دعواتكم لزميلنا المفكر د.الباقر العفيف بالشفاء العاجل
|
|
 بيت مال وعيال .. آمنة مختار وعثمان محمد صالح .. نحو القفص الذهبي
|
تقدمت لطلب يده في هذه الساعة بهذه الكلمات العبقرية
Quote: طالما انك تتمنى لى الخروج من السودان
عندى أقتراح عبقرى ( حتى نكون عمليين )
ما رأيك فى الزواج بى حتى أحصل على
الجنسية الهولندية وأكون مثلك من
المحظوظين حاملو الجنسية الأوربية
..فكر فى هذا الاقتراح
ثم أعطينى جوابك بسرعة
حتى نكسب الزمن |
في انتظار رد العريس
ان شاء الله ما يطلع بيقرأ بس
تعددت الأسباب والعرس واحد
مثل كرواتي
|
|
 
|
|
|
|
|
|
|
 Re: بيت مال وعيال .. آمنة مختار وعثمان محمد صالح .. نحو القفص الذهبي (Re: HOPEFUL)
|
Quote: الأخت عزاز شامي
مشبه عليك علي واحده اسمها "اميرة" يا ربي دي انتي ولا الشبه؟(وش مفتح عين ومغمض التانية)
الصيوان دا موتد وحاتك .. و ما بتلمه تاني بالساهل
والجاهز يخش
الشغلانة موضبة وجاهزة
والشروط بسيطة وصريحة
بس الشباب ميت وحاتك وراكباهو الجنية الغنت لها بهية
والما ضاق بلح الشام خشمو مالح
مثل اوغندي |
أخوي هوبفل
سلامات يا راجل ...
يعني انا بكتب باسمي الكامل وقربت اكتب فصيلة دمي علشان تقول لي اسمك (أميرة) ؟ (وش خاتي الخمسة فوق الاثنين ومتعجب)
أما فيما يخص الصيوان،
فأنصحكم تفكوهو حسي ولا تقبلوه عرس شهيد أو حملة انتحابات بلدية لانو قريبي بعرفه سمممح وأفاد وأبان وبنوتتنا آمنة تقبلت الشاكوش بقلب رحب وماعندها مانع تسمع الريمكس بتاع (اليلة ديك) ...
ياالله يا شباب
الصيوان ده انفض 
| |
|
|
|
|
|
|
|
|
|
Re: بيت مال وعيال .. آمنة مختار وعثمان محمد صالح .. نحو القفص الذهبي (Re: AMNA MUKHTAR)
|
صــديقي هــوبفل.. حبــابك
اول حاجة حضوري هنا..للســلامات..و كده..
و ليك مــدة.. يا صديق..
صــديقي..عثمان..حبــابك
و هي حضرة للتحية..
و كتر خيرك على الوضوح اللطيف..
صــديقتي أمنة مختار.. حبابك
هاك دي .. لغاية.. ما يجي بتاع الساوند..
ما اتعودت أخاف من قبلك
اٍلا معاك حسيت بالخوف
اعمل اٍيه ..ما القسمة اختارت
كل الناس حاكماها ظــروف..
الله يطراك بالخير .. أستاذنا عزمي أحمد خليل..
و ليه .. الهادي الجبل.. لغاية هسع ما بقى فنان السودان الأول؟..و اللــه جنس تهميش.. غايتو.. في الدنيا دي..
و دمتم
كبر
| |
|
|
|
|
|
|
|
|
|
Re: بيت مال وعيال .. آمنة مختار وعثمان محمد صالح .. نحو القفص الذهبي (Re: HOPEFUL)
|
سلام.......
الموضوع سهل التداخل فيه للجميع..
صعب على الاستاذ...عثمان..مهم كان الرد دبلومسي
لن يخرجه من ان كيدهن لعظيم....
كان رد الاديب اكثر من انيق....
لان الموضوع تدخل فيه العوامل النفسية والشخصية
للمستقبل القريب والبعيد...للطرفين..
وان لف الموضوع بثوب يغلب عليه عدم الجدية
والدنيا ده بقت صغيرة...
