الشباب السوداني بالتنسيق مع القوى السياسية السودانية بولاية كولارادو يدعون لوقفة يوم الأحد ٤ ديسمبر
ما الذي جرى لحسين خوجلي؟
التفكير الاستراتيجي و التفكير الآني - بين العصيان المدني و المقاطعة الجزئية آراء و مقارنات
الحزب الشيوعي بالمملكة المتحدة وايرلندا يدعوكم لندوة يوم السبت 3 ديسمبر بلندن
سقف العصيان ، زوال النظام ..هكذا يقول فقه الثورات !
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-03-2016, 00:19 AM الصفحة الرئيسية

مكتبة عبدالكريم الامين احمد(عبدالكريم الامين احمد)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

كووورة يا زمن الكووورة العجيب...!!!

04-24-2008, 06:14 PM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32484

للتواصل معنا

FaceBook
تويتر Twitter
YouTube

كيف احذف مداخلة من بوستى
كووورة يا زمن الكووورة العجيب...!!!

    1-حامد بريمة
    2-طارق
    3- ابراهيم عطا
    4-تنقا
    5-الطيب الدويم
    6-الديبة
    7- كندورة
    8-جمال ابوعنجة
    9-سامي عزالدين
    10-النقر
    11-زيكو
    12- ابراهومة
    13-بشارة عبدالنضيف
    15-كزرزر...!!!!

    16-بريش..
    17- والي الدين عليه الرحمة
    18-جمال بكسا
    19- محمد متوكل
    20-انور ام دوم
    عشرون لاعب من مختلف المدارات في فرق كان اعلاهما صوتا هما الهلال والمريخ وفرق اخري في مدارت بعيدة وفيافي ابعد عشنا ايام بعيدة في انتظار ولحظات وصولهم الي النجيل الاخضر سكبواابداع وكورة راقية
    بمواصفات عالية وحرفنة ليها ضل...
    هنا سنمارس السفر صوب هذه المجموعة التي لا تنسي ابدا استايل لعبهم ومقدرتهم العالية علي توظيف فنيات الانسان السودني في هذا المضمار...
    نعم هنالك اخريين غيرهم يماثلونهم في الابداع ولكن هذه اللستة هي التي يمكنني ان اقول فيها ما اريد
    من ذاكرة تحفظ لهم كل الحب

    (عدل بواسطة عبدالكريم الامين احمد on 04-25-2008, 05:37 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-24-2008, 06:41 PM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32484

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كووورة يا زمن الكووورة العجيب...!!! (Re: عبدالكريم الامين احمد)

    Quote: 1-حامد بريمة

    رغم هلاليتي التي لاتقبل القسمة علي اثنين الا ان هذا الفتي الاسمر المرن العالي الرشاقة
    كان يدهشني ويجبرني علي المتعة لوقوف شخص امام الثلاثة خشبات..
    وهنالك لقطة تاريخية اتمني ان اشاهدها (مئات المرات) لمباراة شهيرة للمريخ مع البنزرت التونسي
    بثها تلفزيون السودان في تلكم الفترة وهي (جلكسة اكروباتية للاسطوري حامد بريمة) قافزا لامتار عديدة في الهواء الطلق ليعالج كورة ارسلها المهاجم فيما يسمي بالتمنيات..ليطير بريمة في الهواء ويضرب الكورة بطرف اصابعه لتخرج الي الكورنر ثم يعود سالما الي الارض..
    لقطة تعكس مرونة عالية ومقدرة علي قراية كل الاحداث امام المرمي والتعامل معها برشاقة وخفة وشجاعة وحسم...
    كنت في هلاليتي تلك اتمني في كل ماتشتات هلال مريخ التي جرت في كل فترات وقوف بريمة امام خشبة الصهيانة ان يهزم المريخ..ولكن في نفس اللحظة كنت لا اقاوم صرعة ودهشة وحرفنة بريمة فانحاز اليه سرا
    وعلنا في بعض اللقطات التي لا يستطيع الاتيان بها الا بريمة...
    ارسلته عطبرة موشحا ومسربلا بسيرة الاسطوري (زغبير) وكم تمنيته لاعبا وحارسا للهلال حتي تكتمل الناقصة.....
    بريمة في كل لحظاته وتاريخه الناصع كان نموذج للحارس الاستاندر وبه مسا من الحراس العظام علي مستوي العالم (ليف ياشين) واخريين
    اهدي المريخ كاسات وحمي اهداف محققة
    وكان صرعة زمانه وملهم للكثيرين وعندما اقتني عربة لفت باك تغنت بها البنوت في حواري المدن والقري

    مريخ -زمالك في دبي مباراة لاتنسي وعكست من هو حامد بريمة
    اهدت التيوة مشاهد في الذاكرة لاتنسي..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-24-2008, 06:49 PM

waleed dawash
<awaleed dawash
تاريخ التسجيل: 06-04-2007
مجموع المشاركات: 1534

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كووورة يا زمن الكووورة العجيب...!!! (Re: عبدالكريم الامين احمد)

    Quote: رغم هلاليتي التي لاتقبل القسمة علي اثنين الا ان هذا الفتي الاسمر المرن العالي الرشاقة
    كان يدهشني ويجبرني علي المتعة لوقوف شخص امام الثلاثة خشبات..

    اوجزت يا كيكي

    و اكاد اجزم ان هذا الشعور لدى كل الهلالاب

    فمرات كثيره كان الهلال يلعب ضد حامد بريمه وحده..

    الف تحيه له.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-24-2008, 06:55 PM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32484

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كووورة يا زمن الكووورة العجيب...!!! (Re: waleed dawash)

    Quote: اكاد اجزم ان هذا الشعور لدى كل الهلالاب

    فمرات كثيره كان الهلال يلعب ضد حامد بريمه وحده..

    هلا يا وليد والف مرحب في ساحة الكورة
    بريمة كان قباض دون شك وحريف بمواصفات تجعلك تعجب بها دون تردد..
    وكنت اتربص كور الفريق القومي حتي اشجع بريمة دون ضغوط هلالية تذكر

    سمعت في ذلك الزمان بانو بريمة مفروض يمشي الهلال ولكن ناس المريخ
    لطشوهو مننا
    وكل الود
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-24-2008, 08:07 PM

عامر تيتاوى
<aعامر تيتاوى
تاريخ التسجيل: 01-14-2006
مجموع المشاركات: 3328

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كووورة يا زمن الكووورة العجيب...!!! (Re: عبدالكريم الامين احمد)

    كيكى سلام
    طبعا القائمة كلها جهابذة ومافيهم كلام

    Quote: انور ام دوم

    لكن ده بالذات موهبة فذة ام تجد حظها
    من الاضواء فانور كان يضع الكورة على ظهره
    ويمر من المدافعين بطريقة ذكية ورائعة
    والكوكاكولا والتمريرات البينية ومااجمل
    ابداعاته فى دورى الكليات بجامعة الخرطوم
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-24-2008, 10:21 PM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32484

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كووورة يا زمن الكووورة العجيب...!!! (Re: عامر تيتاوى)

    هلا ياتيتا
    \ياهلالي يا كبير
    وفعلا يا عامر انور ده كان كوم براهو وكورة كلاماتها كثيرة خلاص
    حرفنة وقوة قلب وحمرة عين ودهشة رهيبة
    وبنجي نقول شهادتنا فيهو رغم انو انور غلبنا كثير وضوقنا الويل
    الا انه لاعب لايشق له غبار
    وعندي قناعة ثابتة بان انور ادوم ومحمد المتوكل العب 2 في العالم
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-25-2008, 02:42 AM

mo
<amo
تاريخ التسجيل: 03-11-2002
مجموع المشاركات: 1187

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كووورة يا زمن الكووورة العجيب...!!! (Re: waleed dawash)

    لا أدري أن كنت تعني بشارة عبد النظيف ..لانني أجهل بشارة عبد الفضيل هذا .. ان كان المعني هو الأول فأنه من باب أولي ان يضاف علي قاقارين الي تلك القائمة ..لأنه كان هدافا مرعبا ومنقذا في اللحظات الحرجة ..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-25-2008, 05:42 AM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32484

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كووورة يا زمن الكووورة العجيب...!!! (Re: mo)

    Quote: لا أدري أن كنت تعني بشارة عبد النظيف ..لانني أجهل بشارة عبد الفضيل هذا .. ان كان المعني هو الأول فأنه من باب أولي ان يضاف علي قاقارين الي تلك القائمة ..لأنه كان هدافا مرعبا ومنقذا في اللحظات الحرجة ..

