دعواتكم لزميلنا المفكر د.الباقر العفيف بالشفاء العاجل
|
|
 انا في حلم ولا في علم .... ولا دي ليله القدر..؟؟
|
يا اخوانا هووووووي
انا والله الليله ما مصدق
في زول ممكن يفوز بجوائز من اربعه محلات في يوم واحد...؟
اتخيلو اني الليله فزت باربعه جوائز من اربعه محلات مختلفه
الجائزه الاولي من اليانصيب فري لوتو مبلغ 2500 دولار
الجائزه التانيه من كاشير مبلغ 5000 دولار
الجائزه التالته من امريكان اير لاين عدد 4 تذاكر سفر لجزر هاواي مع الاقامه في فندق 5 نجوم شامله المصاريف أو استبدالها بمبلغ نقدي
الجائزه الرابعه 1000 دولار ودي برضو من فري لوتو قديمه وما كنت عارفه الا لما نزلت في الحساب الليله
والله الكلام دا كلو حقيقه مع اني ما حصل فزت قبل كدا ولا بصابونه حاجه فاطمه
يكون الليله ليله القدر يا ربي ولا شنو
الحمد لله رب العالمين واللهم اجعله خير
|
|
 
|
|
|
|
|
|
|
 Re: انا في حلم ولا في علم .... ولا دي ليله القدر..؟؟ (Re: HOPELESS)
|
شريييييييكتك
شوف انت وليد وما بتعرف قيمة القروش دى ..كدى بتساوى كم بالسودانى بتاعنا مش عملة قرنق!!!
الحاجة التانية نغير اسمك لاحظ نغير لك اسمك ل هوب فل
الحاجة التالتة انا امسك لك الباقى علشان ما يطلعوا لك زى ناس الطاهر 2
وكمان داخل على طمع تزكرتين !!!يمكن يكون عاوز يحجج ليهو زول اعمل حسابك
حظك حلو ويارب كده دايما الدعاء ده بلاااااش
| |
|
|
|
|
|
|
|
|
|
Re: انا في حلم ولا في علم .... ولا دي ليله القدر..؟؟ (Re: قليبى المهضلم)
|
الاخ هوب ليس
لك التحية
تعرف والله اول مرة اشوف زول كسب قروش كده كاش حية وعدا نقدا وكمان فى حسابه ؟؟؟ والله ده شىء عجيب
تعرف انا لى اكثر من خمسة عشر سنة اشارك بصورة منتظمة اسبوعية وشهرية واحيانا يومية فى مسابقات وحاجات من دى ما حصل يوم كسبت ابره عشان كده قلت الناس دى بتضحك علينا واول ما القى مسابقة ثانى اقول يمكن الحظ يبتسم واقوم اشترك وبرضو ما اكسب
تعرف انت كده اديتنى امل كبير انى اواصل المشاركات رغم حظى الذى يشبه حظ اخونا عماد اعلاه..
يا سيدى الف الف مبروك والله تستاهل عشان خفة دمك وعشان روعتك ويا رب ثانى الجوائز ما تقيف اصلها منك وتكسب كل يوم لامن تخلى الشغل وتقعد بس نوم وانترنيت وتبارى حصد الجوائز ..
كدى بينى وبينك عملت شنو عشان تكسب .. قوله بشويش خلينى اعمل زيك..
مع تحياتى
| |
|
|
|
|
|
|
|
|
 Re: انا في حلم ولا في علم .... ولا دي ليله القدر..؟؟ (Re: قرشـــو)
|
العم قرشو
الله يبارك فيك
وكان داير تشترك مع الناس ديل ما عليك الا تزور الموقع دا
www.freelotto.com
وتختار ليك سته ارقام من 54 رقم وانت وحظك
وعندهم جائزه سمييييينه كان ضرب حظك فيها دي بتريحك باقي عمرك
المهم كل يوم تديهم غشوه
واصبر لمن يجيك الخير
انا صابر معاهم والله 3 سنوات كل يوم ارسل ليهم
وربك جاب التايهه
بس انصحك بي حاجه جميله برضو وممكن تجني منها قروش
وهي شركه عندها فرع في السعوديه في شارع الستين مع صاري
ادخل علي الموقع دا وكان بقيت عليها راسلني علي بريدي التحت دا
اسم الموقع
www.jamalzaki.biznas.com
الايميل
[email protected]
وبتمني الجميع يفوزوا ويفرحوا يا رب
| |
|
|
|
|
|
|
|
|
|
Re: انا في حلم ولا في علم .... ولا دي ليله القدر..؟؟ (Re: bushramk)
|
الأخ هوب فل
اذا انت متأكد من انك لاتعانى من هضربة الملاريا وانا اتمنى ذلك لأنه اخوك اليومين ديل مزنوق شوية والخريف على الأبواب والبيت عايزلو جالوص والمدام على وضوع وكذلك المدارس على الأبواب وما أدراك ما المدارس وكدة.
