دعواتكم لزميلنا المفكر د.الباقر العفيف بالشفاء العاجل
|
|
 ابكر مسك درب الدين. دغررررري.....!!!
|
الشهير ابكر جرائم وغلاغل ومحن الخبر الاكيد الذي تسرب الي جلسات انسه ومجونه السابقة اتي بان ابكر جريمة مسسك درب الدين دغررررري...!!
يازول ده كلام شنو ده..؟؟؟
ايووه يا زول ده كلااااام شنو ده..؟؟
|
|
 
|
|
|
|
|
|
|
|
Re: ابكر مسك درب الدين. دغررررري.....!!! (Re: عبدالكريم الامين احمد)
|
كانت هذه هي الجملة الاعتراضية الاستنكارية التي هتفت بها كل جموع الندامي وابناء كاسات ابكر السابقين و الكحول البلدي يسري حثيثا بين عروقهم وتبدو علي وجوهم بعض الدهشة والحسرة والاسف علي خروج مثل الجرائمي ابكر من دائرتهم وايضا هتف معهم وفي نفس القعدة بعض السكرجية الجداد لنج الذين حضروا الي تلك الجلسات لكي يتاملو اولا في ابكر الذي ذكر في الاثر بانه يقرطع العرقي ويمصه بطريقة مميزة وكانو ايضا يتعشمون في التامل في فنيات ابكرونا وهو يلف سيجارته الشهيرة ذات (الكرت الواحد) من بنقو كان ابكر يحرص عميقا علي جلبه من طبلية البائع الشهير ابوكرنك....؟؟
| |
|
|
|
|
|
|
|
|
|
Re: ابكر مسك درب الدين. دغررررري.....!!! (Re: عبدالكريم الامين احمد)
|
كانت هذه القنبلة الخبرية التي اطلقت في تلك القعدة قادرة علي اثارة نقة وشد وجذب حقيقي ما بين افراد تلك الشلة التي تتوزع درجات اختلافها في الانسلاخ عنها والخروج ما بين استهجان حقيقي وسب دين لابكر وما بين اخريين اثروا الصمت ومداوة هذه الخبرية المولمة بقرطعة كميات تجارية من العرقي وكاسات ثمت المطالبة بتطويلها لكي تساعد خصيصا في التامل الصامت تحت وابل قطرات العرقي في انسلاخ ابكر الفجائي عن دائرتهم....!!!
| |
|
|
|
|
|
|
|
|
|
Re: ابكر مسك درب الدين. دغررررري.....!!! (Re: عبدالكريم الامين احمد)
|
ورغم اندهاش القوم في تلك الانداية ذات الموقع الطرفاني في ذلك الفريق الشهير بفريق (ابليس) الا ان الشخص الوحيد الذي اصطنعالاندهاش والاستغراب هو (حمودة) الصديق الشخصي وصاحب العلاقات الروح روحية مع ابكر الذي مارس في حضرة هذه الجموعة المستنكرة لتوبة ابكر استهباله التاريخي واندهش مع المندهشين السابحين في بحور الطشمة ودخاخين البنقو وبعض البخور النفاذ الذي جبلت علوية ست الانداية علي اطلاقه في فضاء تلكم الراكوبة المزينة بورشال قشر الفول ..وهو احتفاء نوعي تعبر به عن فرحها وارتياحها لسوقها الذي قد خمج بواسطة العبابير الكثيرة التي باعتها وبعض القزازات والجركانات التي قد تكون سافرت الي بيوتات الافندية وبعض اعيان المدينة سرا بواسطة رائد العمل الدليفري في فريق ابليس الشهير بابو قلة وعجلته الدبل المميزة التي لم يكن في مقدور احرف بوليس من بواليس ذلك المكان قبضه وهو متلبسا بنقل خمور ووبنقويات...!!!
