دعواتكم لزميلنا المفكر د.الباقر العفيف بالشفاء العاجل
|
|
 الفرندقسين والفرندقسيات....!!
|
وطن حكايتو بقت حكاية واختلط الحابل بالنابل وكلو كوم اصبح بمية
ورخيص رخصه الطماطم في نواحي ام شوكة عندما تكون في اوج موسمها الشتوي....
العنصرية صارت علي قفا ما تشيل وكل فرندقسي مركب ليهو جينات جنس او قبيلة ارية ويفاخر بها الامم
وكانه من نار ونور والاخرييين من طينة وبرجوبة....
كل فرندقسية صانعة ليها منصة فنكوشية وتكشف للقوم من علو كاذب وتمارس نزعات النفس البشرية عندما لا تلتف للاخر في لونه وفي ثقافته ولا في كل اشيائه...!!!
هنا سنحاول ان نسافر ولو قليلا في الوعي الفرندقسي ونشوف واااحد من اكثر معضلات الوطن الذو مليون ميل مربع واشكالات التعايش والتلاقح وتداعيات ازمة الانفصال في الوعي السوداني المكركب والفطير والعنصري والجهوي والكل حاجة تدعو الي القرف والغثيان
|
|
 
|
|
|
|
|
|
|
|
Re: الفرندقسين والفرندقسيات....!! (Re: عبدالكريم الامين احمد)
|
المظلة الروحية والعقائدية والايمانية المفترضة التي ينطلق منها بني فرندقس في السودان هي الاسلام
والاسلام في كل دلوه انتبه باكرا لنزعة النفس البشرية التواقة الي التعنصر وارسل ايات وسور واضحة
ترسخ لمفاهيم التعايش تحت مظلته وان جنحت التطبيقات الحكام اللاحقة الي ابتذال هذا الامر..شانهم وشان حكامنا في هذا الزمن الردئي...
واسواء تطبيق وممارسة لوعي متفسخ في هذا الامر علي مستوي الساسة السودانية هو الحديث الذي سربه عراب الدولة السودانية المعاصرة حسن الترابي عن رئيس الدولة السودانية المعاصرة عمر البشير... في واحدة من اقبح اساقطات الوعي في العقل السوداني الفرندقسي المتحكم في امور البلاد والعباد...
صدق الترابي يعني مزيد من تفسخ دولة البشير المجرمة
وان كذب الترابي وهذا يعني ايضا مزيدا من التفسخ في العقل السياسي وتوطين لفكرة الحروبات التي ادارتها الانقاذ بوعي عنصري...
وسنعود
| |
|
|
|
|
|
|
|
|
 Re: الفرندقسين والفرندقسيات....!! (Re: عبدالكريم الامين احمد)
|
سنبقى وستبقى القيم والمفاهيم الاسلامية الانسانية ويذهب خواء وعواء ذئاب الضلال الى المهاوي السحيقية سبقى حقيقة ان نعيش احرارا للآخرين وهذا النور الذي يبدد ظلام جهل السكارى واصحاب الرايات الحمر الذين لا هم لهم إلا سكرة في شقة في منهاتن او هايد بارك يتغطون بنذوة وبفرندقية في هذا الظلام المطبق الذي يعيشون فيه .
هؤلاء الذئاب البشرية لا هم لا في هذه الحياة ولا هدف لا يعملون للغد وليس لهم هدف يقودهم الى النجاح ، ههها مغشوشين قايلين الشغلة سمحة هههاي إنها منتنة دعوها للفرندقسات الكاذبة لتأكل من ذلك الفتات ، لا بل دعوهم يأكلون من فتات تلكم المنظمات ومزيد من المليورات التى توزع هنا وهناك والبايتات لتى يزعمون انهم يحرقون بها مراكب الشرفاء لا وألف لا فان لهم من أطواق النجاة ما هو محصن وهذه الزهور لن تذبل بريحة الفرندقس الذي ركبه فرس الجهل والتخبط الاعمى وهم يزعون أنهم يحسنون صنعا
| |
|
|
|
|
|
|
|
|
|
Re: الفرندقسين والفرندقسيات....!! (Re: المكاشفي الخضر الطاهر)
|
| Quote: سارت تلك الغمامة وساقتها القدرة الإلهية لتمطر مطر خير وبركة لتسقى ذلك الحقل الجميل |
هلا يا مكاشفي القوم
وتعرف يا المكاشفي الثلاثة مداخلات بتاعتك الفوووق دي بصراحة احرف جزار مع الضحية دي
ما بقدر يطلع منها (زبدة كلام) ممكن يسوق كورة الحوار والنقاش لقدام وهي في ظني مداخلات موغلة في الفرندقسية...
