دعواتكم لزميلنا المفكر د.الباقر العفيف بالشفاء العاجل
|
|
 عودة ودقنيرة مطقسا سيرة البلد واحوال اوكامبو...!!!!!
|
ود قنيرة الذي كنا قد حلقنامعه في ايامات الاعلان الاوكمابوي الشهير بشروطه التي ارسلها عالية خفاقة
يعود اليوم الي الملاعب وقد ظل طيلة تلك الفترة التي مرت مياه كثيرة تحت جسر اوكمابو الشهير
ظل من رادي لرادي.. ومن تلفزيون ابيض واسود لجريدة (تاجير) ومرات مرات بمشي مع مثقافتية الفريق لمصيبة كده اسمها الانترنت...
ومعنا في رحلة ودقنيرة واحوال البلد في ظل جسر مياه اوكمابو
|
|
 
|
|
|
|
|
|
|
|
Re: عودة ودقنيرة مطقسا سيرة البلد واحوال اوكامبو...!!!!! (Re: عبدالكريم الامين احمد)
|
نما الي علم ود قنيرة بان الخواجة المسلط علي رقبة البشير قررررب يعلن للسادة المجتمع الدولي بان
البشير ضروري في التمرين..
فكان هذا دافع وشمار كافي للذهاب الي فردته الشهير الاخر حسن ماكردة حتي يشوف حدود وحكاية الشمار الخواجاتي وحكاية (اقبضو...جيبو) دي..
الذي لاحظ ود قنيرة فيما لاحظ بان اصحاب الكرفتات الشديدة مارسو النقة النقة في هذا الموضوع
لمن الموضوع ااامن زااااتو...!!!
عمرو موسي طيارة فوووو
حسني مبارك شخصيا جية علني وجية قالوا كرباوية وتحت تحت
يومي والتاني وفد الكاريبي وجزر القمر وبلاد الثلاثة رافد واصلين....
والبشير شخصيا عمل طلعة طلعتين جوية لتركيا وللسنغال لزوم التستة وكدا..
والشمار بتاع النت قالوا عمل يااااع من الاخيرة كان كضب كان صحي علا ود قنيرة سمع الكلام ده
في اليوتيوب باضانو البياكلها الدود دي..
| |
|
|
|
|
|
|
|
|
|
Re: عودة ودقنيرة مطقسا سيرة البلد واحوال اوكامبو...!!!!! (Re: عبدالكريم الامين احمد)
|
سمع فيما سمع ود قنيرة
جبهة داخلية...جبهة داخلية
تلفزيون جبهة داخلية...رادي جبهة داخلية
كنانة جبهة داخلية..
لقاء القصر ومافي عجوز حزب ما جاء ادي فروض الولاء والطاعة...
والماسورة كما ذكر ود قنيرة لصديقه ماكردة عندما تفتحها تمارس شخشختها الشهيرة ثم تصيح
باعلي صوتها الجبهة الداخلية... وقالوا في ماسورة في المنشية قالت الجبهة الاسلامية,, وبرضو تحت تحت كده...
وقنيرة سمع بان ناس الامن قايمة عليهم حالة جنون البقر الامني...
تقول اوكامبو في المواصلات الجاية من الكلاكلة تلقي السواق ودون ان تحس دايس فرملة في مكاتب الامن
هنااااااااك جنب القيادة... وبقول ليك انزل يا اخينا
لتذهب الي غياهب الجب وتضرب ضرب غرائب الابل الاوكاموبية ..
