دعواتكم لزميلنا المفكر د.الباقر العفيف بالشفاء العاجل
|
|
 هل هنالك قابلية لصناعة دوبليرهات للبشير.....!!
|
دوبليرهات او دوبليرين كلو ماشي..!!
ولكن السؤال الذي يطرح نفسه هل امكانية التشابه في الاوجه والاشكال السودانية تتيح مجالا لايجاد
كمية معتبرة من الدوبليرين تتيح تغطية امنية للبشير في حالة اعلان القبض عليه من قبل المحكمة..؟؟
في اواخر عهد الريس صدام كثير الحديث عن اشباه صدام او شبيهن للصدام يجوبون الطرقات في بغداد
ويودون مهام الريس في اللمات العامة كتغطية ومحاولة لحماية الشخصية الرئيسة..!!
وفي صناعة السينما عموما يوجد كثيرا من هذا النوع من الاستنساخ السطحي للممثلين والممثلات الكبار
في لحظات اداء المهام البالغة الخطورة...!!
نحن نري شعوب الصين واسياعموما متشابهين كما التعاريف وكثيرا منهم يبدو كما البيست والكوبي
للاخر...والغريب في الامر ايضا في دول المهجر كالخليج يفتي الكثيرين بان السودانين كالتعاريف الافريقية ايضا..وكل زول بشبه التاني ويصرون علي هذا بطريقة قاطعة..
|
|
 
|
|
|
|
|
|
|
|
Re: هل هنالك قابلية لصناعة دوبليرهات للبشير.....!! (Re: عبدالكريم الامين احمد)
|
ولكن في مثل هذه الحالات التي امامنا
يكون الامر اكثر تعقيد ودقة..وفالشخص المراد ايجاد بديل له له ملامح واضحة وطلته اليومية في الاعلام
تجعل الجميع يحفظ تفاصيلها عن ظهر قلب
الشكل العام
اللون
الضحكة
الكشيرة
المشية
الحجم
طريقة الكلام ان اطلب الامر كذلك
وايضا التدرب علي البروتكول الرئاسي بطريقة عميقة...
البشير رئيس دولة لمدة عشرين سنة وبالضرورة انه هضم هذا الامر وتعمق فيه واصبح روتيني بالنسبة له
ولكي تجد شخصا يودي هذا المهام بنفس الطريقة سيكون في غاية الصعوبة ويحتاج الي الكثير من التدريب
| |
|
|
|
|
|
|
|
|
|
Re: هل هنالك قابلية لصناعة دوبليرهات للبشير.....!! (Re: عبدالكريم الامين احمد)
|
سلام كيكي
أها عائز تقطع رزق " الغنايات" ويبقي عليهم البقي علي ثياب أوكامبو?
أنت ماك عارف أنو الجماعة حا يقوموا بعد كدة بتجهيز عدة كبير من الدوبليرات ويكون الاختبار الحاسم هو إجادة الرقص!! طبعا سيقوم الجماعة
با أعتقال المغنيات ومصادرة المعروض من دلاليك وطبل في السوق للشروع
في تدريب الدوبليرات ...وسوف تحبس التعلمجيات في دورة تدريبية صارمة
بس أوع تفهم مسألة التعلمجيات دي غلط ..التعلمجيات دي مامهمتم أجراء
تمرينات عسكرية في كيفية المشي والوقفة والتحية العسكرية والحفاظ
علي اللياقة البدنية لا دي مسألة ثانوية ياكيكي.. مهمة التعلمجيات هنا
هي الحرص علي أجادة الدوبلير لفنون الاهتزاز والرقص !!
وطبعا ستقوم المغنيات والتعلمجيات بهذه المهمة الوطنية ملح ساكت يعني
مافي مقابل!!
| |
|
|
|
|
|
|
|
|
|
Re: هل هنالك قابلية لصناعة دوبليرهات للبشير.....!! (Re: kamalabas)
|
Quote: با أعتقال المغنيات ومصادرة المعروض من دلاليك وطبل في السوق للشروع
في تدريب الدوبليرات ...وسوف تحبس التعلمجيات في دورة تدريبية صارمة |
هلا يا ابوكمال
وفعلا ده المتوقع رغم انو الجماعة ديل تاريخهم مخزي في التدريبات الزي دي
فيحكي يا ابوكمال بان البشير مشي الصين ذات يوم وفي المطار
جابو بت صغيرة شايلة سبت وفتحت السبت طلع بغبغاء صيني اتكلم عربي سوداني زي الترتيب
وقال مرحب بالريس السوداني في بلده الشقيق...
