عليه
    - انتى زولة متمردة وبت حرام .
    - شكرا يا ابوى .
    - بت الطاهر شقلا تمشى تقراء فى جامعة النيلين ؟ .
    - دى رغبتى .
    - دى نتيجة تربية النسوان وتربية راجل امك الزى النسوان , انا مستعد انك تدرسى فى احسن جامعة هنا او بره .
    - دى رغبتى وافتكر مافى زول بسمح ليهو يحدد لى اعمل شنو وما اعمل شنو .
    تنهال الصفعة .. عنيفة , قاسية .. اى حديث معه ينتهى بهذه الصفعة , استعد لها , تعودت عليها , لا جديد تحت الشمس
    - ارجعى لامك .. انتى عايزة اعادة تربية من جديد , وانا ح اعرف اربيك كيف يا لبنى ؟ .
    انا طائر ضجر من الحرية .. بين (الخرطوم) و (ابوظبى) حلقت بمفردى , لا احد يهتم بى , لا احد .. فى بيت ابى الحقيقى انا غريبة , وفى بيت امى الحقيقة انا غريبة .
    فقط كانت (اربابة) التى رحلت
    ارصدها من بعيد .. قبل الخروج من البوابة الرئيسية تتجه نحو (دورة المياه) تغيب فيها لمدة دقائق وبعدها الى سيارتها الصغيرة , روتينها الذى لا يتغير .
    فقط عندما تهداء الحركة يا دكتورة .. عندما تقترب تباشير الامتحانات , عندما ينسحب الطلاب الى المكتبات او الى منازلهم , عندها سوف اقتحم عليك (دورة المياه)
    - بتعملى شنو ؟ .
    سوف اجعلك ترتعشين من الخوف واللذة .
    (اواصل)
    ......
    شاهين.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-03-2008, 08:01 PM

ريهان الريح الشاذلي
<aريهان الريح الشاذلي
تاريخ التسجيل: 02-22-2005
مجموع المشاركات: 2178

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    Quote: واحنا بقينا ما احنا


    صحي والله...

    واصل متابعين بشغف..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-07-2008, 11:59 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4172

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)



                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-03-2008, 09:30 PM

gannat

تاريخ التسجيل: 01-12-2006
مجموع المشاركات: 131

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    سلام أستاذ شاهين

    أنه سرد واقعي نعيشه اليوم ،

    بل كان أمس أحسن من اليوم مليون مرة

    يديكم دوام الصحة والعافية

    (عدل بواسطة gannat on 06-04-2008, 07:53 PM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-04-2008, 07:09 PM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4172

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    تحية وشكر واحترام استاذ/ ازهرى عوض .
    الابنة العزيزة ريهان الريح , مرة ثانية وثالثة ورابعة .. كل المودة والتقدير .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-05-2008, 08:40 AM

محمد عثمان محمود
<aمحمد عثمان محمود
تاريخ التسجيل: 02-21-2008
مجموع المشاركات: 464

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    شاهين



    يا سلام عليك . . غبداعٌ يجل عن الوصف

    واصل
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-12-2008, 08:56 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4172