    مرحب يا مو
    والف سلام
    وشكرا علي التصحيح وفعلا المقصود هو بشارة عبدالنضيف لاعب المريخ السابق والمشهور ببشارة ابو اضان
    وعلي قاقرين ما فيهو كلام وهو الدحيش وعروة واخريين ايضا لهم ميزات وخضائص كروية نادرة تستحق الحديث عنها..
    وهذا الكشف يخلو من الكثيرين الذين هم روعة وفن ولكن انها عينة وعينة فقط من لعيبة استحضرتهم الذاكرة وقادرة بعض الشي علي الكلام عنهم ولو القليل
    وكل الود والتحية
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-24-2008, 06:59 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22514

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كووورة يا زمن الكووورة العجيب...!!! (Re: عبدالكريم الامين احمد)

    غايتو البوست دة مفخخ

    كله هلالاب الله يستر




    هندسة كيفنك



    انا احمممممممممممممممر
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-24-2008, 07:08 PM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32484

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كووورة يا زمن الكووورة العجيب...!!! (Re: طارق جبريل)

    Quote: غايتو البوست دة مفخخ

    كله هلالاب الله يستر


    هلا يا دكتور
    وياخي خاتين ليكم (خمسة) لعيبة عدييل كده(ودي ما عارفها طلعت كيف)
    فتعال ياخي مافي تفخيخ بل في كلام واعترافات بكبكبة من بعض لعبتكم واعجاب

    فتعال ورينا الكان بكبكبك منو في ناسنا(طبعا كلهم)
    وكل الود يا حمممممممر
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-24-2008, 07:30 PM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32484

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كووورة يا زمن الكووورة العجيب...!!! (Re: عبدالكريم الامين احمد)

    في احدي المرات التي هرعت فيها حشود كبيرة لاستاد خليفة في الدوحة وقبل ان يتحول الي استاد اسطوري
    لمشاهدة مباراة كبري ما بين فرق الدوري القطري في كاس الامير..
    كان بين هذه الحشود وعلي المساطب يجلس رجلا تبدو عليه ملامح سطوة كروية كبري يشاهد الماتش بكل حواسه
    وبراس زارته خصلات من الشيب الابيض وقوام فارع ..
    كان هذا الرجل هو حامد بريمة
    يايتك احساس بان تكورك في الجميع وتطالب الحكم بايقاف الجميع اجلالا واحتراما لواحد من اعظم الحراس الذين انجبتهم الملاعب الافرايقية والسودانية بالتحديد..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-24-2008, 07:30 PM

keiga2000
<akeiga2000
تاريخ التسجيل: 05-11-2002
مجموع المشاركات: 4096

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كووورة يا زمن الكووورة العجيب...!!! (Re: عبدالكريم الامين احمد)

    Quote: -الطيب الدويم


    اكيد ساكن جنبك


    العجب العجيب كاتبوا في العنوان وماكاتبوا في اللستة لييييييي


    تحياتنا ومساء سعيد وذكريات مع فطالحه جار بهم الزمن

    وجريدة قون تكرم لي في هيثم مصطفى

    دنيا
    ابومصطفى
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-24-2008, 07:39 PM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32484

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كووورة يا زمن الكووورة العجيب...!!! (Re: keiga2000)

    Quote: اكيد ساكن جنبك


    هلا يا كيغا
    ولا والله
    ولكن ابو الطيب ده حكايتو غير
    وانا مباريهو من ايام الصقر الاسود في الدويم ثم الموردة والفريق القومي
    ولحقتو ايضا وهو كركعوبة في نادي الاتقاف ومباريات دوري الجيش القطري (القوات الخاصة)
    يعني مكرهني عديييييييييل كده
    زول صحبي ولعاب وله استايل مختلف وتمنيوهو في الهلال من زمن


    العجب يا اخوي ما بياكل عيش مع ناسي ديل
    عجبكم ده بصراحة وبكل صدق وماتزعل كورتو اخير منها قعاد ساكت

    وحنعمل كشف تلحيقة احتمال كبير البرنس هيثم مصطفي يخش في التشكيلة
    ولو جاملنكم ممكن ندخل ليكم (ابراهومة)

    (عدل بواسطة عبدالكريم الامين احمد on 04-24-2008, 07:40 PM)
    (عدل بواسطة عبدالكريم الامين احمد on 04-24-2008, 07:41 PM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-24-2008, 07:47 PM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32484

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كووورة يا زمن الكووورة العجيب...!!! (Re: عبدالكريم الامين احمد)

    Quote: طارق

    ده الكلام..
    الكورة والتهذيب العالي والكارزيما الممزوجة بعلو كعب ومقدرة عالية علي اجادة متطلبات خانة الاستوبر التي تكاد تجزم ان (الخواجة جون) قد فصلها علي هذه الفتي القادم من عمق الديم وما ادراك
    ما الديم صرعة ومقدرة علي الابداع في كل شي يقع علي اناملهم ارجلهم ريشتهم......
    طارق لاعب احبته بل منازع كل الجماهير التي تعشق الكورة في السودان وصار عنوان للاعب الكامل في كل اشيائه....
    وجوده في منطقة منتصف الدفاع وفي المنطقة ذات الخطورة العالية علي المرمي كانت متعة لاتوصف وفرصة
    للتفرج علي محاضرات (قفل الخصم) واستخلاص الكرة بطرق تجعل الخصم اقل ما يوصف به ان يتموخل ..فلطارق
    ميزة تحتار كثيرا في معرفة اليتها وطريقة تنفيذها ولن وندر تكرارها عند غيره.وخير من يجيد العضل بكل ذكاء لاستخلاص الكورة بجانب كارزيمته القيادية في الملعب وقيادته للدفاع بثقة بلاحدود..
    كان قائد لهارموني ذلك الدفاع الخطير الذي مر كالطيف في عام 87 تنقا _طارق_مجدي_الثعلب
    دفاع (كونكريت) وذبابة لم تكن قادرة علي المرور دون متاعب ومكابسة وحرفنة من هذا التيم ويرك العالي التفاهم..
    وكل التحية لكابتن طارق الكارزيمي الخطير والمدافع الاستاندر..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-24-2008, 07:58 PM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32484

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كووورة يا زمن الكووورة العجيب...!!! (Re: عبدالكريم الامين احمد)

