|
دعواتكم لزميلنا المفكر د.الباقر العفيف بالشفاء العاجل
|
|
 Re: وسنلتقي بالصنديد هشام هباني مساء الغد قي مركز اصدقاء البيئة...!!! (Re: عبدالكريم الامين احمد)
|
تحياتي عبدالكريم
السبب في تغيير البرنامج أو أن الأخ هشام سوف يصل
فجر الغد و ليس مساء الغد و بما أنه وقت مزعج لكثير
من الأخوان خاصة و أن الناس كلها شغالة فقد قرر العمدة
كمال سالم و الباشمهندس كيكي أن يحول لقاء الخميس الذي
كان متوقعا مساء الخميس بالمطار إلي نفس الوقت و التاريخ
و لكن في نادي أصدقاء البيئة ،،،
و الخطأ الذي حدث هو خطأ مني أنا و أعتذر عنه لكم جميعا
حيث أنني فهمت بالخطأ و أنا في الإمارات بأن موعد حضوره
سيكون مساء الخميس قبل أن يحجز و عليه فقد أخطرت كمال بذلك
و الذي قام بدوره مشكورا بفتح بوست الترحيب بمبادرة طيبة منه
غير قابلة للرفض و حدد موعد الوصول بناءا علي المعلومات الخاطئة
التي ذودته بها ،،، فأرجو المعذرة من الجميع ،،،
سيكون الأخ هشام خلال الفترة حتي موعد مركز أصدقاء البيئة بمنزلي
بالمطار القديم و ألف مرحب بكل من يرغب في لقائه مبكرا و التمتع
بملاح الرجلة المدنكل و المفاريك الحدث و كسرة الدوحة الرهيفة و
تلفوني تعرفونه أما تلفون هشام بالدوحة فهو 33806709
مع فائق شكري و تقديري
| |
 
|
|
|
|
|
|
|
|
Re: وسنلتقي بالصنديد هشام هباني مساء الغد قي مركز اصدقاء البيئة...!!! (Re: عبدالوهاب علي الحاج)
|
Quote: كيكي شكرا للبوست
وحمد لله على سلامة وصول البطل الصنديد هشام هباني ...
الرجاء إخفاء مواعيد رحلة العودة خوفا من عمليات القرصنة الجوية
وكماهو معلوم أخونا البطل الصنديد دا يعتبر من الثروات القومية |
هلا يا جقروتة لووووول
ويازول نصيحة من رهط بحبك الزول ده انا شفتو عيانا بيانا فحقو ترفع منو القزاز
لانو ماشاء الله اربعين متر ونص وفارع القوام والهووووك بتاعو ممكن يوديك الجكو بررررررررررراحة
------------
وفي انتظار مرورك وحضورك الي الدوحة الذي تاخر كثيرا يا عبد الوهاب علي الشهير بوهبة
| |
|
|
|
|
|
|
|
|
|
Re: وسنلتقي بالصنديد هشام هباني مساء الغد قي مركز اصدقاء البيئة...!!! (Re: saif massad ali)
|
هلا بالجميع وحبابكم في شوفة هشام هباني ومروره التاريخي بالدوحة والخليج عموما
وسعيد مساء امس الخميس كوننا شفنا ذلك الصنديد الفارع الطول الذي يطل من محياه هدؤ وتهذيب عالي
يحيرك زااااتو عندما تطل بالمخيلة سيرة كتابته البنت مجذوبية الصارخة لوووووووووول...
هشام هباني تجلت فراسته العالية واستطاع بكل سهولة من التعرف علي غالبية بورداب الدوحة.---
--
علي هامش الجلسة طلت الكثير من الاحاديث المرحة والونسة السودانيزية المعتقة
واطرف الاشياء هو اتهامنا لهشام بانه اتي للدوحة للتفاوض مع الحكومة لووووووول واتت هذه الجزئية عندما ذكرنا له ملاحظاتنا بانه
قد ترك الكتابة في الاتية اسمائهم
عبدالرحيم ابور يالة
جمال الوالي
وساعدونا بالصورة يا صوراب
| |
|
|
|
|
|
|
|
|
|
Re: وسنلتقي بالصنديد هشام هباني مساء الغد قي مركز اصدقاء البيئة...!!! (Re: بدر الدين الأمير)
|
فى حى العرب بأم درمان كان جارنا العم حسن عبد الرحمن شخص طويل القامه ضخم الجثه
عريض المنكبين له كفين بحجم المخده ,, ويلبس مركوب مقاس 60 بعد أن يفصل له تفصيل لعدم
وجود مقاسه فى كل الأسواق , يحكى أنه كان فى يوم من الأيام فى أحد زواج أقربائه وحدثت ( شكله )
خارج الصيوان كعادة تلك الأيام حينما كان هنالك شفوت متخصصين فى ( فرتيق ) الحفلات .