نتمنى التوفيق للطرفين كل فى حياته
مازلت تكبر فى نظرى ابوعفان
انمو دوما
| |
|
|
|
|
|
|
|
|
|
Re: بيت مال وعيال .. آمنة مختار وعثمان محمد صالح .. نحو القفص الذهبي (Re: Osman M Salih)
|
الأخوة الأفاضل
هوبفل ، حسين ملاسي ، ناذر محمد
الخليفة ، فيصل نوبي ، عجاج ،
سيف مساعد علي ، عبد الرازق الطالب
، علي محمد علي بشير ، تراجي
مصطفى ، عزاز شامي ، حيدر عثمان،
المعز ، عبد الكريم الأمين أحمد ،
كبر، محمد سليمان و عصام أحمد
يغشاكم سلامي
الموضوع في غاية البساطة:
سألتني الأخت آمنة مختار فأجبتها
معتذراً بعبارات تتناسب و المقام
توخيت إختيارها مبيناً إستحالة
إقتراني بأمرأة أجهلها كما أن
الفـؤاد مملوك لأميرته
إنتهى الأمر !
أتمنى أن تهب السماء لأختنا آمنة
مختار رفـيقـاً يقاسـمها درب
الحياة
| |
|
|
|
|
|
|
|
|
|
Re: بيت مال وعيال .. آمنة مختار وعثمان محمد صالح .. نحو القفص الذهبي (Re: HOPEFUL)
|
| Quote: يا جماعة ما فى زول بقدر ينزل لينا أغنية مشوكشين هنا ؟ |
امنة
هاك الكليمات ديل كان تلقي فيهن عزاء لحدي ما واحد يجدع لي لنك تحميل اصلو لنكي البعرفو طلع مشوكش
الله على العمر الودر
دفقت مويتي على الرهاب
شقيش اقبل مانقفل بيني ونعيم الدنيا باب
الله الله
متين بديت مشواري ذاتو ومتين كمل زاد الطريق !!
يادوب الملم في خطاي واخترت لي دربي الرفيق
اتبدل الحال واشاقي !! ضاع همي ضاع قبال اقيف
رجعت مكسور الجناح ما اتبل لي في الريدة ريق
الله الله
الله وقت زولا تريد ريتك ولا تعنيلو شي !!!!!!!!!!!
بتخاف وبحرمان يوود انت بتعاتبو وتختشي
بتقصر المشوار تجي تخاف من اللوم في الوشي
والسكة بيناتكم سراب درب المحال ما بتمشي
الله الله
الله على العمر الودر ضيعته بالاوهام سدى
املت احيا معاك مودة ورحمة لي اخر مدى
فرشت ليك جنت سعادة متفهردة ومتوردة
الا القدر قال كلمته ومالينا غير نرضى بكدا
كدا وكدا
الفاضل عثمان
تحياتي
| |
|
|
|
|
|
|
|
|
 Re: بيت مال وعيال .. آمنة مختار وعثمان محمد صالح .. نحو القفص الذهبي (Re: HOPEFUL)
|
كنت في غاية الاسى لعراك عثمان وآمنة
اعرف الاثنين من خلال هذا البورد فقط
عثمان يتمتع بروح جميلة
وقلم شجاع وقلبو في لسانو
كذلك العزيزة آمنة
صاحبة قضية عادلة
وانسانة قلبها نقي
جسورة في التعبير عن رأيها
كم فكرت في طريقة اردم بها الهوه المصطنعة
بين عثمان وآمنة ولكن كنت محتارا من اين ابدأ
نجح العزيز هوبفل باقتدار في تذويب جبل الجليد بين الرائبعين
امنة وعثمان
اتمنى للعزيز عثمان ان يلتقي بأميرته عاجلا
اما العزيزة امنه فاعتقد جازما
ان لديها الكثير في هذا الجانب لم تقله بعد
شكرا للجميع
| |
|
|
|
|
|
|
|
|
|
Re: بيت مال وعيال .. آمنة مختار وعثمان محمد صالح .. نحو القفص الذهبي (Re: Osman M Salih)
|
يا أبا القاسم ابراهيم الحاج
حرّر روحك وحبرك من وثاق
تابعيتهما الإسفـيرية لتراجي
مصطفي و آمنة مختار أولاً قبل
أن تدعو لتحرير الهامش من
هـيمنة المركز !
أديب: عثمان محمد( الصالح).
إن روحى بيد ربى وإنى آمن عليها فلا تخافن على ذى روح يقول ربى.
