دعواتكم لزميلنا المفكر د.الباقر العفيف بالشفاء العاجل
|
|
 فرمالة للاحزان...!!!
|
حزنا
حزنا
حزن
ودمع شال المسافات وطوي جوف الارض نقطة نقطة....!!!
خليج العرب...!!!
قم..!!!!
غروزني...!!!
تخوم يوغسلافيا القديمة..!!!
قلعةادورد...!!!
مضرب وحواف بحر الشمال...!!!
وجبال تغطيها ثلوج من الدموع البيضاء..
دموع من الصقيع ورعشة البرد في جوف الزول الاستوائي....
ايوووه..!!!
رعشة برد
رعشة خوف
رعشة انكسار
انكسار علي حافة حواف الخوف..!!!
تتسربل في هذه الدنيا الغريبة الاشياء ذات ليل..
فيسمي الصدق كذبا..!!!
والكذب صدقا..!!!
جاكل..يرتدي ثوب عطيل...!!!!
وعطيل مسربلا بجاكل
ويمارس الحب
يمارس الصدق
يمارس الكذب
وشخوص تهوي العشق تهوي الصدق...ولكن يقعمها الكذب...!!!!
.......................................................
فتتي امري علي السابلة
اقيمي مراسم موتي في حضور الالهة
اجلبي للمقصلة
عودان من اشجار سقيانها تهزم العناد
تهزم الكذب
تهزم روحك الشفيفة
لست انا بالمسيح حتي اصعد الي السماء..!!!
لست انا بالبريئي حتي انال السماح..!!
لست انا بالنيل حتي استحق الخلود...
روحك عشيقة للجمال
صوتك ينادي داخلي
عشقا
صدقا
خيالا
ينادي امال....
روحي عشيقة للخيال
تنادي داخلك
عشقا
صدقا
خيالا
وتصديق الخيال......!!!!
انزعي تاريخي ..وجغرافيتي
وعري كل اشيائي
وفتتيني علي رمل المسافات
سهاما من الغضب
انصالا وقوس..!!!!
اخترقي ذاتي..... احرقيها
كمراسم هندوس...!!!!
ولكن..!!!
ذرات رفاتي سترحل اليك...!!!
تتجمع سحبا وستهطل من عينيك
سيقتل عطيل جاكل
ثم يعود اليك....!!!
ثم يعود اليك....!!!
ثم يعود اليك....!!!
...................................
الدوحة 2008منتصف ايام حزينة...!!!
|
|
 
|
|
|
|
|
|
|
|
Re: فرمالة للاحزان...!!! (Re: سلمى الشيخ سلامة)
|
Quote: الحياة حلوة يا كيكى
جميلة وتستحق ان نعيشها
بنزقها وتفاهتها |
هلا يا سلمي وحبابك والله
ومشتاقين شديد يا سلمي
ولكن لابد يا سلمي من..
Quote: انزعي تاريخي ..وجغرافيتي
وعري كل اشيائي
وفتتيني علي رمل المسافات
سهاما من الغضب
انصالا وقوس..!!!!
اخترقي ذاتي..... احرقيها
كمراسم هندوس...!!!!
|
وبعد داك الواحد ممكن يقبل علي الحياة ويشوف الحاصل شنو في الدنيا ام قدود
| |
|
|
|
|
|
|
|
|
|
Re: فرمالة للاحزان...!!! (Re: عبدالكريم الامين احمد)
|
كيكي الحبيب تحياتي وسلامي
فرمالة تحتاج لفرمتة جميع الأحزان
ياصديقي العزيز هكذا هي دوماً الدنيا ام قدود تفرحنا أحياناً وتحزننا أحيانا واشد إيلامها الحزن لانه يرتسم في المخيلة والذاكرة ولن ينسى ابدا عكس الفرح تعدي ايامه ولحظاته ويصبح مجرد فرح عابر اما الحزن فانه مقيم في الدواخل يتجدد بين الفينة والأخرى يحتاج لتضميد وكذلك صبر وعزم
وأخيراً سيظل الحزن مهما تفاوتت درجاته ومقايسه إلا أن التحديد الفعلي له هو الإقامة الدائمة في القلب أو الخروج والعودة سريعاً له
هكذا علمتنا الدنيا ونحن لسع في بدايات الشباب أن الفرح محدود وأن الحزن يحتاج لصبر وجلد شديدين
معزتي الغالية ياكيكي
وصاحبك وصل ولا لسع تلفوناته ما برد عليها
| |
|
|
|
|
|
|
|
|
|
Re: فرمالة للاحزان...!!! (Re: ebrahim_ali)
|
Quote: وأخيراً سيظل الحزن مهما تفاوتت درجاته ومقايسه إلا أن التحديد الفعلي له هو الإقامة الدائمة في القلب أو الخروج والعودة سريعاً له
هكذا علمتنا الدنيا ونحن لسع في بدايات الشباب أن الفرح محدود وأن الحزن يحتاج لصبر وجلد شديدين |
هلا وكل الود يا ابراهيم
وكما قلت تماما يا ابراهيم اقامة الحزن وخروجه من القلب هو عنوان الحزن...
ولكن شو نسوي يا ابراهومة في الحزن الساكن كالحمم في القلب ومع اي هبشة تلقاهو فار فورة السنين
كل التحية
وصحبك ودرملية وصل لكن تلفونو قافل
وبلا نداهمو في بيتهم في المطار
| |
|
|
|
|
|
|
|
|
|
Re: فرمالة للاحزان...!!! (Re: نها محسن أبورأس)
|
Quote: ذرات رفاتي سترحل اليك...!!!
تتجمع سحبا وستهطل من عينيك
سيقتل عطيل جاكل
ثم يعود اليك....!!! |
الليلة يا الحزن المبالغة!!