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    (23)
    (4) حكايات احلام تادرس
    عندما اعود وحدى فى الليل .. اعرف اننى وحيدة , اخاف من الهمجية التى تسود فى الاسفلت , السرعة الجنونية لسائقى المركبات العامة .. احساس قديم اننى سوف اموت مثل شقيقتى (ماريا) بحادث سير على الطريق .
    (سارة) و (نادين) هما حياتى الخاصة , الهدف النهائى بعد عبادة الرب .
    تركت (مرقص) يتسلل بعيدا عن اهتماماتى .. فعلت المستحيل حتى يبقى قريبا , ان يشعر بى , ان اجده فى انتظارى عند عودتى , نتناول طعام العشاء ونحكى عن مغامرات العمل اليومية , ينام على صدرى ونحن ننظر للنجوم فى السماء المكشوفة .. لكنه رحل , يعاقبنى لاننى اوقفت الكارثة , كارثة مصنع (تادرس للزجاج)
    - فى مشاكل مالية فى المصنع يا مرقص ؟ .
    - مشاكل مالية كيف يعنى ؟ .
    - يعنى فى شيكات مفروض تدفع من المصنع وارتدت .
    - انتى عاملة لى جواسيس فى المصنع ؟ .
    - فى شيكات ارتدت ولا , لا ؟ .
    - دى مبالغ بسيطة يا احلام .. كان عندنا ازمة سيولة وانا قدرتا احل الموضوع .
    - وكيف يكون فى ازمة سيولة ؟ .. وليه من الاول ما اتكلمتا مع ناس الشيكات عشان ما يقدموها للبنك ؟ .. وليه اساسا انا ما اعرف انو فى ازمة سيولة فى المصنع ؟ .
    - ده تحقيق ولا شنو ؟ .
    - تحقيق ومليون تحقيق .. العمال ليهم شهرين بيصرفوا نص الماهية وبتهددهم بالفصل ومفروض يكون فى اضراب بكرة .. احسن رئيس عمال فى المصنع مشى منك .
    - اسمعى هنا , انا شغال فى المصنع ده لى اكتر من خمستاشر سنة , يعنى ما تعملى لى فاهمة , خليك فى الطب بتاعك بلاش دوشة وخراء معاك .. انا عارف بعمل شنو .
    - كيف اخلينى فى حالى ده مصنعى انا .. ده مصنع احلام تادرس ميخائيل .
    - ايوه , ايوه هى فى النهاية بتكون كده .. يعنى انا مجرد موظف هلفوت فى مصنع الهانم الدكتورة ؟ .
    - انا بكرة بجى المصنع يا مرقص .. عايزة اسمع من الناس الشغالة البيحصل شنو .
    - ده منو التافه البينقل ليك الاخبار ؟ .
    - ما عندك دخل .. المصنع ده هو بابا تادرس , هو رمز نجاحو , وانتا عارف هو كان بيحبو قدر شنو ؟ .
    - لو بكرة رجلك دخلت المصنع انا برمى ليك المفاتيح فى وشك وخليك انتى المديرة نشوف ح تعملى شنو .
    - عجبك او ما عجبك انا بكرة ح اجتمع مع العمال والمحاسب .. وبراجع كشوفات البنوك والضرائب لازم اعرف البيحصل شنو , افتكر ده من حقى .
    يضع يده على نهدى الايسر , يقبض بقوة
    - عارفة يا دكتورة , انتى مصيرك ح يكون زى امك المنحرفة ح تجرى وراء الاولاد الصغار لحدى كندا .
    احاول التخلص من يده القوية , اضربه على وجهه , (اخربش) , اصرخ
    - ماما اشرف منك يا كلب .. يا كلب , يا كلب .
    شعرت بانفاس (حنا) على عنقى فى الليل .. (حنا) المدمن , يختفى فى رحلات علاج مضنية فى (القاهرة) بين مصحات اعلاج الادمان , ويعود من جديد , شبح انسان , بقايا (حنا) القديم , صديق ورفيق الطفولة الجميل
    - تعالى نمشى نتفرج على المسلمين وهم بيصلوا فى الجامع ,
    - ماما ح تضربنا .
    - ما تخافى .. تعالى نمشى نتفرج .. انا معاى صليب , اول ما يسجدوا نرمى عليهم الصليب ونجرى .
    - ماما قالت المسلمين ديل اشرار ومتخلفين لو دخلنا ليهم فى المسجد ممكن يضبحونا .
    انفاس (حنا) .. يده الخشنة على صدرى
    - حنا .. حنا .. حنا ده شنو ؟ .
    اقاوم , اضربه على وجهه , (اخربش) , لا استطيع ان اصرخ
    - كلب .. كلب .. كلب .
    - يا حيوانة .
    صرير مكابح قوية
    - ملعون ابو العلمكم السواقة , معقول تدخلى كده يمين بدون ما تعاينى ؟ .
    - معليش يا حاج انا سرحتا شوية , معليش .
    - لو ما خايفة على روحك , خافى على ارواح الناس التانيين .
    ليحفظنى الرب .. فى عقلى الباطن اعرف ان مصير (ماريا) ينتظرنى .. الموت على الاسفلت الاسود المتسخ .
    اقناع (جلكنة) بالعملية والبقاء فى (الخرطوم) ارهقنى , استنزف منى جهدا ذهنيا .
    انتعاش لقاء عصابة (الاحلامات) .. النظر فى عيونهن , الاستماع للثرثرة غير المفيدة والاستمتاع بها , محاولات الخروج من العزلة والوحدة .
    - الو .. سارة .. نايمين ؟ .. خلاص انتظرونى فى العشاء انا جاية فى السكة .. نادين بتذاكر ولا كالعادة قاعدة تعمل شات فى الكمبيوتر .. شنو ؟ .. مليون الف مرة انا قلتا الكمبيوتر ده فى الاجازة بس , ما معقول .. خلاص , خلاص انا جاية كلها ربع ساعة .. يلا مع السلامة حبيبتى .
    (اواصل)
    ......
    شاهين.