| |
|
|
|
|
|
|
|
|
|
Re: عودة ودقنيرة مطقسا سيرة البلد واحوال اوكامبو...!!!!! (Re: عبدالكريم الامين احمد)
|
ماكردة الذي ظل صامتا يستمع الي شماريات ود قنيرة...التقط قفاز الحديث وهو الشهير بموقفه التاريخي
منذ بدايات الانقاذ في عهدها الاول لدرجة انه حتي لان (لم يجر ساعته الي التوقيت الانقاذي الجديد)
عندما صحا القوم في في ذلك المكان علي صوت عالي النبرة يصيح ياناس هوووووي جروووووو الساعة
وجر الغالبية الساعة وظل ماكردة ومنذ تلكم الايام صار (زمنو فارق) وما فارقة معاهو والداير يقولو
في بني دقنوس بقولوا وشعاره الرسمي سجن سجن غرامة غرامة سلخ كرعين سلخ كرعين والغريق قدام
| |
|
|
|
|
|
|
|
|
|
Re: عودة ودقنيرة مطقسا سيرة البلد واحوال اوكامبو...!!!!! (Re: عبدالكريم الامين احمد)
|
الذي لاحظه ماكردة هو الان الحكومة الانقاذية حاولت قدر المستطاع لحوق السوق وتفقيل اللعب في المحيط
العربي-الافريقي -وبعض الجيوب الدولية..
وفي العربي دي ود ماكردة سمع عبر وسائط شمارية شكلة ليها ضل في موتمر حقوق الانسان العربي
سبدرات وقف فيها (جن احمر) وعمل جوطة سمعها الغاشي الداني في موتمر الدوحة عندما غرد المجتمعين خارج السرب وقالوا العرب ضروري احترام هيك قوانين دولية...
ساكوزي لاعب خطير في هذا الماتش وهو المحرك الاول لكل اللعب الاروبي ولفترة لعب من الحكومة لعبة الجذرة والعصا..
ولكن برضو اوكامبو قالوا مصر اصرار عجيب يوصل القطار الي محطة لاهاي نفر..؟
اذن بعض فرفرة عربية...
وعصا ساركوزية
وخلي يولي افريقية
واصرارات اوكماوبية...
ونعود
| |
|
|
|
|
|
|
|
|
|
Re: عودة ودقنيرة مطقسا سيرة البلد واحوال اوكامبو...!!!!! (Re: ALGARADABI)
|
Quote: أنا خايف من الغلط بتاع
عبدالكريم الأمين أحمد
و عبدالكريم أحمد الأمين
|
هلا يا قرضابي
وياخ ناس ود قنيرة ديل بخلو لينا راسا لمن نتامل
وكويس انت العملت تنبه ما يجي اخونا ابومحمد يخش في الحكاية تووش ويتمها لينا
وحبابك يا القرضابي الف في مدارات ود قنيرة وود ماكردة
وطفيسهم العجيب وغريب ده للحالة السودانية في ظلال اوكامبو
| |
|
|
|
|
|
|
|
|
|
Re: عودة ودقنيرة مطقسا سيرة البلد واحوال اوكامبو...!!!!! (Re: عبدالكريم الامين احمد)
|
ماكردة ايضا نما الي علمه بان جبهجية (شاكلوأ)
وقال ساعته جبهجية (كان شاكلو بخت شعب)....
والقصة بقت بقج بقج وتيارات ..وكلا رامي عينو علي البيرق والمواتر البتمشي بجنب عربته كرئيس للشعب السوداني الفضل...وسمع ايضا بان هنالك شغل مقصات ومغارز تحت تحت وحقارات قاعدة تتعمل حتي
يتم الاطاحة بالريس بصورة كوزدرامية...
وورد الي اضانه اسامي اشخاص يحسبهم الان
1-علي عثمان
2-نافع علي نافع
3-وصلاح غوش شخصيا..
ونعود
| |
|
|
|
|
|
|
|
|
|
Re: عودة ودقنيرة مطقسا سيرة البلد واحوال اوكامبو...!!!!! (Re: عبدالكريم الامين احمد)
|
اذن كما افتي ماكردة في مكنته تلك التي بدت ماكينة مثقفاتية رعاديد..
حكومة جبهة داخلية وباعلامها الذي يشابه في طريقة عمله طريقة ارسال فرق التيوة وهي مدبجة بالمديح لتهزم في اقرب لفة عشرومية صفر...
