دعواتكم لزميلنا المفكر د.الباقر العفيف بالشفاء العاجل
|
|
 دكتور نافع ده قضيم كده مالوو..؟؟؟
|
ياخي الموتمر الصحفي بتاع دكتور نافع علي نافع...موتمر عجيب وغريب خلاااص..
والرجل وجناحه اللفت والرايت مارسو قضامة وكلام كلو شوك شوك.. اخدو راحتهم للاخر كان الدنيا او السودان ما فيهو تاني الا هم
والموتمر الوطني..!!!
|
|
 
|
|
|
|
|
|
|
|
Re: دكتور نافع ده قضيم كده مالوو..؟؟؟ (Re: عبدالكريم الامين احمد)
|
الموتمر وخطاب نافع فيه وكمال عبيد عكسو تماما حجم عدة ازمات السودان ده
1- العقليات الحاكمة
2- الممارسة السياسية العميقة
3- ازمة الشريكين ونيفاشا
4- مستقبل السودان كونه موضوع بكلياته تحت هذه العقليات
5- سطوة ةشهوة التمدد في الحكم علي انقاض الفشل وتمزق السودان..
وكل نقطة حنجي نجيبها من وسط كلام نافع في موتمره العجيب ليلة امس
| |
|
|
|
|
|
|
|
|
|
Re: دكتور نافع ده قضيم كده مالوو..؟؟؟ (Re: HAIDER ALZAIN)
|
Quote: متابعة يا باشمهندس .. وياريت بالتفصيل كما عهدناك
خاصة واني ما حضرت المؤتمر دا بس شايفو طاغي بالاخبار .. |
هلا يا حيدر
وفاتك مؤتمر تاريخي ياخي..
يا زول نافع امس داس ابنصات تقيلة ومسكوا ليك الحركة الشعبية دي ما ادوها صفحة ترقد عليها
وهابش ايضا الشوعيين لانو في واحد صحفي منهم (نخسو) عندما قال فيما معناه عشنا وشفنا الفريق نافع
يتكلم في الحريات..
وده موتمر مفروض كل الشعب السوداني الفضل يحضروا كان...
فيهو مضحكات مبكيات... وبجيك برواقة لبعض احداثه وكلامات نافع الدرابية...
وايضا بالمناسبة المستمع للموتمر ومتابع لسودانيز فمن الضروري يتذكر بعض شخوصه
وخاصة عندما تم عرض (منسوبي الموتمر الوطني)الذين قيل بانهم ضربو في الجنوب من قبل الحركة الشعبية..
الناس ديل قالو الجنوبين دقونا وقالوا لينا يا بين قوسين بتاعين جلابة
| |
|
|
|
|
|
|
|
|
 Re: دكتور نافع ده قضيم كده مالوو..؟؟؟ (Re: عبدالكريم الامين احمد)
|
Quote: يا زول نافع امس داس ابنصات تقيلة ومسكوا ليك الحركة الشعبية دي ما ادوها صفحة ترقد عليها
وهابش ايضا الشوعيين لانو في واحد صحفي منهم (نخسو) عندما قال فيما معناه عشنا وشفنا الفريق نافع
يتكلم في الحريات.. |
.. والله فعلا يا كيكي مؤتمر تارخي .. أنا ما عارف قدرت اقعد احضرو كيف لي نهايتو .. وبعدما حضرتو لي نهايتو .. اكتشفت إني كنت ح اتحسر لو ما حضرتو لي نهايتو 
الزول دا ما قطيم بس .. دا زول مدرب تدريب خرافي .. ذكرني الكوز الفي الجامعة (القد) ليك المسيرة والهتافات بتاعت الجبهة الديمقراطية ..
الكلام الكان حاصل في المؤتمر كلو كنت ما عارف اتفاعل معاهو .. لانو كلام مكرر ودا وقتو .. والتراشق دا في حد ذاتو لعبة معروفة وقديمة في علم السياسة ..
بس ريحني ليك لما ختاها للرفاق بالواضح 
ياخ الرفاق ديل مهمشين تهميش شديد جدا .. وقاعدين ساااي في الصقيعة
| |
|
|
|
|
|
|
|
|
|
Re: دكتور نافع ده قضيم كده مالوو..؟؟؟ (Re: tmbis)
|
| Quote: بس ريحني ليك لما ختاها للرفاق بالواضح |
تخيل يا تمبس مع انو كلام نافع ده كان مدورني وموقفني تامبيرا يوم امس
الا انه عندما ختاها للرفاق في التمنيات ضحكت بدون ما اشعر وحسيت انو نافع لسانو حالو بقول ليهم(انت برضو يا فارات انا لابد ليكم)
لو تلاحظ الكاميرا طوالي جابت الصحفي الرفيق وهو زااتو اخد ليهو ضحكة
....
بالتاكيد نافع وصحبة ليلة امس جو وهم عارفين دايرين يخاطبو الجماهير بياتو لغة
ورسلو زي ديشليون رسائل كده..
منها وااحدة لمصر في امر حلاليب (رسالة في شكل وردة)
ورسائل لناس موتمر جوبا( قال ديل خليهم يمشو مع الحركة الشعبية كدااااا وفي النهاية بجونا راجعين) لوووووول..
ياخي امس فيلم هندي عجيب
| |
|
|
|
|
|
|
|
|
|
Re: دكتور نافع ده قضيم كده مالوو..؟؟؟ (Re: عبدالكريم الامين احمد)
|
أخى الفاضل عبدالكريم
لك التحية
Quote:
ياخي الموتمر الصحفي بتاع دكتور نافع علي نافع...موتمر عجيب وغريب خلاااص..