                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-12-2008, 12:58 PM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4172

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    تحايا للمداخلة
    د/ سيد عبد القادر (gannat) لك الود عزيزى , شكرا .
    أ/ محمد عثمان محمود .. لكل هذا التشجيع والمداخلات المستمرة , لا املك الا الشكر .. شكرا .

    (عدل بواسطة shaheen shaheen on 06-17-2008, 08:35 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-17-2008, 08:24 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4172

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    (24)
    - الو .
    - احلام الحاج ؟ .
    - احلام .. معاى منو لو سمحتا ؟ .
    - أأأنا عزت طريفى .
    - عزت منو معليش ؟ .
    - أأأنا زوج احلام الطيب .. انتوا كنتوا معنا اول امبارح فى ...
    - معليش .. معليش , انا اسفة جدا استاذ عزت , اهلا بيك , احلام كويسة ؟ .
    - لا كويسة .. انا شلتا الرقم بتاعك من تلفونها , عايز اتكلم معاك لو ما عندك مانع .
    - لا مافى مشكلة . . خير استاذ ؟ .
    - فاضية ولا مشغولة .
    - لا ما عندى حاجة مهمة .
    - خايف اكون ضايقتك لما اتكلمتا معاك اول امبارح .
    - ضايقتنى كيف ؟ .
    - يعنى .. لما قلتا ليك انتى لسه بعثية ؟ .. شعرت بيك زى زهجتى شوية منى .
    - ما تكون حساس استاذ عزت الس....
    - ممكن لو سمحتى , عزت بدون استاذ ؟ .
    - حاضر .. ما تكون حساس يا عزت بدون استاذ , السياسة دى فقرية والكلام فيها مرات بيعمل لى اكتئاب .
    - وبتكتبى فيها كيف ؟ .. شايف عندك عمود يومى فى جريدة الازمنة .
    - ها ها ها ها .. تعرف يا عزت , السؤال ده ما عندى ليهو اجابة .. يمكن بحكم العادة , او يمكن أكل عيش زى اى وظيفة تانية , فى كل الاحوال بشعر كده انو دى كتابة بدون شعور او ايمان قوى , ما فيها روح وايمان واحاسيس زمان .. تقدر تقول اداء واجب .
    - عارفة انا من اول امبارح قاعد افكر , انتى بتشبهى لى منو ؟ .. يا دوب اتذكرتا .
    - كوندليزا رايس ؟ .
    - ها ها ها ها .. سميرة توفيق الفنانة البدوية ايام زمان .
    - احم .. احم .. اخجلتم تواضعنا يا عزت بدون استاذ .
    - يعنى عارفة ؟ .
    - يعنى .. المعجبين بيقولوا لى كده طوالى .
    - هم كتار ولا شنو ؟ .
    - واحد بس .. واحد اسمو رامى .
    - خطيبك ؟ .
    - ولدى .
    - ربنا يخليهو ليك .
    - عارف انتا بتشبه لى منو ؟ .
    - حسين فهمى ؟ .
    - هاها ها ها .. يا مغرور .. لا .. بتشبه لى أأأأ .. جدو شعبان .
    - بتاع جنة الاطفال ؟ .
    - ها ها ها ها .
    - حرام عليك .
    - خلاص .. بتشبه لى عمر الجزلى .
