دعواتكم لزميلنا المفكر د.الباقر العفيف بالشفاء العاجل
|
|
 الأستاذ احمد الريح .. شخصية البورد المتميزه لهذا الشهر
|
الأستاذ احمد الريح .. شخصية البورد المتميزه لهذا الشهر
عضو البورد النشط الاستاذ احمد الريح
استحق وعن جدارة شخصية البورد المتميزه لهذا الشهر
وذلك عن ما قدمه ويقدمه من مداخلات استحق عليها الاشاده
من جميع من يقرأ بقلب سليم ويتطلع لمعرفه او معلومه او لمناقشة ثره
العضو احمد الريح
من كتاب البورد القلائل الذين يفرضون عليك احترامهم وان اختلفت معهم في طرحهم او توجهاتهم
وذلك باسلوبهم المتميز الجميل وملكاتهم الغنيه في السرد والكتابه
ونفسه الطويل مع مقارعيه وإن اشتطوا عليه
لك التحيه ايها الرجل الوقور
ولك الاحترام كله
|
|
 
|
|
|
|
|
|
|
 Re: الأستاذ احمد الريح .. شخصية البورد المتميزه لهذا الشهر (Re: bayan)
|
ما كنت عاوز ادخل ولا حاجة لانى مقاطع بوستات جمال من زمان
لانه وعدنى بان يغطى قدح السلام ولم يوفى بعده
لكن دخلت حين رايت الخالة عادت اكيد احمد اريح يستاهل شخصية البورد
الشهرية
اولا:-لان ماما بيان شرفت دخول بوسته بعد غيبة
ثانيا:- الحق يقال ان احمد الريح رجل محترم
ومؤدب ويعرف من اين يوكل الكتف
مزود بادلة شرعية ويحفظ للاخرين منظوماتهم وشطحاتهم
فقلمه ماجور وحسانته باذن الله زائدة
ثم انه رجل رياضى يعرف عن الكرة كتاج السر
فله انزع طاقيتى ولخالى ودقاسم
وكية لى هوب فل الما وفى بوعدى
| |
|
|
|
|
|
|
|
|
|
Re: الأستاذ احمد الريح .. شخصية البورد المتميزه لهذا الشهر (Re: abuguta)
|
صديقي ابوقوته
هاهاهاهاها
قلت لي قدح السلام؟
لوووووووووووووووووووووووووول
والله في دي اتلومنا بس بناءً علي رغبة الجمهور
حنغطي القدح وما حوله بامرالله في مهمه انتحاريه
والبركه في بركات شيخنا ودالريح وشيختنا الجليله ماما بيات الجابوك لينا
انت عارف مشكلتي شنو يا ابوقوته
وبالجد والله
انا لا بعرف البخش ليه منو ولا الما بخش منو
لاني والله دا الشئ الوحيد الما بكترث ليهو
| |
|
|
|
|
|
|
|
|
|
Re: الأستاذ احمد الريح .. شخصية البورد المتميزه لهذا الشهر (Re: HOPEFUL)
|
الاخ هوبفل
لك التحية ولك الاحترام
اتمنى ان يسمح لي الاستاذ احمد نيابة عنه واصالة عن نفسي أن اشكرك على هذا البوست فهو بحق وحقيقة استحق الاشادة ويستحقها رجل متزن في طرحه رصين في قلمه هادئ في طباعة مثقف في فكره يشدك إلى متابعة كل ما يكتب حتى اخر حرف اذا بكل جدارة استحق هذا الرجل ان نكرمه بلقب (ملك بورد سودانيز اونلاين) ودمتم
| |
|
|
|
|
|
|
|
|
|
Re: الأستاذ احمد الريح .. شخصية البورد المتميزه لهذا الشهر (Re: HOPEFUL)
|
انا اوافق الاستاذ المبدع جمال عبدالرحمن هوبفول على لفتته البارعه فى الاحتفاء باحد شخصيات القرن، عندى بس حاجتين عاوزات توضيح لو تكرم المحتفى به واستقطع لنا من وقته الثمين :
الاولى: الاخ المحتفى به مقدم نفسه كرجل يقول كلمة الحق مهما كانت ولاى بشر، سؤالى لماذا صمت تماما عندما تلفظت اختنا فى الله ساره المنصوره دوما بشوية الكلمات الما ظريفه ديك (التعابير المخففه لزوم عدم افساد الاحتفال)
الثانى : كتب القائد الميدانى فى غزوة الموناليزا (ودى من ابداعات المحتفى به) ما يلى :
| Quote: أنا لا أتورع عن تأييد إسكات أمثال هذه الفاجرة وبالقوة ولا يهمني ادعياء الثقافة المنادين بحرية الفكر وترك الحبل على الغارب لكل من هب ودب ليقول ما يشاء ويفتي بما يشاء، لست أدري متى يغضب البعض إذا لم يغضبوا عند مس عقيدتهم، اسمح لي يا محب بالقول أنك تخلط بين حرية الفكر المقيدة وحرية الفكر التي تمنح صاحبها حق قول ما يشاء وإن تعرض به للمقدسات ومكارم الأخلاق، |
والمعنيه هنا ارشاد مانجى وليست امراه اخرى،احتمال يكون الوصف ده يشمل نساء تانيات
Re: دعونا نتحدث عن ارشاد مانجي !
واضيف الوصله هنا للاطلاع على كامل وجهة نظرك.