فياخي خش لي توووش في الموضوع عشان اعرف اخد وادي معاك
ومع اعجابي المقيم بشاعريتك وخيالك الخصيب اوكما ورد في امر الغمامة والامطار التي تسقي الحقل الجميل
ودمت يا مكاشفي يا صديقي زخرا للفرندقسية الاسفيرية
| |
|
|
|
|
|
|
|
|
|
Re: الفرندقسين والفرندقسيات....!! (Re: عبدالكريم الامين احمد)
|
نعود الي وعي الفرندقس الذي حلق بنا الاخ المكاشفي وادانا لمحة من نسخته الاسفيرية التي قد نعود اليها لاحقا في تناولنا للخطاب الفرندقسي الفج الذي يتسرب الي ارض هذا المكان ما بين الفينة والاخري...
ونفهم بان الاستقطاب في زمانات الحرب قد ارسل الجنوب واهله الي خانة المارقين عن الدين والكفار والصهيانية وبني يهود...وذات الماكينة الاستقطابية التي عملت في الجنوب تحولت سريعا الي استقطاب حاد في حروبات دارفور وارسلتهم الي خانة غرابة ومارقين وبشرية مخلوقين وراء الضبان او كما كان يقال في امر قبائل الفلاتة... وكان مطلق هذا المقولة قد حضر تكوين البشرية الاول في زمانات انطلاق صافر البشر
ثم متع نفسه بالفرجة في الضبانة التي طارت في سماء الكون...ولتعود الية الخلق وتخلق الفلاتة او كما قيل في الوعي الفرندقسي المضحك...!!
وسنعود
| |
|
|
|
|
|
|
|
|
|
Re: الفرندقسين والفرندقسيات....!! (Re: المكاشفي الخضر الطاهر)
|
Quote: قالوا الدنيا فرندقس ابو الحصين راكبلو فرس
اها دي رايك فيها شنو جابت ليها كمونية ولا ما جابت
كيكي كل عام وانت بخير |
هلا ياالمكاشفي
وعيدك سعيد وكل سنة وانت بالف خير...
وهو فضل فيها كمونية يا المكاشفي مع الوعي الفرندقسي المالي البلد ده
عموما ممكن تكون جابت ليها (ام فتفت) علي الاقل تفك طشمة السكاري والحياري اللاطين بحقوق المنظمات
والاستخبارات الاجنية وضاربين خبز الفنادق (ودي اعتبرها عيدية من خالك كيكي لانو شايفك عندك محبة خالصة مع الناس الزي ديل)
وتحياتي
| |
|
|
|
|
|
|
|
|
|
Re: الفرندقسين والفرندقسيات....!! (Re: عبدالكريم الامين احمد)
|
Quote: .ززززززز
بعد ما كتبتو مسحتو
خجلتا منو لانو يلم ليك فيني واحد صاحبي من الوهابية ديل يقول لي مكاشفي الكاتبو في سودانيز اون لاين دا شنو ؟؟؟ يازول انت انحرفت ولا شنو ؟
عشان كدا مسحتو |
افووو افووو يا مكاشفي القوم
انت بتهرش من انصار السنة ولاشنننننو يا زول...!!
واثبت يا قوس كما ثبت فرفر ذات يوم من ايامات فريق زنقو
وليك علي لو السادة الوهابية هبشوك او عملو معاك كركبة ستجدني لك من المساندين
والحالقين لكل دقن وهابي يريد ان ينال من صديقي مكاشفي القوم..
