دعواتكم لزميلنا المفكر د.الباقر العفيف بالشفاء العاجل
|
|
 عود لينا يا سودانيز الفرح ويا موغل في الدهشة....!!!
|
اسبوع تمام والهكر ابو كنفوس عامل لينا السافوتة في اعلي مراحلها..
اسبوع والسلوك والهواتف تتطاقش من كل كراكير الدنيا
اسبوع والكاروشة الاسفيرية اتاح لها هذا الهكر مياه عديدة جعلتها تمر تحت جسر كلبشته العجيبة وغريبة
تتطاقش الهواتف وتخابتت الايميلات وحتي الفاكسات وجدت في اوراقها كلمات مثل البورد برجع متين وياريت يرجع..
قراء وقارئات
اصدقاء وصديقات
والفيس بوك حمل صفحاته سيرة وطن من لا وطن له..
بين كل سرحة واخري يطل الاخ بكري ابوبكر ويطل سؤال ملح قبع كثيرا في المخيلة
ياربي بكري (كيفف حالو) وين وعامل شنو ووصل وين...ومتين العودة لسودانيز.....
ونعود ونحن نردد
وجع وجع سودانيز رجع
|
|
 
|
|
|
|
|
|
|
|
Re: عود لينا يا سودانيز الفرح ويا موغل في الدهشة....!!! (Re: عبدالكريم الامين احمد)
|
علي سطح هذه السفينة الضخمة التي تضارع في باطنها الاسفيري الذي يئن بالكثير والمثير من الاسفار التي كتبت بمداد من دماء ودموع
جلسنا ذات مساء بعيد من سنوات هذه الالفية...
وفي كل كلك وكلك كانت تاتي اصوات وهتافات واشارات تصيح هنا يوجد عالم من الاشياء التي يبحث عنها كل من يريد
ان يغوص في شان وطنه وفي شوون الانسانية والفكر ..
صوتا يحدثك عن المشاء في شعر اسامة الخواض
ضوتا يحدثك عن صراعات الاحزاب السياسية ذات النزعات الايدلوجية وتداعياتها
صوتا يحدثك عن الخطاب التقليدي للاحزاب القديمة في السودان
يحدثك عن السلفية
يحدثك عن الجمهوريين
وكل تواريخ الحراك السياسي السوداني رموزه احداثه وتحاليل بعقل مفتوح واجتهاد جاد
| |
|
|
|
|
|
|
|
|
|
Re: عود لينا يا سودانيز الفرح ويا موغل في الدهشة....!!! (Re: عبدالكريم الامين احمد)
|
تقلب صفحات السياسة والاشعار الوردية المجنونة
لتتجول في مدارت الغناء والبوح الجاي من خلف جدران المزيكا
لتمتع نفسك بالتفتيت والتفكيك والحكاوي وجماليات الحقيبة شعرائها ومغنيها وملامحها ونماذجها الطاعمة
ولي في المسالمة غزال
وعيون الصيد وكلامات تزرع الفرحة وتزيد في ماعون المعين...ياتيك بها من اقصي البوستات من يعطيك اليها صرة في خيط
وباسلوب العالم العارف المتمكن
وايضا حتي الواقفين علي رصيف العداء لهذا الغناء تجد بين سطورهم ما يفيد
الحراك الثقافي والمداولة بين الاجيال السابقة في امور الاجييال اللاحقه
حبهم
مجتمعهم
طريقة تكسيرهم في الحسان
والعيون التي في طرفها حورا.....
وتزداد الاثارة والدهشة وكنا ولا نزال جالسين القرفصاء
في ردهات ودهليز سفينة الدهشة والايغال في الجمال والروعة
ونعود
| |
|
|
|
|
|
|
|
|
|
Re: عود لينا يا سودانيز الفرح ويا موغل في الدهشة....!!! (Re: عبدالكريم الامين احمد)
|
الغناء الحديث ويكفي فخرا زين صفحاته بواحد من جيل الموسقيين الذي يحاولون احداث نقلة وطفرة في موسيقي بلاد السودان
الا وهو الموصلي يقارع بتواضع وادب وعلم ...وله في هذه السفينة محبة الفنان في قلوبنا...