سؤالى هو :ماهى معاييرك لمن يجب اسكاتهم ولو بالقوه، يعنى لو لقيت رودا او دينق او محمود محمد طه ورفضوا يسكتوا حتعمل شنو؟؟؟
بغض النظر عن السؤالين اعلاه اوافق على الترشيح وازكيه للشهر ده والشهور الجايه كمان،قائد زى ده انحنا لاقينو
يلا وراى:
قائدكم مين .... احمد
ابوكم مين .... احمد
منقذكم مين ....احمد
تعجبنى عدد من الامثال المعبره:
شكارتا دلاكتا
البكا بحرروهو اهلو
كان تابت ب......
"شكر" المجانين على الهبل
وليس اخرا
الاختشوا ماتوا ... زماااااان
| |
|
|
|
|
|
|
|
|
|
Re: الأستاذ احمد الريح .. شخصية البورد المتميزه لهذا الشهر (Re: Bashasha)
|
شكرا للأخ جمال هوبفول على التشريف الذي أحوّله لنجم المنبر الأول -في نظري- الأخ العزيز: راكوبة،
شكرا لكل الذين توسّـموا فيّ خيرا وستبقى كلماتهم الطيبة زادا لي في المشوار -غير معروف الأمد- في المنبر الحر، وشكرا أيضا لمن اختلف معي فما اختلافهم معي إلا دليل عمق تأثير ما أكتبه ومرحبا بهم في ساحات الحوار والحجة والمنطق ،
وليأذن لي هوبفول في أن تكون مداخلتي هذه هي الأولي والأخيرة واكرر له شكري الفائق.
أحمد الريّـح
| |
|
|
|
|
|
|
|
|
|
Re: الأستاذ احمد الريح .. شخصية البورد المتميزه لهذا الشهر (Re: HOPEFUL)
|
ياخى الدنيا دى فيها ناس حاسدين بي شكل
ابو امنه انت اصلا زنديق و فيك ريحة شويعيه شهادتك مجروحه و مفلقه
ود قاسم طائفى و لا يعجبه العجب ولا صيام رمضان
بشاشه و دينق العنصريين الحاقدين، بعدين لما عربى قح نص دمو سعودى زى جمال ال سعود يرشح نوعكم ده يسكت ساكت ....
قائدكم مين احمد
منقذكم مين احمد
فى انتظار بقية كتيبة الاحمر لتنصيب قائد غزوة موناليزا امير مؤمنين للبورد واعلان امارة البورد الاسلاميه العربيه
جيمى ما جاوبت على لحدى الان : انت مشترك معانا بنصك السعودى و لا السودانى ؟؟
| |
|
|
|
|
|
|
|
|
|
Re: الأستاذ احمد الريح .. شخصية البورد المتميزه لهذا الشهر (Re: bushra suleiman)
|
| Quote: من الذي قرر بأن تكون هناك" شخصية شهرية" للبورد أصلاً يا كيزان؟ |
لسع يا اخونى دينق الكوزوفوبيا دى ما راحت.. حتى بعد صالحوكم وبقيتو سوى سوى.. انت خايف الناس تقوليك ارجع وخلى امريكا ام سقطا سمح ديك وتعال عهد النضال انتهى..
غايتو انت اكبر زول اهدر اكبر فرصة سنحت ليه عشان يكون علامة فارقة فى المنبر دا.. كلها ضيعتها فى المهاترات الضحلة وخلق العداوات
يا اخى انت من وين ؟شوف مشاكلكم اعرضها بدل دا كوز وديك كوزة
جد والله يابى يابى.. وياى ياى ناس الهاى هاى
بعدين ناس كوزة وكوز دى بقت ممجوجة ذى نضال الكىبورد والعنتريات الفارغة
وانا رديت ليك انت لاننا(الجمع للتعظيم) الى الان ما فقدنا فيك الامل انك تعلن الثورة على نفسك وتعدل مسارك.. وتطرح قضاياكم اذا اصلا كان عندك قضية...
عارف الفرق بينك وبين روضا وندى على وتماضر شيخ الدين انهم تعبانات يتكلمن عن قضايا المفروض انت تكون مشغول بيها اكثر زول و انت يا حبيبى مشغول بالسفاسف والباسطة دى سمنها كثير والعيش دا لو اتقمر كان يكون احسن.. هناى دا كوز عنده قرون وضنب وديك كوزة عندها انياب بارزة وعيونها حمرة.
عشان كدا انا طوالى بقول المرأة السودانية المثقفة هى الاوعى بقضايا المجتمع الحولها واذا التزمت بها توصلها لنهايتا
هورى.. هورى بنات بلدى
وياايها الدينق ارفع راسك واطرح قضيتك بتعمق وفهم
وخليك من شبير شد قام بجماعتو وقعد بجماعتو دى
اوعى بالله تجى تفتح النار وتتوحل تانى فى كلام بتاع كيزان دى
امشى جيب بنود الاتفاقية وفندها ورينا رأيك فيها.. وكجنوبى بتفتكر شنو.. وشنو هى الحلول التى تراها.. لانه لو جيت تانى وصفتنى بانى كوزة حأوريك ما يجمع الكيزان مع غالبية الجنوبين المثقفين و شنو القواسم المشتركة.. وأعلم المعلومات العندى حتلف ليك رأسك
اوعى كمان تجى تقول مخابرات ولا امن..فقط مشكلة جنوب دى واحدة من الاهتمامات كون انى اكتب فى التلاقح الافريقى العربى الثقافى
وعن الثقافة السودانية..
