دعواتكم لزميلنا المفكر د.الباقر العفيف بالشفاء العاجل
|
|
 ود الباوقة نجم الاوكمابويات بدون منازع...!!!
|
الحق يقال
ورغم كوزنته الباينة بينونة كبري ..ورغم زنقاته التكرونية الفريق الا ان ود الباوقة في
سلسلة بوستاته الاوكمابوية عبر بها وبروح مرحة وعالية عن خط تنظيمه الذي اعتقد انا بانه مكابر ودايس الابنص بدون رحعة,,
ولكن الشاهد بان ود الباوقة شحن خطابه بروحة دراما الفنتازيا الاسفيرية..
دعوي لتفكيك الاوكماببويات عند ود الباوقة وربطها بالاحداث هنا وهناك...!!
فبصراحة ورغم اختلافي العميق معه الا ان شغله بصراحة عاجبني وحركاته وبركاته وتقريعاته مصدر تلفون يومي من اخ وصديق جميل
يكاد يموت ضحكا من مداخلات الكوز المخلوع اجلا او عاجلا ود الباوقة
|
|
 
|
|
|
|
|
|
|
 Re: ود الباوقة نجم الاوكمابويات بدون منازع...!!! (Re: عبدالكريم الامين احمد)
|
ود الباوقة في فنتازيته تلك
يعتمد علي ملكة التقريع. الشديد المفاجي ويجاوز ذلك بالمفردة من الواقع السوداني ومفردات من ارض الخليج
لذا تكاد تري زغرطي وخرطي وفرطوق و هريطيق وامس دخل الملعب مفردة جديدة هي زغزغوني عندما وصف بها احد البوستات
وينبرش الطرور
ولكن اكثر اللقطات التي تجعلك تضحك اربعة وعشرين ساعة
هي
وهي التي علق عليها ود الباوقة بي
Quote: هيييييييييييييييع..
تمساح الدميرة الما بكتلو سلاح ... |
مشكارك عينة يا ود الباوقة
| |
|
|
|
|
|
|
|
|
|
Re: ود الباوقة نجم الاوكمابويات بدون منازع...!!! (Re: د.نجاة محمود)
|
Quote: ود الباوقة من الطف واكثر الناس مرحا وخفة دم
اليشوفو يقول رباطابي موش جعلتي
|
هلا بيان
وعارفة يا بيان ناس زي ود الباوقة ومهما كان شكل الاختلاف العميق معهم
لكن لا تجد ادني حساسية او مقاومة في التامل والضحك العميق في طريقتهم المرحة
ونشكر اوكمابو الذي جعل من ود الباوقيات ممكنة
وورح زي دي مطلوبة تماما فهي بتذوب اشياء عديدة وتقلل الصدام السلبي
| |
|
|
|
|
|
|
|
|
|
Re: ود الباوقة نجم الاوكمابويات بدون منازع...!!! (Re: فدوى الشريف)
|
| Quote: كامل تضامني مع ود الباوقة في تطنيشه للهجمات الكيكية |
مرحب فدوي
وحبابك
ومافي هجمات يا فدوي ولا ينبغي لها ان تكون عبر هذه السكة..
نختلف مع ود الباوقة في العام السياسي وواقع السوداني
ولكن استايله وطريقة ادائه لخطابه الاسفيري وجدت نفسي متوقفا فيها لانها بالجد مشحونة بمرح واريحية
ويجبرك علي التامل فيها...
فمافي هجمات كده لمن ينضمو بيها
ولو لقيتي مطرف قولي ليهو تعال ياخ اتونس وما تخاف
ما حنوديك لاهاي مع تمساح الدميرة سوي
| |
|
|
|
|
|
|
|
|
|
Re: ود الباوقة نجم الاوكمابويات بدون منازع...!!! (Re: ود الباوقة)
|
Quote: قصدك تطفيش الهجمات ..
كيكي بيلعب من العمق وهذا يسهل مهمتنا كثيرا في تطفيش هجماته ( بالتكتل ) الدفاعي .
لكن الخطورة تكمن في الفريطيق ( بيلعب ) من الاطراف وبيعكس ( باللفت ) ودي المشكلة كبيرة جدا..