والرجل وجناحه اللفت والرايت مارسو قضامة وكلام كلو شوك شوك.. اخدو راحتهم للاخر كان الدنيا او السودان ما فيهو تاني الا هم
والموتمر الوطني..!!! |
لا أعتقد ان هناك جديد فى قضامته و لؤمه و ان يقول ما يريد و كيف شاء ...
و طبعا كلامه كله شين و قبيح زى و شه ...
أسال صلاح الامين و يقولك الكثير عنه و عن جماعته و كيف أهانوا و عذبوا الناس ...
فهو لئم و كل من تربى على يديه لئم كذلك , نسأل الله ان يفكنا منهم
| |
|
|
|
|
|
|
|
|
|
Re: دكتور نافع ده قضيم كده مالوو..؟؟؟ (Re: الطيب رحمه قريمان)
|
Quote: لا أعتقد ان هناك جديد فى قضامته و لؤمه و ان يقول ما يريد و كيف شاء ...
و طبعا كلامه كله شين و قبيح زى و شه ...
أسال صلاح الامين و يقولك الكثير عنه و عن جماعته و كيف أهانوا و عذبوا الناس ...
فهو لئم و كل من تربى على يديه لئم كذلك , نسأل الله ان يفكنا منهم |
هلا يا الطيب وتحياتي..
والزول ده فعلا مشهور بوش القباحة والخطاب العنيف المستفز..
ويبدو انو امس جابو مخصوص عشان يرسل عدة رسائل لعدة جهات منهم ناس صلاح الامين ديل زاااتهم..
ويبدو انو الزول ده كجيتنو في الدنيا دي الشيوعيين ولسع واقف في مراحل الاستقطاب القديم..
لانو امس هبشهم واتحرش بيهم بصورة واااضحة وبدون اسباب تذكر...
حتي التزوير في اللجنة الشعبية في جبرة
قال هو متاكد الزول بتاع الحركة الشعبية ده بكون من الرفاق
| |
|
|
|
|
|
|
|
|
|
Re: دكتور نافع ده قضيم كده مالوو..؟؟؟ (Re: عبدالكريم الامين احمد)
|
من اولي الملاحظات والتي طلت في مرحلة سابقة من الموتمر هو ان الصحفيين زاااتهم الكانو في داخل القاعة راسهم سخن من كلامات نافع العجيبة وشكلهم كده اتذكروا ايامه الخوالي في جهاز الامن لذا نلاحظ ان اسئلتهم جات باهتة واغلبها اسئلة تطيبلية
(احححح يا كمال حسن بخيت) ومعاه عضة يد 
ماعدا صحفي يبدو انه يساري ورغم سؤاله الميت الا انه استفز نافع في امر الفريق نافع..
مما دفع نافع للرد عليه بتقريع وحماس وزعل حقيقي..
وقال ليهو الحمد الله الذي جعلني فريقا في الانقاذ ولم يجعلني رفيقا ذات يوم
| |
|
|
|
|
|
|
|
|
|
Re: دكتور نافع ده قضيم كده مالوو..؟؟؟ (Re: عبدالكريم الامين احمد)
|
هلا يا دكتور وقناة الشروق مطالبة ايضا ان تنقل موتمرات كل الاحزاب السودانية وبنفس حماس يوم امس..
تم تقديم اشخاص في الموتمر اشتكو بان الحركة الشعبية مارست عليهم تحرشات وحقارات واساءة كونهم موتمر وطني
ومن الاشياء التي قالوها تحدثو عن وزيرة او زوجة وزير (لم اسمع جيدا) قد قامت بضرب احدي منسوبي الموتمر الوطني في الجنوب..
وان الشعارات المرفوعة هنا..
ماتصوت للحركة الشعبية مية مية
موتك مضمون مية مية
| |
|
|
|
|
|
|
|
|
|
Re: دكتور نافع ده قضيم كده مالوو..؟؟؟ (Re: عبدالكريم الامين احمد)
|
في مؤتمر قناة الشروق الكيزانية
ترقي رجل بيوت الاشباح المجرم نافع في هذا الموتمر الي
رتبة فريق اركان حرب
مبروك الوظيفة لنافع المانافع
و الحمد لله ظهرت رتبتة العسكرية
قال فريق قال
و الله دا ما ينفع فريق دافوري في حي ......................
كيكي التحية و الود
| |
|
|
|
|
|
|
|
|
|
Re: دكتور نافع ده قضيم كده مالوو..؟؟؟ (Re: Mustafa Mahmoud)
|
| Quote: و الحمد لله ظهرت رتبتة العسكرية |
دي امس يا دكتور قالها عيانا بيانا..
واغرب الاقوال هي التي قالها كمال عبيد
عندما قال
البلد دي مامعقول تكون في دوامة انقلابات ..ديمقراطية..انقلابات...ديمقراطية
ونكرور عديل كده انهم جو البلد في انقلاب وعلي نظام ديمقراطي....
الناس ديل امس قالو ديمقراطية وبس
| |
|
|
|
|
|
|
|
|
|
Re: دكتور نافع ده قضيم كده مالوو..؟؟؟ (Re: محمد ابراهيم قرض)
|
يا هندسة كيف حالك
تعرف .. الزول دة اصلا لسانو فاكى وحالجة صامولتو
يبدو من يوم ولادتو متبرى منو .. دة الزول الوحيد فى الدنيا ما بعرف يتكلم بصورة كريمة
بعدين هم جاريين للديمقراطية كدة ليه .. شان يعززوا حكمهم بالشرعية .. الكوراك والجقلبة دى كلها ما بتحلهم حتى لو اعترفوا بالحكم الراشد متاخرا .