شكرا ليك كلنا(الجمع للتعظيم) امل ان تكون قدر القضية
وتتوب عن الخوض فى التفاهات والهيافات
جاااااااااااااااااااو
| |
|
|
|
|
|
|
|
|
|
Re: الأستاذ احمد الريح .. شخصية البورد المتميزه لهذا الشهر (Re: bayan)
|
للأخوة ودقاسم، مراويد،أبوآمنة
أنا عضوة جديدة في البورد وكوزة يعرفني كل من تخرج من طب عين شمس حتي العام 1996و شايفاكم نازلين في أي بورد شتيمة في الإسلاميين حتي لو ما كانوا كيزان ...كدي قبل ما نتناقش أفتحوا كتابكم ووروناانتو شنو؟ طبعا مسألة مسيسين دي إتجاوزتوها بيغادي....وبصريح العبارة انتوشيوعيين ولا لا؟ عشان نبقي نتناقش علي المحجة البيضاء.
| |
|
|
|
|
|
|
|
|
 Re: الأستاذ احمد الريح .. شخصية البورد المتميزه لهذا الشهر (Re: HOPEFUL)
|
لك كل التحايا احمد الريح
احترمك وان اختلفت معك واحترم كل ارائك وكل مساعيك لنصرة الدين
( مش في حرية تعبير برضو ولا لمن تجي على الدين تكون كوزنه)
حسبى الله ونعم والوكيل ...............
اسالك بالله لا تحني قلمك لاي كائن من كان والله وحده عليم بالنوايا
لك خالص تقديري
ماما بيان حمدا لله الف على السلامه واريتو اخر غياب...
وانور ان شاء الله خير الغيبه طالت...
وتسلم ياهوب بوست جدير بلاشاده وعشان خاظرك نخلي البوست المتميز
لهذا الشهـــــــــر..........................
لكم من الشكر اجزله
نوف
| |
|
|
|
|
|
|
|
|
|
Re: الأستاذ احمد الريح .. شخصية البورد المتميزه لهذا الشهر (Re: WaD OmI)
|
الكريمة دكتورة امانى
مرحب بيك فى البورد.. عشان تعرفى خرطة البورد ارجعى للارشيف وشوفى بوست الكيمان.. وسعداء بقدومكم نتمنى نرى اطروحاتك المفيدة
وخليكى سلكتف جدا فى تناقشى منو ما اى زول هنا بيهدر فيهو الباندوث
البقروش دا..
ولدى العزيز أنور
شكرا ليك على اهتمامك وكلماتك الطيبات.. الفترة الفاتت كانت هناك مشغوليات اسرية وغير اسرية..انتهت الان.. وسنرجع ونكون دائما حاتلين هنا 24 ساعة باذن الله..
الابنة نوف
سلام وكيفك.. شكرا ليك على كل شئ.. بالله خليك دائما لا تخشى فى الحق لومة لائم.. طبعا حتلقى نفسك فى مواجهة الشلة لكن اركزى ساكت..
| |
|
|
|
|
|
|
|
|
|
Re: الأستاذ احمد الريح .. شخصية البورد المتميزه لهذا الشهر (Re: mutwakil toum)
|
للأخوة ودقاسم، مراويد،أبوآمنة
أنا عضوة جديدة في البورد وكوزة يعرفني كل من تخرج من طب عين شمس حتي العام 1996و شايفاكم نازلين في أي بورد شتيمة في الإسلاميين حتي لو ما كانوا كيزان ...كدي قبل ما نتناقش أفتحوا كتابكم ووروناانتو شنو؟ طبعا مسألة مسيسين دي إتجاوزتوها بيغادي....وبصريح العبارة انتوشيوعيين ولا لا؟ عشان نبقي نتناقش علي المحجة البيضاء.
يا سلاااااااااام يا أماني ... الكوزة
كويس انو الدعوة مقدمة بصورة شخصية عشان الواحد ما يكون متجني ..
اولا شكلك كوزة قديييييييييييييييمة لانو مافي زول بقول الان انو هو كوز .. كلهم ناكرنها الا خايب الرجاء التجاني المشرف صاحب قضية اغتصاب المريض العقلي .. اكيد سمعتي بيها ...
اما مسالة شتيمة في الاسلاميين .. فواضح انك حولاء في الحقيقة لانو الشتيمة والصفاقة قاعد تبدا من الاسلاميين والكيزان بصورة ادق .. ولو كنت منصفة حاولي راجعي كل المداخلات عشان تعرفي الشتيمة بتبدا من وين ... وانا ما حاقريك تاريخ البورد لانو بيورث خلال الحوار ... لكن حارجع ليك لي مداخلة واحد من الكيزان المعتوهين عشان اعرف رايك فيها شنو ...
اما مسالة انتو شنو .. فوالله لي زمن طويييييل ما ضحكت علي زول اكتر من الضحك علي العبارة دي ...
وفي الحقيقة قلنا الفهم قسم لكن ما صدقتونا ... زمان كنا بنقول للكيزان فهمتو العبارة دي لكن بنستدرك ونقول مرة تانية .. اصلا لو بتفهمو ما كان بقيتوا كيزان ...
عارفة يا اماني الكوزة انو في حياتي ما سالت لي زول قلت ليهو انت شنو .... عارفة ليي لانو ايي زول بيكتب ولا بتكلم بكون واضح جدا هو شنو لو كوز ولا اتحادي ولا حزب امة ولا شيوعي ولا غيرو ... لانو المسالة كلها بتعتمد علي طريقة التفكير وعلي الادبيات الممكن يستخدمها ...
بعدين ما اظننا فاضيين عشان نفهمك كيف تفهمي وتحللي ... اصحابك ديل ما كانوا يجيبوا ليهم كوزة احسن من كدة ... يعني جايبين ليهم واحدة عشان نحن نقعد نفهمها ... والله ما عندي اعتراض لكن زي ما قلت ليك الفهم قسم ...
وبرغم كدة يا ستي ولا تزعلي ... عشان تعرفي كل واحد شنو ... اسالي اقرب زول ليك ولا امشي البروفايل ايي معلومة عايزاها بتلقيها ببساطة ...