الحمدالله ان قد عرفت ان هناك وثاق ولكن وثاقنا حبل ممدود للمحبة , وهمنا موصول بكل السودان واخوتنا لكل صادق أمين مع نفسه محرر من قيود العنصرية وجاد فى طروحاته لغد أفضل للسودان والسودانيين من محنة العسكرتارية والنخبة المتسلطة التى أتت بكل نكير .
ومن قبل هذا وذاك ننصح الذين يحملون أقلاما نتضح بفصيح القول ونظنهم يعلمون مواضع الخلل والقدرة على وصف الداء ولكن ابت نفوسهم إلا ان تبرر للسلطان سوأته وتقول ان ليس بالامكان احسن مما كان.
ليت عمرى أكون مثلهما قوة فى الحجة وثباتا عند المبدأ وتفانيافى خدمة ما يؤمنان بهما من قضايا.
وحسنا رأيت أنى اتبعهما فسبيلهما سبيلى وغايتهما مرامى أيضا.
لو لم أكن فى صفهما لوددت أن اكون فى صفهما منتصرا لقضاياهما فما بالك إتحدنا وطرح القدر علينا هما مشتركا.
ودم طيبا وزر صالحا؟!.
| |
|
|
|
|
|
|
|
|
|
Re: بيت مال وعيال .. آمنة مختار وعثمان محمد صالح .. نحو القفص الذهبي (Re: manubia)
|
غايتو يا هوبفل الله يديك العافيه
ضحكتني ضحك اليوم مبالغ فيه.
ويا عثمان محمد صالح برأتك مبالغ فيها
يا اخي الناس كلها بتهظر وانت قمة في الجديه
غايتو (سلطانة قلبك دي كان الله في عونها...انك لا تعرف المزاح...)
وبعدين ابو القاسم اخونا ده قمته عليه كدي لي؟؟؟؟
غايوا يا ابو القاسم يا اخوي تكون حسادة ساي على خوتنا لك.
ربنا يديم المحبه بيننا.
تراجي.
| |
|
|
|
|
|
|
|
|
|
Re: بيت مال وعيال .. آمنة مختار وعثمان محمد صالح .. نحو القفص الذهبي (Re: Muhib)
|
ولضمي جمال (هوبفل)..
تحياتي..
Quote: الأخ ابورزقة
الخليجنة عندك لكن |
بقارة يا رسول الله..
والعرق دساس.. فوق رقاب الخيل المعقود في نواصيها الخير مجرب..
وبرضو بتقلب والشكر لحماد..
--
صحي الأرضه جربت الحجر..
بس يا جمال حكاية القفز بالزانة فوق أعرافنا دي بتكسر رقبة أم العروس..
ونبقي في حكاية كفيني لبني.. والسماح في رضي الوالدين..
والعز بالأهل كمان فوق دي حكاية سمعت بالعروس القاعدة تزغرد في ليلة دخلتها..
حارة بالجد حكاية الشاكوش الأوتمسفيري دي..
بس خلينا نلاقي مخارجة تحفظ للطرفين حقوقهم..
| Quote: بس قول الله يطوع القلوب ويلينه |
يا جمال تقوي راسك ساكت .. وبعدين صحي كترة الطعن بترمي الفيل..
لكن كده شوف بس حكاية..
الأرواح جنود مجندة دي.. وما تشابه منها تآلف..
وما أختلف منها تنافر..
والأمثلة حية قدامة ياهي بين العزيزين..
عثمان وآمنة..
والقسمة إختارت وكل الناس حاكماها ظروف..
| |
|
|
|
|
|
|
|
|
 Re: بيت مال وعيال .. آمنة مختار وعثمان محمد صالح .. نحو القفص الذهبي (Re: نهال كرار)
|
صرخة من داخل تابوت عثمان المسمر..
لأمدد إقامتي بهنا..
| Quote: الفـؤاد مملوك لأميرته |
يا عثمان أخوي شيمة الرجال قالوا الطمع..
لمثني وثلاث ورباع..
وإن خِفتم ألا تعدلوا فواحدة..
ولا أظن أنك ظالم.. لهذه الدرجة..
والفؤاد ترعاهو العناية..
مشبوكـ بين ضلوعي الوطن العزيز..
الإشتراك بدرهم ورد..
