دعواتكم لزميلنا المفكر د.الباقر العفيف بالشفاء العاجل
|
|
 محمد حامد جمعة جقلبتك جقلبة تاريخية والله...!!!
|
هييييع الكمندان في متاهة..!!!
ياكافي البلاء من ما (اكامبو) قال بغم...
وذكر ان البشير ضروري في لاهاي...زولنا ده القعاد الاسفيري غلبو
هضربة الف..
وتدوير لفت رايت وكلامات خارم بارم تقيل...!!!
انا عندي لستة
انا عندي رصيد
انا عندي هديدة..
فلانة الفلانية قالت
وعنصرية حزبية..
وزولي واقف علي كراع واحدة شغل ماشاء الله نحلة بس..
ولكني اعتقد بانها نحلة خاشاها خلعة كده. وبوصلة حاصل فيها انحراف معياري اسفيري...
يا زول اثبت كما ثبت فرفر ذات يوم...!!
وقدم بالله خطاب دفاعي يخش الراس ويمكن يصد الهجمات الاوكموبية دي شوية..!!
|
|
 
|
|
|
|
|
|
|
|
Re: محمد حامد جمعة جقلبتك جقلبة تاريخية والله...!!! (Re: Kostawi)
|
| Quote: حلاتو بس إنتا أرعى بقيدك |
هلا يا كوستاوي
انا ذاتي يا صحبي بعد ده ح احمل ساتر ومافي غلاغل تاني..
يقوم اكومبو ده كمان يلحقنا الكشف الافريقي بتاعو
بتهمة ارتكاب جرائم اسفيرية وقضايا دشمان..!!
حلاتو حلاتو يا كوستاوي ماقلنا حاجة
بس قلنا الجقلبة عينة وتاريخية دي فيها حاجة يا اخوانا
| |
|
|
|
|
|
|
|
|
|
Re: محمد حامد جمعة جقلبتك جقلبة تاريخية والله...!!! (Re: عبدالكريم الامين احمد)
|
يا عبد الكريم يا اخوي
الجنا مخموم ساكت
كل عرفته تنحصر في بثقافة ما يخرج من السبلين و ترهات الفقه الاسلامي و انغلاق العقل الاصولي.
المسيكين كان فاهم انو الله معاهم في كل خطوة و الملايكة تحفهم من كل جانب. دا طبعا حسب المدرسة الفكرية التي ينتمي لها المسيكن.
اها لمن لقا منطق طبيعة الاشياء يقول بغير ذلك و الواقع مختلف عن كضب حسن البنا و حسن الترابي و شيخو عثمان طه الحرامي
اهاالوليد اتبشتن و جقلب.
كان بحسبو لعب ساكت الغبيان
| |
|
|
|
|
|
|
|
|
|
Re: محمد حامد جمعة جقلبتك جقلبة تاريخية والله...!!! (Re: ثروت سوار الدهب)
|
| Quote: اهاالوليد اتبشتن و جقلب |
انت عارف يا ثروث
انا شفت الصنف وافتكرت انو القصة دي VERSION
جديد من نمط الجقلبة الاسلاموي وشايف القصة كلها ذات ملامح
استثمارية(رصيد- رقشة) وبعد شوية لو مشينا لقدام احتمال يقول لينا(امجاد)..
حتي الجقلبة عند بني كوزنا صارت مربوطة باقتصاديات السوق و فبيدو اللبش الاكمبوي حصل
واتخلبط مع كضب الخطاب عند الترابي وحسن البنا والقصة جاطت ليهو في راسو..
| |
|
|
|
|
|
|
|
|
|
Re: محمد حامد جمعة جقلبتك جقلبة تاريخية والله...!!! (Re: فضل الله رابح)
|
| Quote: دى حسادة وشماته لكن ود جمعة والبشيرالله معاهم ثم الشعب السودانى الذى خرج فى مسيرات عفوية ضد قرار المدعو أوكامبو الضعيف فاقد الشرعية . |
مرحب يا اخ فضل الله..
وحبابك يازول..
حسادة في شنو يازول...دي حالة عليك الله يحسدو عليها زول حسع..؟؟
بعدين ياخي (الله) ده لو ياهو الله خالق السماوات والارض فانا اعلم جيدا واعرف بانه
في كل كتبه السماوية يدعو الي محاربة الظلم واشاعة العدل وتكريم النفس البشرية التي حرم قتلها...