طيلة الرحلة الريس راسو مقطوع وبفكر بس في حكاية البغبغاء الصيني الاتكلم زي الزول السوداني..
لمن جاء راجع في اول اجتماع نور الجميع سريع سريع عن الرحلة ولكن قال ليهم المهم في الموضوع
انو الريس الصيني ده جاي قريبات دي..!! فلازم تشوفو بغبغاء من اخر الدنيا وتخلهو يتكلم صيني
ونرد الجميل للناس ديل..
والدنيا اتلبجت (لجان شعبية) وناس الامن وقوات الدفاع الشعبي وكل الكورجة دي طلعت تفتش عن بغبغاء
لزوم التعلميات الرئاسية..
في النهاية وبعد تعب لقو واحد (ست عرقي) كده اسمها عشة عندها بغباء قاعد يساعدها في التحذير من الكشات البوليسية..
جابو عشة دي دقوها وقلعو منها البغبغاء ودخلو ليك دورة في الصيني لمدة شهر
البغباء بقي يتكلم صيني زي السم..وادرب علي (مرحب بالريس الصيني بالصيني زي ديشليون مرة)
يوم جية الريس الصيني جابو بت صغيرة ظريفة كده وجابو سبت دخلو فيهو صاحبنا البغباء
واتفتح السبت والبغبغاء طلع راسو من السبت
عاين يمين لقي عساكر ودبابير
عاين شمال لقي عساكر ودبابير
طوالي وبحس صوتو البغبائي بدل يرطن صيني
قعد يكورك وبالصوت العالي
يا عشة الكشة
يا عشة الكشة
فدحين الغنيات ديل لو دربوهم سنة كاملة انا خايف
في اول لقاء يدورن راجل المرا حلو حلا
| |
|
|
|
|
|
|
|
|
|
Re: هل هنالك قابلية لصناعة دوبليرهات للبشير.....!! (Re: Raja)
|
| Quote: تعرف أمبارح وانا بتفرج على كرازدتيش. فكرت إنه البشير وجماعته قاعدين يعملوا في البروفة وكده. |
هلا يا رجا
والبشير وصحبه دايما محظوظين وابورزقة..
وياهو الله جاب ليهم كرازدتيش ده لزوم البيان بالعمل وهم اهل عسكرة
فعشان كده اي حاجة عملها كرازد ده وغلغلت الناس ديل في المحاكمة عليهم ان يعملوها صرة في خيط..
واهم شي لازم تجيب هواء لبوش ذاااتو ويقولوا هو الكان بدعم الجنجويد تحت تحت
وبرضو قوة العين والغلاط لازم عجاجها في السماء
| |
|
|
|
|
|
|
|
|
|
Re: هل هنالك قابلية لصناعة دوبليرهات للبشير.....!! (Re: مهيرة)
|
| Quote: غايتو الا يقنعوه بانه الدوبلير دة فى المحكمة حيتقلب الترابى!!! |
هلا يا مهيرة وحبابك
وفعلا دي المعضلة الكبيرة
والدوبلير ده في الغالب بيكون جاي من كراكير وخجانين الشعب ده
والويكة بتكون مطلعة عيونو..
واها يجي القصر ده يضرب الاسماك واللحوم دي ومع الصفافير والمواتر دي
القصة بتقع ليهو في جرح وحيكنكش في الموضوع...ونبقي في امرا ضيق تاني..
وكل الود يا مهيرة
| |
|
|
|
|
|
|
| |
عبدالكريم الامين احمد
ناذر محمد الخليفة
NGABY AJOOZ
دينا خالد
kamalabas
Abdulbagi Mohammed
Raja
مهيرة
فيس بوك
تويتر
انستقرام
يوتيوب
بنتيريست