    هاتفني الهلالي الكبير محمد عبدالرحمن محتجا علي سقوط (الريح كاريكا)من هذه اللستة
    فوافقته الراي وانا ايضا احتج بشدة وجوطة شديدة لعدم اختياري للريح كاريكا الزول الفنان في هذه اللستة المختارة ولذا سيكون لاعبنا رقم21 هو الريح كاريكا حتي يتضاير الاخوة المريخاب في حضوره الذي كان يفعل بهم الافاعيل
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-24-2008, 08:00 PM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32484

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كووورة يا زمن الكووورة العجيب...!!! (Re: عبدالكريم الامين احمد)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-24-2008, 08:13 PM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32484

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كووورة يا زمن الكووورة العجيب...!!! (Re: عبدالكريم الامين احمد)

    Quote: 3- ابراهيم عطا

    الشهير بكبكبة مدافع المريخ في ذلك الزمان
    وكنت علي خلاف (سري) مع جمهور الهلالي الذي يري في (كبكبة) ثغرة تمر من خلالها اعتي المظاهرات
    فكنت اسرب ذلك الاعجاب الي صديقي (ابوعلي) حسن اسماعيل ثاني اكبر هلالابي حاقد علي المريخ في الشرق الاوسط..
    فالشاهد بان ابراهيم عطا له استايل مميز وهدوء عالي ومقدرة مميزة علي مراقبة الخصم من بعد وتقفيل اللعب فقد كان سر نجاحه في دفاع المريخ هو اعتماده علي الدفاع (الغير مرئي) والحضور الموشح بهميمة عالية وعدم الاهتمام في حالات محاورته النادرة...
    فابراهيم عطا(ما بخش ليك ذااتو عشان تحاور) ولكن قادر علي استخلاص الكورة دون التحام بجانب تميزه في لعبات الهد الطائر علي مستوي منخفض للكور البعيدة ومقدراته العالية في التقريش التي يبدو انه ورثها من الاسطوري ابوداوود..
    لايميل الي المان تومان ولكن بقرايته لمنطقة دفاعه كان قادر للوصول لكل المهاجمين بكل سهولة ويسر..

    حسن صديقي الهلالي ذلك يعاني ايضا من حب سري للاعب زيكو ويخافه حد الرجف والعرق الشديد

    (عدل بواسطة عبدالكريم الامين احمد on 04-24-2008, 08:14 PM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-24-2008, 08:23 PM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32484

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كووورة يا زمن الكووورة العجيب...!!! (Re: عبدالكريم الامين احمد)

    Quote: تنقا

    منصور بشير تنقا
    طرب ومزيكا وكورة يتم التعامل معها برشاقة وفن نادر كل ذلك واكثر كان هو فتي الابيض (ابوقبة فحل الديوم) تنقا اتي الي ساحة الهلال موشحا بجمال تلكم البقاع وابداع اهلها المجود وسريعا اوجد لنفسه
    خانة في دفاع الهلال في جهتة اليسري وبعدها مارس الابداع والاسكار والتطريب العالي...
    تنقا بتهذيبه العالي الذي كان يسربله دوما في تواجده الطويل بالهلال كان لاعبا لاتمل ابدا التفرج عليه والتمتع بذكائه الكروي الفريد وتميزه في ضبط ايقاع دفاع الهلال والفريق القومي..
    جسارة امام الخصوم واستخلاص للكرة بل قوة وعنف وحرفنة بجانب التحرك السلس في الجهة الشمال
    علي طريق (سمير ماشي) التاريخية فكان دوما تنقا ماشيا علي ذلك الجانب العالي الاهمية من الملعب
    سنتا سنتا ويجوله ذهابا الي مرمي الخصم ثم الكر مدافعا عن مرمي الهلال..
    له يسارية مميزة يجانب اجادة الضربات الثابتة ..
    ودوما تطل علي المخيلة تلكم المباراة التاريخية بين الهلال والزمالك وقبل هدف (صبحي) الشهير بدقائق
    قليلة ارسل هذا الفتي النحيف الرشيق كرة ولا الاحلام كانت في طريقها للمرمي ولكن زاوية ركلها كانت
    ذات درجات اكثر قليلا مما اتاح لها الارطام بالعارضة في لقطة لن تتكرر ابدا وتمني وان اعيدت مئات المرات ان تذهب هذه الكرة كما ذهبت اولا...
    جال في الاحراش الافريقية بصحبة هلال 87 وابدع في مباريات عديدة واحرز اروع الاهداف واجملها...
    ويبقي قولنا دوما ان هذا الفتي عطر الجهة الشمالية من الكثير من الاستادات التي ادي عليها الهلال
    مبارياته عطرها بالجهد والحرفنة والدهشة...ويكفي صيحة جمهور الهلال الشهيرة (تنقا تنقا تنقااااا
    اوووووه تنقا...هلال كلو زي ده اوووو تنقا)

    (عدل بواسطة عبدالكريم الامين احمد on 04-24-2008, 09:13 PM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-24-2008, 08:45 PM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32484

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كووورة يا زمن الكووورة العجيب...!!! (Re: عبدالكريم الامين احمد)

    Quote: الطيب الدويم

    في تلكم المدينة عندما اتي ذلك التيم الذي زلزل الارض فوق قمة الدويم (الاشبال- الوطن)
    كان الصقر الاسود هو كلمة السر وصرعة الجمهور الباحث عن فن .وكان ابو الطيب (هكذا اسميه) وبجانبه اخريين مثل الديسكو هم من يوزع الكورة الممزوجة بفن نادر ورغبة في النصر ودهشة لعلها اعادت الي سماء تلكم المدينة ايامات (كرشينغا) ذلك الذي قيل بانه صرعة وكفر لا يقاوم....
    اول رويتي للطيب الدويم كان يودي في خانة الراس حربة خلاف ما اشتهر به لاحقا في الموردة والفريق االقومي كفردة يمين زي الصاعقة او متوسط دفاع لاحقا..
    قوام الطيب الدويم وحماسه الكبير للنصر ثم شجاعته في اقتلاع الكورة بجانب مهارته الافريقية المميزة تضعه بارتياح من ضمن الذين اطرب لهم في كل مشاهداتي للكورة...
    لاحقا وعقب حضوره التاريخي للموردة صار من الذين يلبعون بقوة وحماس كبير في مباريات هلال- مريخ باخلاص
    وانتماء حقيقي للموردة في تيم ذلك الزمان الموردي بقيادة الجقر وحسن حامد والاسطوري بريش...
    ولو قدر له الذهاب الي اتيام الاعلام الشديد لفاقت شهرته الافاق وانتبه الكثيرين لموهبته الكبيرة
    حلق مع الفريق القومي في مباريات كبري وجاب ربوع افريقيا بقلب موغل في الشبابية.....

    ساككت ابو الطيب في حضوري اللاحق للدوحة ومتعت نفسي باللعب الدغري في مباريات يتم الاتقاف وطقطقة الفرق الاخري في دوري الجيش القطري...