الايذز كاتلهم كاتلهم
| |
|
|
|
|
|
|
|
|
|
Re: دكتور نافع ده قضيم كده مالوو..؟؟؟ (Re: محمد ابراهيم قرض)
|
Quote: عبد الكريم ..
شوقتنا ياخي ..
ممكن تنزل لينا النص الكامل
للمؤتمر الصحفي ؟ حتى ولو منقول
من جريدة ؟ أو عندك تسجيل فيديو
تنزله هنا ؟ |
هلا ياقرض..
وكده هاك تقرير ناس الراي العام وتغطيتهم للموتمر.. وطبعا كلام ناس الصحافة البتكبو بدبلوماسية ده
ما بشفي الغليل والموتمر كان فيهو كلامات كثيرة خلااص.. لو لقيت ليك فيديو مطرف بجيبو ليك هنا..
Quote: كشف المؤتمر الوطني عن تجاوزات، قال إن الحركة الشعبية قد ارتكبتها بحق منسوبيه في الجنوب والنيل الأزرق، وأعلن د. نافع علي نافع نائب رئيس المؤتمر الوطني، أن الحزب سيضع هذه المخالفات أمام مفوضية الانتخابات، وأعْرب عن ثقته في أن تبذل المفوضية جهدها لوضع حدٍ لها.
وقدّم المؤتمر الوطني شهادات مُباشرة لإثنين من منسوبيه هما «خالد النور» و«ياسر قورداك»، أكدا فيها تعرضهما للضرب المبرح والتعذيب بواسطة جيش الحركة الشعبية بمنطقة ملوط، كما أبرزا خطابين مُوجّهين من محافظ مقاطعة ملوط يأمرهما بالإبعاد النهائي من المقاطعة الأمر الذي وصفه د. نافع بأنّه شبيه بسياسة المناطق المقفولة.
وعدّد د. نافع أكثر من «20» نموذجاً من تجاوزات الحركة الشعبية ومحاولات تعويقها للسجل الانتخابي باستهداف منسوبي الوطني في ولايات شرق الاستوائية وغرب وشمال بحر الغزال، وأعالي النيل وواراب والنيل الأزرق.
وقال د. نافع في مؤتمر صحفي أمس، إنّ المؤتمر الوطني صبر كثيراً على مُضايقات الحركة استشعاراً منه بمسؤوليته تجاه السودان، لكنه قال إنّ الوطني سيسلك أي سبيل حتى لا تتصاعد الأمور، واعتبر تمليك المعلومات بشأن تجاوزات الحركة واحداً من هذه السبل، وأضاف: «ونأمل ألاّ نحتاج إلى أكثر من ذلك».
وقال د. نافع إن عادة اللئام أنهم لا يقدرون للكرماء الصفح ويظنونه ضعفاً.
قال د. نافع علي نافع نائب رئيس المؤتمر الوطني، إنّ قيادات الحركة الشعبية بالدائرة «25» محلية باو بالنيل الأزرق مارست ضغوطاً نفسية على المواطنين لإجبارهم على التسجيل لصالح الحركة.
وأوضح نافع أنّ «علوية حسن» حرم وزير الدولة بالداخلية كانت ضمن قيادات الحركة الضالعة في هذه المخالفة. كما ذكر د. نافع أن بعض قيادات الحركة منعت أفراد قبيلة الفلاتة كافة من التسجيل بالدائرة «20» بمحلية باو، بحجة أنهم ليسوا من مواطني المنطقة.
وأكد د. نافع، أن المؤتمر الوطني لن يوقف نشاطه في الجنوب، وقال إن الوطني صبر على تجاوزات الحركة حتى تتاح لها مساحة تتعلّم فيها السياسة وأساليب إدارة الدولة من الحضر وليس من الغابة.
ونفى د. نافع وجود أي مقترح أمريكي باستثناء الجنوب من الانتخابات، كما نفى قيام الوطني بأي إجراءات تعيق الانتخابات في الشمال، ووصف الحديث عن اعتقالات لمنسوبي الحركة الشعبية بجنوب دارفور بأنه عار من الصحة، وأشار إلى أن المعتقلين «21» شخصاً ينتمون للجيش الشعبي، «9» منهم ضباط واحدهم برتبة لواء، وأضاف: إذا كان هؤلاء ينتمون للجيش الشعبي فعلاً أو ينتحلون بطاقات مزوّرة فيجب أن يعاقبوا في كلا الحالتين.
ونفي د. نافع أن يكون الفريق مجاك أقوت نائب رئيس جهاز الأمن خاطب الفريق سلفاكير ميارديت النائب الأول لرئيس الجمهورية مهدداً بانسحاب منسوبي الحركة من الجهاز اذا ما مضى البرلمان في اجازة قانون الأمن واضاف: اقوت لم يكتب خطابا أصلاً بهذا المعني، ولكن طلب منه الا يعلق على ذلك.
واستبعد د. كمال عبيد القيادي بالمؤتمر الوطني، عودة الشريكين إلى الحرب مرة أخرى، وقال إن الحرب لم تعالج قضية الجنوب في السابق، وحتى المعالجة الجزئية الحالية تمت بالحوار، لكن د. عبيد أشار إلى أن النموذج الذي تُقدّمه الحركة الآن بتجاوزاتها خلال مرحلة السجل الانتخابي هو ذاته الذي ستلجأ إليه عند الاستفتاء على تقرير المصير، الذي يتلخص كما قال عبيد في حمل الناس بالقوة على غير قناعاتهم.