جبهة داخلية في التلفزيون واللقات الرسمية والشعبية...
ودفاعها مرتكز علي نفرة (قوة الراس) وقوي القلب وحرارته..
ولكن لو هابشتها في الحقوق الاساسية الاخري فحدث فلا حرج..
اعتقالات بالكوم
ضرب قادة راي بالكومين
رصاص نازل كما الامطار الغزيرة في دارفور
مغارز الشراكة النيفاشية
فرفرات الاحزاب الاخري
المعيشة والضغط العالي علي جبهة المواطن...
وجود ثغرة في الحدود الغربية تتواجد في السهلة مع حروبات دارفور تلك..
خطاب جزمة الكديس الرئاسي والتبشير بالشينة في اعلي مراحلها...
كل هذه النقاط هي ثقوب في طبقة الاوزون الانقاذية دايرة عودة وتامل ود قنيرة ماكردي
| |
|
|
|
|
|
|
|
|
|
Re: عودة ودقنيرة مطقسا سيرة البلد واحوال اوكامبو...!!!!! (Re: محمد على طه الملك)
|
Quote: أها موضوع الديش بتاع اليومين ديل ما سمع عنه شيء؟
|
هلا يا محمد وحبابك
وموضوع الديش ده ود قنيرة سامعو بالحيل..
والديش يا محمد بقي يومي (فاري) لجهة مرة مغرب ومرات مشرق
والمرة دي مكنتو انو عامل تجهيزات لعيد الديش
ولكن ود قنيرة تحت تحت كده سمع انوالحكاية مناورات تكتيكية لحماية العاصمة من اختراقات محتملة
جوا
وبرا
ونهرا
والتجهيزات السياسية والدبلوماسية بتظهر في التلفزيون بيانا والباقي تحت تحت
ولكن تجهيزات الديش بتظهر علي الارض عيانا بيانا حتي لو قالوا الجيش ماشي الساحة الخضراء...لكن
ةالحتة دي ود قنيرة بفرزها من جكة الديش الصباحية
| |
|
|
|
|
|
|
|
|
|
Re: عودة ودقنيرة مطقسا سيرة البلد واحوال اوكامبو...!!!!! (Re: عبدالكريم الامين احمد)
|
سلامات ياكيكي وكل الأعياد مباركة..
Quote: ودفاعها مرتكز علي نفرة (قوة الراس) وقوي القلب وحرارته..
ولكن لو هابشتها في الحقوق الاساسية الاخري فحدث فلا حرج..
اعتقالات بالكوم
ضرب قادة راي بالكومين
رصاص نازل كما الامطار الغزيرة في دارفور
مغارز الشراكة النيفاشية
فرفرات الاحزاب الاخري
المعيشة والضغط العالي علي جبهة المواطن... |
وبعد ده يقوليك مبادرة أهل السودان ودايرين الناس تقيف معاه يقلي في شعبه عشرين سنة ولمن بقت عليه داير الشعب يشيل عنه لابالله !!
وصدق المثل التسوي بايدك يغلب أجاويدك..
المهم ممتن لك على الكتابة والأسلوب الساخر لتناول القضية
وودي لك ..
| |
|
|
|
|
|
|
|
|
|
Re: عودة ودقنيرة مطقسا سيرة البلد واحوال اوكامبو...!!!!! (Re: مجاهد عبدالله)
|
| Quote: وصدق المثل التسوي بايدك يغلب أجاويدك.. |
هلا يا مجاهد وحبابك
وصدق ايضا مثل كريت والبتسوي في روحها..
الانقاذ لاعبة بالشعب في كل حلها وترحالها..
دايرة تعصر تعصر الشعب
دايرة تمصر تمصر الشعب
تعمل كركبة وجرائم كبري تلبد وراء الشعب
وتنادي يا شعب الحقوني..
