دعواتكم لزميلنا المفكر د.الباقر العفيف بالشفاء العاجل
|
|
 كلبشات... صديقي كلبش المسخوت...!!!
|
]كلبش الدنجوان وصهوة جياد مصطفي سعيد...!!!
كلبش ..قروي وابن مدن اوجدته الظروف القاهرة عقب تخرجه من بقايا غرودن التذكارية في مدارت
ذلك المكان العجيب والغريب والمدهش مكان احتلت جغرافيته بقايا اثنيات هربت من حرب فرنجة عاثوا
في عاصمة بلادهم حربا وفساد كبيرين.!!!..
كان (كلبش) صاحب السبعة وعشرون عاما يمتاز بملامح افريقية واكسبته اسرته القلقة تجوال متواصل
مابين مدن وفيافي عديدة في ذلك الوطن فتشرب صديقنا كلبش ثقافات عديدة وخبر جغرافية النساء منذ زمن بعيدوصار خبيرا ومستشارا لا يشق له غبار وشجاعا يرتاد المغامرات والخطوب بتهور واضح واصرار محموم..
المتامل لجغرافية وتوزيعات تلكم المنطقة التي حط (كلبش) عليها ذات يوم خريفي كثير الغيوم والمطر ارجله انها تجمعات قري وكنابو ترتمي علي مساحات متفرقة تفرق بينها اشجار نادرة الوجود وكثيفة الغصون ومليئة بالاشواك وترابها ملي بالوحل.. قري جميعها تتمحور حول تلكم الابنية الطوبية التي شيدتها حكومة البلاد لادارة ذلك المشروع الزراعي الذي وافقت ادارته علي تعيين (كلبش) موظف ميداني بمواصفات مهنية معينة لا تتوفر الا لكلبش وامثاله....
كان اول استقبال راق (لكلبش) في ذلك المكان هي زيارته الي (الاستبالية) الوحيدة في ذلك المكان وفي ايامه الاولي راقت له تلكم الممرضة اللعوب (حواية) ..صاحبة الخمس وثلاثون عاما والجسد الصارخ برغبة لاتقاوم لمثل صاحبنا (كلبش) الذي لا يتواني بتقديم ارواق اعتماده من اول (عشرة دقائق) من بداية اي محادثة مع انسانةمثل (حواية) ذات القوام الممشوق والتوب الذي دائما في يكون في حالة (جديع) ليبرز ما هو دوما يجنن صديقنا الخطير كلبش[/]
|
|
 
|
|
|
|
|
|
|
|
Re: كلبشات... صديقي كلبش المسخوت...!!! (Re: عبدالكريم الامين احمد)
|
- ايوه اسمي كلبش وجيت موظف جديد في قسم كيت كيت..
- بسمة حواياية ونكتة من فم الخطير المرح (كلبش) ..كانت قادرة وكافية علي اعطاء كلبش الخرطة التفصيلية لمنزل (حواية) الذي اكتشف كلبش بخبرته وحسه الجغرافي انه لايبعد كثيرا عن مكان سكنه الذي وفرته اليه ادراة ذلك المشروع واكتشف تماما بانه (يمكن بمباصرته كداري..او كدراويش كما كان يردد دوما).......!!!!
كلبش في خبرته تلك تعلم فن الشمشة وقراية الملاعب قبل الدخول الي اجواء مبارياتها وحس بصوته
الامني الداخلي ان مثل (حواية) وبتلك الامكانيات يصعب ان تكون بلا (رفيق) او قصة لذا تفتقت خبرته في
البحث عن (دليل) وخبير بشوون تلكم الفيافي واسرارها ليعطيه (زبدة) الاحداث ويجعل له تغطيه خلفية
تغذيه بالمعلومات لكي يرسلها الي جهاز تحليله الجاهز دوما لمثل تلكم الاشياء حتي لا يفتك به في تلك الفيافي التي ورغم كثرة (رفع العلم فيها) ورفع العلم كانت دلالة علي ممارسة سفر الاجساد..
