دعواتكم لزميلنا المفكر د.الباقر العفيف بالشفاء العاجل
|
|
 ناس الطقي ديل خشو خلوة ولاشنو..؟؟؟
|
الرمضان كبس وهو رائد النفحة الايمانية في جملة الشهور ولاحظت فيما لاحظت اختفاء اخوانا تيار رجال الدين
ناس شيخ الطقي وعماد والصادق والكثير من الاخوة المهتمين بالخطاب الديني ..الناس ديل فجاة كده عملوا انسحاب تكتيكي بدون احم ولا دستور وحتي شيخ فرانكلي الكان مرات بطلع ليهو طلعة طلعتين كده دينيات برضو اصبح وجوده
نادر وخطافي..
|
|
 
|
|
|
|
|
|
|
|
Re: ناس الطقي ديل خشو خلوة ولاشنو..؟؟؟ (Re: عبدالكريم الامين احمد)
|
الشهر ده كنا ولازلنا نمني النفس ان تكون بوستات الامر الديني امبيرها فوووق
فتاوي و قصص وتسهيلات لزي ناس ود القريش وود الصايم الكبو الجرسة قبل بداية الماتش الرمضاني..
ولكن اتينا حليقي الراس ولابسين جلاليب بيضاء ومالقينا حاجة دينية كده ممكن نتثقف منها
مع ديننا الدفاعو تعبان ده ياخي..
| |
|
|
|
|
|
|
|
|
|
Re: ناس الطقي ديل خشو خلوة ولاشنو..؟؟؟ (Re: khaleel)
|
| Quote: هل سخانة الارجل تبيح الفطر |
هلا ياخلي
لحدي مع الجماعة ديل يظهروا خالك ممكن يشوت ليك فتوي بتاعة اخوان تصبر بيها يومين يومين
حتي يظهروا الناس ديل..
القصة بتعتمد علي اي الرجلين مسختة
لو كانت اليسري فانت من اهل اليسار فمافي لي صياما كده ينضمو بيهو
ولو في اليمين فانت من اهل اليمين ووجب صيامك يارجل
........................
| |
|
|
|
|
|
|
|
|
|
Re: ناس الطقي ديل خشو خلوة ولاشنو..؟؟؟ (Re: عبدالكريم الامين احمد)
|
رمضان كريم يا عبد الكريم ...
...مؤكد أن صديقنا الشيخ صبري الشريف سيقوم بشغل الفراغ !!
.... أفتقدنا الواثق فهو سلفي مهموم بالشأن السوداني ومجاهر بقول
الحق في وجه السلطان الجائر!!
... ... أما بقية جماعةأنصار السنة من من ذكرت فلم يتغيبوا ولكن مشاركاتهم تقلصت!! ولوعائز تجيبهم لوح لهم بطعم شيعي -وأستعين بمتوكل علي أو عمار وحينها حا يجوك من كل فج عميق!!
| |
|
|
|
|
|
|
|
|
|
Re: ناس الطقي ديل خشو خلوة ولاشنو..؟؟؟ (Re: كمال عباس)
|
Quote: رمضان كريم يا عبد الكريم ...
...مؤكد أن صديقنا الشيخ صبري الشريف سيقوم بشغل الفراغ !!
.... أفتقدنا الواثق فهو سلفي مهموم بالشأن السوداني ومجاهر بقول
الحق في وجه السلطان الجائر!!
... ... أما بقية جماعةأنصار السنة من من ذكرت فلم يتغيبوا ولكن مشاركاتهم تقلصت!! ولوعائز تجيبهم لوح لهم بطعم شيعي -وأستعين بمتوكل علي أو عمار وحينها حا يجوك من كل فج عميق!! |
هلا يا كمال
وكل رمضان وانت اروع الناس..