    بجانب موهبته الكروية العالية ومرحه العالي اعتبر ان ابو الطيب هو راقصي المفضل علي الاطلاق
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-24-2008, 09:07 PM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32484

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كووورة يا زمن الكووورة العجيب...!!! (Re: عبدالكريم الامين احمد)

    Quote: الديبة

    كل من لم يتفرج في الديبة وهو لاعبا في الاهلي في ذلك الزمان قبل حضورة التاريخي برفقة فردته حمد
    لم يتفرج في الديبة...
    ديبة فعلا حاجة عجيبة وتكتمل العجابة عندما ياتي معه الشهير حمد والديبة كما صاحت جماهير الهلال وهي سكري بهما (حمد والديبة حاجة عجيبة)...
    فرفار وشفت كورة ونموذج للاعب المزاجي المميز علي خطي الدحيش وكافينول..
    الديبة يشدني في صناعة اللعب والحضور الدائم في وسط الملعب(اربعة وعشرين ساعة) تجده في وسط المعلب
    محاور بارع وتكتيكي بدرجة لا يمكن التخيل ما يفعله بالكورة...
    واحد من امهر الذين مروا علي الملاعب السودانية وله ذكاء نادر ولكنه مشاكس من الدرجة الاولي..
    اهم ما يميزه هو اللعب في كل الخانات ولكن قمة واعلي مقدرات الديبة في الكورة هي عندما يترك حرا في وسط الملعب دون قيود تدريبية..
    كثيرين يضعونه في مقارنة صعبة مع (حمد) الفتي الاخر الذي ايضا له استايله المميز و(كورته البراها كده) ولكن يبقي الديبة وعندما يكون في اعلي امزجته الكروية معلم لايشق له غبار وصانع احداث في اعتي المباريات..
    وياسسسسسسسسسلام يا الديبة ياخي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-24-2008, 09:16 PM

taha

تاريخ التسجيل: 07-24-2002
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كووورة يا زمن الكووورة العجيب...!!! (Re: عبدالكريم الامين احمد)

    سلام يا كيكي دي اول مداخلة لي في بوستاتك ليس لانها لا تعجبني.. ولكني زول من ناس السكوت من ذهب ولكن البوست ده جهجه اخوك وخلاهو يجي خاشي توش وبالمناسبة اخوك بتاع كوم تراب وبعرفك عديل انت وخليل واحمدالتجاني وكمان سكنت معاه في داخلية كردفان لمن كانوا ساكنين هو والقرود واسامة ....كانت ايام...واخوك فردو في ناس الهندسة كميات ابدا من الهادي الاصم مرورا بالدسوقي واورتشي وصولا لي ناس الدفعة هاشم مطر وبيكو ومحمد فاروق والصايم وحنفي واخرون سياتي ذكرهم لاحقا ...نرجع لي موضوعنا الاساسي او كما قال عمر اومو في احد اركانه التاريخية ...




    Quote:

    Quote: 3- ابراهيم عطا

    الشهير بكبكبة مدافع المريخ في ذلك الزمان



    ابراهيم عطا ..ياخي ده كان الز زول في المريخ ياخي ده كان لمن تجيهو الكورة تقول ضارباهو كهربه والغريبة كان عكليت عكلته مبالغ فيها..واالمناسبه كان في واحده في حلتنا مسمنها الشباب ابراهيم عطا .... تحياتي يا هندسة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-24-2008, 09:32 PM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32484

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كووورة يا زمن الكووورة العجيب...!!! (Re: taha)

    Quote: سلام يا كيكي دي اول مداخلة لي في بوستاتك ليس لانها لا تعجبني.. ولكني زول من ناس السكوت من ذهب ولكن البوست ده جهجه اخوك وخلاهو يجي خاشي توش وبالمناسبة اخوك بتاع كوم تراب وبعرفك عديل انت وخليل واحمدالتجاني وكمان سكنت معاه في داخلية كردفان لمن كانوا ساكنين هو والقرود واسامة ....كانت ايام...واخوك فردو في ناس الهندسة كميات ابدا من الهادي الاصم مرورا بالدسوقي واورتشي وصولا لي ناس الدفعة هاشم مطر وبيكو ومحمد فاروق والصايم وحنفي واخرون سياتي ذكرهم لاحقا ...نرجع لي موضوعنا الاساسي او كما قال عمر اومو في احد اركانه التاريخية ...

    هلا الف مرحب ياطه
    ويعلم الله مداخلتك دي افرحتني وكبكتني كبكبة حرم ابراهيم عطا اما اتكبكب زيها
    ياخي اول شي اذيك شديد والف شديد والله (وافصح وبان وليك الامان)
    وانا تقريبا قرببببببببببت اعرفك (وبتربط ويتفك العرفة) لكن طال الزمن ام قصر خبرك بجيبو
    ياخ ذكرت ناس عزاز وزمن سمح والله يديك العافية...

    واضحكني امر (عمر اومو) واذكر ان نفس الجملة قلتها انا ايضا قبل يومين
    Quote: لمن الحكومة السودانية طلعت لي جواز مزور...!!!


    وابراهيم عطا فعلا كانت له كبكبة مميزة وليها تون خاص واكثر زول بعرف يتكبكب في الملاعب السودانية
    وبرجف عند الهجمة والذ شي بعد هذه الرجفة كانت بقلع الكورة زي السلام عليكم

    ودمت يا طه
    وكل الود والتقدير
    وشكرا علي سيرة الزمن الجميل وايام كردفان
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-24-2008, 09:41 PM

ودرملية
<aودرملية
تاريخ التسجيل: 07-27-2002
مجموع المشاركات: 3684

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كووورة يا زمن الكووورة العجيب...!!! (Re: taha)

    سلامات
    وعوافي
    كيكي
    ساءني جدا سقوط الفارس عادل العوني والفنان حمد دفع الله والرشيد المهدية وجارنيشا"جعفر عبدالرازق"من كتيبة الهلال ..
    ومن الموردة عزالدين الصبابي وعصام عباس وعصمت الامتداد..
    ومن المريخ عيسى صباح الخير وعادل امين وسانتو رفاعة "فتح الرحمن" وزيكو ..عيسى صباح الخير هو اخطر جناح في تاريخ الكورة السودانية علي الاطلاق "من وجهة نظري طبعا"..هذا برغم هلاليتي الصارخة ..غير انه ترك الملاعب باكرا للاسف الشديد ..
    ومن هلال بورتسودان انقي وكمبا وحارس المرمى العملاق فيصل عبدالمنعم الذي رفض كل العروض المقدمة من ناديي الهلال والمريخ الام درمانيين..
    ومن اهلي مدني عمر ملكية وحافظ الاسد واخرهم وضاح..
    ومن الاتحاد مدني نزار حسون ..
    ومن الرابطة كوستي حمزة النجومي والسماني ..
    ومن المريخ كوستي ابعشة وعزالدين سكر..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-24-2008, 09:52 PM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32484

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كووورة يا زمن الكووورة العجيب...!!! (Re: ودرملية)

    Quote: ساءني جدا سقوط الفارس عادل العوني والفنان حمد دفع الله والرشيد المهدية وجارنيشا"جعفر عبدالرازق"من كتيبة الهلال ..
    ومن الموردة عزالدين الصبابي وعصام عباس وعصمت الامتداد..
    ومن المريخ عيسى صباح الخير وعادل امين وسانتو رفاعة "فتح الرحمن" وزيكو ..عيسى صباح الخير هو اخطر جناح في تاريخ الكورة السودانية علي الاطلاق "من وجهة نظري طبعا"..هذا برغم هلاليتي الصارخة ..غير انه ترك الملاعب باكرا للاسف الشديد ..
    ومن هلال بورتسودان انقي وكمبا وحارس المرمى العملاق فيصل عبدالمنعم الذي رفض كل العروض المقدمة من ناديي الهلال والمريخ الام درمانيين..
    ومن اهلي مدني عمر ملكية وحافظ الاسد واخرهم وضاح..
    ومن الاتحاد مدني نزار حسون ..
    ومن الرابطة كوستي حمزة النجومي والسماني ..
    ومن المريخ كوستي ابعشة وعزالدين سكر..