| |
|
|
|
|
|
|
|
|
|
Re: كلبشات... صديقي كلبش المسخوت...!!! (Re: عبدالكريم الامين احمد)
|
وهنا طل التاريخي (زكة) ذلك الطباخ (طاعم اليد) ومدهش الرقيص في كل حفلات الافندية التي تقام
في ليالي القعدات والمشحونة بالسنسنة الجيدة الصناعة والمشاوي ذات الرائحة الخطيرة الشهية وكانت في تمام حضورها تضم المهندسين والافندية الميدانين من ارباب العمل في الغيط وثم ايضا (قلواك) ضابط صاحب الجثمان الضخم بالاضافة الي (كلبش) الذي كان اضغرهم سنا واقلهم ضربا للككر لمن كانت قمة متعته في تناول صوابع (العكو) التي كان (زكة) يجيد صناعتها ويطوهها بكل خبرة السنين العديدة التي قضاها كطباخ ماهر في ذلك المكان الذي مر عليه العديد من الافندية الفنجريين من ابناء البندر.....؟؟
في اجواء تلكم الجلسات الصاخبة استطاع (كلبش) بحنكة وشفتنة عالية استجواب الاسطوري (زكة) في
امر( حواية) كضربة بداية لدخوله الملاعب في مداره الجديد الواعد بالكثير من المباريات الودية منها
والشبه رسمية فيما بعد...وسرب (زكة) وبنبرة تحذير واضحة خطورة الالتحام بمدار حواية التي يحلق
فيه وبصفة دائمة (حمودة) ذلك الشرطي الشرس السكير وراكب الفيل الاحمر العينين والذي لا يتواني ابدا
في ضرب المتهمين وغير المتهمين ضرب غرائب الابل دون سبب يذكر
| |
|
|
|
|
|
|
|
|
|
Re: كلبشات... صديقي كلبش المسخوت...!!! (Re: sumah)
|
Quote: يكون ضاع العمر ياولدى
من غير ككر
افيدونا .. |
هلا يا ابو السباع
وحبابك وحباب الككر..
ولن يضيع عمر بهذه السهولة وفي كرياته بعضا من ذرات وحبيبات الككر..
وكل الود يا صديقي..
وخبري سياتيك قريبا مع طائر السنونو باذن الله
| |
|
|
|
|
|
|
|
|
 Re: كلبشات... صديقي كلبش المسخوت...!!! (Re: عبدالكريم الامين احمد)
|
كيكي يا هندسه
الأيام دي قايمه عليك ذكريات حبكانه قديمه ولا شنو؟؟
من حرب الأنترتيكر لكلبش ؟
إنت ما تخش طوالي في الموضوع!!
أعمل ليك حائط مبكى وبنجي نبكي معاك لأننا كلنا ممكونين!!
بالله يا هندسه وبما إني عينتك العراب بتاعي هنا
بالله شوف لينا قصه البوست الغطسوا حجروهو بتاع
إختش على ويهك بتاع أيوب خليل .. مالزووول تعب وكتب ليهو مشاركه
مشاركتين فيهو .. يعني لو في طريقه رجعوا لي مشاركاتي
عشان داير أشغلها في مكان تاني .. إنتو قايلين نحن بنلقى الكلام ده بالساهل
سلام وود كبير
ودالبشرى قال تختم مشاركتك كده وده من القوالب الجاهزه
| |
|
|
|
|
|
|
|
|
|
Re: كلبشات... صديقي كلبش المسخوت...!!! (Re: Mohamed Ibrahim Ahmed)
|
Quote: بالله يا هندسه وبما إني عينتك العراب بتاعي هنا
بالله شوف لينا قصه البوست الغطسوا حجروهو بتاع
إختش على ويهك بتاع أيوب خليل .. مالزووول تعب وكتب ليهو مشاركه
مشاركتين فيهو .. يعني لو في طريقه رجعوا لي مشاركاتي
عشان داير أشغلها في مكان تاني .. إنتو قايلين نحن بنلقى الكلام ده بالساهل |
هلا يا ابوحميد وحبابك..
ودي يا محمد خربشة كده علي جدار ونسات وليالي طويلة تتداخل فيها سيرة مساخيت
وناس ونستهم لاتمل وحكاويهم لاتمل...اها بنجيبها احنا وبنديها بونش وزيادة موية ونقعد نتونس مع الاخوان...
اما ما صار في امر (ويهك اختشي) تخيل لحدي حسع اخوك زعلااااااان ياخي وشايف ليك بكري ده ثلاثة ثلاثة
فوت علينا (شية كديس) مع الخميس ده وخلي خشمنا ملح ملح..
طبعا في الغالب بكون ابو الشباب داك هو الطلب سحب الكديس من الملعب وضيع علينا ما ضيع
من شية وريفة ومداخلتك الكبيرة وعريضة ديك...قريتها مرة واحدة وقلت اديها رد سريع
لحدي ما نفكك الباقي لقيت عربية البلدية خمت الجمل بما حمل..