والقصة لو بقت علي صبري الشريف حننوم قفا وحيكون الشعار لا تاجيل بل الغاء
وفعلا افقتدنا الواثق صحبه ومشاركتهم اصبحت نادرة حتي حسبتهم دخلو خلوة الناس ديل
مع اني ماعارف انصار السنة رايهم الفقهي في دخول الخلاوي شنو (لكن استعملنا الوعي بتاعي الديني)
وافترضنا جدلا..
تعرف في الفراغ الحاصل ده الارضية بتكون مشيدة وجاهزة للاخوة الشيعة للانطلاق والاستقطاب في ظل الغياب المريب للتيار السني...
| |
|
|
|
|
|
|
|
|
|
Re: ناس الطقي ديل خشو خلوة ولاشنو..؟؟؟ (Re: حيدر حسن ميرغني)
|
Quote: رمضان كريم يا كيكي
وانت شيخ كبير برضو
ياحبيب الشيوخ ديل ناس منظمين واجرهم على الله
اي طلعة اسفيرية بيوزنوها تمام ومرات مابتديهم النوم لو صرَجت شوية
والله افتقدناهم شديد واتمنى يكونوا بخير
تصوموا وتفطروا على خير |
هلا يا حيدر
ورمضان كريم ياخي..
وفي غياب الشيوخ ديل والفراغ الدستوري ده يا حيدر في لحظة اتوقعو اني اعلن نفسي شيخ كبير وتندل..
وساعتها بكون مستعد للاجابة علي اي اجابة فقهية وفتاوي كيكية..
وياخي الناس ديل عاملين وزنة اسفيرية وضاخين في الحراك نقاشات افتقدناها والله..
| |
|
|
|
|
|
|
|
|
|
Re: ناس الطقي ديل خشو خلوة ولاشنو..؟؟؟ (Re: عبدالكريم الامين احمد)
|
كيكي ياتفكيكي
رمضان كريم
وتصوم وتفطر علي خير
الشيوخ الافاضل
عبد الرحمن ابراهيم الطقي
وعماد موسي محمد موسي
الانترنيت قاطع في معيذر
ربما....
رحمة بالبعض
ونكاية بالبعض الاخر
عاوز تسلم عليهم ولا كده
عشان اخوك يلفح عمتو ويجري....!!!!!
ولا عازمهم فطور عشان الدعوة تبقي جماعية
سلام يازول ياجمييييييييييييييييل
| |
|
|
|
|
|
|
|
|
|
Re: ناس الطقي ديل خشو خلوة ولاشنو..؟؟؟ (Re: محمد فضل الله المكى)
|
رمضان كريم
الخلوة صوفية
للتعبد و التهجد والزهد و تسليك النفس في السياحة الروحية (خلوة) لتنعكس في معاملاتك (جلوة) مع الاحياء و الاشياء برا و خيرا ليس للتكفير والتنفير و جمع المال من كل صوب و حدب و مداهنة الحكام و الامراء و الملوك, وفقه الضرورة
لطفي
| |
|
|
|
|
|
|
|
|
|
Re: ناس الطقي ديل خشو خلوة ولاشنو..؟؟؟ (Re: لطفي علي لطفي)
|
Quote: الخلوة صوفية
للتعبد و التهجد والزهد و تسليك النفس في السياحة الروحية (خلوة) لتنعكس في معاملاتك (جلوة) مع الاحياء و الاشياء برا و خيرا ليس للتكفير والتنفير و جمع المال من كل صوب و حدب و مداهنة الحكام و الامراء و الملوك, وفقه الضرورة |
هلا يا لطفي
ورمضان كريم..
والشيوخ ديل دايرينهم يجوكم راجعين لحلقات النقاش حتي تعم الفائدة في قضايا الدين التي تتباين فيها الروي والزوايا..
