|
دعواتكم لزميلنا المفكر د.الباقر العفيف بالشفاء العاجل
|
|
 Re: عندما كركبت الاضقال الانقاذية صارت (الكشة) رجسا من عمل الشيطان...!!! (Re: عبدالكريم الامين احمد)
|
وكل الاشياء البسيطة التي كان يسومها البسطاء والفقراء والمساكين من ابناء هذا البلد في الشوارع والطرقات والاسواق عندما عزت موارد البلاد وسرقت ونهبت وذهبت الي جيوب وكروش التماسيح الدقنية الرعديدة....!!!
لن يصوتو لكم....ولن يصوتن لكم...!!
فخلف كل كشة كانت هنالك كارثة ...كانت هنالك طفلة انقطع عنها الحليب والماء والطعام...!!
وخلف كل صندوق ورنيش اعتقلته ايادي العسعس الكيزانية كان هنالك ضياع وكانت هنالك مخدرات وبنقو
و ذهاب الي غياهب الترشيد والسلسيون والبنزين والبناطلين المقطعة من وراء تقطيع يحكي سيرة البؤس والشقاء والظلم والقهر والطمع والنهم الانقاذي اللعين....!!!
| |
 
|
|
|
|
|
|
|
|
Re: عندما كركبت الاضقال الانقاذية صارت (الكشة) رجسا من عمل الشيطان...!!! (Re: عبدالكريم الامين احمد)
|
قاع المدينة مجتمع موهوب وملهم ويدري جيدا كيف يصنع اشيائه واحلامه ببساطة ومثابرة وصبر...!!
فحافلات المواصلات العامة التي تنقل ابنائه من كراكيرهم تحملهم الي الاسواق وهم محملين بابداعهم ضد
سطوة حياة الاهمال والتهميش ولكن تتبخر هذا الاحلام وتضيع كل هذه الثروات البسيطة في اسوار جدار
سلطة الدقن الزيف التي تطلق ايادي عسعسها المرتجفة لكي تقمع احلام وموارد والثروات الفقيرة من اجل
عاصمة بلا فقراء عاصمة بلا باعة وبائعات وعاصمة بلا فول حاجات بلا حلاوة قطن وبلا فكسسسسسسسسس
(قيل في النكتة السودانية حتي الصينيات اللائي بعن الفكس في طرقات الخرطوم لن يسلمن من الكشات)..
| |
|
|
|
|
|
|
|
|
|
Re: عندما كركبت الاضقال الانقاذية صارت (الكشة) رجسا من عمل الشيطان...!!! (Re: عبدالكريم الامين احمد)
|
Quote: عندما كركبت الاضقال الانقاذية صارت الكشة رجسا من عمل الشيطان...!!!
هل كركبت الاضقال....؟؟؟ |
20 سنة, والكشات شبه يومية...لماذا أوقفوها الآن؟؟
هل توصلو الي اختراع جديد بعدم جدوي الكشات؟؟
هل جاءتهم فتوي من هئية علماء السلطان(عفوا) السودان,ببطلان الكشات؟؟
أم أن ستات الشاي و الباعة المتجولين,صارو من ملامح الخرطوم الحضارية,واصبحو قبلة للسياح و محبي الفكلور؟؟
يا انقاذ؟؟يا حيكومة الفقر؟؟
الاضقال كركبت..والاهوال قاربت........
يا كريم..
بالله اعمل تفكيك ,للموضوع ده!!,
اصلو هم عملوها ظـــــــــــــــــــــــــاهرة
تحياتي يا ملك
وسلام كتيـــــــــــــــــــــــر..
____
اصحـــــــــــــــي يا بريش..الدنيا قبايل (انتخابات) الرزق طلاقيط!!!!!!!!!
| |
|
|
|
|
|
|
|
|
|
Re: عندما كركبت الاضقال الانقاذية صارت (الكشة) رجسا من عمل الشيطان...!!! (Re: هواري نمر)
|
Quote:
20 سنة, والكشات شبه يومية...لماذا أوقفوها الآن؟؟
هل توصلو الي اختراع جديد بعدم جدوي الكشات؟؟
هل جاءتهم فتوي من هئية علماء السلطان(عفوا) السودان,ببطلان الكشات؟؟
أم أن ستات الشاي و الباعة المتجولين,صارو من ملامح الخرطوم الحضارية,واصبحو قبلة للسياح و محبي الفكلور؟؟
يا انقاذ؟؟يا حيكومة الفقر؟؟
الاضقال كركبت..والاهوال قاربت........ |
نعم ياهواري
فقد كركبت الاضقال وقاربت الاهوال...