بناءا على ما تقدم ارجو ان تلحق اخوك بى 20000 يورو اكرر عشرين الف يورو فقط لا غير ومبروك عليك جزر هاواى وجزر القمر
| |
|
|
|
|
|
|
|
|
|
Re: انا في حلم ولا في علم .... ولا دي ليله القدر..؟؟ (Re: HOPELESS)
|
والله ياهوبليس
الف الف الف مبروووووووك
حيرتني عديييل كده
حقو تشوف ليك اسم تاني بعد ده
hopefull
هوبفول بمزاج كمان
والله ماشاء الله
بس ما يجيك هبوط ولا شي
وكان داير نصيحتي احسن تمشي جنب الحيط الايام دي
مع انه برضو ما ضمان امكن حيطة تقع فيك ولا حاجة
عارف ليه لانك شكلك كملت حظك كله
بعد ده الا تموت
لووول
هي بهزر معاك والله
الف مبروك وتستاهل كل واحد بياخد على قدر نيته
وانت الله اداك عشان نيتك اكيد
| |
|
|
|
|
|
|
|
|
|
Re: انا في حلم ولا في علم .... ولا دي ليله القدر..؟؟ (Re: HOPELESS)
|
بسم الله الرحمن الرحيم
المحبوب هوب لس
سلام وفرحة
أنا في الأول كنت ما مصدق لكن لمن شفت البوست جر والجماعة كترو صدقت أها ياخي مبروووووووووووووووك
لكن يا هوب لس زي دي حلال ولا حرام؟؟؟؟
المهم كان حلال عايزك تسوقني معاك ها(واااااااااااااااااي) لو سمحت
أكرر فرحتي لك أيها الحبيب
| |
|
|
|
|
|
|
|
|
|
Re: انا في حلم ولا في علم .... ولا دي ليله القدر..؟؟ (Re: بدرالدين شنا)
|
حبيبنا ود شنا
اول بالتبادي انصحك نصيحه لوجه الله
ابعد من الواااااي دي عشان جابتلها حيكومه والضابط واقف بهنااااك ورافع سلاحو
طبعا حلال ولا حرام دي حقو يفتونا فيها الشيوخ مع العلم اني ما دفعت فيها ولا مليم احمر
وبعدين شكلك كدى جايي ساكي حق الايجار.. يا اخي اتقي الله نحن يادوبنا في نص الشهر والشغلانه خسرانه والشفع كسرولنا عجلاتنا سااااكت
لوك الصبر يا سيد السوق
| |
|
|
|
|
|
|
|
|
|
Re: انا في حلم ولا في علم .... ولا دي ليله القدر..؟؟ (Re: ود شاموق)
|
العزيز جمال
لك التحية
ياخوى ناس اللوتو ديل انا سكيتهم لامن روحى طلعت وحاتك اكتر من 3 سنوات وانا وراهم وفى الاخر طلقتهم لانهم ما بكسبوا الا ناس امريكا بس الظاهر ..