بري يا يمة كان كدا اخير نقلق قلقنا ساااي 
عبد الكريم
البركة فيكم ياااااخ
| |
|
|
|
|
|
|
|
|
|
Re: فرمالة للاحزان...!!! (Re: Rasha Hatim)
|
أعمق المحبة صديقي عبدالكريم..
يقول فتى قريش، والذي أجال نظره في أهل مكة، ثم مضى لحراء...
ومن هناك نظر تحته، ليرى الضجيج، والتهور، والنفاق، والعنصرية..
فقال:
الحزن رفيقي...
فالمشهد مؤذي، للآن.. وللحق.. الجميع قال ذلك..
قال ماركس : الحزن رفيقي...
وقال بوذا : الحزن رفيقي..
وقال رامبو: الحزن رفيقي..
فالمشهد حزين، وعاجل (الجزيرة)، يخبر بذلك..
والدم يسيل من الاطفال، في دارفور، وجنوب افريقيا، والعراق، وكشمير.. و...و.... من دول ذات خطوط وهمية، تشكل خريطة الكوكب المحزون..
لك الله ياكيكي، في حزنك النبيل..
| |
|
|
|
|
|
|
|
|
|
Re: فرمالة للاحزان...!!! (Re: عبدالغني كرم الله بشير)
|
Quote: قال ماركس : الحزن رفيقي...
وقال بوذا : الحزن رفيقي..
وقال رامبو: الحزن رفيقي..
فالمشهد حزين، وعاجل (الجزيرة)، يخبر بذلك |
الف تحايا وشكر يا صديقي الاديب الفيلسوف عبد الغني كرم الله...
وقبل ان اهتف مثل بوذا وكارل... دعني احكي لك شيئا طالما وردت سيرة الجزيرة..
قبل ايام لست الكثيرة اهديتني صباحا ملئيا بالتفاول ومفعم بحب الحياةوعميق
لم اكن اعلم من هو المتحدث (من صوته)
ولكن جذبني الحديث وعمقه وتنوعه وكان المتحدث مدهشا
ومن نبرات ولكنة حديثه تيقنت بانه سوداني ولكن من هو؟؟؟
لم يحل هذا اللغز حيث انني التحقت بالحلقة ما بعد البداية.......
وكل الشكر يا عبدالغني لاهدائنا ذلك الصباح الملان والشحمان بمعينك الراقي والعميق...
..............
نعم يا عبدالغني وجميع من صاح بتلك هم فلاسفة كبار ومعلمين لاسس تهم البشرية
فصوت ورحيق الانسانية يهتف به الفيلسوف...
والف سلام يا صديقي
وكل الود
| |
|
|
|
|
|
|
|
|
|
Re: فرمالة للاحزان...!!! (Re: Rasha Hatim)
|
| Quote: بري يا يمة كان كدا اخير نقلق قلقنا ساااي |
هلا وغلا (علي قولة رندا)
واقلقوا وجهزوا الدموع والبكهات وجهزوا السرامس ذاااتها
فخلاص يا رشا (باي باي)
تسلمي يارشا وكل والود
| |
|
|
|
|
|
|
|
|
|
Re: فرمالة للاحزان...!!! (Re: نها محسن أبورأس)
|
| Quote: ليه الحزن والشجن؟؟؟ |
تسلمي يا نها
وشكرا علي عبورك بساحة احزاني
التي اعتقد بان ذلك (الاوفر دوز) له علاقة وطيدة ببعثرتها
ونفسي اقول ليه الاحزان والشجن ولكن..!!!
كل الود والتحايا يا نها
| |
|
|
|
|
|
|
|
|
|
Re: فرمالة للاحزان...!!! (Re: Alsa7afa_30)
|
مقطع من : غناء العزلة ضد العزلة
الكلام للصادق الرضى والغناء لمصطفى سيد احمد
كما يتسرب الضوء شفيفاً
صوب سطح البحر
وهو محملاً بروائح القمر النبىَّ
خلاصة السحر
غناء النشوة الكبرى،
وهفهفة العناصر في تراكيب الضياء،
تتصاعد الأرواح في الأمواج
وهي ترتل الفضة
شيئاً من خواص الماء
خيطاً من دخان الرغو
في همس المزامير
ووشوشة الغناء على شفاه الحور
إذا يسبحن بين القاع والسطح
فضاء الرهبة الصدفية
اللالون
حيث الصمت فاتحة الوجود الداخلى
لدولة البحر وقانون المياه
خذ من شعاع الشمس نافذة
وحلق في فضاءات الغياب
الى رحيل أبدى
تنهدات : كيكى سوف اعود فرحا لجدول احزانك هذا
| |
|
|
|
|
|
|
|
|
|
Re: فرمالة للاحزان...!!! (Re: عبدالكريم الامين احمد)
|
Quote: روحك عشيقة للجمال
صوتك ينادي داخلي
عشقا
صدقا
خيالا
ينادي امال....
روحي عشيقة للخيال
تنادي داخلك
عشقا
صدقا
خيالا
وتصديق الخيال......!!!!
انزعي تاريخي ..وجغرافيتي
وعري كل اشيائي
وفتتيني علي رمل المسافات
سهاما من الغضب
انصالا وقوس..!!!!
اخترقي ذاتي..... احرقيها
كمراسم هندوس...!!!!
ولكن..!!!
ذرات رفاتي سترحل اليك...!!!
تتجمع سحبا وستهطل من عينيك
سيقتل عطيل جاكل
ثم يعود اليك....!!!
ثم يعود اليك....!!!