    هلا يا ودرملية وحبابك ايها الهلالي المطبوع
    وانا ايضا يا ودرملية ساني ايضا وتعجبني كل هولا الذين ذكرتهم واطرب لهم كثيرا
    واكثرهم كمبا
    عندما نزل ذات يوم وهو ضخما في جثته الرشيقة في احدي مباريات فريقه ضد اهلي مدني الملعب
    هتفته الجماهير تسخر منه ولكن ومنذ اول تثبيته لكورة عالية (ثبتها بحرفنة عالية وخبرة عتاقي)
    صفق له كل الاستاد وهتف الجمهور غصبا عنه (كمبا كمبا كمببببببببببا)
    الكورة السودانية يا عبدالرحيم بها فتيان نشروا دهشة وكفر بمستويات عالية ولكن لستتي قلت فيها بانهم الذين يمكنني ان اقول فيهم قولا يفيد وايضا كنت معجب بهم بصورة خاصة واساكك كورهم بكراع كديس
    هلالي رعديد
    كل الود
    ودمت هلاليا رياضيا مطبوع تعشق الدهشة والكورة ذات الايقاعات المزيكية
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-24-2008, 09:49 PM

taha

تاريخ التسجيل: 07-24-2002
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كووورة يا زمن الكووورة العجيب...!!! (Re: عبدالكريم الامين احمد)

    كيكي سلام حنكشف الاوراق.لكن شوية شوية ....اول شي عاوز اخبار ولا معلومة عن الزول ده

    Quote: بيكو

    يا خي الزول ده والله كنت بحبه لله وعندي ليه كميات من القصص العجيبة ....واتمنى يكون على احسن حال وحا ارجع ليك بي روقه اخوك نعس عدييييل
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-24-2008, 09:56 PM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32484

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كووورة يا زمن الكووورة العجيب...!!! (Re: taha)

    Quote: بيكو

    هلا ياطه
    وبيكو بالف خير واخر اخباره من عثمان النعيم تفيد بانه في السعودية مهندسا في احدي شركاتها
    وبيكو يا طه من اجمل الناس وانبلهم وكما قلت له من القصص العجيبة الكثير وهو رجل عالي السخرية...
    ...
    ياخ النائم ليها شنو عليك الله
    يادوبك الدردقة بدت
    وسنكون في انتظارك علي احر من الجمر
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-24-2008, 10:07 PM

taha

تاريخ التسجيل: 07-24-2002
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كووورة يا زمن الكووورة العجيب...!!! (Re: عبدالكريم الامين احمد)

    Quote: عثمان النعيم

    عثمان النعيم الجعلي بتاع كوستي والقانوني البكاي ...لا حول ولا قوة الا بالله ...يا خي والله النوم طار عدييييل ..ود النعيم ده ياخي من اعز الناس وهلالابي قح ..ياخي انت قربت تلحقنا الزول الكان مكره ابوداود وشابكه ياخال يا خال.... اقول ليك حاجة ..البوست ده عاوزليه معسكر مقفول..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-24-2008, 10:16 PM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32484

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كووورة يا زمن الكووورة العجيب...!!! (Re: taha)


    والله يا طه وقبل من الاوراق تكشف حقوا الواحد يضاربك عدددددديل كده حتن بعد داك يشوف الحاصل شنو...

    ياخ ما معقول لينا ثلاثين سنة بنكورك وبنطط في حوش بكري ده زي الكورة وانت لابد وعامل حميلD
    ابوعفان الرجل الجميل قاعد معانا في الدوحة وانا ولسع ابو عفان هو ابوعفان نفس الملامح والرقي
    والجمال الكوستاوي الحميم ونفس البكائية القديمة(تصدق مشتاق ليهو شديد لاني بالجد طولت منو)..

    هلالابي كبير وحاولتو مليون مرة عشان يجي يسربع معانا في المنبر الا انه دوما (قوي الراس)
    ويتابع من بعد وعامل فيها محلل كبير وخبير اجنبي

    ويازول سلم تسلم والا انها الحرب الاسفيرية الكيكية الثانية
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-24-2008, 10:24 PM

taha

تاريخ التسجيل: 07-24-2002
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كووورة يا زمن الكووورة العجيب...!!! (Re: عبدالكريم الامين احمد)

    Quote: ويازول سلم تسلم والا انها الحرب الاسفيرية الكيكية الثانية


    انت يا زول قايلني ملاسي ولا شنو.....
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-24-2008, 10:34 PM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32484

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كووورة يا زمن الكووورة العجيب...!!! (Re: taha)

    Quote: انت يازول قايلني ملاسي ولاشنو

    D

    معقولة ياخي
    دي حتكون حرب من نوع ثانية
    تفتيش شديد
    توفيق وغسان جعفر وحامد وكل ناس اداب بنعمل ليهم كولينج يجوا يحضروها
    وبنادي خليل واحمد تجاني
    واسامة سيد الرايحة وكل ناس مدني(خت خط تحت ناس مدني دي) الفي الاداب بنديهم خبر

    وممكن نحنس ابوعفان ونجيبوا بالبوليس ونجيب معاهو (بيكو) كمان
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-24-2008, 10:42 PM

taha

تاريخ التسجيل: 07-24-2002
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كووورة يا زمن الكووورة العجيب...!!! (Re: عبدالكريم الامين احمد)

    كيكي يا اخوي نشوفك باكر كان الله حيانا ...النوم كبس تب ...وبالمناسبة دي انت عندك Late permission ولا شنو

    (عدل بواسطة taha on 04-24-2008, 10:45 PM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-24-2008, 10:58 PM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32484

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كووورة يا زمن الكووورة العجيب...!!! (Re: taha)

    Quote: كيكي يا اخوي نشوفك باكر كان الله حيانا ...النوم كبس تب ...وبالمناسبة دي انت عندك Late permission ولا شنو

    هلا يا طه وفي انتظارك باذن الله..
    وانا ذاتي الليلة اخر لي يوم سهر في الاسافير دي
    بكرة الحكومات المركزية مشرفة البلد

    ولكن سنسرق اللعب وبجي بتاوق ليك مخصوص بشوفك سلمت ولا لسع
    ودم بالف خير وبركة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-24-2008, 11:03 PM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32484

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كووورة يا زمن الكووورة العجيب...!!! (Re: عبدالكريم الامين احمد)

    Quote: كندورة..