وهذه الحكومة التي تتاجر بارواح وارزاق ودين الناس الان تاتي بكل دم بارد لكي تقول بان الكشة
ضد الدين والشرع
بعدما ازاقت الناس ويل العذاب ومات من مات وجن من جن وانحرف من انحرف وذلك عندما طاردو الفقراء بين الطرقات وساموهم سؤء العذاب...
الانتهازية السياسية والدينية في اعلي مراحلها
بالاضافةمحاولة الاستخفاف بارزاق الناس وحقوقهم واصواتهم
سنجلس هنا طويلا باذن الله يا هواري وعلي موسيقي الاضقال التي كركبت نتونس عن عوالم الباعة والبائعات الفقراء والاشياء التي عانوها في عهود الانقاذ عندما كانت اضقالها موضبة وهي تقدل في امور البلاد والعباد
وتحياتي واشواقي الحارة
| |
|
|
|
|
|
|
|
|
|
Re: عندما كركبت الاضقال الانقاذية صارت (الكشة) رجسا من عمل الشيطان...!!! (Re: عبدالكريم الامين احمد)
|
ما ياهو المطلع.....زيتنــــــــــا.!!
الدين و الشرع...بقولو في حاجة اسمها..(الفقراء و المساكين)...وعندهم اموال و صدقات وزكاة؟؟؟
اها الشرائح دي موش ...
ياهم الناس البسطاء و اللافحة وجوهم النار و الكاسرة ضهورهم. الشوالات
الناس التعبانة و الشقيانة, و العرقها يشر و يخر...و بطونها التصقت مع ظهورها من شدة الجوعة و الحوجة الي فتات الخبز!!!!!!
المفروض..الاموال والاعانة حسب (الدين و الشرع)...
تصلهم في بيوتهم!!!!!!!!
لكن ما عارف ده ياتو دين و ياتو شرع ...الشغالين بيه؟؟؟
وبعدين وين كان (الدين و الشرع) طوال 20 سنة؟؟
وين كان ايام الجبروت...و بطش العسكر؟؟
وين كان من مساسقة ناس المحليات..لسستات الشاي؟؟
وناس الورنيش؟؟
والباعة المتجولين؟؟
وين (الدين و الشرع)..وليه ما اصدر فتوي بضرورة ايجاد فرص عمل و وتوظيف للعطالة من الخرجين و اصحاب المهن الحرة؟؟
ليه اصدرو بيان..بمراعاة كبار السن من النساء البائعات...ستات الشاي و الكسرة و الطواقي؟؟
....؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟
وغيره و غيره؟؟
وين من 20 سنــــــــــــــــــــــــــــــة
_______
ويانا ح تكركب الاضقال و ترجف(الاوصال)..............
وفوق يا كريم
| |
|
|
|
|
|
|
|
|
|
Re: عندما كركبت الاضقال الانقاذية صارت (الكشة) رجسا من عمل الشيطان...!!! (Re: سلمى الشيخ سلامة)
|
Quote: يا كيكى ازيك
اطرف حاجة لمن مشيت الشهر الفات لزواج عزوز
لقيت ليك الموية شغالة بدون مساعدة من الموتور
فقلت فى سرى لاهل الانتخابات شؤون
يا حبيب
الدعاية الانتخابية بتاعة ناس الحكومة على راس كل عشرة دقائق فى الاذاعة
خليهم يردحو لكن الثورة قادمة باذن الواحد القهار |
هلا والف سلام لام العروس...
والناس ديل مسكتهم (ام هلا هلا) الانتخابات وفتحو الابواب لكنوز هذا الشعب من ماء وكهرباء وعدم كشة
وكل الاشياء التي اعتقلوها قاموا الان يا سلمي وطلعوها لكي تساهم في عودتهم مرة اخري للحكم
ولكن وووووووووووين فالناس واعية وتدري كل الالاعيب والبلبصة الكيزانية التي هي باذن الله الي زوال
وتحياتي يا سلمي واشواقي الحارة شديد
| |
|
|
|
|
|
|
|
|
|
Re: عندما كركبت الاضقال الانقاذية صارت (الكشة) رجسا من عمل الشيطان...!!! (Re: عبدالكريم الامين احمد)
|
الاخ عبدالكريم الامين احمد
حيثيات كلام الوالى ما غريبة ابدا فالمنهج انو الكشات لا تحقق اى ارباح ، شوية كبابى و شوية سكر و كفتيره ..