فنحن في الصوفية والدروشة اخوة واحباب
بس انت زودتها كاسين يا المكاشفي وبقيت تباري الجبهجية عشان كده بقيت تخاف من بني وهاب ومن لف لفهم
| |
|
|
|
|
|
|
|
|
 Re: الفرندقسين والفرندقسيات....!! (Re: عبدالكريم الامين احمد)
|
كريم ياخ ازيك وكل سنه وانت طيب!
بديت اقرا بوستيك الما خمج بي جديه شديده لأنو موضوعك الطارحو مأرقني شديد..
يلا لقيتلك صاحبك مكاشفي القوم وردك عليهو..
وحاتك تاني موضوعك كان شنو يخربني خراب الزينين!
حتى كل سنه وانتو الاتنين طيبين ما قلناها ليكم!!
| |
|
|
|
|
|
|
|
|
|
Re: الفرندقسين والفرندقسيات....!! (Re: محمد عبدالرحمن محمد)
|
Quote: كريم ياخ ازيك وكل سنه وانت طيب!
بديت اقرا بوستيك الما خمج بي جديه شديده لأنو موضوعك الطارحو مأرقني شديد..
يلا لقيتلك صاحبك مكاشفي القوم وردك عليهو..
وحاتك تاني موضوعك كان شنو يخربني خراب الزينين!
حتى كل سنه وانتو الاتنين طيبين ما قلناها ليكم!! |
هلا يا ابو حميد
وكبش ده زولي بعمل مروره الروتيني وبنديهو الفيها النصيب ولكن سرعان ما سنعود الي الموضوع الاساسي كما
عاد الشهير (عمر اومو) ذات يوم...
الموضوع فعلا ذو شجون السادة الفرندقس هم الاعلي صوتا وضجيجا في الارض السودانية وكل الحراك السوداني ماشي بوعيهم وتفكيرهم الفطير عشان كده الخرمجة حاصلة علي كل المستويات السياسية والاقتصادية والدينية
وحتي الانسانية...
وحبابك يا صديقي في مدارات الفرندقس الذين لايزال في كاس الحديث عنهم باقي
وسنواصل
| |
|
|
|
|
|
|
|
|
|
Re: الفرندقسين والفرندقسيات....!! (Re: اشرف السر)
|
Quote: ياخي الزول عامل حساب الوهابية ما يقولوا عنه حاجة
عليك بامتطاء حجة هجره
وتشجيع الصناعة الوطنية
والشربوت.. اضعف الاكرام |
هلا يا اشرف وعيدك سعيد ياخي
والمكاشفي ده لو امتطينا حجة هجرة وضربنا نواحي بت ليمون وجبنا ليهو من الصنف المحلي الممتاز
حكايتو حتكون حكاية(مش حسع قال بخاف من انصار السنة... احتمال بشموشة بس من النوع البلدي يركب لينا ظهر المجن ويقول هو زاااااتو وهابي ) ونبقي في البحلنا منو
فعشان كده خليهو ياخي (كما كنت) في (الول كم بوتل دي من انتاج الفرنجةواليهود والنصاري فهي محسوبة المقادير)
| |
|
|
|
|
|
|
|
|
|
Re: الفرندقسين والفرندقسيات....!! (Re: عبدالكريم الامين احمد)
|
كلام في الصميم يا كيكي..
