|
دعواتكم لزميلنا المفكر د.الباقر العفيف بالشفاء العاجل
|
|
 Re: ظرفين حنّة ونص وقية محلبية (Re: ودقاسم)
|
العزيز ود قاسم
لكن باقيلك الحنه والمحلبية دي في طريقة الراجل ازوق من قروشها دي الحاجه الوحيده الراجل بدي المراة قروشها وهو بضحك
علي زكري الحنه عندي صاحبي معجب جدا بكره الكيزان لي يوم الدين النوع البقول ليك لو الجنه لمته بيهم ما داير الجنه لكن بعد دا مكسر في بدرية سليمان مستشارة الرئيس للشؤن القانونية في شان حنته ودخانه الما بتفرط فيهم اصلا
| |
 
|
|
|
|
|
|
|
|
Re: ظرفين حنّة ونص وقية محلبية (Re: 7abib_alkul)
|
حبيب الكل
سلام واحترام
زمان الحنة لم تكن تباع معبأة في أظرف ، كانت تباع في شكل أوراق جافة ، وتكال كيلا ، وهي رخيصة جدا يعني بتعريفة ممكن تحنن البيت كله ، وعندما جاءت حنة الأظرف ارتفع سعر الحنة ، وأصبحت جزءا من الشيلة ، وأصبحت أكثر استخداما ،، وبالتالي ارتفعت أيضا أسعار اكسسوارتها ، كالمحلبية والسرتية مثلا ،،،
والآن الحنة تكلف أضعاف ما كانت تدفعه جداتنا ،، وفي السودان تتحنن النساء في محلات الكوافير ، وكمان معاها بوخة بالدخان ،،، يا زووووول ،،، حكاية ...
يديك العافية ..
| |
|
|
|
|
|
|
|
|
|
Re: ظرفين حنّة ونص وقية محلبية (Re: ودقاسم)
|
الاخ المبدع ود قاسم.
لما تكتب انا بتكيف شديد لى كتابتك.
ولما تحيب سيرة الحواشات اها كدة الكيف يزيد قيراط.
الليلة الكتابة جابت ليها شيتا تانى. دا ما عارفين نسو معاه شنو لانه الله ما فتح علينا بيه لى هسع وراينا فيه مؤجل الى اجل قريب ان شاء الله.
ولك الود
والف باقة ورد
| |
|
|
|
|
|
|
|
|
|
Re: ظرفين حنّة ونص وقية محلبية (Re: المعتمد)
|
المعتمد ود الصمد
تحية بعبق القطن والذرة واللوبيا والفول ،،، وموية البوقة ،،، ونسمة تحت شجرة طلح تنبت على طرف ترعة ...
ربنا يتم ليك على خير ، يحننك البنيات ، وتعرض وسط اصحابك ، وشبالاتك هبطرش ...
| |
|
|
|
|
|
|
|
|
|
Re: ظرفين حنّة ونص وقية محلبية (Re: ودقاسم)
|
الخال العزيز .. ودقاسم
لا تتصور كم أجد في عذوبة ما تكتب من راحة  وكم أتمنى أن يتم جمع هذه القصاصات بشكل مطبوع حيث سيكون لها طعم آخر ...
لك الكثير من الود وعميق الإحترام
| |
|
|
|
|
|
|
|
|
|
Re: ظرفين حنّة ونص وقية محلبية (Re: Hani Abuelgasim)
|
أبو طلال
| Quote: وعندما تخرّج الولد الأكبر من كلية التجارة ، كان رأس المال جاهزا ، والخبرة متوفرة ، والدكّان الصغير تحول إلى سوبرماركت ، ويد غاية المنى ما تزال مخضبة بالحنّاء ، وفضل المولى لم يقتله ذلك الشئ ... |
حقو الجزء دة يطبع و يوزع لكل المغتربين. ( مشروع للعودة من الغربة )
| |
|
|
|
|
|
|
|
|
|
Re: ظرفين حنّة ونص وقية محلبية (Re: ودقاسم)
|
انا قايتو ما عجتنى الحنة ولا ستها
لكن عجبتنى كلمة الجرورة دى والله ياخال انت بقيت زى عون الشريف قاسم
اول من استخدم كلمة جرورة على النت.. وذكرتنى ايام سكر العلبة والحاجة ترسلنى لدكان الجرورة
امشى واسف الى ان اصل البيت....
