|
دعواتكم لزميلنا المفكر د.الباقر العفيف بالشفاء العاجل
|
|
 Re: لاهااي.....نفر والسفر ...!!! (Re: اسامه خليفه)
|
Quote:
كم سعر التذكره ؟؟
وكم رحله في اليوم؟؟
اين مكان الاقلاع ؟؟
مباشر وللا ترانزيت ؟؟
|
هلا اسامة وحبابك
ولاهاي اكيد السفر مباشر
والاقلاع من الخرطوم محل الطيارة بتقوم
والتذكرة سعرها غالي بالحيل يا اسامة مليون ميل مربع ممزق وجثث علي قارعة كل الاركان
والرحلة واحدة
ويوجد صحبة راكب سنعلن السادة الركاب تباعا هنا
وكل الود
| |
 
|
|
|
|
|
|
|
|
Re: لاهااي.....نفر والسفر ...!!! (Re: Faisal Elrasheed)
|
| Quote: كيكي قوم حيي الريس وسيب الكلام الفاضي ده |
هلا يا فيصل وحبابك
وياخي الريس (ما ياهو) قاعدين نحي فيهو اجمل تحية يافيصل
وبالله خلي النوم المغناطيسي ده وتعال حي مع اخوك تحية تحيتين كده
عشان وطن فيه انا وفيهو انت وفيهو الاخريين نعيش فيهو بكل حب واحترام ودون مظالم ضد انسانه
| |
|
|
|
|
|
|
|
|
|
Re: لاهااي.....نفر والسفر ...!!! (Re: معتز القريش)
|
هلا يا قريش
والجزمة بيني وبينك رهيبة
انشاء الله جمجمرتك للطاغية دي تنفعك وتكشحك بريال ريالين تقدر
تشتري ليك واحدة زيها....
نشكر اوكمابو الذي جعل الدقون الناكرة كوزنتها تتساقط
وتظهر
وبعدين نبز نبز عصري ويليق بالعولمة وبطل جقلبة يا وريف وخلي لي دقنك دي جاهزة
وبالمرة اشتري (موس) وارجاني يا جيهجي يا رعديد
| |
|
|
|
|
|
|
|
|
|
Re: لاهااي.....نفر والسفر ...!!! (Re: عبدالكريم الامين احمد)
|
كيكي الجميل الشوق ليك مطر
انا مجهز الطماطم المفجوقة والبيض الفاسد لقائد المشروع الحضاري البائد عشان يشوف الحرية والديمقراطية الحرم الشعب السوداني منها
قول لود القريش الجزمة الفرحان بيها دي جدعا شيوعي في راس بوش في كوز بقدر ييجدع ليهو شبشب تموت تخلي يا بتاع قندهار
| |
|
|
|
|
|
|
|
|
|
Re: لاهااي.....نفر والسفر ...!!! (Re: Ahmed Elmardi)
|
Quote: فاذا كان هناك فرق بين الآنجليز الذين حوروا الاسم وفرضوه على الخرائط وغيرها
وقبلتموه فحري بكم قبول (لاحايكم) من بني جلدتكم.
|
هلا يا فن
ولاهاي اسما عجميا يساق الي احداثياتها رئيسا اجرم في حق شعبه
وفليعب بها الدارفوي ويهتف (لاحاي) واخر قد ينطقها (لاخاي)...