ثم يعود اليك....!!! |
دى منو يا كيكى البتشاكلو فيها دكتور جيكل ومستر عطيل؟
هنالك بعض الناس فى هذه الحياة الدنيا لهم قدرة خرافية على التجمل والتظاهر بالنبل،
ولكنهم فى حقيقة الأمر ابعد ما يكونون عن النبل والانسانية.
عطيل كان اكذوبة. ولن يستطيع هزيمة جيكل ولا مستر هايد.
الشر اقوى مما كنا نتصور يا كيكى. الشر مسيطر.
"يا ناس الحلة هوى.. فى زول مكتول وما مخبور.. فى زول مكتول وما مخبور"
كما كان يردد الدرويش فى مسرحية "مطر الليل" الرائعة من فرقة السديم المسرحية.
فى زول مكتول وما مخبور يا ناس الحلة. كان ما عرفتو الكتلو منو، الحلة دى ما بتتصلح.
الشر مسيطر.
الشر
الش
ال
ا
| |
|
|
|
|
|
|
|
|
|
Re: فرمالة للاحزان...!!! (Re: Adil Osman)
|
Quote: عطيل كان اكذوبة. ولن يستطيع هزيمة جيكل ولا مستر هايد.
الشر اقوى مما كنا نتصور يا كيكى. الشر مسيطر.
"يا ناس الحلة هوى.. فى زول مكتول وما مخبور.. فى زول مكتول وما مخبور" |
ضليع يا عادل ومقدرتك علي التجوال في النصوص لا تضاهي ابدا!!
ولكن يدا واحدة من اجل عودة عطيل او 0(نصرة عطيل) كما يرددون
وفعلا يا ناس هوووي في كتل حاصل
والكاتل مخبور !!!علا صعب بالحيل يا عادل
قاتل صعب وحردان.,..!!!
| |
|
|
|
|
|
|
|
|
|
Re: فرمالة للاحزان...!!! (Re: ناهد علي)
|
| Quote: عندي صديق عزيز علي ودائما يجدني في حزن لاينتهي فاخبرني بان هنالك مركب تبحر بالحزنانين كل مرة في الاسبوع ( اكلمه ليك) ؟ |
مرحب يا ناهد
ايوه كلميهو لي عليك الله
وجاهزين
جاهزين
كبحارين
وتسلمي من الحزن انتي يا ناهد
| |
|
|
|
|
|
|
|
|
|
Re: To say Hi Kiki (Re: Rawia)
|
Quote: I relize that you're the one
(and you're telling me its time to say goodbye)
To Put this out of my heart It ain't gonna change
So it shouldn't be so easy to walk away
(You feel it I feel it lets not be tense |
yaaa you got it
thanks rawia
| |
|
|
|
|
|
|
|
|
|
Re: فرمالة للاحزان...!!! (Re: عبدالكريم الامين احمد)
|
كيكي العزيز
الأحزان كثقوب الثوب تدعنا نري ما خلف دواخلنا ..تخرج كل أشياؤنا المسربلة بالهزيمة..تعصف بنا تمتص مواقع الالم كتينة لا يبقي فيها الإ خطوط شكلها.
وهاانت تخرج صدي حزنك وتشكل الاشياء.
( إنكسار علي حافة الخوف
تسربل في هذه الدنيا الغريبة ذات ليل
فيسمي الصدق كذبا... !!!
والكذب صدقا ...!!!
وها صدقك مرايا نستشف بها هذا الحزن
آدم العشا
| |
|
|
|
|
|
|
|
|
 Re: فرمالة للاحزان...!!! (Re: نجوان)
|
كيكي
سلامات
استعاذ رسولنا وحبيبنا المصطفي عليه الصلاة والسلام من الحزن
وبعضنا اسمي الحزن نبيل .. والبعض تكسرت مجاديفه ع حافة بحاره
بينما يقول المغني الانسان بلا حزن .. لا انسان
وبين هنا وهناك يكمن السؤال في دفء الاحساس
والحزن حالة نبيلة من الالم
شفاك الله وعافاك وارجع اليك بسمتك الجميلة التي هي سمة لك
فكن يا أخي سعيدا وأهنا من الحياة بالمتاح
فالحياة أقصر من أن تضيع بالحزن
وكان غلبك تب ... ارجع الي الحنينة السكرة وأهنأ بدفء بيت الماما والبابا
واظنها حالة هوم سك 
تحياتي
واحترامي
و
كن بخير يا كل الخير
| |
|
|
|
|
|
|
|
|
|
Re: فرمالة للاحزان...!!! (Re: كمبورة)
|
| Quote: الشغلانة حزن والله احباط ؟ |
ياااا
كمبورة
مشتاقين والله
وانا ذاتي ما عارف يا محمد عثمان الحكاية شنو
ولكن يا صديقي بعض الحمات تزول سريعا باذن الله
ودمت
| |
|
|
|
|
|
|
|
|
|
Re: فرمالة للاحزان...!!! (Re: sudania2000)
|
| Quote: واظنها حالة هوم سك |
هلا بصديقتي سودانية 2000
وحبابك علي حافة كرنفال الافراح..
والا ليت نفسي بجلسة علي شاطي النيل الازرق وعند صباحات مدني الحنينة
وشارع نيلها موشح بسيرة تركيا والشيس طاوووق (احد اصدقائي يسميه شيش طايوق)
وساعتها يا سودانية ستهزم الاحزان ....
كل الود
والف مبروك العرس
وشوقا كثيفا لمدني الحنينة وكل اهلها الحنان
| |
|
|
|
|
|
|
|
|
|
Re: فرمالة للاحزان...!!! (Re: نجوان)
|
| Quote: بس ما كتير يا صديقي.. |
هلا ومرحب يا صديقتي
اجل لا كثير ولكن فليكن كثيفا هذه المرة
كثيفا وعميقا واتمني ان يكون نبيلا ايضا
وفي حضوركم جميعا الينا هنا
لامفر الا ايقاد ليس بشمعة بل شموع...