وما أن سمع العم حسن عبد الرحمن بالهرج والمرج فى الخارج إلا وأن أخرج من رجله فرده من مركوبه
وأرسلها مع أحد الصبيه قائلا له قل لهؤلاء الشفوت بالخارج صاحب هذا المركوب قال لكم إذا لم تغادروا
خلال دقيقه فإنه قادم لكم ,, وما أن رأى الشفوت فردة الحذاء ومقاسها العجيب إلا أن ولوا هاربين .
فلصديقى وهبه ومن لف لفه أقول والله لو شفتوا مقاس مركوب هشام هبانى ما حتقيفوا إلا فى القضارف .
زولك ياوهبه ضخم الجثه وعريض المنكبين ,, وإنت أبو أولاد وعندك قلب فعليك الله ماتفرتق الحفله .
لكنه فوق ذلك فهو كالنسمه رجل وديع ولطيف ومهذب ,, نتمنى أن نراه معكم فى بيت الفنون بعد فتح الخرطوم .
مرة أخرى ألف مرحب بالصنديد هشام هبانى فى الدوحه .
| |
|
|
|
|
|
|
|
|
|
Re: وسنلتقي بالصنديد هشام هباني مساء الغد قي مركز اصدقاء البيئة...!!! (Re: محمد عبدالرحمن)
|
Quote: لاشفنا هشام هبانى لاحضرنا كورة الهلال ..
لكن الهادى قريب منى حسب الوصف ..(بختف)
رجلى ليهو اليوم ان شاء الله ...
ياخ كفاية انو كيكى جا ..عادة احتمال انو يجى
1% ..الناظر سرو باتع الجاب كيكى ... |
هلا
وانت يا يابا ح اضيفك لمحمد السني دفع وح اعمل ليكم في رمضان ورشة عن كيفية البركنة الجيدة
رغم احتجاج احلام وهبي الا انني مصر علي هذه الورشة وفي نهاية الورشة ح اديكم حجابات بركنة لووووول
حتي تتحركوا بكل سهولة بدون كاني وماني من الرقابة الدولية...!!!
-------
وكيكي طلع امس فعلا من الجب وهباني صديق ضكران ياخي وهو قليل من رد الجميل لاهتمامه الاخوي في مشيتي وانا مقطوع الراس في امريكافكانت تلفوناته وتوجيهاته قد خففت الكثير من برد تلك البلدان العجيبة..
والليلة برضو كيكي جوووه منتدي الجمعة قاعد ومتحكر
اها شن قولك لوووول
| |
|
|
|
|
|
|
|
|
|
Re: وسنلتقي بالصنديد هشام هباني مساء الغد قي مركز اصدقاء البيئة...!!! (Re: عماد الدين عبدالله)
|
Quote: فلصديقى وهبه ومن لف لفه أقول والله لو شفتوا مقاس مركوب هشام هبانى ما حتقيفوا إلا فى القضارف .
