|
دعواتكم لزميلنا المفكر د.الباقر العفيف بالشفاء العاجل
|
|
 Re: ياجماعة اخونا البشير ده قال هو ومانديلا وااااحد...الكلام ده كيف ياجماعة....!!!! (Re: اسماعيل عمر ابراهيم)
|
هلا يااسماعيل وحبابك
والزول ده ضروري يلحقو بشيخ من شيوخ كدباس لانو بالطريقة دي بكرة حيلبس لينا (لاو)
من النوع العلي اللجمية وده نوع من لباس اهلنا في الجنوب...
وشايف رياك قاي الليلة في حفل التشويه للوجدان السوداني الجنوبي
قال ليهو انت ملك الدينكا
انت ملك النوير
انت ملك الزاندي
ياخي جون قرنق الاسطوري ما اتجراء وقال هو ملك الدينكا
لانو ملك الدينكا هو ملك الدينكا فقط....!!!!
بس الخوف بكرة ما يطلعو لينا البشير ده المسيح المنتظر ودي ورادة جدا في اطار حمي وكرنفالات التطبيل ام هلع دي
| |
 
|
|
|
|
|
|
|
 Re: ياجماعة اخونا البشير ده قال هو ومانديلا وااااحد...الكلام ده كيف ياجماعة....!!!! (Re: شول اشوانق دينق)
|
اوكامبو ما بؤيدو وما خوفاً فى البلد تجوط لانها من يومها جايطة فى كل الأركان
اوكامبو ما بؤيدو لانى فاقد مصداقية فى اولاد جون اصلو حاجة يعملو لله كده مافى يا صحبى كيكى
اوكامبو ما بؤيدو بس ده ما بينفى وجود ماساة فى دارفور فى طريقها إلى التوسع بعد القرار ودونك طرد الـــ13 منظمة دولية ومحلية اللى النازحين فى المعسكرات بيعتمدو عليهم إعتماد شبه كلى فى معيشتهم.
طرد المنظمات قرار غير سليم من الحكومة
المسيرات الطالعة كل ربع ساعة برضو مافيها حكمة لانو قروش المسيرات زى ما بيقولو ممكن يردو بيهو بالتنمية اللابسينو طاقية اليومين ديل
مشكلة دارفور لن تحلها قرار اوكامبو ولا أى قرار من أى فجة ما لم يجلس اطراف النزاع مع إشتراط يكون فى ضمير عند الأطراف وعدمها (اى الضمير) لن تحل أى مشكلة باى طريقة.
| |
|
|
|
|
|
|
|
|
|
Re: ياجماعة اخونا البشير ده قال هو ومانديلا وااااحد...الكلام ده كيف ياجماعة....!!!! (Re: هاشم نوريت)
|
| Quote: ليه ستتغربوا بتشبيهه بمانديلا ولكن لان مانديلا على قيد الحياة ياريت ينقل له هذا التشبيح واعتقد عندها ربما ينتحر مانديلا لهذه الاساءة البالغة لانه رجل يحترمه العالم له التقدير لما قام به تجاه تحرير شعبه حيث انه لم يقذف شعبه بالانتينوف ويعذبه فى بيوت الاشباح |
هلا ياهاشم وحبابك
واجمل الاشياء في الموضوع العجيب هذا هي انو مانديلا حيا يزرق
وبالتاكيد ستصل الي اسماعه مثل هذه الخزعبلات ونتمني ان نسمع رايه فيها
حتي توثق الاشياء للتاريخ
| |
|
|
|
|
|
|
|
|
|
Re: ياجماعة اخونا البشير ده قال هو ومانديلا وااااحد...الكلام ده كيف ياجماعة....!!!! (Re: عبدالكريم الامين احمد)
|
Quote: والله يا كدوك ده المحيرني انا زاااتي
مرة رث شلك
ومرات مانديلا
وشايف في وااحد قال الزول ده امير المومنين زاااتو
|
_____________
يا جيك انت اليومين دى طالع لى فى الكفر-عفوا بقصد
بالكفر كورة الشراب-ما يقومو الجماعة يفهونا خلط-غلط
بالعربشن- ولاعب دبلكيك وباكورتات واسلايدنق عجيب بعد