| |
|
|
|
|
|
|
|
|
|
Re: ابكر مسك درب الدين. دغررررري.....!!! (Re: عبدالكريم الامين احمد)
|
ارتفعت اصوات الجدل والنقة وعلا الغلاط مابين كبار سكاري فريق ابليس في هذا الامر الجلل وهذا الفقد العظيم لمعلم بقامة الجرائمي ابكر الذي كان دوما شعاره المرفوع هو( ليس هناك قشة مرة)..وكان اكثر المتحمسين لذلك الحوار هو (عثمان افندي) ذلك المثقف الطليعي الذي صادف ذلك الخميس حضوره من العاصمة لمسقط راسه (فريق ابليس) وهو الذي يعمل وحسب تعليمه الرفيع في مصلحة حساسة ولكنه عندما يجدع العاصمة خلفه ويعود الي فريق ابليس يهرول وبشرفة واشتياق واضح وحب كبير الي تلك الانداية وينضم الي شلته السكيرة التي تنتظر حضوره بفارق الصبر كونه يحمل لهم معه اخبار المدينة وماذا يقول علية القوم في امورهم العليا وهم الذين لا يتسع مدارهم في الامور العامة الا في محيط اللجنة الشعبية والنفير الليلي الذي يقام عندما تهاجمهم اللصوص الليلية وهمباتة الابقار..!!!
وتجمعات البكهات والاعراس في فريق ابليس ومجمع الفرقان الكثيرة المنتشرة حول الفريق ذات الكثافة السكانية العالية ونسبة التوالد ذات الانفلات المخيف....!!!
| |
|
|
|
|
|
|
|
|
|
Re: ابكر مسك درب الدين. دغررررري.....!!! (Re: عبدالكريم الامين احمد)
|
بعضهم افتي وبراس سكير بانه قد سمع بان السبب الرئيسي لتوبة (ابكر) هو ذلك المخلوق الضخم ذو القرنين والعيون المولعة نارمنقد الذي اتي الي (ابكر) في حلمه ومارس معه التهديد والوعيد وقال ليهوكلمة واااحدة بس (يا ابكر هوووي اعمل حسابك وامشي في درب الله دغرررررري)..ولكن سريعا من تبخرت هذه المقولة واصبحت غير ذات جدوي عندما صاح صوتا سكير اخر من طرف تلك الركوبة
(يا زول هوووي ابكر شنو البخاف ليك من مصيبة زي دي...حرررررررررم لو المصيبة دي صبرت شوية كان ابكر رفعها من حلمو داااك وجابها تقرطع معانا في الشي السجم ده... افووووو اتا يازول ما بتعرف ابكر ولاشنو..؟؟؟)..!!
| |
|
|
|
|
|
|
|
|
|
Re: ابكر مسك درب الدين. دغررررري.....!!! (Re: عبدالكريم الامين احمد)
|
بعضهم ايضا تطوع بانه اندهش عندما راي عدد الخارجين من مسجد القرية سبعة اشخاص وهو عدد كبير نسبيا لمرتادي مسجد فريق ا(ابليس) وعندما تمعن فيهم جيدا وجد بان الشخص السابع هو ابكر وعندما عالجه بمقولة(وووود اللذين ابكر ..خباااارك اازول الجابك الجامع شنو) ذكر الرجل ان ابكر اشاح بوجه ولم ينبس بكلمة بل ظل في حديثه الصامت مع رجل غريب وذو لحية ضخمة حضر الي الفريق حديثا ويسكن مع الامام في منزله...ووسمع اضاني دي الامام بقول ليهووو يا شيخنا...!!!
| |
|
|
|
|
|
|
|
|
|
Re: ابكر مسك درب الدين. دغررررري.....!!! (Re: عبدالكريم الامين احمد)
|
لم يكن عثمان افندي اكثر الحاضرين انزعاجا من هذا الخبر لحوجته الماسة لابكر الذي اشتهر بعلاقاته الواسعة في الفرقان المجاورة وسطوته وسط ستات الاندايات وعلاقته ا########دة مع كل قطاعات من العمل التحتاني في ذلك المكان.. فقلد كانت الانتخابات علي الابواب وكان ابكر ضمن مفاتيح لعبه التي وضعها في حسباباته للاستفادة من مقدراته الاجتماعية الفذة ومعرفته بمفاتيح لعب كل تلك المنطقة...!! حمودة هو الاخر كان اكثر انزعاجا لعلمه التام عن ماهية توووبة ابكر واسبابها وكيفيتها واهدافها طويلة المدي وقصيرها
وامتزج اندهاشه بخوف كبير في ان ينكشف امر ابكر التوبي وتضيع عليهم اللعبة والثمينة والقنجة التي اتفقو ا عليها سويا....
| |
|
|
|
|
|
|
|
|
|
Re: ابكر مسك درب الدين. دغررررري.....!!! (Re: دينا خالد)
|
Quote: لوووووووووب كيكى التفكيكى ! فى ثياب عتاة القصة والسرد !
