|
دعواتكم لزميلنا المفكر د.الباقر العفيف بالشفاء العاجل
|
|
 Re: كمبو الري تزين اجراس الحرية (Re: khaleel)
|
| Quote: سياحة في قلب الهامش وفعلا تحتاج ان تنزل في الصحف ليستمتع بها كل السودان |
هلا يا خلي وشكرا علي هذه الزاويا
وكمبو الري حقنا جميعا ..وسفره الان من الاسافير الي صفحات الصحف في قلب الخرطوم
هو رحيل لسفينة ملانة بسيرة الناس الطيبيبن الي الناس الطيبين....
وشكرا لصحيفة اجراس الحرية كونها وجدت بين صفحات الكمبو وسيرة الكمبو وناس كرجول وكاويك والرضية بري
ما يستحقه القاري السوداني
| |
 
|
|
|
|
|
|
|
|
Re: كمبو الري تزين اجراس الحرية (Re: khaleel)
|
هنالك بوستات تحتوي مواد جديرة بان يقراها الشعب السوداني اجمع وان لا تختزل في القراء الالكترونين فقط كمبو الري بتربع علي عرشها فخرا لنا كاعضاء بسودانيز اونلاين ان ينال كمبو الري مكانه في الصحف اليومية ليقراه الشعب بمادته التي تحكي عن هذا الشعب ..مبروووك يا عبدالكريم يا معلم وشكرا خليل ومنعم سليمان ولكما الود..
*** مناسبة طيبة لأبارك لك يا خليل منبر اليوم الحار الف مبروووك
| |
|
|
|
|
|
|
|
|
|
Re: كمبو الري تزين اجراس الحرية (Re: ريهان الريح الشاذلي)
|
في زمن الفجيعة وعصر صعود انصاف المتعلمين الي سطوة الاحداث وتشكيل
الراي العام في بلادي..ياتي الينا من يذدري ويحط من قدر الفقراء ويسب بهم
خصومه.وما يوسف له ان يصمت الكثيرين من الهمهم الفقراء حزبا وخطاب
سياسي مبني علي سيرة وكفاح الفقراء والفقيرات مثل الرضية ست الاكل
وفائذة كبك وعوضية رتينة وكاويك وكرجول وبلية وجوك وحواء ليمون
ياتي الرجال النصف كلتش..كما كان يصفهم القائد العمالي الحقيقي سوفيت
ياتون وبكل دم بارد فج..يكيلون التشنيع والاذدراء الرخيص لمثل اولئك
الشرفاء النبلاء القابضين علي جمر الجوع والعطش والفقر والملابس
البالية الممزقة......!!!
ان وطنكم هذا لم ينصلح له حال ما لم يتصالح الكثيرين مع الحقيقة والواقع
ويتواضع الجميع ويزيلوا الغطاء الزائف والكذب علي الذات بالجلوس
علي عرش الانفة التي تذكر بذلك المثل الذي يحكي عن الذي يريد السديري
ونصفه الاسفل عاري من اللباس.....!!!
ستقوم حروبا ويقتتل جنوبه مرة اخري وقد ينفصل ويذهب ليعالج امره..
ووشعلة دارفور ستبقي متقدة والي زمن بعيد حتي نتواضع وننبذ التكبر
والزيف الاثني و تحقير الفقراء وتعميق التهميش بالصمت علي الاصوات
الصدئة التي تاتي من الرجال النصف كلتش...!!!!!! الذين اباح لهم الليل
الظالم الذي طول اباح لهم لسانا طويلا وقوة للعين وجاه وسلطان واباح
لهم قلم سنانه الصدئة تعمق للكارثة ونحن صرنا مثل زوج الامراة الخائنة
صرنا اخر من يقول لا في وجه من سحقوا الفقراء....!!!!
.....!!!!!!!
ستقوم حروب ضروس وستبت الارض قادة ورجال حقيقين صدورهم
مليئة برفض الظلم والازدراء والتحقير سياتون منحازون للفقراء
ضد كل الاوباش المرتجفة وحتما سياتي اليوم الذي فيه سترد الحقوق
الي كل هولاء..وستبنيي مدارس وتجلب الغذاء وستيطمر رماد كانون
ست الشاي في لوحة كبيرة ذاهية ترمي فيها الورود.....!!!!!!!