بيعو بقنطار فل..
والحكمة ضالة سيدا..
وهاؤووووووم أقرو الحكمة الدار فورية دي..
وخليك حريف..
وديل منهم أقيف..
أكل التفاتيف..
وجيزة البنية اللفيف..
وسكن الراكوبة في الخريف..
| |
|
|
|
|
|
|
|
|
|
Re: بيت مال وعيال .. آمنة مختار وعثمان محمد صالح .. نحو القفص الذهبي (Re: AMNA MUKHTAR)
|
الأخت آمنة مختار
أعمل شنو أنا في الحالة دي
عشان أطيّب خاطرك ؟!
زي ما كنتِ واضحة في سؤالك
أنابرضو كنت واضح في جوابي
والوضوح بكفي الناس شر
المتاهات ومنها هذه المتاهة
من حقك تكوني سعيدة وتلقي شريك
الحياة المناسب تتزوجينه عن معرفة
ومحبة متبادلة بس أنا صاحب الشعر
المنكوش في الصورة ديا هاجس بمن
تنفخ سيرتها الروح في أوصالي
غدوة وعشية
شـَعري منكوش ويتنمي حذائي لعائلة
الطنبوري وتشيع في أركان حياتي
فوضى ضرورية للكتابة بمناسبة حذاء
الطمنبوري إسمحي لي أن أروي لك
قصة قد تزيل عنك الغم عن قـصة
واحد من عائلة الطنبوري الشهيرة
أها الزول قرر يرجع يزور أهلو بعد
غيبة وهو لابس نعال طنبوري، قضى
بيهو الزيارة وفي الليلة السابقة
لي سفـرو بات عند قرايبو وهم
مضيوفين والحوش كلو جلاليب وأحذية
مشتتة في كل مكان ، أها الزول صحى
في الدغش العجيب داك و جهز شنطتو
نعسان ومطشش ولبس أقرب نعال صادفو
في الحوش و سافر
سيد النعال صحى في وكت متأخر
فـتش لي نعال مالمّ فيهو قام
سأل ناس البيت : وينا نعالي ؟
فأجابوهو ضاحكين : في أوربا !
| |
|
|
|
|
|
|
|
|
|
Re: بيت مال وعيال .. آمنة مختار وعثمان محمد صالح .. نحو القفص الذهبي (Re: HOPEFUL)
|
عزيزنا وحبيبنا عثمان
الله لا جاب الزعل يا اخوي وانت تعرف
عظيم محبة الجميع لك هنا
لقد خطر لي ان سبب زعلك هو تسرع جمال
هوبفل في افشاء الخبر وانت ربما كنت تريده
في طي الكتمان لتفاجئ به الناس او علي سبيل
المثل المصري الذي يقول " داري شمعتك تقــيد"
علي كل حال لم يرد جمال هوبفل بكما الا كل
خيــــر.
العذر الذي قدمته لعدم استعدادك للزوج حاليآ بسبب
حذاء الطنبوري القديم ومسكنك المتواضع ليس بالعذر
المانع للزواج لان المثل يقول [ تزوجوا فقراء يغنيكم
الله.]
ولا اظن ان اختيارها لك من بين كل هذه الجموع كفتي
احلامها من اجل السفر والخروج من هبايب السودان
اظنها حجة افتعلتها لازالة الحرج وانت تعرف مكر
النساء....ويقول المثل [ اتقـوا الله في قلوب العذاري]
ولا يضيع الله اجر من احسن عملآ
مع عظيم محبتي ومودتي
ودمت
| |
|
|
|
|
|
|
| |
HOPEFUL
Hussein Mallasi
ناذر محمد الخليفة
Tragie Mustafa
ajaj
Osman M Salih
saif massad ali
فيصل نوبي
عبدالكريم الامين احمد
A.Razek Althalib
AMNA MUKHTAR
Mohamed Suleiman
على محمد على بشير
أبو ساندرا
Kabar
mansur ali
Rasha Hatim
Abureesh
ASAAD IBRAHIM
bushra suleiman
خالد العبيد
tmbis
omar ali
ابوالقاسم ابراهيم الحاج
عمر ادريس محمد
الزوول
manubia
ترهاقا
Muhib
الجيلى أحمد
فيس بوك
تويتر
انستقرام
يوتيوب
بنتيريست