زولك ياوهبه ضخم الجثه وعريض المنكبين ,, وإنت أبو أولاد وعندك قلب فعليك الله ماتفرتق الحفله . |
ياكمال سالم وياخليل
أي زول عندنا ليو نظام خاص لمن نوديهو الماسورة
الطويل والقصير ما بنرفع من زول
والزي هباني دا لو لاقاني في الغابة بيقول لي يابا
هييييييع تمساح جزاير الكرد
| |
|
|
|
|
|
|
|
|
|
Re: وسنلتقي بالصنديد هشام هباني مساء الغد قي مركز اصدقاء البيئة...!!! (Re: عبدالكريم الامين احمد)
|
والله يا ناس الدوحة حيرتونا
الفنانين شايلنهم
الفنانات شايلنهم
الشعرا شايلنهم
الساسة شايلنهم
ناس دارفور ساكنين سكنة
الرساميين شايلنهم
الادباء شايلنهم
ياخي كمان ما معقول تشيلو هشام هباني ده براكم
من وصفكم للماظر ده
انا بقترح تعملوهو (فكة)
وترسلو لينا منو في جدة
الرياض
دبي
مسقط
عشان نتشارك معاكم
اكرام الناظر
لانه بي صراحة
سودانيز اونلاين ده مدرسة كبيرة مليئة بالاساتذة
ولكل مدرسة ناظر واحد فقط
وناظرنا هنا هو الجميل هشام هباني
| |
|
|
|
|
|
|
|
|
|
Re: وسنلتقي بالصنديد هشام هباني مساء الغد قي مركز اصدقاء البيئة...!!! (Re: عبدالكريم الامين احمد)
|
Quote: هشام هباني تجلت فراسته العالية واستطاع بكل سهولة من التعرف علي غالبية بورداب الدوحة.---
--
|
كيكى
يعنى انت بتاكد على بداوة البدوى هشام
حتى لمن مشى امريكا بقى تكاسى عشان يتفرس
في شوارع المدن
لكن بينى وبيك البدوى عينو نجيضة
وصلت منزل اولاد سالم متاخر وكنت لابس
جلابية انصارية وطاقية ومركوب نمر بصحبة عبدالمنعم
الفكى و في جزء من الثانية وانا اصافحه قالى اهلا
بدرالدين الامير وبعد مصافحتى الجميع جلست مستنى
حضور هشام هبانى لاكتشف ان ذلك العملاق الطويل كان
هو هشام هبانى بس المحيرانى مسكنته حتى الرطانى
عزام فرح كان بكورك في هشام وبرسلو
تنهدات: ياحليل السودان العشمانين في ان يلمنا من الشتات
وبقينا بفضل مشروع الكيزان نفرح ونحزن ونلتقى في الشتات والمليون
ميل لن تسعنا حتى كقبور لحروبهم
| |
|
|
|
|
|
|
|
|
|
Re: وسنلتقي بالصنديد هشام هباني مساء الغد قي مركز اصدقاء البيئة...!!! (Re: عزام حسن فرح)
|
| Quote: (يا ناس الزول ده أبوهو مو إسمو الأمير ، الأمير صِفة جَدو في جيش الإمام المهدي |
يارطانى
انا جد جدى لابى كان قاضى القضاة في المملكة السنارية ولم تزل اسرتنا
تتوارث الككر اي كرسى قاضى القضاة في المملكة السنارية اما جدى
لامى كان احد فرسان المهدية وهل تعلم ان اربجى كمدينة اقدم من سنار
بحوالى 38 سنة واسرتنا هي الاسرة الوحيد الباقية من سكان اربجي القديمة
اي الاصليين يالك من رطانى داقس المهم بعدين ماتنسى كبدة الابل وهو اكان
ما عقاب زمن ايش عرف الرطانى بكبدة الابل ياخى خليك مع التركين والمحلوحة
وربنا يحفظ الكاهلية بت ابراهيم يامستلب
| |
|
|
|
|
|
|
|
|
|
Re: وسنلتقي بالصنديد هشام هباني مساء الغد قي مركز اصدقاء البيئة...!!! (Re: الهادي هباني)
|
Quote: يا شباب لقد تم إختطاف هشام اليوم قبل
الصلاة و أشك في شاعرنا عبدالإله زمراوي
فمن يعثر عليهما عليه تسليمهما لأقرب
بوردابي ،،،
و عموما سنكون منتظرين بالغداء حتي ساعة
أخري من الآن بعدها حا نتصل بالطوارئ ،،، |
هلا يا الهادي
والتامين يا الهادي بتاعكم مالو ياخي تعبان كده
وح ننتظر ساعتين لو الزول ده ما ظهر قوات الكوماندوز جاهزة للتدخل السريع ...