    - يعنى كلها قنوات محلية .. مافى حاجة من دريم او حتى MBC .
    - انتا شغال فى ياتو قناة فى قطر بالمناسبة دى ؟ .. الجزيرة ؟ .
    - لا .. قناة ارضية ما مشهورة , مغمورة زيى كده بالظبط .
    - مهنة الاخراج , مهنة كويسة , فيها نوع من الفن الجميل .
    - ما كويسة , اصلو ما كويسة .. ده ما كان طموحى , عارفة , طموحى كان انى اكون مخرج سينما .. طموحى كان انى انقل الواقع السودانى فى مهرجانات عالمية .. سينما سودانية يا احلام ما تلفزيون سخيف ونشرات اخبار عبيطة .
    - الطموح ممكن يتحقق فى اى لحظة يا عزت .
    - انا عمرى هسع 46 سنة يا احلام .
    - احنا جيل تعيس يا عزت .. اتسرقنا فى الزحمة وما عرفنا كده الا لما رجعنا البيت والزمن فات .
    - جيل مهزوم يا احلام .. على الصعيد العام احنا اتهزمنا , احلامنا اتكسرت , بقينا نصارع على الصعيد الشخصى والفردى .. نفسك وبس , كيف تصل سفينة نوح عشان ما تموت بالطوفان , خلينا ورانا دواوين الشعر وكتب الروايات واللوحات والفلسفة وسيناريو فيلم مفروض يتعمل .. خلينا وراء ضهرنا الايمان بالناس التانيين , ما كان عندنا تفكير نشيل حتى الاحلام فى كتفنا ونطلع مركب نوح , لما الطوفان بدأ كنا فرحانيين انو اجسامنا ما اتبلت بالموية وقعدنا نصفق فى فخر لسيدنا نوح .. لو كان عندنا ذرة تفكير كان مفروض ننط فى الموية نشيل الروايات والكتب والامال ونحاول نعوم , نحاول , نحاول , نحاول , لحدى ما نغرق معاها .. الحياة بدون احلام موت .
    - ........................................
    - واحدة فى حياتى زمان اسمهاالهام وهى بتموت بسرطان الدم قالت لى اوعا تتهزم يا عزت , اعمل سينما , اتكلم عن الناس .. اعمل مسرح اراجوز للاطفال فى المدارس , غنى فى المظاهرات يا قائد الاسطول .. لما ماتت كان كل شى اتغير , مؤسسة سينما رسمية غبية فاسدة همها تعمل افلام تسجيلية عن سياسين مساطيل .. واطفال مدارس عايزين سندوتش طعمية وجزمة جديدة , واساتذة مدارس بقوا حرامية , وسياسين اتحولوا لشواذ نفسيا , لو مشيت فى مظاهرة ممكن يضربوك رصاص بكل سهولة .. قلتا لنفسى اشرد يا عزت , اجرى , اجرى .. خلى قبر الهام وهيكلها العظمى يغرق فى موية الطوفان , خلى المظاهرات , خلى اطفال المدارس , الاراجوز غرق .. جريت على سيدنا نوح قلتا ليهو ما عايز انتهى وانا بفتش على سندوتش طعمية فى البلد دى .. وبعد ما عمرى بقى 46 سنة اكتشفتا انى كان مفروض ما اطلع سفينة نوح كان مفروض اغرق مع ولده والباقيين .
    ارتفع صوت نحيب قوى , متشنج من الطرف الاخر
    - احلام انتى بتبكى ولا شنو ؟ .
    - فتحتا جرحى يا عزت .. فتحتا جرحى .. حرام عليك .
    - احلام انا اسف .. اسف جدا .
    من بعيد كان صوت (ام كلثوم) يأتى قويا متدفقا من مكان قريب
    - لسه فاكر
    كان زمان .