وكل الود يا نجوان
وحماكي الله من الاحزان الكثيفة
| |
|
|
|
|
|
|
|
|
|
Re: فرمالة للاحزان...!!! (Re: Adam D.El-Asha)
|
| Quote: الأحزان كثقوب الثوب تدعنا نري ما خلف دواخلنا ..تخرج كل أشياؤنا المسربلة بالهزيمة..تعصف بنا تمتص مواقع الالم كتينة لا يبقي فيها الإ خطوط شكلها |
.
ماابلغ وصفك للاحزان يا ادم
هي كذلك تماما وتماما تمتص مواقع الالم كتينة لايبقي فيها الاخطوط شكلها
لك ودي المقيم
وكل التحايا
| |
|
|
|
|
|
|
|
|
|
Re: فرمالة للاحزان...!!! (Re: كمال سالم)
|
Quote: انزعي تاريخي ..وجغرافيتي
وعري كل اشيائي
وفتتيني علي رمل المسافات
سهاما من الغضب
انصالا وقوس..!!!!
اخترقي ذاتي..... احرقيها
كمراسم هندوس...!!!!
ولكن..!!! |
ولكن!!!
اللكننة دى هى المصيبة ياصديقنا
قرأت هذا النص مرات ومرات
ثم....
ولكن...
ولحين.... مرحبا بك فى {فرمالة الحزانى}
وفى هذه الحالات عليك بالغناء... بالشعر... بالتمشى طويلا.. افتح نفاج فى روحك للشمس والمطر
واستمع....للكاشف..عثمان حسين... احمد المصطفى..عشة الفلاتية
ثم.....
اكتب ياصديقى... الكتابة مخرجا ومدخلا للاحزان فلامفر...
-----
الحزن جميل...ابنى الشرعى
| |
|
|
|
|
|
|
|
|
|
Re: فرمالة للاحزان...!!! (Re: Ishraga Mustafa)
|
Quote: وفى هذه الحالات عليك بالغناء... بالشعر... بالتمشى طويلا.. افتح نفاج فى روحك للشمس والمطر
واستمع....للكاشف..عثمان حسين... احمد المصطفى..عشة الفلاتية |
وانت طبيب عندك دوائي
ياريت يا اشراقة الزول يقدر يسمع الناس الفوق ديل كلهم في يوم واحد
فحتما هم سيهزمون ليل الاحزان الطول.. ياريت
كل الشكر يا اشراقة علي حضورك الي حافة نهر الاحزان ده
وشكلي كده ح اقدم طلب التحاق بنقابة الحزانة العالمية لو فشلت في الاستماع لعشة الفلاتية (خالتي)
في ظرف يومين منذ الان
| |
|
|
|
|
|
|
|
|
|
Re: فرمالة للاحزان...!!! (Re: Saifeldin Gibreel)
|
| Quote: واصل الحكى يا رائع وتحية خاصة لودالصحافة ورائعة عثمان حسين وهذا الكم الهائل من الروعة والجمال... |
هلا ابو السيوف ومشتاقين والله.
وفعلا صحافة عمل شغل رهيب في البوست ده
وجات اشراقة تمت الناقصة طيروا لاخوك الحزن في راسوا..
وتحياتي يا سيف وشكرا علي الكلمات الجميلة
وكل الود يا  فردة
| |
|
|
|
|
|
|
|
|
|
Re: فرمالة للاحزان...!!! (Re: احمد التجانى احمد)
|
Quote: الاسلوب دة اسلوب الكاهن محمد بدوى لكن براه كدة مابياكلك عيش
عايز ليه ادوات مساعدة اهمها العيون الناعسة ومكحلة |
كدي صعبتها يا ابو حميد
عيون وناعسة ومكحلة دي يلقوها ليكم وين ياناس
دايرين جضوم وبعض شلاليف ..جاهزين جاهزين.!!!
يازول هووي بالله فرتق انا حزنان بلاش تمييع لي قضيتي الحزينة
سلامي للكاهن ود البدوي فقد تحتاجه اللجنة الدولية للاحزان لزوم الاستشارة
وورد اسم خليل
| |
|
|
|
|
|
|
|
|
|
Re: فرمالة للاحزان...!!! (Re: Ishraga Mustafa)
|
| Quote: اسمع وخلى روحك تبكى كان لابدّ من ذلك.... |
ياسسسسلام يا اشراقة
انتو الغنا السمح ده بتلقو ويين ياااخي؟؟؟
نعم يا اشراقة يجب علي روحي ان تبكي او هكذا تبدو
ولكن في حضور غناوي زي الفوق دي
سيحلو البكاء علي حافة الحزن
| |
|
|
|
|
|
|
|
|
|
Re: فرمالة للاحزان...!!! (Re: Ishraga Mustafa)
|
اوووه
اشراقة
ده طرزان..
لو كان الزمن نسسسسسساك انا ما بنسي..!!!
انتي عارفة في خرطومي الفاتت كانت اجمل هدية من احدي الصديقات هي حضور
حفلة لهذا الفنان (البوب مارلي) في احدي اندية الخرطوم..