    هاشم تية كرتون الشهير بكندورة..
    ارسلته الحصاحيصا المدينة الرائعة الجمال الي عمق وسط الهلال بفنياته العالية ومقدرته الفائقة علي
    الاختراق بكورة تكاد تراها (مربوطة) بخيط سميك بين ارجله التي تتحول في لحظة الي ارجل عديدة تزغلل
    عيني الخصم الذي يذهب به كندورة في لحظات كالبرق في مرواغة لاقانون فيها الا حرفنة هذا الفتي الجميل
    ومقدرته العالية علي الخداع والتمويه..
    سطع سريعا كالوهج في وسط فريق الهلال وصار لاعب محوري تبني عليه الكثير من خطط وتكتيكات المباريات
    وفي احدي مباريات الهلال الافريقية مع فريق فيلا الاوغندي وكان وقتها الدكتور شداد هو من يتقلد تدريب الهلال..طلب منه شداد الاختراق وقال له بالحرف الواحد اخترقهم يا كندورة (اخترق) ويبدو انو كندورة لم بفهم او لم يسمع ذلك ليردد شداد بالعامية المحلية (حاورررهم يا كندورة اليوغنديين ديل)...
    ليمسك كندورة في (حاورهم هذه جيدا) ويراوغ في تلكم المباراة كل من تقع عليه عينيه يمينا ويسارا
    ولو اتيح له زمنا حتي وقتنا هذا لحاور حتي جيش الرب وجوزيف كوني...
    ..كندورة نموذج لاعب الوسط الايجابي صاحب المجهود الوافر وصناعة اللعب ونحلة من النشاط وتمكن خطورته
    دوما في التحرك في الجهة اليمني من المرمي وامام المرمي,,وهو من اللاعبين المميزين الذي تبداء
    مكنتهم برزم واحد ووتيرة واحدة منذ بداية المباراة حتي نهايتها (بنفس واحد لايكل ولايمل) وهونموذج للاعب السخي العطاء ومجود لمهاراته ومسخرها لمصلحة التيم ويرك..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-25-2008, 07:10 AM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32484

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كووورة يا زمن الكووورة العجيب...!!! (Re: عبدالكريم الامين احمد)

    Quote: -جمال ابوعنجة

    جمال كيغن هكذا يناديه المريخاب وسرا بعض الهلالاب الرعاديد امثالي
    ممميزا بشعره الافرو والعالي التجعيد وكورته الايجايبة (الماشة دوما لقدام) فنياته في ذلك الزمان كانت اكثر ما يميزها هو امتاجها بقوة القلب (حرفنة قوة القلب) واقتلاع الكفر عنوة واقتدار بالتحديد
    في منطقة صناعة الاحداث (الوسط)...
    في ادائه السلس يشابه الاسطوري (ريكارد) بل يمكنني الان القول بان جمال ابوعنجة يتفوق عليه كثيرا في حركته الايجايبة التي اهدت الصهياينة (الحمام) انتصارات كبري..
    لاعب لاتمل من مشاهدته وتخاف وجوده في فورمته العليا في ماتشات الهلال والمريخ وماتشات اخري تتمني علنا بان يهزم المريخ....
    وياسلام يازمن جمال كيغن
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-25-2008, 07:22 AM

طلحة عبدالله

تاريخ التسجيل: 09-14-2007
مجموع المشاركات: 14061

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كووورة يا زمن الكووورة العجيب...!!! (Re: عبدالكريم الامين احمد)

    اهلا كيكي
    ياخ معقول بوست من امبارح لافي في الحوش ولا واحد فيكم ساي جاب سيرة ثلاثي الزهرة سيكا وشكاك وقدروة ..
    ياخ الثلاثي دا كان عامل تماس للهلال تحديدا وكل ما ناس عالم الرياضة يقولوا التقرير اليومي عن دوري الدرجة الاولي للكرة بالعاصمة ويقدموا فيهو كورة الهلال والزهرة الجماعة يضايروا ..
    العجب لما يذيع تشكيلة الزهرة وفيها الثلاثي المرح دا .. والله تاني لا تقول لي متوكل عبد السلام ولا المرحوم شيخ إدريس ولا دفاع الجن الأحمر ذاتو .. اولا قدروة دا ملخبط ليهو كوم ملخبط .. دي ولا عايزا ليها اي كلام ولو ما عندو قون أكيد ضربة الجزاء .. وسيكا يقول لشكاك ختها قدام ويقول كدا يمحطا .. قادر الله .. هي نان تاني بتنشاف بالعين المجردة ..؟ هه .. ياخ كان ما خاف من الكضب مرة حسن الطيب واللا واحد من حراس الهلال ديل حاول يمسك ليهو واحدة من بتاعات سيكا دا بلاي بعد ما الكورة قدت الشبك ومشت بي هناك حتي جاء هو واقع التقول شغال بالإعادة .
    أها قبل ما امرق من هنا يا كيكي اخوي جيب أضانك عشان أقول ليك الكلام دا تختوا انت والهلالاب الهنا ديل حلقة في الأضان ..
    انتو نسيتو احرف وامهر وأسحر لاعب مر علي الملاعب السودانية ..
    كدا بلا إتمعنوا في الإسم دا كويس ..
    أسامة آدم ريحان ..
    أها عرفتوهو ..؟
    كان ما عرفتوهو الزول دا ..
    (سكسك) ..
    بتعرفوا سكسك ..؟؟
    جل الواحد المنفرد ..
    بجيكم راجع ليهو ..
    دا عايز ليهو نضافة كيبورد .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-25-2008, 07:30 AM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32484

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كووورة يا زمن الكووورة العجيب...!!! (Re: طلحة عبدالله)

    Quote: كان ما عرفتوهو الزول دا ..
    (سكسك) ..
    بتعرفوا سكسك ..؟؟
    جل الواحد المنفرد ..
    بجيكم راجع ليهو ..
    دا عايز ليهو نضافة كيبورد

    هلا يا طلحة وحبابك
    وانا من امس منتظرك يا رشاشة وبديت محايدا وعندما تاخرتم عن الحضور تمكلتني الهلالية وبديت
    (انخس) اهل المريخ في اشارات كالمريخ الحمام ...
    سيكا -قدروة- شكاك
    لعابين وحرفة ومافي شك رغم انو سيكا (عليه الرحمة) كورتو فكت وباظت لمن مشي المريخ بفعل لعيبة نصكم الحاقدين
    سكسك برضو زولا فنان يا طلحة مافي شك ولكن ناسكم ديل بعض مرات قول الحقيقة والحياد في امرهم امرا قاسي بالحيل (فبالله خلينا في الخمسة العزلناهم ليكم ديل وبطلوا الطمع ده)
    حريف والله سكسك ولكن (بغلة في ابريق كيكي ما يقول في حق مريخابي وجعني وجع شديد ذات ليل امدرماني)
    الا القليل...

    طلحة ياخ خليك امين مع نفسك مرة ولمن تجي المرة الجاية قول لينا الزول البعجبك في الهلال منو علييييك الله..(حاول مرة واحدة كده ياااخ)
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-25-2008, 08:46 AM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32484

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كووورة يا زمن الكووورة العجيب...!!! (Re: عبدالكريم الامين احمد)

    Quote: -سامي عزالدين

    عليه الف رحمة وجنات عرضها السموات والارض

    لاعب لايمكنني ان انساه ابدا (فلقد صرعنا جميعا ذات يوم جوباوي بعيد) ونحن نتلهف لفوز هلالي كبير
    بالقرب من شواطي نهر الجبل في استاد جوبا العتيق..
    قيل في الاثر بانه كان حارس مرمي عالي المرونة ويجيد التقاط الكرات في ايامه الاولي في ودمدني
    وزكريات مدرسة الهوارة ودورة المدارس التي سطع فيها..
    ثم جاء الي الصهاينة وليته لم ياتي او ليته حدف قليلا وذهب صوب حي العرب حتي تكتمل صورته الزاهية عندنا..
    حرفنة ومقدرات لاداء مهام لاعب الوسط صانع الالعاب باستايل مدهش ويريحك في (صليبك ده)
    خانة الانصايد الساقط عندما يلعب فيها لاعب مهاري ويجيد ربط الوسط بالهجوم ويجيد الباصات الاسكرو
    ثم (قلب) اللعب يمين ويسار تصبح متعة الفرجة متعة وذهول
    وهذا ما كان يفعله سامي رجل الثواني في كورته المريخية العظيمة...
    في كل مبارياته الهلالية تتنازعك الاهواء في ان لاتراه ثم فجاة كده تحن الي الكورة علي اصولها فتتمني ان يكون اول القداميين الي الماتش بمزاج...
    برفقة حموري في بداياته سوو العجب ومارسا ون تو اتي عبر طريق مدني الخرطوم سابح في المهارات والقوة
    والشجاعة والحرفنة
    رحم الله سامي عزالدين رجل الثواني
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-25-2008, 09:39 AM