لكن
لما تعمل كام شركة تبيع ليهم ترابيز نيكل و بنابر من خشب الزان و معاها خط تلفون تجارى من زين .. و ممكن كاميرا بولاريد و ما بعيد مكنة تصوير توشيبا .. و محتمل جدا .. تلفزيون و دى فى دى بلاير ..
و مريلة من بيت المرايل العالمى ،
ممكن يطلعوا ليك دهب .. المسألة مسألة حساب .. و الراجل ذكى و من جاور السعيد يسعد .. انتهى المتعافى و الكودة بالمواقف .. و الجديد شديد .. لم يترك له المتعافى إلا ستات الشاى .. قسم !!
أما ثالثة الاثافى .. ان الخريجين اصبحوا فئة كالمشردين و ستات الشاى .. تهتم بهم الرعاية الاجتماعية ، و يبدو انهم من يئسهم من الوظائف اصبحوا يهيمون فى ارض الخرطوم الواسعة . مما جعل الدمع يطفر من عين الوالى .. و هاك يا خطط و برامج ..
أما اطفال المايقوما . فقد فاته فى خضم التصريحات وضع خطة لهم ..
| |
|
|
|
|
|
|
|
|
|
Re: عندما كركبت الاضقال الانقاذية صارت (الكشة) رجسا من عمل الشيطان...!!! (Re: اسعد الريفى)
|
Quote: أما ثالثة الاثافى .. ان الخريجين اصبحوا فئة كالمشردين و ستات الشاى .. تهتم بهم الرعاية الاجتماعية ، و يبدو انهم من يئسهم من الوظائف اصبحوا يهيمون فى ارض الخرطوم الواسعة . مما جعل الدمع يطفر من عين الوالى .. و هاك يا خطط و برامج ..
أما اطفال المايقوما . فقد فاته فى خضم التصريحات وضع خطة لهم .. |
هلا يا ابو السعود
وهذا زمان المهازل يا اسعد الانقاذية..
وفي كل الجنبات هنالك خلل وامر عالي التعقيد وقطاع كبير من هذا الشعب بعيدا عن تسخير موارد بلاده
في حلحلة مشاكله النوعية والفئوية..
خريجين _ستات شاي... واطفال المايقوما والمشرديين وعيييييك
كل جغرافيا السودان تئن من احمال الظلم والضياع الي حملتها تلك العشرون عاما العجاف
| |
|
|
|
|
|
|
|
|
|
Re: عندما كركبت الاضقال الانقاذية صارت (الكشة) رجسا من عمل الشيطان...!!! (Re: عبدالكريم الامين احمد)
|
الان (12/مارس/2010) وانا استمع لخطاب المرشح الاخ (عمر البشير) وهو يقري السلام لاهل المناقل والشكينبه قائلا:
ستركبون بدل الحمير عربات
وكل من يزرع حيحصد سمين الزرع
نحن لانركع لغير الله
لما امريكا رفضت تدينا القمح وقالت لينا اركعوا
سبحان الله كلام سمج ممجوج وبدل( الحمار عربه) وهذه الارض الزراعيه المعطاء تستجدي امريكا التي تساومها علي عزريه دينها بفجور القمح
بلا خجله رفضنا (نستورد) تحتها الف خط عشان نحنا مابنركع لغير الله
ياخوفي وياوجلي ان تكركب الاضقال الانقاذيه ويصير الذي نخشي
اظرف شئ الكاميرا فوكس علي احدي النساء وهي تضحك بحركه من يديها علي فمها دلاله الكذب
| |
|
|
|
|
|
|
|
|
|
Re: عندما كركبت الاضقال الانقاذية صارت (الكشة) رجسا من عمل الشيطان...!!! (Re: اسعد الريفى)
|
و فى غضون ساعات .. هلت التباشير
«300» هدية لستات الشاي بأمدرمان
أمدرمان:كباشي
واقع تنظيمي جديد أعلن عنه ونفذه أمس والي الخرطوم دكتور عبدالرحمن الخضر«لستات الشاي» بمدينة أمدرمان وسط حشد من المسؤولين والمستفيدات فقد منح الوالي مجموعة من المظلات وأدوات صنع الشاي لنحو«300» بائعة شاي في إطار تعميم هذه الخدمة التنظيمية لولاية الخرطوم لتشمل «10.000» بائعة شاي. وخلال حفل التسليم أمس أعلنت الوزيرة أميرة الفاضل عن أملها في مواصلة مثل هذه المشاريع التنظيمية والإنسانية مشيرة إلى أن وزارتها ستكون مرجعاً لحل المشاكل المتعلقة ببائعات الشاي وغيرهن. الوطن العدد رقم: 2406
2010-02-17
| |
|
|
|
|
|
|
|
|
|
Re: عندما كركبت الاضقال الانقاذية صارت (الكشة) رجسا من عمل الشيطان...!!! (Re: عبدالكريم الامين احمد)
|