هي واضعة اهل المليون مربع في بترينة مزاجها واهوائها...
ولكن ايماننا بان حكاية الشعب دي وتر لعب عليه الكثير من الطغاة الذين ذهبوا الي مزابل التاريخ
وبقي الشعب ملهما
| |
|
|
|
|
|
|
|
|
|
Re: عودة ودقنيرة مطقسا سيرة البلد واحوال اوكامبو...!!!!! (Re: عبدالكريم الامين احمد)
|
قنيرة لاحظ فيما لاحظ ايضا
بان كل القوي السياسية اصبحت الخرطو جوووه
وهذا هو مولانا الميرغني اخر اسراب العائدين عندما حملته خطاوي العزاء
ولكنه وجد الطريق الي كراسي مبادرة اهل السودان مفروش بالسحة التي تنفذ فيها السيد الصادق المهدي
ولو قليلا في كرنفالات الترضية التي يبدو ان شعارها هو (التهدئة مقابل وحدة الصف الداخلي) وتحديدا ضد هجمات المجتمع الدولي المتوقعة..
وصار المشهد كالاتي..
موتمر وطني راس الرمح في المعركة وتكهنات تياراته مستعدة للمشي في اكثر الطرق تطرفا
قوي سياسية اخري مهمشة ولكنها تلاوي في المساحة والمنافذ وتعمل علي رقصة اثبات الوجود في الاحداث
حركة شعبية كراع ثابتة ومومنة في الجنوب وكراع اخري في الشمال تمشي وتجي الي الاحداث حسب فرفرات نيفشا..
والمشهد صار قمة البلوتيكا ...بولتكية الازمات
| |
|
|
|
|
|
|
|
|
|
Re: عودة ودقنيرة مطقسا سيرة البلد واحوال اوكامبو...!!!!! (Re: عبدالكريم الامين احمد)
|
قنيرة وماكردة واخريين كان نفسهم هذه الزنقة الليها ضل تحقق اختراق في مسكة العسكر علي تلاليب البلد
في قضيتين
1-قانون الصحافة والمطبوعات
2-قانون جهاز الامن والحريات..
والاشواق القنيرية كانت ذاهبة صوب الحركة الشعبية بجهة وناس التراضي بجهة حتي يتم اخر مسامير التفكيك للقبضة التي طالت
ولكن بني دقنوس (لولوة الف ..والتفاف الفين) وطلعو ليك الموضوع زي الشعرة من العجين
وارتدت الاحلام في هذان المجالان الي سراب بقيع يحسبه قنيرة ماء فيجده اعتقالات بالكوم ورقابة صحف بالكوم
ودقش امنجي علي اصولو
ولا صوت يعلو علي صوت معركة حماية الريس..
ونعود
| |
|
|
|
|
|
|
|
|
|
Re: عودة ودقنيرة مطقسا سيرة البلد واحوال اوكامبو...!!!!! (Re: عبدالكريم الامين احمد)
|
قنيرة ايضا لاحظ فيما لاحظ
بان الجبهة الداخلية التي تعول عليها الانقاذ في اوكمابويتها تلك
مصلقة بلصقة السولتيب السسياسية..
من حيث الاتفاقيات العديدة المبنية علي هبوت المرارات والحرب ومرور سنين قليلة عليها
غير كافية لامتصاص الغضبات واللبدات والمغارز في لحظات العك الاكبر..