    (عدل بواسطة shaheen shaheen on 06-19-2008, 03:14 PM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-17-2008, 10:25 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4172

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    تحية لكل من هاتفنى بخصوص هذه الرواية .
    تحية لكل الاصدقاء .. ولكل الملاحظات .

    (عدل بواسطة shaheen shaheen on 06-17-2008, 10:33 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-18-2008, 08:28 AM

خالد العطا
<aخالد العطا
تاريخ التسجيل: 12-12-2005
مجموع المشاركات: 2293

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    وياريت لو تواصل ؟؟؟؟؟
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-18-2008, 12:29 PM

Mariam Osman

تاريخ التسجيل: 04-21-2008
مجموع المشاركات: 125

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    Dear Shaheen,
    Eloquent, powerful articulation from a very enthralling and fascinating brain. Give us more to devour. Mariam
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-18-2008, 04:35 PM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4172

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    (25)
    - الو , ايوه .. اهلا وسهلا .
    - استاذة احلام الطيب ؟ .. معاك طارق مهدى .
    - انتا الزول المسطول ؟ .
    - ها ها ها ها .. مسطول كيف يا استاذة ؟ .
    - ما اصلو ما معقول اكون واقفة فى الاشارة ويوم جمعة والشارع فاضى وتجى تصدمنى .
    - معليش استاذة , deeply sorry .. عندى مشاكل ومشغوليات فى الشغل بتخلى الزول سرحان .
    - قلتا لى انتا رجل اعمال .. مجال عملك شنو ؟ .
    - مش الكرت بتاعى عندك ؟ .
    - والله ما عارفة مشى وين ؟ .
    - انا عندى معرضين سيارات ليموزين واحد فى بحرى والتانى فى الخرطوم تلاتة .. مهدى ليموزين .
    - يعنى عشان كده بتصدم عربات الناس وما بيهمك .
    - ها ها ها .. لا بالمناسبة ديل معرضين صغار , يعنى ما تمساح فى المجال زى الناس التانيين .
    - تأجير ولا بيع عربات ؟ .
    - كلو يا استاذة .. بنشتغل تأجير سيارات ده عضم الشغل الاساسى وبرضو بشترى العربات السكند هاند وبعمل ليها صيانة وببيعها , يعنى سبعة صنايع والبخت ضايع .
    - تمام .. اصلو البيزنس فى السودان عايز الحركة وتفتيح المخ .
    - وسيادتك ربة منزل ولا موظفة ؟ .
    - حلوة قصة ربة منزل ولا موظفة .. انا شريكة ومديرة لشركة فالكون للاستثمار .
    - والله ؟ .. دى صدفة سعيدة استاذة , ما دايرين تأجروا عربات .
    - ها ها ها ها .. طوالى كده يا مهدى ليموزين ؟ .. ما بيعملوها كده .. شوية , شوية .
    - منكم نستفيد .. والشركة بتاعتك استيراد وتصدير ؟ .
    - لا .. انا فى مجال العمالة ؟ .
    - عمالة كيف ؟ .
    - يعنى , توريد عمالة اسيوية , فى مستشفيات خاصة بتطلب مثلا طاقم نظافة او تمريض يكون من بنغلاديش , فى برجوازية صاعدة عايزين خدامة فلبينية ومشرف على الجنينة يكون من الهند والبواب يكون من بورما , حاجات زى كده .
    - مجال ظريف ؟ .
    - والله بس متعب يا ... , معليش عليك الله الاسم منو تانى , معليش .
    - طارق يا استاذة .. طارق مهدى .
    - مجال متعب يا طارق .. الجرى فيهو كتير , الاوراق والاقامة , ولو عملوا مشكلة لازم زول من الشركة يكون متابع لكن بشكل عام مجال ماشى يتقدم .
    - طبعا هو مربوط بالانتعاش الاقتصادى .
    - والله الناس فى البلد دى عندها قروش بالكوم .. يعنى لو شفتا طلبات الناس الدايرين فلبينيات فى بيوتهم تندهش .
    - العربية عملتى فيها شنو ؟ .. عايز اعرف تكاليف الصيانة .
    - انتا اتصلتا بى عشان كده ؟ .
    - لا .. بصراحة عشان اسمع صوتك .
    - انا بالمناسبة بعرف الزول المستهبل من رنة صوتو .
    - وانا بعرف الزولة المستهبلة برضو من رنة صوتها .
    - كيف ؟ .
    - انتى قلتى الكرت بتاعى ضاع منك , وانا متأكد انو موجود معاك .. وعملتى فيها انك نسيتى اسمى , وانا متأكد انك متذكرة اسمى كويس جدا .
    - ها ها ها ها .. تفتيحة , انا ماسكة الكرت بتاعك وانا بتكلم معاك هسع , لكن تصميم الكرت ما جميل بالمناسبة الالوان فيهو ما ظريفة وما متناسقة .
    - طيب ممكن اقابلك وين عشان اعرف الالوان المناسبة .
    - تعال لى فى فالكون .
    - فالكون دى شنو ؟ .
    - مش قلنا نبطل استهبال انا قبل شوية قلتا ليك اسم الشركة بتاعتى .. فالكون للاستثمار .
    - لا .. عايز لو سمحتى مكان هادى بعيد عن زحمة الشغل .. مكان هادى نتكلم فيهو براحتنا .
    - نتكلم عن شنو ؟ .
    - يعنى .. عن تكاليف صيانة العربية , عن تصميم الوان الكرت بتاعى .
    - بس ؟ .
    - دى اجندة الاجتماع الرئيسية .. بعد داك ممكن نفتح الباب لاى اقتراح .
    - ها ها ها ها .. انتا الظاهر عليك مصيبة كبيرة , انا بحب الراجل المغامر والجرىء , ما بحب الزول المسكين لانو الحياة ما بتستحق تكون مسكين , ولا الناس ما بيستحقوا انك تكون مسكين .
    - نتقابل وين ؟
    - نتقابل وين ؟ .. نتقابل وين يا مهدى ليموزين ؟ .. انا عندى مكتب خاص بى فى امدرمان بكون موجودة فيهو بعد الساعة تلاتة ونص ممكن فى اى يوم تضرب لى اوصف ليك المكتب ونتقابل .
    - خلاص بضرب ليك الليلة بعد الساعة تلاتة .. لو ما عندك مانع ؟ .
    - انتا كارثة انسانية تمشى على قدمين , فظيع , فظيع يا مهدى ليموزين .. بالمناسبة انتا عمرك كم سنة ؟
    - 33 سنة .
    - يعنى انا اصغر منك بسنة واحدة .
    يا عجوزة .. شهادة ميلادك فى الملف الخاص بك , تفضحك 24 فبراير 1965 .
    (اواصل)
    ......
    شاهين.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-19-2008, 09:18 AM