طلحة عبدالله

تاريخ التسجيل: 09-14-2007
مجموع المشاركات: 14061

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كووورة يا زمن الكووورة العجيب...!!! (Re: عبدالكريم الامين احمد)

    سجل سجل يا تاريخ سكسك سكسك للمريخ ..
    هكذا هتفت جماهير الصفوة وهي تستقبل فارسها الأسمر أسامة آدم ريحان الذي إنحاز لقلبه وعقله وهو يختار قلعة الكؤوس ويمد لسانه للنادي المنحوس .. وذلك بعد معركة غير متكافئة كالعادة ما بين جهابذة التسجيلات المريخيون والبرالمة الهلاليين ..
    إن جماهير المريخ معروفة بابتكاراتها ومبادراتها وبدائعها في الاهازيج التى تتغني للاحمر الواهج ونجومه الصناديد .. هي التى إبتكرت هتاف( بالطول بالعرض مريخنا يهز الأرض) والذي أصبح نغمة شائعة ومحببة في كل مدرجات الجماهير العربية .. المريخ منجم النجوم وبيت الثقافة والشعراء والصناجات ففيه الإلهام والوحي الشعري ولاعجب فقد تأسس ليكون قلعة البطولات والإنجازات والأساطير كذلك.
    جاء سكسك للمريخ من التحرير البحراوي وجلب معه إبداعاته وفنه الكروي البديع ..
    كان سكسك أحد سحرة المستديرة بلاشك .. من تحت قدميه ينساب اللحن الشجي وهو يداعب الكرة برشاقة راقصي البالية فتتطاوعه مستكينة مسكينة كوتر تحت رحمة أنامل عبقري الحان ..
    كثيرون هم الذين كانوا يرابطون تحت هجير الشمس الحارقة إنتظارا لمباراة المريخ بعد ساعات غير قليلة متحملين رهق الوقوف المضن وقسوة الإنتظار الممل يقينا منهم أن لمسة واحدة من الساحر سكسك تستحق كدر السنين .. إنهم لا يبالون بلسعات الشمس طالما سسيتمتعون بترقيصات ملك الكفر وويطربون بتابلوهاته المموسقة ..
    إن سكسك لم يك مجرد لاعب يجيد المحاورة والمداورة علي رقعة المستطيل لينتزع أهات الإعجاب من المدرجات .. بل كان أكثر حرفنة وشيطنة من ذلك بكثير .. لقد شاهدته كثير يراوغ أحدهم من علي وضع طائر وتارة بإيماءات من رأسه وأخري بتمويجات جسده .. إنه يستطيع المراوغة من اي وضع وفي اي زمان ومكان حتى لو كان هذا المكان فنجان قهوة صغير .. كان يترك الكرة ليجر معه الخصم إلى مكان بعيد ويلقنه درسافي الرشاقة قبل أن يعود مرة أخري إلى حيث ترك الكرة ليطوعها بتمريرة زئبقية أو تسديدة حلزونية غير مرئية .
    كان سكسك مبتدع فن كروي أقرب للإسطورة .. لا يسجل كما يسجل الآخرين .. ولا يراوغ مثلهم .. ولا يمرر كما يفعلون .. إن هدف سكسك لابد أن يكون لوحة دافنشية .. وتمريرته حتما نوتة موسيقية .. لا يراوغ اللاعب الذي أمامه فقط , بل تشمل مراوغته ثلاثة خلفه ومثلهم أمامه بل ولا أبالغ أن قلت أنه كان يراوغ حتي بعض المشجعين الماخوذين المتسمرين ذهولا وطربا في المدرجات .
    هل بالغت يا كيكي ..؟
    ربما ..
    لكنني كنت أرى سكسك كما وصفته ومتأكد أن الكثيرين يتفقون معي ويزيدون عي ذلك .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-26-2008, 08:39 AM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32484

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كووورة يا زمن الكووورة العجيب...!!! (Re: طلحة عبدالله)

    Quote: إن هدف سكسك لابد أن يكون لوحة دافنشية

    نعم يا طلحة
    والصدق وكل الصدق ذلك هو سكسك فنان ولاعب ماهر وذكي
    ووصفته انت وصف عميق وجننتوا جن.


    ولسع في انتظارك عشان تحرر شششوية كده من مريخابيتك الرهيبة دي وتقول لينا الكان عاجبك في الهلال بالتحديد والفرق الاخري منوووووووو
    اعترف يا زول
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-25-2008, 10:24 AM

قيقراوي
<aقيقراوي
تاريخ التسجيل: 02-22-2008
مجموع المشاركات: 10279

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كووورة يا زمن الكووورة العجيب...!!! (Re: عبدالكريم الامين احمد)

    كيكي سلام

    و رغم هلاليتي التي لا تقبل القسمة على اكتر من زعيم و سيد بلد عاوز اسجل اعتراف جهري بحب هرم شاهق في مسارات الرياضة و كرة القدم في السودان
    آآي المرحوم " سامي عز الدين "
    مازلت استمتع بسمفونيات الراحل التي سطرها على ملاعبنا فناً و جمال
    مازالت المشاعر و الذكريات خليط في مناسابات زي افتتاح جامعة جوبا و موقفي من الذهب و ولونه

    و الفضل ما شهد به الاعداء . . . و الحق حق فلنمارسه جهراً وفاء للفنانين الاوفياء اللذين يضجون فينا حيوية و صخب

    و برضو بنثبت موقفنا انو العشق لا يقبل القسمة الا على ازرق و ابيض في الكورة و في مساحة المليون ميل مربع و في سماها و مسطحاتها المائية

    على ذكر محمد عبد الرحمن ( صحبي ) - و له ما ياهو ؟ - و عثمان النعيم ( قريبي ) ما تدخلوا لينا و لدنا " حاتم معني " هذا الاقتصادي الفنان و كان طولت اللستة دي لتشمل دوري الكليات جامعة الخرطوم بنجيك بـ " التيتش "

    (عدل بواسطة قيقراوي on 04-25-2008, 10:29 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-26-2008, 05:51 AM

mo
<amo
تاريخ التسجيل: 03-11-2002
مجموع المشاركات: 1187

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كووورة يا زمن الكووورة العجيب...!!! (Re: قيقراوي)