1-نيفاشا مترنحة وعالية الترنح
2-اتفاقيا الشرق ثقوب وجيوب (بجا حديد) عديدة خارج هذا المدار
3-ابوجا مناوي ايضا تطمينات علي عثمان في ظل تجاذب دوره (فووق وتحت) ايضا تجلس علي هبوت الفرنبة المحتملة
4-اتفاقيات (الكوم) مع بعض القوي الدارفورية الغير موقعة علي ابوجا ايضا لها من الهبوت القابل علي الاشتعال
5-جوك جوك التي تمارسها حركة العدل والمساواة في كردفان ودارفور ومع الدوس علي ابنص التهديد للوصول الي الخرطوم..
| |
|
|
|
|
|
|
|
|
|
Re: عودة ودقنيرة مطقسا سيرة البلد واحوال اوكامبو...!!!!! (Re: عبدالكريم الامين احمد)
|
ود قنيرة يعود الي سيرة الطقيس والخبورات
ففي احدي جولاته القنيرية سمع تحت تحت انو بني كوز ناقشوا لمواجهة تداعيات اوكمابو
ثلاثة سنياريوهات
1-استقالة البشير والعمل علي ان يكون علي عثمان رجل الحركة الاسلامية قافز الحواجز
2-انقلاب تكتيكي صوري ياتي يختف فيه البشير خلف الجب وكراكير السودان وياتي علي عثمان
3-تسليم القصة لعسكر (صر) كده والوقوف جن احمر في امام اي هجمات اوكامبوية محتملة
ونعود للنضمي في هذه السنياريوهات
| |
|
|
|
|
|
|
|
|
 Re: عودة ودقنيرة مطقسا سيرة البلد واحوال اوكامبو...!!!!! (Re: عبدالكريم الامين احمد)
|
| Quote: وكويس انت العملت تنبه ما يجي اخونا ابومحمد يخش في الحكاية تووش ويتمها لينا |
** صديقى السمى الباشمهندس الاديب ود الامين أحمد.
لو ملكُت نصف ماتملكه من مُفردات الكتابه الادبيه التى تُحلق بنا في سماوات المعقول واللامعقول في دولة سازونيا الاسلاميه اللاحضاريه لغيرت إتجاهى من القانون الي أدب القصه القصيره ,, ولازلت مُصراً أن الهندسه مهنه ليس إلا ولكن يظل الاديب في داخلك هو الاساس الذى يُحركك وبمعنى آخر أديب ضل الطريق الي كلية الهندسه , ولكن تظل الهندسه هى المتواليه التى تُحرك هذا الابداع ,, ولاأزال في إنتظار أن يتم تجميع هذا الإبداع في كُتيب أنيق..
(ودام الود بيننا)
أخوك/ الماكيكي (ابو محمد فؤاد)
| |
|
|
|
|
|
|
|
|
|
Re: عودة ودقنيرة مطقسا سيرة البلد واحوال اوكامبو...!!!!! (Re: عبدالكريم أحمد الامين)
|
حكاية الثعـلـب
برز الثعلــب يومـاً في ثياب الواعـــظين
كما أعـتاد دوماً . من ســـنـيـن وســنيناً
ومشى في الأرض يفسد ويسـب المفســدين
ويردد فينا قولاً .. نحن منه سائمــــــون
ويردف القول فعلاً وهو شر المـــــــاكرين:
يابغاة الحكم هــبوا ننهب البـلـد الأمـينا
ونبيع العـرض عـلـناً في مــزاد الطــامعين
وندعوا أوكامبو ليقبل ويقـيم العـدل فينا
عدلاً يشفي الغلـيل لنا ويرد كيد الحـاقدينا
في سبيل الحكم نكذب ونحسن الفعل المشينا
ما لي وللعلياأنشدها دعني أبتغي حكماًمتينا
أدركـت أن الغــرب صنوي قـصداً وديــنــا
ليت شـــعري قد كنا عنه غـــــــافـلـين
قد أرادالـبوش سعدي ولم أرى قـلباً حـنينا
يبتغي الخـير لشـعـبي وكنت بالحـب ضـنينا
أعذر صديقاً أخي وهاك حباً وبترولاً وطينا
فأجاب البوش : عـذراً يا أضــل الـمهـتدين
بِلغِ الأتباع والأشباه عني من صقورٍ جائعين
إنما البتــرول ملكي وقد نهـبتم منه حينا
سأقيم الحد فيكم .. وأقص أيدي الســارقين
من ذوي الأذقـان ممن أدعوا الاســلام دينا
سأنكل وأخـرب .. حين تأتوا راكــــعين
ويوم النصر سـيان من أيدنا.. والمنكرينا
سـأوزع الأهوال فيكم قسطاً وعــدلاً مستبينا
سأضحي يوم نصري بإمــــــــامٍ عاب فينا
وأملأ الأفــاق بأشـلاء كل الصــــــامدين
خطة مدورسة من سـنين لانحيد عنها حينا
لا نعدم الأسباب أو نبالي بشجب الشـاجبين
لانخشي مجلساً للأمن نحن منه .. وهو فينا
ألم نغزوا عـراقاً فأتـوا مؤيدين مباركين؟
أمض أوكامبو وقرر لا تبالي بالــــذين ...