| Quote: فكيف بنا ان نستوعب بان الكشات والمطاردات للباعة والبائعين والباعات المتجولات والمتجولين في طرقات واطراف الاسواق قد صار ما بين ليلة وضحاها امر عدم كشتهم امر رباني يوحي الي بني كوز ذات نوبة من نوبات الضقل الذي كركب....!!! |
هلا هلا يا باشمهندس كيكي
امس لمن شفتا الخبر دا مطروح في المنبر كبشرى سارة
ودعاية إنتخابية علقتا إنو الدين بتاع الكيزان دا
فات حد اللدونة موش حد المرونة
كيف تصبح الكشة لبائعات الشاي و الكسرة و العصيدة و الفول و التسالي
بين ليلة و ضحاها من كونها واجب رباني يستوجب سحل و قتل ستات
الشاي كما حدث مع المسكينة نادية و بائع المناديل نصر الدين
الى عمل محرم شرعاٌ بنص الدين ؟!!
ما عارف إتذكرتا ليه الحاجة نبرة والدة مجدي الاعدموهو بتهمت حيازة
العملة ، ثم عادوا وفتحوا الصرافات لبيع العملة عادي !!!
يعني لو كان والي الخرطوم قال مثلاً سنمنع الكشات لأن هؤلاء
النساء و المهمشين مساكين و ينبغي أن لا يعاملوا بهذه الطريقة
المهينة القاتلة كان بلعناها و قلنا الرجل ثاب إلى رشده
لكن الغريب التوظيف - غير الرشيد - للدين في السياسة دا
قال هي ((حرام شرعاً)) !!!!!!!!!!!!!!!!!!!!!
مالذي استجد - دينياٌ - بين الامس و اليوم لتصبح الكشة
ما بين ليلة و ضحاها حرام شرعاٌ ؟!!
فالمكشوشون ستات الشاي و الباعة الجائلون هم هم لا يتغيرون
و الكشاشون عساكر الظلم و القهر هم هم لا يتغيرون
فكيف بظرف متغير سياسي كالإنتخابات مثلاً
يغير من ثوابت احكام دينية تدخل في باب
التحريم و التحليل بدون أي تغير يذكر في معطيات
المشهد المأساوي للكشة و شخوصها ؟!!!
مالم يكن الأمر امر دنيا
وليس أمر دين
تحياتي
| |
|
|
|
|
|
|
|
|
|
Re: عندما كركبت الاضقال الانقاذية صارت (الكشة) رجسا من عمل الشيطان...!!! (Re: حاتم علي)
|
سلام ياكيكي
عشورن عاما والكشة وريعها (عائدها) مصدرا مقدرا من مصادر تمويل حكومتنا اللا رشيدة ، لها شيدت المحاكم الخاصة وتم تعيين قضاة (رساليين) جديد لنج من القطينة للخيمة ، وتم تجيش البوليس ، والشرطة الشعبية ، يستأجروا اللواري والباكسي ، وكل عضو لجنة شعبية يحدد المكان الدسم والزمان المناسب ، وتتحرك اللواري والباكسي ليتم القبض على ( الصيد) الثمين ، شيء كارو حمار مع الحمار براميل وشيء صاجات ، وبنابر ، وقدور وحلل وصناديق ببسي ، ناس دوم ونبق وفول ولالوب وفواكه كل شي له قيمة ... تتم المحاكمات الإيجازية على استمارة لا تحتوي الكثير من المعلومات سوى الاسم العمر السكن ، العمل ، وسطرين عن مخالفة الآوامر المحلية ، وعقوبة من جملتين عاجلة النفاذ غير قابلة للاستئناف ، الغرامة وبعدم الدفع السجن والجلد الفوري ... والقروش تذهب للولاية بالشوالات شوف عين ياكيكي ، والولاية تقسم مع القضائية .. بعد شهر تباع الغنائم بالمزاد ويعاد تدويرها لنفس الشرائح ، وياسلام لو كانت كشة خمور بلدية ... اقسم بالله ياكيكي سنة 1992 م قاض بخيمة أمبدة النظام العام حكم واحدة في خمور بلدية بمصادرة المنزل وتسليمه للاتحاد العام للطلاب ولاية الخرطوم ؟؟؟؟
الآن فقط كركب ضقلها وأصبحت الكشات رجس من عمل الشيطان ... يتقربون لله بكل شيء ، عليهم اللعنة ليوم الدين
فتك بعافية
الشفيع ابراهيم
| |
|
|
|
|
|
|
|
|
|
Re: عندما كركبت الاضقال الانقاذية صارت (الكشة) رجسا من عمل الشيطان...!!! (Re: Alshafea Ibrahim)
|
Quote: اقسم بالله ياكيكي سنة 1992 م قاض بخيمة أمبدة النظام العام حكم واحدة في خمور بلدية بمصادرة المنزل وتسليمه للاتحاد العام للطلاب ولاية الخرطوم ؟؟؟؟
|
هلا يا الشفيغ وحبابك في مدارات الاضقال الانقاذية التي كركبت واصبحت تهدينا يوماتي دهشة وحيرة في كيفية ممارسة الدجل والمتاجرة بالاديان علي ارقي اصولها..