شكرا كيكي وعلى الوعد نلتقي ... |
هلا يا ود الباوقة
وحبابك
ويازول مع اعلان تاريخ 4 مارس خطة اللعب كلها اتغيرت
فالهجمات ماحتكون من العمق..بل حنعتمد علي التهديف من خارج المرمي واللعب بالاطراف علي طريقة دينق
مع احتمال حضور دكتور بلة لانو بجيد المراوغة في خط ستة والتهديف ...
| |
|
|
|
|
|
|
|
|
|
Re: ود الباوقة نجم الاوكمابويات بدون منازع...!!! (Re: Deng)
|
ود الباوقة يا شباب انتو ما بتعرفوه كما نحن اهله وبوردابه
ود الباوقه داير يبقى انتهازى ولكن هنالك حاجات تانى حاميانى
اول شى الشغله ما بتشبهوا وتانى ما بعرف ليها
ود الباوقه زول معاكساتى ساكت
ود الباوقة داير يؤكد لى ناس المؤتمر الوطنى انه منهم
لان الزول ده درس بالعراق وكان بعثى لايشق له غبار..
ود الباوقة كبد الاسلاميين ديل فى الثمانينات خسائر فادحة فى الارواح والعتاد
وهو يحاول ان يكفر عن سئياته...
وهم جنهم جن الناس الزى ديل ما بصدقوهم لو استتيبوا الف عام
عشان كده تشاهدون تلك المكابدات المريرة..
ود الباوقة يحاول محاولات مستميته لاقناع نفسه بانه اصبح كوزا...
ود الباوقة قدامك ووراك عديله..
لاعلاقة بين ود الباوقة وغريبه حيث ان امام غريبه مليون سنه ضوئية ليفهم
ما تكتبون هنا،حيث يقول المثل
الليل والنهار واحد على العميان واللوم والشكر واحد على الغبيان،،
| |
|
|
|
|
|
|
|
|
|
Re: ود الباوقة نجم الاوكمابويات بدون منازع...!!! (Re: Deng)
|
Quote: أنت في ود الباوقة ولا في صلاح غريبة العمل حمد لبد.
|
تعرف يا دينق في نقاش مع دكتور سيف النصر
اتفقنا معا في احد البوستات بان الاسفير الكيزاني صلاح غريبة او بلاش...
بجدع بوست وبعمل لبتن تقيل ليصحو الناس علي بوست اخر..غريبة مااااشي...
غريبة زول تفتيحة يا دينق وبكون عرف الموضوع بايظ
واتوقع انو يظهر في اي لحظة ويعلن انضمامه للموتمر الشعبي واحتمال كبير العدل والمساواة
| Quote: بعدين حرارة قلب ود الباوقة دي كانت وين لمن البلنجة دورت في أجتماع الرياض؟ |
معقول ياود الباوقة ياخي
وين ياخي حكاية تمساح الدميرة الما بكتلو سلاح
وون هيييييييع زاااتها...
| |
|
|
|
|
|
|
|
|
|
Re: ود الباوقة نجم الاوكمابويات بدون منازع...!!! (Re: عبدالكريم الامين احمد)
|
كيكي يا جميل
كيف حالك ياخي
انا اسكن في نفس الحي الذي يسكن فيه ود الباوقة ودائما ما نلتقي
وحقيقة ود الباوقة من اظرف الشخصيات التي التقيت بها
وازيدك عندو ضحكة جميلة جدا والله انا مخصوص اضحكو عشان اسمع ضحكتو الجميلة
صدقني يوم الا اسجلها واجي افكها ليكم هنا
ود الباوقة كريم شهم مبادر باختصار اخو اخوان وما فيهو عيب سوى انو مؤتمر وطني
| |
|
|
|
|
|
|
|
|
|
Re: ود الباوقة نجم الاوكمابويات بدون منازع...!!! (Re: khaleel)
|
ودعمي ..
اعلم ان قلبك ابيض من حليب الابل واصفى من الشربوت
ياحليل زمن الشربوت يا ود عمى
تتذكر يوم الشربوت طار ليك فى راسك
وساعة صحيناك للعشاء بقيت تبكى لى الصباح وتلوم فينا
كيف اننا اكلنا المرارة وخليناك ونحن يومها ضابحين ديك
ياحليلك قبال تبقى مؤتمر وطنى...
الله يصرف الكان السبب،،،
| |
|
|
|
|
|
|
|
|
|
Re: ود الباوقة نجم الاوكمابويات بدون منازع...!!! (Re: صديق الموج)
|
ياحليل زمن الشربوت يا ود عمى
تتذكر يوم الشربوت طار ليك فى راسك
وساعة صحيناك للعشاء بقيت تبكى لى الصباح وتلوم فينا
كيف اننا اكلنا المرارة وخليناك ونحن يومها ضابحين ديك
ياحليلك قبال تبقى مؤتمر وطنى...