وباي باي
الي لاخاي
| |
|
|
|
|
|
|
|
|
|
Re: لاهااي.....نفر والسفر ...!!! (Re: NGABY AJOOZ)
|
Quote: انا مجهز الطماطم المفجوقة والبيض الفاسد لقائد المشروع الحضاري البائد عشان يشوف الحرية والديمقراطية الحرم الشعب السوداني منها
قول لود القريش الجزمة الفرحان بيها دي جدعا شيوعي في راس بوش في كوز بقدر ييجدع ليهو شبشب تموت تخلي يا بتاع قندهار |
هلا ياعجوز وحبابك ياخي
والبشير وصحبه محتاجين درس قاسي وعميق عن ضرورة احترام شعوبهم وعدم القفز فووق حقوق وجثث الاخريين
فاما ناس قريش ديل فهذا ما يسمي الانفعال الرومانسي المنوم بالمغنطسي الاعلامي الكيزاني
وناسين بان القضية الاساسية ليس اوكامبو
فرحلة انهار الدماء التي انطلقت ومنذ 20 عاما افقدت البلد مليون قتيل
وتمزيف نملي اللون واللحن
| |
|
|
|
|
|
|
|
|
|
Re: لاهااي.....نفر والسفر ...!!! (Re: DEYAA MOHD)
|
Quote: الكومر براه ما بشيل
نجيب معاه سايق البوباي
عشان يودي الجماعة عديل الى لاهاي |
هلا يا ضياء
وبيني وبينك سايق البوباي ضروري في السيرة دي
بس الخوف السايق البوباي يوديهم جاي ولا جاي
ممكن قطر- ممكن سعودية ممكن مصر..وممكن الصين ويزوغو الركاب ديل..
عشان كده ضروري البوباي يختارو ليهو سواق حريف و
| |
|
|
|
|
|
|
|
|
|
Re: لاهااي.....نفر والسفر ...!!! (Re: عبدالكريم الامين احمد)
|
بالهااااى المقعد داك أنا حاجزو لعمك دة ....بالهاااى دى ياكريم مقصود بيها بالله لكن لزوم ابو الشهيق وكدة من غبار التقسيمة ياعمك
البص الماشى لاهاى مكتوب فى الخلفية مهما تأخرو فانهم يأتون من درب بندسى وكاس او من جبل مرة .... تحياتى وخوفى عليكم من لاهاى وصقتا
| |
|
|
|
|
|
|
|
|
|
Re: لاهااي.....نفر والسفر ...!!! (Re: منتصر ابراهيم الزين)
|
| Quote: البص الماشى لاهاى مكتوب فى الخلفية مهما تأخرو فانهم يأتون من درب بندسى وكاس او من جبل مرة |
او من خور برنقا وقوز جمل وزالنجي وكلما
عمك يا منتصر مكانو يمين السواق عشان مافي فرفرة وممكن يتلب
ولو حصلت فرفرة في الكومر عندنا سرير السواق ممكن نخليهو يطلق رجلينو هناك
لحدي ما نسلم البضاعة والمنفستو الكمسنجي المنتظر في لاهاي في محطة اوكمابو بالردمية
وتحياتي يا منص
| |
|
|
|
|
|
|
|
|
|
Re: لاهااي.....نفر والسفر ...!!! (Re: Abdlaziz Eisa)
|
Quote: رحلة لاهاي احتمال تبدأ من حفرة ما في حوش بانقا..
هل ترافقه شنطة ام شنطتين؟؟ |
هلا يا عزيز
والحفرة دي لو اتحفرت شكلها كده ما حتكون في حوش بانقا لزوم التمويه
فمكن تكون في القضارف او الدمازين او حتة بعيد هنااااك كده في الصعيد اسمها قلي...