الخرارت الدولية الكمبوية المجننة بوبى السودانى.واسمع
الجالدونق البشير من حقو يكون امير المؤمنين فى دار الحروب
-حروب الردة والخوارج-الجنوب.وكمان ممكن يقول هو ياهو صاحب
الفكرة اليهودية-المهدى المنتظر- وغيرها من جاكات عادى بتتمرر
على السودان.ولكن (كوانج رث)-المك الشلكاوى- راسو عديل كدا؟ لا.لا
.لا دى اهانة كبيرة لمقدساتنا الوثنية وانحنا كناس وثنيين ولا ناس
بتا(كريم المعتقدات)-حسب الاصطلح القانونى لدستور السودان- ما بنقبل
بكلام متل دا وبعدين عمليلا ومنطقين ماممكن زول مؤمنين بما يسمى
ب(اديان الوحى) يجى بكل بساطة ويقول عاوز يخش فى معتقداتنا الروحية
وهى معتقدات طبيعية-بمعنى لازم تكون مولود داخل المؤسسة القبلية- ود
نيكانق جد جد(وهنا الجانب الجميل فى كريم المعتقدات انو ما فيها البعد
الايديولوجى التبشير لتغيير من دين لى دين). وحتت نلسون ماندلا دى برضو
مابطالة كممكن عمليلا لو البلد(العسكرى)المظلى عمر البشير قام تلب من
الطيارة الحتوديهو (لاهالى) بالمظلة التدرب عليها فى الكلية الحربية بقروش
الضرائب حقت المواطن السودانى...تلب من المظلة وظلل تراب السودان بظلال
السلام والعدل والمساواة(يوم لا ظل الا ظلة) واليوم دا مامعروف متين بالرغم
من القول انو من علامات الساعة الالهية-مش ساعة الحيطة- هى(الجوع والمرض والفقر
والحروب والفساد واكل اموال الزكاء حقت ابناء السبيل الخ) حسب التعريف العلمى
لمقدس الثقافة العربية(الاسلام) ليوم الساعه-القيامة-.وانينا كناس بتاعين
كريمات اعتقادية وكفار ونجوس وخوارج- اتا خوارج ديل مش هم الناس العملو شكلة مع
على ابن ابى طالب؟- انحنا قيامتنا قامت من تاسس السودان.تانى تقوم كيف ماعارف.
يا جيك بيقولو:الكضب على الناس وعلى الحاجات عندو حدود ولكن الكضب البيكون جزء
من الطايووق-العقل- دا ياهو ما بيكون عندو حدود.
وكان الرب نيكانق فى عون السودان.
اكو بتا اتا:اوطو لاكو
| |
|
|
|
|
|
|
|
|
|
Re: ياجماعة اخونا البشير ده قال هو ومانديلا وااااحد...الكلام ده كيف ياجماعة....!!!! (Re: محسن طه)
|
اوووه اوطو
شنو ياجك اتا جي ودرو وين..؟؟
اخو تاكي لازم قني فوووق كفر وكلام تا اوكمابو دي ...دي كلام دنجر.
 وانا ركبو مكنة تا (هارلم تا كتور)...ولازم يومي ودي( ثري) بوينت داخل شبكة تا كيزان دي
وانا لو لقو طريقة لازم كسرو ( رنق) تا كيزان دي بواحد سلام دنك قووووووي...وبعدين انابعملو نكااااامة
.................................
المشكلة يا محسن حسع بقت في الانتهازيين (اكل باقي بيو) بتاع موتمر وطني من ابناء الجنوب
البلبسو البشير لبس بتاع السلاطين وبورو اسامي والسلاطين و لو قعد ديلشيون سنة ما يعرف عنهم حاجة
لانو اساسا مستعلي وما بتذكر الحاجات دي الا في وقت الشدة والزنقات....
القصة عندو اصبحت مافارقة معاهو وصاحبي داير يلحق سوق المناصرة السطحية ناسيا ان لهذه الاشياء دلالاتها الروحية والدينية والتاريخية ولها طقوسها ...