وهاجم د. عبيد، الحركة بعنف، وقال إن رصيدها خلال الحرب لم يكن مشرفاً، كما لم يكن مشرفاً خلال التفاوض، ووصفه بأنه أقل تشريفاً خلال التحضير للانتخابات، وأضاف: «لقد جرّبتنا الحركة في الحرب ومن جرّب المجرّب فقد حاقت به الندامة».
وأكّد د. كمال عبيد، أن إلغاء الانتخابات غير واردٍ مع وجود إرادة شعبية لقيامها، وأكد اضطلاع الوطني والقوى السياسية بدورها حتى يعلم الشعب السوداني من يوفي ومن ينقض. واتهم الحركة الشعبية بأنها غير راغبة في قيام الانتخابات، وأضاف أن سلوك الحركة الحالي لا يؤهلها لتكون شريكاً إستراتيجياً. وأشار إلى أنه لا أحد يستطيع أن يحدد مركز اتخاذ القرار داخل الحركة الشعبية، وأضاف: «حتى قرار الحرب ليس قراراً ممركزاً داخل الحركة». |
http://www.rayaam.info/News_view.aspx?pid=435&id=31767
| |
|
|
|
|
|
|
|
|
|
Re: دكتور نافع ده قضيم كده مالوو..؟؟؟ (Re: عبدالكريم الامين احمد)
|
Quote: تعرف .. الزول دة اصلا لسانو فاكى وحالجة صامولتو
يبدو من يوم ولادتو متبرى منو .. دة الزول الوحيد فى الدنيا ما بعرف يتكلم بصورة كريمة
بعدين هم جاريين للديمقراطية كدة ليه .. شان يعززوا حكمهم بالشرعية .. الكوراك والجقلبة دى كلها ما بتحلهم حتى لو اعترفوا بالحكم الراشد متاخرا .
الايذز كاتلهم كاتلهم |
هلا يا الفاتح ومشتاقين ياخي..
امس نافع اشار اشارة منزوعة الحس الانساني تماما عندما قال بان زعماء الاحزاب العمرها بقي كبير
خايفين الموتمر الوطني يفوز..لمدة تانية وهم ما يلقو فرصة لقدام يحكمو لانهم ممكن يهلكو..(تخيل)..
البسمع كلام نافع ده امس بالجد بحس بازمة انك تكون سلطان وعاوز تكنكش في السلطة بيدك وكراعك ورصاصك
..
الغريبة فعلا الديمقراطية دي امس كانت قولتها ساااهلة وكثيرة في خشم نافع وصحبه كمال
وفتحي الذي اعتقد الان بانه فتحي شيلا بتاع الاتحاديين (وده جايين ليهو برواقة)
| |
|
|
|
|
|
|
|
|
|
Re: دكتور نافع ده قضيم كده مالوو..؟؟؟ (Re: عبدالكريم الامين احمد)
|
يا سلام يا كيكي
شمار بالجملة
اول حاجة الصحفي القال ليهو يا فريق
نافع قال ليهو انت سمين من اكل الفنادق
بتاعة زوجة وزير الداخلية في الحركة الشعبية
جلدت ليها واحد في مقاطعة (باو)
بعدين هرشة ناس الكرمك
بعدين تصويت ناس حلايب
بعدين خشم البقرة
بعدين ال(.........)ين بتاعين الجلابة
| |
|
|
|
|
|
|
|
|
|
Re: دكتور نافع ده قضيم كده مالوو..؟؟؟ (Re: khaleel)
|
Quote: ونكرور عديل كده انهم جو البلد في انقلاب وعلي نظام ديمقراطي....
الناس ديل امس قالو ديمقراطية وبس |
والله فعلاً تستحق ضحكة مجلجلة ..
يآخي دورتونا ان شاء الله يعيدوهو اليومالمؤتمر المبالغة دا ..
| |
|
|
|
|
|
|
|
|
|
Re: دكتور نافع ده قضيم كده مالوو..؟؟؟ (Re: HAIDER ALZAIN)
|
Quote: والله فعلاً تستحق ضحكة مجلجلة ..
يآخي دورتونا ان شاء الله يعيدوهو اليومالمؤتمر المبالغة دا .. |
وده موتمر بالجد موبالغة وتاريخي..
وفيهو اكشن ..وخطاب سياسي وملامح وش نافع والخلعة الفي وشوش الصحفيين
ثم نكتة الزول ااسمو فتحي مقدم الموتمر البايخة بوووخ تقيل ياخي
طبعا يا حيدر في اطار الشحتفة حنحكي ليك النكتة البايخة دي بعد ديشليون مداخلة كده
| |
|
|
|
|
|
|
|
|
|
Re: دكتور نافع ده قضيم كده مالوو..؟؟؟ (Re: khaleel)
|
قلت ليك ياكيكى انو نمر الورق يتآكل ..والدليل انو المتحدث
الرسمى باسمو بقى نافع على نافع (المحدود ) المقدرات ....
.. والخطاب الهزيل والمضطرب الذى طرحه نافع ليلة امس يؤكد
ا لحالة المزرية التى وصل اليها المؤتمر الوطنى والمصير المحتوم
الذى بات يقترب منه رويدا رويدا ...
خطاب أشبة بنقاشات البرالمة فى براحات (كلية العلوم) ..
التخبط و الهرجلة داخل المؤتمر الوطنى وصلت مداها
بتربع نافع على نافع على دفة القيادة فيه ....تقدم القيادات الامنية
(محدودة القدرات ) لقيادة المؤتمر الوطنى يعنى أن المؤتمر ا لوطنى
لم يعد لديه مايطرحه واصبح كل هاجسه فى كيفية حماية
السلطة .. هاجس البقاء الذى يؤرق المؤتمر الوطنى سيؤدى به
الى الهلاك قبل دنو أجله .