أشرعوا الرايات رفضاً .. سنذل الرافـضين
هل تظن العرب تنجزعهـــداً هم له قاطعين
إنهم في الشر أسرع ..لا نصر المستضعفين
قد أتاناالبعض ينذر... قدموا نصحاًأمينا
أجهدوا التأريخ ذكراً لجدودٍ لكم شـامخين
أرهقوا الغـازين دهراً حتي ولوا مدبرينا
عن بعانخي ثم مهدي ورجـالٍ فـــــاتكين
أزهلوا التأريخ يوماً حين لاقوا الفاتحينا
إذأذاقواالبعض ويلاً ..ثم ماتوا صــابرين
أوردوا الصومال ضمنا ثم قالوا مـنذرينا
إن أرض النيل تسمو فـوق وهم الواهمـين
لا تغامرمثل أولي ..جــددوا حزنا دفينا
هل تراني كنت أحلم وأدكرت اليوم حينا؟
عـقدة في النفس تجثم..كابوس يبقى فينا
يقض مضجعنا ويشقينامهما قلناقد شـفينا
سأُطلق البترول بيناً...فهو درب الهالكين
وأجندالجندوأحشد لصيد شـر المــاكرينا
قد يبيح السرعني , عن جدودي الصالحين
أعددت للمكار قبراً بـقفرٍ وسكيناً سـنينا
أمير قناوي
| |
|
|
|
|
|
|
|
|
|
Re: عودة ودقنيرة مطقسا سيرة البلد واحوال اوكامبو...!!!!! (Re: عبدالكريم أحمد الامين)
|
Quote: ** صديقى السمى الباشمهندس الاديب ود الامين أحمد.
لو ملكُت نصف ماتملكه من مُفردات الكتابه الادبيه التى تُحلق بنا في سماوات المعقول واللامعقول في دولة سازونيا الاسلاميه اللاحضاريه لغيرت إتجاهى من القانون الي أدب القصه القصيره ,, ولازلت مُصراً أن الهندسه مهنه ليس إلا ولكن يظل الاديب في داخلك هو الاساس الذى يُحركك وبمعنى آخر أديب ضل الطريق الي كلية الهندسه , ولكن تظل الهندسه هى المتواليه التى تُحرك هذا الابداع ,, ولاأزال في إنتظار أن يتم تجميع هذا الإبداع في كُتيب أنيق..
(ودام الود بيننا)
أخوك/ الماكيكي (ابو محمد فؤاد) |
صديقي القانوني الضليع ابو محمد
ومشتاقين يعلم الله ياخي
وكنت افكر اليوم للعبور اليك في بوستك الذي تنادي فيه بحضور صديقك واتمني ان يكون بكري قد استجاب
ودوما كريم يا ابومحمد في حضورك ونتمني ان نري جميعا هذه الاسفار مجمعة في شي يمكن ان يقراء وتضيف بعض الشي
للجميع
وتحياتي وتقديري المقيم
| |
|
|
|
|
|
|
|
|
|
Re: عودة ودقنيرة مطقسا سيرة البلد واحوال اوكامبو...!!!!! (Re: عبدالكريم الامين احمد)
|
Quote: وندعوا أوكامبو ليقبل ويقـيم العـدل فينا
عدلاً يشفي الغلـيل لنا ويرد كيد الحـاقدينا |
هلا يا ابراهيم
وحبابك ياخي
وقصيدة عبرت بها رايك في الامر فتشكر علي وضعها هنا..