وطبعا يا لطفي انا مفتكر اي زول بتاع دين ضروري يخش خلوة والتركيبة والتربية الصوفية متجذرة وعميقة فينا فلاخوف ولا حزن عليهامن اي فكر اخر لا يتماشي مع روح ووجدان الشعب
| |
|
|
|
|
|
|
|
|
|
Re: ناس الطقي ديل خشو خلوة ولاشنو..؟؟؟ (Re: شرفى عبدالقادر)
|
| Quote: ****والله الناس ما بتريح استاد الطقى ده سيبوهو فى حالوا*** |
هلا شرفي ورمضان كريم ياخي..
وشيخ الطقي ياخي زول اخونا وصاحبنا
وعملنا سويا لمدة سنتين في مكتب الجالية في قطر وبيننا مرح واحترام ومودة عميقة
وبالجد فاقدنه في الايامات السابقة وقلنا نسال منو ياخي
وهو زول مطلوب لجهات نقاش عديدة في هذا المنبر فلذا حضوره ضروري واساسي
وتسلم يازول
| |
|
|
|
|
|
|
|
|
|
Re: ناس الطقي ديل خشو خلوة ولاشنو..؟؟؟ (Re: haroon diyab)
|
| Quote: عاوز تسلم عليهم ولا كده |
هلا يا سكورتا
ورمضان كريم ياخي
والمولانات ديل اخوك مغروض فيهم في فتوي ضرورية
وبالله قول ليهم عوووك..
ولو النت بتاع كيوتل قاطع
قول ليهم يحصلو فود فووون...
وياخي بالجد فاقدنهم شديد الناس ديل
واتمني ان يكونو بخير وبركة
| |
|
|
|
|
|
|
|
|
|
Re: ناس الطقي ديل خشو خلوة ولاشنو..؟؟؟ (Re: عبدالكريم الامين احمد)
|
عبدالكريم
سلامات
رمضان كريم وتصوم وتفطر على خير
يا اخوي فتوتك دي حالجة!
Quote: لو كانت اليسري فانت من اهل اليسار فمافي لي صياما كده ينضمو بيهو
ولو في اليمين فانت من اهل اليمين ووجب صيامك يارجل |
ثمبس داون!!!
يعني هسع صيامنا الصومنا كلو طلعتو لينا فالصو؟ وش بين محتار-زعلان-خايف!
| |
|
|
|
|
|
|
|
|
|
Re: ناس الطقي ديل خشو خلوة ولاشنو..؟؟؟ (Re: حيدر حسن ميرغني)
|
Quote: السؤال بتاعك جاب فايدة ابداعية
بعدين إبداعية دي ما عندها علاقة بـ"البدعة" |
ده كلام عظيم يا حيدر
والناس ديل تاريهم راقدين علي استنارة وابداع...
ومن محلي ده ح اخطف كراعي ونبارك للواثق الفيلم ده...
ونتمني انو شيخ الطقي يجينا نابل بفيديو او فيلم عن ابن تيمة
| |
|
|
|
|
|
|
|
|
|
Re: ناس الطقي ديل خشو خلوة ولاشنو..؟؟؟ (Re: عبدالكريم الامين احمد)
|
ياشيخ كيكي
انت ماخبروك
انااديتهم زرة شديدة شابكين الناس الصوفيه بعلمواالغيب بعلموا الغيب
طلعتهم ليك هم ذاتهم ماناقشين مذهبهم, شيوخهم نفسهم كتبوا عن علم الغيب والنظر في اللوح المحفوظ
شيخ الطقي فكه البيرق تاني ما دخل البورد كتب حاجة
وهاك الدليل خليهم ينظروا لينا
إبن قيم الجوزية في كتابه مدارج السالكين تحقيق عبد العزيز بن ناصر الجليل المجلد الثالث صفحة 368 قال :
ولقد شاهدت من فراسة شيخ الإسلام إبن تيمية – - رحمه الله – أموراً عجيبة ، وما لم أشاهده منها أعظم وأعظم ، ووقائع فراسته تستدعي سفراً ضخماً .