وفعلا يا الشفيع لقد كان الكشات عوالم و ومهرجان كبير للبلطجية الانقاذيين علي كل مستوياتهنم
ومن عرق جبين هولا الفقراء تم ابشع الجرائم ...والان بكل دم بارد ياتون ويبصقون علي تاريخهم الكشي المغيت هذا....وكان من تمت في حقهم هذا المجاذر الرزقية كانو دمي واصنام وفيران لتجاربهم الفاشلة الرعديدة
وكل التحايا والتقدير
| |
|
|
|
|
|
|
|
|
|
Re: عندما كركبت الاضقال الانقاذية صارت (الكشة) رجسا من عمل الشيطان...!!! (Re: حاتم علي)
|
Quote: فكيف بظرف متغير سياسي كالإنتخابات مثلاً
يغير من ثوابت احكام دينية تدخل في باب
التحريم و التحليل بدون أي تغير يذكر في معطيات
المشهد المأساوي للكشة و شخوصها ؟!!! |
هلا يا حاتم
ودي فعلا الفجيعة والازمة والدين اصبحت اشيائه تتبدل ما بين ليلة وضحاها
وكل شي لله..
فكما كانت الجكة الشهيرة تلك لله والكشات لله
اصبحت اللاكشات ايضا امر رباني وتاصيلي وربط لقيم السماء للارض...
قمة الاستهبال والاستخفاف والحرامية الدينية في اسطع انواعها
| |
|
|
|
|
|
|
|
|
|
Re: عندما كركبت الاضقال الانقاذية صارت (الكشة) رجسا من عمل الشيطان...!!! (Re: عبدالكريم الامين احمد)
|
الزعيم كيكي
تحياتي
| Quote: أعلن طه خلال الحشد الجماهيري انطلاقة الحملة الانتخابية لمرشحي المؤتمر الوطني بالولاية ، وقال أن موسم الانتخابات يمثل عهداً جديداً لإعادة ترتيب البيت السوداني وإدارة شئونه وحث مواطني الجزيرة باختيار القوى الأمين الذي يتقدم الصفوف ، مشيراً إلي أن المؤتمر الوطني قدم لكم البشير رمزاً للرجل المقتحم فهو قحام للصفوف وسيف عند الخطوب ومقدام ولا يخاف فى الحق لومة لائم . |
و شوف عمك طه مشي لناس ولاية الجزيرة، لتدشين حملة المؤتمر الانتخابية، و صحي الاختشو ماتوا
بعد ما لحقوا مشروع الجزيرة أمهات طه، و شردوا مزارعيه، و باعوا و سرقوا السكة حديد، حديدة حديدة،
و فلنكة فلنكة، الجماعة دايرين يتكلموا في شنو ما عارف.
| |
|
|
|
|
|
|
|
|
|
Re: عندما كركبت الاضقال الانقاذية صارت (الكشة) رجسا من عمل الشيطان...!!! (Re: سعد مدني)
|
Quote:
و شوف عمك طه مشي لناس ولاية الجزيرة، لتدشين حملة المؤتمر الانتخابية، و صحي الاختشو ماتوا
بعد ما لحقوا مشروع الجزيرة أمهات طه، و شردوا مزارعيه، و باعوا و سرقوا السكة حديد، حديدة حديدة،
و فلنكة فلنكة، الجماعة دايرين يتكلموا في شنو ما عارف. |
هلا ياسعد
وتحياتي...