وياتيك من اقصي البوستات من يحدثك عن وردي واغانية الشاهقات
والراحل المقيم ود حد الزين اسماعيل حسن
وثم كلك اخر يحملك الي عوالم الراحلين الكبار ابو داوود واحمد المصطفي وتمتع نفسك
بولا المساء لسيد خليفة...
قبل ان يحدثك بدرالدين الامير واخريين عن مدارات مصطفي سيد احمد ذلك الكروان الذي رحل قبل عصره....
زيدان وحكاوية
وغناوي شوايقة وحديث عن التومات وبدايات التمتم وكوستي
وحديث اخر يحملك في مدارات الدليب والوازا والمردوم
ونعود
| |
|
|
|
|
|
|
|
|
|
Re: عود لينا يا سودانيز الفرح ويا موغل في الدهشة....!!! (Re: عبدالكريم الامين احمد)
|
كيكي عائز اصهل يرضو ما قدرت
وفيك كانت بنات ملوك النيل
جنريات وغير جندريات بنات بلون البنفسج واسراب من الحسان
وكانت هناك اهل الكورة مريخاب وهلالاب
وكان هناك حيدر وازهري وعبد الوهاب الحاج وحسين محي الدين وكل الفرقة الماسية
وهناك هناك تراجي وما ادراك ما تراجي
وهناك ايضا عرفت الجميل اكوي
ولا ننسي اهل اليوم الحار وهم يعزفون احلي اوركسترا
ولا ننسي المصادمين كمال عباس ومنعم والصائغ ودينق اهل السياسة والقداسة
واعود
| |
|
|
|
|
|
|
|
|
|
Re: عود لينا يا سودانيز الفرح ويا موغل في الدهشة....!!! (Re: khaleel)
|
| Quote: كيكي عائز اصهل يرضو ما قدرت |
اصهل يا خلي ولايهمك..
وفي عودة سودا يعود الحراك والخبورات البتتطاقش من كل نواحي الدنيا
ولكن قمة الخبوراتو واعلاها صوتا هي اخبار السودان
حكامه...الرفدو منو...والنهب مال الشعب منو....والثروة والسلطة القسموها ماشة وين والكيمان السياسية اخبارها شنو...
تعود عودة قبقبة الكيزان
وتعود الدفاعات الكيزانية
ويعود الجرح الاكبر في دارفور واخبار الشرق والغرب
وتتنمية الجنوب.....
وتعود سيرة البعبع اوكامبو صديقي ..
واوباما...
ولكن اجمل العودات هي عودة سيرة الجهد الانساني والنفير وروح الاسرة الواحدة
ونعود
| |
|
|
|
|
|
|
|
|
|
Re: عود لينا يا سودانيز الفرح ويا موغل في الدهشة....!!! (Re: ود محجوب)
|
Quote: هنا مربط الفرس
سبق ان حذرتك ان تعتريك الآلهة بسؤ.
اها اتبينت فى المنبر كلو. |
هلا يا ود محجوب وحبابك
ويبدو فعلا انها الالهة ضاقت بها اللسعات والعضات لرائدها الكوشي
الذيكنا نتمني ان يشاطرنا معركة الهكر حتي ولو في ثياب باصويرد مهكور
ولكن يبدو دوما ان دوائر الاله بشاشا مشغولة فليس هناك ظهور يذكر ويطمئن الاتباع بانه متواجد بكثرة
حتي يساهم في حماية ساحات قتاله اوساحة النزال كما يردد هو
| |
|
|
|
|
|
|
|
|
|
Re: عود لينا يا سودانيز الفرح ويا موغل في الدهشة....!!! (Re: نادر)
|
Quote: كيكي تحياتي يا حبيب
وحقيقيأنت من الأقلام الواحد كان حيتحسر على فقدانها لو موضوع التهكير ده ما كان انتهى بسلام.