نمر الورق ياكيكى يتمزق والهستريا بدات فجهزوا حالكم للفواصل
القادمة ....
| |
|
|
|
|
|
|
|
|
|
Re: دكتور نافع ده قضيم كده مالوو..؟؟؟ (Re: محمد عبدالرحمن)
|
Quote: نمر الورق ياكيكى يتمزق والهستريا بدات فجهزوا حالكم للفواصل
القادمة .... |
هلا يا عريس
العقلية الخطابية الكيزانية ما تغيرت يا محمد وياها زاااتها حركاتهم ومنذ ايام الجامعات..
ودائما لمن يكون في كركبة ودشمان بجي الركن كوز عيونو من اول اف اف اف في المايك تتحول الي حمراء اللون راجع (علي عبدالفتاح ..وحاج ماجد اداب.. ) وتسمع خطاب علي وزن (تاالله..تا الله) حلفيتهم في ساعات المشاكل زااتها (غير) علي قولة القطريين..
ووالضغوط الهاطلة عليهم من صوب وحدب تجعلهم يمتشقون حصين الدشمان ويصبح فارس فرسانهم مثل نافع
وحاجة زي دي طبعا بتفرح لانها بتعكس للناس تفكير التنظيم وخطابه وادوات صراعه السياسي بل ايضا بتورينا الافق السياسي والعقل الماسك السودان بفكر كيف...
ياخي ده موتمر مفروض مش تدك ليهو ماتش برشلونة
ده ياخي لو ريال مدريد لاعب مفروض تقفل الماتش وتحول الي الشروق..
وتمتع نفسك بخطاب الطغمة الحاكمة وهي في حالة جنجال
| |
|
|
|
|
|
|
|
|
|
Re: دكتور نافع ده قضيم كده مالوو..؟؟؟ (Re: khaleel)
|
Quote: اول حاجة الصحفي القال ليهو يا فريق
نافع قال ليهو انت سمين من اكل الفنادق
|
وهلا يا الدلاما ابو خليل..
وشمار تقيل ياخي امس..
وصحبك تمساح تلفوناتو تتطاقش الليلة فالموتمر العجيب شد كل المتابعين ..
حكاية الرد علي الصحفي دي من الحاجات البجد خلتني اندهش شديد في عقلية نافع..
وياريت لو قال ليهو سمين وبس... تخيل قال ليهو سمين وناير لوول..
كل الشمارات القلت عليها دي حنجي ليها في البوست ده شمارة شمارة..
يا خي نافع اكبر سياسي في الشرق الاوسط
| |
|
|
|
|
|
|
|
|
|
Re: دكتور نافع ده قضيم كده مالوو..؟؟؟ (Re: عبدالكريم الامين احمد)
|
عبد الكريم
أزيك ياخي ...
الراجل الأسمو نافع ده زول لئيم لدرجه الوقاحه , بلغ بيهو الغرور منتهاه.
الله يكضب الشينه لكن الزول ده حيجيب عاليها واطيها .
بعدين يا أخوي نافع ده حالوا معروف وأمبارح أكد أنو سادر في غيه , الدور الباقي على ناسي القال عنهم نافع (الرايحه ليهم حاجه بيفتحوا خشم البقره) ...
القوى المؤثره في الشمال والأحزاب السياسيه التاريخيه ديل اللي دايرين نسمع صوتهم ورأيهم شنو .
مودتي
| |
|
|
|
|
|
|
|
|
 Re: دكتور نافع ده قضيم كده مالوو..؟؟؟ (Re: ود محجوب)
|
| Quote: انت برضو يا فارات انا لابد ليكم |
نافع اكثر قيادات الانقاذ حاليا لديه شعبية جارفة في اواسط المهمشين والغلابة في وسط وشمال وشرق السودان تحديداً لانو زولاً منهم وفيهم بلسان حالهم وقضامته من حياة البداوة التي عاشها والريف الذي تربي فيه هو ابن البطانة وناس البطانة ما برضو الحقارة واكتر زول مكيفني من ناس الانقاذ ديل بدي في التنك وكلام ما فيهو تلفلف وااااااااااضح وما بتاع لت وعجن بتاع امسك لي واقطع ليك وامس مؤتمر الصحفي كان اكتر من روعة بس المشكلة انو قناة السودان ما هببت ليهو مع انو ناس النيل الازرق والشروق لايف ولا ثانية ما قطعوه الا في الاخبار عند العاشرة كلام وتقارير وياريت هذا المؤتمر يبث طوال الايام الجاية عشان الاجيال المغشوشة والناس المغشوشة في الحركة تعرف حاجة
قضامة شنو ياكيكي جا فاتها لغادي ديل ابلعوها كدا وناس لحسة كوع وخشم البقرة يعني ما في طريقة قاعدين قاعدين باذنه تعالى
| |
|
|
|
|
|
|
|
|
|
Re: دكتور نافع ده قضيم كده مالوو..؟؟؟ (Re: ebrahim_ali)
|
| Quote: قضامة شنو ياكيكي جا فاتها لغادي ديل ابلعوها كدا وناس لحسة كوع وخشم البقرة يعني ما في طريقة قاعدين قاعدين باذنه |
هلا يا ابراهيم وتحيات ياخي..
وياابراهيم القصة ما بطانة وحديث زعل ودشمان ..