ولاحظ معاي عودة اللغة الاستهبالية كالقوي الامين والرائد الذي لايكذب اهله
وكل تلك اللغة التي دورت في راس البلاد والعباد سنين طويلة ثم عادت الامور الي نقطة التمزق والشتات
والانهيار التام والمطالبة بالضابط السابق عمر البشير في لاهاااااي..
وطه لسع يحاول ان يجدا له مساحات تتيح له لفلفة ولولوة روؤس الشعب حتي ينجو بجلده هو وحاشيته
من العقاب والمحاسبة وانهيار دولة القبضة الانقاذية...
ولكن كلو ما بنفع فالشعب دري وعلم جيدا اين تقف الانقاذ واين يقفون
| |
|
|
|
|
|
|
|
|
|
Re: عندما كركبت الاضقال الانقاذية صارت (الكشة) رجسا من عمل الشيطان...!!! (Re: عبدالكريم الامين احمد)
|
كنا قد تنبانا قبل ان تكركب الاضقال بالاتي..
قد يفعلها ابودقن ويقتل جذوة الكفاح والعمل الشريف في دواخل هؤلا النسوة ويهزمهم بالتامر مع هذا الزمن القاسي.. قد يفعلها مثلما قتل الالوف في دارفور والشرق والجنوب وجبال النوبة والانقسنا والسجون الخفاشية في بيوت الاشباح..وقد تضاف جريمة اخري في حق هذا النسيج الذي تاكل وذلك الوطن الذي تصدع في كل اشيائه حتي في رزق فقرائه..وقد نري التبشر ببديل ياتي به في روق مصقول يحملنه نساء فارهات يرتدين ازياء التاصيل الكاذب وقد ينطق التلفاز بان لا ست شاي بعد يوم ستكون محرومة ولا نستبعد ان ياتي بحواء ليمونة مقنعة ولابسة احدث انواع الثياب ومتعطرة بارقي العطور تاتي لكي تحدث الناس في التلفاز عن تجربتها مع مشروع الولاية الجديد الذي حولها من ست شاي فقيرة رعديدة الي (نعومي كامبل) او (مادونا) او (ديانا اسنبسر)....!!
كل ذلك وراد في زمن التية والصمت الاخرس والرجال والنساء يساقن الي مقصلة القتل البطي والاحلال..!!
وعقل المدينة السري والعلني سيعلن حسب حركة النفس البشرية عندما يهزمها القهر سيعلن التاريخ وعلم الاجتماع وعلوم النفس النفس البشريات خروج موجات من الشريفات المكافحات الي طريق الضلال والموموسة والمبيت في احضان الجياع البشرية التي تستغل حوجة الضعفاء....!!
وسنعلن باننا جيلا كاملا انهزم في الدفاع علي فقرائه في المدن بالتشريد والضياع وفي الفيافي بالقتل والسحل والتجويع..وسيكون علينا السلام... وعلي الارض السلام....!!
| |
|
|
|
|
|
|
|
|
|
Re: عندما كركبت الاضقال الانقاذية صارت (الكشة) رجسا من عمل الشيطان...!!! (Re: عبدالكريم الامين احمد)
|
خلاص يا ابو دقن رست وبقت علي ستات الشاي...؟؟
خلاص تكون لك سطوة التكمين...وقنعت من شيلة شنطتك البكرت (ان مكناكم في الارض)..!!
ولبست شالك العجيب وجيت تتضاحط عاوزة تلحق ستات الشاي غنم زهرة...!!!
خلاص انتهيت من امريكا وروسيا قد دنا عذابها وقبلت علي عشة صابونة..
خلاص انتهينا من كفاوي وبلاوي غلغة دول الجوار وكتلنا حسني مبارك وقبلنا علي تونة الحلبية..
خلاص قبقبنا ادريس دبي وجبنا حي وقبلت علي تومة القرعانية تدفق شاهيها....؟؟
خلاص ارهبت اسياسي افورقي وملس زيناوي وقبلت علي ستات الشاي الحبشات الطابور الخامس في ازقة الديم والجريف...خلاص يعني...!!
خلاص يعني حفرت كنانة والرهد بالكدنكات وقبقت بنات الصعيد الجن لمن الحرب ولعت وسكنن كراكير البندر
وكراتينها وركبن الكفتيرا...
خلاص صلحت الطيارات البتقع زي القمري الضاربو شمس وقبلت علي ستات الشاي بدعوي انهن ايضا طيارات
تريد تصليح اوضاعهن..!!