يسرد (ولا دا جرد ما عارفه) كما البرنس او كوجان او عماد وسناء ذاتهم ..
ياللا ماحدش حوش ..
ــــــــــــــــــ
غايتو يا كيكى بوست الا تقفل نخرينك وتقرأ
من ريحة الحاجات الفيه .. وتمرق منو متتكل !
ياود ؟ |
يا هلا وغلا والله..
ووين انا ياخي من الفطاحلة القولتيهم ديل..!!
اخوك زول جنقو ساااكت ويا دوبك بباصر ليهو جردة جرادتين لوووووول
وبجيب ناس ابكر صحبي المجرم ديل وبتونس بيهم مع الاخوة والاخوات ضيوف الرحمن
-------------------
ناسي ديل يا دنيا سكرجيييييية اخير ليكم تتضايرو لانو لسع غريقهم قدام
وبعد شوية كلك البوست ده سيصبح قليله مسكر وكثيره حرام او كماقيل
| |
|
|
|
|
|
|
|
|
|
Re: ابكر مسك درب الدين. دغررررري.....!!! (Re: اسامه خليفه)
|
| Quote: جيب معاك عدة الشغل كلها وما تنسي العكاز بالله ,,العكاز اهم شي ياكيكي |
هلا يا اسامة وتحياتي
واخوك اليومين دي ملهوب ووجبات دسمة هنا وهنوووك
ما بين درش ود جمعة العجاجو قام في صوف...
وزنقة ملاسي الخبرها وصل القضارف وسابع دليب
والله يكتر الخيرات الاسفيرية وكبعوات قوي الارجفة برا وبحرا وجوا..
| |
|
|
|
|
|
|
|
|
|
Re: ابكر مسك درب الدين. دغررررري.....!!! (Re: عبدالكريم الامين احمد)
|
مواقع شتي واحاديث متنوعة تجدعت ما بين هنا وهناك وانتشرت في كل جخانين فريق ابليس , السوق الصغير ودكانينه المشيدة من الزنكي لاحديث صباحي كان يعلو علي الثرثرة حول( توبة ابكر) ما بين النسوة الزبونات اليوميات المشتريات البلح والعيش والخميرة والتجار الذين اصابتهم الخلعة من تلك الخبرية الصباحية المخيفة..فتوبة كارزيمي مثل ابكر لها ما بعدها بالتاكيد في سوق البلح والعيش والخميرة والذي منه ...!!
وتطوعت في غمرة هذه الاحداث (كلثومة الكضابة )وافتت لصاحبتها في جلسة الجبنة الشهيرة في بيتها الذي تديره للمتعة (القليلة ادب) بان ابكر الممسسسوخ قالو لاقا النبي خضرررررر عديل كده...واها يااتي قالو الخضر حضنوووو حضنة طويلللللة لمن ابكر غمر ولمن قام من غمرانو لقي في يدو سبحة وقامت ليهو دقن في غمرتو دي.....!!!
ونعود
| |
|
|
|
|
|
|
|
|
|
Re: ابكر مسك درب الدين. دغررررري.....!!! (Re: ود محجوب)
|
| Quote: زى ما شايف يا كيكى المسافة قريبة جدا بين الجامع والإنداية |
هلا يا ود محجوب..
وشايف الجلاكين الاوائل ماشاء الله عليهم شبعانين بلح وعيش
والجامع حيطة بالحيطة وفي طمانينة عجيبة خلاص لدرجة خلف الكرعين والتحكر
والمسجد علي مرمي حجر..
الحكاية دي لسسع قاااعدة ومتاصلة في كثير من اجزاء السودان وتلقي ناس تضرب مرايس بيد
واللوح بيد تانية حيث المريسة هي غذاء رسمي وشعبي
| |
|
|
|
|
|
|
| |
عبدالكريم الامين احمد
أحمد الشايقي
saif massad ali
دينا خالد
طلال جبير جابر
اسامه خليفه
elsharief
ود محجوب
فيس بوك
تويتر
انستقرام
يوتيوب
بنتيريست