كمبو الري....حكايات سوفيت واخريين
| |
|
|
|
|
|
|
|
|
|
Re: كمبو الري تزين اجراس الحرية (Re: ريهان الريح الشاذلي)
|
| Quote: هنالك بوستات تحتوي مواد جديرة بان يقراها الشعب السوداني اجمع وان لا تختزل في القراء الالكترونين فقط كمبو الري بتربع علي عرشها فخرا لنا كاعضاء بسودانيز اونلاين ان ينال كمبو الري مكانه في الصحف اليومية ليقراه الشعب بمادته التي تحكي عن هذا الشعب ..مبروووك يا عبدالكريم يا معلم وشكرا خليل ومنعم سليمان ولكما الود.. |
هلا يا ريهان يا فردة...
ويعلم الله يا ريهان دي شهادة تكبر الراس وتنفخو نفخة عشة بت نفرين
وكل الود والتقدير علي كلماتك الجميلة ياريهان...
وبالله اشفطوا لينا صدي الكمبو بين الناس البتقراء وادونا فيد باك
| |
|
|
|
|
|
|
|
|
|
Re: كمبو الري تزين اجراس الحرية (Re: عبد المنعم سليمان)
|
...........
Quote: غايتوا بكون في زول عمل ليه واسطة في الجريدة
يكون ده منو يا ربي ؟ |
...... يكون دا مؤيد الشريف ياربي?
.......كيكي لايحتاج لواسطة فقدراته وإمكاناته وكتاباته خير إعلان وخير مدخل لإستتكاتبه ..
| |
|
|
|
|
|
|
|
|
|
Re: كمبو الري تزين اجراس الحرية (Re: khaleel)
|
........شكرا خليل
وطبعا دي أضافة نوعية وقفزة معتبرة في مسار هذه الصحيفة ...
عبد الكريم قلم ملتزم يمتاز بالعمق والسلاسة والقدرة علي الاستبطان والتفكيك
والتحليل والتحديق في عين الفيل والطعن في قلبه ...مبدئي ومصادم في زمن
الميوعة والمواقف المزدوجة والأنكسار وركوب السرجيين!!
.... ساخر ولكن بلا أبتزال أو تسطيح أو فجاجة .......مصادم ولكن بلا شخصنة
أو إسفاف..........
........هنئيا لإجراس الحرية بإستكتاب عاشق الحرية
...........أنتهي
... صدي
وطبعا ستسعي الإنتباهة لتسجيل نقطة عكسية وتسجيل ليبرو لتشتيت الهجوم
الكيكي الكاسح فمن هو المرشح لمواجهة نجم التسجيلات كيكي ?
كمال
| |
|
|
|
|
|
|
|
|
|
Re: كمبو الري تزين اجراس الحرية (Re: kamalabas)
|
هلا يا ابوكمال
وشكرا علي كلماتك الرائعة يا كمال في حقي وحملتني بها مسئولية كبري كونها اتت من الذين يخطون معاني المبادئي والانحياز الحقيقي
لكل خيارات شعبنا من ديمقراطية وحق الانسان السوداني بالحرية ورفض الظلم... واتمني ان يلهمنا الله كل القوي حتي ننال من صدي كلماتك الجميلة تلك
وكل الود
.....
| |
|
|
|
|
|
|
|
|
|
Re: كمبو الري تزين اجراس الحرية (Re: khaleel)
|
ظاهرة إستكتاب صحفنا المحلية لبعض كتاب المنبر وجدت إستحسان كبير من محبي كتاباتهم .. طالعنا مسهامات قيمة لناذر خليفة وملاسي ومعاذ حسن وغريبة وغادة عبد العزيز وشكوكو وغيرهم ممن لم تسعفني الذاكرة على تذكرهم
لكن الملاحظ أنهم لم يواصلوا في هذا الخط .. لا أدرى ما هو السبب في ذلك
أتمنى أن تظل سودانيز اون لاين رافدا قويا لصحفنا السيارة على مدى طويل
| |
|
|
|
|
|
|
|
|
|
Re: كمبو الري تزين اجراس الحرية (Re: khaleel)
|
| Quote: في السياسة والثقافة لكن اذا كتب قسطنطين في الصحافة الرياضية سيصيبها الكساد |
اتخيل لي يا خليل
انت لو كتبت في الصحف الرياضية المكرسح حيشيل العميان..