saif basheer
<asaif basheer
تاريخ التسجيل: 11-29-2004
مجموع المشاركات: 1425

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    صباحك ندي يا شاهين (توقيت لندن)

    التعليق على الحلقة 24 (لسه ما قريت 25):

    حا افترض انك ما حا تزهج من الملاحظات على الاخطاء الاملائية

    Quote: لما الطوفان بداء كنا


    في اعتقادي الصحيح بدأ

    Quote: الدم قالت لى او تتهزم يا عزت


    اتصور ضاع منك حرف العين في أوع أو إذا كتبتها بالدارجي أوعا أو أوعك ..

    لكن هذا التعديل الاملائي رغم أهميته لا يعادل أهمية الفكرة وراء الحوار الذي دار بين أحلام الحاج وعزت، خاصة الجزئية التي لخصت الهزيمة التي تحدث عنها ولامست أوتاراً قوية لدى أحلام البعثية... وأنا!!

    جيلنا.. جيل الهزيمة يا شاهين، التي قادتنا إلى هذه الحالة التي جعلت من السهل جداً علينا أن نُرجِّح كفة الخاص على العام؛ انجلترا، امريكا، كندا، استراليا... الخ

    لك الود

    سيف بشير

    (عدل بواسطة saif basheer on 06-20-2008, 09:13 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-19-2008, 03:22 PM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4172

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    استاذ/ خالد العطا : لك الشكر على المداخلة .
    استاذة/ مريم عثمان : اتمنى ان استحق ربع ما كتبتى فى حقى .. شكرا جزيلا حبيبة .
    استاذ/ سيف بشير :
    Quote: حا افترض انك ما حا تزهج من الملاحظات على الاخطاء الاملائية


    تم التصحيح مع عدم الزهج .. لا ترحمنى فى النقد .. لكن خليك حنين (طبعا ده هزار) .. شكرا ليك على المداخلات المستمرة .. شكرا على التنبيه المستمر والذى ارجو ان يستمر .. تحية .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-23-2008, 06:46 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4172