اها يا جماعة انا حسع حزني ده اقبل بيهو وين مع الحصار الجمالي ده
اشراقة ياااخ الله يديك العافية ياعزاااالة لغناوي بجنن جنون قبورة
| |
|
|
|
|
|
|
|
|
|
Re: فرمالة للاحزان...!!! (Re: عامر تيتاوى)
|
| Quote: اطرد الاحزان ياجميل واصحى |
هلا يا تيتا
وسنصحو يا صديقي كما صحي بريش ذات يوم
ولكن يا تيتاوي سيرة الوجع لمن تجي لازم نبكي بكانا
وسنعود كما عاد الديبة ذات يوم ياصديقي
| |
|
|
|
|
|
|
|
|
|
Re: فرمالة للاحزان...!!! (Re: Ishraga Mustafa)
|
| Quote: اقول ليك حاجة... قوم ارقص وحاة سيدى الحسن تفك |
والله فكرة يا اشراقة (اشراقة ياخي انا ما عايز اضحك عليك الله ياااخيي مالك علي ياااخي)
لكن فكرة والله
.....
علي الاقل الزول يرجع للايام الخوالي..
لكن ما الليلة ممكن بكرة الخميس ومن العصر اخش لي في لبس ابن لذينة
وفي (نايت كلب) في الدوحة (سري ) كدي...لي منو سنين ما مشيتو..!!!
(كويس مافي سودانين بضهبو بهناك )
ارقص جنس رقيص يا اشراقة لمن الله يغفر لي....
| |
|
|
|
|
|
|
|
|
|
Re: فرمالة للاحزان...!!! (Re: عبدالكريم الامين احمد)
|
ع الكريم ؟؟
Quote: اقيمي مراسم موتي في حضور الالهة
|
يا امووووووووون !
دا الدفن ولا بلاش !!
بالله عليك يا كريم ما تفوتنى المراسم دى !
ـــــــــــــــــ
كريم والكلام دا من متين ؟؟؟؟ يطرشنى الا هسه
بس لو شفت وجع الروح ال عند اختك حزنك دا مجرد حفلة شاى ..!
وجع روح جد جد ،، ويانى الجاية فارشة معاك اوع تقول لى نحن ح نرفع !!
| |
|
|
|
|
|
|
|
|
|
Re: فرمالة للاحزان...!!! (Re: دينا خالد)
|
| Quote: ويانى الجاية فارشة معاك اوع تقول لى نحن ح نرفع !! |
ووين يادينا؟
ده انا اللى حارسة باب الاحزان دى؟
نتفاوض؟ والاّ حانرفع الفراش حسسسسسسسسسسسسسسسسسسسسسسسع دى!!
| |
|
|
|
|
|
|
|
|
|
Re: فرمالة للاحزان...!!! (Re: Ishraga Mustafa)
|
Quote: يا امووووووووون !
دا الدفن ولا بلاش !!
بالله عليك يا كريم ما تفوتنى المراسم دى ! |
هلا يا دينا
ايووه امون وامون رع كمان
مراسم فيها عودان في المقصلة من اشجار تهزم العناد...
ودي مراسم بيني وبينك حقوا الواحد يعمل لييها تذاكر عديييييل كده
لانو فيها كبع نضيف..!!!
لكن انتي ممكن تجي بلاش
وكدي اتفاوضي مع اشراقة دي في شايفها مصرة علي رفع الفراش
وجابت لي صورة واغاني رقن باحزاني وجهجهن دفاعي الحزني شوية
| |
|
|
|
|
|
|
|
|
|
Re: فرمالة للاحزان...!!! (Re: عبدالكريم الامين احمد)
|
دينا خالد :
تبرى انت من الالم ووجع الروح
خلى الاحزان ووجع الوش ده لناس كيكى ديل ,,
كيكى . بالله ماتنقل لينا العدوى الحزاينيه حقتك دى للناس
الفرايحيه الهنا ديل .
شيل احزانك دى من هنا وامشى فكها مع ضحيه وكمبوره ,
| |
|
|
|
|
|
|
|
|
|
Re: فرمالة للاحزان...!!! (Re: كمال سالم)
|
Quote: علي الاقل الزول يرجع للايام الخوالي..لكن ما الليلة ممكن بكرة الخميس ومن العصر اخش لي في لبس ابن لذينة
وفي (نايت كلب) في الدوحة (سري ) كدي...لي منو سنين ما مشيتو..!!!
(كويس مافي سودانين بضهبو بهناك )
ارقص جنس رقيص يا اشراقة لمن الله يغفر لي.... |
للتوثيق وكدى
والايام الخوالى دى ياتها؟ بتاعة خليل عثمان؟ غنااااى الزول ده والله
والنايت كلب ده شنو كمان؟ الله يكفينا شر الكلاب فى الليل ده!! نايت كلب قال
| |
|
|
|
|
|
|
|
|
|
Re: فرمالة للاحزان...!!! (Re: كمال سالم)
|
Quote: تبرى انت من الالم ووجع الروح
خلى الاحزان ووجع الوش ده لناس كيكى ديل |
هلا ابوكمال
والخيل تحزن وتجقلب والشكر لناس دينا خالد..!!!
يعني الواحد ليهو يومين حزنان وعيني طالعة واتراجف زي صحن الجلي
تجي دينا (فرت) حزنونة صغنبوتة كده تعمل ليها مناحة واشعار وانا اطلع كيت
وامشي لضحية وكمبورة...
كمال ياخي زدت علي احزاني
| |
|
|
|
|
|
|
|
|
|
Re: فرمالة للاحزان...!!! (Re: عبدالكريم الامين احمد)
|
سلامات
وعوافي
ياكيكي "ياخلي الشقي" ..
اما وجدت ثوبا ترتديه عدا هذا الحزين ..
يا صديقي الارض والروح ارحب من "فسوة" الشيطان هذه..
فالفح ياصديق جلبابا ناصعا من نسيج الحياة اللطيف وانطلق في درب السعادة الرحيب ..
و"ريق" عنك كاس المرارة الحنضل ..
والحياة هذه مهما بلغ شأوها واستفاضت دقائقها شقاءا او نقاءا ...
فهي في الاخر اصغر من "ميقات" بسمة علي وجه طفل وديع ..