كل كلو كوم لكن عايز اعرف رايك ببساطة في كلام المعتوه المريض نفسيا هوبلس دا:
Quote: ندي بنت علي
سلام مجندر
ما رودا الا امرأة يطأها الرجال وتلد الأطفال
تعمل الملاح وتتحدث حين يباح
تغسل العده وتحش البصل وتتكبرت
فلما كل هذه الظنبليطه ؟
|
اها يا ستي ديل اسلاميين البورد عايز اعرف رايك واعرف هل انت ضمن فئة النساء دي ولا معصومة ...
. من ادبيات زي ممكن تعرفي ايي نوع من البشر بتتعاملي معاهو .. وما عايزة ليها سؤال .. مع الاسلاميين الذي لا يتجاوز تفكيرهم سراويلهم ..
.
.
| |
|
|
|
|
|
|
|
|
|
Re: الأستاذ احمد الريح .. شخصية البورد المتميزه لهذا الشهر (Re: HOPEFUL)
|
كتبت بيان:
Quote: لسع يا اخونى دينق الكوزوفوبيا دى ما راحت.. حتى بعد صالحوكم وبقيتو سوى سوى.. انت خايف الناس تقوليك ارجع وخلى امريكا ام سقطا سمح ديك وتعال عهد النضال انتهى..
غايتو انت اكبر زول اهدر اكبر فرصة سنحت ليه عشان يكون علامة فارقة فى المنبر دا.. كلها ضيعتها فى المهاترات الضحلة وخلق العداوات
يا اخى انت من وين ؟شوف مشاكلكم اعرضها بدل دا كوز وديك كوزة
جد والله يابى يابى.. وياى ياى ناس الهاى هاى
بعدين ناس كوزة وكوز دى بقت ممجوجة ذى نضال الكىبورد والعنتريات الفارغة
وانا رديت ليك انت لاننا(الجمع للتعظيم) الى الان ما فقدنا فيك الامل انك تعلن الثورة على نفسك وتعدل مسارك.. وتطرح قضاياكم اذا اصلا كان عندك قضية...
عارف الفرق بينك وبين روضا وندى على وتماضر شيخ الدين انهم تعبانات يتكلمن عن قضايا المفروض انت تكون مشغول بيها اكثر زول و انت يا حبيبى مشغول بالسفاسف والباسطة دى سمنها كثير والعيش دا لو اتقمر كان يكون احسن.. هناى دا كوز عنده قرون وضنب وديك كوزة عندها انياب بارزة وعيونها حمرة.
عشان كدا انا طوالى بقول المرأة السودانية المثقفة هى الاوعى بقضايا المجتمع الحولها واذا التزمت بها توصلها لنهايتا
هورى.. هورى بنات بلدى
وياايها الدينق ارفع راسك واطرح قضيتك بتعمق وفهم
وخليك من شبير شد قام بجماعتو وقعد بجماعتو دى
اوعى بالله تجى تفتح النار وتتوحل تانى فى كلام بتاع كيزان دى
امشى جيب بنود الاتفاقية وفندها ورينا رأيك فيها.. وكجنوبى بتفتكر شنو.. وشنو هى الحلول التى تراها.. لانه لو جيت تانى وصفتنى بانى كوزة حأوريك ما يجمع الكيزان مع غالبية الجنوبين المثقفين و شنو القواسم المشتركة.. وأعلم المعلومات العندى حتلف ليك رأسك
اوعى كمان تجى تقول مخابرات ولا امن..فقط مشكلة جنوب دى واحدة من الاهتمامات كون انى اكتب فى التلاقح الافريقى العربى الثقافى
وعن الثقافة السودانية..
شكرا ليك كلنا(الجمع للتعظيم) امل ان تكون قدر القضية
وتتوب عن الخوض فى التفاهات والهيافات
جاااااااااااااااااااو |
أنا أقول لك يا بيان انتي طبعاً زعلانة شديد بعد الحصل لصحبتك سارة منصور وجايه تنتقمي ليها. أنا طبعاً ناقشتك قبل كده كتير لكني أكتشفتك أنه لا يمكن مواصلة أي نوع من أنواع الحوار معك ولقد قاطعت كل بوستاتك ولقد فهمتي قصدي أنذاك. ولكنك عدتي مرة أخرى لممارسة نفس الاسلوب القديم. كل الذي أقوله لك أنتي تريدي بأن تقودي مستوى متدني للحوار أنا لن أجاريك فيه. أنا لا أجيد لغة الهمز واللمز. ولقد نصحتك من قبل بأحترام سنك لأنو معروف كل ما يكبر الانسان يزداد وقاره وليس طيشانه يا دكتورة.
دينق.