فليذهب واهل بيته سيبقون عزيرين ومكرمين في بلادهم
| |
|
|
|
|
|
|
|
|
|
Re: لاهااي.....نفر والسفر ...!!! (Re: عبدالكريم الامين احمد)
|
حميدة ياخي عذرا
وراجعت اللنك بتاعك
وساءني ان يوصف هشام هباني المخالفين اليه في الراي بالكلاب
فده امر غير كريم ولا مقبول والنفس البشرية كرمها الله ولا ينبغي ان توصف بالكلبنة مهما كانت درجات الاختلاف
ممكن لاني ما شفت البوست الاتحذف
وياريت الناس ترتفع بمستوي الخلاف وتقدم نموذج يليق بظروف السودان المنيلة بستين نيلة ده
وتقديري ياخي
| |
|
|
|
|
|
|
|
|
|
Re: لاهااي.....نفر والسفر ...!!! (Re: bob)
|
سلام يا بوب
وين انت يا زول ليك وحشة والله
غيابك طال بالجد وتمني ان تكون بالف خير
| Quote: He's not the one that needs to go to the court but, he's not smart enough and, that's why he's president |
والمشكلة انو اوكامبو قعد يباصر فيها جاي ويباصر فيها جاي
لحدي ما لقي ليهو تذكرة في كومرنا اللو لقينا الية تقنية حيمشي بسرعة الضوء
الخرطوم-لاهاي-الخرطوم وبالعكس
| |
|
|
|
|
|
|
|
|
|
Re: لاهااي.....نفر والسفر ...!!! (Re: bob)
|
| Quote: The funny part about the whole thing is he made him dance around like a lunatic |
رقيصو العجيب وغريب ده يابوب
ادهشنا وخلعنا به ذات ليلة من ليالي نيالا فكانت لنا معه رحلة عبر
بصراحة يا شباب..عمر البشير ده رقااااص عدييييل كده...!!!!
Quote: كنت بصراحة قد خرجت من السودان وفي تلكم الفترة لم يكن عمر البشير يرقص في اللقاات الجماهيرية
كثيرا بدرجة تيتح ملاحظة هذا النمط الجديد من التعامل مع الاحداث الجماهيرية في السودان الذي
كان اشهر الرقوصات حينها هو (رقيص العروس) وبعض الراقصين المشاهير في الحفلات العامة والخاصة
ولفترة طويلة كان راقصي المفضل هو شاب عرفت لاحقا بانه قد رحل عن دنيانا يمسي (الجبرة) يمتع ليالي مدينة الدويم برقصه المدهش وتطويع جسده لخدمة اللحن...
ثم برز في فترة من الفترات طالب في كلية العلوم يسمي سيف راقص جرئي ومرح ويودي وصلته بكل مهارة
اتيا من الصفوف الخلفية في الحفلات التي كانت تعج بها الجامعة..
بالامس شاهدت اللقاء الذي جري في نيالا وشاهدت بصراحة عجبا,,,!!
ما ان قدم البشير الا وانطلقت الحان بتاعة عرضة وفجاة بداء البشير في الرقيص بطريقة مهنية عالية
وحركة واسعة في المنصة الضيقة التي شيدت وسط غابة امنية مشددة خوفا كما يبدو من قناص نيالا الافتراضي....
محدثتي التي يبدو انها مدمنة للتلفاز السوداني اندهشت من اندهاشي الشديد وافتت بانوو
عاااااادي يا زول الراجل ده برقص في اللمات الزي دي..الا انها استدركت بانه زود المحلبية هذه المرة..
الرقص الرئاسسي ليوم امس يبدو جليا بانه نتاج رقصات عديدة وخبرة طويلة يمكن ان نقول بانها
خمسة عشرة سنة من الرقص المتواصل علي حواف الجماهير الملمومة لم ...
ولنا ان نتجرد ونقول بصراحة الاجادة الرقصية تفوقت بملايين السنين علي الاجادة في ادارة الدولة
ورئاسة السودان التي لا يزال الراي فيها بانه رجلا لا يعرف الشغل في هذا المجال...
رغم الحركة الواسعة والمهنية الرقصية العالية الا الامر في كل جزئياته كان
رقصا علي الجثث واكوام من الاشلاء تجلس ليس ببعيدا من ميدان اللقاء |
| |
|
|
|
|
|
|
|
|
|
Re: لاهااي.....نفر والسفر ...!!! (Re: noon)
|
Quote: هلا يا عزيز
والحفرة دي لو اتحفرت شكلها كده ما حتكون في حوش بانقا لزوم التمويه
فمكن تكون في القضارف او الدمازين او حتة بعيد هنااااك كده في الصعيد اسمها قلي...
فليذهب واهل بيته سيبقون عزيرين ومكرمين في بلادهم |
يا عزيزي
الرجل لم يعمل خيرا لشعبه حتى يتخفى بينهم..
المهمشون هم أول من يدلوا على الحفرة اينما كانت..