بس كدي جرب وخليك سوداني
| |
|
|
|
|
|
|
|
|
|
Re: كمبو الري تزين اجراس الحرية (Re: حيدر حسن ميرغني)
|
Quote:
ظاهرة إستكتاب صحفنا المحلية لبعض كتاب المنبر وجدت إستحسان كبير من محبي كتاباتهم .. طالعنا مسهامات قيمة لناذر خليفة وملاسي ومعاذ حسن وغريبة وغادة عبد العزيز وشكوكو وغيرهم ممن لم تسعفني الذاكرة على تذكرهم
لكن الملاحظ أنهم لم يواصلوا في هذا الخط .. لا أدرى ما هو السبب في ذلك
أتمنى أن تظل سودانيز اون لاين رافدا قويا لصحفنا السيارة على مدى طويل |
هلا يا حيدر
وهي تجربة فعلا خاضها الكثيرين انطلاقا من هذا المنبر..واعتقد بانها جديرة بالاهتمام للفرق الكبير مابين الكتابة في الفضاء الاسفيري الضيق نوعا ما
والفضاء الصحفي الواسع..وتحدي حقيقي ...فالمساحة والملعب الان هو كل هذا السودان الكبير والعريض ....
ودعواتكم بس يا فردة
| |
|
|
|
|
|
|
|
|
|
Re: كمبو الري تزين اجراس الحرية (Re: khaleel)
|
خليل سلامات
عبد الكريم شغلة القراية و الكتابة و الانحياز للمهمشين و الفقراء دي مسائل
اظنها كانوا بدوها ليهم مع شاي الصباح هو و اخوانو قبال ما يكبروا و يقرروا
لنفسهم بنفسهم...
و يا كيكي: هسه صاحبك الباشبزق الحاقد داك الحكاية دي بتكون ماكله معاهو خالص
| |
|
|
|
|
|
|
|
|
|
Re: كمبو الري تزين اجراس الحرية (Re: khaleel)
|
سلامات يا خليل
معرفتي الشخصيه بكيكي والتي تمتد الي اكثر من عشرين عاما كما تعلم تجعل اي اطراء اقوله في حقه شهاده مجروحه
ولكن للحقيقه والتاريخ طوال هذه الفتره ورغم علمي انه يملك قدره عاليه في التحليل الا انني لم اكن اعرف ان له هذه الموهبه
في ترجمه هذا التحليل وقراءه الواقع الي كتابه سلسله بلغه بسيطه وسهله ونافذه الا من خلال سودانيز اون لاين
وكما قلت للاديب فضيلي جماع ذات مسنجر ان كيكي مشروع متكامل لكاتب سيناريو من طراز رفيع
_______________________________
غايتو يل كيكي انت ومحمد اّريا شكيتم لله كتو كاتلين حيلكم في الكليه
واحد طلع روائي
والتاني بتاع كتابه واقعيه وكده
| |
|
|
|
|
|
|
|
|
|
Re: كمبو الري تزين اجراس الحرية (Re: Omar Bob)
|
Quote: غايتو يل كيكي انت ومحمد اّريا شكيتم لله كتو كاتلين حيلكم في الكليه
واحد طلع روائي
والتاني بتاع كتابه واقعيه وكده |
هلا يا هندسة
وحباب المساحين الكبار وانتم يا بوب هم شيوخنا الذين علمتونا السحر
ومن سار علي درب الاولين لن يضل الطريق ابدا...