| |
|
|
|
|
|
|
|
|
|
Re: الأستاذ احمد الريح .. شخصية البورد المتميزه لهذا الشهر (Re: بلدى يا حبوب)
|
السيد التقدمي جدا السموه أبو آمنة....قبل ما أسألك من تجربتك كتقدمي بناضل دلوقتي من موقعه في اكثر البلاد رجعية(السعودية) وحكاياتك مع النضال هناك كنت أنا المرة صريحة وقلتها بكل فخر أنا كوووووووووووزة(ننهل منه) لذا كان لي الحق أسأل ورونا خلفياتكم السياسية عشان لماتحاسبونا ككيزان نحاسبكم برضو،اللف و الدوران لزومه شنو السؤال مرة تانية وتالتة انت شنو ، ولا أقولها ليك أنا البخجلوا منها دي ،إمكن مستقل...ها ها ها ها،اسمع المناضلين شايفاهم بتكلموا عن الشفافية ، يعني بالبلدي الوضوح !!!!!!!!!!!، نهايتو يا مثقف زمانك المستقل حتي اشعار آخر إذا جهجهك سؤال لونك السياسي ممكن أبدلوا ليك بسؤال أسهل، وهو بما أننا عرفنا موقفك من الظلامييين(والمنورين اليومين دي بالمناسبة مع رفقاء السلاح سابقا جون وياسر) طيب ممكن تورينا رأيك شنو في الحزب الشيوعي وعلاقته بنظام عبود ونميري؟دي برضو كانت ظلامية ولا لع؟
| |
|
|
|
|
|
|
|
|
|
Re: الأستاذ احمد الريح .. شخصية البورد المتميزه لهذا الشهر (Re: Amani Alsunni)
|
لابوآمنة تاني، قريت ليك عبارة بتقول الفهم قسم ولو بتفهمو ما كان بقيتو كيزان ، طيب رايك شنو في الشيوعيين اللي لما عقلو خلوها وبقو كيزان وللمثال وليس الحصر احمدسليمان ، امين حسن عمر ، محمد محمد احمد كرار وغيرهم، ولا ديل حتطلع ليهم الوصفةالتانية من الشتايم المحفوظة(انتهازيين ، لما كانوا شيوعيين ما كانوا انتهازيين لكن هسة بقوا!
| |
|
|
|
|
|
|
|
|
|
Re: الأستاذ احمد الريح .. شخصية البورد المتميزه لهذا الشهر (Re: HOPEFUL)
|
دكتور احمد الحسين تحياتي.
قطعا ده ما نقاش، او عمرو ما حيكون علي الاقل بالنسبة لي شخصيا.
ده دواس عديل لايختلف الا في السلاح عن الدم الوصل الركب في بلدنا.
الغرض النهائي للكيزان هو السيطرة علي هذا المنبر "فكريا". لذلك استهداف رودا بغرض طردها من المنبر هو هدف اولي وحلم راود انغاذيي المنبر من زمن.
عشان كده الارهابي احمد الريح قائد غزوة الموناليز، يتصدر قيادة هذه التجريدة الثانية ضد رودا باعتبارها مشكلة كبيرة بالنسبة لهم وهدف سهل في تقديرهم لانو، وبما انو المنبر نادي شمالي خالص، فهي مقطوعة من شدرة، مما يسهل عليهم حشد عضوية المنبر من ذنوجة الشمال ضد رودا باستخدام سلاحهم اليتيم والمجرب:
وا اسلاماه!
عاطفتنا الدينية كسودانين تمثل ثغرة الدفرسوار في شخصيتنا. عبر التاريخ تم اسغلال هذه الثغرة ضدنا كشعب، والكوز كحيوان سياسي بل "روبات" سياسي من الطراز الاول، كما تجسدو شخصية الترابي، او "الكوز الكامل"، حاسوب دماغو الالي مبرمج علي فهم كل شئ علي اساس انه فرز وصراع سياسي!
فيا عزيزي ماتراه هنا في هذا الخيط، هو عمل سياسي من الدرجة الاولي!
معظم عضوية المنبر، تتعامل بمنتهي حسن النية مع الكيزان، ولذلك ورغم انهم افراد فتأثيرهم كبير جدا لهذا السبب، ولانهم منظمين شديد. الظريف الشيوعييين وبمثاليتهم المعهودة واقفين بتفرجو، بذات كبر النفس والتأفف المعهود، وهم ينسون كيف ان هذه ليلة عاجكو اخري، مقصود بها حل حزبهم وطردهم من المنبر! داخل بنية جلابة الشمال السياسية، الشيوعيون يظلون العدو الاستراتيجي للكيزان، الي ان تتم اعادة الشكة من جديد، في مرحلة السودان الجديد
| |
|
|
|
|
|
|
|
|
|
Re: الأستاذ احمد الريح .. شخصية البورد المتميزه لهذا الشهر (Re: Hussein Mallasi)
|
اماني الكوزة
او سارة منصور النسخة المعدلة ...
ان فضيلة الشكر هي قيمة مطلقة تجاه الاخرين مهما كان موقعهم ... و كنت أفترض ان الاسلاميين يتحلون بها وعلي الأقل تشكريني علي المعلومات الموجودة في البروفايل ... لكن من الواضح فكرة الجحود والتلفيق المفهومة في ادبيات الكيزان وهي بمحاولة اظهار الأمر وكانك اخترعت الذرة في نفس الوقت الذي تذكرين فيه انني لم اعطي معلوماتي ( اليس هذا جحودا ) .. ولو كنتي تمتلكين هذه المقدرة البسيطة لماذا السؤال منذ البدء .. عموما يمكنك تعلم الكثير هنا ولكني اعتقد ان فضيلة الشكر لا يمكن تعليمها ... ولا اعرف كيف يكتمل الاسلام دونها ...
ولنبدا باول معلومات البروفايل
السعودية ... وهذه العبارة التي ذكرتيها ... اكثر البلاد رجعية(السعودية) ...
هذه الاشارة ليست ذكية اطلاقا وهو ما يؤكد رايي تماما بالمقدرات العقلية .. ولو كنت في مكانك في الحقيقة لمسحتها قبل ان يراها احد
دعينا نتحدث عن مقياس التخلف الذي تتحدثين عنه ..
ما هو في رايك الذي جعل السعودية متخلفة ...
بكل تاكيد هي من اكبر الدول النفطية ولذلك لا مجال للحديث عن تخلفها ماديا او عمرانيا او تقنيا ..
اذا التخلف يرجع الي انسانها ...