ولكن قناعتي هي ان اوكمابو يقيم العدل من الانسانية التي انتهكت من سلاطين بلادنا...
والشعب السوداني شعب عظيم لا يستحق مثل هذه السنين الدموية
وهو ايضا قادرا علي حماية كلمته وصوته الانتخابي ان اعطاها لا حد ابنائه وقادرا علي الدفاع عن اراضية
وولكن ايضا قادرا علي انتزاع حقه في العدالة الدولية ان انتهكت انسانية كما فعل البشير...
| |
|
|
|
|
|
|
|
|
|
Re: عودة ودقنيرة مطقسا سيرة البلد واحوال اوكامبو...!!!!! (Re: Imad Khalifa)
|
| Quote: فيوم 4/3 دايرنها بأي طريقة جوة الجك مش في العراضة ذي المرة الفاتت!!! |
هلا ياعمدة تحياتي ياخي
وخلاس الخرفان حكاتيها لبنت وحتبين باذن الله يوم 4من مارس
الذي دائما هو ماسك كيف ابريل ..
هي شهور زلزلت الطاغية نميري والان تاتي لتدق مسمار في نعش الانقاذ المتهالك...
تعرف الدوحة فيها في الكورينش مجسم بتاع زول كبيرررررررر كان زمان بحسب لبطولة الاسياد الاسيوية التي انتهت
ولسع الزول ده قاعد
الليلة ممكن الواحد يديها جكة ويناضم الزول ده يحسب لينا حتي يوم 4 مارس..
حيث دق العيش والعكش الدولي
| |
|
|
|
|
|
|
|
|
|
Re: عودة ودقنيرة مطقسا سيرة البلد واحوال اوكامبو...!!!!! (Re: Nader Abu Kadouk)
|
Quote:
ماكردة الذي ظل صامتا يستمع الي شماريات ود قنيرة...التقط قفاز الحديث وهو الشهير بموقفه التاريخي
منذ بدايات الانقاذ في عهدها الاول لدرجة انه حتي لان (لم يجر ساعته الي التوقيت الانقاذي الجديد)
|
يا كيكي الزول دا قاطعو ناشف مع الانقاذ عفيت منو
المهم نحنا جاين للاحتفال معانا بيان واخرون تعلمهم
افرزو لينا شيتنا اي خروف ماكل مشك ابعدوا مننا
الشربوت يكون فطير معانا مفتش كيميائي
نصلي معاكم العشا ونتخارج
حواء ليمونه تجي بعد ما نتخارج عشان ما تتلخبط الحاجات
| |
|
|
|
|
|
|
|
|
|
Re: عودة ودقنيرة مطقسا سيرة البلد واحوال اوكامبو...!!!!! (Re: humida)
|
| Quote: اعصابك يا دكتور ..!! |
بالعكس يا حميدة
الاعصاب في ثلاجة وثلاجة فور ويل درايف....
واصلا متعودين ومتصالحين في الاسافير دي مع كل اللغات والاستايلات..
ومافي شيتا كده يا حميدة ببوظ ليهو اعصاب لمن ينضمو بيهو..