وسلام كثيري يا صاحبي
| |
|
|
|
|
|
|
|
|
|
Re: بين الزعيم الثائر مانديلا والسفاح البشير (Re: كمال عباس)
|
Quote: أما البشير فهوديكتاتور شمولي وأقصائي+ مكرس للتعالي العرقي والديني والفاشية+ إنتهازئي ولامبدئي وكاذب + مفرط في تراب وسيادة بلده +ممزق للنسيج الاجتماعي ومشعل لفتن العرقية والجهوية+ قاتل ودموي +مكرس لحكم الفردوالخلود في السلطة ولكن ما الدليل?
وأد النظام الديموقراطي وجاء للسلطة عبر دبابة+ دشن نظامه بأكذوبةأنه ليس جبهة وأذهب للقصر رئسا وساأذهب للسجن حبيسا!!+ غادر غدر بشيخه وعراب إنقلابه+ خائن ..خان الدستور الانتقالي والذي أقسم علي الحفاظ عليه + كاذب وحانث للعهود حيث تعهد بعدم دخول قوات دولية ثم حنث وأعطي نظامه الأمان لضباط حركة رمضان ثم غدر بهم |
الف تحية وسلام يا ابوكمال
ونعم هذا هو البشير طاغيتنا الذي يريد في مهرجان التنويم والتغبيش لوعي الجماهير
ان يشوه المناضل الكبير والاسطوري الذي يحفظ له الثوار ومحبي الانسانية الحقة القافزة فوق كل امراض
الانسان الظالم... يحفظون له كل هذا الجمال الذي اوردته عن سيرة الاسطوري نيلسون مانديلا..
وشتان ما بين الثري والثريا
| |
|
|
|
|
|
|
|
|
|
Re: بين الزعيم الثائر مانديلا والسفاح البشير (Re: عبدالكريم الامين احمد)
|
كيكي ازيك ياخ ..
ومشتاقين عديل كده ..
ياخي من ما بدت المشكلة دي وأنا طوالي بتجيني صورة مانديلا رمز التضحية والنضال ..
قلت هسي البشير دا ممكن في يوم من الأيام يبقى زيه ؟
ممكن الزول دا يعتذر للشعب السوداني عن كل ما حصل بسبب سياسات الإنقاذ وبسبب ما وصلونا إليه الآن ..
ممكن يسيب السلطة والجاه (شعارهم الرفعوهو لينا ) ويسلمها للشعب زي ما فعل مانديلا لتجنيب البلاد الكوارث ..
شتان ما بين هذا وذاك ..
أشفق على أهل السودان من أهله ..
| |
|
|
|
|
|
|
|
|
|
Re: بين الزعيم الثائر مانديلا والسفاح البشير (Re: معتصم دفع الله)
|
Quote: ممكن الزول دا يعتذر للشعب السوداني عن كل ما حصل بسبب سياسات الإنقاذ وبسبب ما وصلونا إليه الآن ..
ممكن يسيب السلطة والجاه (شعارهم الرفعوهو لينا ) ويسلمها للشعب زي ما فعل مانديلا لتجنيب البلاد الكوارث ..
شتان ما بين هذا وذاك ..
|
هلا يا معتصم
ومشتاقين ياخي يافردة ونتمني ان تكون انت المدام بالف خير..
تعرف يا معتصم الشعب السوداني ده شعب طيب ومسامح وكريم..
ولكنه يسامح بالحق والحقوق...ويا ليت عمرالبشير علا بنفسه فوق الصغائر وقدم للانسانية درس يمكن ان يستفاد منه ذات يوم....
يسامح اولا وبعدين ممكن نشوف حكاية مانديلا دي هههه
| |
|
|
|
|
|
|
|
|
|
Re: بين الزعيم الثائر مانديلا والسفاح البشير (Re: عبدالكريم الامين احمد)
|
كويسين يا كيكي الحمد لله ..
طيبة السودانيين ياها دي الخلتهم يطلعوا الشارع بمسيرات التأييد ..
كنت أتمنى إنو الناس تقرأ الواقع بتروي وتبحث عن مخرج لكل ما يحدث ..