اما جماعة بزناس فديل عاوزين راس مال يا صاحبى لكن اول ما اعتر فيه وراهم وراهم وقد سجلت لهم زيارة بناء على دعوة من احد الاعضاء هنا ووجدت عضوا اخر ولكنى لم اكررها لعدم وجود راس المال لضربة البداية
لك تحياتى
| |
|
|
|
|
|
|
|
|
|
Re: انا في حلم ولا في علم .... ولا دي ليله القدر..؟؟ (Re: قلقو)
|
هي يا قلقو هن كلهن ما بتمن عشرين الف اويروالاويرو اغلي من الدولار بقي يعني يرسلن كلهن ويدين عليهن ولا شنو؟؟!!! ماتبقوا طماعين كدا انامثلا طلبت فتيل ريحه بي 10 دولارات وتم التصديق بيه انت ممكن تطلب معجون حلاقه بي 3 دولارات
وفي حديث اخر جبل الكحل هدنوا المراويد
| |
|
|
|
|
|
|
|
|
|
Re: انا في حلم ولا في علم .... ولا دي ليله القدر..؟؟ (Re: doma)
|
حبوبة شروق
انا عارف انه المبلغ ما حيتم لكن دى مامشكلتى انا دى مشكلة هوبلس المفروض عليه يتصرف ويدبر لينا باقى المبلغ ويدبر لى مصاريف سفره لى هاواى بى معرفته وليكى على ياحبوبة شروق اجيب ليكى ريحة المايقوما البتحبيها ومعاها شوية حنة وسرتية ومعاهن صابونتين غسيل. اها قصرت معاكى؟
| |
|
|
|
|
|
|
|
|
 Re: انا في حلم ولا في علم .... ولا دي ليله القدر..؟؟ (Re: zola123)
|
دكتوره زوله
سلام واحترام
عياده في الهيلتون...؟
بالله انتو وصلتو الحتات دي كمان
وكشفكم كم يا كاشفين الحال...؟
اها وانا نصيبي شنو من الحكايه دي ..؟
شكلك في النهايه حتقولي ليه مش كفايه دخلناك الهيلتون وكلو علي الفاتوره
افتح الله
انا داير افتح دكان عطاره وعلاج بلدي في سوق ليبيه وكان بدوري ليك علاج تعالي مابقصر معاك
-
| |
|
|
|
|
|
|
|
|
|
Re: انا في حلم ولا في علم .... ولا دي ليله القدر..؟؟ (Re: WAD ELGAALI#4)
|
ودالجعلي سلام
الله يبارك فيك ويديك
يازول ماتبطل مقابضه
انت مفروض تحمد الله انو موضوع اليهوديه مره علي خير كمان داير
تكابسنا في اكل عيشنا انت خطيبتك دي ما جعليه ولا شنو..؟
الاجزخانه خلاص انتهينا من موضوعا بدكان العطاره
بس بندور نشوف موضوع الشفخانه عشان نجيب فيها دكتوره ون تو ثري
| |
|
|
|
|
|
|
|
|
|
Re: انا في حلم ولا في علم .... ولا دي ليله القدر..؟؟ (Re: HOPELESS)
|
سلام اخى الحبوب جمال
يديك الف عافيه ..ومبروكه عليك الجوائز وتستاهلها يا خوى ..
كدى اتذكر امس قريت شنو ؟
انا غايتو احمد الله محظوظة وما بنخلع زيك كده لوووول .. تجى نتقاسم ؟؟ غايتو لو رضيت وقاسمتنى من غير ما تعرف انا كسبت شنو ..بقبل ..ولو حاولت تسال بى جاى ولا جاى .. بنط من هسه ..
بس اختا لى البدرى السمح ( بدر الدين شنا ) ياهو هو البجيب خبرى
مبروك والله
فتك بى عافية
| |
|
|
|
|
|
|
|
|
|
Re: انا في حلم ولا في علم .... ولا دي ليله القدر..؟؟ (Re: soma)
|
الاخ العزيزه سوما
البارح قريت قصيده دجاجي يلقط الحبه
المثل بقول العندو الشئ مابغطي
(مثل حقي براااااي)
رأيك شنو
وشيتا فوقو ود حلا سيد السوق الضبابينو عندها سؤ تغذيه دا اكيييييد امرا فوق رأي
اختونى جاي ولا جاي وخلو قريشاتي معاي
وداير سحبه بالعجله مابنبخل عليهو بنخليهو يمشي لحدي راس الشارع ويرجع
-
| |
|
|
|
|
|
|
|
|
|
Re: انا في حلم ولا في علم .... ولا دي ليله القدر..؟؟ (Re: HOPELESS)
|
الأخ هوبليس
ياخوى انا شايف الناس كترت والمشاريع كترت مره ختة ومرة عيادة ومرة شفخانة وبعد شوية ناس الحكومة يتدخلوا ويقولوا ليك تعلية خزان الروصيرص و ترعتى كنانة والرهد وباقى المشاريع الهلامية ديك.