وشهادة قطر او القطار دي ريحتك لو محتاج نطلع ليك شهادة تاني..؟؟؟
| |
|
|
|
|
|
|
|
|
|
Re: عودة ودقنيرة مطقسا سيرة البلد واحوال اوكامبو...!!!!! (Re: Azhari Nurelhuda)
|
Quote: المكنة بتاعة
إنت أمشي لاهاي
و أنا بقعد بي جاي |
هلا يا ابو الزهور
والمنشية خلاص فراق بائن بينونة كبري
وبالجد لاول مرة احس بان الشيخ حسن الترابي في خطر حقيقي
فهو القوي السياسية الوحيدة بالداخل التي تجاهر بتاييد الدولية
وحسب تصريح بوش السكاكين والسيخ يا تطلع قريبات والضبح من الاضان للاضان فياخوفي علي ابو الشيوخ
| |
|
|
|
|
|
|
|
|
|
Re: عودة ودقنيرة مطقسا سيرة البلد واحوال اوكامبو...!!!!! (Re: عبدالكريم الامين احمد)
|
الأخ عبدالكريم السلام عليكم ورحمة الله
أولاً أنا أبن خال الأخ إبراهيم ولست أبراهيم نفسه.
ثانياً كانت مداخلتي لتنبيه الذين ينادون بمحاكمة البشير في محكمة الجنايات الدولية. وأنا من الرافضين لها , لا بداعي الحب في البشير والإنقاذ ، ولكن لعلمي بأنها مؤامرة يراد منها تدمير وطننا المسالم ، ونهب خيراته.
أوافقك أخي في أن المظالم قد عمت ، ولكن لايجوز أن ندعوا أعداءنا ليقيموا العدل في بلادنا. فهؤلاء لا يهمهم عدلاً ، إنما هو عدل الرجل الأبيض التي عرفها السود علي مدى التأريخ ، عدالة ليس فيها من العدل إلا إسمه ، كرباج يلهبون به ظهورنا إن لم نطيع أوامر السادة ، وسيف يشهرونه في وجوهنا كلما حدنا عن الطريق المرسوم. أين كانت عدالتهم حينما أمطرت إسرائيل أطفال غزة ونسائها بالقنابل العنقودية ثلاثةأسابيع دون هوادة ؟ . هل أهل دارفور أحب لأوكامبو من أهل غزة ؟ . لا إنما هو البترول ليس إلا.
أخي عبدالكريم أدعوك وأدعو كل المنادين بمحاكمة البشير أن تنتبهوا للشر المحدق ببلادنا الغالية وحين تعم الفتنة ويصبح السودان عراقاً آخراً فلن ينفع الندم . وأسمعوا العراقيين الذين تمنوا زوال حكم صدام فأخطأوا الوسيلة وأصبحوا يتحسرون على أيام جبروته. لقد أصابتهم فتنة أصبح الحليم فيها حيراناً ، ورأوا القتل بالهوية ..
هل تعرفون القتل بالهوية ؟ . يقبالك مسلحون ويطلبوا منك إثبات شخصيتك ، فإذا كنت من الطائفة أو القبيلة الخطأ فسيطول إنتظار أسرتك لعودتك وقد لا تعود أبداً ، ليس لجريمةٍ إرتكبتها ولكن لأنك كنت في المكان الخطأ بالسحنة الخطأ ..هذة ديمقراطية الغرب وعدالة الغرب التي نحلم بها.
ولا تدعونا مظالم الإنقاذ لتسليم أبناء جلدتنا لأعدائنا. ولنكن نحن قبل الكل منصفين في أقوالنا وأفعالنا حتي مع من إختلفنا معهم . وقال تعالى : (ولا يجرمنكم شنأن قومٍ ألا تعدلوا ، أعدلوا هو أقرب للتقوى) صدق الله العظيم.
اللهم إني قد بلغت فأشهد.
والسلام عليكم ورحمة الله .
أخوك د. أميرقناوي 24.02.09
| |
|
|
|
|
|
|
| |
عبدالكريم الامين احمد
ALGARADABI
محمد على طه الملك
khaleel
عبدالكريم أحمد الامين
أمير قناوي
Imad Khalifa
Nader Abu Kadouk
humida
Azhari Nurelhuda
فيس بوك
تويتر
انستقرام
يوتيوب
بنتيريست