واسمح لي باضافة ما عرفته عن الفرندقسيين والفرندقسيات
من اهم خواصهم، فهمهم التام لافعال الحربويه -الحرباء- وتطبيقها في معاشهم اليومي
فهم يتلونون حسب مقتضى السياق
ويخلطون هذا التلون بفقه الضرورة وفقه التقيه مع ايمانهم التام بتفوقهم العقلي وغباء الاخرين
لا مبدأ يحكمهم وغايتهم تبرر وسائلهم
| |
|
|
|
|
|
|
|
|
|
Re: الفرندقسين والفرندقسيات....!! (Re: اشرف السر)
|
Quote: من اهم خواصهم، فهمهم التام لافعال الحربويه -الحرباء- وتطبيقها في معاشهم اليومي
فهم يتلونون حسب مقتضى السياق
ويخلطون هذا التلون بفقه الضرورة وفقه التقيه مع ايمانهم التام بتفوقهم العقلي وغباء الاخرين
لا مبدأ يحكمهم وغايتهم تبرر وسائلهم |
هلا يا اشرف
ونعم لقد اجدت وصف الفرندقس وهم كذلك في حربائيتهم الشديدة المفاجئة
ومثال حي لود الموية في كل حلهم وترحالهم يجيدون الالتفاف والف ثم الدوران حول دائرة مغلقة
محيطها هي افكارهم وارائهم ولا يرون الا اشيائهم
| |
|
|
|
|
|
|
|
|
|
Re: الفرندقسين والفرندقسيات....!! (Re: عبدالكريم الامين احمد)
|
كيكي ، وزواره كل عام وانتم بخير
Quote:
صدق الترابي يعني مزيد من تفسخ دولة البشير المجرمة
وان كذب الترابي وهذا يعني ايضا مزيدا من التفسخ في العقل السياسي وتوطين لفكرة الحروبات التي ادارتها الانقاذ بوعي عنصري... |
كتلتها في سطرين يا كيكي و الناس حايمة بيها معلقات في الاسافير
اذن هو التفسخ و الذي هو بداية التحلل ثم الاندثار (مالو تشبيهك موت موت) وفي ليلة العيد
-------------------------
اجري اشوف الشربوت كان ننسى شوية
| |
|
|
|
|
|
|
|
|
|
Re: الفرندقسين والفرندقسيات....!! (Re: Nazik Eltayeb)
|
Quote: كتلتها في سطرين يا كيكي و الناس حايمة بيها معلقات في الاسافير
اذن هو التفسخ و الذي هو بداية التحلل ثم الاندثار (مالو تشبيهك موت موت) وفي ليلة العيد
-------------------------
اجري اشوف الشربوت كان ننسى شوية |
هلا يانازك
وكل سنة وانتي والاهل بالف خير وبركة..
ونعم انه التفسخ والتحلل والاندثار وعندما يتفسخ رئيس دولة او يتفسخ عراب ومنظر ومشرع دولة
فتاني الفضل شنو يا نازك يا اختي ... فانه طاعون الفرندقس وسطوة الزمن الزيف..
------------
واخخخ انا من الشربوت ده
بالامس احتسيت قارورة من الشربوت الجيد التقطير قبل مباراة الهلال في منزل الصديق عمر بوب
واها قام غلب الهلال ده عمل فيني عمايل سوداء وتفاعلت هذه العمايل السوداء مع شربوت عمر بوب الخطري
وولعو فيني جمر حي لا يطفيه الا جرعات شربوتية اخري ليوم غدا ساحرص علي ان تكون من نفس الصنف العمر بوبي العالي الجودة
وكل الود والتقدير
| |
|
|
|
|
|
|
|
|
|
Re: الفرندقسين والفرندقسيات....!! (Re: عبدالعزيز الفاضلابى)
|
Quote: سلامات ياكريم
دحين الكلام ده مابدور تراجع نفسك فيهو ,, ? |
هلا يا عبد العزيز
وكل سنة وانت بخير...
وبيني وبينك حكاية رئيس دي طبعا انا شخصيا ما راكبة لي في راسي ولا معترف بالبشير وهطه الكيزاني كناس يمكن لهم ان يديروا السودان ده... ولكن بكل اسف الواقع المعاصر والمعاش يقول يعكس امنياتي وتطلعاتي فهو الان الامر الناهي في بلاد السودان وزندية كده قاعد متحكر ..زندية اعقبها خج تاريخي...
وعليه يمكن ان تقراء الحكاية كالاتي..
عمر البشير مغتصب سلطة الدولة السودانية المعاصرة..
وتحياتي يا عبدالعزيز
| |
|
|
|
|
|
|
|
|
|
Re: الفرندقسين والفرندقسيات....!! (Re: عبدالكريم الامين احمد)
|
الفرندقسيون الذين قلنا بان سماتهم الاساسية هي الشوبرة في تسلطهم علي امور البلاد والعباد بوعيهم الاحادي الليق قادرين علي خرمجة كل الاشياء الاساسية بطبظة قرار قد يكون رئاسي او من والي او من محافظ لايدري كوعه من بوعه في الامر الاداري... لذا نجد الخرمجة بالكوم والردوم في الصحة والعليم والمعيشة وحتي في الامن حيث تستباح حرمات وارواح الاخر ...حتي يرضي الفرندقس الذي يسخر كل موارد البلاد من اجل مصلحته وخطابه وخطه...