خلاص طقطقت خليل الجاء نابل بالاندكروزرات وسكتت مناوي وطقطت عبدالواحد وجيشه صار لا واحد
خلاص يا فردة يا ابو دقن حليت مشاكل الخرخرة والحنبكة مع الشريك وسكتت باقان اموم وحليت قضية ابيي
ولا خلاص العقلية الدقينة القانونية طلعت قرارات اوكامبو سمسم في شيك ومافي تسليم وكل القوي السودان جوووه..!!
ديل يا دقنك مظلومات...مسحوقات بعضهن بكل الديانات مصليات ودعوة المظلوم هي من تقهر وتخسف الارض
بالظالمين...فاحذر ثم احذر دعوة المظلوم علي بلاطك....!!!
| |
|
|
|
|
|
|
|
|
|
Re: عندما كركبت الاضقال الانقاذية صارت (الكشة) رجسا من عمل الشيطان...!!! (Re: عبدالكريم الامين احمد)
|
جابت ليها كشات ستات شاي كمان يا كيزان......!!!
تساكك يا ابودقن في الناس الغبش...!!
تساكك في الطرف تساكك في الخجانين..!!
تساكك في المدن....!!
ده الفضل في مساككة ومرازة الشعب الفضل...ده الفضل في العمايل السوداء الشفناها في زمنك
ده في الفضل يا مجيرمة في خطط التمزيق والتقطيع والتشريد
ودفر الناس دفر لمعصية الرب
دفر الناس دفر لمد اليد
والتسول في الطرقات
دفر الناس دفر للاحباط والاكتئاب والانتحار
والموت البطي
وكل سبل الاجرام تفنن هؤلا الناس في تنفبذها وبكل دم بارد
واها الليلة هفت ورفت وبقت علي ستات الشاي...النسوان القررن يركبن الكفتيرا عشان العيال تقراء
في زمن صارت القراية بالشي الفلاني والمدارس بمشوهم الناس الليها مقدرة...
ركبن الكفتيرا عشان العيال تتعالج من الملاريا في زمن صارت فيه الملاريا لا تعالجها مستشفي حكومية الا بالشي الفلاني
ركبن الكفتيرا ونار الهجير ومعاكسات الذئاب عشان العيال العرايا تلبس وتنوم قفا زيها وزي الناس....!!
من وين تجي القروش لزولة زوجها لا يجد عمل ويجلس الليالي الطوال في فرندات السوق العربي وويصقع الجرة
وفي محلو اشتغلو صيييييييين عيونهم صغار وبنغال مماسيخ ...!!
من وين تجي القروش لزولة راجلها او اخوها ابوها اترفد لانو ما عنو دقن ولا يجيد التهليل والتكبير الكاذب
ولايجيد رفع سبابته عندمايمر سلطان ..
من وين تجي القروش لزولة راجلها مات في الحروب و الحروبات الكثيرة الولعتها نار منقد في كل طرف من البلد
من وين تجي القروش لست الشاي قووول لييييييي..يا ابو الدقن يا المصيرك السجن..؟؟؟؟
من وين تجي القروش والقروش شالهم ابودقن يشتري السلاح ويضرب لفت ورايت في اهل ست الشاي في كل الاركان الاربعة
من وين تجي القروش لست الشاي يا ابو دقن...؟؟؟
وانت مكنكش فيها بخشمك وبي دقنك ...!!
تبني في العمارات وتهدم...تركب في العربات السمحة وتغيير تعرس في الحروم النضاف مثني وثلاثة ورباع...!!!!
جيت باسم الدين...!!
قاعد باسم الدين...!!
طلعت دين الدين...!!
والدين ينصر الفقراء
وست الشاي اكبر فقير..
ناس عوضية وفوزية وعشة ورجينا والتومة وزينب بت خوجلي والرضية وحليوة... ديل بنات البلد
حروم البلد
عمق البلد...!!
ولمن البلد اتنهبت واتشالت مورادها وما لقن سلطانا وجيع..
ركبن الهجير ركبن الخيار الصعب...!!!
وخلو ليك الجمل بما حمل تنهب تسرق تلطش...تسوي السبعة وزمتها...!!!
لا لقن قراية
لا لقن محو امية
لا لقن رعاية من سلطان
لا لقن علاج من مرض
كسوة من عري
لا لقن حماية من امن
دروة من مطرة...!!