لكن الله في يا فردة (والدقيق لو داير يجي الطاحونة بجي برااااهو بدون دفرة)
| |
|
|
|
|
|
|
|
|
|
Re: كلبشات... صديقي كلبش المسخوت...!!! (Re: khaleel)
|
متاكد مائة بالمائة ان كلبش سيلعب مباريات كبيرة مع حواية
كلنا يا ابو خليل في انتظار ماتشات كلبش مع حواية
وهل سينجح في اختراق الدفوعات التي يقيمها الشرطي بتاع الككر ابو عيونا حمر..
لمعرفة كل هذا وذاك
اقراء الدار غدا (او كما يردد الاسطوري عثمان النعيم)
| |
|
|
|
|
|
|
|
|
|
Re: كلبشات... صديقي كلبش المسخوت...!!! (Re: عبدالكريم الامين احمد)
|
Quote: متاكد مائة بالمائة ان كلبش سيلعب مباريات كبيرة مع حواية
كلنا يا ابو خليل في انتظار ماتشات كلبش مع حواية
وهل سينجح في اختراق الدفوعات التي يقيمها الشرطي بتاع الككر ابو عيونا حمر..
لمعرفة كل هذا وذاك
اقراء الدار غدا (او كما يردد الاسطوري عثمان النعيم |
كلنا منتظرين مباريات الدنجوان لكن بالله عليك وصيهو يكتر من البخور والضوء الأحمر الباهت وموسيقي الزنج وفلكلوراتهم وهلم جرا إقتداءا بمصطفى سعيد وأكيد حا ينتصر.
| |
|
|
|
|
|
|
|
|
|
Re: كلبشات... صديقي كلبش المسخوت...!!! (Re: Mohamed Alkhatim)
|
| Quote: كلنا منتظرين مباريات الدنجوان لكن بالله عليك وصيهو يكتر من البخور والضوء الأحمر الباهت وموسيقي الزنج وفلكلوراتهم وهلم جرا إقتداءا بمصطفى سعيد وأكيد حا ينتصر. |
هلا يا ود الخاتم
وشوق السحابة الراحلة..
وشنو ياخي فتحت لخالك كيكي لامس لا رسائل
انضبط يا برلوم هوووووووووي
وموسيقي الزنج دي مفاتيح لعب كلبش ذاااتها...
ولذا نجده يمتطي صهوة جياد مصطفي سعيد ولكن في ملاعب محلية وليس دولية زي
الاسطوري مصطفي سعيد (كلبش مثل الهلال موغل فب المحلية)
| |
|
|
|
|
|
|
|
|
|
Re: كلبشات... صديقي كلبش المسخوت...!!! (Re: عبدالكريم الامين احمد)
|
كيكي
أول حاجه
مبروك فضيه إسماعيل وتسلم البطن الجابتوه
مرينا على صاحبك خلي وقدمنا أوراق إعتمادنا بهناك
بالله في الماسنجر أعمل لينا توصيه خاصه ( يهمنا أمره )
تاني حاجه
الاسطوري مصطفي سعيد (كلبش مثل الهلال موغل فب المحلية)
ده شنو .. بالله إنت مع التانيين لكن حسب معلوماتي المتواضعه إنك مننا وفينا
شوف صوره بروفايل خليل صاحبك والله حاجه تشرح الصدر
إنت مش تراجي خلاص محنتها إنتهت بسحب البوست إياهو
وتيب ما تغيير الصوره
واصل يا رأيق ورجعنا لكلبش ود أخت بت عمت كلتش جار ناس كلتشي
| |
|
|
|
|
|
|
|
|
|
Re: كلبشات... صديقي كلبش المسخوت...!!! (Re: Nader Abu Kadouk)
|
Quote: كيكي يا حلو
متابع معاك كل الدرر
لكن الهكر داك ضحكني للطيش
إنت عارف المسخوت ده منو
ود التجاني |
هلا يا ابوكدوك
ومشتاقين ياخي وين انت يا زول
مخلي صحبك للهكر...
تخيل يا نادر الهكر ده جاب كثافي بطريقة
هبشني في بكان بوووووجع ذاااتو (قال اييه قال اعتذر) يعتذر يا السمك
احمد تجاني المسخوت بعملها
وعارفو ما بدور عامري
وعاوز يلحقني غنم زهرة لو لقي فيني فرقة
| |
|
|
|
|
|
|
|
|
|
Re: كلبشات... صديقي كلبش المسخوت...!!! (Re: ibrahim kojan)
|
Quote: كيكي لو ما اخاف الكضب
كلبش دا كان اسم الدلع بتاعو........... عبدالكريم!!
اللللللللللللللليله
اها جيت ليك من الاخر
اسماعيل فاز بالفضيه يا كيكي برضو بنحبو |
هلا يا ادم
وحباب كوجان..