ان هذا الانسان الذي نتحدث عنه هو انسان الصياغة الدينية الاسلامية ... وبكل تاكيد فالمملكة هي البوابة الاولي للاسلام .. اليس من الغريب بالنسبة لك ان تعترفي بهذه الحقيقة ... بكل هذا الذكاء
ان الانسان هنا صاغته الحضارة الاسلامية وصاغته مكة المكرمة والمدينة المنورة والتاريخ الاسلامي ...
فالي ماذا ادت كل تلك الصياغة حسب فهمك ... قادت الي اكثر البلدان رجعية ... هي هي مصادفة
حسنا اذا ما كان ذلك حقيقة واقعة .. فما هو المشروع الذي تحملينه للسودان ككوزة ... صياغة اسلامية جديدة وعودة الي عصر السلف الصالح .. لبلد اكثر تخلفا ورجعية ... الم اقل لك انها اشارة ليست ذكية اطلاقا ...
اما فيما يخص الحزب الشيوعي وعلاقته بنظام نميري فهو لا يحتاج لكل ذلك البحث والتنقيب واللهاث فالحزب الشيوعي السوداني جاء بنميري كدكتاتور علي ظهر دبابة وحكم 16 عاما صادر وقتل وفعل كل ما هو بشع في الديكتاتورية .. ولا يعفي الحزب الشيوعي انقلابه علي النظام في وقت لاحق مما ادي الي تفكيكه ... وحينما يكون هنالك دولة ديمقراطية حقيقة سيتم فتح كل المفات ومحاسبة كل من ارتكب جريمة في حق ايي مواطن ..
اما علاقة الحزب الشيوعي بنظام عبود ففي الحقيقة لم اقرا عن هذا مطلقا وليتك لو قراتي لي بعض منه لاري علاقة الحزب الشيوعي بعبود
اما السؤال الثاني فاعتقد انك اجبتي عليها وبالمناسبة في علم السلوك يقال انه لا يتجزأ فالانتهازي انتهازي حتي ولو غير اسمه من سارة الي اماني ... فالجوهر واحد
فهل تستطيعين الان
ان تجيبي علي اسئلتي ولنري من هو الذي تم تربته علي اللف والدوران
اسالتي بسيطة
يقول هوبلس انك انت لا تمثلين سوي امراة يطأها الرجال
والرجال هنا ليس مقصود بهم الكيزان لانهم مثل التجاني المشرف يطأون المرضي عقليا
فما هو موقفك من فهم المرأة عند الاسلاميين
وما هو موقفك من قضية التجاني المشرف
هل اكون متجنيا حينما اطلب الاجابة علي هذين السؤالين
بالمناسبة لم اكن لاحتاج الي قولك انك كوزة
فهذا اوضح من الشمس .. لان المسالة في الفهم .. والسلوك
| |
|
|
|
|
|
|
|
|
|
Re: الأستاذ احمد الريح .. شخصية البورد المتميزه لهذا الشهر (Re: Abo Amna)
|
حضرة التقدمي جدا والمجاور أبو امنة
صدق من قال والمصائب يجمعن المصابين!!!!
وصدق ود البشري لمان قال من أين أتي هؤلاء المناضلين(مناضلي ما بعد التمانينات) !!!لما تقول عني سارة منصور المعدلة بفهم واحد من إتنين
إماإنو دي بداية حملة بإنو ترسموا للناس صورة مشوهةعن الكاتبةعشان قرايتم لما اكتب تصبح غير مرتبطة بالموضوع المعني لكن بشخص آخر تشوهت صورته في المنبر
وشاركتم في إغتياله بجره بدقة لحتةإنتقدها الجميع
ولأنوا حملات الإغتيال المعنوي دي صنعتكم الإشتهرتوا بيها!!!!
والشئ التاني ممكن برضوافهم إني في اللستة للتجريدة البتجهزوا ليها بمتواليتكم الاسمية المعروفة من حملاتكم السابقة وكلوا بحتسبوا عندالله!!!!!!!
بعدين بتكلمني عن فضيلة الشكر!!ما شاءالله ما شاءالله يعني السعودية عملت عملها!!! زمان كنا بنسمع منكم حاجات من عينة نضال البروليتارية ولله ليها وحشة
معقولة نسمعالآن ومن نفس الاشخاص حاجات زي فضيلة الشكر والتي لا يكتمل الإسلام بدونها! والله مرة تانية ماشاءالله ماشاءالله عيني عليك باردة وبالمناسبة عندي قريب زوجي سافر السعودية شيوعي ورجع أنصاري سنة واليعيش بشوف!!!
المشكلة الواحدة لما تحاور ليها راجل فهمه تقيل وغشوه قالوا ليه لو قريت الكتب دي حتبقي حتما و جزما مثقف وقري الكتب وصدق إنه مثقف!!!!!!
وجا يثقف في خلق الله الغلابة!!!أنا يامثقف لما أوردت ليك بأن السعودية أكثر البلاد رجعية كنت بتكلم بلسان حالك لآنوا دا الكان خاوطننا بيه الشيوعيين ولو درت حأوريك منو الشيوعي العظيم الأطلق العبارة!!!!لكن محال مسلم يكون دا رايه فيها مهما كان رايه في آل سعود لأنه دي مهما كان بلاد الحرمين وملاذ الأفئدة ،يكفي إنها بلد الرسول ومنبع الرسالة !!كان إستنكاري لنضالك من هذه الجبهة الرجعية والذي لا أدري أهو نضال لمجابهة النظام الدكتاتوري أم لكنس الريال ،ولاإمكن بتبني ليك في قطعة
برضو بتغالط تاني مرة وتقول يا مدعي الثقافة وانت منها براء ان ليس للحزب الشيوعي علاقة بنظام عبود!!!معليش يا فهيمة زمانك إمكن ما كلموك ولا الكتاب دا لسع ما قريتو!!!!!!طيب في واحد اسمه التجاني الطيب أظنك سمعت بالإسم روح رسل ليه اميل قول ليه الجاهلة والنسخة المعدلة من سارة منصور قالت انت نزلت بيان نقد ذاتي بتعتذر فيه عن مشاركة الشيوعيين السياسية في نظام عبود الطكتاتوري ودخولهم مجلسو المركزي أسألودا صاح ولا لع !!!!إذا قال لع حاوريك باقي التفاصيل المهم تجمد قلبك وماتخاف!!أظن لحدي هنا كفاية يا مسطح!!!وما تنسي ترجع تملي خانة لونك السياسي أذا درت تستمر في وصف الناس بالكيزان(ننهل منه)
| |
|
|
|
|
|
|
|
|
|
Re: الأستاذ احمد الريح .. شخصية البورد المتميزه لهذا الشهر (Re: Amani Alsunni)
|
سارة منصور .. النسخة المعدلة
وسيتضح الفراغ عاجلا او اجلا ...