وعشان كده قصة وقوفو مع البشير دي بكون فيها جدل كبير لو اتبعنا تعالميه الواضحة بالنسبة لنا في القران الكريم...
اما حديثك عن الشرعية فهو امر مضحك في ظل افتقاد البشير للشرعية في ظل علمي وعلمك بانه
مغتصب للسلطة ومقتلعها بالقوي...ولاشنو..
| |
|
|
|
|
|
|
|
|
|
Re: محمد حامد جمعة جقلبتك جقلبة تاريخية والله...!!! (Re: فضل الله رابح)
|
| Quote: ياعبد الكريم لك التحية .. أنت تدرك أن الرئيس البشير هو الذى قاد هذا الإنفتاح والتحول فى بلادنا بدلا من يكون الحكم حصريا على أسر وأفراد الأن هناك قانون للإنتخابات وفى ذلك فليتنافس المتنافسون .. الان الرئيس البشير مستعد يسلم الذى يأتى به صندوق الإنتخابات سودانا قويا .. له بترول وطرق وكبارى وخزانات |
هلا يا فضل
1-البشير اقتلع السلطة من نظام ديمقراطي (اختلفنا او اتفقنا مع مستوي التطبيق في فتره لا يهم)
ولكن المهم انها كانت فترة اتاحت للجميع المنافسة عبر الصندوق وكانت تجربة لو وجدت الصبر والتحسين
لاثمرت اليوم اشياء عديدة.
لا ادري عن اي اسر تتحدث يا فضل وان كنت تقصد الصادق المهدي فهو قد اتي عبر منافسة مع الاخريين وهذا حقه تماما وللشعب الحق في ازالته وعبر الصندوق ايضا
2- الديمقراطية يا رابح ليس منحة او هبة يمنحها البشير وموتمره الوطني بل هذا حق شرعي لكل مواطن سوداني وليس للبشير الا اداء وظيفته كضابط في صفوف الجيش مثله ومثل الاخريين
3- الطرق والبترول والكباري يا فضل ان كانت تاتي علي جثث القتلي و حرق القري في ربوع السودان
فلتذهب الي الجحيم
فالاصل في كل هذا الهيلمانة هو الانسان ان لم يحترم ويعطي كل حقوقه دون شرط
......
| |
|
|
|
|
|
|
|
|
|
Re: محمد حامد جمعة جقلبتك جقلبة تاريخية والله...!!! (Re: فضل الله رابح)
|
| Quote: يا عبد الكريم كدا أبقى منصف من الذى بدأ الحرب الحركات أم الحكومة .. بدا من الحركة الشعبية الى أخر فصيل فى دارفور أليست هى أطماع سياسية لأفراد إنتهازيين تحت شعارات التنمية ورفع الظلم .. ثم سؤال كم عدد القتلى ليلة الثلاثين من يونيو ؟؟ إن كان البشير يريد إراقة الدماء كان قطع رؤس كل قادة الأحزاب |
يا فضل يا اخوي الناس القتلو في الانقاذ من مجيئها الاول كثار وما بقدر اعدهم ليك زاتو..
واما قصة الغلطان منو دي
فلا انا ولا انت بنقدر بفتي فيها..ودي عاوز ليها زول اخصائي محترف محقق دولي زي اوكامبو ده
يجيب خبرها من كل الزوايا..
وحتي ان فرضنا بان الغلطانين ناس دار فور
فده ما مبرر للمحارق والاغتصاب والدمار الشامل....
وكن بخير
| |
|
|
|
|
|
|
|
|
|
Re: محمد حامد جمعة جقلبتك جقلبة تاريخية والله...!!! (Re: NGABY AJOOZ)
|
| Quote: ياعبد الكريم لك التحية .. أنت تدرك أن الرئيس البشير هو الذى قاد هذا الإنفتاح والتحول فى بلادنا بدلا من يكون الحكم حصريا على أسر وأفراد الأن هناك قانون للإنتخابات وفى ذلك فليتنافس المتنافسون .. الان الرئيس البشير مستعد يسلم الذى يأتى به صندوق الإنتخابات سودانا قويا .. له بترول وطرق وكبارى وخزانات .. |
الاخ فضل سلام
لو اعدنا كتابة كلامك اعلاه بعد تحيتك لعبدالكريم نقول:
أنت تدرك أن الرئيس البشير هو الذى قاد هذا الإنغلاق والتحول فى بلادنا بدلا من يكون الحكم حصريا على ايدى الشعب السودانى غض النظر عن من يأتى به من اسر او افراد ..هناك قانون للإنتخابات عقيم لن يأتى سوى بمن تريده الطغمه الحاكمه وفى ذلك فليتنافس المتنافسون نظريا .. الان الرئيس البشير مستعد يسلم الذى يأتى به صندوق الإنتخابات سودانا انهكته المظالم .. له بترول منهوب وطرق راسمالها مطره وكبارى يقف فى مداخلها اطفال مقطوعى الاطراف و نساء حاملات اطفالهن فى خرق باليه يتسولون لقمة العيش وخزانات قامت على التهجير القسرى و دماء الشهداء..