و
ياخي شوف صاحبك ده هنا السطو المصور أديهو طلة مصفر من الصباح صفر كبير وعريض يهش في الضبان في بوستيهو. |
هلا يا نادر وحبابك ياخي
ونحمد الله علي عودة سين او ابو السا حبيب الكل...
وسودانيز الذ موقع في العالم لانو الزول في كل لحظاته بكون عينه علي الهكر والعين التانية علي المضامين والمرجفين زي زولنا ملاسي
وشايفك بهناك درشتهم درش اطرب محمد ود الصايم 
وملس مرجف اسافير كبير وصفر دولي اكبر وخليهو مصفر زي ده برااااهو يا نادر
ده عينة بعمل (ريست ) عقب كل جوطة او تهكيرة زي دي وبرجع صفر زي ماكان اول
| |
|
|
|
|
|
|
|
|
|
Re: عود لينا يا سودانيز الفرح ويا موغل في الدهشة....!!! (Re: عبدالكريم الامين احمد)
|
سعدنا ذات يوم بعيد حينما حدثتنا الرائعة رجاء العباسي عن الموسيقي اللاتيينة
وكان قبلها تولي حيدر ميرغني وابكر التحليق بنا في سماوات الموسيقي الافريقية
وقبلها مارس فينا ناذر خليفة التجوال في الاغاني التي ولدها الواقع السوداني المعاصر حينما مدنا بنماذج للاغاني التي ظهرت موخرا
وتعرفنا علي نمط جديد والحان جديدة ...وبهبشة كلك رغم المسافات البعيدة والمنافي
| |
|
|
|
|
|
|
|
|
 Re: عود لينا يا سودانيز الفرح ويا موغل في الدهشة....!!! (Re: ASHRAF TAHA)
|
سلامات يا كيكي
شايفك جبت سيرة الغنا و الموسيقى...فياخ خليني اضيف حاجة حاجتين كده
-ابو بكر سيد احمد :واحد من اجمل الاصوات في السودان اليوم(رايي الشخصي بالطبع
و يشاركني فيه الطيب بشير و ود الموج و بقية رابطة معجبي ابوبكر سيداحمد بسودانيزاونلاين)
-اخونا الزميل طارق ابوعبيدة الشهير بخدر من المبدعين الكبار الجد جد.
-الفنان نادر السوداني.
-الفنان ميسرة غاندي.
| |
|
|
|
|
|
|
|
|
|
Re: عود لينا يا سودانيز الفرح ويا موغل في الدهشة....!!! (Re: سيف النصر محي الدين محمد أحمد)
|
Quote: شايفك جبت سيرة الغنا و الموسيقى...فياخ خليني اضيف حاجة حاجتين كده
-ابو بكر سيد احمد :واحد من اجمل الاصوات في السودان اليوم(رايي الشخصي بالطبع
و يشاركني فيه الطيب بشير و ود الموج و بقية رابطة معجبي ابوبكر سيداحمد بسودانيزاونلاين)
-اخونا الزميل طارق ابوعبيدة الشهير بخدر من المبدعين الكبار الجد جد.
-الفنان نادر السوداني.
-الفنان ميسرة غاندي. |
هلا يا سيف وتحياتي
خدر ونادر السودان سمعت ليهم غناهم بجنن يعلم الله..
ولكن يا ريت تباصي لينا حاجة من ميسرة وابوبكر سيد احمد حتي نخش معاكم في الرابطة دي
فما دسوا مننا ياجماعة المبدعين
| |
|
|
|
|
|
|
| |
عبدالكريم الامين احمد
ضحيه ابراهيم
khaleel
ود محجوب
طارق جبريل
ASHRAF TAHA
فيس بوك
تويتر
انستقرام
يوتيوب
بنتيريست