تحياتي
| |
|
|
|
|
|
|
|
|
|
Re: لاهااي.....نفر والسفر ...!!! (Re: Abdlaziz Eisa)
|
Quote: الرجل لم يعمل خيرا لشعبه حتى يتخفى بينهم..
المهمشون هم أول من يدلوا على الحفرة اينما كانت.. |
هلا يا عزيز
وفعلا صدقت القول يا عزيز
ومثله لايقوي ان يحتمي ما بين ضحاياه من المهمشين المغلوبين علي امرهم
بعمايله وافعاله
وكدي خليهو اليحفر عشان تسمع من يقول بصوت عالي
ياها ديييييييييك حفرة البشير ياجماعة
والقبض بحصل
| |
|
|
|
|
|
|
|
|
|
Re: لاهااي.....نفر والسفر ...!!! (Re: bakri abdalla)
|
Quote: كيكى ياصديق الزمن الجميل
أمانة الراجل ما وقع...بعضمة لسانو قال ما كتل غير 10000 معقولة??? |
ياااااا
بكري عبدالله
اشواقي الحارة ياخي
وبالله شوف قمة الاستهبال والالتفاف والمكابرة
هي الاعتراف بالجريمة ورفض العقاب وتحويل الامر برمته للحديث عن حركات التحرر
تخيل يا بكري قالو مستهدفين لانهم حركات تحرر وعلي عثمان مصر علي الحديث ده
والليلة البشير تم الناقصة وربط اوكمابو بغردون وانو السودان مستهدف
غايتو مهزلة ودراما ما انزل الله مثلها من درامات
| |
|
|
|
|
|
|
|
|
|
Re: لاهااي.....نفر والسفر ...!!! (Re: عبدالكريم الامين احمد)
|
كيكى يا هندسة
تحية و إحترام
لك و لركابك
و السائق و الكمسارى
ساعة الجد، تحتم عليناالتمحيص
معطيات اليوم تلزم السلطة فى الخرطوم بالنحو تجاه التحول الديمقراطى
و تفعيل ما وقعته من إتفاقيات و ترضخ بالقبول بحكـومة وحدة و طنية حقيقة فاعلة
نسأل الله أن يسلم الوطن من نيل المتربصين،
وقبل ذلك أن يحفظه من الأخطاء القاتلة للحركة الإسلامية
و التى بسببها نحن فى مأزق، لم يسبقه مثيل لا فى (قديم/جديد) التاريخ
و نقول لهم إتعظوا بالعبرة يـــا أولى الألباب ... و كفوا شعبكم المهازل
---------
الكومر موضة إنتهت من زمن الشيخ الأسير (فك الله أسره)
الهمر سيارة العصر حيث القوة و الراحة و الأمان و تظليل الزجاج
--------
لك الله يا وطن بنوك رجال زهدوا فى الدنيا ليعلى شأنك عزة و كرامة
لك الله يا بلد ضيعوك لسلطة و جاه و شهوة زائفة زائفة، وهم غاويـن
ش
| |
|
|
|
|
|
|
|
|
|
Re: لاهااي.....نفر والسفر ...!!! (Re: عبدالكريم الامين احمد)
|
Quote: معطيات اليوم تلزم السلطة فى الخرطوم بالنحو تجاه التحول الديمقراطى
و تفعيل ما وقعته من إتفاقيات و ترضخ بالقبول بحكـومة وحدة و طنية حقيقة فاعلة
نسأل الله أن يسلم الوطن من نيل المتربصين،
وقبل ذلك أن يحفظه من الأخطاء القاتلة للحركة الإسلامية
و التى بسببها نحن فى مأزق، لم يسبقه مثيل لا فى (قديم/جديد) التاريخ
و نقول لهم إتعظوا بالعبرة يـــا أولى الألباب ... و كفوا شعبكم المهازل
|
هلا ياهندسة
وسوري يا بوس مداخلتك دي يادوبك شفتها حسع
ومشتاقين ياخي
اتفق معاك تماما يا شكري في كل ما ذكرته
وفليتعظ هولا القوم من التاريخ القريب لحكومات وطغاة كانو يملون الارض ضجيجا
وهتاف
| |
|
|
|
|
|
|
|
|
|
Re: لاهااي.....نفر والسفر ...!!! (Re: عبدالكريم الامين احمد)
|
| Quote: مش لو فكيتو الترابي |
لو فكيتو البيرق زاتو
لاهاى نفر
لاهاى سفر .. جقلبة وضجر
فى حكمه نطق الامر
لاهاى نفر ..