الهتافات والمسيرات دي وقتها قصير ولكن تبقى الأزمة باقية ما لم نجد لها حل ..
والتدخل الأجنبي سيتواصل بشتى السبل ما لم نتداركه بقرار وطني ..
لماذا تظل أيدينا مغلولة لإخوتنا ( أقصد الحركات والمعارضة ) ونحن أحوج لبعضنا البعض ..
البلد دي عانت من كلام البندقية وتشتت في الجهات الأربعة بسبب الحكم بالوصاية ..
سلموا البلد لأهلها ولن يطالها أي تدخل أو عدو ..
أبقى طيب يا صديق ..
| |
|
|
|
|
|
|
|
|
|
Re: بين الزعيم الثائر مانديلا والسفاح البشير (Re: معتصم دفع الله)
|
Quote: لماذا تظل أيدينا مغلولة لإخوتنا ( أقصد الحركات والمعارضة ) ونحن أحوج لبعضنا البعض ..
البلد دي عانت من كلام البندقية وتشتت في الجهات الأربعة بسبب الحكم بالوصاية ..
سلموا البلد لأهلها ولن يطالها أي تدخل أو عدو .. |
ونعم الكلام يا معتصم
والحركات وبكل فصائلها يحتاج الجميع بالتقرب منها وتحسس مطالبها وهي ايضا مطالبة بالتقرب من الجميع
فنحن ورغم كل الماسي ابناء وطن واح ودارفور جزء عزيز منا وهي تماما مثل اي بقعة اخري من السودان
ومن الضروري ان يتقارب الجميع ونعمل علي صناعة وطن حدادي مدادي بما في السودان من خير وانسان
وننبذ كل النعرات وصغائر الامور
ويا ريت يا معتصم حديثك هذا يسمعه كل ابناء الوطن في هذه اللحظة الحرجة منه
ودمت يا صديقي وتحياتي للجميع
| |
|
|
|
|
|
|
|
|
|
Re: بين الزعيم الثائر مانديلا والسفاح البشير (Re: حنين للبلد)
|
Quote: وله في خلقه شؤون...
اسع يا كيكي كله هين ...نودي وشنا وين من التاريخ.... |
هلا ياحنين
وصدقتي والله
والازمة دي بالتاكيد في عنق جيلنا الحاضرها ده كلو
ونتفاصح سودان سودان...
وخليك من التاريخ
الكلام حسع من حكاية يومي تجي خاشي شغلك تلقي المكتب كلو شايل ليهو مسطرة
وبرقص عامل فيها عمر البشير وبضحكو وبكاووو في الزول
(تخيلي..فلبينين- خواجات- عرب وهم كده) كرهونا الشغل زاااتو ههههههه
| |
|
|
|
|
|
|
|
|
|
Re: بين الزعيم الثائر مانديلا والسفاح البشير (Re: Inaam Saad)
|
Quote: وشر البلية ما يضحك
|
مرحب يا انعام وحبابك الف
وفعلا يا انعام شر البلية ما يضحك في هذا الزمن العجيب
وعموما اهلنا بقولو الجقلبة بتعمل اكثر كده....
ديك المسلمية ده يا انعام ما سمعت بيهو
اووع كمان يكون قال انو ديك من ديوك (كيب تاون) هههه
تحياتي
| |
|
|
|
|
|
|
|
|
 Re: بين الزعيم الثائر مانديلا والسفاح البشير (Re: عبدالكريم الامين احمد)
|
Quote: هلا ياحنين
وصدقتي والله
والازمة دي بالتاكيد في عنق جيلنا الحاضرها ده كلو
ونتفاصح سودان سودان...
وخليك من التاريخ
الكلام حسع من حكاية يومي تجي خاشي شغلك تلقي المكتب كلو شايل ليهو مسطرة
وبرقص عامل فيها عمر البشير وبضحكو وبكاووو في الزول
(تخيلي..فلبينين- خواجات- عرب وهم كده) كرهونا الشغل زاااتو ههههههه |
كيكي يا ملك التفكيكات ..ما عارفة دي فاتت عليك كيف والله....