اذهب يا صديقي فالحزن الذي "عليك" لا يساوي ذرة من وجع الامهات ..
اذهب عن نفسك وترجل مشاويرها بالحنين ..
واترك الباب خلفك علي نصف "قفل" عل الفرح يرتاح يوما علي "صرصار بابك القديم"..
ثم لا تسهب في البكاء فاني اخاف علي "بصرك" ...
والبكاء "غسول" المساكين لا الحزانى ومضروبي "المحبة" فابحث عن حالة اخرى "تقمصها"تكفيك شر "ضعف النظر" وشر الثياب التي في اطرافها"بلل" ..
ثم وانت في علياء احزانك ابق عشرة علي"جوازك الامريكي" هاهاهاهاها..
فاصحابك لا يحبون "العابثون العابسون" من "عبث وعبس" ..فالاولي طعنتهم في برج التجارة مرتين والثانية خلفتها جرائم الطبيعة من لدن التيرنيدو وبقية الاعاصير..
فارحم وزارة الخارجية الامريكية ونشرة الارصاد الجوية فكلاهما في غنى عن فتن اخرى تجود بها قريحة "الحزانا"..
ثم اجعل لمنظارك زوايا اوسع تطل تارة علي "اوباما" واخري علي "هيلاري" ...فما ضاق بعدهما ناظر ..
اما اوباما ففوزه يعني "سطوع اخر لقريبه براد بيت واما هيلاري ففوزها "رمانة" تهديها انت كمواطن امريكي لقريبتها انجلينا جولي .. واني مؤمن انك ماسك قوي في انجلينا جولي "ولعلمك لا اظنها تحب الحزن"..
شفتا يا صديقي الدنيا دي ضيقة كيف ..
اما انا يا صديقي فقد فتحت علي نفسي "طاقة" مطلة علي الجنة تداعبني نسائمها وتشجيني عصافيرها "الصداحة" ..
فابق انت في حزنك ودعني الهو في براح "الجنان" ..
..تاني بتجو ..؟
اها الدوحة كيف؟ ..
ترى هل هي حزينة ايضا ام انها مازالت تفتح صدرها "للسُِمار"..؟
ثم سلاما علي العشاق حميعا ..
الفائزين منهم والحيارى ..
| |
|
|
|
|
|
|
|
|
|
Re: فرمالة للاحزان...!!! (Re: ودرملية)
|
فاتني ان اقول يا صديق بانني قد ودعت الشعر وانفاس "الهايكو"والقصة القصيرة والقراءة ...
وما تبقي لي من قبح اتركه سوى الكتابة وقريبا سانشد الامية ..
فهي ارحم بكثير من شقاء "المعرفة" ...
تحلب بقرتك وترقد تنوم ..
تقول لي "فرمالة للاحزان" ..
لا حولا ولا قوة الا بالله ..
يا راجل اتصبر شوية ..
واياك البحث عن الفرح في هذا المقام فالاقنعة و"قنافذ الزيف" ستتصيدك وتاني نبقا في "حاو و تُر" ..
انا شخصبا "حاو و تر" براك ايدي ما برفعا معاك ..
ولا عذر لمن كلموهو ..
ابكي "بالدس"..
| |
|
|
|
|
|
|
|
|
|
Re: فرمالة للاحزان...!!! (Re: ودرملية)
|
| Quote: ترى هل هي حزينة ايضا ام انها مازالت تفتح صدرها "للسُِمار"..؟ |
وها وقد عاد الي هذا المنبر نبضه وروحه الوهيجة
اين للحزن مكانا وودرملية صاحب الاركلوجيا والبوح علي حافة صهيل الاسافير
يحط بيننا
مرحب ودرملية وحبابك ايها الجميل
وبقدومك يمتلي القلب بالفرح وتحلق الاحزان مبتعدة ولو الي حين
سلام ياصاحبي الكلس
ايها العريس القرمزي
| |
|
|
|
|
|
|
|
|
|
Re: فرمالة للاحزان...!!! (Re: معتصم الطاهر)
|
| Quote: أقرأ مايا والبرتقال و تعال راجع |
مايا والبرتقال جديرة بالتامل يا باش
فهي تعيد الروح وتوصف حالي تمام
وفعلا ده كلاما ما عندنا ليهو رقبة او شعر
ده كلام يا معتصم بنقرش جووووووووه كراكير القلب
| |
|
|
|
|
|
|
|
|
|
Re: فرمالة للاحزان...!!! (Re: عبدالكريم الامين احمد)
|
كيكوفيتش ... معقولة كام يوم عند "العم سام " بتطلع حزن قدر دة ؟ ما حضرت الايستر ليه هناك ؟ ما مشيت الاماكن الكلها زهور وورد -وصية نجوان- ليه ؟؟؟
ام بناية قش ما بتساوي كل الحزن دة ؟؟ فرمالة الاحزان في دواخلنا "لو عايزين نشغلها" ؟ شغلها ....
| |
|
|
|
|
|
|
|
|
|
Re: فرمالة للاحزان...!!! (Re: abubakr)
|
| Quote: كيكوفيتش ... معقولة كام يوم عند "العم سام " بتطلع حزن قدر دة ؟ ما حضرت الايستر ليه هناك ؟ ما مشيت الاماكن الكلها زهور وورد -وصية نجوان- ليه ؟؟؟ |
هلا يا باشمهندس
وكل الشوق ووصايكم اوصلتني بحمد الله الي ارض اليانكي
ولكن..!!!