لكن في البداية اشير الي ان شخصيتك التي ولدت (في احضان هوبفل الذي لا يراك سئ شيئ موطوء) والذي تستحين حتي من التعليق علي رأيه في المرأة هي ميتة اساسا ولا تحتاج الي تخطيط ومؤامرات ..
يقول هوبلس انك انت لا تمثلين سوي امراة يطأها الرجال
والرجال هنا ليس مقصود بهم الكيزان لانهم مثل التجاني المشرف يطأون المرضي عقليا
فما هو موقفك من فهم المرأة عند الاسلاميين
وما هو موقفك من قضية التجاني المشرف
| |
|
|
|
|
|
|
|
|
|
Re: الأستاذ احمد الريح .. شخصية البورد المتميزه لهذا الشهر (Re: Amani Alsunni)
|
Ooooh ya Bashasha, you didn't know before? you are too late.o
You may not believe me if I say I was going to cite you as another consistent person. Everybody can read you before you move a lip.o
ihi oho aha ehe. Shinteer is a Koaz. Yep, you got it, Bashasha. tell the others, and bid a feast.o
Now you disovered that Shinteer is a Koaz, and I discover more of your funny parts unknow to you. Should I explain what I mean by funny parts? I should do that because you always undersatnd it the wrong way.o
My explanation is that ya Bashasha. At the beginning, I didn't like whatever you wrote. I continued following your comments, and I discovered some sense of humour in you, when you once said to Aadil Abadal-Aati: "ya Aail, you are toooo serious". At that point I chosed a different angle of reading you. I found you as simple as any Sudanese (Still I am not quite sure about that because I feel sometimes you are a Nigerian) and I blamed myself for not taking you as a dervish as you are, and enjoy your mumbo jumbo rhetoric of Kush and Adam and Eve being born in Kosti or wherever.o
Now ya Bashasha, you are saying Shinteer is a Koaz, ha? you are a great man, the greatest in all-encompassing history of mankind, or womankind.0
I congratulate you on this rare discovery, since no one here thinks that I am a Koaz. You uncover me ya Bashasha. I should kill myself before the dervishes kill me. Death is the same, isn't it? ya Bashasha.o
Thank you Bashasha for telling me what I am and who I am. I am endebted to.o
| |
|
|
|
|
|
|
|
|
|
Re: الأستاذ احمد الريح .. شخصية البورد المتميزه لهذا الشهر (Re: Shinteer)
|
هذا هو النموذج الذي نتحدث عنه ... تحديدا
سارة المطورة
ولكن الفيروسات حينما تتطور تكون اكثر مقدرة علي المراوغة والخراب..
ولكن المأساة تكمن هنا ..
يقول ريجيس دوبريه حينما تنهار الفكرة والقدرة علي المواجهة لدي مجموعة ما .. تبدو بوضوح الأزمة .. أزمة التماسك وبالتالي فان البحث لمحور تماسك جديد يكون هو الهدف ولان الفكرة تاخذ وقتا طويلا جدا حتي تتشكل ان كان ذلك ممكنا يكون محور التماسك في هذا الوقت عاطفيا جسديا .. كبديل لمحور التماسك الفكري هذه العاطفة التي تتخذ اشكالا مختلفة بحسب منطلقات ومفاهيم تلك المجموعة ...
وبالنظر الي الاسلاميين فمن الواضح ان محور التماسك العاطفي عندما انهار مشروع الدولة الرسالية وتحول الي عاصمة علمانية ( وحدث هذا منذ الانفصال ) اصبح تلك العاطفة والجسد وبما ان الاسلاميين لا يفهمون في الجسد سوي جسد المرأة ولذلك .. كانت سارة منصور الأولي هي محور التماسك الجسدي الرمزي ...
ولكن الامر الأكثر سوءا هو ان هذا التماسك الجسدي لا يعني لدي هذه المجموعة سوي ما قاله هوبلس المراة / الجسد / الجنس ...
وبذلك تتشكل وظيفة المرأة في التيار الاسلامي .. وهنا علي البورد قاد ذلك العمي الفكري والخواء الي تقديمها مسيحا يحمل كل خطاياهم ... واوزارهم ...
وحينما انهار محور التماسك ذلك وتم صلب المسيح كان لا بد من تعويض ولان الفكرة هي في المرأة والجسد لم يكن الهجوم علي الاستاذة رودا وليس غيرها الا امتدادا لذلك الهاجس ... ولكن كانت المسالة ليست مقصودة في حد ذاتها بل هي محور تماسك مؤقت .. ريثما يوظفون امراة اخري لذلك الرمز الجسدي ... ليوظف في ذلك الدور الجسدي ..