| |
|
|
|
|
|
|
|
|
|
Re: محمد حامد جمعة جقلبتك جقلبة تاريخية والله...!!! (Re: Siham Elmugammar)
|
| Quote: أنت تدرك أن الرئيس البشير هو الذى قاد هذا الإنغلاق والتحول فى بلادنا بدلا من يكون الحكم حصريا على ايدى الشعب السودانى غض النظر عن من يأتى به من اسر او افراد ..هناك قانون للإنتخابات عقيم لن يأتى سوى بمن تريده الطغمه الحاكمه وفى ذلك فليتنافس المتنافسون نظريا .. الان الرئيس البشير مستعد يسلم الذى يأتى به صندوق الإنتخابات سودانا انهكته المظالم .. له بترول منهوب وطرق راسمالها مطره وكبارى يقف فى مداخلها اطفال مقطوعى الاطراف و نساء حاملات اطفالهن فى خرق باليه يتسولون لقمة العيش وخزانات قامت على التهجير القسرى و دماء الشهداء.. |
well said ya
سهام
| |
|
|
|
|
|
|
|
|
|
Re: محمد حامد جمعة جقلبتك جقلبة تاريخية والله...!!! (Re: NGABY AJOOZ)
|
| Quote: ياكيكي يا خوي اكل عيش والمعائش جبارة والناس ديل ما ناس حارة |
هلا يا نقابي
والناس ديل وبقدرة قادر رجعو يكلموا الناس الليلة عند الديمقراطية
واحترام راي الاحزاب والكيانات السياسية الاخري
وتقام لهم الولائم في القصر....
وين الكلام ده لمن كان البشير بقول للدنيا (البجيك متحزم اطلع ليهو عريان)
ليييييه الليلة لابس ويستجدي في الشعب والشرعية والقوي الاخري...
قمة الاستهبال وعدم مبدئية ومحاولة للفرفرة علي حافة اكومابو
| |
|
|
|
|
|
|
|
|
|
Re: محمد حامد جمعة جقلبتك جقلبة تاريخية والله...!!! (Re: عبدالكريم الامين احمد)
|
شايف الجقلبة جابت ليها نصائح اسفيرية للشيخ الاكبر الذي علم السحر...!
ودعوة الشيخ الي الاسترجال وملي اليمين..!!
وملمح اخر في ملفات وورق (اوكامبو) ظهر فيه اسم (الاس ام سي) بالكرباوي كاحد الايادي التي ساعدت
في الاغتصاب
التجويع
والتشريد
الثالوث الذهبي الذي قدمه الدولي اوكامبو كقرائن اتهام للبشير وصحبة..
ومتابعين من داخل الاستديو
| |
|
|
|
|
|
|
|
|
|
Re: محمد حامد جمعة جقلبتك جقلبة تاريخية والله...!!! (Re: عبدالكريم الامين احمد)
|
هلا يا كمندان
وشايف صنف الجلقبة اتطور شديد وشي صديق احمد
والحكاية جابت ليها نجاة غرزة..!!
دي جقلبة في السلك...وبالله مع نجاة دي لو جدعت لينا غنوة مندلين من اغاني
سليمان محمود (ثلاثة سنة يوم ورا يوم يا اكامبو منتظرك انا)..
او في فنان كده اسمو مكي شقي غناااي خلاص وبربها ربة للطيش
بالله اجدع لينا اللنك بتاعو هنا ده...
...
نعترف ونقر بانك يا مان ما قصرت تب
مع الجقلبة التاريخة وماديها حقها موية ونور....وارمي قدام يا زول
| |
|
|
|
|
|
|
| |
عبدالكريم الامين احمد
Kostawi
ثروت سوار الدهب
Rawia
فضل الله رابح
NGABY AJOOZ
Siham Elmugammar
Deng
فيس بوك
تويتر
انستقرام
يوتيوب
بنتيريست