يمكن الرجوع لكتاب إبن قيم الجوزية المذكور أعلاه والإجابة حسب الترتيب الذي أورده المؤلف حسماً للخلاف وهو كالآتي :
1- أخبر أصحابه بدخول التتار الشام سنة تسع وتسعين وستمائة ، وأن جيوش المسلمين تُكسر ، وأن دمشق لا يكون بها قتل عام ولا سبي عام ، وأن كَلَب الجيش وحدته في الأموال وهذا قبل أن يهم التتار بالحركة . وهذا ما بدأنا به .
2- ثم أخبر الناس والأمراء سنة إثنتين وسبعمائة لما تحرك التتار وقصدوا الشام أن الدائرة والهزيمة عليهم ، وأن الظفر والنصر للمسلمين ، وأقسم على ذلك أكثر من سبعين يميناً ، فيقال له : قل إن شاء الله ، فيقول : إن شاء الله تحقيقاً لا تعليقاً . وسمعته يقول ذلك ، قال : فلما أكثروا علي ، قلت لا تكثروا ، كتب الله تعالى في اللوح المحفوظ : انهم مهزومون في هذه الكرة ، وأن النصر لجيوش الإسلام . قال : وأطعمت بعض الأمراء والعسكر حلاوة النصر قبل خروجهم إلى لقاء العدو . وكانت فراسته الجزئية في خلال هاتين الواقعتين مثل المطر .
3- ولما طلب إلى الديار المصرية ، واريد قتله – بعدما انضجت له القدور ، وقلبت له الأمور - : اجتمع أصحابه لوداعه ، وقالوا قد تواترت الكتب بأن القوم عاملون على قتلك ، فقال : والله لا يصلون إلى ذلك أبداً ، قالوا : أفتحبس قال : نعم ويطول حبسي ثم أخرخ وأتكلم بالسنة على رؤوس الناس ، سمعته يقول ذلك .
4- ولما تولى عدوه الملقب بالجاشنكير الملك أخبروه بذلك ، وقالوا : الآن بلغ مراده منك ، فسجد لله شكراً وأطال فقل له ما سبب هذه السجدة ؟ فقال : هذا بداية ذله ومفارقته عزه من الآن ، وقرب زوال أمره ، فقيل متى هذا ؟ فقال : لا تربط خيول الجند على القرط حتى تُغلب دولته ، فوقع الأمر مثل ما أخبر به ، سمعت ذلك منه .
5- وقال مرة يدخل علي أصحابي وغيرهم فأرى في وجوههم وأعينهم أموراً لا أذكرها لهم . فقلت له - أو غيري – - لو أخبرتهم ؟ فقال : أتريدون أن أكون معرفاً كمعرف الولاة ؟ وقلت له يوماً لو عاملتنا بذلك لكان أدعى إلى الإستقامة والصلاح . فقال : لا تصبرون معي على ذلك جمعة ، أو قال : شهراً .
6- وأخبرني غير مرة بأمور باطنة تختص بي مما عزمت عليه ، ولم ينطق به لساني ، وأخبرني ببعض حوادث كبار تجري في المستقبل ، ولم يعين أوقاتها ، وقد رأيت بعضها وأنا أنتظر بقيتها .
7- وما شاهده كبار أصحابه من ذلك أضعاف أضعاف ما شاهدته والله أعلم ..
ــ يعني هذا أن إبن تيمية علم فراسة المستقبل , وما تكنه الصدور ، ونظر في اللوح المحفوظ ، وأخبر بهلاك أعداءه ، واقسم على أمر غيبي مستقبلي .
يلا ياشيخ الطقي الكرة في ملعبك واحدة واحدة القراء والزوار في الإنتظار
| |
|
|
|
|
|
|
|
|
|
Re: ناس الطقي ديل خشو خلوة ولاشنو..؟؟؟ (Re: saif massad ali)
|
| Quote: شيخ الطقي فكه البيرق تاني ما دخل البورد كتب حاجة |
هلا يا ابو السيوف ورمضان كريم..