والله يا الهادي متشهين تلك الغدوات الكريمة المدنكلة ولولا بعد المشاغل لاقتحمنا داركم العامرة الان
وسنلتقي باذن الله يا ريس
| |
|
|
|
|
|
|
|
|
|
Re: وسنلتقي بالصنديد هشام هباني مساء الغد قي مركز اصدقاء البيئة...!!! (Re: Kostawi)
|
Quote: رسل مع الزول دا تيراب جرجير سوداني
بلا هباني معاكم |
اووووووووه الكرمبا العتيق
وبل راسك يا زول فانت الهدف الاستراتيجي القادم في خطة تكديك بورداب امريكا وجذبهم لزيارة الدوحة لوووول
وخليك عندك صبر وما تستعجل لتيراب جرجيرك لانو الخطة الشاملة انو يتسلم ليك في يدك صرة في خيط في الكرنفال بتاعك في اصدقاء البيئة
وفي يوم جيتك ياكوستاوي ليك علي افرش ليك الدوحة دي كلهاجرجير و (تيراب جرجير)
بس انت حن يا جن
| |
|
|
|
|
|
|
|
|
|
Re: وسنلتقي بالصنديد هشام هباني مساء الغد قي مركز اصدقاء البيئة...!!! (Re: عبدالكريم الامين احمد)
|
قاتل الله البعد ومن ثم الشفتات ( الورديات ) طبعا كيكى وكمال سالم ضاربين لخمة كالعادة من زهجى من كيكى ما قاعد اخشو بستاتو ، المهم رتبت نفسى على الجمعة حسب الاعلان الاول ، يا زول المهم حوالى الساعة ثمانيه إلأربع صوت هبانى المايغبانى من هاتف طويل العمر هارون دياب ، قائلا وينك يا الأقرع سبحان الله قلت ابو احمد موعدنا الجمعة قال لى الناس المطرطشين ديل غيروا الموعد المهم سلام شديد و اعتذار من قبلى بانى على الدوام علاوة على ان فى البيت ضيوف هذه و واحد.الثانيه قبل صلاة المغرب من عصريه الجمعة توجهت الى بيت شيخ العرب اخونا الهادى الهبانى بحى المطار وبما اننى زول بر وخلآ بعد جهد جهيد وصلت البيت ، غايتو يا هو هشام هبانى الخلوق الودود الذى تحدثت معه ساعات طوال على الهاتف .
هشام ده اكان سلموه ناس الأنقاذ ديل كلهم بقول ليهم فى النهاية اذهبوا فانتم الطلقاء ، التحية و التقدير لكل من جعل مشاهدة ود هبانى ممكنه ، ومرحب بالنسيب هشام هبانى .
فات على حاجة هشام قال و الله يا هجو كنت فاكرك زول عجوز بحسب سنين الغربه التى اتحدث عنها ، قلت له يا هشام وصلنا هنا ونحن فى اعمار الزهور مش ذى ناس كيكى و بدر الدين الامير .
| |
|
|
|
|
|
|
|
|
 Re: وسنلتقي بالصنديد هشام هباني مساء الغد قي مركز اصدقاء البيئة...!!! (Re: عبدالكريم الامين احمد)
|
ياخ الزول دا مـوبالغة خلعنى ليكـ عديل,,,,
قلت ليهو انا جيت شان اوقع معاكـ اتفاقية شاملة بخصوص الالفاظ والذى منـو وتعتبر دبـى دى بمثابة عمـرة
والدوحــة دى حجة وترجع كـمـا ولدتك امك عافى مـعافى ونحن نعرف نتداخل معاكـ,,,
قال لى لكـن فى اطراف ماموجوديين انا اوقع ليكم براى?
قلت انا بوقع يابـة عنهم,,,
,اميرة الشيخ,,,اميرة الشيخ,,,خالقة فوضى وجوطة قايلك مرة كـبيرة ... طلعتى اشاعة ,,,,,,,,
الليلة ووووب
_____________________-------
قصد بالاطـراف تمـبس ووهبة,,,
| |
|
|
|
|
|
|
| |
عبدالكريم الامين احمد
الهادي هباني
خالد المحرب
عبد المنعم سليمان
كمال سالم
Mutwali Malik
عبدالوهاب علي الحاج
عزام حسن فرح
دينا خالد
اسامه خليفه
saif massad ali
بدر الدين الأمير
khaleel
كمال علي الزين
عماد الدين عبدالله
محمد عبدالرحمن
ناصر المحسى
Ahmed musa
SHIBKA
جمال السنوسي
معاوية عوض الكريم
عثمان عووضة
أبو ساندرا
Kostawi
هجو الأقرع
haroon diyab
محمد إبراهيم علي
كمبورة
Mahjob Abdalla
فيس بوك
تويتر
انستقرام
يوتيوب
بنتيريست