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    (ورقة من اوراق دكتورة/ احلام حسب الرسول كتبتها فى مصحة للامراض النفسية والعصبية قبل مقتلها فى ظروف غامضة)
    ذرات الغبار .
    عاصمة ملوثة .
    هذا هو جنون نخبة السيادة الوطنية , اصحاب قطعة القماش الحمقاء الملونة التى ترفرف اعلى القصر الجمهورى - هل يتم غسلها بصورة دورية ؟ - .. جنون سادة برنامج (صباح الخير يا وطنى) الاذاعى .
    نزعوا الغطاء النباتى حول العاصمة .. الاحزمة الخضراء التى كانت تحمى من العواصف الترابية , وزعوا مناطق سكنية فى اماكنها , تركوا الناس تستقر فى مناطق مجارى السيول الطبيعية .
    اعتبروا التخطيط تراث اشتراكى بغيط .
    الان وانا اكتب , هناك فى الخارج عاصفة ترابية هوجاء .. ذكرتنى بالاعياد .
    وقفة عيد فطر بعيد .. غسلنا المنزل انا و (ميرفت) , وانشغلت حاجة (زينب) مع جارة ثرثارة فى اتمام مراسم الخبيز .. اتخذ ابى صول البوليس المتقاعد ركنا قصيا جالسا على سجادته المزركشة وهو يودع اخر ايام الشهر الفضيل بهمهمات باكية شجية , نهضنا قرب الفجر على نفس هذه العاصفة الترابية وقد رسمتنا فى (مراتب) السرير وعلى (المخدات) كائنات رملية قادمة من كوكب (المريخ) , تحول (الخبيز) الى رمل , كنا نضحك انا و (ميرفت) عندما ننظر الى وجوه بعضنا , نضحك على بكاء امى
    - العن ابو البلد دى .
    عيد اضحى , نستعد لزيارة تعارف .. زميل (ميرفت) فى البنك , زيارة لتقديم اوراق اعتماد عريس , حشد من الاهل وبعض الجيران المقربين , طعام وحلوى وزجاجات مياه غازية كثيرة اصطدم بها عند دخولى (المطبخ) .. اقرص (ميرفت) فى (ركبتها) اليمنى
    - عشان احصلك فى دخلتك .
    - عقبالك يا ليمة .
    يمر الوقت ويبداء القلق
    - الناس ديل اتأخروا .. حاصل شنو ؟ .
    ثم جاء الخبر .. والدة العريس رافضة لهذا الزواج , سقطت فى اللحظة المناسبة تماما بازمة قلبية , وحفاظا على حياتها الغالية انسحب العريس من المشروع .
    كانت لحظة قاسية , لحظة تعرف فيها اى انحطاط بشرى وصلنا اليه يا ابنة ابى وامى .. تغيرت (ميرفت) منذ ذلك اليوم , تغيرت كثيرا
    فى لحظة خروج الناس من منزلنا , هبت عاصفة ترابية , ربما حتى تعطى للمشهد ابعاده التراجيدية المطلوبة فى مثل هذه المواقف العصية على النسيان .
    (ميرفت) نظرت لنا وقالت جملتها الخالدة
    - امشوا ارموا الاكل ده فى الكوشة .
    ظللنا نداعبها طويلا بهذه الجملة .
    وحتى الان ظلت تغلق على نفسها الباب عندما تهب العواصف الترابية .
    احبها .. هى الاصغر والاحلى .
    واتساءل لماذا صرحت للصحف اليومية اننى مريضة نفسيا ؟ .
    اكتب لها الان واقول كما ظللت دوما
    - اوعى تخلى الماضى يسيطر عليك .. التاريخ الشخصى والعام يا ميرفت عشان نتعلم منه , ما عشان يتحكم فينا .
    د/ احلام حسب الرسول عابدين .

    (اواصل)
    ......
    شاهين.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-06-2008, 06:30 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4172