لمن خزلتني في تحليلاتك...المقارنة على الصورة الاخيرة على طرد المنظمات على ردزد الفعل المتهورة دي كلها تمهيدات اشار بها رجال قانون ومستشارون ضالعون...اشهد لهم بالحكمة وسداد الرأي..
لداليا بوست اخر مكمل لهذا دخلت لقيتوا معكوك وفيه ناس بحبهم فاثرت السكوت مخافة الخلاف البودر المودة...
يا كيكي فهمتها ولا اختها ليك واضحة...
دي تمهيدات للمحاكمة....
"المتهم غير مسؤول عن تصرفاته يقضى بعرضه على الأطباء النفسيين لتقييم حالته"
لا بالجد دي رئسنا بالغ فيها
| |
|
|
|
|
|
|
|
|
|
Re: بين الزعيم الثائر مانديلا والسفاح البشير (Re: حنين للبلد)
|
| Quote: دي تمهيدات للمحاكمة |
هلا ياحنين
وياخي بيني وبينك القصة زااتها اجوبكت شديد
ومفاتيح خالك كيكي زااتها قاعدة محتارة في حمي ديربي اوكمابو عند ناسنا ديل...
الناس ديل غمروا الساحة بردود افعال بعضها متوقع والاخر طل بصورة عفوية وفجائية
زي موضوع مانديلا القدامنا ده...
وغايتو لو القصة جابت ليها رفع جنينة رئاسي بنكون بالجد دخلنا التاريخ باوسع ابوابه
-اول رئيس علي راسه عمله يستدعي لمحاكمة دولية
-اول رئيس يرفع جنينة اثناء ادائه لواجبه الرسمي
ودقي يا مزيكة...
بوست داليا سمح وبداء بداية مدهشة بطريقة داليا المميزة
ولكن بكل اسف الاصحاب بهناك ما خلو الحلو يكمل والله يعوضها فيهو غايتو
| |
|
|
|
|
|
|
|
|
|
Re: بين الزعيم الثائر مانديلا والسفاح البشير (Re: حنين للبلد)
|
يا كيكي
البحصل ده مهزلة,,الموقف حساس جدا، البلاد تمر بمنعطف خطير جدا اكبر من محاكمة الرئيس البشير..السودان في محك تاريخي ...سيحدد خارطته السياسية والتاريخية والجغرافية..والى الان لم ار من الحكومة ولا الاحزاب السودانية اي موقف سديد واع رشيد لإحتواء الموقف وتبعاته...
يا كيكي....البلد في خطر كبير جدا.. وصدقني لا تقليل من الام دارفور ولا الجنوبرالذي دفع الكثير ايضا في الصراعات العنصرية والسياسية لم يخفف من الامها الاتفاق الغير مطبق "نيفاشا" لكن الوضع الان اخطر من اي ازمة مر بها السودان.
لا ادري اجدني هذه الايام اجتر ذكرى جون قرنق كثيرا...رحمه الله..ورحمنا مما سياتي
| |
|
|
|
|
|
|
|
|
|
Re: بين الزعيم الثائر مانديلا والسفاح البشير (Re: حنين للبلد)
|
كيكي
تابعت كما تابع مع الكثيرون ردود الفعل على القرار
ورايت كغيري...مااسميه هوس...وتخبط وعشوائية...
كيكي بدات اعقد مقارنة قرار عشوائي بايقاف مالايقل عن ثلاثنين منظمة عاملة في دارفور والمواطنين في امس الحوجة الى معوناتهم، وموزايا هذه المسيرات الموتاصلة التي تكلف ماتكلف من خزانة الدولة..حرام يا جماعة حرام...آن للكيزان ان يعووا خطورة الوضع ...القرار الدولي له تبعاته ولن يقف في حدود الفبض على البشير بل هو تمهيد لخطوات اخرى...
كيكي...السودان انتهى..وهم في تخبطهم يعمهون....
قلبي عصرني...عليك الله خليني انا من بدا الموضوع ده وانا مابحب اكتب في,.,,
| |
|
|
|
|
|
|
|
|
|
Re: بين الزعيم الثائر مانديلا والسفاح البشير (Re: حنين للبلد)
|
| Quote: البحصل ده مهزلة,,الموقف حساس جدا، البلاد تمر بمنعطف خطير جدا اكبر من محاكمة الرئيس البشير..السودان في محك تاريخي |
بالتاكيد ياحنين وكلام في محلو..