وانا اقول شيخ الطقي ده وين اتاريك نافلو بواحد جلجلودي من النوع الابو كديس وطيرتو من الاسافير دي
ولكن يا سيف اعمل حسابك الزول ده لو جائ نابل حرم شيخي ابو مريومة ما يحلك منو
| |
|
|
|
|
|
|
|
|
|
Re: ناس الطقي ديل خشو خلوة ولاشنو..؟؟؟ (Re: حيدر حسن ميرغني)
|
Quote: بالتأكيد اخونا صبري الشريف حايكون لاعب دور البرادعي
غايتو لو جاء زنقني هنا حاقول كيكي قال لي كده |
هلا يا حيدر
وصحبي صبري شايفو لاعب ماتشات كبيرة ولاقي البلد خلا
ووضبنا وضيبة شديدة وحتي التراويح طلعها لينا شمار في مرقة
وبوستات دينية تتطقش وعدادها ماشاء الله في السماء..
وكل الدوائر المودية لناس الشيخ الطقي مشغولة...
............
اليومين دي درس عصرنا الديني عند صبري الشريف وجالسين القرفصاء بمزاج
| |
|
|
|
|
|
|
|
|
|
Re: ناس الطقي ديل خشو خلوة ولاشنو..؟؟؟ (Re: عبدالكريم الامين احمد)
|
شيخنا عماد موسى قرَب يطلَع فيهو كتاب
الصارم والمسلول في الرد على شاتم الرسول "ص"
من قريت العبارة دي اتخارجت طوالي
خوفت يجينا سيف طاير
| Quote: ووضبنا وضيبة شديدة وحتي التراويح طلعها لينا شمار في مرقة |
غايتو لو جاء اليومين ديل اكيد حايرد عليهو بسوفت وير جهادي ملغَم
| |
|
|
|
|
|
|
|
|
|
Re: ناس الطقي ديل خشو خلوة ولاشنو..؟؟؟ (Re: حيدر حسن ميرغني)
|
| Quote: غايتو لو جاء اليومين ديل اكيد حايرد عليهو بسوفت وير جهادي ملغَم |
تعرف يا حيدر الغياب بتاع شيخ عماد ده ما ساااكت
اكييد بكون مربوط بتجهيزات جهادية اسفيرية لسوفت ويرد جديد اسمو الصارم المسلول(علي قولتك)
وشايف في الاتجاه الاخر صبري سايق الكورة وماشي..
التراويح وفجاة كده فتح علب جديدة في الجهاد ظاااتو...
غايتو اربعة وعشرين ساعة الناس ديل ما ظهورا ح اركب امشي ليهم في (معيذر)
لانو صبري ده لو داس علي الابنص زيادة يوم يومين صلاتنا زاااتها بتكون امر ضيق
| |
|
|
|
|
|
|
|
|
|
Re: ناس الطقي ديل خشو خلوة ولاشنو..؟؟؟ (Re: مريم بنت الحسين)
|
| Quote: في البرنامج ده كله... اعتقد انه صورتك الخاتيها دي عامله بُعد درامي لشخصيتك الإفتائية الجديدة.. |
هلا يا مريم
ورمضان كريم وتصومو وتفطروا علي خير..
والشغل ده كلو سنترو في الكدوس الشايفنو ده
واي خدمات حاضرين يا مريم وما تشيلي هم ابدا في الرمضان ده
| |
|
|
|
|
|
|
| |
عبدالكريم الامين احمد
khaleel
كمال عباس
حيدر حسن ميرغني
haroon diyab
محمد فضل الله المكى
شرفى عبدالقادر
Badreldin Ahmed Musa
طارق أحمد خالد
معتصم الطاهر
عبدالله كع
saif massad ali
مريم بنت الحسين
فيس بوك
تويتر
انستقرام
يوتيوب
بنتيريست