يبدو انها اعراض الدهشة من الزهور النادرة
وليت نجوان خبرتني عنها بتفاصيلها وتداعياتها حتي ارعوي
كل الود والتحايا
| |
|
|
|
|
|
|
|
|
|
Re: فرمالة للاحزان...!!! (Re: عبدالكريم الامين احمد)
|
الحزن لايتخير الدمع ثياباً
كي يسمى بالقواميس بكاءً
هو شيئ يتعرى في فتات الروح
يَعبُر من نوافير الدم الكبرى
ويهرب من حدود المادة السوداء
شيئ ليس يفنى في محيط اللون
أو يبدو هلاماً في مساحات العدم
الحزن فينا كائن يمشى على ساقين
دائرة تطوف فى فراغ الكون
تمحو من شعاع الصمت
ذاكرة السكون المطمئنة
كيف ترفض الجدائل فضة في الضوء
ترفض الفقاقيع التى
مابين امرأة الرزاز
إشارة للريح فى المطر الصبى
إضاءة فى الماء
خيطاً من حبيبات االندى
سحراً
صلاة
هيكلاً
قوس قزح؟
ذلك سر الكون
أن تبصر في كل حسن
آية لله
والسحر الإلهى المهيب
ذلك سر العدل
أن تتفجر الأشياء
تفصح عن قداستها
ترى في الشئ ما كان إحتمالاً
ثم تنفتح الكنوز
صديقي كيكي
لا تثق بالقلب
إن العشق يؤذي
لا تثق بالقلب
إن العشق يؤذي
لا تثق بالقلب
إن العشق يؤذي
| |
|
|
|
|
|
|
|
|
|
Re: فرمالة للاحزان...!!! (Re: كمال سالم)
|
| Quote: عشق شنو ياأشراقه ؟؟ ده فلس ساكت ,, |
ابو كمال في داعي لجنس الفضائح دي حسع
حقوا الواحد يكلم ليك رقم صفر يجننكم جن قبورة
يا ناس الجالية وانا ذاتي يجنني معاكم .اصلو ما فضل لينا في الدوحة دي الا الجن
| |
|
|
|
|
|
|
|
|
|
Re: فرمالة للاحزان...!!! (Re: Ishraga Haimoura)
|
Quote: ترفض الفقاقيع التى
مابين امرأة الرزاز |
هلا يا اشراقة يا صديقتي
والصادق الرضي اوصف واواجز وجنن الحزن جنون عميق
مابين امراة وراز
قصيدته غناء العزلة صوت ونبض ومنفستو عاشقين وصيحة وطن
ملانة تلكم القصيدة ورائعة روعة لا يضاهيها الا وجدانكم الطاعم
وتشكري علي مروركم الموشح بسيرة الشعر الجميل
| |
|
|
|
|
|
|
|
|
|
Re: فرمالة للاحزان...!!! (Re: عبدالكريم الامين احمد)
|
كيكى أنت ود رمليه ده بكتب من الدوحه ولا السودان ,,,
المهم فى كل الاحوال هو حزنان .
عندى صاحب عرس قبل سنتين, حرم لهسه ماشاف ليهو كمبيوتر
ولا كيبورد ,, دحين زولك ده ماتم ليهو شهرين بقى يقابض
فى البوستات , دى ماالاحزان ذاتها ,,
ود رمليه ,,, كيفنك ,, وبيت مال وعيال وألف مبروك ,,
طالما كملتوا ورينا أنت وين , عايزين نجى نبارك ,,
تحياتى ,,
| |
|
|
|
|
|
|
|
|
|
Re: فرمالة للاحزان...!!! (Re: khaleel)
|
,,,,,,,,,,,,,,,,,,,,,,,,,,,,,,,,,
الفرمالة بت هارت... وفى كرت
............................
إنا غيرك وغير صدي انفعالاتك
ثمالاتك
عزرا كان حيتك في زمن احتمالاتك
أنت العنيف سكونك فاتر اهتزازك
وأنت في وهم تتابع خطاك مابين تمشي وتجي وتغادر
تعكر براك صفوة سماك
شتان....
مابين شاطئ المرأة الأنثى الرزانة
وسواحل الرجل الانفعال
...كتبت 2003 مارس
| |
|
|
|
|
|
|
|
|
|
Re: فرمالة للاحزان...!!! (Re: عبد العظيم احمد)
|
| Quote: الفرمالة بت هارت... وفى كرت |
هلا يا عظيم
ودي فرمالة احرف بتاع وست في العالم ما ياكلها
دي مزرورة زر ليها ضل.
وعميقة هي فرمالتكم
Quote: مابين شاطئ المرأة الأنثى الرزانة
وسواحل الرجل الانفعال |
وده مقطع فلسفي مدهش ومثير للخيال ولكن الخيال الجامح
| |
|
|
|
|
|
|
|
|
|
Re: فرمالة للاحزان...!!! (Re: كمال سالم)
|
Quote: كيكى أنت ود رمليه ده بكتب من الدوحه ولا السودان ,,,
المهم فى كل الاحوال هو حزنان |
ودرملية يايمة عريس وصلاح ادريس
حزن شنو البحزنو
الحزن ده ليكم انت وصحبك ابو ساندرا واخريين ان عمر سعد العذابي بينكم
| |
|
|
|
|
|
|
|
|
|
Re: فرمالة للاحزان...!!! (Re: عبدالكريم الامين احمد)
|
Quote: وتصديق الخيال......!!!!
انزعي تاريخي ..وجغرافيتي
وعري كل اشيائي
وفتتيني علي رمل المسافات
سهاما من الغضب
انصالا وقوس..!!!!
اخترقي ذاتي..... احرقيها
كمراسم هندوس...!!!!
ولكن..!!! |
الاخ عبد الكريم...