البلد في منعطف ودي فترة يفترض ان يفعل فيها اشياء مثل نكران الذات والتسامي والنظرة الحزبية الضيقة
وحب الكراسي الي اعلي...
وفي الموسف ايضا ونحن في خضم هذه المعمعة الاتية من السلطة وما حولها هنالك مليون ونص سوداني مهددين انسانيا من تداعيات هذه الازمة..
ما يدور يا حنين لوحة متصدعة ولاعادتها الي صورتها الزاهية لابد من العبور الي الاتي في ظني
-النظرة لكل مكونات المشكلة يا حنين
من عدل وسلام ووضع انساني وواقع سياسي داخلي واتفاقيات سابقة والتحول الديقراطي وتامين كل الحاجات حتي لا يتكرر الامر....
وكلو داير عزيمة وصبر ونكران ذات وتسامي
ولكن..؟؟
| |
|
|
|
|
|
|
|
|
|
Re: بين الزعيم الثائر مانديلا والسفاح البشير (Re: عبدالكريم الامين احمد)
|
Quote: كيكي...السودان انتهى..وهم في تخبطهم يعمهون....
قلبي عصرني...عليك الله خليني انا من بدا الموضوع ده وانا مابحب اكتب في |
ما بخليك ياحنين
ولازم نتكتب وكل الناس هنا تحترق كتابة حتي نري ماذا هناك..
وردة الفعل علي القرار فعلا وضعت واظهرت شرخا كبير وانو الامة السودانية دي لسع دايرة شغل كثير علي مستويات
عميقة في القضايا البشكل حاجة اسمها وطن..
محتاجين لوعي سوداني مشترك مواكب لما حولنا عن حاجة اسمها الوعي بالانسانية والديمقراطيةوالمواطنة
وكلام كثير يا حنين
ولسع الطريق لقدام طويل وشاق
| |
|
|
|
|
|
|
|
|
 Re: بين الزعيم الثائر مانديلا والسفاح البشير (Re: عبدالكريم الامين احمد)
|
Quote: وردة الفعل علي القرار فعلا وضعت واظهرت شرخا كبير وانو الامة السودانية دي لسع دايرة شغل كثير علي مستويات
عميقة في القضايا البشكل حاجة اسمها وطن.. |
ياكيكي اولا انا احمل اي حزب في السودان ايضا المسؤولية...ماتركنوها على الكيزان وبس..الكيزان عرفناهم ساكين مصلحتهم وماداسنها...لكن الاحزاب دي وريني قصة شنو؟؟؟؟؟ يعني زي الصادق المهدي الحكم في مرحلة يفترض انها فترة ديمقراطية..عمرها ماكانت..موقفة الاسه ده تفسروا لي بي شنو؟؟؟؟؟ الوضع فات المصالح الحزبية الضيقة الوضع فات الحد..المشكلة مابقت على وعي جماهيري وبس المشكلة ساستنا زاتهم كايسين اليوعيهم...
ماعافيين ليهم دنيا واخرة العملوا في السودان ...كلهم على بعضهم...واحنا زاتنا كمواطنين غفلنا عن حقوقنا بتساهلنا وبي الجودية وبالتنازل عن حقوقنا الاساسية...
خسارة...بالشكل ده حيكون......كان اسمه السودان..