الله يصرف الكان السبب،،،
ود عمي ود الموج ..
كيلو الدهب بي كم ؟؟؟
| |
|
|
|
|
|
|
|
|
 Re: ود الباوقة نجم الاوكمابويات بدون منازع...!!! (Re: khaleel)
|
يا كيكي
سلامات
زولنا ود الباوقة دا
والبعثي السابق
اصبح انتهازيا فاشلا ...
لحد هسع ما قبض اي حاجة ...
وناس المؤتمر الوطني بالرياض .. قاتلين الجدادة وخامين بيضها ...
...
اما موضوع انه راجل طيب واخو اخوان دي ما فيها كلام ....
وبجيك بي روقة ..باقي الراجل نسيبي.. والنسب قشة في العين
| |
|
|
|
|
|
|
|
|
 Re: ود الباوقة نجم الاوكمابويات بدون منازع...!!! (Re: حمزاوي)
|
Quote: أخي العزيز كيكي
مسكاقمي
تعرف يا كيكي اذا جلست مع ودالباوقة تستغرب وتقول الزول دا ماهو البيكتب في المنتدي
زول ظريف واخو اخوان
وعنده حكاوي لذيذه خلاص
بس نقول شنو يا كيكي اخوي
|
ياشيخ حمزاوى سلام
كمان لو شفت الود كيكى دة فى الطبيعة (الغنماية تاكل عشاه)
تشوف الفلسفة دى تقول الله يورينى الشخشية
عامل فيها ولا عوض ابراهيم عوض
| |
|
|
|
|
|
|
|
|
|
Re: ود الباوقة نجم الاوكمابويات بدون منازع...!!! (Re: معتصم دفع الله)
|
Quote: ود الباوقة داير يؤكد لى ناس المؤتمر الوطنى انه منهم
لان الزول ده درس بالعراق وكان بعثى لايشق له غبار..
ود الباوقة كبد الاسلاميين ديل فى الثمانينات خسائر فادحة فى الارواح والعتاد
وهو يحاول ان يكفر عن سئياته...
وهم جنهم جن الناس الزى ديل ما بصدقوهم لو استتيبوا الف عام |
يا دوب انا فهمت ليه ناس السفارة "دردقوه" في موضوع الدفن يوم الاربعاء و زاغوا منه.
تستاهل.... في زول عاقل كدا بيصدق ليهو كوز !!!!
| |
|
|
|
|
|
|
|
|
|
Re: ود الباوقة نجم الاوكمابويات بدون منازع...!!! (Re: علي الكرار هاشم)
|
Quote: نحن نتابع وعلي استعداد بالتدخل السريع لحماية زولنا
|
هلا يا علي الكرار
وزولكم ده خلاص اقنعو منو
جبنا الورشة وعملنا تيم دولي بقيادة الموج -دينق
لتخليصه وانقاذه من امر غرقان سفينة نوح بعد 4 مارس
فبالله شوفو ليكم شغلة تاني او امشو فتشو صلاح غريبة اللابد ده
وخليهو يجي يمسك الشغلة الاوكمابوية دي
| |
|
|
|
|
|
|
|
|
|
Re: ود الباوقة نجم الاوكمابويات بدون منازع...!!! (Re: حمزاوي)
|
Quote: تعرف يا كيكي اذا جلست مع ودالباوقة تستغرب وتقول الزول دا ماهو البيكتب في المنتدي
زول ظريف واخو اخوان
وعنده حكاوي لذيذه خلاص |
بالتاكيد يا حمزاوي والجواب باين من عنوانه
ولكن ياخي مادام الزول ده جبنكم ما تشوفو ليهو طريقة يتخارج من بني كوز ديل قبل يوم 4 الشهير
الراجل نفسو اتقطع ياخي ههههه
| |
|
|
|
|
|
|
|
|
|
Re: ود الباوقة نجم الاوكمابويات بدون منازع...!!! (Re: ahmed haneen)
|
Quote:
لحد هسع ما قبض اي حاجة ...
وناس المؤتمر الوطني بالرياض .. قاتلين الجدادة وخامين بيضها ...
...
اما موضوع انه راجل طيب واخو اخوان دي ما فيها كلام ....
وبجيك بي روقة ..باقي الراجل نسيبي.. والنسب قشة في العين |
هلا يا احمد
وبالله تعال ياخي ويدكم معانا
ولازم نعمل لجنة دولية لنصرة ود الباوقة..