وسنعود
| |
|
|
|
|
|
|
|
|
|
Re: الفرندقسين والفرندقسيات....!! (Re: عبدالكريم الامين احمد)
|
Quote: كيكي
احذر من الفرندقس اذا عكش ..............
دير بالك .......... |
هلا هلا ياباوقة
عيد سعيد والسنة الجاية شاحدين الله وشيخي شكر الله ياعمر تكون ارعويت وانحزت لجماهير الشعب السوداني الفضل
حتي تسلم من سونامي الشعوب عند تضرب كيتة الثورة..
ويدق اخر مسمار في نعش الفرندقس المتهالك
| |
|
|
|
|
|
|
|
|
|
Re: الفرندقسين والفرندقسيات....!! (Re: Ahmed Abdallah)
|
Quote: من الفرندقس طلع خازوق
_______________________________
كيكي والله ان بقيت اكجنكـ كل ما افتح ليكـ كتاب
اقول اقراكـ تجيب سيرة عبدالله ابواتنين ليه كده ياخ
انت مفتكرني فرندقس ام دقرسي |
هلا يا لورد
ومشتاقين ياخ وكل سنة وانت والاهل بالف خير...
ومن الفرندقس طلع خازوق
وخوازيق البلد زادت
وعبدالله ابو اثنين ده سيك سيك معلق فيك مالم تجي نعمل نيفاشا وفي الدوحة كمان
ونغرمك حق الخروف الاتربط ليك زمااان وانت ما جيت عليهو
وعموما سنتابع
| |
|
|
|
|
|
|
|
|
|
Re: الفرندقسين والفرندقسيات....!! (Re: بشير دفع الله)
|
Quote: كل سنه وانت والجميع بخير ..
واصل .. و صاحبك المكاشفى داك عايز يشتت كورتك ويلحقك هلااااالك ..
كمان عايز أضيف انو أهم سمات الفرندقس فرضيتو بان الطرف الأخر عبيط ؟؟ زيو طبعا
ونتمنى ليك شربوت أقوى !!! |
هلا يا بشير
وكل سنة وانت والاهل بالف خير وبركة
وصحبي مكاشفي القوم عاوز فعلا يشتت كورتي ويخلي خمشنا ملح ملح كما هلالي الجوووه وجداني بريدو
ولكن يبدو ان النمرة الضاربها مكاشفي القوم غلط
نعم الفرندقس في حله وترحاله احتقاني وعدواني وغير منتبه للغته وسبه وبخليها زي ما تجي تجي
وكل الود
| |
|
|
|
|
|
|
|
|
|
Re: الفرندقسين والفرندقسيات....!! (Re: عبدالكريم الامين احمد)
|
الفرندقس نازع وميال وجانح اي الاقصاء حتي في داخل دائرة المولايين له.. لذا شهدنا علي الارض السودانية ومنذ ولوج الفرندقس الي سماء البلاد اكبر كمية تجارية من التصفيات والكبع ..في القوي التي قالت لا في وجه..ووفي ما بينهم ...والفرندقس في مسيره يبدو كما القطار يدوس كل من وقف في طريقه
بعجلات لا تعرف الرحمة ولا الشفقة ولاتسمع الا صوت اصتكاكها مع الحديد... وفي هذه الممارسة غاب اجمل ابنائ هذا البلد في بيوت الاشباح وفي ربوع وفيافي الجنوب وفي الشرق وفي الغرب وحتي في الشمال..
حيث خرمج الفرندقس في سده الذي حرن وابي واستكبر ان ينتج كهرباء...
| |
|
|
|
|
|
|
| |
عبدالكريم الامين احمد
المكاشفي الخضر الطاهر
محمد عبدالرحمن محمد
اشرف السر
khaleel
Nazik Eltayeb
عبدالعزيز الفاضلابى
معاوية الزبير
Ahmed Abdallah
بشير دفع الله
AMNA MUKHTAR
فيس بوك
تويتر
انستقرام
يوتيوب
بنتيريست