رسمة حنتك لوحة وطن نيلينو منسابين حرير مغزول بنول عز الزمن والخضرة بقّت واحتوت ضجّة تسابيح الشّجن جات البسيمة مرفرفة وضّاحة زي صفحة لبن ممزوجة بي عطر الربيع معسولة زي عنب اليمن
ورسمة حنتك خارطة قلب دفّاق يكابد في الوجيف ينزف وريدو جمال وحب والريشة تخطف كل لون حاكت رميلات الدّرب دسّت أناملك في حشاي فاضت عيوني بلا سبب ضوّت بسيمتك في الفريق بان الطريق ، بطل العجب
ورسمة حنتك لوعة عذاب ترميني بي سهمًا عنيد تهزم وعود كلّ السراب تحبسني في حضن الأسى تحجر علي لقيا الصحاب تلسعني لوعات الهجير تهجم علي من كل باب تسقيني كاسات الهموم يومًا أسى ويومًا يباب
الرياض ، 13 أغسطس 2002
02-27-2005, 02:21 AM
ابو جهينة ابو جهينة
تاريخ التسجيل: 05-20-2003
مجموع المشاركات: 22867
البسمة دايما بتذكرني ريحة الحنة في الإيد و تكون معطونة صندلية .. ما بتجنني إلا البسمة .. تذبح من الوريد إلى الوريد .. تطفي نار الوجد .. تهدهد الروح .. تربت على زعل النفوس .. تواسي .. تونس .. و العجب لو جاتك في المنام .. تخلي نومتك زى نومة الطفل الغرير .. ..
Quote: جات البسيمة مرفرفة وضّاحة زي صفحة لبن ممزوجة بي عطر الربيع معسولة زي عنب اليمن
حاجة ما تنتهي ( لبن و عطر و عسل ) شن خليت يا العركي ؟
02-27-2005, 04:32 AM
ودقاسم ودقاسم
تاريخ التسجيل: 07-07-2003
مجموع المشاركات: 11146
Quote: البسمة دايما بتذكرني ريحة الحنة في الإيد و تكون معطونة صندلية .. ما بتجنني إلا البسمة .. تذبح من الوريد إلى الوريد .. تطفي نار الوجد .. تهدهد الروح .. تربت على زعل النفوس .. تواسي .. تونس .. و العجب لو جاتك في المنام .. تخلي نومتك زى نومة الطفل الغرير ..
أبوجهينة لك التحية وأنت ترسم لنا لوحة موازية للوحة الحنة التي انتزعت لبّنا ،،،
Quote: خسارة دى مارسمة حنتى كان كده لانى تحننت يوم 14 اغسطس
نادية عثمان ردّي البصر كرّتين ، وأعيدي حسابات التاريخ ، ربما وجدنا نقطة التقاء ،،، تعرفي يا نادية لو أنا كتبت بعد 14 أغسطس كنت كتبت دواوين شعر ، عشان الدوافع بتكون أجمل وأبهى ،،، تحياتي لك وللحنانة ،،،
02-27-2005, 11:00 PM
ودقاسم ودقاسم
تاريخ التسجيل: 07-07-2003
مجموع المشاركات: 11146
الوفي عبد المنعم سيد أحمد كيف حالك ؟ طبعا إنت شبعان حنن الأيام دي ،، ربنا يديك العافية ، وتتهنى ،، وتبقى اللوحة لوحة بمرورك يا منعم ... وتحياتي للمدام ،،
02-28-2005, 03:23 AM
معتصم دفع الله معتصم دفع الله
تاريخ التسجيل: 12-18-2003
مجموع المشاركات: 12684
العزيز نزار حسين مني ليك سلام تعرف يا نزار أنا مرات كتيرة بتخيل حاجات كده ، وبعد شوية تبقى الحاجات دي حقيقة قداّم عيوني ،،، ويبدو أن هذه واحدة من هذه الحالات ،،، التحية للملهمة ولكل الذين يحتفون بجماليات المرأة السودانية ،،، والتحية للجمال المنساب بيننا في هذا المنبر بفضل أريحية الزميلات العزيزات ..