تحياتى لك وانت تنقل تراثنا.الى عالم الافندية.وكم اغتاظ لما يقولو الجزيرة ما عندها تراث
خلاص محبتى الى ان تنتهى اقامة عثمان
| |
|
|
|
|
|
|
|
|
|
Re: ظرفين حنّة ونص وقية محلبية (Re: نادية عثمان)
|
نادية نحلة المنبر
منكِ نشاطه وحلاوته ، وكلماتك بلسم لجراح الكثيرين .. ربي يرفع مقامك ، ويخليك ،،، وهذا عشمنا فيك ...
أما الجرورة فنحن - أهل العوض - لم نتعرف عليها إلا من الموظفين الذين قدموا للعمل في قرانا ، فهم يفتحون حسابا عند التاجر - وهو عادة يكون من أهل العوض - يستدينون حتى استلام ( الماهية ) والتي أصبحت لا تستلم في السنوات الأخيرة ،،، أما نحن فعندنا مواسم ، نبيع الفول أو الذرة أو القمح أو الخضار ونشتري أغراضنا نقدا ، وتمر بنا فترات ركود وشح في السيولة بسبب أن الحكومة لا تمنحنا نصيبنا من القطن بالسرعة المطلوبة ، فنعمد إلى التاجر ونستدين ، ونسمي ذلك بالجرورة ، ربما لأنها تجرجر من يمارسها من الطرفين إلى ما لا يحمد عقباه ،،،
لقيتيني كيف يا متمدينة ؟؟
| |
|
|
|
|
|
|
|
|
|
Re: ظرفين حنّة ونص وقية محلبية (Re: ودقاسم)
|
الأستاذ ودقاسم ..
غاية المنى عايز تقرا قالت .. فوقه حيطة الدنيا مالت
سيد اللوري ذكرني بإبن عم لي كان يحلم دائماً أن يمتلك لوري جديد ويأتي أهل القرية ماشين لأمر مهم فيتجمعوا أمام منزله وهو مسترخ فينادونه من أعلى الحوش يا حاج يوسف أرح .. أصبروا شويه عايز استحمى .. وكنت أظن أن أهل الجزيرة أحسن حالا من أهل ريفنا الذين تمتحنهم الجرورة حتى في الفرح الضروري وظريف الحنة والحد الآدنى من لوازمه .. وكان البعض يحاصره حق دقيق الفينو وكت المطره ..
أما الباشكاتب فقطع شك ما بمرق ساكت .. وكان أحد أهلنا مشارك عمو في بوابور وكلو تمام إلا الحسابات .. يجي العم في الجمع ويقول ليه أثنين معانا الواحد وابن الاخ يقولو ياعمي أثنين أنا وانت الواحد المعانا دا داير أعرفو منو .. يا اخي الباشكاتب لازم إطلع بالواحد بتاعو
.. لكين العوض أنو الطلح ببلاش يملخ أقرب فرع من شجر الباشكاتب .. بس والله أنا متفق مع غاية المنى أنو حاج أحمد حاقد شديد .. مش كفاية هم الجرورة .. كما جابت ليها كلام تاني .. أظنوا رفض الزواج بعد ما شاف غاية المنى اتزوجت والله شنو ؟ وإن لم يكن ذلك كذلك فما سبب جهله (بالأربعين وما الذين يعنيه حب الآربعين) .. كان يكفيه أن يرى غاية المنى زبونة بالجرورة كل صباح عليها الابتسامة التي تنتزعها الحاجة .. ألم تقل أن غاية المنى تعرف أبعاد المشكلة؟ ومن نكد الدنيا على المرء أن يرى عدوا له ما من صداقته بد
وصديق الموج يبحث عن وظيفة .. لو ممكن تشوف ليهو السوبر ماكت بتاع فضل المولى ده .. لأنو في بةسا قبل يومين طلب مني وظيفة أقل من دي .. حاول ساعدو يا ود قاسم ..
محمد عبدالجليل
| |
|
|
|
|
|
|
| |
ودقاسم
Hussein Mallasi
7abib_alkul
nashaat elemam
انتصار محمد صالخ بشير
المعتمد
عبد المنعم سيد احمد
Hani Abuelgasim
ابو جهينة
abuguta
Mohamed Abdelgaleel
فيس بوك
تويتر
انستقرام
يوتيوب
بنتيريست