بل هي سلطة بلد وامور بلاد وعباد وارواح ناس...والحكمة هي راس الحكم وروحه الباقية
ونافع وناسو ديل مافي شي زول جابهم للسلطة او جابرهم عليها يعشان يزعلو كده ويرغو ويزبدوا
ويعمل لينا فيها الطيب ود ضحوية...
وزمن الحاكم البسل السيف لاهل بلده ويزغردو ليهو الناس فات
ده زمن حقوق...واحترام حقوق المواطنة واطلاق الحريات.. وخيارات الناس
........
ناس الهامش ديل يا ابراهيم ما دايرين شكل وشتم.. الشكل ده عايمين فيهو عوووم
ديل ناس دايرين
امان ..واكل وحقنة ملاريا من الباعوض ودايرين حقوقهم هو وناس الجنوب وناس الغرب..
نافع عندو الحاجة دي مرحب
ماعندو اليمشي يعمل الهنبتة بتاعتو دي بعيد بعيد
ولكن ليس علي مستقبل بلد...
وبالمناسبة الحركة الشعبية زاتها لو جابو زول درابو زي دراب نافع ده
برضو اليمشي يعمل دشمانو ده في كاجو كاجو هناك غادي غادي
| |
|
|
|
|
|
|
|
|
|
Re: دكتور نافع ده قضيم كده مالوو..؟؟؟ (Re: ود محجوب)
|
| Quote: ياخى الراجل دوغرى وبوريكم الوجه الحقيقى لأى جبهجى دون مساحيق. |
هلا يا ود محجوب..
وياخي انا البوديني شنو زاااتو اهابش في زي نافع ده
حسع لو سمع بموضوع البوست ده حررم يبرجل كل بروتوكلات نيفاشا و يرجع الزمن القهقرية يعمل لي زنانة خسوسي
يخلي خشمي ملح ملح...
نافع فعلا
وخير متحدث يقدمه الكيزان لكي يعبر عن بلاويهم
| |
|
|
|
|
|
|
|
|
|
Re: دكتور نافع ده قضيم كده مالوو..؟؟؟ (Re: نيازي مصطفى)
|
| Quote: نفس عنتريات نميري ..ابو القاسم ..ونظامهم يتهاوى .. العاقل من اتعظ بغيره |
هلا يا نيازي
وما قلت الا الحق..
ونميري ..وابو القاسم وكل صولجان الاتحاد الاشتراكي..
ولو دامت لدامت لهولاكو وفرعون..
ولكن احسبها صياحات وحمي المودعين..
وتحياتي ياخي
| |
|
|
|
|
|
|
|
|
|
Re: دكتور نافع ده قضيم كده مالوو..؟؟؟ (Re: مجدى محمد مصطفى)
|
| Quote: بعدين يا أخوي نافع ده حالوا معروف وأمبارح أكد أنو سادر في غيه , الدور الباقي على ناسي القال عنهم نافع (الرايحه ليهم حاجه بيفتحوا خشم البقره) ... |
هلا يا مجدي وحبابك ياخي..
ونافع امس فتح جبهات مهاترة في كل الاتجاهات.
ناس خشم البقرة الذين ذهبو وفتشوها حتي ولو في جوبا
اتكلم عنهم باستهزاء وسخرية ..وحتي كبر سنهم ما ريحو..
وقال في معناه الناس ديل يلفو كددددده ويجونا تاني...
غايتو البلد دي شكلها كده ما حتمشي لقدام لو الفيلم مدور بمكنة خطاب نافع الامس ده
وتحياتي
| |
|
|
|
|
|
|
|
|
|
Re: دكتور نافع ده قضيم كده مالوو..؟؟؟ (Re: khaleel)
|
شكرا ياكيكي يالماح، ورغم أن المؤتمر كان من النوع الذي تحضره فاغراً فمك شبرين،
إلا أنه يصيب بالغثيان والإحباط لما وصل إليه الحال بين الشريكين الأمر الذي يلقي بظلال
قاتمة على مستقبل السودان السياسي وعلى الإنتخابات حتى وإن سلمنا جدلا أنها تحمل بعض
البشريات،،
سأصدق كلام نافع إن أتاح المنابر للحركة تتجدع كما فعل أمس بلغة (سيدها ومقددها)،،
وأما إن منعها فرصة التعبير والدفاع عن إتهاماته ، فلا يستغرب أن مارست أضعف الايمان في الإعلان عن نفسها،،
الحرب واقعة ، وما كان بالأمس هو إستعراض للقوة ، وتكون في حالة المؤتمر إعلاء
الصوت في ظل إنعدام المقدرة الفعلية على القتال،،
رسالة محبطة على العموم يقدمها المؤتمر والحركة ويفسدان مسرحية الإنتخابات قبل رفع الستار، وهي
على وهنها كانت تشكل قشة يتعلق بها الشعب الفضل،،
لك الله ياوطن،،
| |
|
|
|
|
|
|
|
|
|
Re: دكتور نافع ده قضيم كده مالوو..؟؟؟ (Re: عبد اللطيف بكري أحمد)
|
Quote:
رسالة محبطة على العموم يقدمها المؤتمر والحركة ويفسدان مسرحية الإنتخابات قبل رفع الستار، وهي
على وهنها كانت تشكل قشة يتعلق بها الشعب الفضل،،
لك الله ياوطن،، |
حبابك يا عبد اللطيف
ورسالة فعلا سالبة ومحبطة وعنوان سي جدا لفترة نيفاشا الانتقالية..
والسنين دي كلها شابكننا نقة وجعجعة و بروتوكلات وين وين..وبروتكول نيفاشا شنو شنو
وفي اخر النهاية الدشمان يكون عجاجو مولع في الفضائيات..