وشكر ا علي كلامك العميق والكبير يا بوب وشهادتك انت والاستاذ فضيلي
شرف ومسئولية كبري يا بوب...بس الله يقدرنا عليها ساكت
ودمت
| |
|
|
|
|
|
|
|
|
|
Re: كمبو الري تزين اجراس الحرية (Re: الطاهر عثمان)
|
Quote: والله يا عبد الكريم خبر مفرح جدا وتستاهل والله كل خير
وكمبو الري قلنا من زماااان إبداع من زمن الراكوبة |
هلا يا الطاهر
حبابك
وشكرا يا الطاهر
وانتم فعلا من اوائل الذين وقف مع كمبو الري حتي سطع واكتملت كل فصوله
ورمضان كريم
| |
|
|
|
|
|
|
|
|
|
Re: كمبو الري تزين اجراس الحرية (Re: khaleel)
|
سلامات
وعوافي
الاخ خليل
الاستاذ "كيكي"..
والله دا نصر كبير لي اجراس الحرية كون استاذ"كيكي" قلم سردي وذاكرة حديدية وخيال خصب ضف الي ذلك سلاسته في شحن التفاصيل بالمشاهد الدرامية الجاذبة ..
.
.
باخي بعد كدة كيكي دا الله يعلم يرد لينا علي اتصال وتوكلنا علي الله من هسي ومسكنا في "استاذ كيكي" ..
وربك يهون يا خليل..
ويا استاذ كيكي انا عبد الرحيم ودرملية ما عارف اذا متذكرني والا لا ..المهم كنت متصور في المنبر دا وانا شايل لي عو وبدندن بي رائعة ابوداود "كيف الحياة من غير ليمك..من بعدك حظي اصبح زي لون هضليمك ..يا نعيم الددددددنيا"..
...
يا خلي قسطنطين قال الهلال مغلوب كم؟
وشكرا
| |
|
|
|
|
|
|
|
|
|
Re: كمبو الري تزين اجراس الحرية (Re: ودرملية)
|
اووووه انه اذن الفنان ودرملية..
وما تخاف يا عبدالرحيم سنجد مساحة جديدة وكوهة نحدث الجميع عن فنك الذي حلقنا في نقده ونبيان خطله
وكما حذرنا اهل الاسافير منه سنحذر العامة ايضا عبر اجراس الحرية عن خطورته علي اذن المستمع
| |
|
|
|
|
|
|
|
|
|
Re: كمبو الري تزين اجراس الحرية (Re: Adil Osman)
|
| Quote: مبروك للكاتب الجميل الزميل كيكى. عقبال الكتاب. |
هلا ياعادل والف شكر
وقريبا باذن الله كمبو الري حكايا سوفيت واخريين كتابا
وممهورا باهداء في صفحاته الاولي الي صديقي عادل عثمان وكل الذين جعلوا من الكمبو ممكنا
| |
|
|
|
|
|
|
|
|
|
Re: كمبو الري تزين اجراس الحرية (Re: khaleel)
|
اول حاجة يا كيكي اقول ليك الف مبروك وتستاهل كل خير
و واثقين انك ح ترفع راس الهندسة
وصيتي ليك انك تعمل حسابك وتبعد من الصفحات زي الخاتيها عادل عثمان دي فيها ضرب نار بالفاشر عشان ما يعوقوك لينا يعني شوفلك محلة كدي كدي هادية في الجريدة.
انا طبعا ح اعمل ليك كرامة هنا معانا اربعة سودانيين غايتو نشوف ليك حاجة نضبحا واقول ليهم دي كرامة صاحبي شالوه في الجريدة.
ولى قددام
اخوك امحمـد
| |
|
|
|
|
|
|
|
|
|
Re: كمبو الري تزين اجراس الحرية (Re: Mohamed Bannaga)
|
| Quote: وصيتي ليك انك تعمل حسابك وتبعد من الصفحات زي الخاتيها عادل عثمان دي فيها ضرب نار بالفاشر عشان ما يعوقوك لينا يعني شوفلك محلة كدي كدي هادية في الجريدة. |
هلا يا ود البدوي
وحباب صديق الزمن الجميل ومدارات العهد السمح...
ويافردة الصفحات ام كلاشات دي يحيمنا منها الله... باقي البلد بقت كع كرع وضرب من طرف..
...