ولا لا يا زول
كلبش هو كلبش وانا وين القي والم في سختت كلبش دي
ده شعر اخوك المسكين ده ما عندو ليهو رقبة..
واسماعيل زرع الفرح يا كوجان في هذا الزمن الردي
وربنا يكتر الافراح
| |
|
|
|
|
|
|
|
|
|
Re: كلبشات... صديقي كلبش المسخوت...!!! (Re: ibrahim kojan)
|
والله عالم تفهم العقرب وهي طايرة..
حسع معني كلبش دي مدسدسنوا من قبيييييييييييل
تجي تفتوا كده يا كوجان...
بيني وبينك المشترك اليومين دي رافع لينا القزاز وعامل فيها الود مهم وكدا,..
ولكن يسقط المشترك ويعيش اخو المشترك الذي هو سمع وشششششششوف
| |
|
|
|
|
|
|
|
|
|
Re: كلبشات... صديقي كلبش المسخوت...!!! (Re: khaleel)
|
كلبش الان في قمة محنته والتحدي ما بين حصار خارطة طريق الطباخ الاسطوري زكة التي لغمت الاجواء
والطرق وحضور سيرة (الشرطي) حمودة ابو عيونا حمر.. وفي جانب النهر الاخر تقف (حواية) التي وضعها كلبشوني
كهدف استراتيجي ومحطة دونها القتاد رغم العواصف والرياح العاتية والجبال التي اقامها (حمودة) في استحواذه
الطويل علي (السلطة ) والدمعة الحوائية التي تسيل االلعاب الكلبشاوي يوماتي رحيل...!!
وبدات رحلة المقصات والاختبار الحقيقي لمقدرات كلبش في الالتحام الماكوكي وتنزيل الجاكة الي ارض الواقع
زاده والدافع الذي يحرك النيران كان هو (تقلبيات حواية الشهيرة وتنويعها لاستايل وطرق الغنج في مشيتها المميزة ذات
اليدين التي تتجدع بكل ارتياح) وغمزة عيينيها التي تبدو للعابر كحالة طبيعية ولكنها بالنسبة لكلبش كانت تعني
اشارات خضراء ودعوات تحدي وكبريت اشتعال يغري بركوب الخطاب ومكابسة البوليس (حمودة) في مورده
وعرينه الذي يخاف الكثيرين الاقتراب منه او التصوير...!!!
لتفكيك سر الارتباط ما بين حواية والشرطي ذلك الرعديد الذي يقف حجر عثرا امام تطلعات كلبش الدنحوانية كان علي كلبش
معرفة السر الغريب والعجيب في هذه العلاقة التي تعرفها كل تلكم الفيافي ولكن لا احد يجرو علي التفكير في الاقتراب منها..
فحواية تبدو وديعة مرحة مشتعلة وتمد حبائل واشارات المرور الي (الغير) باشتعالها التاريخي المتحرك خلافا للشرطي اللعوب
(حمودة) الذي كان له من العلاقات الحميمة ما له وعرف ايضا استغلاله للحراسة المطرفة من تلكم النقطة النائية في تسريب
المحبوسات ليلا الي مرقده ورفع علمهن عاليا خفاقا دون ان يرتجف له جفنا....!!
اذن انها علاقة (الامن الليلي مقابل التحليق الليلي في الجسد)...!! وسريعا وبعد مقص مقصين تكشفت هذه الاطروحة لكلبش
في زيارته اليومية التي عمل علي تكثيف المرور فيها بغرفة التمرجيات وامتاع ذاته المتلهفة الي غنج حواية وشمشمة مافي الامر من تساهيل وعوائق...!!! ليكتشف ايضا تضجر (حواية ) من عربدة (حمودة) وحضوره الليلي متملكه السكر والفيل
لينام دون ان يفعل ما عليه من واجبات ليلية تتشوق وتحترق اليها حواية وتريد منها جبال وصحاري وانهار من الحضن
والغمت لايستطيع العربيد الذي فرضته سطوة توفيره للامن ضد السابلة وحرامية النسوان الليليين...!!لايستطيع حمودة الشرطي توفيرها فقد اهلكته سطوة الاغتصاب للمحبوسات في كراكير الحراسة ....!! وحواية المشتعلة دون غطاء نباتي ليلي
عنيف. تتقلب ليلا كما السمك العالي الدسامة في انتظار من يلتهمه ولكن لا حياة لمن تنادي الا فيما ندر...!!!