وعليه فأنا اعلن تنازلى عن طلب السلفية وانصحك بألأبتعاد عن المشاريع الوهمية خاصة البتجيك من العنصر النسائى (بدون اسماء )
ورزق الهبل على المجانين
| |
|
|
|
|
|
|
|
|
|
Re: انا في حلم ولا في علم .... ولا دي ليله القدر..؟؟ (Re: HOPELESS)
|
ده شنو الاحباط ده
بدل ما تشجعوني
انتو فاكرين العيادة دي كلام ساي
عاين يا ود الجعلي وهوبليس
وقلقوا ده يفتح عينه عشان ما يرجع يأجر اوضة كوفي تاني
دي حتكون نقلة نوعية في النظام الصحي
نعمل ليكم فيها كل وسائل الراحة والتسلية, تلفزيونات في كل ركن وقنوات فضائية الما مجانية
وكمبيوترات عشان الداير يتدخل النت في وقت الانتظار
ووعن الديكور حدث ولا حرج
طبعا في السقف مهبط الطيرات مش عشان الحالات المستعجلة
عشان الماداير اعصابه تتعب في زحمة الطريق
وممكن قبل ما يخش على الدكتور ياخد ساعة كدية في غرفة الجاكوزي
والاجزخانة ياود الجعلي يمكن ما نحتاجة
ياي انا قلت اجزخاني دي كيف...قصدي صيدلية
عشان بعد الرفاهية دي كلها المريض حترد فيه الروح ويطلع يجري زي الحصان
لاكن احتياط نعملها
وانا اقترح تذاكر عند الدخول لنفس السبب
اها كنا بنقول حنعملها عيادة شنو يا ربي؟ عيادة شنو يا ربي؟؟
تصدقوا ما ضروري زاته
نخليها على كدة
الداير يساهم في المشروع الحضاري ده ارجوا الافادة
ويا هوبلس ما تضيع وقت قدمت اللوتري البعده ولا لسة
تحياتي
زولة123
| |
|
|
|
|
|
|
|
|
|
Re: انا في حلم ولا في علم .... ولا دي ليله القدر..؟؟ (Re: zola123)
|
يادكتورة عيادتك دى انشاء الله الحايشرفا منو انت آزولا بدورى تكملى قريشات الراجل ساكت اصلهم الحناكيش جنهم كميل قروش يعنى مسلا زمان فى الجامعه اذا ماكنت مريش تب
ما بتقدر تخلط حنكوشة تعرفى عندى بت خالى قرت فى رومانيا
اها جابتا طيارت ابراهيم احمد عمر اها كنت بمشى ازورا
فى الجامعه كانو عندها صاحباتا يرمو فى الشوك دى خلى
حسام يشرحا ليك اها اليوم داك لازم استلف منها عشان
انا لازم اعزمم انت عارفه طبعا اهل العوض وصناجتم اها
يوم جيت وهى اتاريها طلعت قبل مااجى وخلت لى مذكرة
مع بتاع الباب اها لما جيت لقيت بتاع الباب مافيش
المهم انقطعتا نافش ريشى لقيت ليك صاحبات قاعدات طبعا
اخوك كالعادة يلا ياشباب الكفتريا المهم مشينا هناك
زولتى ماجات قلتى ليهم ياشباب محفظتى شكلها اتنشلت
نطت واحدة اسمها ميسا قالت لى م حفظتك اتنشلت والله
سارة مافى عشان تدينك والله من اليوم داك البت دى ما
بهضما
اما يادكتورة موضوع الاجزخانة دا اهم حاجة والا اعتبرى
الموضوع ماقايم وزى ماانتى دايرة تضمنى مستقبلك انا داير
اضمن مستقبل خطيبتى على الاقل اخليها مع زولة مضمونه
زيك مضمونه هنا مقصود بيها ماحتحرضيها على تفكنى عكس
| |
|
|
|
|
|
|
|
|
|
Re: انا في حلم ولا في علم .... ولا دي ليله القدر..؟؟ (Re: WAD ELGAALI#4)
|
مبروكات عليك يا هوبلس الدولارات الخدر
شفت الناس ديل كلهم دايرين يضحكو عليك ..
من اول زول لي ود الجعلي سيد الاجزخانة..
خليك معانا انا وزولا تكسب دهب
وال10 الف $ تبقي مليون$ ..
بعدين يا زولا عرفت ليك العيادة نعملها شنو...
نعملها عيادة نفسية...
طبعا الشرينكات اليومين دي اكتر ناس شغالين ..الامة كلها مغلية ومليانة احباطات وماسكاهم نفيسة..بعدين اكترهم ناس مغندلين..
يعني ابو الريش عديل كدة..
اها قلت شنو؟؟
ما تطرطش وتسمع لي كلام الناس التانين ديل بسقطو حجرك
| |
|
|
|
|
|
|
| |
altahir_2
emadblake
Elmosley
قرشـــو
bushramk
قلقو
ودالعباسية
مريم بنت الحسين
الجندرية
سجيمان
بدرالدين شنا
ود شاموق
Sobajo
doma
zola123
WAD ELGAALI#4
جدو
فيس بوك
تويتر
انستقرام
يوتيوب
بنتيريست