ويا ود البدوي ياخي كن كثيرا وغزيرا في هذا المنبر حتي نبل الشوق و لهفة السنين
| |
|
|
|
|
|
|
|
|
|
Re: كمبو الري تزين اجراس الحرية (Re: khaleel)
|
والله ده خبر خطيييييير
وده خبر جميييييييل
مبروك للسلطة الرابعة (ان جاز التعبير) ... دي نقلة نوعية
قلبة من زمن ود المتوكل
وكيكي موديل 2008 قدها وقدود
سلام ياخلي
وتستاهلا يا كيكي
وبرضو دكشمانك مع اخو الجكسوية مفروض يتقري
وبعدين انتو الكاهن ده تعب من امريكا ولا خيط اوباما ما لافق معاه تلب علينا فجأة كدة
وينك يا محمد بدوي بانقا (ود الشاعر)
| |
|
|
|
|
|
|
|
|
|
Re: كمبو الري تزين اجراس الحرية (Re: ابراهيم ابوسمرة)
|
| Quote: قلبة من زمن ود المتوكل |
هلا يا ابو سمرة وحباب الاصحاب
وقلبات ود المتوكل دي يا ابو سمرة قاسية وصعبة بالحيل
باقي لي في الصحافة هيكل ما يقدر يعمل زيها....
وبالله لو شقت طه النور مطرف قول ليهو اعمل حسابك (وكيكي نازل)
| |
|
|
|
|
|
|
|
|
|
Re: كمبو الري تزين اجراس الحرية (Re: عبدالكريم الامين احمد)
|
خليل كيف حالك ورمضان كريم..
مشكور على هذه الاخبار الطيبة..
كيكي ياخَيْ.. كان ما عملوا كدا ناس اجراس الحرية يكونوا بالغوا عديل..
انشاء الله ناس كمبو الري بعد دا يلقوا ليهم فرقة فوق في الـcamps الجديدة
دي بدل الكنابي..
كيكي .. يعلم الله رفعت راسنا فوق.. وشرفنا وتشرفنا بمعرفة قلمك المنحاز
الى هذه الفئات المسحوقة والمهمشة حتى من قبل الهامش نفسه..
تسلم ياخي..(المسجات دي مالك ما بتعرفها)..
| |
|
|
|
|
|
|
|
|
|
Re: كمبو الري تزين اجراس الحرية (Re: حليمة محمد عبد الرحمن)
|
Quote: انشاء الله ناس كمبو الري بعد دا يلقوا ليهم فرقة فوق في الـcamps الجديدة
دي بدل الكنابي.. |
هلا يا حليمة ومشتاقين ياخي
ودي الدعوة او بلاش يا حليمة مع الرمضان ده..وربنا ياخذ بهموم وماسي كل الفقراء في بلادنا
......
وانتي وين يا استاذة غياب شديد من المنبر
وكان لو ما ظهرتي في المنبر مع باقي اليوم ده لشيدنا بوست بعنوان
(ياجماعة حليمة عبدالرحمن دي افقدوها لينا...الرمضان عصر عليها السنة دي ولا شنو)
وكل الود يا حليمة وعلي كلامك الاخوي الطيب
| |
|
|
|
|
|
|
|
|
|
Re: كمبو الري تزين اجراس الحرية (Re: khaleel)
|
القصايد يا كريم شمـس بعيدة
................................ نورها الزاهى على حسي لهيب
المعاول عاندت راعـي القصـيدة
......................................لا تزل تبعد و هو منها قريب
اعتقت روحي عبارات فريدة
..................................... ارسلت دمع على خـد الحبيب
ليتها طافت علي طـل الحبيبة
...............................وارتوت وجـدا على ذكري وطيـب
جابـت الكلمات حارات الجريدة
................................ترسل الآهات في صمـت رهـيب
طافت الاحرف شوارعـها العريضـة
..............................لم تجـد مأوى فأضحـت في نحيب
حتي اتـى كيكي بآراء جديـدة
.....................................قمة الاسـراد في ثوب رهيـب
ازدانت العمدان زهرات وريـدة