اما ناس الموتمر الوطني في الرياض يعطو ود الباوقة نصيب الاسد من ثروة وسلطة التنظيم
او نعلنها عليهم حرب شعوا
الراجل ما مقصر تب وشغال ما شاء الله اسفيرا زي الدربكين
| |
|
|
|
|
|
|
|
|
|
Re: ود الباوقة نجم الاوكمابويات بدون منازع...!!! (Re: الأمين عثمان صديق محمد)
|
Quote: انا اسكن في نفس الحي الذي يسكن فيه ود الباوقة ودائما ما نلتقي
وحقيقة ود الباوقة من اظرف الشخصيات التي التقيت بها
وازيدك عندو ضحكة جميلة جدا والله انا مخصوص اضحكو عشان اسمع ضحكتو الجميلة
صدقني يوم الا اسجلها واجي افكها ليكم هنا
ود الباوقة كريم شهم مبادر باختصار اخو اخوان وما فيهو عيب سوى انو مؤتمر وطني |
هلا يا الامين حبابك
وبلاش ياخي تجيب لينا صوت الزول ده
هو حسع كده فاتح فينا علب تقيلة ...
تعرف في كل الاحياء والفرقان والمدن كثار جدا ناس علي نمط ود الباوقة
في الكورة وفي السياسة
ودائما ومهما كانت درجة الاختلاف لن تجد سوي الابتسامة والضحك والقلب الابيض...
والحمد الله الطلع بتاع سياسة
ده لو كان مريخابي كنا خلينا ليهو المنبر ده
ومادام الزول ده حيكم واحد بالله اشتغل معاهو كويس وخليهو يختا سكة
الموتمر الوطني الما جايبة تمنها دي
| |
|
|
|
|
|
|
|
|
|
Re: ود الباوقة نجم الاوكمابويات بدون منازع...!!! (Re: عبداللطيف حسن علي)
|
Quote: كيكي انا جاي اقول ليك انت مجاني بشكل عجيب !
ــــــــــــــــــــــ
اسع الورا الشجرة داك يقول خايف منك ! |
هلا ياعبداللطيف ياخي..
ياخي انا بالجد كنت متوقع زي حديثك ده من بدري خلاص في البوست ده
لكن الحمد الله جيت انت وقلتو....
تعرف يا لطيف الزول فينا بفرز ما بين الخاص والعام...وما بين السياسة واسقاط خلافها علي الشوون الاخري
والبوست ده انا عملتو لانو حقيقي استايل ود الباوقة وطريقته شدت انتباهي رغم انو شاحن طريقته باشياء انا
ضدها وبختلف معاه..(دي الحقيقة بالنسبة لي عاوزني اقمعها جووواي لصالح شنو ومنو ولييييييييييه..؟؟؟؟)
هل لانو كوز فقط؟؟
ام هل تعتقد بانها طريقة لك انت راي مخالف لراي فيها,,..؟؟
طبعا بكون مجاني وقامع لاشيائي الخاصة يا لطيف لو ما اتصالحت مع حاجاتي وشحتنها بشحنة تلوي عنقها
وبلعتها خلف الكيبورد لصالح نصرة خطاب ما...
اعتقد بان نصرته يجب ان تكون بالتسامي وتحرير الاشياء الذاتية وتحويلها لنقاط قوي
دعوة للتامل يا عبداللطيف ثم نتمني في عودة للنقاش تحت مظلة الاريحية العالية..
ولو داير لخبتة تعال بكرة وجيب اللنك وخلينا نتلخبت....
بعدين يا وريف الخلف الشجرة
ديك ولا داك..؟؟؟
خليك واضح ياجميل
| |
|
|
|
|
|
|
|
|
|
Re: ود الباوقة نجم الاوكمابويات بدون منازع...!!! (Re: عبدالكريم الامين احمد)
|
Quote: هلا ياعبداللطيف ياخي..
ياخي انا بالجد كنت متوقع زي حديثك ده من بدري خلاص في البوست ده
لكن الحمد الله جيت انت وقلتو.... |
المجانية دي حقت الشعراء ، خاصة.
ممكن يحولو حالة حب فاشل حادة الي متعة ادبية يشيد بها الناس ويجدو فيها انفسهم علي حسابه هو
ولانك انت دا اتجاهك بصورة تانية ، بلون خاص ، ما استغربت ، لكن اندهشت انك
تقدم متعة الكتابة علي ماعداها!