قلت ليك تاني ماتناديني خليني في رهطي
| |
|
|
|
|
|
|
|
|
|
Re: بين الزعيم الثائر مانديلا والسفاح البشير (Re: حنين للبلد)
|
| Quote: قلت ليك تاني ماتناديني خليني في رهطي |
هههههه
رهطك ماشاء الله شايفو لاعب ماتش كبير حتي اخونا الكمسنجي سحس جاء عبر وختا بصمتو العبد الواحد
والمرة دي كان الصيد رغيم عثمان ههههههه
متابع بشغف في الرهطيات بهنا وشايف المولد حلاتو اشكال والوان
(كنت جاي امنح سارة كم اوسكار كده لكن تاني غيرت الراي بتاعي وعملت روحي خلايا رهطية نايمة) هههه
المهم يا حنين
متفقين ياخي والمسئولية واقعة في راس كل زول حزب علي شعب علي سلطة علي شارع سوداني عريض
والقصة دايرة شغلة بالجد وداير فولنتير وناس ناكرين روحهم دي وجادين وصبوريين وحاسمين وقطعهم ناشف
واهم شي يحجموا الانتهازين والساسة الكوامر ديل ونقتهم بتاعة اعتقد وافتكر وكلام الفاضي ده....
المناهج الدارسية
الوعي الشعبي
الاعلام
الثقافية الشعبية
الموسسات
وعييييييييييك علي قولة بشاشا
دايرين صياغة مجتمع من قولة تيييييييت وقمع لكل الناس الداير تستهبل باسم الشعب ده
وتعمل فيها ابو عرامات..
ولكن الكلام ده وين ...ومتين...الله اعلم..
ودي اعتبريها مناداة بالله وتعليمات رهطية كيكية
ويلا نواصل
| |
|
|
|
|
|
|
|
|
|
Re: بين الزعيم الثائر مانديلا والسفاح البشير (Re: Inaam Saad)
|
هلا يا انعام
ياهو ده الديك بس هنا ام الحسن قلعت الاسم من المسلمية
والفنان عمر دفع ما قصر مع الكشنة ..
...........
الناس ديا انعام مسخو الحكاية ومفترضين في الناس السذاجة
وممارسين استهبال واضح. وتاريخي..
عشان كده احنا بجهة بنضحك فيهم وبجهة ثانية بنديهم في التقيل بكل جدية وانضباط
حتي يرعوي راسهم المدوقس ده...
ودمتي يا انعام
| |
|
|
|
|
|
|
|
|
|
Re: بين الزعيم الثائر مانديلا والسفاح البشير (Re: عبدالكريم الامين احمد)
|
عبدالكريم,
انا اتفهم جيدا الذهول الذى يصيب بعض الاخوة من الشمال عندما يرون الإنتهازية الجنوبية و هى تمارس العهرة السياسية فى وضوح النهار-هولاء يا سيدى- تجار و سماسر الدم و لا يهمهم غير مصالحهم . هذه الانتهازية تعود تكوينها الى ما قبل المؤتمر جوبا لعام 1947 و بعد الإستقلاق, عملت الحكومات المتعاقبة على استقطاب بعض الفئات الجنوبية المتعلمة و تكونت النخبة الخرطومية الجنوبية و التى لا تعرف شئيا عن الجنوب و لا تربطها شئيا بالجنوب غير الاصول العرقية. مصلحة هذه النخبة ليست فى الجنوب, و بل و يمكن القول بان اجيال كاملة تقهم فى قضايا الجنوب و هم ليسوا بالجنوبين حيث ان موطن هولاء هو الشمال. للاسف الشديد, بعض ضعاف النفوس من هذه الشريحة لعبت دورا كبير فى مد عمر الانقاذ و ذبحة اهلهما فى الجنوب.
شوف من الذى كان يخاطب المسيرات, لام اكول و رياك قاى و بعض السلاطين الخرطومين الما عايزين الذهاب الى الجنوب .
Quote: المشكلة يا محسن حسع بقت في الانتهازيين (اكل باقي بيو) بتاع موتمر وطني من ابناء الجنوب
البلبسو البشير لبس بتاع السلاطين وبورو اسامي والسلاطين و لو قعد ديلشيون سنة ما يعرف عنهم حاجة
لانو اساسا مستعلي وما بتذكر الحاجات دي الا في وقت الشدة والزنقات....