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    (26)
    (2) حكايات مرقص سمعان
    اسمع صوت الباب الخارجى وهو يفتح .. اعرف انها هى القادمة , وقفت على باب (البرندة)
    - مفاجاة .
    تقف مثل كيس قطن .. ترسم علامة الصليب بسرعة
    - هجمتنى .
    - مافى حمدا للرب انى وصلتا بالسلامة ؟ .
    - هجمتنى .. قايلك حرامى .
    تظل واقفة هناك , تنظر لى دون ان تقترب , تحاول الغبية ان تمارس معى لعبة (شارلوك هولمز) , تحاول ان تعرف من خلال النظرات ما يدور فى العقل .. كيس قطن منفوخ
    اتجه نحوها .. اضمها بين ذراعى , ترتبك
    - مشتاق ليك يا قديسة .
    - لو مشتاق بالجد يا مرقص ما كنتا عملتا البتعملو فينى .
    نفس رائحة العطر , عطر ( تادرس ميخائيل) المقبور فى نار الجحيم , نفس شعارات (العرص) المدفون تحت الارض .. اضمها بقوة , اعرف مدى حرمانها واحتياجها
    - البنات وين ؟ .. انا جيت من المطار لقيت البيت فاضى .
    - سارة بترجع من الشغل بعد الساعة اربعة .. ونادين بتتأخر فى الجامعة عشان الامتحانات قربت .
    تبتعد عنى وكأنها تتذكر الان فقط
    - انتا مش قلتا انك ح ترجع بعد شهرين ؟ .
    يا (شارلوك هولمز) , انا اعود الان للدجاجة , تحتها تماما بيضة الذهب التى اريدها
    اعود لضمها من جديد
    - ما قدرتا يا دكتورة , شعرتا فجأة انى محتاج ليك .
    امسح على ظهرها بيدى فى نعومة , اعرف انها تحب هذه الطريقة , تجعل الشبق ينخر بين افخاذها السمينة , يبداء صوتها فى الخوفت , الخوفت الانثوى الماكر
    - حرام عليك يا مرقص , وحاة العذراء البتعملو فينى ده حرام .
    فقط يا قديسة الكتاب المقدس , فقط لو استطعت ان انتزعك من هنا , نرحل يا حمقاء , نبتعد عن هذه القذارة , هى ليست لنا فى نهاية المطاف , لدينا الفرصة للهرب
    اهمس لها
    - مشتاق ليك والمسيح .
    تنزلق يدى من الظهر الى المؤخرة تتحرك من اليمين الى اليسار وتتوقف قليلا فى تجويف المنتصف الخلفى
    - انتى انسانة عنيدة يا احلام .
    - مفروض نحاول نفهم بعض يا مرقص .. السنين دى كلها واحنا ما قادرين نوصل ارضية مشتركة نقيف فيها سوا .
    كلام المثقفين البلهاء - الارضية المشتركة !! - , يا عاهرتى المنفوخة , النقود تتكلم وتمشى على ساقين , هى التى تدير العالم من حولك , من الخراء الى الخراء .. (يهوذا) سلم (المسيح) ولم ينشغل كثيرا بالارضية المشتركة
    - انتا انسان كويس يا مرقص , صدقنى معدنك كويس , لو حبيت الرب ممكن تتغير كتير .. عارف كده ؟ .
    - انا ما زول كعب يا احلام انا بس واقعى شوية , وانتى خيالية عايزنا نعيش زى الام تيريزا .. بس انا ما بقدر ابعد عنك .
    تعبت يدى من الحركة المكوكية على كرة الشحم والدهون الخلفية .. هاهاهاها , يدك داخل تجويف انثى , وهى تلقى عليك وعظ يوم (الاحد) الكنسى .. خراء , خراء , خراء , هذا هو شعار الدولة الرسمى , وهذا هو شعارى
    تعبت من الوقوف
    - انتو بيتكم ده مافيهو سرير فاضى ؟ .. عندى كلام ما ينفع يتقال الا فى السرير .
    تقرصنى فى خدى
    - قليل ادب يا ولد .. بقيت ضعيف ووشك لونو باهت , اكيد نسوان امريكا ما قصرتا معاهم .
    اكرهها عندما تحاول ان تعود الى غنج فتيات بدايات العشرين .. تتحول الى مسخرة , هل تعرف ان قطرات الانوثة قد بداءت فى الانسحاب من الجسد المنفوخ ؟ .
    - معقول اقدر اخونك مع زولة تانية يا احلام حياتى .
    تحاول الافلات من ذراعى
    - دقيقة بس استحما يا ولد .. انا جاية من بره ريحتى كلها عرق .
    - انا بحب ريحة عرقك .
    اتجه بها نحو اقرب (سرير) .. اتذكر فيلما مصريا قديما انكسر فيه (السرير) والبطل يرقد مع البطلة .. هاهاهاها , اريد ان اضحك , يجب ان استشير طبيبا نفسيا , لماذا تنتابنى رغبة الضحك فى اللحظات الحميمة ؟
    - بتعرفى ليك دكتور امراض نفسية شاطر ؟ .
    - ليه ؟ .
    - عشان يعالجنى منك .
    اتوه فى مستنقع اللحم والشحوم , ليعطنى الرب القدرة لو كان موجودا فى السماء
    - لا .. مرقص دقيقة .. باب الشارع مفتوح , مرقص .
    لماذا تنتابنى رغبة الضحك فى اللحظات الحميمة ؟ .
    (اواصل)
    ......
    شاهين.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-07-2008, 08:01 AM

A.Razek Althalib
<aA.Razek Althalib
تاريخ التسجيل: 12-12-2004
مجموع المشاركات: 11630

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    Quote: يا عيال الله




    يا عبيد الله..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-07-2008, 07:56 AM

خالد العطا
<aخالد العطا
تاريخ التسجيل: 12-12-2005
مجموع المشاركات: 2293

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة/ احلام حسب الرسول . (Re: shaheen shaheen)

    يلا واااااااصل


    وما تشحتفنا بالغياب يا غالي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de