وكنت فعلا عايز اخش من بدري لكن معارك دون كيشوت استهلكتنا في الفارغة(*)
ياخي ود الباوقة فعلا زول ظريف وبوستاته ممتعه رغم اختلافنا معاه
بس الجراة في التناول وباستقلالية كافية زي حقتك دي ادهشتني ولم اجد غير
الجاهيزية المفاهيمية حقتنا دي وقلن ليك مجاني ..وانت فهمت المقصود بسهولة
كما توقعت لكن برضك مافهمت حكاية الورا الشجرة ( دي نكته عايزة الخاص! )
Quote: طبعا بكون مجاني وقامع لاشيائي الخاصة يا لطيف لو ما اتصالحت مع حاجاتي وشحتنها بشحنة تلوي عنقها
وبلعتها خلف الكيبورد لصالح نصرة خطاب ما... |
لصالح نصرة خطاب ما تكفي جدا ، وعصفورين بحجر ، دعم اواصر الزمالة الكيبوردية وتقديم الخطاب الاخر مندغما
فيها!
ودمت يا مجاني !
| |
|
|
|
|
|
|
|
|
|
Re: ود الباوقة نجم الاوكمابويات بدون منازع...!!! (Re: عبداللطيف حسن علي)
|
Quote: وكنت فعلا عايز اخش من بدري لكن معارك دون كيشوت استهلكتنا في الفارغة(*)
ياخي ود الباوقة فعلا زول ظريف وبوستاته ممتعه رغم اختلافنا معاه
بس الجراة في التناول وباستقلالية كافية زي حقتك دي ادهشتني ولم اجد غير
الجاهيزية المفاهيمية حقتنا دي وقلن ليك مجاني ..وانت فهمت المقصود بسهولة
كما توقعت لكن برضك مافهمت حكاية الورا الشجرة ( دي نكته عايزة الخاص! )
|
هلا يا عبداللطيف
وحبابك
انت عارف يا عبداللطيف التجربة ام دق في سودانيز اونلاين اتعلمنا منها انو لمن الواحد يجي يكتب ليهو بوست فيهو خيوط مشبكة زي دي اول شي قبل ما تجر فيهو اي كدنكة ضروري تمتلك فلسفة البوست وروحه ومقدرة علي الدفاع عن فكرته وتخليهو متماسك مع متبقي حاجاتك كلها ودي الوقود البتخلي الواحد يستمتع بكتابته قبل الاخريين(معليش ياخي بكون فكيتها فيك طبعا وفي روحي كمان)..
والكتابة شعر او كركبة زي حقتنا دي لو بقت ماعندها فكرة او رسالة اتخيل لي بتكون بعبصة حروف ساااكت
مهما كانت درجة اتقانها وتجويدها لغويا...عشان كده اخوك منتمي للشاعر البكتب في قصة الشاكوس البقطع القلب
وفيهو نقل حاجاتو الحقيقية بكل تصالح دون الالتفات الي نظرة الاخريين المشفقين او المضامنين..المهم هو تثبيت الحالة في شكل نقة مكتوبة...
ومجاني دي حنضيفها الي باقة (عضة الكلب) والحساب ولد .. بيننا لنك انت ضنين بالوعد به
وبالله اجدع لي حكاية الورا الشجرة دي حسع خلينتي مشيت جبتها من سير المعارك الدون كيشوتية ساااكت
وظلمت (ديك) ساااكت وانت طلعت قاصد (داك)
وتسلم يا دون كيشوتي
| |
|
|
|
|
|
|
|
|
|
Re: ود الباوقة نجم الاوكمابويات بدون منازع...!!! (Re: د.نجاة محمود)
|
| Quote: كيكي عينك على الكورة..سمح؟ |
هلا يا بيان
وحبابك
وماتشيلي هم يا بيان الكورة مربوطة بخيط قصيررررررر في الرجل اللفت كمان
ووعين واقعة فيها والعين التانية هناااااااااااااك....
بالمناسبة تم اعلان يوم الجمعة السابقة الدكتور سعاد
كاحسن زول في العالم بيعرف يعمل قراصة...