لا لقن خور ينقل موية الخريف البتجيب باعوض البتجيب ملاريا....!!!
| |
|
|
|
|
|
|
|
|
|
Re: عندما كركبت الاضقال الانقاذية صارت (الكشة) رجسا من عمل الشيطان...!!! (Re: عبدالكريم الامين احمد)
|
Quote: الان (12/مارس/2010) وانا استمع لخطاب المرشح الاخ (عمر البشير) وهو يقري السلام لاهل المناقل والشكينبه قائلا:
ستركبون بدل الحمير عربات
وكل من يزرع حيحصد سمين الزرع
نحن لانركع لغير الله
لما امريكا رفضت تدينا القمح وقالت لينا اركعوا
سبحان الله كلام سمج ممجوج وبدل( الحمار عربه) وهذه الارض الزراعيه المعطاء تستجدي امريكا التي تساومها علي عزريه دينها بفجور القمح
بلا خجله رفضنا (نستورد) تحتها الف خط عشان نحنا مابنركع لغير الله
ياخوفي وياوجلي ان تكركب الاضقال الانقاذيه ويصير الذي نخشي
اظرف شئ الكاميرا فوكس علي احدي النساء وهي تضحك بحركه من يديها علي فمها دلاله الكذب |
هلا يامحمد
وده موسم الكضوبات وبيع الترماي ومحاولة خم الشعب السوداني..
وبسزاجة عالية تحول المواطن فجاة كده من حمارة الي عربية..
قمة الاستهبال والاستخفاف بالشعب ..
والناس الليلة بتكون ماتت بالضحك من كضوبات زولي ده
| |
|
|
|
|
|
|
|
|
|
Re: عندما كركبت الاضقال الانقاذية صارت (الكشة) رجسا من عمل الشيطان...!!! (Re: عبدالكريم الامين احمد)
|
طبعا يا كيكي عبدالرحمن الخضر عامل فيها رسول اخر الزمان اخر تصريحاته المضحكة
(كيف نقابل ربنا يوم القيامة اذا حكم عرمان السودان)
طبعا الايام دي في ردة روحانية تلبست الكيزان بقوا يذكروا انو في الله وانو في قيامة انو الكشة رجس من عمل الشيطان
الجماعة الايام دي ابليس متمحن فيهم وخاتي الخمسة فوق الاتنين
يا ربي ديل مانسي زاتهم ولا نزل ليهم وحي جديد
الناس دي ما عايزة تفهم انو الوكاويك الدينية(دي جميع واك واك جا بي وراك) الناس زمان كشفت لعبتها
الناس اكلوا منه لما جاتهم انيميا وبقت ما بتقسم
اما كبير الراقصين بالمعبد الكهنوتي قال عندو دوا لناس الشربة اي والله عندو دوا
طيب يا اخانا الذي اتيت بالجبخانة عشرين سنة ولم ينقص رواد الصهباء بل زادوا ما داويتهم مالك ؟
كل يوم يثبت لي ان نفياشا جابت ضقلهم مكركبا وله عجيج و ضجيج
| |
|
|
|
|
|
|
|
|
|
Re: عندما كركبت الاضقال الانقاذية صارت (الكشة) رجسا من عمل الشيطان...!!! (Re: محمد إبراهيم علي)
|
| Quote: كيف نقابل ربنا يوم القيامة اذا حكم عرمان السودان |
هلا يا ود ابراهيم..
وبالله شوف جنس الفكر والفقه والكلام الفارغ العجيب ده...
زول حكومتو قتلت ...ماخاف من الله
حكومتو افسدت في الارض ما خاف من الله
حكومتو مزق وطن اربا اربا وبرضو ما خاف من الله...
داير يخاف من الله فقط عندما تقلع منه السلطة عبر الصندوق
تقلع منه الية القتل والعذاب والفساد..
فهم ياخي انتهازي وسطحي ومحاولة لاستقطاب الوعي الشعبي عبر لولوة الدين
وكسر رقبته لخدمة اغراضهم المدمرة...
والله ده احسن تصريح فاارغ في العالم
ومفروض يدرس في الجامعات كنموذج لاستغلال الدين في السياسة
| |
|
|
|
|
|
|
| |
عبدالكريم الامين احمد
Mustafa Mahmoud
هواري نمر
سلمى الشيخ سلامة
اسعد الريفى
محمد حسن محمد
حاتم علي
د.يوسف محمد طاهر
محمد عبدالرحمن
حليمة محمد عبد الرحمن
سعد مدني
محمد إبراهيم علي
فتحي الصديق
فيس بوك
تويتر
انستقرام
يوتيوب
بنتيريست