تكشفت الكوهة وانفرجت اسارير كلبش الخطير ومع كاساته الليلية برفقة الافندية في ليل ذلك المكان البهيم كان كلبش
يضع ويصنع تفاصيل خطته الجهنمية في رحلة الكدراويش التي تقف في انتظار تنفيذها وضربة البداية لعوالم حواية ذات الجاز
القابل للاشتعال..وفي انتظار الحريق...!!عقب الاستلام الكامل لاوراق اعتماد كلبش في اوراقه التي قدمها في ردهات تلكم الاستبالية فقد استطاع بمهارته التاريخية تقديم قرعته وتم اجازتها بسرعة جعلته يفغر فاااه عندما اتت الاجابة من فم حواية
المتلهف لمثل تلكم الطلبات بسوالها السريع
( لكن وييييييين وكيف ياااخي مع الفقريي ده)...!!!؟؟؟؟؟
ونعود.....................................................................................
| |
|
|
|
|
|
|
|
|
|
Re: كلبشات... صديقي كلبش المسخوت...!!! (Re: عبدالكريم الامين احمد)
|
وييييييين وكيف..؟؟
يا ولد يا كلبش....؟؟
صارت هي كلمة السر والاهزوجة المصاحبة للكاسات القليلة التي تعمل علي اذكاء شعللة خفيفة في راس
كلبش الذي صار يردد عقب كل كاس من كاساته الاربعة الشهيرة..!!
وييييييين وكييف...!!
ويييييين وكيف...!!
يا ولد يا كلبش..!!
حتي صار الندامي المرحيين في ليالي الافندية تلكم يرددونها معه او علي انفراد ودون معرفة منهم بما يرمي
اليه كلبش من هذه الثنائية التي ازعجته كثيرا...!!
فزاد في مرات كثيرة عدد (جرعات العرق) حتي يمتع نفسه بثنائية الوين وكيف تلك...!!
فصار كاسا يرفع بوين..!!
واخر ينزل بكيف....!!!
وكاسا اخر يتم قصه بياو لد يا كلبش...!!!
واخيرا وجدهاااااا.....!!!
ولكن وسط ثنائية اخري فككت (وين وكيف) الي هنا او كرادوايش...!!!
وقد كان كلبش في فترته البسيطة قد لاحظ بحسه الامني حضور شبه مخفي لنساء (مبلمات) يمشين بسرعة
ظاهرة للتختفي ليتم اخفائهن بسرعة البرق داخل (غرف) الافندية المنشرة في ذلك الحوش الوسيع الذي يجمع
افندية من مختلف الاعمار والامزجة بعضهم يعمل علي اخفاء جولاته الليلية خوفا من عيون الاخريين
والاخر يمارس الطشم في داخل غرفته بعد توفير تدابير امنية عالية الحساسية واغلاق كل المنافذ حتي لا تفوح
الرائحة المميزة التي كانت كل الانوف في ذلك المكلان قادرة علي تميزيها بكل يسر وسهولة...
وبذا تفتق مسرحا اخر ملعب (داخلي) يمكن لكلبش توريد توريد جغرافيا الجسد المميز عند (حواية) اليها
واجراء مبارياته وسط ارضه وجمهوره...!!
وكان الخيار التاني هو رحلات الكرادويش....!! وهي من قرر كلبش ركوب خطاويها تحت شعار (البعد ولا البلاد ام سعد)
ونعود
| |
|
|
|
|
|
|
|
|
|
Re: كلبشات... صديقي كلبش المسخوت...!!! (Re: Ishraga Mustafa)
|
Quote: كيكى اقصد ياكبش المكلبش مع ناس حواء الليمونة
البلد المافيها تمساح يقدل فيها .... اسمو منو يا كيكى
اتفسحوا غايتو لمن يجى التمساح اللى ينسيك علم المساحة ذاتو ، اها حاتعمل شنو مع {الوعى البشاشى}؟ |
اووووووووه اشراقة مشتاقين يعلم الله وبارك الله في الانصر مشين البترد لينا غايتو بعد رفعتي لينا القزاز عقب وصول الحاجة ونجوي لهم مني السلام الكثير...
وياجماعة اتو لا ترحموا لا تخلو رحمة كلبش نكلبشها مع رمضان الخاشي فينا ده..
كلبش ده انا لبدتو عديللللل كده من ناس كوجان ومن لف لفه (مطلعة ليييييييييه) ياشراقة
والوعي البشاشي قلنا الرمضان ده يمشي وعاوزين نمسك الملف ده لكلبش صحبي يرفع معانا فيهو شوية
فترنا يا اشراقة من الرفع المساحي ده
| |
|
|
|
|
|
|
| |
عبدالكريم الامين احمد
sumah
khaleel
Nader Abu Kadouk
ibrahim kojan
Ishraga Mustafa
فيس بوك
تويتر
انستقرام
يوتيوب
بنتيريست