ود البشير مدفور دفر
من اضنينو جارينو جر
كان جقلبتو كان كوركتو مافى مفر
لاهاى نفر ..
شارعك كلو مليان حفر
لا ينفعوك هتيفة لا عسكر
لاهاى نفر .. خم وصر
مسرحنا من رقصك فتر
فرارك الشايلو انكسر
لاهاى نفر ...
كم من طاغية قبالك عتر
لاهاى نفر
هندسة سلام عليك دنيا واخرة ياخ
| |
|
|
|
|
|
|
|
|
|
Re: لاهااي.....نفر والسفر ...!!! (Re: alfatih)
|
الفاتح عامل غنمايتك دي
قصيدتك ايقاعا سريع دايره معلم
من عيت جب جب سحبو مني واكامبو جنني
تخريمة .... كيكي والله السودان تشوفوا قدحه ولا اقول ليك
امشي مطعم تركي اطلب نفر كباب واتنين اوصاااااااااااااال
| |
|
|
|
|
|
|
|
|
|
Re: لاهااي.....نفر والسفر ...!!! (Re: معتز القريش)
|
Quote: ما قلت بتجي ... مالك ما جيت
ولا تكون جيت وأنا ما شفتك
|
اجي وين يازول انت مشوطن ولاشنو...؟؟
ولا اكون انا بقيت
جبهجي
انتهازي
ارهابي
طفيلي
ولاعاضيني دبيب
ولامايوي رعديد
يازول مبروكة عليكم الكواريك الامس وانشاء الله تضوي ليكم تحوش منكم اوكمابو
| |
|
|
|
|
|
|
|
|
|
Re: لاهااي.....نفر والسفر ...!!! (Re: معتصم ود الجمام)
|
Quote: تخريمة .... كيكي والله السودان تشوفوا قدحه ولا اقول ليك
امشي مطعم تركي اطلب نفر كباب واتنين اوصاااااااااااااال |
هلا يامعتصم
واحنا زاااتنا الغربة دي قطعت اوصالنا وعملتها سلطة اسود
عشان كده ما فارقة معانا...وسنذهب الي وطننا في كل لحظة نريدها
والرهيفة تنقد يا زول..
وغوش غوش...غرامة غرامة
| |
|
|
|
|
|
|
|
|
|
Re: لاهااي.....نفر والسفر ...!!! (Re: alfatih)
|
| Quote: كان جقلبتو كان كوركتو مافى مفر |
هلا بالفاتح وتحياتي ياخي
واهزوجة من عيون الشعر اللاهايوي
ايو كان حلفتو بالطلاق وجيتو قطر
او ختيتو تحت الجزمة اي زولا نفر
الا..
الحل كمان مافي غير تونة لاهاي نفر
مافي غير سكة لاهاي نفر
مافي يا بشير ليك ادني مفر
تحياتي يا الفاتح وكل التقدير والود
| |
|
|
|
|
|
|
| |
عبدالكريم الامين احمد
Faisal Elrasheed
Nader Abu Kadouk
Kostawi
اسامه خليفه
كمبورة
معتز القريش
NGABY AJOOZ
khaleel
Ahmed Elmardi
منتصر ابراهيم الزين
Abdlaziz Eisa
humida
bob
noon
bakri abdalla
شكرى سليمان ماطوس
Abdulbagi Mohammed
alfatih
معتصم ود الجمام
فيس بوك
تويتر
انستقرام
يوتيوب
بنتيريست