...................................طيبـها قلـم كما الحقل الخصيـب
يبعـث السلوى باشكال عديدة
.....................................كلهـا عطـر فيا كيكي العجيـب
كل التحايا وشعر لا اجيده
..............................ودعـوات بتوفيق تلاقي من يجيـب
تحياتي
اخوك محمد بدوي
| |
|
|
|
|
|
|
|
|
|
Re: كمبو الري تزين اجراس الحرية (Re: khaleel)
|
شكرا خليل على هذا الخبر
فكتابات كيكي جديرة بان تُنشر ويحتفى بها
كسرة:
تعرف ياكيكي لو الرقيب الامني (دقس) لدقيقة واحدة
بنلقى قصة حواء اوكامبو على الصفحة الاولى من الاجراس
لكما تحياتي وودي ورمضان كريم
| |
|
|
|
|
|
|
|
|
|
Re: كمبو الري تزين اجراس الحرية (Re: Imad Khalifa)
|
Quote: كسرة:
تعرف ياكيكي لو الرقيب الامني (دقس) لدقيقة واحدة
بنلقى قصة حواء اوكامبو على الصفحة الاولى من الاجراس
لكما تحياتي وودي ورمضان كريم |
هلا يا عمدة وحبابك
والرقيب ده لو ادانا مساحة وزمن حاجات كثيرة بلقاها (جوووه الجك)
عمرجكس- وشروط ناس ود قنيرة ..وكلاما عن الرقيص اشكاله وانواعه
ولكن يا حسسسسسسسسسرة
| |
|
|
|
|
|
|
|
|
|
Re: كمبو الري تزين اجراس الحرية (Re: Mohamed Bannaga)
|
Quote: يبعـث السلوى باشكال عديدة
.....................................كلهـا عطـر فيا كيكي العجيـب |
هلا بصديق الزمن السمح
ومشاقين يا محمد وشديد ياخي....
وما قصرت مع اخوك تب وضبتني بواحد قصيدة جننتني جن السنين
وكل الشكر يا وريف
| |
|
|
|
|
|
|
|
|
|
Re: كمبو الري تزين اجراس الحرية (Re: khaleel)
|
يا خليل اليومين ديل الواحد يمشي الأكشاك يلقي أجراس الحرية كملت من بدري
يا دوب عرفنا السبب ، غايتو يا كيكي الناس ديل لو فيها قبيض بستلم ليك
ما عندك مشكلة ، ولو بقت ملح ساكت وفيها دروع وشهادات بخلي صلاح الأمين
يستلمها ،، طبعاً في معلومة إنه صلاح الأمين برضو من كتاب اجراس الحرية
في الملف الثقافي ، بيكتب كلام بتاع ناس مثقفين ، يفهموا وهو وزي
كم نفر معاهو ، ما زي الكلام بتاع كيكي الجميل ده ،،،
تصدق يا كيكي زولك دا أول مقال كتبه عن عثمان سمبين .. وكلام كبار
كبار ،،
عموماً مبروك لأجراس الحرية سيرة ناس الهامش ، ملح الحياة
والناس الحقيقيين ،، واصل يا هندسة في سيرة الناس الجميلة دي
لكما الود ...
خليل ،،،،،،، كيكي
| |
|
|
|
|
|
|
|
|
|
Re: كمبو الري تزين اجراس الحرية (Re: زهير الزناتي)
|
هلا يا زهير
واحنا زي كلام صحبك ابو صلاح عن سامبين عثمان واكوا ابكر ده لا قدر لا لحم سدروا
ناس قريعتي راحت سسسسسساكت كلثوم وحواء وعثمان فركة ...
وخليك قريب يا ابو الزهور القصة ممكن تجيب ليها دفع وقبض
ونجي نقبض ونمشي البوادي نضرب جداد ناس الخراطيم الطاعم ده
| |
|
|
|
|
|
|
| |
khaleel
عبدالكريم الامين احمد
عبد المنعم سليمان
حيدر حسن ميرغني
ريهان الريح الشاذلي
kamalabas
Omar Bob
الطاهر عثمان
Badreldin Ahmed Musa
ودرملية
Adil Osman
Mohamed Bannaga
عصام علي أحمد
حليمة محمد عبد الرحمن
Imad Khalifa
زهير الزناتي
فيس بوك
تويتر
انستقرام
يوتيوب
بنتيريست