ونردد معاك
لك الله يا وطن
لك الله يا وط
| |
|
|
|
|
|
|
|
|
|
Re: دكتور نافع ده قضيم كده مالوو..؟؟؟ (Re: khaleel)
|
Quote: الحركة الشعبية فوضوية وجيشها وفوضي
ولم يتاقلم علي حياة الحضر بعد ان عاد من الغابة |
الغريبة ايامات الحرب شابكنهم يا بتاعين الفنادق
يا بتاعين الشقق الفندقية..
وحسع يقولو عليهم (بدو) وبيئة علي قولة المصريين
التقول نافع ده زااتو مولود في المنشية
| |
|
|
|
|
|
|
|
|
|
Re: دكتور نافع ده قضيم كده مالوو..؟؟؟ (Re: البحيراوي)
|
وإِذا الكريمُ مدحتهُ بقصيدةٍ * قرأ اللئيمُ الذمَّ في أبياتِ
فامدحْ كرامَ الناسِ مغتصباً ودعْ * زمرَ الئامِ تموتُ في حَسَراتِها
واجعلْ بطانتكَ الكرامَ فإِنهمْ * أدرى بوجهِ الصالحاتِ وأخبرُ
إِن الكريمَ له الكرامُ بطانَةٌ * طابتْ شمائلُهم وطابَ العنصرُ
إِن لاحَ خيرٌ قَرَبوه ويَسْروا * أو لاحَ شرٌ باعدُوه وَعَّسروا
أما اللئيمُ فحولَه أمثالُهُ * قرناءُ سوءٍ ليس فيهم خيَّرُ
إِن لاحَ خيرٌ باعدوهُ وعَسَّروا * أو لاحَ شرٌ قَرَّبوه ويَسَّروا
ولكل كونٍ كائناتٌ مثلُهُ * فقبيلُهُ من جنسِه والمعشرُ
Quote: أما اللئيمُ فحولَه أمثالُهُ * قرناءُ سوءٍ ليس فيهم خيَّرُ
إِن لاحَ خيرٌ باعدوهُ وعَسَّروا * أو لاحَ شرٌ قَرَّبوه ويَسَّروا
ولكل كونٍ كائناتٌ مثلُهُ * فقبيلُهُ من جنسِه والمعشرُ |
لا اجد ابياتا تنطبق على النافع واقرانه كما تنطبق الابيات الثلاثة اعلاه!
جنى
| |
|
|
|
|
|
|
|
|
 Re: دكتور نافع ده قضيم كده مالوو..؟؟؟ (Re: jini)
|
اهاااااااا .. اتاريهو يا كيكي .. !!!
انت عارف امبارح ضربت لي سيد الاسم, بالله الزول دا اتكلم معاهو
كلمه , يقهي ويقول لي : ااا ؟؟ شنو ..؟؟ , قلت ليهو : مالك يا ..
قال لي : ما بحضر في المؤتمر ياخ ..!!
انا قلت يا سلااااام , الولد دا مسغغف ..!! لكن بعد البوست دا
خساره القهيه الفي التلفون يا سيد الاسم ..!!
والله يا كيكي .. الزول دا ختاها للجماعه خته ممتازه , ياخ
علويه بتاعت الصناديق الجمبنا غارت منو عدييل كده ..!! لووووووول ..
----
كيكي يا صاحب .. تحياتي
| |
|
|
|
|
|
|
|
|
|
Re: دكتور نافع ده قضيم كده مالوو..؟؟؟ (Re: داليا الكباشى)
|
Quote: انا قلت يا سلااااام , الولد دا مسغغف ..!! لكن بعد البوست دا
خساره القهيه الفي التلفون يا سيد الاسم ..!!
والله يا كيكي .. الزول دا ختاها للجماعه خته ممتازه , ياخ
علويه بتاعت الصناديق الجمبنا غارت منو عدييل كده ..!! لووووووول |
هلا وحبابك يا داليا
ويازولة سيد الناس ليهو حق يقهي في الاكشن الامس دي
ده اكشن تدفع فيهو قروش عشان تحضرو تاني لما فيه من عجايب وغرايب..
وعلوية بتاعت الصندوق زاااتها بتكون امنت من الردحي (البري بري ما شافتو ده)
وتحياتي يا داليا يا صديقتي
| |
|
|
|
|
|
|
|
|
|
Re: دكتور نافع ده قضيم كده مالوو..؟؟؟ (Re: jini)
|
Quote: وإِذا الكريمُ مدحتهُ بقصيدةٍ * قرأ اللئيمُ الذمَّ في أبياتِ
فامدحْ كرامَ الناسِ مغتصباً ودعْ * زمرَ الئامِ تموتُ في حَسَراتِها
|
لقد هجوته يارجل كما لم يهجو جرير الفرزدقا..
نافع لسع لابس الميري بتاع الدفاع الشعبي وشغال بمكنة التمكين
ولو الموتمر الوطني يعي فعليه اخيتار رجال مراحله
كونهم الان يتحدثون عن ديمقراطية وتحول ديمقراطي...
فكل مرحلة رجالها وخطابها
| |
|
|
|
|
|
|
|
|
|
Re: دكتور نافع ده قضيم كده مالوو..؟؟؟ (Re: عبدالكريم الامين احمد)
|
العزيز عبد الكريم
تحياتي - يا زول منت أمس شايف هبوب قروه قبلت ودي طبعن مع بدايات الدرت الرياح بدل ما بتكون بتجي من الجنوب الغربي بتجي من الشمال الشرقي وهذا يعني أن الخريف خلاص إنتهي وجانا الدرت بس وهناك إحتمالين إما نجاح الموسم وإما فشله . لكن في أفلام نيفاشا دي ومسألة وجود قرايشن من سفره خايف بكرة يركب الطيارة والموية ترجع بارا .