هذه هي الوظيفة المطلوب منك تمثيلها ولمعرفتي التامة فستكون سارة
منصور الأولي افضل كثيرا ...
افضل من النموذج المطور ..
النموذج الذي لا يمتلك ادني مسؤولية اخلاقية لادانة جريمة من ابشع الجرائم ...
ولا يمتلك ادني حس وشعور للاجابة علي اية سؤال .. ولكنه يغوص عميقا في الفراغ ... ولوثة الماركسية بعد الهوس الديني والهوس الجنسي .. وكاننا في السبعينيات ... فقد كان خطاب القادمة من نومة اهل الكهف هو السائد ....
وعموما ما زال القانون ساريا وراء كل كوز فضيحة اخلاقية واتمني ان تكون في هذه المرة ... أقل وطأة علي السودانيين من جريمة التجاني ..
وعموما حتي تمتلكين السمؤولية الأخلاقية علي الاجابة علي الاقل لسؤال واحد فقط ...
دعواتي لهذا البورد ان يتجنب المهزلة القادمة ...
مهزلة النسخة المطورة من سارة منصور .. النسخة المهزلة ..
والخواء الفكري والفراغ وما سوف تعيثه هذه النسخة الجديدة من عبث وانحطاط بمستوي البورد وفراغ واوهام ماركسية ماتت منذ السبعينات ...
والمضحك المبكي انها لاتفقه لا في الماركسية ولا في الحركة المستقلة ولا حتي في الدين ..
| |
|
|
|
|
|
|
|
|
|
Re: الأستاذ احمد الريح .. شخصية البورد المتميزه لهذا الشهر (Re: Abo Amna)
|
كعادته المناضل اب كرفته مجاور الرسول
لما تغلبه الإجابة علي سؤال واضح ببدأ يطربق ويعزف ليه الزمار من وراه ودي عادتهم الواحد منهم لما تغلبه تب تلقاه إمايلجأ للشعر علي اساس(الحته دي) ما حتقدر عليها أو قال جون قال جيم قال جورج (نحن برضو بنعرف نعمل زي دا)ولما يفاجأ بالردود يلملم أطرافه وينسحب!!!!من أطرف حركات مولانا اب كرفته ودا أنا ذكرته عنه من قبل أنه واهم نفسه إنه مثقف ولما أي مثقف حقيقي يقرأ البكتبه (اللخبطة الما بتدل علي اي عمق ثقافي )ولله حيضحك!!!السيد اب كرفته إذا كنت بتتخيل انك بتعرف تسفسط أو السفسطة حتحلك لأنو أكيد (الحتة دي) أنا ما عندي فيها انتظر وشوف!!!!!لكن قبل دا ما في ليك طريقة هروب من سؤاليني
1) عاوزاك إما تعترف لي بأنك ما كنت عارف والشيوعيين فعلا شاركوا في حكم الدكتاتور عبود وإعتذروا!!!!!!وأحسن تجاوب لأني حافقعك بالمعلومة الأنكرتها دي بسبب تواضع تحصيلك في السياسة في كل رد لحدي ما ترد وتبين إنك ممكن تكون بتجهل بالكتير(وزمارة يكون في الحالة دي شنو) رد رد
2)بتخاطبني بسارة المطورة الفيروسة وبقول أوكي البكبه الدونكي كان في الخرج!!!!المهم أبقي شجاع وجاوب(لأنك وبأحلام ظلوط الكلكم حارنهاأن تكشفوا عن مسلبة في أخلاقي أو تاريخي ودي بالتالي اسهل طريقة للقضاء علي وربما دا الطريق الأوحد البتعرفوه جاتكم خيبة!!!روح أسأل كل من عرف أماني السني من رفاقك الميامين إبتدأء من الإبتدائ في كوستي وإلي الجامعة في عين شمس عشان تعرف من هي أماني السني!!)لكن وعشان نرجع للسؤال ولقناعتي بأنك بتهاجم الكيزان في شخصي طالبتك عشان تكون عادل ويكون النقاش متكافئ توقف التهرب وتقول أنا بمثل التنظيم الفلتكاني عشان نقول ليك فعلا ليك حق تنتقد الكيزان أو لا ترمي الناس بالحجارة..وراجعة ليك بالسفسطة.
| |
|
|
|
|
|
|
|
|
|
Re: الأستاذ احمد الريح .. شخصية البورد المتميزه لهذا الشهر (Re: Abo Amna)
|
أرجو ألا تحاولي التخمين مرة اخري ... لن تعرفي أبدا ما سوف اكتبه ..
لم افهم الاشارة خاصة أننى ليس من اللبيب.. نرحب بكل ما هو مفيد
وبكل جديد نتعلمه..اذا كان ريجس هذا شخصا آخر غير روجيه دوبريه
أتمنى ان اعرف عنه معلومات.. كماتعلم على استاذ الادب ان يتعرف على كل جديد ويكون مواكبا حتى يقدم لطلابه المفيد وقراءه المفيد
خاصة اننى معجبة بنماذج روجيه وجيفارا وعلى عبداللطيف وعمر المختار وعباس الفاسى مونديلاالخ الخ وكل الثورنجية الشاعرين الحالمين.. وقضيت مراهقتى اقرأ لهم وعنهم وأعلق صورهم على حوائط غرفتى..
فانا فى انتظار الجديد المفيد وشكرا لك على الوعد الطيب
| |
|
|
|
|
|
|
| |
HOPEFUL
ودقاسم
bayan
abuguta
Abo Amna
ASAAD IBRAHIM
Deng
Bashasha
jini
bushra suleiman
WaD OmI
ebrahim_ali
Shinteer
بلدى يا حبوب
Hussein Mallasi
فيس بوك
تويتر
انستقرام
يوتيوب
بنتيريست