دوزنة فى الصميم
يديك العاافية..
| |
|
|
|
|
|
|
|
|
|
Re: فرمالة للاحزان...!!! (Re: محمد عثمان)
|
ده كلام كبير جدا
لمن جاب ليك الكلام
شنو حكاية الكلام لمن اكون مكتوب
بي صدق
لازم إظهر ليك واحد
اقول ليك
دي كتبتها كيف ولا ويم لقيت السيجارة القوية
شنو علاقة الإبداع بالواوو
وشنو علاقتك انت بالذات بالواو ؟؟
شفت كيف بقينا نشك ؟؟
الشك ياحبيبي
عايزين اجتماع للفرقة
عشان احتفالنا
الرجا نجمع خلال هذا الأسبوع
| |
|
|
|
|
|
|
|
|
|
Re: فرمالة للاحزان...!!! (Re: محمد سنى دفع الله)
|
Quote: عايزين اجتماع للفرقة
عشان احتفالنا
الرجا نجمع خلال هذا الأسبوع |
اوووووه
مشتاقين يا السني ياخ
ووينك وين اراضيك
نعم جاهزين لاجتماع الفرقة
ولكن يا مدير المرة دي عاوزين (اركلوجيا الحزن)
تراجيديا يا السني من النوع الببكي النوع الما ببكي داك
دايرين امون كبسي يتحول الي عطيل
ويصيح
انا اتيل يا جماعة
بلد خربووووو يا ناس
الف تحية يا السني
| |
|
|
|
|
|
|
|
|
|
Re: فرمالة للاحزان...!!! (Re: محمد عثمان)
|
العزيز/عبد الكريم
عطرت صباحي بحزنك الذي أطربني
فكان هذا الإرتجال .وتسلم ياخوي
من الأحزان.
كرومه ياسيد الحكي النديان
في حروفك حكاوي الناس واحلامها
وفي حزنك مرايا نفوسنا وآلامها
وانحنا معاك درب واحد
لابننساك ولانسيبك
نردد مع الرادوك غناوي محبه مسكوبه
من ارواحنا لي قلبك
ومن جواكا لي الدنيا
ياكيكي يامحبوب
زيك يمين مافي
ياغيمة فرح مشبوب
يازول جميل ريان
وزي ما احنا عارفنك
سحابه بتنثر الياسمين
بنصبر علي دمعك مطر مكبوب
وكت الحزن يغلب جياد صبرك
ويفيض علي صدرك
سيول شكوى وحروف بتئن
بنكون برضو راجنك
تغني زي ماقبيل كنت
مسادير الجمال والريد
وترجع انت يانت
وتصدح تاني يافنان
ونضمك يخجل الدمعه
ونفرش سكة الأحزان
بي مية الف ورده
معطونه بالطيبه
وحارساها القلوب شمعه.
ومودات تبش من:
وداللحمر أب زادا مابخمر
| |
|
|
|
|
|
|
|
|
|
Re: فرمالة للاحزان...!!! (Re: صلاح الأحمر)
|
Quote: بنكون برضو راجنك
تغني زي ماقبيل كنت
مسادير الجمال والريد
وترجع انت يانت
وتصدح تاني يافنان
ونضمك يخجل الدمعه
ونفرش سكة الأحزان
بي مية الف ورده
معطونه بالطيبه
وحارساها القلوب شمعه |
سلام وتحايا يا ابو صلاح
وصرعتني يا رجل بمثل هذا الكرم النبيل
وارتجالك الموشح بالنقاء الاصيل
وكيف يا صلاح للاحزان ان تبقي ومثلكم يحلق بيننا في هذه المدينة
وحتما سنعود يا ابو صلاح وسنغني معا لحن معطون بطيبة قلبكم وصفاء
وجدانكم الذي اسائل الرب ان يمنحني المقدرة حتي ارد اليه الجميل
كل الود يا ابو صلاح
| |
|
|
|
|
|
|
|
|
|
Re: فرمالة للاحزان...!!! (Re: طارق جبريل)
|
قطار الشوق
ده عذاب تقيل يا طارق
Quote: واه انا من سيرة قطار الشوق...لو عندي ليهو كان شغلتو زي (الرقشة) من زقاق بلد لبلد
يعذبني قطار الشوق حقي لمن اجي ادورو والقي (الكتاوت) بتاعتو خربانة لانو بكون حرمني من مشوار شاهق وفريد وعبر القارات والفراسخ والبحار والجبال والصحاري ..حرمني من معانقة الناس
الملاتة دعاش محنة..
ويعذبني دعاش المحنة والالفة والطيبة والوداعة ...ولكن و برضو فوق لده يعذبني الوتر الضائع ..تتكلم معاك الوريفة الشفيفة اللطيفة النار منقد وتحس انو هناك في وتر ضائع وتر ملحوس
مختفي...
اااااها من شيطان شعري لمن يدندن
اعيدي قوسي واشعاري
ووتر...واعيدي عذاباتي... |
من صفحات عذابية قديمة يا طارق
| |
|
|
|
|
|
|
| |
عبدالكريم الامين احمد
سلمى الشيخ سلامة
Alsa7afa_30
ebrahim_ali
نها محسن أبورأس
Rasha Hatim
عبدالغني كرم الله بشير
بدر الدين الأمير
طلحة عبدالله
ريهان الريح الشاذلي
العوض المسلمي
Adil Osman
ناهد علي
Rawia
Adam D.El-Asha
نجوان
كمبورة
كمال سالم
Ishraga Mustafa
احمد التجانى احمد
Saifeldin Gibreel
طارق جبريل
عامر تيتاوى
دينا خالد
ودرملية
معتصم الطاهر
abubakr
Ishraga Haimoura
khaleel
عبد العظيم احمد
محمد سنى دفع الله
صلاح الأحمر
فيس بوك
تويتر
انستقرام
يوتيوب
بنتيريست