القصة عندو اصبحت مافارقة معاهو وصاحبي داير يلحق سوق المناصرة السطحية ناسيا ان لهذه الاشياء دلالاتها الروحية والدينية والتاريخية ولها طقوسها ... |
| |
|
|
|
|
|
|
|
|
|
Re: بين الزعيم الثائر مانديلا والسفاح البشير (Re: Zakaria Joseph)
|
Quote: انا اتفهم جيدا الذهول الذى يصيب بعض الاخوة من الشمال عندما يرون الإنتهازية الجنوبية و هى تمارس العهرة السياسية فى وضوح النهار-هولاء يا سيدى- تجار و سماسر الدم و لا يهمهم غير مصالحهم . هذه الانتهازية تعود تكوينها الى ما قبل المؤتمر جوبا لعام 1947 و بعد الإستقلاق, عملت الحكومات المتعاقبة على استقطاب بعض الفئات الجنوبية المتعلمة و تكونت النخبة الخرطومية الجنوبية و التى لا تعرف شئيا عن الجنوب و لا تربطها شئيا بالجنوب غير الاصول العرقية. مصلحة هذه النخبة ليست فى الجنوب, و بل و يمكن القول بان اجيال كاملة تقهم فى قضايا الجنوب و هم ليسوا بالجنوبين حيث ان موطن هولاء هو الشمال. للاسف الشديد, بعض ضعاف النفوس من هذه الشريحة لعبت دورا كبير فى مد عمر الانقاذ و ذبحة اهلهما فى الجنوب.
شوف من الذى كان يخاطب المسيرات, لام اكول و رياك قاى و بعض السلاطين الخرطومين الما عايزين الذهاب الى الجنوب |
هلا يا زكريا وحبابك ياخي
والانتهازيون الجنوبوين يازكريا شغالين منشار في فترة الحرب وعندما كانت العمليات تحصد ابناء الوطن في الغابات كان هولا يبيعون سكر التموين بتاع اهل الجنوب في كوستي قبل ركوبه البابور..وهم فعلا عصابة استوطنت
وكل مصالحها الانتهازية ارتبطت بالشمال وتحاول ايضا حكومات الشمال الاستفادة منهم في تشويه الوجه والراي الجنوبي ...
ونحلم يا زكريا في زمن اتي يخلو منه الوطن من كل هولا المستهبلين تجار الحروب وتجار السلام
وكل الود
| |
|
|
|
|
|
|
|
|
|
Re: بين الزعيم الثائر مانديلا والسفاح البشير (Re: عبدالكريم الامين احمد)
|
Quote: وردة الفعل علي القرار فعلا وضعت واظهرت شرخا كبير وانو الامة السودانية دي لسع دايرة شغل كثير علي مستويات عميقة في القضايا البشكل حاجة اسمها وطن..
محتاجين لوعي سوداني مشترك مواكب لما حولنا عن حاجة اسمها الوعي بالانسانية والديمقراطيةوالمواطنة |
وهذا ما نفتقده يا كيكي وعي سوداني يعي دوره تماماً في قيادة البلد نحو آفاق أرحب وسلام مستدام ..
بلد تكون فيه جميع الحقوق متساوية في المواطنة والعيش الكريم ..
| |
|
|
|
|
|
|
|
|
|
Re: بين الزعيم الثائر مانديلا والسفاح البشير (Re: معتصم دفع الله)
|
Quote: وهذا ما نفتقده يا كيكي وعي سوداني يعي دوره تماماً في قيادة البلد نحو آفاق أرحب وسلام مستدام ..
بلد تكون فيه جميع الحقوق متساوية في المواطنة والعيش الكريم .. |
هلا يا معتصم
وبالتاكيد يا معتصم هذه هي القضايا الاساسية
الوعي بدور المواطنة وحقوق الاخريين وتصبح البلد ملكا للجميع
وساعتها السودان بلد موعود بخير ومستقبل كبير لما فيه من انسان وموارد وتعدد في كل الاشياء
| |
|
|
|
|
|
|
| |
عبدالكريم الامين احمد
كمال عباس
اسماعيل عمر ابراهيم
Yassir Tayfour
khaleel
Abdulbagi Mohammed
شول اشوانق دينق
osman righeem
Nader Abu Kadouk
خالد عبد الله محمود
Muna Khugali
هاشم نوريت
معتصم دفع الله
Inaam Saad
Zakaria Joseph
فيس بوك
تويتر
انستقرام
يوتيوب
بنتيريست