بحيراوي
| |
|
|
|
|
|
|
|
|
|
Re: دكتور نافع ده قضيم كده مالوو..؟؟؟ (Re: البحيراوي)
|
يا سلام يا بحيراوي وكده في البداية خليني احييك علي (هبوب قروة) دي
طولت طولة شديدة خلااص ما سمعتها فهي لها وقع في النفس...وياحليل ارض (هبوب قروة) وايامها الخوالي
.......
فعلا القصة ليس الا نسمة من نسمات (قروة نيفاشا) وحالما عاد غرايشن الي ربوع
واشنطون ستحرن (قروة الاتفاق) وتعود ريما الي حليمة
وتحياتي ياخي
| |
|
|
|
|
|
|
|
|
|
Re: دكتور نافع ده قضيم كده مالوو..؟؟؟ (Re: عبدالكريم الامين احمد)
|
Quote: هلا يا احمد
بس برراااحة علي ابو اليسر ده
لانو الزول ده لسسسسسع تصنيفو عندي
wayeeeeeeeeee
وتحياتي |
أبداً والله يا كيكي
أنا ياسر عرمان ده بعتبر هو الأقوى خطاب الآن
بس أنا يعني بس لو بقى عنده حبة مؤسسية
وإحترام للأجهزة
وسماع للرأي الآخر
حيبقى هو البريمو بلاشك وهو حالياً الأنسب كمرشح مجمع عليه كوالي للخرطوم
شكلي بوظت ليك البوست موش ؟؟؟؟
| |
|
|
|
|
|
|
|
|
|
Re: دكتور نافع ده قضيم كده مالوو..؟؟؟ (Re: عبدالكريم الامين احمد)
|
Quote: هلا يا احمد
بس برراااحة علي ابو اليسر ده
لانو الزول ده لسسسسسع تصنيفو عندي
wayeeeeeeeeee
وتحياتي |
أبداً والله يا كيكي
أنا ياسر عرمان ده بعتبر هو الأقوى خطاب الآن
بس أنا يعني بس لو بقى عنده حبة مؤسسية
وإحترام للأجهزة
وسماع للرأي الآخر
حيبقى هو البريمو بلاشك وهو حالياً الأنسب كمرشح مجمع عليه كوالي للخرطوم
شكلي بوظت ليك البوست موش ؟؟؟؟
| |
|
|
|
|
|
|
|
|
|
Re: دكتور نافع ده قضيم كده مالوو..؟؟؟ (Re: Ahmed musa)
|
Quote: حيبقى هو البريمو بلاشك وهو حالياً الأنسب كمرشح مجمع عليه كوالي للخرطوم
شكلي بوظت ليك البوست موش ؟؟؟؟ |
هلا ياحاج
وياخي البوست ما ببوظ وكده يا دوبك الاكشن بكون احلي
بس انت امشي وضب لينا الحج وتعال حتلقي الامور كلها تمام
وبالله ارفع يدك فووووووق واشحد لينا ربنا يطير لينا انواع نافع دي
من امور البلاد والعباد
| |
|
|
|
|
|
|
|
|
|
Re: دكتور نافع ده قضيم كده مالوو..؟؟؟ (Re: عبدالكريم الامين احمد)
|
Quote: وبالله ارفع يدك فووووووق واشحد لينا ربنا يطير لينا انواع نافع دي
من امور البلاد والعباد |
عبدالكريم يادوبك كدة ورقنا جهز
وبكرة قيامنا إنشاء الله الساعة 9 مساء
داير الجماعة يقولوا لي إسمك مطابق ؟؟؟؟
يلا بالجد أنا د. نافع علي نافع بريده لي الله
وعملت ليه بوست هنا حدادي مدادي (قوقلوا) بتلقاه
لكن جماعته .... خليها لمن امشي وأجي (بإستثناء) الشيخ علي عثمان
فده دعواتنا ليه يتقدم لأنه حالياً هو ....
هي عبدالكريم حتدخلني في {... ولاجدال....} خصوصا التفسير رالموسع بقلولو الحج من النية بدأ
أها خلينا نمشي ونجي ونرجع للرفث والفسوق والجدال
وما تشيل همي تاني السنة الجاية لو الله اده الرويحة فرقة زمن تاني بنرجع ننضف الجاي
أها يا فتك بعافية
ياجيتك تااااااااااني ناطي
| |
|
|
|
|
|
|
|
|
|
Re: دكتور نافع ده قضيم كده مالوو..؟؟؟ (Re: Ahmed musa)
|
Quote: داير الجماعة يقولوا لي إسمك مطابق ؟؟؟؟
|
هههههه
يا حاج اثبت ياخي
وربنا يوفق يا احمد وقلوبنا معاكم وحجا مبرور وسعيا مشكورا
وسنكون في انتظارك للجدال والنقة..
بس انت وضب المدافرة والمعافرة مع الباكستنين والنجيرين العتاولة ديل
وتاني مافي عوجة بتجيك تب
| |
|
|
|
|
|
|
| |
عبدالكريم الامين احمد
HAIDER ALZAIN
tmbis
الطيب رحمه قريمان
Mustafa Mahmoud
Ahmed musa
الفاتح الصادق حامد
khaleel
محمد عبدالرحمن
مجدى محمد مصطفى
نيازي مصطفى
jini
ود محجوب
ebrahim_ali
البحيراوي
داليا الكباشى
فيس بوك
تويتر
انستقرام
يوتيوب
بنتيريست