كما تم اعلان اخوك احمد كاحسن زول بيعرف يتونس في العالم
زرتهم في البيت وقضينا صباحية دسمة وطلعت محمل بما خف وزنه وغلا دسامته من القراريص الشايقية
| |
|
|
|
|
|
|
|
|
|
Re: ود الباوقة نجم الاوكمابويات بدون منازع...!!! (Re: Rawia)
|
Quote: عندي سؤال لود الباوقة
زمان كان عندو بوست إسمه الكرادة او( الكرادة مريم)
نفسي أعرف كان قاصد بيهو شنو؟ |
هلا ياراوية وحبابك
وبيني وبينك اسامي كثيرة بجيبها ود الباوقة هنا ده محتاجة لكتلوج معاها
فياريت يجي يشرح لينا الكرادة دي
وبالمرة يشرح لينا طرموني برموني كمان
| |
|
|
|
|
|
|
|
|
|
Re: ود الباوقة نجم الاوكمابويات بدون منازع...!!! (Re: عبدالكريم الامين احمد)
|
Quote: بالمناسبة تم اعلان يوم الجمعة السابقة الدكتور سعاد
كاحسن زول في العالم بيعرف يعمل قراصة...
كما تم اعلان اخوك احمد كاحسن زول بيعرف يتونس في العالم
زرتهم في البيت وقضينا صباحية دسمة وطلعت محمل بما خف وزنه وغلا دسامته من القراريص الشايقية |
والله مشكور يا كيكي مشيت زرتهم وبيتهم نور زهور وزينة
زمان سعاد اختي دي عايزة تقلب قراصة صبة خمسة بوصة وقعت منها في الارض
امي قالت ليها : ايه وا سجمي اماني ماكي شليقي القراصي ما بقلبوها كدي يا خرابي
طوالي سعاد قالت يها انت بتعرفي ترفعي كراع الحصان ولا ترمي التور؟؟
(سعاد دكتورة بيطرية)
اما محمد الذي يدخرالونسات لمن يحبهم من الناس بيكون عجبتو حتى يطلع من تحت عربيتو
يوم الجمعة..(بيشتري عربات تعبانة عشان يلقى موضوع يوم الجمعة)
3 جمع معاهم وانا في حالة شوليت من البيت لتحت العربية...
لما وصلت هنا قلت لسعاد عربية محمد ما ربعنت؟
| |
|
|
|
|
|
|
|
|
|
Re: ود الباوقة نجم الاوكمابويات بدون منازع...!!! (Re: Rawia)
|
زمان كان عندو بوست إسمه الكرادة او( الكرادة مريم)
اختنا راوية...
سبق ن كتبت بوست بعنوان الكرادون يتبعهم الغاوون وتحدثت عن ظاهرة الكرد في المنبر من قبل
الكرد من قبل بعض الكرادين . وقد استدللت بالكرادة مريم حيث انها اول امراة تتعرض للكرد
وهي برضو من الاحياء الراقية في بغداد ...
شكرا راوية ...
| |
|
|
|
|
|
|
|
|
|
Re: ود الباوقة نجم الاوكمابويات بدون منازع...!!! (Re: معاوية الأرباب)
|
Quote: ياحليل زمن الشربوت يا ود عمى
تتذكر يوم الشربوت طار ليك فى راسك
وساعة صحيناك للعشاء بقيت تبكى لى الصباح وتلوم فينا
كيف اننا اكلنا المرارة وخليناك ونحن يومها ضابحين ديك
ياحليلك قبال تبقى مؤتمر وطنى...
الله يصرف الكان السبب،،، |
ود الموج سلامات
الله يجازى مجنك ضحكتنى والله
كيكى كيفنك ؟؟؟
بوست لذيد ياخ
| |
|
|
|
|
|
|
|
|
|
Re: ود الباوقة نجم الاوكمابويات بدون منازع...!!! (Re: فدوى الشريف)
|
| Quote: ود الباوقة كيكي قلب مؤتمر وطني ولا لسة؟ |
هلا يا فدوي
ونفسي ياخ احقق ليك الحلم ده
ولكن عشرة ايام ما بتكفي يادوبك افصل لي شال
ولا اشوف لي جلابية بيضاء مكوية ولا اجهز الكرش ولااشوف لي ولاية مطرفة الهط فيها
ولا اعمل شنو ياخي..؟؟
عليك الله وريني عشان الحق سفينة الانقاذ التي سارت ولا تبالي بالرياح دي
| |
|
|
|
|
|
|
| |
عبدالكريم الامين احمد
فدوى الشريف
khaleel
Deng
صديق الموج
ahmed haneen
احمد التجانى احمد
معتصم دفع الله
علي الكرار هاشم
عبداللطيف حسن علي
عبدالوهاب علي الحاج
osman righeem
Balla Musa
Rawia
معاوية الأرباب
حواء سليمان ابراهيم
Yassir Tayfour
فيس بوك
تويتر
انستقرام
يوتيوب
بنتيريست