    مصطفي النقر ..
    كان أنشودة رائعة تغني بها جمهور الهلال .. كان رمزا لمعني الولاء والاداء الراق.. كان أنيقا في مظهره وكرته ...ظل كابتا للسودان والهلال ..اجاد وأبدع .. كانت صورته راسخة في ذهني بأعتباره لاعبا قل أن يجود بمثله الزمان ...الي أن فوجئت به وفي دوري السودانيين بالرياض(1994) وهي دورة ترفيهية للجالية هناك ...غير أن تلك ا لمباريات يؤمها نفر كبير ..طمعا في رؤية نجوم تلألات في سماء السودان ...حيث هناك كباكا والنقر ولعب الريح ردحا ..وفي احدي تلك المباريات رأيت هذا الكابتن ثائرا والزبد يتطاير من (أنفه ) وفمه .. لماذا لأن المدرب رأي تغيره وظل يسب ويسخط ,, ثم دنوت منه وأنا أربت علي كتفه (ياراجل أختشي أنت كنت كابتن السودان وخيلك كبير) من وقتها كلما يذكر النقر أتذكر تلك الحادثة ..رغم أني أموت عشقا في الهلال وكان النقر واحد من الذين حببونا في الهلال ..ولكن يأتي قاقارين دائما في الطليعة ...كامل الاخلاق ..مكتمل العلم (والكمال لله ) أدي ماعليه داخل الميدان بكل جدارة وأحترام ..ومازال محترما ويقابل بالاحترام أينماحل ..ويبدو بأن نرفزة النقر ظلت تلاحقه باللعنات ..ولكنه يستحق التقدير لماقدمه للهلال والسودان ....
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-26-2008, 08:52 AM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32484

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كووورة يا زمن الكووورة العجيب...!!! (Re: قيقراوي)

    Quote: حاتم معني " هذا الاقتصادي الفنان و كان طولت اللستة دي لتشمل دوري الكليات جامعة الخرطوم بنجيك بـ " التيتش "

    هلا يا قيقا
    وحبابك الف والله في ساحة الكورة الزمن الجميل
    وحاتم معني فعلا كان لعاب وماهر واوجعنا نحن اهل غرب الميدان الغربي كثيرا
    ولذا كلامنا فيهو سياتي مشوشا وممكن يجيب سيرة(ثلاثة لكاشر في الاسبوع ودخلوا الجامعة بدون مجموع)
    ونبقي في شبكة وتلتلة مع الاخوة والاخوات السكرتيرات

    ودوري الكليات في الجامعة فعلا كان به لعيبة عظام ومميزين غلي غرار حاتم وانور ومحمد سيد وودالمتوكل
    وبهاء الدين ونادر الحلبي واخريييين كثثثثثار نتمني ان نتحدث عنهم هنا ايضا

    واصحابك بالف خير ابو عفان ومحمد عبدالرحمن واجمل شي انكم جميعا (سياد بلد كهلالاب كبار)
    لايشق لكم غبار
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-26-2008, 09:13 AM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32484

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كووورة يا زمن الكووورة العجيب...!!! (Re: عبدالكريم الامين احمد)

    Quote: كان أنشودة رائعة تغني بها جمهور الهلال .. كان رمزا لمعني الولاء والاداء الراق.. كان أنيقا في مظهره وكرته ...ظل كابتا للسودان والهلال ..اجاد وأبدع .. كانت صورته راسخة في ذهني بأعتباره لاعبا قل أن يجود بمثله الزمان ...الي أن فوجئت به وفي دوري السودانيين بالرياض(1994) وهي دورة ترفيهية للجالية هناك ...غير أن تلك ا لمباريات يؤمها نفر كبير ..طمعا في رؤية نجوم تلألات في سماء السودان ...حيث هناك كباكا والنقر ولعب الريح ردحا ..وفي احدي تلك المباريات رأيت هذا الكابتن ثائرا والزبد يتطاير من (أنفه ) وفمه .. لماذا لأن المدرب رأي تغيره وظل يسب ويسخط ,, ثم دنوت منه وأنا أربت علي كتفه (ياراجل أختشي أنت كنت كابتن السودان وخيلك كبير) من وقتها كلما يذكر النقر أتذكر تلك الحادثة ..رغم أني أموت عشقا في الهلال وكان النقر واحد من الذين حببونا في الهلال ..ولكن يأتي قاقارين دائما في الطليعة ...كامل الاخلاق ..مكتمل العلم (والكمال لله ) أدي ماعليه داخل الميدان بكل جدارة وأحترام ..ومازال محترما ويقابل بالاحترام أينماحل ..ويبدو بأن نرفزة النقر ظلت تلاحقه باللعنات ..ولكنه يستحق التقدير لماقدمه للهلال والسودان

    هلا يا مو
    ولا اضيف شيئا للنقر مهما قلت اكثر مما اوردته هنا
    وكل التحية وواصل بالله شيل من اللستة وششششششششوت في نجومنا الذين متعونا
    وادهشونا بحرفنتهم العالية
    وكل التحية
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-26-2008, 03:24 PM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32484

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كووورة يا زمن الكووورة العجيب...!!! (Re: عبدالكريم الامين احمد)

    Quote: 11-زيكو

    منتصر الزاكي زيكو
    لاحل ولا معادلة في التعامل معه كهداف مريخي الا الاحتراموالاعجاب
    هد ناري وتقدم حماس صوب المرمي وفنيات عالية وكورة بفهم وعلم وتاهيل اكاديمي لاحقا
    مثله ومثل ابوعنجة تتمني عدم حضورهم الي مقابلات ابو الهل ولكن ان اتو في فورمتهم العالية علينا الحذر ثم الحذر الشديد..
    اشهر لقطاته التي تعجبنا هي (اخذه للكورةفي ماتش الهلال التاريخي) غيرة وحنبكة عالية واصرار علي عدم الهزيمة تحت كل الظروف...
    زيكو فنان وفتي عالي التهذيب وصديق سابح في بحور من التهذيب الانساني العالي وعاني من ظلم كبير في ردهات كرة القدم..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-27-2008, 06:03 PM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32484

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كووورة يا زمن الكووورة العجيب...!!! (Re: عبدالكريم الامين احمد)

    Quote: 12- ابراهومة

    وابراهومة المعني هنا ليس بابراهومة بتاع المريخ رغم فنياته العالية ولا ابراهومة القديم رغم ما تواتر الينا من دهشة كانت يحدثها في الملاعب
    بل انه ابراهومة (الديسكو) لاعب الهلال الشهير الاتي من اعماق كوبر
    لاعب نص ماهر (وعندما ينطق الخواجة لاعب نص بمواصفات صانع العاب) فحتما المواصفات المقصودة هي التي طلت من الديسكو في كورته المدهشة التي كانت تمتع وتسكر وتطرب الجماهير العريضة هلالا واخريين مريخاب (تحت تحت) والشجعان (فوق فوق)...
    لم اري في عمري لاعب يجيد تثبيت الكورة بالعضل رجلا مثل هذا الفتي السابح في هارومونية وكورة في الراس اوجد لها جسما رشيقا قادرا علي تنفيذ الخيال والابداع فيه...
    لاعب لاتمل من مشاهدته وخاصة عندما يكون في اعلي فرمته وساعتها يكون الهلال ايضا في اعلي درجات عافيته وقادر علي هزيمة اعتي الفرق وبفن عالي...
    وياسلام يازمن ابراهومة الديسكو
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-27-2008, 08:37 PM

haroon diyab
<aharoon diyab
تاريخ التسجيل: 06-20-2007
مجموع المشاركات: 23178

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كووورة يا زمن الكووورة العجيب...!!! (Re: عبدالكريم الامين احمد)

    ..............والله انا ماعاجبني غير اللاعب ده.........



    ...............خاصة بعد التعديل............
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-27-2008, 08:44 PM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32484

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كووورة يا زمن الكووورة العجيب...!!! (Re: haroon diyab)

    Quote: خاصة بعد التعديل

    هلا بسكورتا وحبابك
    والليلة قلنا ندي الوش ده صنفرة ونركب موجة البروفايلات الحايمة في البلد دي
    مع تحياتي
    طارق المكي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de