02-28-2005, 02:46 PM
معتصم دفع الله معتصم دفع الله
تاريخ التسجيل: 12-18-2003
مجموع المشاركات: 12684
يااااااااااااااااه الزول الجميل تبلدينا هنا .. شفت يا خال حنتك جابت منو ..
أوعك تكون عملتها من ورانا يا تبلدي .. دا كلو هين الضريرة تختها وين ؟ .. كم نفتقدك يا صاحبي .. ليالي الرياض من بعدك أصبحت حالكة السواد إلا من بعض النور الذي يشع من من تركتهم وراك بورداب الرياض الحلوين ..
ليك تحية وشوق لا ينقطع لا يروق بفتش ليك غروب وشروق مناي ألقاك وأبل الشوق
يا أخي وينك ، وين الشعر ، وين الظلامية ، وين الحكي عن حنين الوالدة ،، عليك الله سلم لي عليها ، وعلي ناس هناك كلهم ،،، وقول ليهم ودقاسم مشتاق يدّردق في رمالكم .. بكلمك بالتلفون الليلة إن شاء الله ،،،
03-01-2005, 00:13 AM
ابو جهينة ابو جهينة
تاريخ التسجيل: 05-20-2003
مجموع المشاركات: 22867
صباحاتك بيضاء زى لون لبن شاى الصباح باللقيمات الطاااعمة والمسكرة بالبودرة الناعمة !!
عليك الله الدوبيت البتكتبو هنا تشيلو بى كوبى وبيست وتنقلو لى بوست ركن الدوبيت عشان نحافظ عليهو فى مكان واحد ولانى بعد لكتاب مكتمل اسمو دوبيت بلدنا او رباعيات ..المهم ساعدنى بس بانو البتكتبو هنا تنقلو هناك لو دوبيت
سمح
03-07-2005, 05:42 AM
ودقاسم ودقاسم
تاريخ التسجيل: 07-07-2003
مجموع المشاركات: 11146
أما البسيمة الشالعة فقد كانت بعد ظهيرة يوم 13/أغسطس ببرآتها ونصاعة { صفحة } اللبن فيها ، إنكسر نحس ال13 وإنفتحت كوة أمل
ويا ودقاسم من حالتك الفوقك الله يتوبك
نادية عثمان: أفادت مصادر لصيقة وعارفة بحالة الذهان لدى ودقاسم إنه كتبها يوم 14 وكان القمر محاق ،، نتمنى ان تعود له عافيته ويسترد ذاكرته المنبهلة في الجمال وعيونه المبحلقة في الآفاق ،،
Quote: نادية عثمان: أفادت مصادر لصيقة وعارفة بحالة الذهان لدى ودقاسم إنه كتبها يوم 14 وكان القمر محاق ،، نتمنى ان تعود له عافيته ويسترد ذاكرته المنبهلة في الجمال وعيونه المبحلقة في الآفاق
،،
انا اقايتو بعرف الزهايمر ..ولا اياهو كلو واحد؟
بس عشان نحدد حالة ود قاسم تماما وماتقلق ياود قاسمنا لو كلام ابو ساندرا ده صاح بنلقى ليك حل
ياولدى الجن بتداوى ..كعبة الاندراوة !!
هى الاندراوة زاااتها يعنى شنو؟؟
03-07-2005, 04:44 PM
معتصم دفع الله معتصم دفع الله
تاريخ التسجيل: 12-18-2003
مجموع المشاركات: 12684
أبوساندرا هي البسيمة أصلا خلتنا فينا ذاكرة ؟ انها ثورة خريف العمر يا صديقي ، تتعامل مع الروزنامة على أنها العدو الأول ، فكل ما انقطعت منها ورقة كلما اقتربنا نحو النهاية ،،، ومثل هذه البسيمات تمنحنا زمنا إضافيا هو تعويض عن الزمن الفاقد ،،، أربعاتشر ، أربعتاشر ،، خلاص نسوي شنو ؟ عدلوا التاريخ كما يحلو لكم ،،
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
ودقاسم
ابو جهينة
عبد المنعم سيد احمد
معتصم دفع الله
nazar hussien
أبو ساندرا
فيس بوك
تويتر
انستقرام
يوتيوب
بنتيريست